Tsowa di Hlatolla ke Mareka

2 Mara ka nthago ga matšatšinyana, Jeso a ya Kapernawume, batho ba di kwelela gore o gona gaye.+ 2 Batho ba go tlala ba kgobakana la go šinya ba pitegetsana, ke mo go sa sa na le ga go yema hala monyako, ke mokane a thomisa go ba tšhomayelela.+ 3 Gwa tla kanne ya banna ba rwele monna wa gore o golofele.+ 4 Mara ke mo ba sa kgone go mo leya ga Jeso ka taba la mogoba wo ne wo le mone, ba bula lešuba ku gedimo ga ntlo, ba mo thewosa ka mosemo wo ne ba mo kakodiye ka wona. 5 Mo Jeso a di bona gore ba na le tumelo,+ o yye a botsa yela wa go golofala a re: “Ngwanaka, o tshwarediwwe ga tso o di sinnyeng.”+ 6 Byalo bomabhalane ba bangwana ke mo ba le gana mone, ba duli ba kene ba tiputsisa gore:+ 7 “Ke ntaba morenewa a bolabola ka mokgo? Phela wa rogelela. Ke mang ye mongwana ye a ka tshwarelang batho ga tso ba di sinnyeng mo go se Modimo?”+ 8 Mara Jeso a yakgoswa a di bona gore baa tiputsisa, a re ga bona: “Ke ntaba le nagana dilo tsa mošaga wone?+ 9 Anthe gabutšibutši le nyaka ke re king, ke botse ye wa go golofala ke re ‘O tshwarediwwe ga tso o di sinnyeng,’ kela ke re ‘Tlogamela o rwale mosemo wago o sepele’? 10 Di nyaka le di tšibeneng gore Morwayi wa motho+ o na le matšhika ya go tshwarela batho ga tso ba di sinnyeng ho lefaseng⁠—”+ ke mokane a re ga yela wa go golofala: 11 “Ke re gago, tlogamela o rwale mosemo wago o ye gaye.” 12 A napa a tlogamela a rwala mosemo wage a sepela ba kene ba mo lebelele. Ka mokana ga bona ba makala, ba thomisa go thanaka Modimo ba re: “A re soko di bona tsa mošaga wowa.”+

13 A tloga fote a ya thina le lewatle, mogoba wa fo mo latelela le gana hone, ke mokane a thomisa go wo tšhutisa. 14 Mo a kene a sepela a bona monna ye ba reng ke Llifi* a duli ofising ya go patedisa mothelo, a re gage: “Nšale nthago.” Mo a reyane, a napa a tlogamela a mo latelela.+ 15 Ka nthagonyana mo ba šele ba ja* ku ntlong yage, ba go tlala ba go patedisa mothelo le ba go sinya ba tla, ba thomisa go ja le Jeso le malata yage, ka taba la gore ne go na le ba go tlala bo ke mo ba mo latelela.+ 16 Mara mo bomabhalane ba Mafaraseyi ba di bona gore Jeso o ja le bo ba go patedisa mothelo le bo ba go sinya, ba re ga malata yage: “Ayitsano thitšere ya lune yi ja le ba go patedisa mothelo le ba go sinya?” 17 Mo a ba kwa, Jeso a re ga bona: “Batho ba gore a ba lwale a ba nyake togotela, mara ba go lwala baa yi nyaka. A ke ya tlela go bitsa batho ba go loka, mara ke tlele ba go sinya.”+

18 Malata ya Johane le Mafaraseyi ke mo ma tlwayele go tikona tsa go ja. Ma tla ga Jeso ma re: “Ke ntaba malata ya Johane le ya Mafaraseyi ma tikona tsa go ja, mara malata yago ma sa tikone?”+ 19 Byalo, Jeso a re ga bona: “Ayitsano banghana ba mokgwenyane+ ba ka tikona tsa go ja le mo mokgwenyane a sa le gona? Solanka ba sa le naye, ba ka sa tikone tsa go ja. 20 Mara nako ya gore a ba šiye yi nyoko tla,+ ke mokane ba nyoko tikona tsa go ja ka letšatši lone. 21 A go na motho ye a ka tšhisang kobo ya botala ka llapi la nyuwane. Mo a ka maka tsotsone, setšhiso so sa nyuwane se goga kobo yone ke mokane ya napa yi tleroga ka matla.+ 22 Fote a go na motho ye a ka tšhelang wayini ya nyuwane ga dikutu tsa botala. Mo a ka maka ka mokgonone, dikutu tsone di nyoko bharasa ke mokane wayini yone ya falala, dikutu tsela dya sinyega. Mara wayini ya nyuwane ba yi tšhela ka teng ga dikutu tsa nyuwane.”

23 Byalo mo Jeso a kene a feta tšhomong ya korong ka Sabatha, malata yage ma thomisa go kga dithoro tsa korong mo ma kene ma sepela.+ 24 Mafaraseyi ma re gage: “Ke ntaba malata yago ma maka tso di sa makiwing ka Sabatha?” 25 Mara Jeso a re ga bona: “Anthe a le ya bala tso Dafita a di makiyeng le bo ne a le nabo nakwela ba kwa tlala?+ 26 Anthe a le ya bala ga taba ya Abhiyathara+ wa gore ke ndhuna ya maprista, gore Dafita o kenne ka ntlong ya Modimo le bo ne a le nabo ke mokane ba ja sekgwa sa go hlawolega. Yene le bo ne a le nabo ba tshidiye molawo ka taba la gore sekgwa sone ne se ja ke maprista fela.”+ 27 Ke mokane Jeso a re ga bona: “Modimo aa maka batho gore ba tle ba latelele Sabatha+ mara o makiye Sabatha gore yi gelepe batho. 28 Byalo, Morwayi wa motho ke Morena wa Sabatha.”+