Samuwele wa Mabedi

24 Jehova a kwatela Maisrayele fote+ mo ye mongwana a hlohletsela Dafita a re: “Ariye o ye balela+ Maisrayele le Majuda.”+ 2 Byalo kgoši ya re ga Jowabho+ ndhuna ya masole wa gore ke mo a le naye: “Ke kgopela o ye ga maloko ya Israyele ka mokana ga wona, go tlugisela ka Dani go segela Bhere-šeba,+ o ngwadise batho bowa gore ke thogo tšiba gore nka bakaye.” 3 Mara Jowabho a re ga kgoši: “Nkare Jehova Modimo wago a ka maka gore batho bowa ba yeketsege ga 100, fote nkare kgoši morenaka a ka di bona ka maahlo yage, mara ke ntaba kgoši morenaka a nyaka go maka ka mokgo?”

4 Mara mantsu ya kgoši ke mo ma kwagala ka matla go phala ya Jowabho le dindhuna tsa masole. Byalo, Jowabho le dindhuna tsa masole ba tloga mahlong ga kgoši ba ye ngwadisa batho ba Israyele.+ 5 Ba tshila nooka ya Jorodane ba ye kampa Arore+ ka nthoko ya letsogo la go ja* la mutši wone segare ga moyedi ba bakiye nageng ya Maghada le Jazere.+ 6 Ka nthago ga hone ba ya Ghiliyade,+ ba ya le nageng ya Thatimi-hodiši, ba ya le Dane-jane, ba dukuluga ba ya Sidoni.+ 7 Ba ya ga poleke ya gore yi pasopegiye ya ku Tira+ le mitšing ka mokana ga yona ya Mahivi+ le ya Makanana, ba fetsa ba segele Bhere-šeba+ ya gore yi Neghebe+ ya Juda. 8 Ba sepela naga yone ka mokana ga yona, ba segela Jerusalema ka nthago ga nkokwane ya dikgwedi le 20 ya matšatši. 9 Byalo Jowabho a neya kgoši nombhoro ya batho bo ba ba ngwadisiyeng. Nombhoro ya masole ya Maisrayele ya gore ne ma tshwere disabola ke mo go le 800 000, banna ba Majuda ke mo go le 500 000 ya bona.+

10 Mara mo Dafita a šele a balele batho bala, a teya ke lekwalo.+ Dafita a re ga Jehova: “Ke sinnye ka matla mo ke maka dilo tsowa.+ Barena Jehova, ke kgopela o tshwarele nna lelata lago ga tso ke di sinnyeng,+ ka taba la gore ke makiye dilo tsa bophokophoko.”+ 11 Mo Dafita a tsoga ka bošego, lentsu la Jehova la tlela moporofeta Ghada+ wa gore ke mo a bona dilo tso di nyoko tlelang Dafita, la re: 12 “Ariye o ye botsa Dafita gore, ‘Tsowa ke tso di hlayang ke Jehova: “Tikgetele ga dilo tsowa kararo ya tsona. Kgeta sa gore o nyaka ke go leyela sona.”’”+ 13 Byalo Ghada a tla ga Dafita a segela a re gage: “O kgeta gore go fele kašupa ya mengwaga le bolaya ke tlala hone nageng?+ Kela o nyaka gore go fele kararo ya dikgwedi o kene o tšhabelela manaba yago mo ma go lelekisa?+ Kela go fele kararo ya matšatši go na le bolwele bya go sasamela mo nageng?+ Byalo mpotse gore ke segele ke re king ga ye a nrommeng.” 14 Dafita a re ga Ghada: “Taba yowa yi nkwisa go baba ka matla. Ke kgopela gore re sa wolole ke motho;+ mara re wolole ke Jehova+ ka taba la gore o kwelana go baba ka matla.”+

15 Ke mokane Jehova a leyela Maisrayele bolwele bya go sasamela+ go tlugisela ka bošego go segela ka nako yo a yi beyiyyeng, gwa kgwa+ 70 000 ya batho go tlugisela Dani go segela Bhere-šeba.+ 16 Mo lengeloyi le wolola letsogo la lona gore le fetse ka Jerusalema, Jehova a tisola* ka taba la dilo tso a ba leyeleng tsona tsa go sasamela,+ a botsa lengeloyi lela ne le leyela batho tsa go sasamela gore: “Go lukiye! Yemanyana.” Lengeloyi la Jehova ke mo le le thina le mo Arawuna wa Lejebuse+ a tulelang gona.+

17 Mo Dafita a bona lengeloyi lela la gore ke mo le bolaya batho, a botsa Jehova gore: “Ke nna ye a sinnyeng, ke nna ye a makiyeng tsa go kekema; mara dinku tsowa+ di makiye ying? Ke kgopela o wolole nna le ba mutši wa papaka.”+

18 Byalo, Ghada a ya ga Dafita ka letšatši lone a mmotsa gore: “Ariye o ye yagela Jehova aletare hala ga gore Arawuna wa Lejebuse o tulela gona.”+ 19 Mo Ghada a fetsa go hlaya mantsu yane, Dafita a sepela go ya ka mokgo Jehova a hlayyeng. 20 Mo Arawuna a lebelela, a bona kgoši le malata yage ba tla gage, Arawuna a napa a tšwa a ye thinyela kgoši letolo a yinamisiye hlogo. 21 Arawuna a mmutsisa gore: “Ke ntaba kgoši morenaka a tlile ga lelata lage?” Dafita a re: “Ke tl’le reka poleke yo o tulelang ga yona gore ke thogo yagela Jehova aletare, gore batho ba sa sa wela ke dilo tsa go sasamela.”+ 22 Mara Arawuna a re ga Dafita: “Kgoši morenaka a tseye poleke yone, a make so a bonang se lukiye. Dikgomu tsa go maka sehlabelo sa go tšhubiwa ke tsowa, tseya le sa go tula ka sona le lejoko gore o make mahlare. 23 Arawuna o neya kgoši dilo tsowa ka mokana ga tsona.” Ke mokane Arawuna a re ga kgoši: “Nkare Jehova Modimo wago a ka go kwela go baba.”

24 Mara kgoši ya re ga Arawuna: “Awwa di nyaka ke yi reke. Nka sa makele Jehova Modimo waka dihlabelo tsa go tšhubiwa ka dilo tsa gore ke di krayye mahala.” Byalo, Dafita a reka mola ga gore ba tulela gona le dikgomu ka 50 ya dišekele* tsa silva.+ 25 Byalo Dafita a yagela Jehova aletare+ gana hone, a mo makela dihlabelo tsa go tšhubiwa le dihlabelo tsa go hlekediwa. Jehova a theetsela tso Dafita a di kgopelelang batho ba naga yone,+ batho ba Israyele ba sa sa wela ke tsa go sasamela.