Mathesalonika wa Mathomo

5 Byalo magageru, a di šinyi di nyaka re le ngwalela ka dinako le matšatši ya di nyoko makegang ka wona. 2 Le ya di tšiba gore letšatši la Jehova*+ le nyoko segela go fo tshwana le wa go yetswa mo a tla bošego.+ 3 Mo ba thomisa gore, “Go bebiye fote go tšhireletsegiye!” go nyoko napa go fela ka bona ka nako yonone,+ go fo tshwana le mo mosadi wa go yima a tlela ke lešoko, fote ba ka sa ro phona. 4 Lune magageru, a le nape le le mong letshwifing tsa gore letšatši lone le ka le tlela le sa nagana, go fo tshwana le mo go khanya go tlela ba go yetswa ba sa nagana, 5 ka taba la gore ka mokana ga lune ke lune barwayi ba go khanya+ fote ke lune barwayi ba motshegare. A yi rune ba bošego kela ba letshwifi.+

6 Byalo, tla re sa koboleneng go tshwana le ba bangwana,+ mara tla re duleneng re hlahlamme+ fote re šupetsa gore re nagana gabutši.+ 7 Ka taba la gore bo ba gore baa yetsela, ba yetsela bošego, le bo ba gore baa tlayila, ba tlayila bošego.+ 8 Mara rune ba gore ke rune ba motshegare, tla re naganeneng gabutši, fote re be le tumelo re boye re nyakanane gore sosone go be sephemo sa ho sekgubeng ke mokane re be le tshepo ya gore re nyoko phona, tshepo yone go be lekarapo la rune,+ 9 ka gore mo Modimo a re hlawola ke mo a sa re hlawolele gore a fetse ka rune, mara o re hlawolele gore a re phonise+ ka tso di makiyeng ke Morena wa rune Jeso Kreste. 10 O re kgwele+ gore le mo nkare re ya phela kela re ya kgwa, re ko fo dula re le naye.+ 11 Byalo, ariyeneng mahlong le kgomoletsana fote le tiyisana+ go fo tshwana le ka mokgo ne le kene le maka ka gona.

12 Byalo re ya le kgopela magageru, gore le hlompeneng bo ba berekang ka matla fote ba kene ba le yeta mahlong ga tso tsa Morena ba boya ba le yetetsa, 13 fote le ba naganeleneng ga mmereko wo ba wo makang, le šupetse gore le ba nyaka ka matla.+ Le makeneng gore go dule go bebiye ho gare ga lune le ba bangwana.+ 14 Ka nthoko ye nngwana, re ya le kgopela magageru gore le pasopise bo ba go sa theetsele,+ le kgomoletse bo ba gore ba kgongwele, le gelepe bo ba gore baa lelemela fote batho ka mokana ga bona le ba lefisele pelo.+ 15 Go sa be le ye a patedisang tsa go befa ka tsa go befa+ mara le fo dula le makelana tsa gabutši fote le makele le ba bangwana ka mokana ga bona tsa gabutši.+

16 Dulaneng le jabodiye.+ 17 Dulaneng le rapela.+ 18 Leboganeng dilo ka mokana ga tsona.+ Modimo o nyaka gore bo ba latelelang Kreste Jeso ba make tsotsone. 19 Le sa šitisi moya wa Modimo wa gore wo ho ga lune.+ 20 Le sa make nkare diporofeto a di re selo.+ 21 Le nyakolleneng gore dilo ka mokana ga tsona ke nnete,+ le dule le maka dilo tsa gabutši. 22 Le kganeleneng kgole le dilo ka mokana ga tsona tsa go sa loka.+

23 Nkare Modimo wa go beba a ka maka gore le hlawolege. Lune magageru, nkare le ka maka gore mekgwa le maphelelo le mmele wa lune di nape di ro yela go segela mo Morena wa rune Jeso Kreste a tla.+ 24 Ye a le bitsiyeng wa tshepega fote o nyoko fo maka ka mokgonone.

25 Magageru, ariyeneng mahlong le re rapelela.+

26 Le tamiseneng magageru ka mokana ga wona ka khisi ya go hlawolega.

27 Ke le kgopela ka lebitso la Morena gore borifi byowa le bo balele magageru ka mokana ga wona.+

28 Nkare Morena wa rune Jeso Kreste a ka le kwela go baba.