Jesaya
14 Ka gore Jehova o nyoko kwela Jakobo go baba,+ o nyoko hlawola Israyele fote.+ O nyoko ba beya ga naga ya bona,+ le ba go tšwa ba sepela ba nyoko ba nabo, fote ba nyoko dula ggoši le ba mutši wa Jakobo.+ 2 Fote batho ba ditšhaba tse dingwana ba nyoko ba tseya ba ba yisa ga poleke ya bona, ba ntlo ya Israyele ba nyoko maka gore batho bowa go be dibereki tsa bona tsa banna le basadi+ ku nageng ya Jehova; ba nyoko tshwara bo ba gore ke mo ba makiye gore go be mabhantiti fote ba nyoko lawola bo ba gore ke mo ba ba gapeletsa gore ba bereke.
3 Ka letšatši lo Jehova a tlosang tso di le kwisang go baba, a tlosa dilo tsa go sasamela a boya a le lokolla bobhantiting,+ 4 le nyoko kwera kgoši ya Bhabhilona la re:
“Ye ne a gapeletsa batho gore ba bereke a ka sa sa di maka!
Nako yage ya go ba gatelela yi fediye!+
5 Jehova o robannye thoka ya batho ba go sa loka,
Thoka ya bo ba go lawola,+
6 O fetsiye ka ye wa gore o bolaya batho a kene a kwatiye,+
Yene wa gore o hlorisa ditšhaba a sa fetsi a kene a kwatiye.+
7 Gana byalo lefase lowa ka mokana ga lona le lokologiye, a go na sa go le šitisa.
Batho baa yahlamela ka taba la gore ba jabodiye.+
8 Le mehlare ya mojunipha* yi jabodiye ka taba la tso yi bonneng di le makegela,
Mehlare ya mesidara ya Lebhanoni le yona yi jabodiye.
Yi re, ‘Go tlugisela hala wene o wa,
A go na motho wa go kupa dikwata wa gore o nyoko re hlasela.’
9 Le mo o kena Lebitleng*
Likgu ke mo le makele mo le go bona
Mo le go bona la tsosa batho ba gore ba hlokofele ba gore a ba na matšhika,
Ka mokana ga bona ba gore ke ba go yeta mahlong ba gore ba gatelela batho lefaseng.
Le maka gore magoši ka mokana ga wona ya ditšhaba ma tlogamele ditulong tsa wona tsa go lawola.
10 Ka mokana ga bona ba re gago,
‘Gabutšibutši le wene a o sa na matšhika
Le wene o fo titshwanela le rune.
O yetsele gedimo ga diboko,
Fote di go kogetsiye nkare ke lepayi.’
12 O wile o tšwa legedimong,
Wene wa go gadima, morwayi wa mo go thomisa go khanya ka bošego!
Ba go lahlele lefaseng,
Wene wa gore o hludiye ditšhaba!+
13 Wene o tiputsiye gore, ‘Ke nyoko yinugela magedimong.+
Setulo saka sa go lawola ke nyoko maka gore se be ka gedimo ga dinanedi tsa Modimo,+
Ke nyoko dula ga thaba ya mogahlano,
Ga dipoleke tsa kgole tsa gore di ka nthoko ya lebowa.+
14 Ke nyoko yinugela gedimo ga maru;
Ke nyoko maka gore ke tshwane le Ye wa ku Malenghelengheng.’
15 Mara tsone di ka sa makege, o nyoko yisiwa fase Lebitleng,*
Ka ku tengteng ga mokoti.
16 Bo ba go bonang ba nyoko go gorolela maahlo;
Ba nyoko tla thina gago gore ba thogo go bona gabutši, ba re,
‘Ayitsano morene ke yene wa gore ne a tekatekisa lefase,
Wa gore o makiye gore memmušo ya go tlala yi hlagasele,+
17 Wa gore o makiye gore lefase lo batho ba dulang ga lona go be nkare ke mašahleng
Fote a hlula le mitši ya lona,+
Wa gore o ganne gore mabhantiti yage ma boyele gaye?’+
18 Magoši ya mangwana ka mokana ga wona ya ditšhaba,
Eya, ka mokana ga wona, ma bolokiwwe ka mokgwa wa go hlompega,
Ye mongwana le ye mongwana o yetsele lebitleng lage.
