Tsa go ya ga Makolosi
4 Lune ba go lawola ba bangwana, le tshware dibereki tsa lune gabutši le kene le sa libale gore le lune go na le ye a le lawolang wa ku legedimong.+
2 Ariyeneng mahlong le kene le rapela,+ le dule le hlahlamme fote le leboge.+ 3 Mo le kene le maka ka mokgonone le re rapelele+ le rune gore Modimo a bulele lentsu lowa ditsela gore re thogo sabalatsa sephiri sa go hlawolega ka Kreste wa gore ke yye jele ka taba lage,+ 4 gore ke tšhomayele ka lona ka mokgo ke tshwaneleng go tšhomayela ka gona.
5 Le šupetseneng gore le hlalefiye mo le phela le batho ba bangwana ba gore a yi ba ka mo phutegong, le berekiseneng nako ya lune gabutši.*+ 6 Go fo tshwana le mo letswayi le maka gore tsa go ja di natefe,+ le lune le bolabole dilo tsa gabutši gore le tšibe gore le fetola motho ye mongwana le ye mongwana le re king.+
7 Thayikhikhase+ wa gore ke mogageru ye ke mo nyakang ka matla, lelata la go tshepega, wa gore fote ke bereka naye ga mmereko wa Morena o nyoko le botsa ditaba ka moka ka nna. 8 Ke mo roma mone ga lune gore le thogo tšiba gore go makega ying ka rune le gore a le kgomoletse. 9 O nyoko tla a na le Onesimase,+ mogageru wa go tshepega wa gore fote ke mo nyaka ka matla, wa gore o tšwa hone ga lune. Ba nyoko le botsa dilo ka moka tso di makegang howa.
10 Aristakhase+ wa gore ke bhantita naye wa le tamisa, le Mareka+ wa gore ke motswala wa Bharenabhase (yela wa gore ba le butsiye gore le mo yamogele gabutši+ mo a tla hone ga lune), 11 le Jeso ye ba reng ke Justase wa gore o wela ga bala ba gore ba bollwe, le bona baa le tamisa. Ke bona ba gore ke bereka nabo mo ke tšhomayela ka Mmušo wa Modimo fote ba nkgomoletsa ka matla. 12 Epaforase+ wa gore o berekela Kreste Jeso, wa gore fote o tšwa hone ga lune wa le tamisa. O dula a le rapelela a šwennye gore le sa thogathoge fote le nape le di tshepa gore Modimo o nyoko maka tso a di nyakang. 13 Ke di bonne gore wa le yemayemela, lune le bo ba leng Lawodisiya le Hirapholisi.
14 Lluka+ wa gore ke togotela yo re yi nyakang ka matla le Demase+ baa le tamisa. 15 Le ntamiseleneng magageru ya ma leng Lawodisiya, le ntamiseleneng le Nimefa le phutego yo yi leng gaye gage.+ 16 Mo ba šele ba le balele borifi byowa, le bo yise phutegong ya Lawodisiya gore le bona ba bo bale,+ le lune le bale borifi byo bo tšwang phutegong ya Lawodisiya. 17 Le botseneng le Akhipase+ gore a karakare ka matla gore a make mmereko wo Morena a mo neyyeng wona.
18 Nna Pawulo ke ya le tamisa fote borifi byowa ke bo ngwadiye ka letsogo laka.+ Le sa libale gore ke jele.+ Nkare Modimo a ka dula a le kwela go baba.