Ruthi

2 Byalo ke mo go na le lešaga la monna wa Nawomi la gore ke mo le ghannye ka matla; lebitso la lage ke mo go le Bhowase,+ fote ke mo a tšwa ga leloko la Elimeleke.

2 Ruthi wa Lemowaba a botsa Nawomi gore: “Ke kgopela go ya ku mašomong ke ye hlokotša+ dithoro tsa mabele* tsa gore di šiyye ke bo ba go buna ba gore ba nkwela go baba.” Nawomi a re: “Ariye ngwanaka.” 3 O napiye a tšwa a thomisa go hlokotša dithoro tsa mabele tso ne di šalele ka nthago ga bo ba gore ke mo ba buna ku mašomong. Di f’lo makega gore a ye a bereke tšhomong ya Bhowase+ wa gore ke mo go le wa leloko la Elimeleke.+ 4 Ke mokane Bhowase a segela a tšwa Bhetlelehema a botsa bo ba go buna a re: “Jehova a be le lune.” Ba fetola ba re: “Jehova a go rufe.”

5 Bhowase a butsisa morenela ne a pasopiye bo ba go buna a re: “Ke mogatsa mang yewa?” 6 Morenela wa gore ke mo a pasopiye bo ba go buna a fetola a re: “Mosadi yewa ke Lemowaba+ la gore le buyye le Nawomi ba tšwa ku Mowaba.”+ 7 O yitseri, ‘Ke kgopela go hlokotša+ tso di šeleng ga dithoro tsa mabele tso di šalang ka nthago ga bo ba go buna.’ Ke mo a bereka go tlugisela ka bošego go segela gana byalo, a yi botala a duli hala morithing gore a thogo khutsa.”

8 Bhowase a botsa Ruthi gore: “Theetsela ngwanaka. O sa tloge o re we hlokotša dithoro tsa mabele ga mašomo ya mangwana, o sa sa ya felo; dula o na le malata yaka ya basadi.+ 9 O dule o lebelele tšhomo yo ba bunang ga yona ke mokane o ye nabo. Ke butsiye masogana yawa gore ma sa go hlupi. Mo o wonngwe o ye o nwe meetši yala ya ku mekorotwaneng ya gore ma gelele ke masogana yawa.”

10 Mo a reyane Ruthi a mo thinyela letolo a kene a yinamisiye hlogo a re gage: “Ke ntaba o nkwela go baba fote ke ntaba o ntseyela gedimo mola ke fo ba motho wa go tšwa a sepela?”+ 11 Bhowase a re gage: “Ba mputsiye dilo ka mokana ga tsona tso o di makeleng matsalago ka nthago ga gore monnago a hlokofale le ka mokgo o šiyyeng papago le mmane wago le ka mokgo o šiyeng poleke ya gore yi na le mašaga yago wa tla ga batho ba gore a o ba tšibi le go ba tšiba.+ 12 Nkare Jehova a ka go rufa ka tso o di makiyeng,+ fote nkare o ka kraya patela ya go bafala ya go tšwa ga Jehova Modimo wa Israyele wa gore wa go pasopa.”*+ 13 Mo a reyane Ruthi a re: “Ke leboga gore o n’gelepiye morena ka taba la gore o nkgomoletsiye fote o ntikisiye pelo ka tso o di hlayyeng le mo ke se lelata lago.”

14 Ka nako ya ledhina Bhowase a re gage: “Šutela howa, jang sekgwa sowa o se šibe ka teng ga vinika.” Byalo Ruthi a dula ka thoko ga bala ba go buna. Bhowase a mo neya mabele ya gore ba ma gadikiye ke mokane a ja a kgora gwa boya gwa šala tse dingwana. 15 Mo Ruthi a tlogamela gore a ye hlokotša dithoro tsa mabele,+ Bhowase o butsiye masogana yage gore: “Mo lisetseneng a hlokotše le ga tsela tsa gore ba šele ba di kupiye fote le mo tshwareneng gabutši.+ 16 Di nyaka le mo ntsheleneng le dithoro tsa mabele ga tso tsa gore le šele le di tlemme le mo šiyele tsona gore a thogo di kotela fote le sa mo ganele gore a di kotele.”

17 O hlokotšiye dithoro tsa mabele go segela ka malobana.+ Tso a di hlokotšiyeng ke mo di segela gana hala ga 22 ya dilitha tsa mabelethoro mo a fetsa go di tula. 18 O di tsere a boyela natso gaye ke mokane matsalage a bona tso a di hlokotšiyeng. Ruthi a ntsha le tsa go ja tso di šeleng+ nakwela a ja a di neya matsalage.

19 Matsalage a re gage: “Ke mo o hlokotša dithoro tsa mabele kaye lekgono? Ke mo o bereka kaye? Motho ye a go tseyelang gedimo nkare a ka rufiwa.”+ Byalo, o butsiye matsalage gore ke mo a bereka le mang a re: “Lebitso la monna ye ne ke bereka naye lekgono ke Bhowase.” 20 Mo a reyane Nawomi a botsa makoti wage gore: “Nkare Jehova wa gore o dula a tshepega ga bo ba phelang le bo ba hlokofeleng a ka rufa monna yene.”+ Nawomi a ya mahlong a re: “Monna yene ke lešaga la rune.+ Ke ye mongwana wa bo ba re phonisang ga mehlupego ya rune.”+ 21 Byalo, Ruthi wa Lemowaba a re: “O mputsiye le gore, ‘Dula thina le batho bo baka go segela ba fetsa go buna.’”+ 22 Nawomi a botsa makoti wage Ruthi a re: “Di kawone ngwanaka mo o sepela le malata yage ya basadi o sa kraye ba go hlupegisa tšhomong ye nngwana.”

23 Byalo, a dula le malata ya Bhowase ya basadi go segela ba fetsa go buna dithoro tsa mabele+ le korong. O f’lo ya mahlong a kene a duli le matsalage.+