Tsa go ya ga Maroma

8 Byalo bo go leng selo ka ssoši le Kreste a ba na molato. 2 Gabutšibutši molawo wa moya wa go hlawolega wo makiye gore le phele gore le be selo ka ssoši le Kreste Jeso, molawo wone wo le phonisiye+ ga molawo wa tso tsa go sinya le ga molawo wa likgu. 3 Tso Molawo ne wo sa kgone go di maka+ ka taba la gore batho a baa yenela,+ Modimo o di makiye ka go romela Morwayi wage+ gore a tle ka mmele wa go tshwana le wa rune, fote a fetse ka tso tsa go sinya+ mo bathong. 4 Gore dilo tsa gabutši tsa go sipidisana le Molawo di ka fo makega ka rune+ ba gore re maka dilo go ya ka moya wa go hlawolega, a re theetsele mmele wa rune wa go sinya.+ 5 Bo ba go tlalela ga tso tsa lefase ba fo dula ba nyaka go maka tsona,+ mara ba go sepela ka tso moya wo ba botsang tsona ba dula ba nyaka go maka tso wo reng ba di make.+ 6 Ka gore mo motho a dula a naganne ka tso tsa go sinya, o nyoko kgwa+ mara mo a nagana ka tso tsa moya wa go hlawolega o nyoko phela fote a dula a bebiye.+ 7 Ka taba la gore mo re lisetsa mmele wa rune wa go sinya wo lawola tso re di naganang, tsotsone di nyoko maka gore Modimo a re hloye,+ mmele wa go sinya wo ka sa di kgone go theetsela molawo wa Modimo. 8 Byalo, batho ba go maka dilo tsa go sipidisana le mmele wa go sinya ba ka sa di kgone go jabodisa Modimo.

9 Mara lune magageru, a le make dilo tsa go sipidisana le mmele wa go sinya mo nkare le na le moya wa Modimo.+ Mo nkare motho aa na moya wa Kreste, yenene a yi wa Kreste. 10 Mara mo o le selo ka ssoši le Kreste,+ moya wa go hlawolega wo go neya lephelo ka taba la gore o lukiye le mo mmele wago wo ka kgwa ka taba la go sinya. 11 Moya wa Modimo wo tsusiye Jeso ga bo ba kgwileng, mo nkare le na le moya wone wa ye a tsusiyeng Kreste Jeso ga bo ba kgwileng+ wo nyoko maka gore mmele wa lune wa gore wa kgwa wo phele+ a berekisa moya wage wa gore wo mone ga lune.

12 Byalo magageru, go na le so re tshwaneleng re se make, mara a re ya tshwanela go fo maka so se nabelang ke mmele wa rune wa go sinya,+ 13 mo le ka ya ka tso mmele wa lune o di nabelang le nyoko kgwa, mara mo le ka dumelela moya wa go hlawolega wo le gelepa go bolaya+ tso di nyakang ke mmele wa go sinya le nyoko phela.+ 14 Bo ba go yetetsa ke moya wa Modimo ke bana ba Modimo.+ 15 Lune a le ya yamogela moya wa gore wo le maka mabhantiti, wa go maka gore le fo dula le tšhugiye, le yamogele moya wa go maka gore le be barwayi ba Modimo, moya wone ke wona wo makang gore re yahlamele re re: “Abba,* Papa!”+ 16 Moya+ wa Modimo wo napa wo re šupetsa gore ke rune bana bage.+ 17 Mo nkare ke rune bana ba Modimo, fote re nyaka go kraya tso a re neyang tsona,+ o nyoko re neya tso a di neyang Kreste. Mo nkare re tikemisela go hlupegisiwa go tshwana le Kreste+ le rune ba nyoko re gadimisa go tshwana naye.+

