Tsowa di Hlatolla ke Mareka

1 Ditaba tsa go bafala ka Jeso Kreste, Morwayi wa Modimo di thomisa ka mokgo: 2 Go fo tshwana le ka mokgo Jesaya wa go porofeta a ngwadiyeng, a re: “(Bonaneng! Ke roma motho wa gore o nyoko le kgorela tsela gore a le yete mahlong.)+ 3 Lowa ke lentsu la ye a yahlamelang a le mašahleng a re: ‘Lukisaneng pata ya Jehova!* Wololaneng dipata tsage.’”+ 4 Johane wa go Kolobetsa ke mo a le ku mašahleng a tšhomayela, a botsa batho gore ba kolobetsiwe go šupetsa gore ba sokologiye, gore ba thogo tshwarediwa ga tso ba di sinnyeng.+ 5 Batho ka mokana ga bona ba Jerusalema le Judiya ke mo ba ya gage, a ba kolobetsa Nookeng ya Jorodane, ba bolabola tso ba di sinnyeng ba sa wutetse selo.+ 6 Byalo, Johane ke mo a yapara dikobo tsa go makiwa ka maboya ya kamela fote a tlema lepanta la mokgopa ho masekeng.+ Ke mo a ja ditšiya le mamapo.+ 7 Fote ke mo a tšhomayela a re: “Ye a tlang ka nthago gaka o na le matšhika ya go phala yaka, fote a di ya ntshwanela gore nka mo tlemolla dithapo tsa dimphašane tsage.+ 8 Nna ke le kolobetsiye ka meetši, mara yene o nyoko le kolobetsa ka moya wa go hlawolega.”+

9 Ka matšatši yanane, Jeso a tla gage a tšwa Nazareta ya Galeliya, Johane a mo kolobetsa nookeng ya Jorodane.+ 10 Ka nako yonone mo Jeso a tšwa meetšing, a bona magedimo ma bulega, ke mokane moya wa go hlawolega wa Modimo wa tla gage wo thewoga nkare ke liba.+ 11 Gwa kwagala lentsu le tšwa legedimong le re: “Ke wene Morwayi waka wa gore ke mo nyaka ka matla; ke go yamogele.”+

12 Fote ka nako yonone moya wa Modimo wa hlohletsela Jeso gore a ye ku mašahleng. 13 Go fediye 40 ya matšatši Jeso a kene a le mašahleng, Sathane+ a kene a liketsa go mo phiriketsa. Ke mo a na le diphoolwane tsa hlaga, mara mangeloyi ma kene ma mmerekela.+

14 Byalo mo Johane ba šele ba mo hlahlele jele, Jeso o yye Galeliya+ a tšhomayela ditaba tsa go bafala tsa Modimo,+ 15 a re: “Nako yo yi beyiwweng yi segele, fote Mmušo wa Modimo wo thina. Sokologaneng,+ le tshepeneng ditaba tsa go bafala.”

16 Mo Jeso a kene a sepela ka nthoko ga Lewatle la Galeliya, o bonne Simone le bhuti wage Andreya+ ba kene ba bošela matabane ya bona ka lewatleng,+ ka taba la gore ne ba bereka go loba dihlapi.+ 17 Jeso a re ga bona: “Nšaleneng nthago, ke nyoko maka gore le lobe batho.”+ 18 Ke mokane ba napa ba šiya matabane ya bona ba mo latelela.+ 19 Mo a tloga gana hone, a bona bobhuti ba bangwana ka babedi, Jakobo morwayi wa Zebediya le bhuti wage Johane ba kene ba le sekepeng ba roka matabane ya bona,+ 20 a napa a ba bitsa. Ba šiya papa wa bona Zebediya mola sekepeng a na le dibereki tsage, ke mokane bona ba šala Jeso nthago. 21 Ba ya Kapernawume.

