Tsowa di Hlatolla ke Johane

4 Mo Morena a di bona gore Mafaraseyi ma di kwelele gore Jeso ke mo a maka malata fote a ma kolobetsa+ go phala Johane⁠— 2 le mo ne ba sa kolobetse ke Jeso ka boyene mara ba kolobetsa ke malata yage⁠— 3 o tlugiye Judiya a ya Galeliya fote. 4 Mara ne di nyaka a fete Samariya. 5 Byalo o segele polekeng ya Samariya yo ba reng ke Sikha, thina le tšhomo ya Jakobo ya gore o yi neyye morwayi wage Josefa.+ 6 Gabutšibutši, sediba sa Jakobo ke mo se le gana hone.+ Byalo, Jeso ke mo a tinwisiye ke leyeto, a dula sedibeng.* Ke mo go le gana hala ga 12 ya motshegare.*

7 Mosadi ye mongwana wa go tšwa Samariya ke mo a tl’le ga meetši. Jeso a re gage: “Nneye ke nwe.” 8 (Ka taba la gore malata yage ke mo ma yye go ye reka tsa go ja ku mutšing.) 9 Byalo mosadi yela wa Lesamariya a re gage: “Ke ntaba o kgopela meetši ho gaka o kene o le Lejuda nna ke le mosadi wa Lesamariya?” (Ka gore Majuda a ma kwane le Masamariya.)+ 10 Jeso a re gage: “Hala o tšiba so Modimo a go neyang sona sa mahala,+ o tšiba le ye a reng gago, ‘Nneye ke nwe,’ nke o mo kgopele fote ke mo a nyoko go neya meetši ya lephelo.”+ 11 Mosadi yela a re ga Jeso: “Morena, a o na le pakete ya go ga meetši fote sediba sowa se ya yisa. Byalo meetši yane yago ya lephelo ma tšwa kaye? 12 Ayitsano wene o phala kokwane wa rune Jakobo wa gore o re šiyele sediba sowa sa gore yene le barwayi bage le dikgomu tsage ba nwile ga sona?” 13 Jeso a re: “Ye mongwana le ye mongwana ye a nwang meetši ga sediba sowa, o nyoko wongwa fote. 14 Ye mongwana le ye mongwana ye a nwang meetši ya ke mo neyang wona, a ka sa sa wongwa,+ mara meetši ya ke mo neyang wona, ma nyoko maka gore a tshwane le hlakase ya gore yi nyuga meetši ya lephelo la go ya go yye.”+ 15 Mosadi yela a re gage: “Morena, nneye meetši yane gore ke sa sa wongwa fote ke sa sa tla ke tl’le ga meetši howa.”

16 Jeso a re gage: “Ariye o ye bitsa monnago le tle howa.” 17 Mosadi yela a re: “A ke na monna.” Jeso a re gage: “Wa resa mo o re, ‘A ke na monna.’ 18 Ka taba la gore ke mo o na le banna kapheta ya bona, le ye o nang naye gana byalo a yi wago. Mone gona o bolabola nnete.” 19 Mosadi yela a re: “Morena, ke ya di bona gore ke wene moporofeta.+ 20 Bokokwane ba rune ke mo ba rapela ga thaba yowa, mara lune le re Jerusalema ke gona mo batho ba tshwaneleng ba rapele gona.”+ 21 Jeso a re gage: “Wene mosadi, ntshepe mo ke go botsa gore go tla nako ya gore le sa sa rapela Papa ga thaba yowa kela Jerusalema. 22 Lune a le tšibi so le se rapelang;+ mara rune re ya tšiba gore re rapela ying, ka taba la gore go phonisiwa go thomisa ka Majuda.+ 23 Mara nako yi ye tla, fote yi šele yi segele, ya gore bo ba rapelang Modimo gabutši ba mo rapele ba kene ba yetetsa ke moya wa go hlawolega fote ba mo rapela tsa mannete. Modimo o nyaka go rapela ke ba mošaga wonone.+ 24 Modimo ke Moya+ fote bo ba mo rapelang ba tshwanele ba mo rapele ba yetetsa ke moya wa go hlawolega fote ba mo rapele ba resa.”+ 25 Mosadi yela a re gage: “Ke ya tšiba gore Mesiya o ye tla, ye ba reng ke Kreste. Mo a segela o nyoko beya dilo ka mokana ga tsona lekgwaying.” 26 Jeso a re gage: “Ke nna yene, ye a bolabolang nago.”+

27 Malata yage ma segela ka nako yonone, fote ke mo ma makele ka taba la gore ke mo a bolabola le mosadi yela. Mara a maa mmutsisa gore, “O nyaka ying ga mosadi yewa?” kela “Ke ntaba o bolabola naye?” 28 Byalo, mosadi yela a šiya pitsa yage ya go ga meetši ke mokane a ya ku mutšing, a segela a botsa batho a re: 29 “Tlanneng le tl’le bona monna ye a mputsiyeng dilo ka mokana ga tsona tso ke di makiyeng. Ayitsano go ka fo ba go le yene Kreste?” 30 Batho ba tloga mone mutšing ba ya ga Jeso.

