Hezekiyele

36 “Wene morwayi wa motho, porofeta ka dithaba tsa Israyele o hlaye gore, ‘Lune dithaba tsa Israyele, kwanneng lentsu la Jehova. 2 Tsowa ke tso Jehova Morena wa ku Malenghelengheng a di hlayang: “Lenaba le bolabodiye ka wene la re, ‘Agaa! Le mong dipoleke tsa kgakala tsa botala go šele go le tsa rune!’”’+

3 “Byalo, porofeta o re, ‘Tsowa ke tso Jehova Morena wa ku Malenghelengheng a di hlayang: “Ka taba la gore ba makiye gore o be lešupi fote ba go hlasele ba tšwa mahlaya ka mokana ga wona, ditšhaba tse dingwana tsa gore di le dukulugele di nyaka go le tseya gore le be tsa tsona fote batho ba ya mahlong ba bolabola ka lune ba boya ba le sinya lebitso,+ 4 byalo, lune dithaba tsa Israyele, kwanneng lentsu la Jehova Morena wa ku Malenghelengheng! Tsowa ke tso Jehova Morena wa ku Malenghelengheng a di botsang dithaba le memmoto, dinookane le meyedi, dipoleke tsa gore ba di sinnye ba maka gore go be mašupi,+ le mitši ya gore a ba sa dula ga yona ya gore dilo tsa yona di tseyiwwe ya gore fote yi poyila ke bo ba phonneng ba go tšwa ga ditšhaba tso di ba dukulugeleng;+ 5 Jehova Morena wa ku Malenghelengheng o di botsa gore: ‘Ke nyoko bolabola ka bo ba phonneng ba ditšhaba le ka Edomo ka mokana ga yona nkene ke kwatiye ka matla,+ batho ba gore ba tsere naga yaka ba maka gore go be ya bona ba kene ba jabodiye ka matla fote ba yi kweranya,+ gore ba tseye dipoleke tsa yona tsa go disela ga tsona le gore ba tseyanye dilo tsa yona.’”’+

6 “Byalo, porofeta ka naga ya Israyele, o botse dithaba le memmoto, dinookane le meyedi gore, ‘Tsowa ke tso Jehova Morena wa ku Malenghelengheng a di hlayang: “Bonaneng! Ke nyoko bolabola nkene ke kwatiye ka matla ka taba la gore ditšhaba di le poyilannye.”’+

7 “Byalo, tsowa ke tso Jehova Morena wa ku Malenghelengheng a di hlayang: ‘Ke nyoko tshepisa nkene ke yemisiye letsogo laka gore ditšhaba tso di le dukulugeleng le tsona di nyoko poyilega.+ 8 Mara lune, lune dithaba tsa Israyele, le nyoko ba le makala ya gore ma ntshela batho baka ba Israyele diyengwa+ ka gore ba nyoko boya go se botala. 9 Ka gore ke na le lune, ke nyoko le pasopa fote ba nyoko lima ho ga lune ba boya ba gaša pewu. 10 Ke nyoko maka gore batho bago ba yeketsege⁠—batho ka mokana ga bona ba ntlo ya Israyele⁠—go nyoko dula batho hone mitšing+ fote ho go sinyegiyeng go nyoko yagiwa ka bonyuwane.+ 11 Eya, ke nyoko yeketsa batho bago le merape yago;+ di nyoko yeketsega dya tlala ka matla. Ke nyoko maka gore ho gago go dule batho go tshwana le mathomisong,+ fote ke nyoko maka gore o phomelele go phala ku botala;+ o nyoko di tšiba gore ke nna Jehova.+ 12 Ke nyoko maka gore batho baka ba Israyele ba sepele ho gago, fote ba nyoko go tseya wa ba wa bona.+ O nyoko ba lefa la bona, fote o ka sa sa tsoga o makiye gore ba sa be le bana.’”+

13 “Tsowa ke tso Jehova Morena wa ku Malenghelengheng a di hlayang: ‘Ka gore ba go botsa gore, “Ke wene naga ya go ja batho, ya gore fote yi maka gore ditšhaba tsa yona di sa be le bana,”’ 14 ‘byalo, o ka sa sa ja batho kela wa maka gore ditšhaba tsago di sa sa ba le bana,’ go hlaya Jehova Morena wa ku Malenghelengheng. 15 ‘Nka sa lisetsi ditšhaba di go poyila kela go lisetsa batho ba go šuhlašuhla,+ fote o ka sa sa maka gore ditšhaba tsago di phiriketsege,’ go hlaya Jehova Morena wa ku Malenghelengheng.”

