LEFITIKO

1 Ke mokane Jehova a bitsa Moše a bolabola naye a le letenteng la mogahlano,+ a re: 2 “Bolabola le Maisrayele o ma botse gore, ‘Mo nkare go na le ye a nyoko makelang Jehova sehlabelo ka diphoolwane tsa gaye, di nyaka a se make ka dikgomu kela dinku le dipudi.+

3 “‘Mo nkare o maka sehlabelo sa go tšhubiwa ka kgomu, a leye ya phoolo ya gore yi philegiye.+ A yi leye a sa tšhofe ke motho+ mahlong ga Jehova hala go keniwang gona letenteng la mogahlano. 4 A beye letsogo lage gedimo ga hlogo ya sehlabelo sa go tšhubiwa, Modimo o nyoko yamogela sehlabelo sone fote a mo tshwarela ga tso a di sinnyeng.

5 “‘Ke mokane senamane sone sa phoolo se hlabiwe mahlong ga Jehova, fote barwayi ba Aroni ba gore ke maprista+ ba nyoko leya madi ya sona, ba ma fokela mathoko ka moka ya aletare+ ya gore yi mo go keniwang gona letenteng la mogahlano. 6 Sehlabelo sone sa go tšhubiwa ba se tswiye, fote se kupelediwe go be ditlopotlopo.+ 7 Barwayi ba Aroni ba gore ke maprista ba nyoko gotsa mollo mone aletareng+ ke mokane ba beya mahlare mone mollong. 8 Barwayi ba Aroni ba gore ke maprista ba nyoko beya ditlopo tsa sehlabelo+ sone le hlogo le makgura* ya sona gedimo ga mahlare yala ya gore ma mollong ku aletareng. 9 Mala ya sona le mawoto ya sona di nyoko hlatswiwa ka meetši, fote moprista o nyoko maka gore ka mokana ga sona se tupe muši aletareng go le sehlabelo sa go tšhubiwa, sehlabelo sa go makiwa ka mollo sa gore se ya nkgela ga Jehova.+

10 “‘Mo nkare o maka sehlabelo sa go tšhubiwa ka dinkunyana tsa phoolo kela dipudi,+ di nyaka a leye nku ya phoolo ya gore yi philegiye kela pudi ya phoolo ya gore yi philegiye.+ 11 Yi hlabiwe ka nthoko ya ka lebowa ya aletare mahlong ga Jehova, fote barwayi ba Aroni ba gore ke maprista ba nyoko fokela madi ya yona mathoko ka mokana ga wona ya aletare.+ 12 O nyoko yi kupelela a yi maka ditlopotlopo, moprista o nyoko di beya gedimo ga mahlare yala ya gore ma mollong ku aletareng le hlogo ya yona le makgura* ya yona. 13 O nyoko hlatswa mala le mawoto ya sona ka meetši, fote moprista o nyoko se leya ka mokana ga sona a maka gore se tupe ku aletareng. Ke sehlabelo sa go tšhubiwa, sehlabelo sa go makiwa ka mollo sa gore se ya nkgela ga Jehova.

14 “‘Mara mo nkare o makela Jehova sehlabelo sa go tšhubiwa ka dinonyane, o nyoko leya liba la hlaga kela liba la gaye le lenyana.+ 15 Moprista o nyoko le leya aletareng, a le kupa hlogo, a maka gore le tupe muši ku aletareng, madi ya lona ma falatsiwe ka nthoko ga aletare. 16 Di nyaka a tlose sejelo sa lona le mafufa ya lona, a di lahle ka nthoko ga aletare ka bohlabela, hala ga gore go na le luta.*+ 17 A le kupa mo thina le mafafela mara a sa make gore go be ditlopo ka dipedi. Ke mokane moprista o nyoko maka gore le tupe muši mone aletareng gedimo ga mahlare ya gore ma mone mollong. Ke sehlabelo sa go tšhubiwa, sehlabelo sa go makiwa ka mollo sa gore se ya nkgela ga Jehova.

2 “‘Byalo mo motho a makela Jehova sehlabelo ka mabele,+ sehlabelo sage go be folawa ya gore ke mong yona, a tšhele makgura mo ga yona le tsa go tšhubiwa tsa go nkgela.+ 2 Ke mokane o nyoko se leya ga barwayi ba Aroni ba gore ke maprista, fote moprista o nyoko ntsha lekgupa la folawa yone ya gore ke mong yona, makgura le dilo tsa sona ka moka tsa go nkgela, o nyoko maka gore se tupe muši mone aletareng se yemela sehlabelo ka mokana ga sona,+ sehlabelo sa go makiwa ka mollo sa gore se ya nkgela ga Jehova. 3 Tso di šalang ga sehlabelo sone sa mabele ke tsa Aroni le barwayi bage,+ ke selo sa go hlawolega ka matla+ sa go tšwa ga dihlabelo tsa Jehova tsa go makiwa ka mollo.

4 “‘Mo o leya sehlabelo sa mabele sa gore se bhakiwwe ka teng ga onto, go be sa folawa ya gore ke mong yona, malofo ya kgokolo ya go se na dikomelo ya gore ba ma gahlanisiye le makgura kela sekgwa se se sesane sa go se na dikomelo sa gore se tlotsiwwe makgura.+

5 “‘Mo sehlabelo sago go le sehlabelo sa mabele sa gore se tšwa paneng,+ di nyaka go be sa folawa ya gore ke mong yona ya gore a yi na dikomelo ya gore yi gahlanisiwwe le makgura. 6 Se ngathiwe go be ditlopotlopo, fote o se tšhele makgura.+ Ke sehlabelo sa mabele.

7 “‘Mo sehlabelo sago go le sehlabelo sa mabele sa gore se makiwa ka poto, di nyaka se makiwe ka folawa ya gore ke mong yona le makgura. 8 O leyele Jehova sehlabelo sa mabele sa gore se makiwwe ka dilo tsowa, fote o se neye moprista wa gore o nyoko se leya thina le aletare. 9 Ke mokane moprista o nyoko poma mabele ya mangwana ya sehlabelo, a berekisa wona go maka sehlabelo sa segopotso+ ke mokane a se tšhuba hala aletareng, sa tupa gore go be sehlabelo sa go tšhubiwa sa gore se ya nkgela sa go jabodisa Jehova.+ 10 Tso di šeleng ga sehlabelo sa mabele go nyoko ba tsa Aroni le barwayi bage, ke selo sa go hlawolega ka matla sa go tšwa ga dihlabelo tsa Jehova tsa go makiwa ka mollo.+

11 “‘O sa makele Jehova sehlabelo sa mabele sa gore se na le dikomelo,+ ka gore a di nyake gore mo o makela Jehova sehlabelo ka mollo o tupise muši wa folawa ya go dubiwa ya gore yi bidiye kela mamapo.

12 “‘O ka di leya ga Jehova go le sehlabelo sa diyengwa tsa mathomo,+ mara o sa di leyi aletareng go le sehlabelo sa go nkgela.

13 “‘Sehlabelo se sengwana le se sengwana so o se makang sa mabele se tšhediwe letswayi; o sa libale go tšhela letswayi ga sehlabelo sago sa mabele sa gore se go gopotsa kwano ya Modimo. Fote dihlabelo tsago ka mokana ga tsona tsa mabele o di tšhele letswayi.+

14 “‘Mo o makela Jehova sehlabelo sa mabele sa diyengwa tsa gore di butšwiye mathomisong, o leye mabele ya nyuwane ya gore ba ma gadikiye ka mollo, ya gore a baa ma tula ka matla, ke sehlabelo sa mabele sa diyengwa tsa go butšwa mathomisong.+ 15 O tšhele makgura mo ga sona, fote o tšhele le tsa go tšhubiwa tsa go nkgela. Ke sehlabelo sa mabele. 16 Moprista o nyoko maka gore mabele ya gore a baa ma tula ka matla le tsa go tšhubiwa tsa go nkgela di tupe muši gore go be sehlabelo sa segopotso,+ le gore go be sehlabelo sa Jehova sa go makiwa ka mollo.

3 “‘Mo nkare sehlabelo sage ke sehlabelo sa go hlekediwa,+ fote o se maka ka kgomu ya phoolo kela ya tshadi, di nyaka a leye ya gore yi philegiye mahlong ga Jehova. 2 Di nyaka a beye letsogo lage gedimo ga phoolwane yo a yi leyyeng, yi nyoko hlabiwa hala go keniwang gona letenteng la mogahlano; fote barwayi ba Aroni ba gore ke maprista ba nyoko fokela madi ya yona mathoko ka moka ya aletare. 3 O nyoko leya sekopa sa sehlabelo sa go hlekediwa gore go be sehlabelo sa gore ba se makela Jehova ka mollo:+ makgura+ ya tsa teng, makgura ka mokana ga wona ya gore ma dukulugele mala, 4 le dipshyiyo ka dipedi le makgura ya tsona. O nyoko tlosa le makgura ya ma leng sebeteng, a tlosa le dipshyiyo.+ 5 Barwayi ba Aroni ba nyoko maka gore ma tupe muši aletareng gedimo ga sehlabelo sa go tšhubiwa sa gore ba se beyye mahlareng ya gore ma mollong;+ ke sehlabelo sa go makiwa ka mollo sa gore se ya nkgela ga Jehova.+

6 “‘Mo nkare o nyoko makela Jehova sehlabelo sa go hlekediwa ka dinku kela dipudi, o nyoko leya phoolwane ya gore yi philegiye ya phoolo kela ya tshadi.+ 7 Mo nkare o maka sehlabelo ka senkunyana sa phoolo, a se leye mahlong ga Jehova. 8 O nyoko beya letsogo lage gedimo ga hlogo ya sehlabelo sage, fote se nyoko hlabiwa mahlong ga letente la mogahlano. Barwayi ba Aroni ba nyoko fokela madi ya sona mathoko ka moka ya aletare. 9 O nyoko leya makgura ya sehlabelo sa go hlekediwa gore go be sehlabelo sa Jehova sa go makiwa ka mollo.+ O nyoko tlosa makgura ka moka ya mo mosileng thina le lešapo la mo mokolong, makgura ya tsa teng le makgura ka mokana ga wona ya gore ma dukulugele mala, 10 le dipshyiyo ka dipedi le makgura ya tsona. O nyoko tlosa le makgura ya ma leng sebeteng, a tlosa le dipshyiyo.+ 11 Fote moprista o nyoko maka gore ma tupe muši ku aletareng, go be tsa go ja,* sehlabelo sa Jehova sa gore se makiwa ka mollo.+

12 “‘Mo nkare o maka sehlabelo ka pudi, o nyoko yi leya mahlong ga Jehova. 13 O nyoko beya letsogo lage gedimo ga hlogo ya yona, fote yi nyoko hlabiwa mahlong ga letente la mogahlano, barwayi ba Aroni ba nyoko fokela madi ya yona mathoko ka moka ya aletare. 14 O nyoko leya makgura ya tsa teng le makgura ya gore ma dukulugele mala+ gore go be sehlabelo sa go makiwa ka mollo sa Jehova, 15 a leya le dipshyiyo ka dipedi le makgura ya tsona. O nyoko tlosa le makgura ya ma leng sebeteng, a tlosa le dipshyiyo. 16 Moprista o nyoko maka gore ma tupe muši ku aletareng gore go be tsa go ja,* sehlabelo sa gore se makiwa ka mollo sa gore se ya nkgela. Makgura ka mokana ga wona ke ya Jehova.+

17 “‘Le sa ji makgura kela madi+ le ka gonyana. Wowa ke molawo wa go ya go yye ga leloko la lune ka moka, ga dipoleke ka moka tso le nyoko dulang ga tsona.’”

4 Jehova a ya mahlong a botsa Moše gore: 2 “Botsa Maisrayele gore, ‘Mo ye mongwana a ka sinya mara a sa maka ka bomu,+ a maka selo sa gore Jehova o yitseri se sa makiwi, go makiwe ka mokgo:

3 “‘Mo moprista wa gore o tlotsiwwe+ a sinya,+ ke setšha batho ba sinnye, di nyaka a leye senamane sa gore se philegiye ga Jehova gore a make sehlabelo sa mo motho a sinnye ka taba la tso a di sinnyeng.+ 4 O nyoko leya kgomu yone ya phoolo mahlong ga Jehova hala go keniwang gona letenteng la mogahlano,+ fote o nyoko beya letsogo lage mo hlogong ya kgomu yone, a yi hlabe mahlong ga Jehova.+ 5 Ke mokane moprista wa gore o tlotsiwwe+ o nyoko tseya madi ya mangwana ya kgomu yone a ma leya ka teng ga letente la mogahlano, 6 moprista o nyoko tšhela monwana ka mone mading,+ a gaša ya mangwana gašupa+ mahlong ga Jehova, mahlong ga legaredheni la polekeng ya go hlawolega. 7 Moprista o nyoko tšhela madi ya mangwana ga manaka ya aletare ya go tšhubela tsa go nkgela,+ ya gore yi mahlong ga Jehova ka letenteng la mogahlano; fote o nyoko falatsa madi ka moka ya ma šeleng ya kgomu yone ya phoolo mo fase mone aletareng ya go makela dihlabelo tsa go tšhubiwa+ ya gore yi mo go keniwang gona letenteng la mogahlano.

