Tsowa di Hlatolla ke Johane
2 Ke mokane ka letšatši la kararo ke mo go na le mošadho ku Khana ya Galeliya, mmane wa Jeso le yene ke mo a le gona gana hone. 2 Jeso le malata yage le bona ke mo ba ba memme ga mošadho wone.
3 Mo wayini yi šele yi fela, mmane wa Jeso a re gage: “Wayini yi fediye.” 4 Mara Jeso a re gage: “Wene mosadi, byalo nna nago re kena kaye?* Nako yaka a yi soko segela.” 5 Mmane wage a re ga dibereki tsela: “Lune makaneng tso a le botsang tsona.” 6 Byalo, gana hone ke mo go na le kobodi ya mekorotwane ya gore ba tšhela meetši ga yona, meetši ya gona ke mo ba ma berekisa go hlapa matsogo mo ba soko ja go ya ka setšo sa Majuda.+ Mokorotwane ka wwoši ke mo wo rwala gana hala ga 44 kela 66 ya dilitha. 7 Jeso a re ga bona: “Tlatsaneng mekorotwane yowa ka meetši.” Byalo ba yi tlatsa. 8 Ke mokane a re ga bona: “Byalo, ganneng ya mangwana le ma yiseneng ga wa go lawola mošadho.” Ba maka ka mokgonone. 9 Mo yela wa go lawola mošadho a kwa meetši yala ya gore ba ma fetosiye wayini, le mo a sa tšibi gore ma tšwa kaye (dibereki tsela tsona ke mo di tšiba), a bitsa mong wa mošadho, 10 a re gage: “Batho ka mokana ga bona ba thomisa ka go ntsha wayini ya go natefa, ke mokane hala batho ba thomisa go tlayila, ba ntsha ya go fo tikela ku. Wene ke gona o ntshang ya go natefa gana byalo.” 11 Wowa ke mohlolo wa mathomo wo Jeso a wo makiyeng ku Khana ya Galeliya, batho ba thomisa go tšiba gore o na le matšhika,+ le malata yage ma napa ma mo tshepa.
12 Ka nthago ga hone, yene, mmane wage, bobhuti bage+ le malata yage ba ya Kapernawume,+ mara a baa fetsa matšatši ya go tlala ba le mone.
13 Byalo, monyanya wa Paseka+ ya Majuda ke mo wo šele wo šutela, ke mokane Jeso a ya Jerusalema. 14 Mo a segela tempeleng, a kraya ba go rekisa dikgomu, ba go rekisa dinku le ba go rekisa maliba+ fote go na le bomatšhonisa ba duli fase. 15 Byalo mo Jeso a fetsa go maka sebepu, a ntsha dikgomu le dinku tsela ka ku tempeleng ke mokane beng ba tsona ka mokana ga bona ba di šala nthago. A phendulanya ditafola tsa bo ne ba tšhentšhisa tšheleta, a lahlanya le ditšheleta tsa bona.+ 16 Ke mokane a re ga bo ba go rekisa maliba: “Tlosaneng dilo tso tsa lune mo! Lisetsaneng go maka ntlo ya Papaka nkare ke poleke ya go rekisela ga yona!”*+ 17 Malata yage ma gopola tso di ngwadiwweng tsa gore: “Ntlo yago ke kwana nayo ka matla tsa nkare di ro ntšhuba.”+
18 Byalo, mo Majuda ma fetola ma re gage: “Ka gore o šele o maka dilo tsowa, o ka re makela mošupetso wofeng?”+ 19 Jeso a ba fetola a re: “Wisaneng tempele yowa, ke nyoko yi tsosa ka matšatši kararo ya wona.”+ 20 Ke mokane Majuda yala ma re: “Tempele yowa yi yagiwwe ka 46 ya mengwaga, byalo wene o re o nyoko yi tsosa ka matšatši kararo ya wona?” 21 Ke mo a bolabola ka tempele ya mmele wage.+ 22 Mo Jeso a tsusiwa mabitleng, malata yage ma gopola tso ne a di bolabola,+ ma thomisa go tshepa mangwalo le go tshepa tso ke mo a di hlaya.
23 Mara nakwela a le monyanyeng wa Paseka ku Jerusalema, batho ba go tlala ba dumela ga lebitso lage mo ba bona mešupetso yo ne a yi maka. 24 Mara Jeso ke mo a sa ba tshepe tsona, ka taba la gore ke mo a ba tšiba gabutši ka mokana ga bona 25 fote ke mo di sa nyake a butsiwa gore motho o nagana ying, ka taba la gore ke mo a tšiba so se leng ka pelong ya motho.+