Jobo
32 Byalo, banna bowa kararo ya bona ba lisetsa go liketsa go fetola Jobo ka taba la gore ke mo a tshepa gore o lukiye.+ 2 Mara Elihu morwayi wa Bharatšhele wa Lebhuze+ wa leloko la Rama, a kwata ka matla. A kwatela Jobo ka gore Jobo ke mo a liketsa go šupetsa gore yene o lukiye go phala Modimo.+ 3 Fote banghana ba Jobo kararo ya bona ke mo a ba kwatele ka matla, ka taba la gore ke mo ba sa kraye phetolo mara ba hlaya gore Modimo aa loka.+ 4 Elihu ke mo a yemele go fetola Jobo ka taba la gore ka mokana ga bona ke mo ba mo feta ka bogolo.+ 5 Mo Elihu a di bona gore banna bala kararo ya bona ba šitega go fetola, a kwata ka matla. 6 Byalo, Elihu morwayi wa Bharatšhele wa Lebhuze a thomisa go bolabola a re:
“Ke nna ye monyana
Fote lune le ba bagolo.+
Byalo ke kgomolele ka gore ke ya le hlompa,+
Fote ne ke tiputsiye gore nka sa le botse tso ke di tšibang.
7 Ke mo ke tiputsiye gore, ‘Yema ke lisetse ba bagolo ba bolabole,
Fote yema ke lisetse bo ba go ba le mengwaga ya go tlala ba šupetse gore ba hlalefiye.’
8 Mara ke moya wa go hlawolega wa gore Modimo o wo neya batho,
Moya wa Ye wa Matšhika ka Moka ke wona wo makang gore batho ba kwisise.+
9 Mengwaga a yi yona yi ntoši yi makang gore motho a hlalefe,
Fote a yi batho ba gore ba tsofele fela ba gore ba kwisisa dilo tsa gore di gabutši.+
10 Byalo, ke re, ‘Ntheetseleneng,
Fote ke nyoko le botsa tso ke di tšibang.’
11 Ke mo ke le yemele gore le hlaye tso le di hlayang;
Ke mo ke theetsele tso le di hlayang+
Mo nkene ke nyakana le tso nka di hlayang.+
12 Ke mo ke le theetsele gabutši,
Mara a go na le ka wwoši mo ga lune wa gore ne a ka šupetsa gore Jobo aa make tsona*
Kela a fetola tso ne a di hlaya.
13 Byalo, le sa hlaye gore, ‘Ke rune ba gore re hlalefiye;
A yi motho ye a šupetsang gore Jobo aa make tsona, mara ke Modimo.’
14 Jobo ke mo a sa bolabole le nna,
Byalo, nka sa hlaye tso lune le di hlayyeng.
15 Ba tšhugiye, a ba sa na tsa go fetola ka tsona;
A ba sa na so ba ka se hlayang.
16 Ke ba yemele, mara a ba yi mahlong ba bolabola;
Ba fo yema gana hone ba se na sa go fetola ka sona.
17 Byalo, le nna ke nyoko fetola;
Le nna ke nyoko hlaya so ke se tšibang,
18 Ka gore go na le tsa go tlala tso nka di hlayang;
Moya wa go hlawolega wa gore wo ho gaka ke wona wo ntšhofang.
19 Ka ho teng gaka go tshwana le wayini ya gore a go na ho yi ka tšwang gona,
Go tshwana le dikutu tsa nyuwane tsa gore di thina le go bharasa.+
20 Ntisetseneng ke bolabole gore ke thogo yimuluga!
Ke nyoko bula molomo waka ka fetola.
21 Nka sa hlawole motho;+
Kela ka maka gore motho a tikwe a le kawone,
22 Ka gore a ke di kgone tsa go maka gore batho ba tikwe ba le kawone;
Mola ke di kgona, ye a mmakiyeng ne a nyoko yakgoswa a fetsa ka nna.