8 “‘O nyoko tlosa makgura ka mokana ga wona ya kgomu ya phoolo ya go maka sehlabelo sa mo motho a sinnye, makgura ya tsa teng le makgura ya gore ma dukulugele mala, 9 le dipshyiyo ka dipedi le makgura ya tsona. O nyoko tlosa le makgura ya mo sebeteng, a tlosa le dipshyiyo,+ 10 ka mokgo go makiwang ka gona ka kgomu ya phoolo ya sehlabelo sa go hlekediwa.+ Fote moprista o nyoko maka gore ma tupe muši aletareng ya go makela dihlabelo tsa go tšhubiwa.

11 “‘Mara mokgopa wa kgomu yone ya phoolo, nama ya yona ka moka, hlogo ya yona, mawoto ya yona, mala ya yona le boraga bya yona+— 12 tso di šeleng tsa kgomu yone ka mokana ga tsona—o nyoko maka gore di yisiwe ka tawong ga kampa polekeng ya gore yi yediye ga gore ba lahla luta,* ke mokane o nyoko di tšhuba ka mollo wa mahlare.+ Di tšhubiwe ga gore ba lahla luta.

13 “‘Byalo, mo mogoba ka moka wa Maisrayele wo ka sinya mara wo sa make ka bomu,+ ba sa di boni gore ba makiye selo sa gore Jehova o yitseri ba sa se make,+ 14 ke mokane mo nako yi kene yi ya ba di bona gore ba sinnye, di nyaka mogoba wone wo leye senamane sa phoolo gore ba make sehlabelo sa mo motho a sinnye, ba se leye mahlong ga letente la mogahlano. 15 Banna ba bagolo ba mogoba wone ba nyoko beya matsogo ya bona gedimo ga hlogo ya kgomu yone ya phoolo mahlong ga Jehova, fote kgomu yone ya phoolo yi nyoko hlabiwa mahlong ga Jehova.

16 “‘Ke mokane moprista wa gore o tlotsiwwe o nyoko tseya madi ya mangwana ya kgomu yone a ma leya ka teng ga letente la mogahlano. 17 Moprista o nyoko tšhela monwana ka mone mading, a gaša ya mangwana gašupa mahlong ga Jehova, mahlong ga legaredheni.+ 18 O nyoko tšhela madi ya mangwana ga manaka ya aletare+ ya gore yi mahlong ga Jehova ka letenteng la mogahlano; fote o nyoko falatsa madi ka moka ya ma šeleng ya kgomu yone ya phoolo mo fase mone aletareng ya go makela dihlabelo tsa go tšhubiwa, ya gore yi mo go keniwang gona letenteng la mogahlano.+ 19 O nyoko tlosa makgura ya yona ka mokana ga wona, a maka gore ma tupe muši aletareng.+ 20 Ga kgomu yone ya phoolo o nyoko maka ka mokgo a makiyeng ga kgomu yela ye nngwana ya sehlabelo sa mo motho a sinnye. O nyoko maka ka mokgonone, sehlabelo so a se makang se nyoko sula dilo tso batho bone ba di sinnyeng+ ke mokane ba nyoko tshwarediwa. 21 O nyoko maka gore kgomu yone yi yisiwe ka tawong ga kampa, fote o nyoko yi tšhuba ka mokgo a tšhubiyeng yela ya mathomo.+ Ke sehlabelo sa mo motho a sinnye sa mogoba ka mokana ga wona+ wa Maisrayele.

22 “‘Mo ndhuna+ yi ka tšhoga yi sinnye yi sa tikemisela, ya maka se sengwana sa gore Jehova Modimo wage o yitseri a sa se make, a ba le molato, 23 kela a di bona gore o sinnye ka go tshila molawo, di nyaka a leye seputsanyana sa phoolo gore go be sehlabelo. 24 O nyoko beya letsogo lage gedimo ga hlogo ya seputsanyana sone, a se hlaba ga poleke ya gore ba hlabela tso ba nyoko makang dihlabelo tsa go tšhubiwa mahlong ga Jehova.+ Ke sehlabelo sa mo motho a sinnye. 25 Moprista o nyoko tšhela monwana wage mading ya sehlabelo sa mo motho a sinnye, a ma tlotsa manakeng+ ya aletare ya go makela dihlabelo tsa go tšhubiwa, madi ya ma šalang ka moka o nyoko ma falatsa fase mone aletareng ya go makela dihlabelo tsa go tšhubiwa.+ 26 O nyoko maka gore makgura ya sona ka moka ma tupe muši aletareng go tshwana le makgura ya sehlabelo sa go hlekediwa;+ fote moprista o nyoko mo yedisa ga tso a di sinnyeng, Modimo o nyoko mo tshwarela.

27 “‘Mo ye mongwana wa batho ba mone nageng a ka tšhoga a sinnye a sa tikemisela, a ba le molato ka gore o makiye se sengwana sa dilo tsa gore Jehova o yitseri ba sa se make,+ 28 kela a di bona gore o sinnye, di nyaka a leye seputsanyana sa tshadi sa gore se philegiye gore go be sehlabelo sa tso a di sinnyeng. 29 O nyoko beya letsogo lage gedimo ga hlogo ya sehlabelo sa mo motho a sinnye, a se hlaba polekeng yo go hlabiwweng sehlabelo sa go tšhubiwa.+ 30 Moprista o nyoko tšhela monwana wage mading ya sehlabelo sa mo motho a sinnye, a ma tlotsa manakeng ya aletare ya go makela dihlabelo tsa go tšhubiwa, madi ya ma šalang ka moka o nyoko ma falatsa fase mone aletareng.+ 31 O nyoko tlosa makgura ya sona ka moka+ ka mokgo a tlusiyeng makgura ya sehlabelo sa go hlekediwa,+ fote moprista o nyoko maka gore ma tupe muši aletareng gore go be selo sa go nkgela ga Jehova; moprista o nyoko mo yedisa, fote Modimo o nyoko mo tshwarela.

32 “‘Mara mo nkare o nyoko leya senkunyana gore go be sehlabelo sa mo motho a sinnye, di nyaka a leye senkunyana sa tshadi sa gore se philegiye. 33 O nyoko beya letsogo lage gedimo ga hlogo ya sehlabelo sa mo motho a sinnye, a se hlaba polekeng yo go hlabiwweng+ sehlabelo sa go tšhubiwa gore go be sehlabelo sa mo motho a sinnye. 34 Moprista o nyoko tšhela monwana wage mading ya sehlabelo sa mo motho a sinnye, a ma tlotsa manakeng ya aletare ya go makela dihlabelo tsa go tšhubiwa,+ madi ya ma šalang ka moka o nyoko ma falatsa fase mone aletareng. 35 O nyoko tlosa makgura ya sona ka moka ka mokgo a tlusiyeng makgura ya senkunyana sa phoolo sa go maka sehlabelo sa go hlekediwa, moprista o nyoko maka gore ma tupe muši aletareng gedimo ga dihlabelo tsa Jehova tsa gore di makiwa ka mollo;+ moprista o nyoko mo yedisa ga tso a di sinnyeng, fote Modimo o nyoko mo tshwarela.+

5 “‘Mo motho a bona ye mongwana a sinya, a di kwelela gore ba bitsa batho gore ba tle ba hlatsele taba yone+ mara a sa yi, o nyoko ba le molato, fote ba nyoko mo wolola ka tso a di sinnyeng.

2 “‘Kela mo motho a ka tikisa selo se sengwana le se sengwana sa gore a se ya yela, go ka fo ba go le setopo sa phoolwane ya hlaga ya gore a ya yela, phoolwane ya gaye ya gore a ya yela kela diphoolwane tsa go sepela ka megoba+ tsa gore a dya yela, motho yene aa yela, fote o na le molato le mo nkare aa di boni. 3 Kela mo motho a ka tikisa motho kela selo se sengwana le se sengwana sa gore a se ya yela mahlong ga Modimo+—sa gore se ka maka gore a sa yele a sa di boni—ke mokane a tla a di bona, o nyoko ba le molato.

4 “‘Kela mo ye mongwana a ka fo yakgoswela go tshepisa go maka se sengwana—go ka fo ba go le selo sa gabutši kela sa gore a se gabutši, le mo go ka ba sa mošaga mang—fote a sa di boni, mara a tla a di bona gore o yakgoswiye a tshepisa, o ba le molato.*+

5 “‘Mo motho a ka ba le molato wa go maka se sengwana sa dilo tsowa, di nyaka a hlaye+ gore o sinnye byang. 6 O nyoko leya le sehlabelo sa mo motho a kokona ke lekwalo ga Jehova ka taba la tso a di sinnyeng,+ o nyoko leya senkunyana sa tshadi kela seputsanyana sa tshadi gore go be sehlabelo sa mo motho a sinnye. Moprista o nyoko mo yedisa ga tso a di sinnyeng.

7 “‘Mo nkare aa kgone go reka nku, a leyele Jehova maliba ka mabedi ya hlaga kela maliba ka mabedi ya gaye ya manyana+ gore go be sehlabelo sa mo motho a kokona ke lekwalo ka taba la tso a di sinnyeng, ka lloši go be la sehlabelo sa mo motho a sinnye, ka lloši go be la sehlabelo sa go tšhubiwa.+ 8 O nyoko ma leya ga moprista wa gore o nyoko tseya ka lloši a maka sehlabelo sa mo motho a sinnye, a le kupa segologolo mara a sa nape a tlopola hlogo. 9 O nyoko gaša madi ya mangwana ya sehlabelo sa mo motho a sinnye ka nthoko ga aletare, mara madi ya ma šeleng o nyoko ma falatsa fase mone aletareng.+ Ke sehlabelo sa mo motho a sinnye. 10 Lela le lengwana o nyoko maka sehlabelo sa go tšhubiwa ka lona ka mokgo dihlabelo tsa go tšhubiwa di makiwang ka gona,+ moprista o nyoko mo yedisa ga tso a di sinnyeng, fote Modimo o nyoko mo tshwarela.+

11 “‘Byalo, mo nkare aa kgone go reka maliba ka mabedi ya hlaga kela maliba ka mabedi ya gaye ya manyana, di nyaka a leye khiloghremo*+ ka yyoši ya folawa ya gore ke mong yona gore go be sehlabelo sa mo motho a sinnye. A sa tšhele makgura mone ga sona kela tsa go tšhubiwa tsa go nkgela ka gore ke sehlabelo sa mo motho a sinnye. 12 O nyoko yi yisa ga moprista, fote moprista o nyoko ntsha lekgupa gore a make sehlabelo sa segopotso, o nyoko maka gore se tupe muši mone aletareng gedimo ga dihlabelo tsa Jehova tsa gore di makiwa ka mollo. Ke sehlabelo sa mo motho a sinnye. 13 Moprista o nyoko mo yedisa ga tso a di sinnyeng, ga se sengwana le se sengwana sa tso a di sinnyeng, fote Modimo o nyoko mo tshwarela.+ Tso di šeleng ga sehlabelo sone go nyoko ba tsa moprista,+ go fo tshwana le sehlabelo sa mabele.’”+

14 Jehova a ya mahlong a bolabola le Moše a re: 15 “Mo nkare ye mongwana aa tshepege, a tshila molawo wa go sipidisana le dilo tsa go hlawolega tsa Jehova+ a sa make ka bomu, di nyaka a leyele Jehova nku ya phoolo ya gore yi philegiye gore go be sehlabelo sa mo motho a kokona ke lekwalo;+ moprista o nyoko hlaya gore nku yone ya phoolo ke bokaye ka dišekele* tsa silva. Dišekele tsa silva di tshwanele di lekane le šekele yo ba yi berekisang polekeng ya go hlawolega.+ 16 Di nyaka a patele dilo tsa go hlawolega tso a di sinnyeng, fote o nyoko tokegela ka 20 ya diphesente.+ O nyoko di neya moprista gore a mo kgopelele tshwarelo+ a berekisa nku ya phoolo ya go maka sehlabelo sa mo motho a kokona ke lekwalo, fote Modimo o nyoko mo tshwarela.+

17 “Mo ye mongwana a ka sinya ka go maka dilo tso Jehova a yitsering ba sa di make, le mo nkare aa di boni, o na le molato, fote o nyoko patela ga tso a di sinnyeng.+ 18 Di nyaka a neye moprista nku ya phoolo ya gore yi philegiye go ya ka tso di hlayyeng ke moprista gore go be sehlabelo sa mo motho a kokona ke lekwalo.+ Ke mokane moprista o nyoko mo kgopelela tshwarelo ga dilo tso a di makiyeng tsa gore aa di maka ka bomu, fote o makiye a sa tšibi. Modimo o nyoko mo tshwarela. 19 Ke sehlabelo sa mo motho a kokona ke lekwalo. O na le molato wa gore o sinyele Jehova.”