18 Go hlupegisiwa howa ga rune ke go bona go se selo mo ke go lekanisa le go gadimisiwa mo re nyoko go krayang.+ 19 Dilo ka mokana ga tsona tso Modimo a di makiyeng, di yemele go bona ka maahlo ya makhubedu mo Modimo a wunyulla barwayi bage.+ 20 Dilo ka mokana ga tsona tso Modimo a di makiyeng di phela lephelo la go sa re selo+ mara go se ka taba la gore di ya nyaka, Modimo ke yene a di dumeleleng gore di be ka mokgonone, o makiye tsotsone a kene a re tshepisa se sengwana. 21 Gore tso Modimo a di makiyeng di khutse+ go ba mabhantiti ya tsa go sinya fote dya lokologa go tshwana le bana ba Modimo ba gore baa gadimisiwa. 22 Re ya di tšiba gore dilo ka mokana ga tsona di ya lla fote di sa fo kwa go baba le lekgono lowa. 23 Gana byalo re na le moya wa go hlawolega wa gore wo nyoko re lekisa tso di nyoko tlang, re kwa go baba+ mo re kene re yemele go ba bana ba Modimo ba gore o ba rekiye,+ mo nako yone yi segela re nyoko lokologa ga mmele wa rune ka sehlabelo sa Jeso. 24 Nakwela re phonisiwa re yye ra ba le tshepo mara tshepo ya gore motho o yi bona ka maahlo a yi yona yo go bolabodiwang ka yona. Mo motho a bona selo, ayitsano di nyaka a tshepele ga sona? 25 Mara mo re tshepela+ ga selo sa gore a re se boni+ re fo ya mahlong re kene re se yemele re tiyisele.+

26 Le rune moya wa go hlawolega wo ka re gelepa mo re lelemela,+ re ka fo tikwa gore re nyaka go rapela mara ra sa tšibi gore re rapelele ying, moya wa go hlawolega wa re phophotela ga Modimo mo re kwa re kgongwele re sa tšibi gore re ka re king. 27 Modimo ke yene a nyakollang dipelo,+ o tšiba tso moya wo di kgopelelang bo ba go hlawolega, ka taba la gore di sipidisana le tso yene a di nyakang.

28 Re ya di tšiba gore mo Modimo a maka dilo tsage o di maka ka letheto, ka matlamatla mo a yye a makela bo ba gore o ba hlawodiye le ba gore baa mo nyaka.+ 29 Ka taba la gore ke botala a hlawodiye gore ke bomang bo a nyakang gore ba tshwane le Morwayi wage+ wa gore ke wa mathomo+ ga bobhuti bage.+ 30 Go tokegela gana hone, bobone a ba hlawodiyeng+ ke bona bo a ba bitsiyeng,+ fote ke bona ba gore o yitseri ba lukiye.+ Byalo, o gadimisiye bo ba gore o yitseri ba lukiye.+

31 Re nyoko re king mara ka dilo tsowa? Mo nkare Modimo o yema le rune ke mang ye a nyoko re phigisang?+ 32 Aa re kona Morwayi wage mara o re neyye yene gore a re kgwele ka moka.+ Byalo, ayitsano tsotsone a di šupetse gore a ka re neya le dilo tse dingwana fote? 33 Ke mang ye a ka solang bo ba gore ba hlawodiye ke Modimo?+ Modimo ke yene a hlayang gore ba lukiye.+ 34 Ke mang ye a ka ba yahlulang go baba mara? Aa šiyo, Kreste Jeso ke yene a ba kgweleng fote ke yene ye a tsusiwweng ga bo ba kgwileng, gana byalo o ka letsogong la go ja la Modimo+ fote wa re phophotela.+

35 Ayitsano se gona so se ka makang gore Kreste a sa sa re nyaka?+ Ayitsano mathatha, go šekela, go hlupegisiwa, tlala, go sa be le tsa go yapara, kotsi kela dintwa di ka re fapanisa le Kreste?+ 36 Mangwalo ma re: “Letšatši ka moka, re dula re libanne le likgu ka taba la gore ke rune batho bago; batho ba re tseya re tshwana le dinku tsa gore di tshwanele di bolayiwe.”+ 37 Mara re hludiye+ ga dilo tsowa ka mokana ga tsona ka taba la matšhika ya ye wa gore o re nyaka ka matla. 38 Ke ro di tšiba gore likgu, lephelo, mangeloyi, memmušo, dilo tso di makegang gana byalo le tso di sa tlang kela ba go lawola,+ 39 kela dilo tso di leng ku gedimo kela tso di leng ho tlase kela tso Modimo a di makiyeng, di ka sa ro kgona go re yahluganya le Modimo le Morena wa rune Kreste Jeso.