Tsowa di Hlatolla ke Matewu

19 Mo Jeso a fetsa go bolabola a tloga Galeliya a ya ga dipoleke tsa thina le Judiya ka mosekola wa nooka ya Jorodane.+ 2 A latelela ke megoba ya batho, ke mokane a ba yalafa.

3 Le Mafaraseyi ma tla gage ma nyaka go mo kwa diganong ma re: “Ayitsano molawo wa dumela gore monna a fo hlala mosadi wage le ka dilo tsa go sa re selo?”+ 4 Mo a ba fetola a re: “Anthe a le ya bala gore ye a ba makiyeng go tlugisela mathomisong o ba makiye gore go be monna le mosadi+ 5 a boya a re: ‘Nka taba lo monna a nyoko šiyang papage le mmane wage a ngangarela mosadi wage, ke mokane ka babedi ga bona ba nyoko ba nama ka yyoši’?+ 6 Gore ba sa sa ba ka babedi, mara go be nama ka yyoši. Byalo so Modimo a se swineleleng lejokong, go sa be le ye a se tlemollang.”+ 7 Ba re gage: “Byalo ke ntaba Moše a yitseri mo monna a hlala mosadi a mo neye borifi bya go mo hlala?”+ 8 Jeso a re ga bona: “Moše o šinnye a re le hlale basadi bone ba lune+ ka taba la gore le womme dihlogo, mara go tlugisela ku mathomisong ke mo go se ka mokgonone.+ 9 Nna ke re ga lune, monna ye a hlalang mosadi wage, a sa mo hlale ka taba la gore mosadi yene o yetsele le monna ye mongwana,* ke mokane monna yene a tseya mosadi ye mongwana, o maka bonghwahla.”+

10 Malata ya Jeso ma re: “Mo nkare go ka mokgonone, gona di fo phala ke mo motho a sa tseye.” 11 Jeso a re ga bona: “A yi batho ka mokana ga bona bo ba berekisang mantsu yane, go fo ba bo ba gore ba di kgona ka matšhika ya Modimo.+ 12 Ka gore batho ba bangwana a ba šadhe ka taba la gore ba belegiwwe ba le ka mokgonone, ba bangwana ba makiye ke batho gore ba sa šadhe, mara ba bangwana ba f’lo kgeta go sa šadhe ka taba la gore ba nyaka go yetisa Mmušo wa magedimo mahlong. Ye a di kgonang go dula a le ka mokgonone, a dule.”+

13 Ba mo leyela bananyana gore a ba rapelele, mara malata yage ma ba lakatsa.+ 14 Mara Jeso a re: “Lisetsaneng bananyana bowa, le sa liketsi go ba rakela gore ba tle ho gaka, ka taba la gore Mmušo wa magedimo ke wa ba go tshwana nabo.”+ 15 A ba beya matsogo ke mokane a tloga mone.

16 Byalo gwa nyarela ye mongwana a tla gage a re: “Thitšere, ke tshwanele ke make ying sa gabutši gore ke thogo kraya lephelo la go ya go yye?”+ 17 A re gage: “Ke ntaba o butsisa nna gore sa gabutši ke sefeng? Ke motho ka wwoši fela wa gabutši.+ Mo nkare o nyaka go phela go ya go yye, o sa lisetsi go latelela melawo.”+ 18 A re gage: “Ke yifeng melawo ya gona?” Jeso a re: “O sa bolaye,+ o sa make tsa ka mapaying le mosadi kela monna wa motho ye mongwana,+ o sa yetswi,+ o sa bolabole matsaka mo o le hlatse,+ 19 hlompa papago le mmane wago,+ fote o nyake moyagelane wago ka mokgo o tinyakang ka gona.”+ 20 Morenela a re gage: “Ke botala ke di maka dilo tsone, byalo go sa gayela kaye?” 21 Jeso a re gage: “Ariye we rekisa tso o nang natso fote o di neye ba go tihlupegela mo nkare a wo nyake go gayela selo,* o nyoko ba o na le lebotha legedimong;+ ke mokane o tle o nlatelele.”+ 22 Mo morenela a kwa tsotsone, a tloga a kwile go baba ka taba la gore ne a ghannye ka matla.+ 23 Jeso a re ga malata yage: “Nnete ke ya le botsa gore go ka sa be lula gore motho wa go ghanya a kene Mmušong wa magedimo.+ 24 Fote ke re ga lune, di nyoko ba lula gore kamela yi kene ka lešuba la naleta mara di nyoko thathafa ga motho wa go ghanya gore a kene Mmušong wa Modimo.”+

25 Mo malata ma kwa tsotsone, ma makala ma re: “Go nyoko phona mang mara?”+ 26 Jeso a ba lebelela ka ho maahlong a re: “Dilo tsowa a di kgonege ga batho, mara ga Modimo dilo ka mokana ga tsona di ya kgonega.”+

27 Ke mokane Petro a fetola a re: “Re šiyye dilo ka mokana ga tsona gore re go latelele, byalo king se sengwana so re ka se krayang?”+ 28 Jeso a re ga bona: “Nnete ke ya le botsa, mo dilo di makiwa ka bonyuwane, fote Morwayi wa motho a dula setulong sa go lawola sa gore se ya gadima, lune ba gore le nlatelele le nyoko dula ga 12 ya ditulo tsa go lawola, le yahlula 12 ya maloko ya Israyele.+ 29 Fote ye mongwana le ye mongwana ye a šiyyeng dintlo kela bobhuti kela bosesi kela papa kela mmane kela bananyana kela mašomo ka taba la lebitso laka, o nyoko kraya tsa go feta tsone, a kraya le lephelo la go ya go yye.+

30 “Ba go tlala ba mathomisong ba nyoko ba ku motšobong fote ba motšobong ba nyoko ba mathomisong.+