6 Jehova a ya mahlong a bolabola le Moše a re: 2 “Mo ye mongwana a ka sinya, a sa tshepege ga Jehova,+ a tshokanya motho ye mongwana ka selo sa gore ba mo neyye gore a se pasope+ kela sa gore ba mo yadimme kela mo a ka yetswa kela a tseya selo sa motho ye mongwana ka tšhinghi, 3 kela a kraya se sengwana sa gore se lahlegiye mara a sa bolabole nnete, fote a hlaya matsaka a re aa sinya,+ di nyaka a make ka mokgo: 4 Mo nkare o sinnye fote o na le molato, di nyaka a busetse tso a di yetswiyeng, tso a di tsereng ka tšhinghi kela ka bošakašakane, tso ne ba mo neyye gore a di pasope kela selo sa gore ne se lahlegiye a se kraya, 5 kela se sengwana le se sengwana sa gore o bolabodiye matsaka ka sona, di nyaka a ntshe tšheleta ka moka+ fote di nyaka a tokegele ka 20 ya diphesente. O nyoko yi neya mong wa yona ka letšatši lo ba krayyeng gore o na le molato. 6 Fote o nyoko neya moprista nku ya phoolo ya gore yi philegiye gore go be sehlabelo sa Jehova sa mo motho a kokona ke lekwalo+ go ya ka tso di hlayyeng ke moprista. 7 Moprista o nyoko makela Jehova sehlabelo gore motho yene a thogo yela, ke mokane Modimo o nyoko mo tshwarela ga se sengwana le se sengwana sa gore a ka fo ba a se makiye gore a šinye a ba le molato.”+

8 Jehova a ya mahlong a bolabola le Moše a re: 9 “Botsa Aroni le barwayi bage gore, ‘Wowa ke molawo wa sehlabelo sa go tšhubiwa:+ Sehlabelo sa go tšhubiwa se nyoko ba aletareng hala ba tšhubelang gona bošego ka moka go segela bo sa, fote mollo wo ko fo dula wo dura mone aletareng. 10 Moprista o nyoko yapara dikobo tsage tsa mo a maka mmereko wa boprista tsa go makiwa ka llapi la linene,+ fote o nyoko yapara sebhrukwane sa llapi la linene.+ Ke mokane o nyoko tlosa luta*+ la sehlabelo sa gore se tšhubiye ke mollo gedimo ga aletare, a le beya ka thoko ga aletare. 11 Ke mokane o nyoko yapola dikobo tsage+ a yapara tse dingwana, a tseya luta a le yisa ga poleke ya gore yi yediye ka tawong ga kampa.+ 12 Mollo wo nyoko dula wo dura mone aletareng. A di nyake wo tima. Moprista o nyoko tšhela mahlare+ mone ga wona ka bošego byo bongwana le byo bongwana fote o nyoko beya sehlabelo sa go tšhubiwa gedimo ga wona, o nyoko maka gore makgura ya dihlabelo tsa go hlekediwa ma tupe muši mone ga wona.+ 13 Mollo wo nyoko fo dula wo dura mone gedimo ga aletare. Mollo wone wo sa timi.

14 “‘Byalo, wowa ke molawo wa mo go makiwa sehlabelo sa mabele:+ Di nyaka lune barwayi ba Aroni le se leye mahlong ga Jehova hala aletareng. 15 Ye mongwana wa bona o nyoko tseya lekgupa la folawa ya gore ke mong yona ya go maka sehlabelo sa mabele le makgura ya mangwana ya sona le tsa go tšhubiwa tsa go nkgela ka mokana ga tsona tsa gore di ga sehlabelo sa mabele, o nyoko maka gore di tupe muši aletareng gore go be sehlabelo sa segopotso sa Jehova sa gore se ya nkgela.+ 16 Aroni le barwayi bage ba nyoko ja tso di šeleng.+ Ba nyoko maka sekgwa sa go se na dikomelo ka tsona fote ba di ja polekeng ya go hlawolega, lapeng la letente la mogahlano.+ 17 Le sa se make ka dikomelo.+ Ke ba ntshele tsona ga dihlabelo tsaka tsa go makiwa ka mollo.+ Ke selo sa go hlawolega ka matla,+ go tshwana le sehlabelo sa mo motho a sinnye le sehlabelo sa mo motho a kokona ke lekwalo. 18 Se nyoko ja+ ke monna ye mongwana le ye mongwana ga barwayi ba Aroni. Ba nyoko fo dula ba se kraya ga dihlabelo tsa Jehova tsa go makiwa ka mollo.+ Se sengwana le se sengwana so se tikisang dihlabelo tsone se nyoko hlawolega.’”

19 Jehova a boya a bolabola le Moše a re: 20 “Sowa ke sehlabelo sa gore Aroni le barwayi bage ba nyoko dula ba se neya Jehova ka letšatši lo ba mo hlawolang ka lona:+ ba nyoko mo neya khiloghremo*+ ya folawa ya gore ke mong yona gore ba make sehlabelo sa mabele,+ hafo ka bošego, hafo ka malobana. 21 Se nyoko makiwa ka makgura paneng.+ Wene o nyoko se gahlanisa gabutši le makgura wa se leya go le sehlabelo sa mabele sa gore se bhakiwwe go le dingatha gore go be sehlabelo sa Jehova sa gore se ya nkgela. 22 Ga barwayi bage+ go nyoko ba le moprista wa gore o nyoko tlotsiwa wa gore o tla ka nthago gage, ke yene a nyoko se makang. Ba make gore sehlabelo ka mokana ga sona se tupe muši mahlong ga Jehova. Wowa ke molawo wa go ya go yye. 23 Sehlabelo se sengwana le se sengwana sa mabele sa moprista se tšhubiwe ka mokana ga sona. A di nyake se jiwa.”

24 Jehova a boya a bolabola le Moše a re: 25 “Botsa Aroni le barwayi bage gore, ‘Wowa ke molawo wa sehlabelo sa mo motho a sinnye:+ Sehlabelo sa mo motho a sinnye se nyoko hlabiwa ga poleke yo sehlabelo sa go tšhubiwa se hlabiwang+ ga yona mahlong ga Jehova. Ke selo sa go hlawolega ka matla. 26 Se nyoko ja+ ke moprista ye a makang sehlabelo sa mo motho a sinnye. Se nyoko jiwa polekeng ya go hlawolega, lapeng la letente la mogahlano.+

27 “‘Se sengwana le se sengwana so se tikisang nama ya sona se nyoko hlawolega, mo motho a ka tšhela ke madi ya sona mo kobong yage, kobo yone ya gore yi tšhediye ke madi di nyaka yi hlatswiwe polekeng ya go hlawolega. 28 Poto ya botsopa yo ba se yapegiyeng ka yona yi pshyayiwe. Mara mo nkare ba se yapegiye ka poto ya koporo, poto yone di nyaka yi guhliwe fote yi hlatswiwe ka meetši.

29 “‘Banna ka mokana ga bona ba gore ke maprista ba nyoko se ja.+ Ke selo sa go hlawolega ka matla.+ 30 Mara mo nkare madi ya mangwana ya sehlabelo sa mo motho a sinnye ba ma leyye ka teng ga letente la mogahlano ga poleke ya go hlawolega+ gore batho ba tshwarediwe melato, se sa jiwi. Di nyaka se tšhubiwe ka mollo.

7 “‘Molawo wa sehlabelo sa mo motho a kokona ke lekwalo ke wowa:+ Ke selo sa go hlawolega ka matla. 2 Ba nyoko hlaba sehlabelo sa mo motho a kokona ke lekwalo ga poleke ya gore ba hlaba dihlabelo tsa go tšhubiwa, fote madi+ ya sona ma fukediwe mathoko ka moka ya aletare.+ 3 Motho yene o nyoko leya makgura ya sona ka mokana ga wona,+ makgura ya mo mosileng, makgura ya gore ma dukulugele mala, 4 le dipshyiyo ka dipedi le makgura ya tsona. O nyoko tlosa le makgura ya ma leng sebeteng, a tlosa le dipshyiyo.+ 5 Moprista o nyoko maka gore di tupise muši gedimo ga aletare gore go be sehlabelo sa Jehova sa go makiwa ka mollo.+ Ke sehlabelo sa mo motho a kokona ke lekwalo. 6 Monna ye mongwana le ye mongwana wa gore ke moprista o nyoko se ja,+ fote di nyaka ba se jele ga poleke ya go hlawolega. Ke selo sa go hlawolega ka matla.+ 7 Molawo wa sehlabelo sa mo motho a sinnye wo bereka le ga sehlabelo sa mo motho a kokona ke lekwalo; ke sa moprista ye a makang sehlabelo ka sona.+

8 “‘Mo moprista a makela motho sehlabelo sa go tšhubiwa, moprista o nyoko tseya mokgopa+ wa sehlabelo sa go tšhubiwa sa gore motho yene o se leyye gage.

9 “‘Dihlabelo ka mokana ga tsona tsa mabele tsa gore di bhakiwwe ontong kela di makiwwe ka poto+ kela ka pane ke tsa moprista ye a di makang. Go nyoko ba tsage.+ 10 Mara sehlabelo se sengwana le se sengwana sa gore ba se gahlanisiye le makgura+ kela sa gore a baa se gahlanisa le makgura+ go nyoko ba sa barwayi ba Aroni ka mokana ga bona; ba nyoko kraya dingatha tsa go lekana.

11 “‘Wowa ke molawo wa sehlabelo sa go hlekediwa+ sa gore motho o nyoko se neya Jehova. 12 Mo nkare o se maka ka taba la gore o nyaka go leboga,+ sehlabelo sone sa go leboga a se leye le malofo ya kgokolo ya go se na dikomelo ya gore ba ma tšhediye makgura, dikgwa tse di sesane tsa go se na dikomelo tsa gore ba di tlotsiye ka makgura, le dikgwa tsa kgokolo tsa go makiwa ka folawa ya gore ke mong yona tsa gore di dubiwwe gabutši fote di tšhediwwe makgura. 13 Yene o nyoko leya sehlabelo sage le malofo ya kgokolo ya sekgwa sa gore se na le dikomelo, a se leya le sehlabelo sa go fo leboga sa mo a maka dihlabelo tsa go hlekediwa. 14 A tseye ka ssoši ka ssoši ga dikgwa tsela gore go be sehlabelo sa go hlawolega sa Jehova, go nyoko ba tsa moprista wa gore o fokela madi ya dihlabelo tsa go hlekediwa.+ 15 Nama ya sehlabelo sa go fo leboga sa mo go makiwa dihlabelo tsa go hlekediwa yi nyoko jiwa ka letšatši lo se makiwang ka lona. A sa yi beye go segela ka bošego.+

16 “‘Mo nkare sehlabelo sone o se maka ka taba la gore o tshepisiye+ kela o se maka ka gore o fo kwa a nyaka,+ se jiwe ka letšatši lo se makiwweng ka lona, tso di šeleng di ka jiwa le ka letšatši la go latela. 17 Mara se sengwana le se sengwana so se šeleng ga nama ya sehlabelo sone se tšhubiwe ka mollo+ ka letšatši la kararo. 18 Mara mo nkare nama ya sehlabelo sage sa go hlekediwa yi jiwa ka letšatši la kararo, ye a se neyelang a ka sa yamogediwi. Se ka sa mo gelepe ka selo; ke selo sa go silikisa, fote motho ye a jang tse dingwana tsa sona o nyoko wolodiwa.+ 19 Nama ya gore yi tikisiye selo sa gore a se ya yela yi sa jiwi. Yi tšhubiwe ka mollo. Ye mongwana le ye mongwana wa gore o yediye a ka ja nama ya gore yi yediye.

20 “‘Mara motho ye mongwana le ye mongwana wa gore aa yela wa gore o ja nama ya sehlabelo sa go hlekediwa sa gore ke sa Jehova, di nyaka motho yene a bolayiwe.+ 21 Mo ye mongwana a ka tikisa motho wa go sa yela,+ phoolwane ya go sa yela+ kela selo se sengwana le se sengwana sa go silikisa sa gore a se ya yela,+ a boya a ja nama ya sehlabelo sa go hlekediwa sa gore ke sa Jehova, di nyaka motho yene a bolayiwe.’”

22 Jehova a ya mahlong a bolabola le Moše a re: 23 “Botsa Maisrayele gore, ‘Le sa ji makgura+ ya kgomu ya phoolo kela ya senkunyana sa phoolo kela ya pudi. 24 Makgura ya phoolwane ya gore ba yi krayye yi kgwile le makgura ya phoolwane ya gore yi bolayye ke phoolwane ye nngwana ma ka berekisiwa go maka selo se sengwana le se sengwana, mara le sa tsoge le ma jile.+ 25 Ka gore ye mongwana le ye mongwana wa gore o ja makgura ya phoolwane ya gore o yi leyye gore a makele Jehova sehlabelo sa go tšhubiwa ka mollo di nyaka a bolayiwe.

