Jošuwa

23 Ka nthago ga matšatši ya go tlala mo Jehova a šele a makiye gore Maisrayele ma khutse+ ga manaba ya wona, mo Jošuwa a šele a tsofele fote a le thina le go kgwa,+ 2 Jošuwa a bitsa Maisrayele ka mokana ga wona,+ banna ba bagolo, dihlogo tsa mitši, ba go yahlula le dindhuna,+ a ba botsa gore: “Ke tsofele; ke šele ke le thina le go kgwa. 3 Fote lune beng le bonne dilo ka mokana ga tsona tso Jehova Modimo wa lune a di makiyeng ditšhaba tsowa ka moka ka taba la lune ka gore Jehova Modimo wa lune ke yene ye ne a le lwela.+ 4 Ke neyye maloko ya lune+ naga ya gore yi thomisa Jorodane yi ya ga Lewatle le Legolo gore go be lefa la lune ke berekisa dikgakgare,+ naga ya gore yi ka bodikela ya gore fote ke ya ditšhaba ka mokana ga tsona tso ke fetsiyeng ka tsona+ le tso di šeleng. 5 Jehova Modimo wa lune ke yene ye ne a kene a ba raka mahlong ga lune,+ o ba rakiye ka taba la lune, lune la tseya naga ya bona go ya ka mokgo Jehova Modimo wa lune a tshepisiyeng.+

6 “Byalo di nyaka le šišimale gore le make dilo ka mokana ga tsona tso di ngwadiwweng pukung ya Molawo+ wa Moše, le sa keketlele ga molawo wowa la ya ga letsogo la go ja kela la mpata,+ 7 le sa tigahlanisi le ditšhaba+ tso di šeleng le lune. Le sa bolabole le ka mabitso ya medimo ya tsona+ kela la tshepisa ka yona, fote le sa tsoge le yi berekele kela go yi thinyela letolo.+ 8 Mara di nyaka le ngangarele Jehova Modimo wa lune+ ka mokgo le makiyeng ka gona go segela lekgono lowa. 9 Jehova o nyoko raka ditšhaba tse dikgolo tsa gore fote di na le matšhika mahlong ga lune,+ ka gore go segela lekgono lowa a go na motho ye a yyeng a kgona go lwa le lune a le hlula.+ 10 Motho ka wwoši mo ga lune o nyoko hlula sekiti sa batho,+ ka gore Jehova Modimo wa lune wa le lwela+ ka mokgo a le tshepisiyeng.+ 11 Jehova Modimo wa lune le mo nyakaneng ka matla,+ mo le maka tsotsone le nyoko dula le pasopegiye.+

12 “Mara mo le ka jikela Modimo la tlwayelana le ditšhaba tso di šeleng+ le lune, la šadhisana nabo, la nghanelana+ nabo le bona ba nghanelana le lune, 13 le dule le di tšiba gore Jehova Modimo wa lune a ka sa duli a raka ditšhaba tsowa mahlong ga lune.+ Go nyoko ba nkare ke molabo le sebepu sa go le teya ka mo mokolong+ le mutlwa ka mo teng ga maahlo ya lune go segela go fela ka lune mone nageng ya go bafala ya gore Jehova Modimo wa lune o le neyye yona.

14 “Ke šele ke le thina le go kgwa, fote le di tšiba gabutši gore a go na le selo ka ssoši ga dilo ka mokana ga tsona tsa gabutši tso Jehova Modimo wa lune a di tshepisiyeng tsa gore a di ya makega. Ka mokana ga tsona di makegiye. A go na le lentsu ka lloši la gore a le ya makega.+ 15 Mara go fo tshwana le ka mokgo le makegeleng ke dilo ka mokana ga tsona tsa gabutši tso Jehova Modimo wa lune a le tshepisiyeng tsona,+ Jehova o nyoko maka gore le tlele ke tsa go sasamela tso a di tshepisiyeng fote o nyoko fetsa ka lune mo ga naga yowa ya gabutši ya gore Jehova Modimo wa lune o le neyye yona.+ 16 Mo le ka lwisana le molawo wa gore Jehova Modimo wa lune o le neyye wona fote la ya la berekela medimo ye mengwana la boya la yi kgotamela, Jehova o nyoko le kwatela+ fote go nyoko yakgoswa go fela ka lune ga naga ya gabutši ya gore o le neyye yona.”+