Samuwele wa Mathomo

18 Mo Dafita a fetsa go bolabola le Sawulo, Jonathane+ le Dafita ba ba banghana ba bagolo, fote Jonathane a thomisa go nyaka Dafita ka mokgo a tinyakang ka gona.+ 2 Go tlugisela ka letšatši lone, Sawulo a maka Dafita gore go be lelata lage fote a sa sa dumela gore a ye ntlong ya papage.+ 3 Jonathane le Dafita ba maka kwano,+ ka taba la gore Jonathane ke mo a nyaka Dafita ka mokgo a tinyakang.+ 4 Jonathane a yapola kobo yage ya go se na matsogo yo ne a yi yapere a yi neya Dafita, a mo neya le dikobo tsage tsa ntwa, sabola yage, mosefo wage le lepanta lage. 5 Dafita a thomisa go ya ntweng, fote go gongwana le go gongwana mo Sawulo ne a mo roma gona ke mo a phomelela.+ Byalo Sawulo a mmeya gore go be yene a yetetsang banna ba go ya ntweng,+ tsotsone dya jabodisa batho ka mokana ga bona le malata ya Sawulo.

6 Mo Dafita le masole ya mangwana ba boya ba tšwa go hlasela Mafilisita, basadi ke mo ba tšwa mone mitšing ya Israyele ka mokana ga yona ba yepelela+ fote ba bina, ba gahlanetsa Kgoši Sawulo ba kene ba teya meropa+ le dilo tse dingwana tsa go teya dikoša ba kene ba jabodiye. 7 Basadi bone ke mo ba kene ba yepelela ba re:

8 Sawulo a kwata ka matla,+ koša yone ke mo yi mo silikisa ka gore ke mo a re: “Ba re Dafita o bolayye dikitikiti, mara nna ke bolayye dikiti. Go fo šota gore ba mo make kgoši!”+ 9 Go tlugisela ka letšatši lone, Sawulo ke mo a sa sa tshepa Dafita.

10 Ka motshwana wa gona, moya wa go sa loka wa gore Modimo o wo lisetsiye gore o hlupegise Sawulo,+ wa tlela Sawulo. A thomisa go maka dilo tsa go sa tlwayelega mone ntlong, Dafita ke mo a kene a teya dikoša ka harepa+ go tshwana le matšatši. Sawulo ke mo a tshwere lerumo,+ 11 a boša lerumo lone+ a tipotsa gore ‘Ke nyoko manya Dafita ku lepharong!’ Mara Dafita a mo tšhabelela gabedi. 12 Sawulo ke mo a tšhaba Dafita ka taba la gore Jehova ke mo a sa sa le naye+ mara a na le Dafita.+ 13 Byalo Sawulo a mo tlosa mahlong gage a mmeya gore go be ndhuna ya sekiti, fote Dafita ke mo a yetetsa masole ntweng.+ 14 Dafita ke mo a phomelela+ ga dilo ka moka tso ne a di maka, fote Jehova ke mo a le naye.+ 15 Mo Sawulo a di bona gore Dafita o phomelela ka matla, a thomisa go mo tšhaba. 16 Mara Maisrayele ka mokana ga wona le Majuda ke mo ba kwana ka matla le Dafita, ka taba la gore ke mo a ba yetetsa mo ba ya ntweng.

17 Ka nthago ga hone, Sawulo a re ga Dafita: “Morwediya waka ye mogolo Merabhe+ ke yewa. Ke nyoko go neya yene gore go be mosadi wago.+ Mara wene di nyaka o ye mahlong o mperekela o šišimele fote o lwa dintwa tsa Jehova.”+ Ka gore Sawulo ke mo a tipotsa gore: ‘A di nyake gore a bolaye ke nna. Di nyaka a bolaye ke Mafilisita.’+ 18 Mo a reyane, Dafita a re ga Sawulo: “Ke ro ba mang mara, fote mašaga yaka go ro ba ying, ba mutši wa papaka ba ku Israyele ba tšibega ka ying gore nka šinya ke ba mokgwenyane wa kgoši?”+ 19 Mara mo go segela nako ya gore Sawulo a neye Dafita morwediya wage Merabhe, ke mo ba šele ba mo neyye Adriyele+ wa Lemehola gore go be mosadi wage.

20 Byalo, morwediya wa Sawulo ye ba reng ke Mikhala+ ke mo a nyaka Dafita, fote ba botsa Sawulo, tsotsone dya mo jabodisa. 21 Sawulo a re: “Ke nyoko mo neya morwediya waka gore ke mo reye ka yene, gore Mafilisita ma thogo mmolaya.”+ Sawulo a boya a botsa Dafita gore: “O nyoko ba mokgwenyane waka lekgono.” 22 Sawulo a ya mahlong a botsa malata yage gore: “Bolabolaneng le Dafita ka makhukhung le mmotse gore, ‘Bona! O jabodisiye kgoši, le malata yage ka moka ma kwana nago. Šadha le morwediya wa kgoši.’” 23 Mo malata ya Sawulo ma botsa Dafita dilo tsowa, Dafita a re: “Le bona nkare ke selo sa lula gore nka ba mokgwenyane wa kgoši nkene ke tihlupegela ka mokgo fote ke fo ba motho wa go sa re selo?”+ 24 Malata ya Sawulo ma mmotsa gore: “Tsowa ke tso di hlayyeng ke Dafita.”

25 Mo ba reyane, Sawulo a ba botsa gore: “Le botseneng Dafita gore, ‘Kgoši a yi nyake magadi,+ yi fo nyaka o bolaya 100 ya Mafilisita, o tle le bohlatse* bya go šupetsa gore ma kgwile+ gore kgoši yi patedise ga manaba ya yona.’” Ka gore Sawulo ke mo a polanne gore Dafita a bolaye ke Mafilisita. 26 Byalo, malata ya Sawulo ma botsa Dafita dilo tsowa, Dafita a kwa di mo jabodisa gore go be mokgwenyane wa kgoši.+ Mo nako yone yi soko bane yi segela, 27 Dafita a tloga le masole yage a ya a bolaya 200 ya banna ba Mafilisita, Dafita a tla a neya kgoši bohlatse* bya gore o bolayye 200 ya Mafilisita gore a thogo ba mokgwenyane wa kgoši. Byalo, Sawulo a mo neya morwediya wage Mikhala gore go be mosadi wage.+ 28 Sawulo a di bona gore Jehova ke mo a na le Dafita+ le gore morwediya wage Mikhala o nyaka Dafita ka matla.+ 29 Tsotsone dya maka gore Sawulo a nape a tšhaba Dafita ka matla, fote Sawulo a fetoga lenaba la Dafita lephelo lage ka moka.+

30 Dindhuna tsa Mafilisita ke mo di ya di lwa le Maisrayele, mara ga go tlala Dafita ke mo a phomelela go phala malata ka moka ya Sawulo;+ a tseyediwa gedimo ka matla.+