26 “‘Le sa ji madi+ go gongwana le go gongwana mo le duling gona, go ka fo ba go le madi ya dinonyane kela diphoolwane. 27 Ye mongwana le ye mongwana ye a jang madi di nyaka a bolayiwe.’”+

28 Jehova a ya mahlong a bolabola le Moše a re: 29 “Botsa Maisrayele gore, ‘Ye a leyang sehlabelo sa go hlekediwa ga Jehova, o nyoko leya setlopo sa sehlabelo sage gore a makele Jehova sehlabelo.+ 30 O nyoko leya makgura+ ya ma leng matsweleng gore a makele Jehova sehlabelo sa go tšhubiwa ka mollo, o nyoko se yisa nthago le mahlong gore go be sehlabelo sa gore ba se yisa ku le ku+ mahlong ga Jehova. 31 Moprista o nyoko maka gore makgura ma tupe muši gedimo ga aletare,+ mara matswele yane go nyoko ba ya Aroni le barwayi bage.+

32 “‘Wene o nyoko neya moprista loto la gore le ka letsogong la go ja gore go be sehlabelo sa go hlawolega sa gore se tšwa ga dihlabelo tsago tsa go hlekediwa.+ 33 Morwayi wa Aroni wa gore o leya madi ya dihlabelo tsa go hlekediwa le makgura ya tsona, o nyoko kraya+ loto la ka letsogong la go ja. 34 Matswele ya gore ba maka sehlabelo sa gore ba se yisa ku le ku ka wona le loto la gore ba maka sehlabelo sa go hlawolega ka lona tsa go tšwa ga dihlabelo tsa go hlekediwa tsa Maisrayele, ke di neya Aroni wa gore ke moprista le barwayi bage gore go be molawo wa go ya go yye ga Maisrayele.+

35 “‘Ga dihlabelo tsa Jehova tsa go makiwa ka mollo, tsowa ke mo go le ditlopo tsa gore ba di beyela ka thoko gore go be tsa maprista, go be tsa Aroni le barwayi bage, ka letšatši lo ba yisiwang gore ba ye berekela Jehova go le maprista.+ 36 Jehova o hlayye gore ba neyiwe ditlopo tsa go tšwa ga Maisrayele ka letšatši lo a ba hlawolang ka lona.+ Ke molawo wa go ya go yye ga bona le ditlogolwane tsa bona ka moka.’”

37 Wowa ke molawo wa mo go makiwa sehlabelo sa go tšhubiwa,+ sehlabelo sa mabele,+ sehlabelo sa mo motho a sinnye,+ sehlabelo sa mo motho a kokona ke lekwalo,+ sehlabelo sa mo go beyiwa banna bone gore go be maprista+ le sehlabelo sa go hlekediwa,+ 38 go ya ka mokgo Jehova a butsiyeng Moše ku Thabeng ya Sinayi+ ka letšatši lo Moše a butsiyeng Maisrayele gore ba leyele Jehova dihlabelo tsa bona ku mašahleng ya Sinayi.+

8 Jehova a ya mahlong a bolabola le Moše a re: 2 “Tseya Aroni le barwayi bage,+ o tseye le dikobo,+ makgura ya go hlawolega,+ kgomu ya phoolo ya go maka sehlabelo sa mo motho a sinnye, dinku tsa phoolo ka dipedi le mmantši wa sekgwa sa go se na dikomelo,+ 3 o make gore Maisrayele ka mokana ga wona ma kgobakane hala go keniwang gona letenteng la mogahlano.”

4 Ke mokane Moše a maka ka mokgo Jehova a mmutsiyeng, Maisrayele ma kgobakana hala go keniwang gona letenteng la mogahlano. 5 Byalo Moše a re ga Maisrayele: “Tsowa ke tso Jehova a hlayyeng gore re di make.” 6 Moše a maka gore Aroni le barwayi bage ba šutele ke mokane a ba hlapisa ka meetši.+ 7 Ka nthago a mo yapesa kobo,+ a mo tlema ka lepanta,+ a mo yapesa kobo ya go se na matsogo,+ a mo yapesa efoda+ fote a yi tlema ka lepanta+ la yona gore yi thogo dulisega ho gage. 8 Mo a fetsa a mo yapesa sa ho sekgubeng,+ fote a tšhela Yurimi le Thumimi+ mone ga selo sa ho sekgubeng. 9 Ke mokane a mo tlema tuku+ ho hlogong, fote mo mahlong ga yona a tšhela sepelekete sa go gadima sa go makiwa ka gholdi sa go šupetsa go tineyela ga go hlawolega,+ ka mokgo Jehova a butsiyeng Moše.

10 Byalo Moše a tseya makgura ya go hlawolega a tlotsa tabarenakele le dilo ka moka tso ne di le ka teng ga yona,+ a maka gore di hlawolege. 11 Ka nthago a gaša ya mangwana gašupa mone aletareng, a tlotsa aletare le dilo tsa yona ka mokana ga tsona, a tlotsa le lepolete le so le dulang ga sona, a maka gore di hlawolege. 12 A fetsa a tšhediye makgura ya mangwana ya go hlawolega hlogong ya Aroni, fote a mo tlotsa gore a hlawolege.+

13 Byalo Moše a šutetsa barwayi ba Aroni ho thina, a ba yapesa dikobo, a ba tlema mapanta, a boya a ba tlema dituku,+ ka mokgo Jehova a butsiyeng Moše.

14 Ke mokane a leya kgomu ya phoolo ya gore go makiwa sehlabelo sa mo motho a sinnye ka yona, Aroni le barwayi bage ba beya matsogo ya bona gedimo ga hlogo ya kgomu yone ya phoolo ya gore go makiwa sehlabelo sa mo motho a sinnye+ ka yona. 15 Moše a yi hlaba, a tšhela monwana wage mone mading+ a ma tlotsa manakeng ya aletare mathoko ka mokana ga wona, a yedisa aletare ga tso tsa go sinya, mara madi ya mangwana ka mokana ga wona a ma falatsa fase mone aletareng, a yi yedisa gore ba thogo makela dihlabelo tsa go kgopela tshwarelo ga yona. 16 Ka nthago ga mone, a tseya makgura ka moka ya gore ne ma le maleng le sebeteng, a tseya le dipshyiyo ka dipedi le makgura ya tsona fote a maka gore di tupe muši gedimo ga aletare.+ 17 Ke mokane a maka gore tso di šeleng ga kgomu yone, mokgopa wa yona, nama ya yona le boraga bya yona di tšhubiwe ka mollo ka tawong ga kampa,+ go ya ka mokgo Jehova a butsiyeng Moše.

18 Byalo, a šutetsa nku ya phoolo ya go maka sehlabelo sa go tšhubiwa, fote Aroni le barwayi bage ba beya matsogo ya bona mo hlogong ya nku yone.+ 19 Ke mokane Moše a yi hlaba, a fokela madi ya yona mathoko ka moka ya aletare. 20 A kupelela nku yone gwa ba ditlopotlopo, fote Moše a maka gore hlogo, ditlopotlopo tsone le makgura* di tupe muši. 21 A hlatswa mala le mawoto ya yona ka meetši, fote Moše a maka gore nku yone ka mokana ga yona yi tupe muši gedimo ga aletare. Ke mo go le sehlabelo sa go tšhubiwa sa gore se ya nkgela. Ke mo go le sehlabelo sa Jehova sa go makiwa ka mollo, go ya ka mokgo Jehova a butsiyeng Moše.

22 Ke mokane a leya nku ya phoolo ya mabedi, nku ya phoolo ya sehlabelo sa mo ba beya maprista,+ fote Aroni le barwayi bage ba beya matsogo ya bona gedimo ga hlogo ya nku yone.+ 23 Moše a yi hlaba, a tseya madi ya mangwana ya yona a ma tlotsa tsebeng ya letsogo la go ja ya Aroni, ga monwana wo mogolo wa letsogo la go ja le ga monwana wo mogolo wa loto la gore le ga letsogo la go ja. 24 Ka nthago, Moše a šutetsa barwayi ba Aroni, a tlotsa madi ya mangwana ga ditsebe tsa bona tsa gore di ga letsogo la go ja, ga menwana ya bona ye megolo ya matsogo ya go ja le menwana ya bona ye megolo ya mawoto ya gore ma ga letsogo la go ja; mara Moše a gaša madi ya ma šeleng mathoko ka moka ya aletare.+

25 Ke mokane a tseya makgura, mosila wa go tsifa, makgura ka mokana ga wona ya gore ke mo ma le maleng, makgura ya sebeteng, dipshyiyo ka dipedi le makgura ya tsona le loto la gore le ga letsogo la go ja.+ 26 A ntsha lofo ka yyoši ya sekgwa sa kgokolo sa go se na dikomelo,+ lofo ka yyoši ya kgokolo ya sekgwa sa gore se tlotsiwwe makgura+ le sekgwa ka ssoši se se sesane ka teng ga mmantši wa dikgwa tsa go se na dikomelo wa gore ke mo wo le mahlong ga Jehova. Ke mokane a di beya gedimo ga ditlopotlopo tsa makgura le gedimo ga loto lela la gore le ga letsogo la go ja. 27 Ka nthago, a di beya ka mokana ga tsona matsogong ya Aroni le matsogong ya barwayi bage, ba thomisa go di yisa nthago le mahlong gore go be sehlabelo sa gore ba se yisa ku le ku mahlong ga Jehova. 28 Ke mokane Moše a di tseya matsogong ya bona a maka gore di tupe muši aletareng gedimo ga sehlabelo sa go tšhubiwa. Ke mo go le sehlabelo sa go beya maprista sa gore se ya nkgela. Ke mo go le sehlabelo sa Jehova sa go makiwa ka mollo.

29 Ke mokane Moše a tseya dikguba a di yisa nthago le mahlong gore go be sehlabelo sa gore ba se yisa ku le ku mahlong ga Jehova.+ Ke mo go le setlopo sa Moše sa go tšwa ga sehlabelo sa mo ba beya maprista, go ya ka mokgo Jehova a butsiyeng Moše.+

30 Moše a tseya makgura ya mangwana ya go hlawolega+ le madi ya mangwana ya gore ne ma le aletareng a gaša Aroni le dikobo tsage, a gaša le barwayi bage ba gore ke mo ba le naye le dikobo tsa bona. A maka gore Aroni le dikobo tsage le barwayi bage+ le dikobo tsa bona+ ba hlawolege.

31 Ke mokane Moše a re ga Aroni le barwayi bage: “Yapeganeng+ nama hala go keniwang gona letenteng la mogahlano, fote le nyoko yi jela gana hone ka sekgwa sa gore se ka teng ga mmantši wa gore ba wo berekisa mo ba beya maprista, ka mokgo Modimo a mputsiyeng mo a re, ‘Aroni le barwayi bage ba nyoko di ja.’+ 32 Nama yo yi šeleng le sekgwa so se šeleng le nyoko di tšhuba ka mollo.+ 33 Go fele kašupa ya matšatši le sa tšwe hala go keniwang gona letenteng la mogahlano go segela go fela matšatši ya mo le beyiwa gore le be maprista, ka taba la gore di nyoko tseya kašupa ya matšatši gore le beyiwe le be maprista.+ 34 Jehova o hlayye gore re make tso re di makiyeng lekgono gore le thogo yedisiwa.+ 35 Le nyoko fetsa kašupa ya matšatši+ le duli hala go keniwang gona letenteng la mogahlano bošego le motshegare gore le make tso le tshwaneleng go di makela Jehova+ gore le sa kgwe; ka taba la gore ba mputsiye ka mokgonone.”

36 Fote Aroni le barwayi bage ba makiye dilo ka mokana ga tsona tso Jehova a di hlayyeng a berekisa Moše.

9 Ka letšatši la mabala,+ Moše a bitsa Aroni le barwayi bage le banna ba bagolo ba Israyele. 2 A botsa Aroni gore: “Titseyele senamane sa go maka sehlabelo sa mo motho a sinnye+ le nku ya phoolo ya go maka sehlabelo sa go tšhubiwa tsa gore di philegiye, o di leye mahlong ga Jehova. 3 Mara Maisrayele o ma botse gore, ‘Tseyaneng pudi ya phoolo ya go maka sehlabelo sa mo motho a sinnye, le tseye le senamane le senkunyana sa phoolo tsa gore di philegiye tsa go ba le mongwaga ka wwoši, tsa go maka sehlabelo sa go tšhubiwa, 4 le tseye le kgomu ya phoolo le nku ya phoolo tsa go maka sehlabelo sa go hlekediwa,+ gore le thogo makela Jehova sehlabelo ka tsona, le tseye le sehlabelo sa mabele+ sa gore se na le makgura ka gore Jehova o nyoko nyarela ga lune lekgono.’”+

5 Byalo, ba tseya dilo tsone ka mokana ga tsona mahlong ga letente la mogahlano go ya ka mokgo Moše a hlayyeng. Ke mokane Maisrayele ka moka ma šutela ma yema mahlong ga Jehova. 6 Fote Moše a re: “Tsowa ke tso Jehova a hlayyeng gore le di make, Jehova o nyoko maka gore le bone go gadima gage.”+ 7 Ke mokane Moše a re ga Aroni: “Ariye hala aletareng o make sehlabelo sago sa mo motho a sinnye+ le sehlabelo sago sa go tšhubiwa, o tiyedise,+ o yedise le ba mutši wago; fote o makele batho sehlabelo,+ o boye o ba yedise+ go ya ka mokgo Jehova a hlayyeng.”

