Mebereko ya Mapostola

6 Byalo, ka matšatši yanane malata ke mo ma yeketsega, Majuda ya gore ke mo ma bolabola Segerika ke mo ma lla ka Majuda ya gore ma bolabola Seheberu, ma re mo go phakediwa tsa go ja, a ma re selo ka basadi ba go kgwela ke banna.+ 2 Mapostola 12 ya wona ma bitsa malata ya mangwana ya go tlala, ma re ga wona: “A di gabutši gore re lisetse lentsu la Modimo gore re ye phakela batho tsa go ja ku ditafoleng.+ 3 Byalo magageru, tikgeteleneng banna ba go hlompega kašupa ya bona ho ga lune,+ ba gore ba yetetsa ke moya wa go hlawolega fote ba butšwiye ho mabyokong,+ le ba neye mmereko wowa gore ba wo make;+ 4 rune re nyoko ya mahlong re rapela fote re maka mmereko wowa wa go tšhomayela.” 5 Tso ba di hlayyeng di jabodisiye ba go tlala, ba hlawola Stefano wa gore ke mo go le monna wa go ba le tumelo fote a na le moya wa go hlawolega, Filipi,+ Prokhorase, Nikhanore, Thimoni, Phaminase le Nikholase wa go tšwa Anthiyoko wa gore o sokologele ga sedumedi sa Sejuda. 6 Ba ba yisa ga mapostola, mo ba fetsa go rapela, ba ba beya matsogo.+

7 Tsotsone di makiye gore lentsu la Modimo le sabalale,+ le malata ma thomisa go tlala ka matla+ ku Jerusalema; mogoba wo mogolo wa maprista wa thomisa go theetsela tso ba di tšhutisang.+

8 Byalo, Stefano ke mo a na le matšhika le moya wa go hlawolega, a maka dilo tsa go makatsa le mešupetso gare ga batho. 9 Mara banna ba gore ke mo ba ba bitsa gore ke Sinagoge ya Batho ba gore ba ba Lokolliye ba tla ba na le Masayirini le Maalekzandriya, fote gana mone ke mo go na le ba go tšwa Silisiya le Asia, gore ba phigisane le Stefano. 10 Ke mo ba sa kgone go phigisana le Stefano, ka taba la gore ke mo a hlalefiye fote a yetetsa ke moya wa go hlawolega.+ 11 Ba kutšetsela batho ka makhukhung gore ba re: “Re mo kwile a rogelela Moše le Modimo.” 12 Ba dhunghanya batho bala, le banna ba bagolo le bomabhalane, ka nako yonone ba tla ba mo tshwara ka tšhinghi ba mo yisa Sanhedrini. 13 Ba leya batho ba go bolabola matsaka, ba gore ba yitseri: “Monna yewa, aa lisetsi go bolabola dilo tsa gore a di gabutši ka poleke yo ya go hlawolega le ka Molawo. 14 Mo re beyisa, re mo kwile a bolabola ka gore Jeso wa Lenazareta o nyoko tla a wisa poleke yowa, a tšhentšhe le molawo wo Moše a re neyyeng wona.”

15 Mo bo ne ba duli mone Sanhedrini ba mo lebelele, ba bonne a tshwana le lengeloyi ho mahlong.