Hezekiyele

5 “Mara wene morwayi wa motho, titseyele sabola ya go galefa o yi berekise nkare ke legare la motho wa go hluba moriri. Hluba moriri wago le makgakga yago, ke mokane o tseye dikala o kale moriri wone fote o wo yahluganye ka dikopakopa. 2 Mo go fela matšatši ya gore mutši wo dukulugediwe,+ o nyoko tšhuba sekopa sa mathomo mollong ka teng ga mutši. Ke mokane o nyoko tseya sekopa se sengwana wa se kupelela ka sabola go dukulugela mutši,+ sekopa sa mafelelo o nyoko se lisetsa se rwala ke moya, fote ke nyoko ntsha sabola ka ba lelekisa.+

3 “Di nyaka o ntshenyana wo monyana ga sekopa sa mafelelo o wo phutele ka kobo yago. 4 O tseyenyana wo mongwana fote o wo bošele mone mollong, o wo tšhube. Mollo wowa wo nyoko segelela ba ntlo ya Israyele ka mokana ga bona.+

5 “Tsowa ke tso di hlayang ke Jehova Morena wa Malenghelengheng: ‘Yowa ke Jerusalema. Ke yi beyye gare ga ditšhaba, fote yi dukulugele ke dinaga. 6 Mara a ya latelela mekgwa yaka ya go yahlula le melawo yaka, dilo tso yi di makang tsa go befa di phala le tso di makang ke ditšhaba le dinaga tso di yi dukulugeleng.+ Ka gore a baa latelela mekgwa yaka ya go yahlula, fote a baa sepela ka melawo yaka.’

7 “Byalo, Jehova Morena wa ku Malenghelengheng o re: ‘Ka taba la gore le hlupa go phala ditšhaba ka mokana ga tsona tso di le dukulugeleng fote a le ya sepela ka melawo yaka kela go latelela mokgwa waka wa go yahlula, mara le latelele mokgwa wa go yahlula wa ditšhaba tso di le dukulugeleng,+ 8 Jehova Morena wa ku Malenghelengheng o re: “Ke nna yewa ke lwa nago wene Jerusalema,+ fote ke nyoko yahlula hone gare gago ditšhaba di kene di lebelele.+ 9 Ke nyoko go maka se sengwana sa gore a ke soko se maka, sa gore nka sa sa tsoga ke se makiye fote, ka taba la dilo ka mokana ga tsona tso o di makang tsa go silikisa.+

10 “‘“Byalo, ho ga lune bopapa ba nyoko ja barwayi ba bona,+ barwayi ba ja bopapa ba bona, fote ke nyoko go yahlula ka boya ka tlalaganya ka mokana ga bona bo ba šeleng ho gago, ba ya mathoko ka mokana ga wona.”’+

11 “Jehova Morena wa ku Malenghelengheng o re: ‘Solanka ke sa phela, le nna nka sa sa le yamogela, nka sa le kwele go baba fote nka sa le kwele lešoko,+ ka taba la gore le thilafatsiye tempele yaka ka medimo ya lune ya go silikisa le ka dilo ka mokana ga tsona tsa go silikisa tso le di makang.+ 12 Sekopa sa mathomo sa batho ba mo mutšing se nyoko bolaya ke malwele ya go bolaya kela sa bolaya ke tlala. Sekopa se sengwana se nyoko bolayiwa ka sabola ka ku tawong ga mutši.+ Ke nyoko tlalaganya sekopa sa mafelelo mathoko ka mokana ga wona ka boya ka ntsha sabola gore ke ba lelekise.+ 13 Nka sa sa kwata fote nka sa sa fufulela ka taba la bona, ke nyoko ba ke kgotsofele.+ Mo ke šele ke fetsiye go ba šupetsa gore ke fufulele ka taba la bona, ba nyoko di tšiba gore nna Jehova ke hlayye gatleletlele gore ke nyaka ba tineyele gaka ke ntoši.+

14 “‘Ke nyoko maka gore o be lešupi fote ka maka gore o be selo sa gore se ya poyilega gare ga ditšhaba tso di go dukulugeleng le ga batho ba gore ba feta ka pata.+ 15 O nyoko ba selo sa gore se ya poyilega le sa go kweriwa,+ o nyoko ba mošupetso ga ditšhaba tso di go dukulugeleng fote di nyoko tšhoga mo ke go yahlula ke boya ke go wolola ke kwatiye fote ke fufulele ka matla. Nna Jehova ke bolabodiye.

16 “‘Mone ga lune ke nyoko romela tlala ya gore yi le hlasela go tshwana le manopa ya mosefo. Mesefo yo ke nyoko yi romelang yi nyoko le bolaya.+ Ke nyoko maka gore tlala yone go be ye kgolo ka matla ka go maka gore le sa sa kraya tsa go ja.+ 17 Ke nyoko romela tlala hone ga lune ka boya ka romela le diphoolwane tsa hlaga tsa go tshosa,+ di nyoko le yamoga bana ba lune. Go nyoko ba le malwele ya go bolaya fote go nyoko falatsiwa madi, tsotsone di nyoko le hlakahlakanya fote ke nyoko le leyela sabola.+ Nna Jehova ke bolabodiye.’”