8 Aroni a napa a šutela hala aletareng a hlaba senamane gore a timakele sehlabelo sa mo motho a sinnye.+ 9 Ke mokane barwayi ba Aroni ba yisa madi+ gage, a tšhela monwana wage mone mading a tlotsa manaka ya aletare, madi ya ma šeleng a ma falatsa fase mone aletareng.+ 10 O makiye gore makgura, dipshyiyo le makgura ya sebeteng ya sehlabelo sa mo motho a sinnye di tupe muši hala aletareng, go ya ka mokgo Jehova a butsiyeng Moše.+ 11 Fote a tšhuba nama le mokgopa ka mollo ka tawong ga kampa.+

12 Ke mokane a hlaba sehlabelo sa go tšhubiwa, fote barwayi ba Aroni ba mo neyetsa madi ya sona, a ma fokela mathoko ka moka ya aletare.+ 13 Ba mo neyye le ditlopotlopo tsa sehlabelo sa go tšhubiwa le hlogo ya sona, a maka gore di tupe muši aletareng. 14 Go tokegela gana hone, a hlatswa mala le mawoto, a maka gore di tupe muši gedimo ga sehlabelo sa go tšhubiwa hala aletareng.

15 Ka nthago a leya sehlabelo sa batho bone, a tseya pudi ya sehlabelo sa mo motho a sinnye ya gore ke mo go le ya batho bone, a yi hlaba, a yi berekisela go maka sehlabelo sa mo motho a sinnye go fo tshwana le yela ya mathomisong. 16 Fote a leya sehlabelo sa go tšhubiwa a se maka ka mokgo ba tlwayeleng go se maka ka gona.+

17 Ke mokane a leya sehlabelo sa mabele,+ a ntsha ka lekgupa, a maka gore se tupe muši aletareng, go tokegela ga sehlabelo sa go tšhubiwa sa gore ba se makiye ka bošego.+

18 Ka nthago a hlaba kgomu ya phoolo le nku ya phoolo ya go maka sehlabelo sa go hlekediwa sa gore ke mo go le sa batho. Ke mokane barwayi ba Aroni ba mo neya madi ya sona, a ma fokela mathoko ka moka ya aletare.+ 19 Ke mokane ditlopotlopo tsa makgura ya kgomu ya phoolo,+ mosila wa go tsifa wa nku ya phoolo, makgura ya gore ma dukulugele tsa teng, dipshyiyo le makgura ya sebeteng,+ 20 ka mokana ga tsona ba di beya gedimo ga dikguba, ka nthago a maka gore ditlopotlopo tsone tsa makgura di tupe muši aletareng.+ 21 Mara Aroni a yisa dikguba le loto lela la gore le ka letsogong la go ja nthago le mahlong gore go be sehlabelo sa gore ba se yisa ku le ku mahlong ga Jehova, go ya ka mokgo Moše a hlayyeng.+

22 Ke mokane Aroni a wololela matsogo yage hala ga batho bala, a ba rufa,+ mo a fetsa go maka sehlabelo sa mo motho a sinnye, sehlabelo sa go tšhubiwa le dihlabelo tsa go hlekediwa, a tloga hala aletareng. 23 Moše le Aroni ba fetsa ba kenne letenteng la mogahlano, ba boya ba tšwa ba rufa batho.+

Batho ka mokana ga bona ba thomisa go bona go gadima ga Jehova,+ 24 Jehova a romela mollo,+ fote wa thomisa go tšhuba sehlabelo sa go tšhubiwa le ditlopotlopo tsa makgura hala aletareng. Mo batho ka moka ba di bona, ba thomisa go yahlamela, ba kgotama ba yinamisiye dihlogo.+

10 Nadabhe le Abhihu+ ba gore ke barwayi ba Aroni, ba tseya tsa go tshwara mollo ba tšhela magala ya go fisa ga tsona, ba beya tsa go nkgela+ mo ga wona. Ke mokane ba thomisa go maka sehlabelo mahlong ga Jehova sa gore a baa tshwanela go se maka,+ sehlabelo sa gore aa ba botsa gore ba se make. 2 Gwa napa go tla mollo wo tšwa ga Jehova, wa ba gagara+ ba kgwa mahlong ga Jehova.+ 3 Ke mokane Moše a re ga Aroni: “Tsowa ke tso di hlayyeng ke Jehova, ‘Bo ba leng thina gaka di nyaka ba sa libale gore ke hlawolegiye,+ fote ke nyoko gadimisiwa mahlong ga batho ka mokana ga bona.’” Aroni a fo kgomolela.

4 Byalo Moše a bitsa Mišayele le Elizafane ba gore ke barwayi ba Uziyele,+ rangwane wa Aroni, a re ga bona: “Tlanneng howa, le tseyeneng bobhuti ba lune ho mahlong ga poleke ya go hlawolega le ba yise tawong ga kampa.” 5 Byalo ba tla ba rwala banna bone ba sa yapere dikobo tsa bona tsa boprista, ba ba yisa ka tawong ga kampa go ya ka mokgo Moše a ba butsiyeng.

6 Ke mokane Moše a botsa Aroni le barwayi bage ba bangwana bo ba reng ke Eliyazara le Ithamara gore: “Le sa lisetsi dihlogo tsa lune di hlafiye kela la tlerola dikobo tsa lune,+ gore le sa kgwe le gore Modimo a sa kwatele Maisrayele ka mokana ga wona. Bobhuti ba lune ba ntlo ya Israyele ka mokana ga yona ba nyoko llela bo Jehova a ba bolayyeng ka mollo. 7 Le sa tšwe ka hala go keniwang gona letenteng la mogahlano ka gore le nyoko kgwa, ka taba la gore Jehova o le hlawodiye a berekisa makgura.”+ Ba maka tso Moše a ba butsiyeng tsona.

8 Ke mokane Jehova a re ga Aroni: 9 “Wene le barwayi bago le sa nwe wayini kela mohlobo wo mongwana wa mokgete mo le kena letenteng la mogahlano+ gore le sa kgwe. Ke molawo wa gore wo nyoko latelela ke wene le ditlogolwane tsago go ya go yye. 10 Mo le maka ka mokgonone le ko thogo fapanisa sa go hlawolega le sa gore a se ya hlawolega, la fapanisa sa gore a se ya yela le sa gore se yediye,+ 11 le go tšhutisa Maisrayele melawo ka mokana ga yona ya gore Jehova o ma butsiye a berekisa Moše.”+

12 Ke mokane Moše a bolabola le Aroni, Eliyazara le Ithamara, ba gore ke barwayi ba Aroni ba gore ke mo ba šele, a re: “Ga dihlabelo tsa Jehova tsa gore di makiwa ka mollo, tseyaneng so se šeleng ga sehlabelo sa mabele le bhake dikgwa tsa go se na dikomelo, le di jele thina le aletare+ ka gore ke selo sa go hlawolega ka matla.+ 13 Di nyaka le di jele polekeng ya go hlawolega+ ka taba la gore ke tso wene le barwayi bago le tshwaneleng le di kraye ga dihlabelo tsa Jehova tsa go makiwa ka mollo, ka gore ke tso Modimo a mputsiyeng. 14 Le nyoko ja le dikguba tsa sehlabelo sa gore ba se yisa ku le ku le loto la sehlabelo sa go hlawolega+ ga poleke ya gore yi yediye, wene, barwayi bago le barwediya bago,+ ka taba la gore dilo tsowa ba le neyye tsona, ke tso wene le barwayi bago le tshwaneleng le di kraye ga dihlabelo tsa go hlekediwa tsa Maisrayele. 15 Ba nyoko leya loto la sehlabelo sa go hlawolega le dikguba tsa sehlabelo sa gore ba se yisa ku le ku le dihlabelo tsa makgura tsa gore di makiwa ka mollo, gore ba leye sehlabelo sa go yisiwa ku le ku mahlong ga Jehova; fote go nyoko ba tso di dulang di kraya ke wene le barwayi bago+ go ya ka mokgo Jehova a hlayyeng.”

16 Moše a nyakela pudi ya go maka sehlabelo sa mo motho a sinnye,+ a kraya gore yi tšhubiwwe. Byalo a kwatela Eliyazara le Ithamara ba gore ke barwayi ba Aroni bo ne ba šele, ke mokane a re: 17 “Ke ntaba le sa jela sehlabelo sa mo motho a sinnye polekeng ya go hlawolega+ ka gore ke selo sa go hlawolega ka matla? Phela Modimo o le neyye sona gore le tlose tso di sinnyeng ke Maisrayele le gore ma thogo tshwarediwa mahlong ga Jehova ka taba la sona. 18 Bona! Madi ya sona a maa leyiwa ga poleke ya go hlawolega.+ Ne di nyaka le se jele ga poleke ya go hlawolega go ya ka mokgo ba mputsiyeng.” 19 Aroni a re ga Moše: “Lekgono ba leyye sehlabelo sa bona sa mo motho a sinnye le sehlabelo sa bona sa go tšhubiwa mahlong ga Jehova,+ mara ke f’lo makegela ke dilo tsowa. Hala ke jile sehlabelo sa mo motho a sinnye lekgono, ayitsano tsotsone ne di nyoko jabodisa Jehova?” 20 Moše a kgotsofala mo a kwa tsotsone.

11 Byalo Jehova a botsa Moše le Aroni gore: 2 “Botsaneng Maisrayele gore, ‘Tsowa ke diphoolwane tsa ho lefaseng* tsa gore le ka di ja:+ 3 Le ka ja phoolwane ye nngwana le ye nngwana ya gore yi na le sekoto sa go tšharoga sa gore fote se na le mosela, le ya gore mo yi jile yi boya yi ghayela.

4 “‘Mara diphoolwane tsa gore di ya ghayela kela tsa go ba le sekoto sa go tšharoga tsa gore a le ya tshwanela go di ja ke tsowa: kamela, ka taba la gore le mo yi ghayela a yi na sekoto sa go tšharoga. Ga lune a ya yela.+ 5 Le pila,+ ka taba la gore yona ya ghayela mara a yi na sekoto sa go tšharoga. Ga lune a ya yela. 6 Le mmutla, ka taba la gore wa ghayela mara a wo na sekoto sa go tšharoga. Ga lune a wa yela. 7 Le kolobe,+ ka taba la gore yi na le sekoto sa go tšharoga sa gore fote se na le mosela mara a yi ghayele. Ga lune a ya yela. 8 Le sa di ji kela la di tikisa mo di kgwile. Ga lune a di ya yela.+

9 “‘Tsowa ke di phoolwane tsa go phela ka meetšing tsa gore le ka di ja: Selo se sengwana le se sengwana sa mawatleng kela dinookeng sa gore se na le mafafela ya go thapa ka wona le magatlapi, le ka se ja.+ 10 Mara se sengwana le se sengwana sa mawatleng le dinookeng sa gore a se na mafafela ya go thapa ka wona le magatlapi, sa gore se wela ga diphoolwane tsa go sepela ka megoba le ga dilo tsa go phela tsa ka meetšing, a se ya yela ga lune. 11 Di nyaka le di nyenye fote le sa ji nama ya tsona,+ le di nyenye le mo di kgwile. 12 Le nyenye dilo ka mokana ga tsona tsa ka meetšing tsa gore a di na mafafela ya go thapa ka wona le magatlapi.

13 “‘Ke tsowa dilo tsa go phurrwa tsa gore di nyaka le di nyenye, le sa di ji ka gore a di ya yela: kgwenyepi,*+ segodi, lenong le le phifadu,+ 14 kokobidi ye khubedu le mohlobo wo mongwana le wo mongwana wa kokobidi ye phifadu, 15 mohlobo wo mongwana le wo mongwana wa mogogorwane, 16 mphu,* lešibiri, sebarukwane, mohlobo wo mongwana le wo mongwana wa lewubawubane, 17 seribišane, kgokgomeetši, lešibiri la ditsebe, 18 lekewu,* leyakaboswane, lenong, 19 kenudi,* mohlobo wo mongwana le wo mongwana wa ledisadikgomu, kokodi,* le mankgakganyane. 20 Dilo ka mokana ga tsona tsa gore di na le mafafela tsa go sepela ka mogoba tsa gore fote di na le kanne ya mawoto, a di ya yela ga lune.

