Tsowa di Hlatolla ke Lluka
16 Byalo a re ga malata yage fote: “Ke mo go na le monna ye mongwana wa go ghanya, wa gore ke mo a na le lelata la gore ke mo le yetiye malata ya mangwana mahlong,* la gore mong wa lona ke mo a le sola ka gore le mo sinyela dilo tsage. 2 Mong wa lona a le bitsa a re, ‘Tso ke di kwang ka wene a di njabodisi. Ariye o ye ngwaleng gore o yi berekisiye byang tšheleta yaka, ka taba la gore nka sa sa go dumelela gore o lawole mo gaye gaka.’ 3 Lelata lela la re, ‘Ke nyoko maka byang mara, ka taba la gore mong waka ke yewa o nyoko n’yamoga mmereko waka wa go lawola? Phela a ke na matšhika ya go ye bereka mašomong fote ke tšeba le go tsama ke kgopela. 4 Ehee! Ke ya tšiba gore ke nyoko maka ying gore batho ba n’yamogele mitšing ya bona mo ba nraka.’ 5 A bitsa bo ne ba kolota mong wage, a re ga wa mathomo, ‘Mong waka o mo kolota bokaye?’ 6 A re, ‘Ke mo kolota makgura ya diolivi ya go tlatsa 100 ya dikala tsa mekorotwane.’* Lelata lela la re, ‘Dula fase o sule sekoloto sone, o ngwale 50 ya yona.’ 7 Lelata lela la re ga yela ye mongwana, ‘Wene o mo kolota bokaye?’ A re, ‘Ke mo kolota 100 ya masaka ya korong.’* A re gage, ‘Sula sekoloto sone o ngwale 80 ya wona.’ 8 Le mo lelata lone le sa loka, mong wa lona o le thanakiye ka taba la gore le šupetsiye gore le hlalefiye, ka gore batho ba matšatši yawa ba hlalefiye go phala malata ya Modimo.*+
9 “Fote ke re ga lune: Timakeleneng banghana le berekisa tso le ghannyeng ka tsona tsa ho lefaseng,+ gore ho di fela, ba thogo le yamogela ga dipoleke tsa gore le nyoko phela go ya go yye.+ 10 Motho wa gore wa tshepega ga tse dinyana, le ga tse dikgolo wa tshepega, fote motho wa gore aa loka ga tse dinyana, le ga tse dikgolo aa loka. 11 Byalo, mo le tišupetsa le sa tshepege ga tso le ghannyeng ka tsona tsa lefase lowa, le nyoko tshepa ke mang ga tso tsa go loka? 12 Fote mo le šitegiye go tshepega ga dilo tsa gore a yi tsa lune, le nyoko neya ke mang dilo gore go be tsa lune?+ 13 A le šiyo lelata la gore le ka berekela magoši ka mabedi, ka taba la gore le ka hloya ye mongwana la kwana le ye mongwana, kela la mamarela ye mongwana la nyenya ye mongwana. Le ka sa di kgone go berekela Modimo la boya la nyaka go Ghanya.”+
14 Byalo, Mafaraseyi yala ya go kwana le tšheleta ke mo ma mo theetsele mo a bolabola, ma thomisa go mo tokola ka maahlo.+ 15 A re ga wona: “Mo le le mahlong ga batho le timaka ba go loka,+ mara Modimo o bona tso di leng ka dipelong tsa lune.+ Ka taba la gore tso batho ba di tseyelang gedimo, Modimo di ya mo silikisa mo a di lebelela.+
16 “Molawo le Baporofeta di felele ka Johane. Go tlugisela gana hone, Mmušo wa Modimo wo sabalatsiwa go le ditaba tsa go bafala, batho ba ya mahlong ba karakara ka matla gore ba kene ga wona.+ 17 Ke le botsa nnete gore le mo legedimo le lefase di ka fela, a se šiyo le ka ssoši ga Molawo sa gore se ka sa makege.+
18 “Ye mongwana le ye mongwana ye a hlalang mosadi wage ke mokane a tseya ye mongwana o maka bonghwahla, le ye mongwana le ye mongwana ye a šadhang le mosadi wa gore ba mo hladiye o maka bonghwahla.+
19 “Ke mo go na le monna ye mongwana wa go ghanya, a kwana le go yapara kobo ye phepholo ya linene, letšatši le lengwana le lengwana ke mo a tikwisa ka tšheleta yage. 20 Fote ne go na le ye mongwana wa go tihlupegela ye ba reng ke Lazaro, a kwana le go dula gheyiting ya monna yela wa go ghanya, ho mmeleng ke mo a na le mašopa ya go tlala, 21 ke mo a nabela go ja tso di wang tafoleng ya monna ye wa go ghanya. Le dimpsya ke mo di tla di leka mašopa yage. 22 Mo nako yi kene yi ya, monna yela wa go tihlupegela a hlokofala, mangeloyi ma mo tseya ma mo yisa thoko ga Abhrahama.
“Le monna yela wa go ghanya a hlokofala ke mokane a bolokiwa. 23 Mo a le ka ku lebitleng, a lebelela gedimo a kene a kwa go baba, a bona Abhrahama a le ku kgole a na le Lazaro ka thoko gage. 24 A yahlamela a re, ‘Abhrahama papa, nkwele go baba barena, roma Lazaro a šibe senwana sage ka meetšing a tle a ntimule lleme ka taba la gore ke kwa motšhatšhamelo wa mollo.’ 25 Byalo, Abhrahama a re, ‘Ngwanaka, o libele gore wene ke mo o tikwisa nakwela o sa phela, mara Lazaro yene a tlela ke tsa go baba. Gana byalo yene wa kgomoletsiwa howa, mara wene o kwa go baba. 26 Fote ga tsotsone ka mokana ga tsona, go na le lewope ho gare gago le rune, gore motho ye a leng ka ho ga rune a sa tle ka hone gago, le ye a leng ka hone gago a sa tle ka ho ga rune.’ 27 Ke mokane a re, ‘Mo nkare go ka mokgonone, ke ya go kgopela papa, mo romele ntlong ya papaka, 28 ka taba la gore ke nyaka a pasopise bobhuti baka kapheta ya bona gore ba sa tle ga poleke yo ya motšhatšhamelo.’ 29 Mara Abhrahama a re, ‘Ba na le tso di ngwadiyeng ke Moše le Baporofeta, ba theetsele tsona.’+ 30 Monna yela a re, ‘Awwa Abhrahama papa, mo go ka ya wa gore o tsusiwwe mabitleng ba nyoko sokologa.’ 31 Mara Abhrahama a re, ‘Mo ba sa theetsele tso di ngwadiyeng ke Moše+ le Baporofeta, le ye a tsusiwweng mabitleng ba ka sa mo theetsele.’”