Tsowa di Hlatolla ke Matewu

23 Ke mokane Jeso a bolabola le megoba le malata yage, a re: 2 “Bomabhalane le Mafaraseyi ba timakiye Moše. 3 Byalo, tso ba le botsang tsona le di makeneng fote le di theetsele, mara le sa make tso ba di makang, ka taba la gore ba hlaya dilo mara a ba di make.+ 4 Ba tlemelela merwalo ya go roba ba yi rwesa batho ba bangwana,+ mara bona beng a ba nyake le mong go yi tikisa.+ 5 Mo ba maka dilo ba nyaka gore batho ba ba bone,+ ba titlemelela dibhokisane tsa go ba le mangwalo ka mo teng, bona beng ba tseya nkare ba tipasopa ga dilo tsa go befa,+ fote ba lefisiye le matšhembhutšhembhu ya dikobo tsa bona.+ 6 Ba kwana le ditulo tsa mayemo mo ba le menyanyeng, fote mo ba le disinagogeng ba nyaka go dula ka ku mahlong.+ 7 Ba kwana natso tsa go tamisiwa ho ba le ku mmakete fote ba nyaka gore batho ba re ke bo Rabi.* 8 Mara lune le sa dumele ba re ke lune bo Rabi ka taba la gore Thitšere ya lune nka yyoši,+ lune ka mokana ga lune ke lune bobhuti. 9 Fote le sa bitsi motho wa mo lefaseng le re ke papa, ka taba la gore Papa wa lune nka wwoši,+ ye a leng ku legedimong. 10 Le sa bitsi motho le re ke Wa go Yeta Mahlong, ka taba la gore wa go le yeta mahlong nka wwoši, ke Kreste. 11 Ye a nyakang go ba ye mogolo ga lune a thomise ka go ba lelata la lune.+ 12 Motho wa gore o timaka yene ba nyoko mo tšebisa+ mara motho wa gore wa tinyanafatsa ba nyoko maka gore a hlompege.+

13 “Le ko tikweleng lune bomabhalane le Mafaraseyi, lune ba go timakisa! Ka taba la gore le thibelela batho ba bangwana gore ba sa kene Mmušong wa magedimo, ka gore lune beng a le kene, fote le bo ba gore ba thina le go kena le fo ba thibelela.+ 14* ⁠——

15 “Le ko tikweleng lune bomabhalane le Mafaraseyi, lune ba go timakisa!+ Ka taba la gore le sepelanya ka mokana ga gona gore le make gore motho go be Lejuda, ke mokane mo motho yene go le Lejuda, le maka gore a nape a sinya ka matla go phala lune, gore a thogo yisiwa Ghehena.*

16 “Le ko tikweleng lune ba go yetetsa batho le kene le popele maahlo,+ lune le re, ‘Mo motho a tshepisa ka tempele aa sinyi, mara mo motho a tshepisa ka gholdi ya tempele o tshwanele a make dilo ka mokana ga tsona tso a tshepisang gore o nyoko di maka.’+ 17 Lune diphokophoko le ba go popela maahlo! Anthe se segolo ke sefeng, ke gholdi kela ke tempele yo yi makiyeng gore gholdi yone yi hlawolege? 18 Fote le re, ‘Mo motho a tshepisa ka aletare aa sinyi, mara ye a tshepisang ka sehlabelo so se leng gana hone aletareng, o tshwanele a make ka mokgo a tshepisiyeng.’ 19 Lune ba go popela maahlo! Anthe se segolo ke sefeng, ke sehlabelo kela ke aletare yo yi makiyeng gore sehlabelo sone se nkgele? 20 Byalo, ye a tshepisang ka aletare, o tshepisa ka yona le ka dilo ka mokana ga tsona tso di leng ga yona; 21 le ye a tshepisang ka tempele, aa fo tshepisa ka yona fela, o tshepisa le ka Modimo wa gore tempele yone ke yage;+ 22 le ye a tshepisang ka legedimo, o tshepisa ka setulo sa Modimo sa go lawola fote o tshepisa le ka Ye a dulang ga sona.

23 “Le ko tikweleng lune bomabhalane le Mafaraseyi, lune ba go timakisa! Ka taba la gore mo le leya sa lesome, le leya minti, dhili, le khiyumini,*+ mara a le yisi felo ka dilo tse dikgolo tsa gore di ga Molawo wa Moše; go loka,+ go kwelana go baba+ le go tshepega. Dilo tsowa ke mo di tshwanele gore di makiwe, mara a di rele gore le sa yisi felo ka tse dingwana.+ 24 Lune ba go popela maahlo,+ le tobollwa bošunyane mo bo wele ga tso le di nwang,+ mara le kgwisa kamela!+

25 “Le ko tikweleng lune bomabhalane le Mafaraseyi, lune ba go timakisa! Ka taba la gore le kalakatswa komitši le sitša ka mo tawong,+ mara ka mo teng di f’lo re tswi ka dipawu+ fote le šitega le go titshwara.+ 26 Lune Mafaraseyi ya go popela maahlo, thomisaneng ka go hlatswa dikomitši le ditša tsa lune ka ho teng, gore di thogo yela le ka ho tawong.

27 “Le ko tikweleng lune bomabhalane le Mafaraseyi, lune ba go timakisa!+ Ka taba la gore le fo tshwana le mabitla ya go pentiwa,+ ka mo tawong ma šupa ma bafele mara ka ho teng ma tlele ka mašapo le dithila. 28 Le lune ho batho ba le lebelele ba ka tseya nkare le lukiye, mara a le na molawo fote le ya timakisa.+

29 “Le ko tikweleng lune bomabhalane le Mafaraseyi, lune ba go timakisa!+ Ka taba la gore le yaga mabitla ya baporofeta fote le kgabisa matlapa ya bo ba go loka,+ 30 mara le kene le re, ‘Hala re yye ra phela ka dinako tsa bokokwane ba rune, ne re ka sa tšhele letsogo mo ba bolaya baporofeta.’ 31 Byalo le lune le fo tišupetsa gore ke lune bana ba batho bala ba go bolaya baporofeta.+ 32 Go lukiye, napaneng le sinyanya lela la go šinya le phala le bokokwane ba lune.

33 “Lune dinoga, bana ba marabye,+ ayitsano le nyoko phona Ghehena?*+ 34 Nka taba lo ke le romelang baporofeta+ le batho ba go hlalefa le batho ba go le tšhutisa.+ Le nyoko bolaya ba bangwana+ ba gona la ba kokotela diphateng, ba bangwana le nyoko ba teya+ mo ba tla disanagogeng tsa lune, fote le nyoko ba hlupegisa+ ga dipoleke ka mokana ga tsona, 35 gore le fete le molato wa madi ya batho ba go loka, go tlugisela ka madi ya Abele wa go loka+ go segela ka madi ya Zakariya morwayi wa Bharakhiya wa gore le mmolayye gare ga tempele le aletare.+ 36 Nnete ke ya le botsa, dilo tso ka mokana ga tsona di nyoko tlela leloko lowa.

37 “Jerusalema, Jerusalema, wene wa go bolaya baporofeta fote o pshyaya bo ba ba rommeng gago ka matlapa+⁠—ke botala ke nyaka go kgobaketsa bana bago go tshwana le mo kgokgo yi koramela ditšonyana tsa yona! Mara ke mo le sa nyake.+ 38 Ntlo ya lune ba nyoko le šiya nayo.+ 39 Ke ya le botsa, go tlugisela gana byalo le ka sa sa mpona go segela le re, ‘Go rufegiye ye a tlang ka lebitso la Jehova!’”*+