Tsowa di Hlatolla ke Johane
20 Ka letšatši la mathomo la beke, Mariya Magdalina a ya ku lebitleng go sa le ka phu,+ mo a segela, a kraya ba tlusiye letlapa lela mone lebitleng.+ 2 A taboga a ya ga Simone Petro le lelata lela le lengwana la gore Jeso ke mo a kwana nalo ka matla,+ a re ga bona: “Ba tlusiye Morena ku lebitleng,+ fote a re tšibi gore ba mmeyye kaye.”
3 Ke mokane Petro le lelata lela ba ya ku lebitleng. 4 Ba taboga ba le ka babedi, mara lelata lela la taboga la šiya Petro la mo tšhanghwela ku lebitleng. 5 Mo le sikela ka ku lebitleng, la bona malapi ya linene ma le ho fase,+ mara la sa kene. 6 Ke mokane Simone Petro a segela ka nthago, a kena ka ku lebitleng. A bona malapi ya linene ma le ho fase. 7 Llapi lo ne le le ho hlogong, ke mo le se šiyo ho fase le malapi ya mangwana, mara ke mo ba le tantetsiye ba le beyye le le ntoši. 8 Lelata lela le lengwana la gore le yakgoswiye le segela hala lebitleng le lona la kena, la di bona ke mokane la tshepa. 9 Ka gore ke mo ba soko kwisisa tso mangwalo ma di hlayang tsa gore o nyoko tsoga mabitleng.+ 10 Byalo malata yala ma boyela mitšing ya wona.
11 Mara Mariya o f’lo šala a yemme hala lebitleng a lla. A sikela ka ku lebitleng a kene a lla, 12 a bona mangeloyi ka mabedi+ ma yapere tse ditšhwewu ma duli mo Jeso ne a yetsele gona, le lengwana le duli ka hlogong ke mokane le lengwana le duli ka ku mawotong. 13 Ma re gage: “O llela ying?” Yene a re: “Ba tsere Morena fote a ke tšibi gore ba mo yisiye kaye.” 14 Mo a fetsa go hlaya tsotsone, a sokologa a bona Jeso a yemme gana hone, mara ke mo a sa tšibi gore ke yene.+ 15 Jeso a re gage: “O llela ying? O nyaka mang?” Mariya ke mo a nagana gore o butsisa ke motho wa go kgora hala mabitleng, a re gage: “Mo nkare o tsere ke wene morenaka, mpotse gore o mo yisiye kaye, nko ya ke mo tseya.” 16 Jeso a re gage: “Mariya!” Mo a sokologa a re gage ka Seheberu: “Rab·bo′ni!” (ya gore yi rela gore “Thitšere!”) 17 Jeso a re gage: “Lisetsa go mmamarela, ka taba la gore a ke soko yinuga ke ya ga Papa. Mara ariye o ye botsa bobhuti baka+ gore, ‘Ke ya ga Papaka+ le ga Papa wa lune, le ga Modimo waka+ le ga Modimo wa lune.’” 18 Mariya Magdalina a ya a botsa malata yala ditaba tsowa, a re: “Ke bonne Morena!” A ba botsa le tso a mmutsiyeng tsona.+
19 Mo letšatši la mathomo la mo bekeng le šele le dikele, malata ke mo ma tikhiyele ka taba la gore ke mo ma tšhaba Majuda, Jeso a nyarela gare ga wona, a re: “Nkare le ka beba.”+ 20 Mo a fetsa go hlaya tsotsone, a ma šupetsa matsogo yage le lehlokoro lage.+ Ke mokane malata yala ma jabola mo ma bona Morena.+ 21 Jeso a re ga wona fote: “Nkare le ka beba.+ Ke le roma+ go fo tshwana le ka mokgo Papa a nrommeng.”+ 22 Mo a fetsa go hlaya tsotsone, a ba butšwelela a re: “Le nyoko kraya moya wa go hlawolega.+ 23 Mo le tshwarela batho tso ba di sinnyeng, ba tshwarediwwe; mara mo le sa ba tshwarele, di ra gore a baa tshwarediwa.”
24 Mara Tomase,+ ye mongwana wa bala 12 ya bona wa gore ke mo ba mmitsa Lefahla, ke mo a se šiyo mo Jeso a tla. 25 Byalo malata ya mangwana ne ma mmotsa gore: “Re bonne Morena!” Mara a re ga wona: “Nka sa tshepe mo nka sa bone matsogo yage mo ne ba mo kokotele gona ka boya ka tšhela monwana waka mo ne ba mo hlabiye gona+ fote nka sa tshepe mo ke sa tšhele letsogo laka ho lehlokorong lage.”
26 Mo go šele go fitiye mabala ya matšatši, malata yala ke mo ma gahlanne ka ntlong fote, le Tomase ke mo a le gona. Jeso a kena ba kene ba khiyye monyako, a yema gare ga bona a re: “Nkare le ka beba.”+ 27 Jeso a re ga Tomase: “Tšhela monwana wago howa, fote o lebelele matsogo yaka o tšhele letsogo lago ho lehlokorong laka, o lisetse go kamaka mara o tshepe.” 28 Tomase mo a fetola a re: “Morenaka le Modimo waka!” 29 Jeso a re gage: “O tshepa ka gore o mponne? Go jabola ba gore ba tshepa le mo ba sa mpona.”
30 Jeso o makiye mehlolo ye mengwana mahlong ga malata yage gore ma nape ma tshepa, mara mehlolo yone a ya ngwadiwa.+ 31 Mara dilo tsowa di ngwadiwwe gore le thogo tshepa gore Jeso ke Kreste le Morwayi wa Modimo, le gore le thogo kraya lephelo ka lebitso lage ka taba la gore le tshepiye.+