31 Ka nako yonone, malata yage ke mo ma mo gapeletsa ma re: “Rabi,+ jang.” 32 Mara yene a re ga wona: “Ke na le tsa go ja tsa gore lune a le di tšibi.” 33 Malata yage ma butsisana ma re: “Go na le ye a mo leyeleng tsa go ja?” 34 Jeso a re ga wona: “Tsa go ja tsaka ke go maka tso di nyakang ke ye a nrommeng+ le go fetsa mmereko wage.+ 35 Anthe a yi lune ba gore go šele kanne ya dikgwedi gore go buniwe? Nna ke re ga lune: Lebelelaneng mašomo le bone gore ma šwewufele byang, ma yemele go buniwa.+ 36 Ye a bunang o šele a patediwa, fote o kgobaketsa diyengwa tsa lephelo la go ya go yye gore ye a gašiyeng le ye a bunang ba jabole ggoši.+ 37 Ka gore seyema sowa ke nnete, sa gore: Ye mongwana ke wa go gaša, ye mongwana ke wa go buna. 38 Ke le romme gore le bune dilo tso le sa di berekelang. Ba bangwana ba berekiye ka matla, lune le f’lo kraya ba šele ba fetsiye mmereko.”

39 Masamariya ya go tlala ya mone mutšing ma thomisa go dumela gage ka taba la tso mosadi yela a ba hlayiseleng tsona mo a re: “O mputsiye dilo ka mokana ga tsona tso ke di makiyeng.”+ 40 Byalo mo Masamariya yala ma tla gage, ma mo kgopele gore a dule nawo, ke mokane a fetsa matšatši ka mabedi a duli nawo gana hone. 41 Tsotsone di makiye gore batho ba go tlala ba tshepe ka taba la tso a di hlayyeng, 42 byalo ba re ga mosadi yela: “A re fo tshepa ka taba la tso o re butsiyeng, re tshepa ka gore le rune beng re di kwelele fote re ya di tšiba tsa gore morenewa ke yene a nyoko phonisang lefase.”+

43 Ka nthago ga matšatši yane ka mabedi, a tloga a ya Galeliya. 44 Mara Jeso o hlayye ka boyene mong gore moporofeta a ka sa hlompiwi ga poleke yo a tšwang ga yona.+ 45 Byalo, mo a segela Galeliya, Magaleliya ma mo yamogela ka taba la gore ma bonne dilo ka mokana ga tsona tso a di makiyeng ku monyanyeng wa Jerusalema,+ ka gore le wona ke mo ma le gana mone monyanyeng.+

46 Byalo, a boyela Khana ya Galeliya hala ga gore o tšhentšhiye meetši gore go be wayini,+ gana hone ke mo go na le wa go pasopa kgoši wa gore morwayi wage ke mo a lwala ku Kapernawume. 47 Mo monna yene a di kwelela tsa gore Jeso o tla Galeliya a tšwa Judiya, a ya gage a mo kgopela gore a tle a yalafe morwayi wage ka taba la gore ke mo a le thina le go kgwa. 48 Mara Jeso a re gage: “Le ka sa tshepe mo le sa ro bona dilo tsa go makatsa le mešupetso.”+ 49 Morenela a re gage: “Morena, tlang barena morwayi waka a soko kgwa.” 50 Jeso a re gage: “Ariye; morwayi wago wa phela.”+ Monna yela a tshepa tso Jeso a mmotsang tsona, a tloga. 51 Mo a kene a ya gaye, a gahlana le dibereki tsage dya mmotsa gore morwayi wage wa phela.* 52 Byalo a di butsisa gore o thomisiye go hlakarela neng. Dya re gage: “O fodiye malobana gana hala ga 1 ya ka sethewo.”* 53 Monna yela o napiye a di tšiba gore o fodiye ka nakwela Jeso a mmotsa gore: “Morwayi wago wa phela.”+ Byalo yene le ba mutši wage ba thomisa go dumela ga Jeso. 54 Wowa ke mo go le mošupetso wa mabedi+ wo Jeso a wo makiyeng mo a kena Galeliya a tšwa Judiya.