21 “‘Ga tso tsa gore di na le mafafela tsa gore di sepela ka mogoba fote di na le kanne ya mawoto, le ka ja tsa gore di na le makoto ya gore di tshilatshila ka wona. 22 Tsa gore le ka di ja ke tsowa: ditšiya tsa mehlobohlobo tsa gore a di duli poleke ka yyoši, ditšiya tse dingwana tsa gore di ya jega+ le ditšerere. 23 Tse dingwana ka mokana ga tsona tsa gore di sepela ka mogoba tsa go ba le kanne ya mawoto a di ya yela ga lune. 24 Tsowa di nyoko maka gore le thilafale. Ye mongwana le ye mongwana ye a di tikisang mo di kgwile o nyoko thilafala go segela ka malobana.+ 25 Ye mongwana le ye mongwana ye a di rwalang mo di kgwile di nyaka a hlatswe dikobo tsage,+ o nyoko ba a sa yela go segela ka malobana.

26 “‘Phoolwane ye nngwana le ye nngwana ya gore dikoto tsa yona a di ya napa di tšharoga go segela mafelelong fote go se ya go ghayela mo yi jile, le yi tseye go le ya go sa yela. Ye mongwana le ye mongwana ye a yi tikisang o nyoko ba a sa yela.+ 27 Phoolwane ye nngwana le ye nngwana ya gore yi sepela ka kanne ya mawoto ya gore yi gata ka mpamo, ga lune a ya yela. Ye a yi tikisang mo yi kgwile o nyoko ba a sa yela go segela ka malobana. 28 Ye mongwana le ye mongwana ye a di rwalang mo di kgwile di nyaka a hlatswe dikobo tsage,+ o nyoko ba a sa yela go segela ka malobana.+ Ga lune a di ya yela.

29 “‘Tsowa ke diphoolwane tsa go sepela ka mogoba tsa ho lefaseng tsa gore a di ya yela: khwiti, peba,+ mampelekuše* wa mohlobo wo mongwana le wo mongwana, 30 segwagwarela, mampelekuše wo mogolo, mampelekuše wa meetšing, mampelekuše wa santeng le lewobu. 31 Dilo tsowa tsa go sepela ka mogoba a di ya yela ga lune.+ Ye a di tikisang mo di kgwile o nyoko ba a sa yela go segela ka malobana.+

32 “‘Se sengwana le se sengwana so di welang ga sona mo di kgwa se nyoko šala se thilafele, go ka fo ba sitša sa gore se makiwwe ka kwata, kela go le kobo, kela mokgopa kela setlopo sa lesaka. Sitša se sengwana le se sengwana sa gore baa se berekisa di nyaka ba se yenele meetšing, se nyoko ba se thilafele go segela ka malobana, ke mokane ka nthago ga hone se nyoko ba se yediye. 33 Mo di ka wela ka teng ga sitša sa go makiwa ka botsopa, di nyaka le se pshyaye fote dilo tso ne di le ka teng ga sona di nyoko ba di thilafele.+ 34 Tsa go ja tse dingwana le tse dingwana tso di tšhelang ke meetši ya go tšwa ka teng ga sitša sone di nyoko thilafala, fote selo se sengwana le se sengwana sa go nwa sa gore se ka teng ga sona se nyoko thilafala. 35 Se sengwana le se sengwana so se welang ke tso tsa gore di kgwile se nyoko thilafala. Le mo go ka fo ba onto kela setofo se senyana, di nyaka le di pshyaya. Di thilafele fote di nyoko dula di thilafele. 36 Mo diphoolwane tsowa di ka wela ka teng ga sediba sa hlago kela sa go yepiwa, didiba tsowa di nyoko dula di yediye mara ye mongwana le ye mongwana ye a tikisang diphoolwane tsowa mo di kgwile o nyoko thilafala. 37 Mo diphoolwane tsone tsa gore di kgwile di ka wela ga pewu ya gore yi nyoko gašiwa, pewu yone a ya thilafala. 38 Mara mo nkare pewu yone yi tšhediye ke meetši ke mokane setlopo sa phoolwane yone ya gore yi kgwile sa wela mone ga yona, pewu yone a ya yela ga lune.

39 “‘Mo ye nngwana ya diphoolwane tso le di jang yi ka kgwa, ye a yi tikisang o nyoko thilafala go segela ka malobana.+ 40 Ye a jang nama ya tsona mo di kgwile di nyaka a hlatswe dikobo tsage fote o nyoko thilafala go segela ka malobana.+ Le ye a rwalang phoolwane ya gore yi kgwile di nyaka a hlatswe dikobo tsage fote o nyoko thilafala go segela ka malobana. 41 Di nyaka le nyenye+ diphoolwane ka mokana ga tsona tsa mo lefaseng tsa go sepela ka mogoba. Le sa di ji. 42 Se sengwana le se sengwana sa gore se gogoba ka dimpa, se sengwana le se sengwana sa gore se sepela ka mawoto kanne ya wona kela tse dingwana le tse dingwana ga diphoolwane tsa ho lefaseng tsa gore di sepela ka mogoba tsa gore di na le mawoto ya go tlala le sa di ji ka taba la gore di thilafele.+ 43 Le sa make gore ke sa le yamogele ka taba la diphoolwane tsowa tsa go sepela ka mogoba fote le sa tithilafatse ka tsona.+ 44 Ka taba la gore ke nna Jehova Modimo wa lune+ fote di nyaka le tiyedise le hlawolege+ ka taba la gore le nna ke hlawolegiye.+ Byalo le sa tithilafatse ka diphoolwane tsa ho lefaseng tsa go sepela ka megoba. 45 Ke nna Jehova ye a le yetetsiyeng mo le tšwa Egepita go šupetsa gore ke nna Modimo wa lune,+ fote di nyaka le hlawolege+ ka taba la gore le nna ke hlawolegiye.+

46 “‘Wowa ke molawo wa go bolabola ka diphoolwane tsa mo lefaseng tsa gore di ya phurrwa, tsa ka meetšing le tsa gore di sepela ka mogoba, 47 gore le thogo fapanisa diphoolwane tsa go yela le tsa go sa yela fote le fapanise ga diphoolwane tsa gore le ka di ja le tsa gore a di nyake le di ja.’”+

12 Jehova a ya mahlong a bolabola le Moše a re: 2 “Botsa Maisrayele gore, ‘Mo mosadi a ka yima a belega ngwana wa mošomanyana, go nyoko fela kašupa ya matšatši a sa yela go fo tshwana le ka matšatši ya gore o ba a sa yela mo a ya nakong.+ 3 Ka letšatši la mabala, ngwanene ba nyoko mmolotsa.+ 4 Matšatši 33 ya wona ya go latela, mosadi yene o nyoko ya mahlong a tiyedisa ka taba la madi ya ma tšwileng. A sa tikisi selo sa gore se hlawolegiye, fote a sa kene ga poleke ya go hlawolega go segela a fetsa matšatši ya go tiyedisa.

5 “‘Mo a ka belega ngwana wa ngwannyana, go nyoko fela 14 ya matšatši a sa yela go fo tshwana le mo a ya nakong. Matšatši 66 ya wona ya go latela, mosadi yene o nyoko ya mahlong a tiyedisa ka taba la madi ya ma tšwileng. 6 Mo matšatši ya go tiyedisa ka taba la ngwana yene wa mošomanyana kela wa ngwannyana ma fela, o nyoko leya senkunyana sa phoolo sa go ba le mongwaga ka wwoši gore a make sehlabelo sa go tšhubiwa,+ a boya a leya le liba le lenyana la gaye kela liba la hlaga gore a make sehlabelo sa mo motho a sinnye, o nyoko di neya moprista hala go keniwang gona letenteng la mogahlano. 7 Moprista yene o nyoko di leya mahlong ga Jehova gore a mo yedise, o nyoko yela ga madi ya ma tšwileng. Wowa ke molawo wa mo mosadi a belegiye ngwana wa mošomanyana kela wa ngwannyana. 8 Mara mo nkare aa kgone go leya nku, a leye maliba ka mabedi ya hlaga kela maliba ka mabedi ya gaye ya manyana,+ ka lloši go be la go maka sehlabelo sa go tšhubiwa le lengwana go be la go maka sehlabelo sa mo motho a sinnye, moprista o nyoko mo yedisa, fote o nyoko yela.’”

13 Jehova a ya mahlong a bolabola le Moše le Aroni a re: 2 “Mo motho a ka roroga, a ba le legogo kela a tšhentšha khala mo letlalong lage fote tsotsone dya ba bolwele bya go jega dinama bya gore ba re ke lephera*+ mo letlalong lage, di nyaka a yisiwe ga Aroni wa gore ke moprista kela ga ye mongwana wa barwayi bage ba gore ke maprista.+ 3 Moprista o nyoko pombhola bolwele byone mo letlalong lage. Mo maboya ya mo bolwele byone bo leng gona ma le ya matšhwewu fote bolwele byone bo šupetsa bo kenelele mo letlalong, ke bolwele bya go jega dinama bya gore ba re ke lephera. Moprista o nyoko bo lebelela ke mokane a hlaya gore motho yene aa yela. 4 Mara mo nkare mo letlalo lage le tšhentšhiyeng khala gona ke go go tšhwewu fote go šupetsa nkare bolwele byone a bya kenelela mo letlalong, fote maboya ya gona go se ya matšhwewu, moprista o nyoko maka gore motho yene a fetse kašupa ya matšatši a dula a ntoši.+ 5 Moprista o nyoko mo pombhola ka letšatši la kašupa, mo di šupa nkare bolwele byela bo yemme fote a bya sabalala mo letlalong, moprista o nyoko maka gore a fetse matšatši ya mangwana kašupa ya wona a dula a le ntoši.

6 “Di nyaka moprista a mo pombhole fote ka letšatši la kašupa, mo a ka kraya bolwele byela bo thomisa go fola fote a kraya gore a bya sabalala mo letlalong, moprista o nyoko hlaya gore motho yene o yediye;+ ke mo go fo ba legogo. Ke mokane motho yene o nyoko hlatswa dikobo tsage, a yela. 7 Mara mo bolwele byone bo sabalele mo letlalong ka nthago ga gore a nyarele mahlong ga moprista gore a mo pombhole gore ayitsano o yediye, o nyoko nyarela fote mahlong ga moprista. 8 Moprista o nyoko pombhola bolwele byone, fote mo bo sabalele mo letlalong, moprista o nyoko hlaya gore motho yene aa yela. Ke bolwele bya go jega dinama bya gore ba re ke lephera.+

9 “Mo motho a ka ba le bolwele bya go jega dinama bya gore ba re ke lephera, di nyaka a yisiwe ga moprista, 10 moprista o nyoko mo pombhola.+ Mo nkare o rurugiye mo letlalong fote ke go go tšhwewu le maboya ya gona ke ya matšhwewu, fote go na le sethogo sa gore se bulegiye+ gana hone ga gore go rurugiye, 11 ke bolwele bya lephera bya gore bo nyoko tseya nako ya go lefa, moprista o nyoko hlaya gore motho yene aa yela. A di nyake a mo dulisa a ntoši+ ka gore aa yela. 12 Byalo mo bolwele bya go jega dinama bya gore ba re ke lephera bo sabalala letlalong lage ka mokana ga lona, fote bolwele byone bo kenne motho yene go tlugisela hlogong go segela lotong, ka mokana ga gona mo moprista a bonang gona, 13 moprista a mo pombhodiye fote a di bona gore bolwele byone bo sabalele letlalong lage ka mokana ga lona, o nyoko hlaya gore motho yene wa gore ke mo a lwala o yediye. Letlalo lage ka moka go šele go le le letšhwewu, o yediye. 14 Mara mo go tšwa sethogo sa gore se bulegiye mone ga lona, motho yene o ko ba a sa yela. 15 Mo moprista a bona sethogo sone sa go bulega, o nyoko hlaya gore motho yene aa yela.+ Sethogo sone sa go bulega a se ya yela. Ke bolwele bya go jega dinama bya gore ba re ke lephera.+ 16 Mara mo sethogo sone sa go bulega se ka tšhentšha sa ba se se tšhwewu, o nyoko boyela ga moprista. 17 Moprista o nyoko mo pombhola,+ mo bolwele byone bo šele bo le byo botšhwewu, moprista o nyoko hlaya gore o yediye. Motho yene o yediye.