16 Lentsu la Jehova la tla gaka fote, la re: 17 “Morwayi wa motho, nakwela ba ntlo ya Israyele ba dula nageng ya bona, ba makiye gore yi sa yele ka mekgwa ya bona le tso ba di makang.+ Mo gaka mekgwa ya bona ke mo yi tshwana le go sa yele ga mo motho a le nakong.+ 18 Byalo, ke ba šupetsiye gore ke fufulele ka taba la madi ya ba ma falatsiyeng nageng+ le ka taba la gore ba thilafatsiye naga ka medimo ya bona ya go silikisa.*+ 19 Byalo, ke ba tlalagannye ditšhabeng fote ka ba sabalatsa dinageng.+ Ke ba yahludiye go ya ka mekgwa ya bona le tso ba di makiyeng. 20 Mara mo ba segela ditšhabeng, batho ba thilafatsiye lebitso laka la go hlawolega+ ka gore ke mo ba bolabola ka bona ba re, ‘Bowa ke batho ba Jehova, mara di nyakiye gore ba tloge nageng yage.’ 21 Byalo, ke nyoko šupetsa gore ke ya hlupega ka lebitso laka la go hlawolega, la gore batho ba Israyele ba le thilafatsiye gare ga ditšhaba tso ba yyeng ga tsona.”+

22 “Byalo, botsa ba ntlo ya Israyele gore, ‘Tsowa ke tso Jehova Morena wa ku Malenghelengheng a di hlayang: “A ke make dilo tsowa ka taba la lune, lune ba ntlo ya Israyele, mara ke makela lebitso laka la go hlawolega la gore le le thilafatsiye gare ga ditšhaba tsa gore ne le le ga tsona.”’+ 23 ‘Ka nnete ke ya resa ke nyoko maka gore lebitso laka le legolo+ la gore le le thilafatsiye gare ga ditšhaba le hlawolege, la gore le le thilafatsiye gare ga bona; fote ditšhaba di nyoko di tšiba gore ke nna Jehova+ mo ke maka gore ke hlawolege gare ga lune mahlong ga tsona,’ go hlaya Jehova Morena wa ku Malenghelengheng. 24 Ke nyoko go tlosa ditšhabeng, ka go kgobaketsa ga dinaga ka mokana ga tsona ka go yisa ga naga yago.+ 25 Ke nyoko go fokela ka meetši ya go yela, fote o nyoko šala o yediye;+ ke nyoko go yedisa ga dithila ka mokana ga tsona+ le ga medimo yago ya dithombhe ka mokana ga yona ya go silikisa.+ 26 Ke nyoko go neya pelo ya nyuwane+ fote ke nyoko maka gore o tseye dilo ka mokgwa wa nyuwane.+ Ke nyoko tlosa pelo ya letlapa ho gago,+ ka go neya pelo ya go temeka. 27 Ke nyoko tšhela moya waka ho gago, fote ka maka gore o sepele ka melawo yaka,+ ke nyoko maka gore o theetsele o boye o latelele mokgwa waka wa go yahlula. 28 Ke mokane le nyoko dula nageng ya gore ke yi neyye bokokwane ba lune, fote le nyoko ba batho baka, nna ka ba Modimo wa lune.’+

29 “‘Ke nyoko le phonisa ga dilo ka mokana ga tsona tsa go sa yela, ke nyoko botsa mabele gore ma gole, ma tlale, fote nka sa le leyele tlala.+ 30 Ke nyoko maka gore diyengwa tsa mehlareng le dimilane tsa mašomong di tlale, gore o sa sa tsoga o poyilegiye ho ditšhabeng ka taba la tlala.+ 31 Ke mokane le nyoko gopola mekgwa ya lune ya go sa loka le tso le di makiyeng tsa gore a di gabutši, fote le nyoko kwa le tinyenya ka taba la tso le di sinnyeng le ka taba la tso le di makiyeng tsa go silikisa.+ 32 Mara le di tšibeneng gore: Dilo tsowa a ke di make ka taba la lune,’+ go hlaya Jehova Morena wa ku Malenghelengheng. ‘Di nyaka mekgwa ya lune yi le tšebiseneng fote le kwe le poyilegiye, lune ba ntlo ya Israyele.’

33 “Tsowa ke tso Jehova Morena wa ku Malenghelengheng a di hlayang: ‘Ka letšatši la mo ke go yedisa ga melato yago ka mokana ga yona, ke nyoko maka gore mo mitšing go dule batho+ fote mo go sinyegiyeng ke nyoko maka gore go yagiwe ka bonyuwane.+ 34 Naga ya gore a go duli batho ya gore ke mo yi bona ke ye mongwana le ye mongwana ye a fetang yi nyoko limiwa. 35 Fote batho ba nyoko re: “Naga ya gore ke mo go sa duli batho yi šele yi tshwana le tšhomo ya Edeni,+ mitši ya gore ke mo go le mašupi, yi sa dulegi fote yi sinyegiye.”+ 36 Ditšhaba tso di šeleng tsa gore di go dukulugele di nyoko di tšiba gore nna Jehova ke yi yagiye ka bonyuwane mitši yo ne yi sinyegiye, fote ke gašiye nageng ya gore ne go le lešupi. Nna Jehova ke bolabodiye, fote ke di makiye.’+

37 “Tsowa ke tso Jehova Morena wa ku Malenghelengheng a di hlayang: ‘Ke nyoko lisetsa ba ntlo ya Israyele ba kgopela gore: Ke make gore batho ba bona ba tlale go tshwana le morape. 38 Go tshwana le morape wa bo ba go hlawolega, go tshwana le morape wa Jerusalema* ka nako ya mo go na le menyanya,+ mitši ya gore ke mo yi sinyegiye yi nyoko tlala ka batho;+ fote ba nyoko di tšiba gore ke nna Jehova.’”