Mantsu ya Mathomo

Modimo o berekisa Bhayibele ya go Hlawolega gore a bolabole le rune ka moka. Di nyaka re yi bale gore re thogo tšiba Ye a yi Ngwadiyeng. (Johane 17:3; 2 Thimothi 3:16) Ka teng ga yona, Jehova o re wunyullela tso a nyoko di makelang batho le tso a nyoko di makang ga lefase lo ba dulang ga lona.—Genesi 3:15; Kutullo 21:3, 4.

A go na puku yo yi tikisang maphelo ya batho go tshwana le yowa. Bhayibele yi re hlohletsela gore re be le mekgwa yo Jehova a tšibegang ka yona ya go tshwana le go nyakanana le go kwelana go baba. Yi maka gore batho ba be le tshepo fote yi ba gelepa gore ba tiyisele le mo ba gahlana le tsa go sasamela. Yi fo ya mahlong yi di beya lekgwaying dilo tsa lefase lowa tsa gore a di sipidisane le dilo tsa go yenela, tsa gore ke tso Modimo a di nyakang.—Pisalema 119:105; Maheberu 4:12; 1 Johane 2:15-17.

Mathomisong ke mo ba yi ngwadiye ka Seheberu, Searamo le Segerika, gana byalo Bhayibele ba yi hlatolliye yi felele kela go le sekopa ka mebolabolo ya go teya ka ku ga 3 000. Ke yona puku ya gore ba yi hlatolliye ba boya ba yi sabalatsa go phala dipuku tse dingwana. A di makatse. Seporofeto sa Bhayibele se re: “Ditaba tso tsa go bafala tsa Mmušo [molayetsa wo mogolo wa ka Bhayibeleng] di nyoko sabalatsiwa lefaseng ka mokana ga lona gore ditšhaba ka mokana ga tsona di thogo bona, ke mokane lefase le nyoko fela.”—Matewu 24:14.

Ka taba la gore re ya di tšiba gore molayetsa wa Bhayibele di nyaka re wo tseyela gedimo, re yi hlatolla ka bonyuwane re kene re hlompa ditaba tso di leng ka Bhayibeleng. Taba ya gore di nyaka re ngwale molayetsa wa yona ka mokgo wo leng, re yi tseyela gedimo ka matla. Ga hlatollo yowa ya nyuwane go berekisiwwe dihlatollo tse dingwana tsa Bhayibele ya Hlatollo ya Lefase la Nyuwane ya Mangwalo ya go Hlawolega, ya gore go šele go fediye mengwaga ya go teya ka ku ga 60 go tlugisela yi ntshiwa la mathomo. Mara ga 50 ya mengwaga ya go fela, mmolabolo wa Sekgowa wo tšhentšhiye. Tsotsone di yye dya tšhofa bo ba Komiti ya go Hlatolla Bhayibele gore ba ntshe hlatollo yowa ya gore ke mong yona. A re nyake go fo hlatolla ka mokgwa wa gore a wo tšhentšhi molayetsa wo ne wo le gona go tlugisela mathomisong mara re nyaka go hlatolla ka mokgwa wa gore wa kwagala fote dilo tsa gona di lula go di bala. Dihlogotaba tsa go tlatsisa “Ditšhiko tsa mo go hlatolliwa Bhayibele,” “Tso di leng ga Hlatollo Yowa,” le “Ka Mokgo Bhayibele yi Tlileng ga Rune” di hlatolla gore ba makiye byang gore ba thogo yedisa ditaba ga hlatollo yowa.

Bo ba gore ba nyaka Jehova Modimo ka matla fote ba rapela yene ba nabela gore hlatollo ya Lentsu la Modimo yi korole fote yi kwisisege. (1 Thimothi 2:4) Tsotsone di makiye gore re be le hlatollo yowa ka Sekgowa gore re thogo yi hlatolla ka mebolabolo ye mengwana ya go tlala. Re ya tshepa, fote re rapela gore mo o kene o yi bala o nyoko kwa Mangwalo yawa ya go Hlawolega ma go berekela mo o kene o nyaka go ‘tšiba Modimo o šinye o mo kraye.’—Mebereko 17:27.