Hezekiyele

2 Ke mokane a re gaka: “Morwayi wa motho,* yema ka mawoto gore ke thogo bolabola nago.”+ 2 Mo a bolabola le nna, moya wo tlile ho gaka wa maka gore ke yeme ka mawoto+ gore ke thogo kwa ye a bolabolang le nna.

3 A ya mahlong a bolabola le nna a re: “Morwayi wa motho, ke go roma ga batho ba Israyele,+ ga setšhaba sa go sa theetsele sa gore se njikele.+ Bona le bokokwane ba bona ba nsinyele go segela le lekgono lowa.+ 4 Ke go roma ga batho ba gore a ba theetsele, ba gore fote ba womme dihlogo,+ o segele o ba botse gore, ‘Tsowa ke tso Jehova Morena wa ku Malenghelengheng a di hlayang.’ 5 Bona ba nyoko di tšiba gore moporofeta ke mo a le gare ga bona+⁠—a di na taba gore baa theetsela kela a ba theetsele⁠—ka taba la gore ke batho ba go ba le tšhinghi.+

6 “Mara wene morwayi wa motho, o sa ba tšhabe+ fote o sa tshose ke mantsu ya bona, le mo o kene o dukulugele ke metlwa+ fote o duli gare ga bomankopelane.* O sa tshose ke mantsu ya bona+ fote o sa hlagasedisi ke difahlego tsa bona,+ ka taba la gore ke batho ba go ba le tšhinghi. 7 O ba botse mantsu yaka, a di na taba gore baa theetsela kela a ba theetsele, ka taba la gore ke batho ba go ba le tšhinghi.+

8 “Mara wene morwayi wa motho, theetsela tso ke go botsang tsona. O sa di phagele thoko go tshwana le batho bo ba go ba le tšhinghi. Bula molomo wago o je tso ke go neyang tsona.”+

9 Mo ke lebelela, ka bona letsogo le wolologele ho gaka+ fote ka ho teng ga lona ke mo go na le lengwalo la go phutiwa la gore ba le ngwadiye.+ 10 Mo a le phutulla mahlong gaka, ke mo le ngwadiwwe ka ho le ka ho.+ Mo ga lona ke mo ba ngwadiye dikoša tsa mo go lliwa, tsa mo batho ba kgongwele le tsa mo go gotliwa.+