Tsa go ya ga Maefeso

5 Byalo, yekiselaneng Modimo+ ka taba la gore ke lune bana bage ba gore o ba nyaka ka matla, 2 fote le ye mahlong le šupetsa gore le ya nyakanana+ go fo tshwana le ka mokgo Kreste a re šupetsiyeng gore wa re nyaka+ fote a tineyela go le sehlabelo sa gore se ya nkgela ga Modimo.+

3 Le sa bolaboleneng ka bonghwahla,* le ka mokgwa wo mongwana le wo mongwana wa go sa yela kela dipawo+ ka taba la gore a di tshwanele bo ba go hlawolega.+ 4 Le sa make dilo tsa go tšebisa, le sa bolabole tsa bophokophoko kela go kwerana ka dilo tsa go silikisa+ ka gore dilo tsowa a yi tsona, mara di nyaka le leboge Modimo.+ 5 Ka gore le ya di tšiba fote le ya di kwisisa gore mo motho a maka bonghwahla*+ kela a sa yela kela a na le dipawo,+ tsotsone di rela gore o rapela medimo ya dithombhe fote a ka sa kene Mmušong wa Kreste le wa Modimo.+

6 Le sa lisetsi motho a le tshokanya ka dilo tsa go sa re selo ka gore tsotsone di nyoko maka gore Modimo a kwatele bo ba go sa theetsele. 7 Byalo le sa di make nabo dilo tsone, 8 ka gore ke mo le le letshwifing mara gana byalo le ya khanya+ ka taba la gore le berekela Morena.+ Ariyeneng mahlong le sepela go tshwana le bana ba go khanya, 9 ka taba la gore go khanya go re gelepa gore re be le dipelo tsa gabutši, re make dilo tsa gabutši fote re make dilo tsa go loka.+ 10 Le duleneng le nyakolla gore king so se jabodisang+ Morena. 11 Lisetsaneng go maka dilo tsa gore ba di maka letshwifing,+ mara le makeneng gore batho ba di bone gore dilo tsone a di ya loka. 12 Ka taba la gore dilo tso ba di makang ka makhukhung di ya tšebisa gore motho a ka šinya a bolabola ka tsona. 13 Byalo, dilo tsa go sa loka ka moka di ya khanyisiwa fote di napa di bonala gabutši ka mokgonone. 14 Mangwalo ma re: “Tsoganeng lune ba go yetsela, tsoganeng ga bo ba kgwileng+ gore Kreste a le gadimise.”+

15 Byalo le pasopeneng gore le sa make dilo go tshwana le batho ba go sa hlalefa mara le di make go tshwana le batho ba gore ba hlalefiye. 16 Le berekiseneng nako ya lune gabutši+ ka taba la gore re phela ga dinako tsa go thathafa. 17 Byalo le lisetseneng go maka dilo nkare a le ya hlalefa mara le karakareneng gore le make tso Jehova* a di nyakang.+ 18 Le sa tlayili ke mokgete wa gore wo maka gore le sa lawolege,+ mara le be le moya wa go hlawolega. 19 Yepelelaneng dipisalema, dikoša tsa go thanaka Modimo le dikoša tsa morapelo.+ Tla re yepeleleneng re thanakeneng+ Jehova* di tšwa pelong.+ 20 Le duleneng le leboga+ Modimo wa gore fote ke Papa wa rune ga dilo ka mokana ga tsona le berekisa lebitso la Morena wa rune Jeso Kreste.+

21 Ka taba la gore le hlompa Kreste ka matla, le lune di nyaka le hlompanane.+ 22 Di nyaka basadi ba hlompe banna ba bona+ go tshwana le mo ba hlompa Morena, 23 ka taba la gore monna ke hlogo ya mosadi wage+ go fo tshwana le mo Kreste go le hlogo ya phutego,+ ke yene a phonisang mmele wowa, 24 gabutšibutši go fo tshwana le mo phutego yi hlompa Kreste, di nyaka basadi ba hlompe banna ba bona ga dilo ka mokana ga tsona. 25 Lune banna, ariyeneng mahlong le šupetsa basadi ba lune+ gore le ba nyaka ka matla go fo tshwana le mo Kreste a nyakiye phutego a boya a tineyela ka taba la yona,+ 26 o makiye tsotsone gore a thogo yi gadimisa, a yi yedisa ka lentsu la Modimo go fo tshwana le mo a yi yedisa ka meetši,+ 27 gore a yi bone yi bafele mahlong gage, yi se na selabi, yi sa šošopana, kela tse dingwana tsa go tshwana le tsotsone+ mara yi hlawolegiye fote yi sa sodiwi ka selo.+

28 Di nyaka banna ba nyake basadi ba bona go tshwana le ka mokgo ba tinyakang ka gona. Monna wa gore o nyaka mosadi wage wa tinyaka, 29 ka gore a go na monna ye a yyeng a hloya mmele wage, mara wa wo fepa a boya a wo tseyela gedimo go fo tshwana le mo Kreste a tseyela phutego gedimo, 30 ka taba la gore re wela ga mmele wage.+ 31 “Nka taba lo monna a nyoko šiyang papage le mmane wage a ngangarela mosadi wage, ke mokane ka babedi ga bona ba nyoko ba nama ka yyoši.”+ 32 Sephiri sowa sa go hlawolega+ ke se segolo ka matla. Gana byalo ke bolabola ka Kreste le phutego.+ 33 Le mo go le ka mokgonone, monna ye mongwana le ye mongwana a nyake mosadi wage+ go fo tshwana le mo yene mong a tinyaka, ka nthoko ye nngwana di nyaka mosadi a hlompe monna wage ka matla.+