19 Mara wene ba f’lo go lahla ba sa go makele lebitla,
Go fo tshwana le semilane sa gore ba se hloyye,
O kogetsiye ke ditopo tsa batho ba gore ba ba bolayye ka sabola,
Tsa gore ba di bošele mokoting wa gore wo na le matlapa,
Go tshwana le setopo sa gore ba se gatelannye.
20 Wene o ka sa bolokiwi nabo,
Ka gore o sinyannye naga yago,
O bolayye batho bago.
Mabitso ya bana ba bo ba gore ba maka dilo tsa go sa loka ma ka sa sa gupudiwa.
21 Lukiselela go bolaya barwayi bage
Ka taba la tso bokokwane ba bona ba di sinnyeng,
Gore ba sa be le matšhika ya go lawola lefase
Ke mokane ba tlatsa naga ka mitši ya bona.”
22 Jehova wa masole o re: “Ke nyoko ba hlasela.”+
Jehova o re: “Fote ke nyoko sula lebitso la Bhabhilona, ka fetsa ka batho bo ba šeleng, ka ditlogolwane tsa bona le leloko lo le sa tlang.”+
23 Jehova wa masole o re: “Ke nyoko maka gore Bhabhilona go be poleke ya gore go dula dinooko ya gore fote ke hlakase, ke nyoko napa ke yi suwelanya gwa fela ka yona.”+
24 Jehova wa masole o tshepisiye gore:
“Ka mokgo ne ke polanne ka gona, di nyoko fo makega ka mokgonone,
Ka mokgo ke fetsiyeng ka gona, di nyoko fo makega ka mokgonone.
25 Ke nyoko fetsa ka Asiriya mo nageng yaka,
Fote ke nyoko yi gatelanya dithabeng tsaka.+
Ke nyoko tlosa lejoko lo a ba rwesiyeng lona,
Fote morwalo wo a ba rwesiyeng wona mo magetleng ke nyoko wo tlosa.”+
26 Tsowa ke tso Modimo a fetsiyeng le pelo gore di nyoko makegela lefase ka mokana ga lona,
Fote lowa ke letsogo lage la gore o tikemisele go le berekisa gore a wolole ditšhaba ka mokana ga tsona.
27 Mo Jehova wa masole a segelele sepheto,
Ke mang wa gore a ka se tšhentšha?+
Mo a tikemisele gore a berekise matšhika yage gore a wolole batho,
Ke mang wa gore a ka mo thibela?+
28 Ka mongwaga wo Kgoši Ahazi a yyeng a kgwa ka wona,+ Modimo o hlayye gore:
29 “Lune Mafilisita le sa jabodisi ke gore
Thoka ya ye wa gore o nyoko le hlasela yi robegiye.
Ka gore ga makata ya noga+ go nyoko tšwa noga ya go ba le tšhefu,+
“Ke mokane dibananyana tsa yona, go nyoko napa go ba dinoga tsa gore di loma ka go yakgoswa fote di na le tšhefu.”
30 Bana ba gore batho ba ba tseyela fase ba nyoko ja ba kgora
Fote bo ba go tihlupegela ba nyoko yetsela ba pasopegiye,
Mara batho ba lune ke nyoko ba bolaya ka tlala,
Fote bo ba šeleng gare ga lune ke nyoko ba bolaya.+
31 Gotlaneng, lune batho ba mone digheyiting! Yahlamelaneng, lune ba go dula mone mutšing!
Le nyoko tapega matšhika ka mokana ga lune, lune Mafilisita!
Ka gore go nyoko tla masole ya go tlala ka matla ya go tšwa lebowa,
Ma tshwana le muši fote a go na ya go tshwata mone gare ga wona.”
32 Ba nyoko ba fetola ka mokgwa mang bo ba gore ba ba romme ba go tšwa ditšhabeng?
Ba nyoko ba fetola ba re Jehova o beyye fandhiši ya Siyoni,+
Le gore batho bage ba gore ba ba tseyela fase ba nyoko tšhabela ga yona.