Tsowa di Hlatolla ke Lluka

17 Ke mokane a re ga malata yage: “A di kgonege gore motho a sa phiriketse ba bangwana. Mara ye di tlang ka yene, o ko tikweleng! 2 Ye a phiriketsang ye mongwana wa bowa ba banyana, di kawone mo ba ka mo tlemelela ka tšhilo ho molaleng ba mmošela lewatleng.+ 3 Le tipasopeneng. Mo wa genu a ka sinya, o mo wolole,+ fote mo a ka tisola, o mo tshwarele.+ 4 Le mo a ka go sinyela ga kašupa ka letšatši fote a boya gago ga kašupa, a re, ‘Ke ya tisola,’ o mo tshwarele.”+

5 Byalo, mapostola ma botsa Morena ma re: “Re yeketsele tumelo.”+ 6 Ke mokane Morena a re: “Hala le na le tumelo ya go lekana le pewu ya mmasetete, ke mo le nyoko botsa mohlare wa bolopi byo bophifadu gore, ‘Šimologa howa, o ye mila ku lewatleng!’ mohlare wone ne wo nyoko le theetsela.+

7 “Ke mang ho ga lune wa gore ho lelata lage le boya mašomong kela madisong a ka le botsang gore, ‘Yakgoswa o tle o je le nna?’ 8 Ayitsano a ka sa re, ‘Tlema faskoti o mmakele tsa go ja tsa ledhina, o nneye go segela ke fetsa go ja le go nwa, ke mokane wene o ko šala o ja le go nwa ka nthago?’ 9 Nje monna yela o nyoko leboga lelata lone ka tso a le butsiyeng gore le mo makele tsona? A ke tshepe. 10 Ka mokgonone, mo le maka tso ba le rommeng gore le di make, le hlaye gore: ‘Re fo ba dibereki tsa go sa re selo. Re makiye tso ne re na re tshwanele go di maka.’”+

11 Mo a kene a ya Jerusalema, ke mo a bhukulela magareng ga Samariya le Galeliya. 12 Fote mo a kena dimitšaneng, lesome la banna ba gore ke mo ba kenne ke bolwele bya go jega dinama bya gore ba re ke lephera ba mmona, mara ba fo yemela ku kgole.+ 13 Ba yahlamela, ba re gage: “Jeso, Thitšere, re kwele go baba!” 14 Mo a ba bona, a re ga bona: “Ariyeneng ga maprista ma le bone.”+ Mo ba kene ba sepela ba fola ka tsela.+ 15 Ka wwoši wa bona mo a bona gore o fodiye, a sologa, a thanaka Modimo a kene a yahlamela. 16 A kgotama mawotong ya Jeso, ke mokane a mo leboga a kene a yisiye hlogo fase. Monna yene ke mo go le Lesamariya.+ 17 Jeso a re: “Go yalafiwwe lesome la bona akere? Byalo bala nkokwane ya bona ba yye kaye? 18 Ayitsano go f’lo sologa monna yewa fela wa setšhaba se sengwana gore a tl’le thanaka Modimo?” 19 Ke mokane a re ga monna yela: “Tlogamela o sepele; tumelo yago yi go yalafiye.”+

20 Mo Mafaraseyi ma mmutsisa gore Mmušo wa Modimo wo tla neng,+ o yitseri ga wona: “Mmušo wa Modimo wo nyoko tla batho ba sa nagana; 21 fote batho ba ka sa re, ‘Ke wowa mowa!’ kela ‘Ke wela hala!’ ka taba la gore Mmušo wa Modimo wo kene wo gona gana howa gare ga lune.”+

22 Ke mokane a re ga malata yage: “Nako ya tla ya gore le nyoko nabela nkare Morwayi wa motho nke a na le lune, mara le ka sa di boni. 23 Fote batho ba nyoko re ga lune, ‘Ke yewa howa!’ kela ‘Ke yela hala!’ Le sa tšwe kela la ba latelela.+ 24 Mo Morwayi wa motho+ a segela, go nyoko fo tshwana le mo legadima le khanyisa ka thoko ye nngwana ya legedimo, go segela ga thoko ye nngwana.+ 25 Mara o tshwanele a hlupegisiwe a boye a phigise ke leloko lowa.+ 26 Go tokegela gana hone, mo Morwayi wa motho+ a tla,+ go nyoko fo tshwana le ka dinako tsa Nnowa: 27 ke mo ba ja, ba nwa, banna ba šadha le basadi ba tseyiwa go segela ka letšatši lo Nnowa a kenneng arekeng ka lona,+ ke mokane Mogogola wa segela, wa ba bolaya ka mokana ga bona.+ 28 Go fo tshwana le ka mokgo di yyeng dya makega ka nakwela ya Llota:+ batho ke mo ba ja, ba nwa, ba reka, ba rekisa, ba gaša fote ba yaga. 29 Mara ka letšatši lo Llota a tšwileng Sodoma ka lona, go yye gwa na mollo le matlapa ya go dura nkare ke magala di tšwa legedimong, ke mokane dya fetsa ka bona ka mokana ga bona.+ 30 Go nyoko fo makega ka mokgonone ka letšatši lo Morwayi wa motho a tlang ka lona.+

31 “Ka letšatši lone, ye a ko bang a le gedimo ga ntlo wa gore dilo tsage di ka teng ga ntlo, a sa phologe a re wa di lata, fote le ye a ko bang a le ku mašomong a sa boyele ga dilo tsa ku nthago. 32 Gopolaneng mosadi wa Llota.+ 33 Ye a nyakang go phonisa lephelo lage o nyoko le loba, mara ye a lobang lephelo lage o nyoko le kraya.+ 34 Ke ya le botsa, bošego byone batho ka babedi ba nyoko ba ba le mpetong ka wwoši; ye mongwana ba nyoko mo tseya mara ye mongwana ba nyoko mo šiya.+ 35 Basadi ka babedi ba nyoko ba ba šila ka lwala; ye mongwana ba nyoko mo tseya mara ye mongwana ba nyoko mo šiya.” 36* ⁠—— 37 Byalo ba re gage: “Kaye Morena?” A re ga bona: “Mo setopo se ko bang se le gona, le dikgwenyepi* di ko ba di kgobakanne gana hone.”+