18 “Mo motho a ka tšwa lešupa mo letlalong lage fote la fola, 19 mara mo ne go tšwile lešupa gwa roroga gwa ba go go tšhwewu kela gwa tšhentšha gwa ba le bokhubedu bya go ba le botšhwewu, di nyaka a ye ga moprista. 20 Moprista o nyoko pombhola bolwele byone,+ mo di šupa nkare bo kenelele mone letlalong fote maboya ya gona go šele go le ya matšhwewu, moprista o nyoko hlaya gore motho yene aa yela. Ke bolwele bya go jega dinama bya gore ba re ke lephera bya gore bo tšwile mo ne go na le lešupa. 21 Mara mo moprista a ka pombhola bolwele byone, a bona go se na maboya ya matšhwewu fote bo sa kenelela mone letlalong, bo šupetsa nkare bo thomisa go fola, moprista o nyoko maka gore motho yene a fetse kašupa ya matšatši a dula a ntoši.+ 22 Mo nkare bo sabalele mone letlalong, moprista o nyoko hlaya gore motho yene aa yela. Ke bolwele. 23 Mara mo nkare mone ga go tšhentšha khala go ba poleke ka yyoši fote a go sabalale, go fo ba go roroga ga lešupa fote moprista o nyoko hlaya gore motho yene o yediye.+

24 “Kela mo motho a ka swa gwa nyarela nama fote mo go swileng gwa tšhentšha gwa ba le botšhwewu kela gwa tšhentšha gwa ba le bokhubedu bya gore bo na le botšhwewu, 25 moprista o nyoko go pombhola. Mo nkare maboya ya mone go tšhentšhiyeng khala go šele go le ya matšhwewu fote bolwele byone bo šupa nkare bo kenelele mo letlalong, ke bolwele bya go jega dinama bya gore ba re ke lephera bya gore bo tšwile mo go swileng, fote moprista o nyoko hlaya gore motho yene aa yela. Ke bolwele bya lephera. 26 Mara mo moprista a pombhola, a di bona gore a go na maboya ya matšhwewu mone go tšhentšhiyeng khala fote bolwele byone bo sa kenelela mo letlalong, bo šupa nkare bo thomisa go fola, moprista o nyoko maka gore motho yene a fetse kašupa ya matšatši a dula a ntoši.+ 27 Moprista o nyoko mo pombhola ka letšatši la kašupa, mo nkare bo sabalele mo letlalong, moprista o nyoko hlaya gore motho yene aa yela. Ke bolwele bya go jega dinama bya gore ba re ke lephera. 28 Mara mo nkare mone go tšhentšhiyeng khala go polekeng ka yyoši, a gwa sabalala mo letlalong fote go šupetsa nkare go thomisa go fola, go fo ba go rurugiye mone go swileng, fote moprista o nyoko hlaya gore o yediye ka taba la gore go fo ba go rurugiye mone go swileng.

29 “Mo monna kela mosadi a ba le bothatha bya letlalo mo hlogong kela mo seledung, 30 moprista o nyoko mo pombhola.+ Mo nkare bolwele byone bo kenelele mo letlalong, moriri wa gona go le wo mokheri fote wo sa tlala, moprista o nyoko hlaya gore motho yene aa yela; ke bolwele bya letlalo la mo hlogong kela la mo makgakgeng. Ke bolwele bya go jega dinama bya gore ba re ke lephera bya hlogong kela bya seledung. 31 Mara mo nkare moprista o bona bolwele byone bo sa kenelela mo letlalong fote go se na moriri wo mo phifadu gana hone, moprista o nyoko maka gore motho yene a fetse kašupa ya matšatši a dula a ntoši.+ 32 Moprista o nyoko mo pombhola ka letšatši la kašupa, mo nkare bolwele byone a bya sabalala, go se na moriri wo mokheri mo bo leng gona fote bo šupa nkare a bya kenelela mo letlalong, 33 motho yene a hlube, mara a sa hlube mo go nang le bolwele. Moprista o nyoko maka gore motho yene a fetse kašupa ya matšatši a dula a ntoši.

34 “Ka letšatši la kašupa, moprista o nyoko pombhola mo go nang le bolwele fote, mo nkare bolwele byone bya mo letlalong la mo hlogong le bya mo makgakgeng a bya sabalala mo letlalong fote bo sa šupetse bo kenelele mo letlalong, di nyaka moprista a hlaye gore motho yene o yediye, fote motho yene o nyoko hlatswa dikobo tsage a yela. 35 Mara mo nkare bolwele byone bya sabalala mo letlalong ka nthago ga gore a yedisiwe, 36 moprista o nyoko mo pombhola, mo nkare bolwele byone bo sabalele mo letlalong, a di sa nyaka gore moprista a nyakele moriri wo mokheri; motho yene aa yela. 37 Mara mo nkare o kraya bolwele byone bo sa sabalala mo a bo pombhola fote go midiye moriri wo mo phifadu gana hone, bolwele byone bo fodiye. Motho yene o yediye, fote moprista o nyoko hlaya gore motho yene o yediye.+

38 “Mo monna kela mosadi a ka tšhentšha khala mo letlalong, gwa ba go go tšhwewu, 39 moprista o nyoko ba pombhola.+ Mo letlalo le ka tšhentšha khala fote wa kraya gana hone le pawogiyenyana, tsotsone go fo ba go le dithogothogo tsa gore a di hlupi tso di midiyeng ho letlalong. Motho yene o yediye.

40 “Mo motho a ka foforega moriri mo hlogong fote a tšwa lefahla, motho yene o yediye. 41 Mo a ka foforega moriri mo phogong fote a tšwa lefahla gana hone, motho yene o yediye. 42 Mo lefahla lone le ka tšwa sethogo se sekhubedu sa go ba le botšhwewu kela sa tšwa mo mopong, motho yene o thomisa go ba le bolwele bya go jega dinama bya gore ba re ke lephera letlalong la mo hlogong kela mo mopong. 43 Moprista o nyoko mo pombhola, mo nkare o na le sethogo sa go kokomoga se sekhubedu sa gore se na le botšhwewu mo lefahleng la gore le mo phogong kela mo mopong, fote di šupa nkare letlalo lage le na le bolwele bya go jega dinama bya gore ba re ke lephera, 44 o na le lephera. Motho yene aa yela, fote di nyaka moprista a hlaye gore motho yene aa yela ka taba la bolwele byage bya mo hlogong. 45 Motho yene wa go ba le bolwele bya go jega dinama bya gore ba re ke lephera di nyaka a tlerole dikobo tsage fote a lisetse hlogo yage yi hlafiye, fote a thibe makgakga yage a yahlamele a re, ‘A ke ya yela, a ke ya yela!’ 46 O nyoko ba a sa yela matšatši ka moka ya mo a sa na le bolwele byone. Ka gore aa yela, di nyaka a dule ku thoko. O nyoko dula ka tawong ga kampa.+

47 “Mo bolwele bya lephera bo ka kena kobong ya wulu kela ya linene, 48 go ka fo ba go le ga digare tsa go ya kgakala kela tsa go ya ka mathoko tsa linene yone, kela tsa wulu yone kela bya kena ga mokgopa kela ga selo se sengwana le se sengwana sa gore se makiwwe ka mokgopa, 49 fote bolwele byone bo makiye bokheri bya go ba le botala-morogo kela bokhubedu hala kobong, mokgopeng, ga digare tsa go ya kgakala kela tsa go ya ka mathoko tsa kobo yone, kela se sengwana le se sengwana sa go makiwa ka mokgopa, se kenne ke lephera fote di nyaka ba se šupetse moprista. 50 Moprista o nyoko pombhola bolwele byone, fote di nyaka a make gore selo sa gore se na le bolwele se fetse kašupa ya matšatši se le ku thoko.+ 51 Mo a pombhola bolwele byone ka letšatši la kašupa, a bona gore bo sabalele mone kobong, ga digare tsa go ya kgakala kela ka mathoko tsa kobo yone, kela ga mokgopa (di sa yi ka gore mokgopa wone ba wo berekisa go maka ying), ke bolwele bya lephera bya gore bo kotsi fote selo sone a se ya yela.+ 52 Di nyaka a tšhube kobo yone kela digare tsa go ya kgakala kela tsa go ya ka mathoko tsa kobo ya wulu kela ya linene kela se sengwana le se sengwana sa go makiwa ka mokgopa sa gore se na le bolwele byone, ka gore ke lephera la gore le kotsi. Di nyaka se tšhubiwe ka mollo.

53 “Mara mo moprista a se pombhola a kraya gore bolwele byone a bya sabalala mone kobong kela ga digare tsa go ya kgakala kela tsa go ya ka mathoko kela ga selo se sengwana le se sengwana sa go makiwa ka mokgopa, 54 moprista o nyoko hlaya gore selo sone sa gore se na le bolwele se hlatswiwe, fote o nyoko maka gore se fetse kašupa ya matšatši se le thoko. 55 Moprista o nyoko pombhola selo sone sa gore se na le bolwele ka nthago ga gore se hlatswiwe gabutši. Mo nkare bolwele byone bo sa na bo le ka mokgonone, le mo bo sa sabalala, a se ya yela. Di nyaka se tšhubiwe ka mollo ka taba la gore se jegiye, go ka fo ba go le ka teng kela ka tawong.

56 “Mara mo nkare mo moprista a se pombhola o kraya gore mola ga gore ke mo go na le bolwele go thomisa go tloga ka nthago ga gore se hlatswiwe gabutši, mone ga gore ke mo go na le bolwele o nyoko go tlerola mone kobong kela ga mokgopa kela ga digare tsa go ya kgakala kela tsa go ya ka mathoko. 57 Mara mo nkare bo sa le gona go gongwana mone kobong kela ga digare tsa go ya kgakala kela tsa go ya ka mathoko kela ga selo se sengwana le se sengwana sa go makiwa ka mokgopa, bolwele byone bo nyoko ba bo sabalala, di nyaka gore se sengwana le se sengwana sa gore se na le bolwele byone se tšhubiwe ka mollo.+ 58 Mara mo bolwele byone bo nyamalala ga kobo kela ga digare tsa go ya kgakala kela tsa go ya ka mathoko kela ga selo se sengwana le se sengwana sa go makiwa ka mokgopa sa gore o se hlatswiye, di nyaka o se hlatswe fotefote, se nyoko ba se yediye.

59 “Wowa ke molawo wa bolwele bya lephera bya gore bo kobong ya go makiwa ka wulu kela ka linene, kela ga digare tsa go ya kgakala kela ka mathoko tsa kobo yone, kela ga selo se sengwana le se sengwana sa go makiwa ka mokgopa gore moprista a thogo di tšiba gore se yediye kela a se ya yela.”

14 Jehova a ya mahlong a bolabola le Moše a re: 2 “Wowa go nyoko ba molawo wa motho wa go ba le bolwele bya go jega dinama byo ba reng ke lephera, molawo wa gore wo nyoko latelediwa ka letšatši lo moprista a nyoko hlayang gore motho yene o yediye mo ba mo leya gage.+ 3 Moprista o nyoko ya ka tawong ga kampa ke mokane a pombhola motho yene. Mo motho yene a fodiye ga bolwele bya go jega dinama byo ba reng ke lephera, 4 moprista o nyoko hlaya gore motho yene a leye dinonyane ka dipedi tsa go phela tsa gore di yediye, phate ya mophayi, llapi le lekhubedu le hisopo gore a thogo mo yedisa.+ 5 Moprista o nyoko hlaya gore nonyane ka yyoši yi bolayiwe ka teng ga pitsa ya gore yi na le meetši ya gore ba ma gile nookeng. 6 Mara di nyaka a tseye nonyane ya gore ya phela le phate ya mosidara, llapi le lekhubedu le hisopo, a di tšhele ka teng ga madi ya nonyane ya gore ba yi bolayye. 7 Ke mokane o nyoko gaša motho ye a tiyedisang ga bolwele bya go jega dinama bya gore ba re ke lephera gašupa, fote a hlaya gore o yediye, o nyoko lisetsa nonyane yela ya go phela gore yi phurrwele mašahleng.+

8 “Di nyaka motho ye a tiyedisang a hlatswe dikobo tsage, a hlube moriri wage ka mokana ga wona fote a hlape ka meetši, o nyoko yela. Ka nthago ga hone, a ka kena kampeng mara o nyoko fetsa kašupa ya matšatši a duli ka tawong ga letente lage. 9 Ka letšatši la kašupa, di nyaka a hlube moriri wage ka mokana ga wona, makgakga yage le dintšhi tsage. Mo a fetsa go hluba moriri wage ka mokana ga wona, o nyoko hlatswa dikobo tsage, fote a hlapa ka meetši, o nyoko ba a yediye.

