Pisalema
Koša ya Dafita.
141 Barena Jehova, ke ya go bitsa.+
Ke kgopela o yakgoswe o n’gelepe.+
Ntheetsele mo ke go bitsa.+
2 Nkare thapelo yaka yi ka tshwana le tsa go tšhubiwa tsa go nkgela+ tsa gore ba di lukiselele mahlong gago,+
Matsogo yaka ya gore ke ma yemisiye ma tshwane le sehlabelo sa mabele sa ka malobana.+
3 Barena Jehova, n’gelepe gore ke lawole tso ke di bolabolang,
N’gelepe gore ke pasope tso ke di hlayang.+
4 O sa lisetsi pelo yaka yi nyaka go maka tsa go sa loka,+
Gore ke make dilo tsa go sa loka le bo ba dipelo tse diphifadu;
Nka sa tsoge ke jile mahinyahinya ya bona.
5 Mo ye wa go loka a ka fo nteya, o ko ba a šupetsa gore o nnyaka ka matla;+
Mo a ka n’wolola go ko ba nkare o ntlotsa makgura mo hlogong,+
Go ko ba go le makgura ya gabutši hlogong yaka, nka sa gane.+
Ke nyoko fo dula ke rapela le mo ke tlela ke tsa go sasamela.
6 Le mo batho ba bona ba go yahlula ba ka ba tšhofela ka lewopeng,
Batho ba nyoko theetsela mantsu yaka, ka gore maa jabodisa.
7 Mašapo ya rune ma palakanne ku Lebitleng,*
Go fo tshwana le mo motho a lima a boya a pshyaya makota.
8 Mara ke tisamele ka wene, barena Jehova Morena wa Malenghelengheng.+
Ke tšhabele gago.
O sa nlisetsi ke kgwa.
9 Mpasope ga melabo yo ba mpeyeleng yona,
Melabo ya bo ba go maka tsa go sa loka.
10 Bo ba dipelo tse diphifadu ba nyoko wela ga matabane ya bona ba le ka moka+
Mo nna ke feta ke pasopegiye.