Pisalema
Koša ya Dafita, ya gore di nyaka batho ba yi gopole.
38 Barena Jehova, o sa nšupetsi sa gabutši o kwatiye,
Fote o sa n’wolole o kwatiye ka matla.+
2 Ka gore manopa ya mosefo wago ma nhlabiye ma napa ma ro kenelela,
Fote letsogo lago le ya nkgahleletsa.+
3 Mmele waka ka mokana ga wona wa lwala ka taba la gore o nkwatele.
A ke kgone go khutsa ka taba la tso ke di sinnyeng.+
4 Ka gore tso ke di sinnyeng di pakelanne la go šinya di feta ka kgakala ga hlogo yaka;+
Di nroba go tshwana le morwalo wa go roba.
5 Mo ga gore ke kwalele gwa nkga fote gwa gola
Ka taba la bophokophoko byaka.
6 Ke hlakahlakanne fote ke kgongwele ka matla;
Ke sepela ke kgongwele letšatši ka mokana ga lona.
7 Ke ya swa ka ho teng;
Mmele waka ka mokana ga wona wa baba.+
8 Ke kgwile bogašu fote a ke sa na matšhika;
Pelo yaka ya baba yi maka gore ke gotle.
9 Barena Jehova, tso ke di nabelang ka mokana ga tsona di tšiba ke wene,
Fote o dula o nkwa mo ke lla.
10 Pelo yaka yi teya ka matla, a ke sa na matšhika,
Fote a ke sa bona gabutši.+
11 Banghana baka le batho bo ke ba nyakang ka matla ba sepelela ku kgole le nna ka taba la tso di n’weleng tsa go sasamela,
Fote batho bo ke ba tlwayeleng ka matla ba kganela kgole le nna.
12 Bo ba go nyaka go mpolaya baa nreya;
Bo ba gore ba liketsa go nkwaletsa ba bolabola ka gore ba nyaka go fetsa ka nna;+
Ba fetsa letšatši ka mokana ga lona ba polana gore ba ntshokanye.
13 Mara go fo tshwana le motho wa gore aa kwe, ke mo ke sa theetsele;+
Ke mo ke fo kgomolela go tshwana le motho wa gore aa bolabole.+
14 Ke tshwana le motho wa gore aa kwe mo ditsebeng,
Wa gore a ka sa hlaye selo gore a tiyemelele.
16 Ka gore ke yitseri: “O sa lisetsi manaba yaka ma jabola
Kela ma mpoyila mo loto laka le ka thelela.”
17 Ka gore ke mo ke šele ke le thina le go wa,
Fote ke mo ke dula ke kwa go baba.+
19 Mara manaba yaka ma na le matšato fote ma na le matšhika,
Bo ba gore ba nhloyele mahala ba yeketsegiye.
20 Ba patedisa dilo tsa gabutši tso ke di makang ka tsa go sa loka;
Ke mo ba nthibelela gore ke sa yi mahlong ke maka tsa gabutši.
21 Barena Jehova, o sa nlahle.
Barena Modimo, o sa be kgole le nna.+
22 Yakgoswa o tle o n’gelepe,
Barena Jehova, wene wa go mphonisa.+