Jobo
2 Ka nthago ga hone, gwa tla letšatši la gore barwayi ba Modimo wa mannete*+ ba kene ba yeme mahlong ga Jehova,+ Sathane le yene a kena a yema mone gare ga bona mahlong ga Jehova.+
2 Ke mokane Jehova a butsisa Sathane gore: “O tšwa kaye?” Sathane a re ga Jehova: “Ne ke jikajika ku lefaseng ke le pombhola.”+ 3 Fote Jehova a re ga Sathane: “Ayitsano o mmonne Jobo wa gore ke lelata laka? A go na motho wa go tshwana naye ku lefaseng. Ke monna wa gore o lukiye fote wa tshepega,+ o hlompa Modimo fote o kganela kgole le dilo tsa go sa loka. O sa na a tshepega,+ le mo o kene o liketsa go maka gore+ ke fetse ka yene le mo a sa sinya selo.” 4 Mara Sathane a fetola Jehova a re: “Letlalo ka letlalo. Motho a ka ntsha dilo tsage ka mokana ga tsona gore a thogo phonisa lephelo lage. 5 Mara wene o fo mo lisetsa, wolola letsogo lago fote o make gore a kwe go baba ho mmeleng, o nyoko go rogelela wa šala o sa tshepe.”+
6 Ke mokane Jehova a botsa Sathane gore: “O matsogong yago! Mara o sa mmolaye!” 7 Byalo Sathane a tloga mahlong ga Jehova, ke mokane a maka gore Jobo a tšwe mašopa ya go baba+ go tlugisela mo seretheng go segela phogong. 8 Fote Jobo a tseya sepetlo sa pitsa ya gore yi pshyayegiye gore a tigwaye ka sona, ke mo a duli luteng.+
9 Mosadi wage a fetsa a yitseri gage: “Le gana byalo lowa o sa na o tshepega? Rogelela Modimo o kgwe!” 10 Mara yene a re gage: “O bolabola go tshwana le basadi ba dihlogo tsa go sa bereke. Anthe di fo nyaka re yamogela tsa go loka ga Modimo wa mannete, re sa yamogele le tso tsa go sa loka?”+ Ga dilo tsowa ka mokana ga tsona, Jobo aa sinya ka tso a di hlayang.+
11 Banghana ba Jobo kararo ya bona ba di kwelela dilo ka mokana ga tsona tsa go baba tso di mo makegeleng, ye mongwana le ye mongwana a tla a tšwa mo ne a dula gona—ke mo go le Elifase+ wa Letemani, Bhildadi+ wa Lešuwa+ le Zofara+ wa Lenaamathe. Byalo, ba kwanne gore ba gahlane ba ye kwelana le Jobo fote ba mo kgomoletse. 12 Mo ba mmona ba sa le kgole, ke mo ba sa mo tšibi. Ba thomisa go lla ba rasa, ba tlerola dikobo tsa bona, ba gaša lerole mo moyeng fote ba titšhela ka lona mo dihlogong.+ 13 Ba fetsiye kašupa ya matšatši le kašupa ya mašego ba duli naye mo fase. A go na ye a mmutsiyeng selo, ka gore ke mo ba di bona gore ke mo a kwa go baba ka matla.+