Mo Sabatha yi thomisa, Jeso a napa a ya sinagogeng a thomisa go tšhutisa.+ 22 Fote ke mo ba makatsa nka mokgo ne a tšhutisa ka gona, ka taba la gore ke mo a ba tšhutisa ka matšhika ya go tšwa ga Modimo, a sa tšhutisi go tshwana le bomabhalane.+ 23 Ka nako yonone, hala sinagogeng ke mo go na le monna wa gore ke mo a na le ledimona, a yahlamela a re: 24 “Anthe o nyaka ying wene Jeso wa Lenazareta?+ O tlele go tl’le fetsa ka rune? Ke di tšiba gabutši gore ke wene mang. Ke wene wa go Hlawolega wa gore o romme ke Modimo!”+ 25 Jeso a lakatsa ledimona lela a re: “Kgomolela, o tšwe hone ga motho yene!” 26 Ledimona lela la bošela motho yela fase la mo tšukatšukisa, la yahlamela, ke mokane la tšwa. 27 Byalo, batho ba thomisa go makala, ba bolabola bona beng ba re: “King tsotso? Motho yewa o tšhutisa dilo tsa gore rune a re di tšibi! O na le matšhika ya go raka madimona, fote maa mo theetsela.” 28 Tso a di makiyeng dya yakgoswa di tlala Galeliya ka mokana ga yona.

29 A tloga mone sinagogeng a ya ga bo Simone le Andreya a na le Jakobo le Johane.+ 30 Byalo matsala wa Simone+ ke mo a yetsele ka taba la gore ne a lwala, a fo fisa fisa mmele, ba napa ba botsa Jeso ka yene. 31 Mo a šutela hala thina gage, a mo tshwara ka letsogo a mo tsosa. Ke mokane matsala wa Simone a fola, a thomisa go ba makela tsa go ja.

32 Mo le šele le kgwalele, ba mo leyela batho ba go lwala le ba go hlupa ke madimona;+ 33 batho ka mokana ga bona ba tla ba kgobakana mo monyako. 34 A yalafa ba go tlala ba gore ne ba hlupa ke malwele ya mohlobohlobo,+ a raka le madimona ya go tlala mara ke mo a sa nyake gore madimona yane ma bolabole ka taba la gore ke mo ma tšiba gore ke yene Kreste.*

35 A tsoga go sa le ka phu, go kene go sa fifele, a ya ka tawong, ga poleke ya gore yi thoko nyana, ke mokane a thomisa go rapela gana hone.+ 36 Mara Simone le bo ne a le nabo ba nyakana naye, 37 ba šinya ba mo kraya, ba re gage: “Batho ka mokana ga bona ba nyakana nago.” 38 Mara Jeso a re ga bona: “Koriyeneng go gongwana, ga mitši ya thina, gore ke thogo tšhomayela le gana hone, ka taba la gore ke tso ke tleleng tsona.”+ 39 Ke mokane a ya a tšhomayela disinagogeng tsa bona hala Galeliya ka mokana ga yona, a raka le madimona.+

40 Gwa nyarela monna ye mongwana wa go ba le bolwele bya go jega dinama bya gore ba re ke lephera ke mokane a mo kgotamela a re gage: “Mo o di nyaka, o ka n’yedisa.”+ 41 Jeso a mo kwela go baba, a wolola letsogo lage a mo tikisa, a re gage: “Ke ya nyaka, yela.”+ 42 Motho yela wa go ba le bolwele bya go jega dinama bya gore ba re ke lephera a napa a yela ka nako yonone. 43 Mo motho yene a soko sepela, Jeso a mmotsa di kwagala gore: 44 “O sa botse motho, ariye ga moprista ke mokane o neyele go ya ka mokgo Moše a hlayyeng ka gona+ gore ba thogo di bona gore o yediye.”+ 45 Mara mo monna yene a fetsa go tloga, a thomisa go tlatsa taba yone, sosone sa maka gore Jeso a sa sa kgona go kena hala mutšing, a dula ka tawong ga mutši ga gore a go na batho. Mara ba fo ya mahlong ba tla gage ba tšwa dipolekeng tsa mehlobohlobo.+