Dipalo

19 Jehova a bolabola le Moše le Aroni fote, a re: 2 “Wowa ke molawo wo Jehova a le butsiyeng wona a re, ‘Botsa Maisrayele gore di nyaka ma tseye kgomu ya go philega ye bhraweni ya gore a ya golofala,+ ya gore a yi soko tlemiwa lejokong. 3 O nyoko yi neya Eliyazara wa gore ke moprista, yene o nyoko yi gapa a ya nayo ka tawong ga kampa, fote ba nyoko yi hlaba mahlong gage. 4 Ke mokane Eliyazara wa gore ke moprista o nyoko tseya madi ya yona ya mangwana ka monwana wage, a ma fokela gašupa mahlong ga letente la mogahlano.+ 5 Ke mokane kgomu yone yi yi nyoko tšhubiwa mahlong gage. Mokgopa wa yona, nama ya yona, madi ya yona le boraga bya yona ba nyoko di tšhuba.+ 6 Fote moprista o nyoko tseya kwata ya mosidara, hisopo+ le llapi le lekhubedu a di bošela ga mollo wo ba tšhubang kgomu yone. 7 Moprista o nyoko hlatswa dikobo tsage fote le yene a hlapa, ke mokane ka nthago a ka kena kampeng; mara moprista yene o ko ba a sa yela go segela ka malobana.

8 “‘Ye a tšhubiyeng kgomu di nyaka a hlatswe dikobo tsage ka meetši fote le yene a hlape, o ko ba a sa yela go segela ka malobana.

9 “‘Motho wa gore o yediye o nyoko kgobaketsa luta la kgomu+ yone ke mokane a le yisa ka tawong ga kampa ga poleke ya gore yi yediye, di nyaka ba beye luta lone gore ba tle ba le berekise ga meetši ya go yedisa, ya gore ma nyoko berekisa ke setšhaba sa Maisrayele.+ Ke sehlabelo sa mo motho a sinnye. 10 Ye a kgobaketsiyeng luta la kgomu yone o nyoko hlatswa dikobo tsage, fote o ko ba a sa yela go segela ka malobana.

“‘Wowa go nyoko ba molawo wa Maisrayele le batho ba go tšwa ba sepela ba gore ba dula gare ga Maisrayele, fote molawo wone wo nyoko bereka go ya go yye.+ 11 Ye mongwana le ye mongwana wa gore o tikisa motho wa gore o kgwile* go nyoko fela kašupa ya matšatši a thilafele.+ 12 Motho yene di nyaka a tiyedise ka meetši yane ka letšatši la kararo ke mokane ka letšatši la kašupa o ko ba a yediye. Mara mo motho yene a sa tiyedisi ka letšatši la kararo, di ra gore ka letšatši la kašupa o ko ba a sa yela. 13 Ye mongwana le ye mongwana wa gore o tikisa motho wa gore o kgwile* fote a sa tiyedisi, motho yene o thilafatsa tabarenakele ya Jehova+ fote motho yene di nyaka a bolayiwe mone ga Maisrayele.+ Ka taba la gore a ba mo tšhela ka meetši ya go tiyedisa,+ motho yene o thilafele. O nyoko dula a thilafele.

14 “‘Wowa ke molawo wa mo monna a ka kgwela ka letenteng: Ye mongwana le ye mongwana ye a kenang ka mone letenteng le ye mongwana le ye mongwana wa gore ne a kene a le ka hone letenteng mo motho yewa a kgwa, go nyoko fela kašupa ya matšatši a sa yela. 15 Selo se sengwana le se sengwana so ba tšhediyeng dilo ga sona sa gore a se ya khurumetsiwa, a se ya yela.+ 16 Ye mongwana le ye mongwana wa gore o yemme ka tawong ga matente wa gore o tikisa motho wa gore ba mmolayye ka sabola kela o tikisa setopo kela lešapo la motho wa gore o kgwile kela lebitla, motho yene go nyoko fela kašupa ya matšatši a sa yela.+ 17 Gore ba yedise motho wa gore aa yela di nyaka ba tseye luta la sehlabelo sa mo motho a sinnye ke mokane ba le tšhele ka teng ga meetši ya go yela ya gore ma ka teng ga sitša. 18 Motho wa gore o yediye+ o nyoko tseya hisopo+ a yi yenela ga meetši yane ke mokane a fokela letente le ditša ka mokana ga tsona le batho ba gore ke mo ba le gona gana hone ba gore ba tikisiye lešapo la motho wa gore o kgwile kela ba tikisa motho wa gore ba mmolayye ka sabola kela ba tikisa setopo kela ba tikisa lebitla. 19 Motho wa gore o yediye o nyoko fokela motho wa gore aa yela ka meetši yane ka letšatši la kararo le ka letšatši la kašupa,+ byalo yene di nyaka a hlatswe dikobo tsage fote a hlape ka meetši ke mokane ka malobana o ko ba a yediye.

20 “‘Mara motho wa gore aa yela fote aa nyake go yedisiwa, di nyaka a bolayiwe+ ka taba la gore o thilafatsiye tempele ya Jehova. Motho yene aa yela ka taba la gore a baa mo fokela ka meetši yane ya go yedisa.

21 “‘Wowa ke molawo wo di nyakang ba wo latelele go ya go yye: Ye wa gore o fokela meetši ya go yedisa+ di nyaka a hlatswe dikobo tsage, fote ye wa gore o tikisa meetši yawa ya go yedisa o ko ba a sa yela go segela ka malobana. 22 Selo se sengwana le se sengwana sa gore se tikisa ke motho wa gore aa yela le sona se nyoko thilafala, fote motho ye a tikisang selo sone o ko ba a sa yela go segela ka malobana.’”+