10 “Ka letšatši la mabala, o nyoko tseya dinkunyana ka dipedi tsa phoolo tsa gore di philegiye, nku ka yyoši ya tshadi ya gore yi philegiye+ ya gore yi na le mongwaga ka wwoši, kararo ya dikhiloghremo tsa folawa ya gore ke mong yona ya gore yi tšhediwwe makgura gore go be sehlabelo sa mabele+ le komitši ka yyoši* ya makgura;+ 11 fote moprista ye a hlayang gore o yediye o nyoko yisa motho yene a tiyedisang le dihlabelo mahlong ga Jehova hala go keniwang gona letenteng la mogahlano. 12 Moprista o nyoko tseya senkunyana sa phoolo ka ssoši a maka sehlabelo sa mo motho a kokona ke lekwalo,+ a tseya le komitši* ka yyoši ya makgura, fote o nyoko se yisa nthago le mahlong gore go be sehlabelo sa go yisiwa ku le ku mahlong ga Jehova.+ 13 Ke mokane o nyoko hlaba senkunyana sa phoolo ga poleke ya gore ga go tlala ba hlabela gona+ sehlabelo sa mo motho a sinnye le sehlabelo sa go tšhubiwa ga poleke ya go hlawolega, ka taba la gore sehlabelo sa mo motho a kokona ke lekwalo ke sa moprista+ go fo tshwana le sehlabelo sa mo motho a sinnye. Ke selo sa go hlawolega ka matla.+

14 “Ke mokane moprista o nyoko tseya madi ya mangwana ya sehlabelo sa mo motho a kokona ke lekwalo, a ma tlotsa ga tsebe ya gore yi ka letsogong la go ja ya motho ye a tiyedisang, a ma tlotsa le ga monwana wo mogolo wa letsogo la go ja le ga monwana wo mogolo wa loto la gore le ka letsogong la go ja. 15 Fote moprista o nyoko tseya makgura ya mangwana ga komitši yela ya makgura,+ a ma tšhela ga letsogo lage la sepata. 16 Moprista o nyoko tokola makgura ya ma leng ka letsogong lage la sepata ka monwana wage wa ka letsogong la go ja, fote a gaša makgura ya mangwana ka monwana wage gašupa mahlong ga Jehova. 17 Ke mokane moprista o nyoko tseya makgura ya mangwana ya ma šeleng mo letsogong lage a ma tšhela ga tsebe ya ka letsogong la go ja ya motho ye a tiyedisang, ga monwana wage wo mogolo wa ka letsogong la go ja le ga monwana wage wo mogolo wa loto la gore le ka letsogong la go ja gedimo ga madi yala ya sehlabelo sa mo motho a kokona ke lekwalo. 18 Moprista o nyoko tseya makgura ya ma šeleng letsogong lage a ma tlotsa hlogong ya ye a tiyedisang, fote moprista o nyoko mo kgopelela tshwarelo mahlong ga Jehova.+

19 “Moprista o nyoko maka sehlabelo sa mo motho a sinnye,+ a kgopelela motho ye a tiyedisang tshwarelo, ka nthago o nyoko hlaba phoolwane ya sehlabelo sa go tšhubiwa. 20 Fote moprista o nyoko maka sehlabelo sa go tšhubiwa le sehlabelo sa mabele+ gedimo ga aletare, a boya a kgopelela motho yene tshwarelo,+ motho yene o nyoko yela.+

21 “Mara mo nkare wa tihlupegela, fote aa kgone go leya dilo tsowa, o nyoko tikgopelela tshwarelo ka go tseya senkunyana ka ssoši sa phoolo sa go maka sehlabelo sa mo motho a kokona ke lekwalo gore go be sehlabelo sa gore ba se yisa ku le ku, o nyoko tseya le khiloghremo ka yyoši ya folawa ya gore ke mong yona ya gore yi na le makgura gore go be sehlabelo sa mabele, komitši ka yyoši ya makgura, 22 le maliba ka mabedi ya hlaga kela maliba ka mabedi ya gaye ya manyana, go ya ka mokgo a kgonang. Ka lloši go nyoko ba sehlabelo sa mo motho a sinnye, le lengwana go nyoko ba sehlabelo sa go tšhubiwa.+ 23 Ka letšatši la mabala,+ o nyoko di leya ga moprista hala go keniwang gona letenteng la mogahlano mahlong ga Jehova gore a thogo yedisiwa.+

24 “Moprista o nyoko tseya senkunyana sa phoolo sa sehlabelo sa mo motho a kokona ke lekwalo+ le komitši ka yyoši ya makgura, a di yisa nthago le mahlong gore go be sehlabelo sa go yisiwa ku le ku mahlong ga Jehova.+ 25 O nyoko hlaba senkunyana sa phoolo sa sehlabelo sa mo motho a kokona ke lekwalo, a tseya madi ya mangwana ya sehlabelo sa mo motho a kokona ke lekwalo a ma tlotsa ga tsebe ya ka letsogong la go ja ya motho ye a tiyedisang le ga monwana wo mogolo wa letsogo lage la go ja le ga monwana wo mogolo wa loto la gore le ka letsogong la go ja.+ 26 Moprista o nyoko tšhela makgura ya mangwana ga letsogo lage la sepata,+ 27 ke mokane o nyoko gaša makgura ya mangwana ya ma leng letsogong lage la sepata ka monwana wage wa letsogo la go ja gašupa mahlong ga Jehova. 28 Fote moprista o nyoko tseya makgura ya mangwana ya ma leng letsogong lage a ma tlotsa ga tsebe ya ka letsogong la go ja ya motho ye a tiyedisang le ga monwana wo mogolo wa letsogo lage la go ja le ga monwana wo mogolo wa loto la gore le ka letsogong la go ja gana mo a tlotsiyeng madi ya sehlabelo sa mo motho a kokona ke lekwalo. 29 Moprista o nyoko tšhela makgura ya ma šeleng letsogong lage gedimo ga hlogo ya motho ye a tiyedisang, gore a mo kgopelele tshwarelo mahlong ga Jehova.

30 “Moprista o nyoko tseya liba ka lloši la hlaga kela liba ka lloši la gaye le lenyana a maka sehlabelo, go ya ka tso motho yene a di kgonang,+ 31 ka lloši o nyoko maka sehlabelo sa mo motho a sinnye le lengwana a maka sehlabelo sa go tšhubiwa+ go ya ka tso motho yene a kgonang go di leya; fote moprista o nyoko kgopelela ye a tiyedisang tshwarelo mahlong ga Jehova.+

32 “Wowa ke molawo wo wo nyoko berekang ga motho wa gore ke mo a na le bolwele bya go jega dinama bya gore ba re ke lephera mara a sa kgone go leya dihlabelo tso di nyakegang gore moprista a thogo hlaya gore o yediye.”

33 Ke mokane Jehova a re ga Moše le Aroni: 34 “Mo le segela nageng ya Kanana+ ya gore ke le neya yona gore go be ya lune,+ fote ka lisetsa bolwele bya lephera bo kena ntlo ya mone nageng,+ 35 di nyaka mong wa ntlo yone a tle ga moprista a mmotse gore, ‘Go nyarele dilo tse dingwana tsa nkare ke bolwele bya lephera ntlong yaka.’ 36 Moprista o nyoko mmotsa gore a ntshe dilo tso di leng mone ntlong mo a soko segela gore a pombhole bolwele byone, gore a sa hlaye gore dilo ka mokana ga tsona tsa mone ntlong a dya yela; ka nthago moprista o nyoko tla a tl’le pombhola ntlo yone. 37 O nyoko pombhola mo go nang le bolwele, fote mo bolwele byone bo le mo mapharong bo na le bokheri bya go ba le botala-morogo kela ditwaba tse dikhubedu, di šupa nkare di kenelele mo lepharong, 38 moprista o nyoko tšwa mone ntlong ke mokane a hlaya gore go fele kašupa ya matšatši go sa kene motho mone ntlong.+

39 “Ke mokane moprista o nyoko boya ka letšatši la kašupa a pombhola ntlo yone. Mo nkare bolwele byone bo sabalele ga mapharo ya ntlo yone, 40 moprista o nyoko hlaya gore ba make ying, fote di nyaka gore matlapa ya gore ma na le bolwele byone ma ntshiwe mo mapharong ma lahliwe ka tawong ga mutši ga poleke ya gore a ya yela. 41 Ke mokane moprista o nyoko maka gore ba matlolle ka mo teng ga ntlo yone gabutši, tso ba di ntshiyeng di nyaka ba di lahle ka tawong ga mutši ga poleke ya gore a ya yela. 42 Hala ba ntshiyeng matlapa yane ba nyoko tšhela ya mangwana, fote di nyaka ba berekise leraga le lengwana ba boye ba kgakgape ntlo yone.

43 “Mara mo nkare bolwele byone bo boya bo nyarela mone ntlong ka nthago ga gore ba ntshe matlapa, ba matlolle ntlo yone fote ba yi kgakgape ka bonyuwane, 44 moprista o nyoko kena a yi pombhola. Mo nkare bolwele byone bo sabalele mone ntlong, ke lephera+ la gore le kotsi. Ntlo yone a ya yela. 45 O nyoko maka gore ntlo yone yi wisiwe—matlapa ya yona, diphate tsa yona le tso ne ba yi kgakgapiye ka tsona—di yisiwe ka tawong ga mutši ga poleke ya gore a ya yela.+ 46 Mara ye a kenang mone ntlong ka matšatši ya gore a gwa tshwanela go kene motho,+ a ka sa yele go segela ka malobana;+ 47 ye a yetselang ka mone ntlong a hlatswe dikobo tsage, le ye a jelang ka mone ntlong a hlatswe dikobo tsage.

48 “Mara mo moprista a tla, a bona gore bolwele byone a bya sabalala ka mone ntlong ka nthago ga gore yi kgakgapiwe, o nyoko hlaya gore ntlo yone yi yediye ka taba la gore bolwele byone bo fediye. 49 Ntlo yone gore yi thogo yela, o nyoko tseya dinonyane ka dipedi, dikwata tsa mosidara, llapi le lekhubedu le hisopo.+ 50 Di nyaka a bolayele nonyane ka yyoši ka teng ga pitsa ya gore yi na le meetši ya gore ba ma gile nookeng. 51 O nyoko tseya phate ya mosidara, hisopo, llapi le lekhubedu le nonyane ya go phela, a di tšhela ka teng ga madi ya nonyane yela ya gore yi bolayiwwe, le ka teng ga meetši yala ya gore ba ma gile nookeng, fote di nyaka a gaše madi yane ga kašupa go libana le ntlo yone.+ 52 O nyoko yedisa ntlo yone ka madi ya nonyane, meetši ya gore ba ma gile nookeng, nonyane ya go phela, phate ya mosidara, hisopo le llapi le lekhubedu. 53 Mo a le ka tawong ga mutši o nyoko lisetsa nonyane yone ya go phela yi phurrwela mašahleng, a yedisa ntlo yone, fote yi nyoko yela.

54 “Wowa ke molawo wa go sipidisana le mohlobo wo mongwana le wo mongwana wa bolwele bya lephera, bolwele bya letlalo la mo hlogong kela la mo makgakgeng,+ 55 lephera la kobo+ kela la ntlo,+ 56 wa go yelana le mo motho a rurugiye, a na le magogo le mo letlalo lage le tšhentšha khala,+ 57 gore ba thogo di tšiba mo selo se sa yela kela mo se yediye.+ Wowa ke molawo wa go sipidisana le bolwele bya lephera.”+

15 Jehova a ya mahlong a bolabola le Moše le Aroni a re: 2 “Bolabolaneng le Maisrayele le ma botse gore, ‘Mo monna a tšwa dithila ga selo sage sa ka fase sa bonna, dithila tsone di maka gore a sa yele.+ 3 Dithila tsone di maka gore motho yene a sa yele, le mo di ka fo ya mahlong di tšwa ga selo sage sa ka fase kela di maka gore go thibege mone ga sona, motho yene aa yela.

4 “‘Mpeto wo mongwana le wo mongwana wa gore o yetselela ke motho ye a tšwang dithila ga selo sage sa ka fase sa bonna, wo nyoko ba wo sa yela fote selo se sengwana le se sengwana so a se dulelang se nyoko ba se sa yela. 5 Motho ye a tikisang mpeto wage di nyaka a hlatswe dikobo tsage, a hlape ka meetši fote o nyoko ba a sa yela go segela ka malobana.+ 6 Ye mongwana le ye mongwana ye a dulelang selo sa gore se dulele ke yela wa go tšwa dithila ga selo sage sa ka fase sa bonna di nyaka a hlatswe dikobo tsage, a hlape ka meetši, fote a dule a sa yela go segela ka malobana. 7 Ye a tikisang letlalo la monna ye a tšwang dithila ga selo sage sa ka fase sa bonna di nyaka a hlatswe dikobo tsage, a hlape ka meetši, fote a dule a sa yela go segela ka malobana. 8 Mo motho wa gore o tšwa dithila ka fase a ka tshwela motho wa gore o yediye, di nyaka motho yene a hlatswe dikobo tsage, a hlape ka meetši, fote a dule a sa yela go segela ka malobana. 9 Selo se sengwana le se sengwana sa go dulela sa gore ba se beya gedimo ga phoolwane, sa gore se dulela ke motho wa go tšwa dithila ga selo sage sa ka fase sa bonna mo a kalamme phoolwane yone, se nyoko ba se sa yela. 10 Ye mongwana le ye mongwana wa go tikisa dilo tsa gore ne di dulele ke motho yene o nyoko ba a sa yela go segela ka malobana, le ye a rwalang dilo tsone di nyaka a hlatswe dikobo tsage, a hlape ka meetši, fote o nyoko ba a sa yela go segela ka malobana. 11 Mo nkare motho yene wa go tšwa dithila+ ga selo sage sa ka fase sa bonna o tikisa motho ye mongwana a soko hlapa matsogo yage ka meetši, di nyaka motho yene ba mo tikisiyeng a hlatswe dikobo tsage, a hlape ka meetši, fote o nyoko ba a sa yela go segela ka malobana. 12 Pitsa ya gore yi tikisa ke motho wa gore o tšwa dithila ga selo sage sa ka fase sa bonna di nyaka yi pshyayiwe, fote sitša se sengwana le se sengwana sa go makiwa ka kwata se hlatswiwe ka meetši.+

13 “‘Mo dithila tsone di sa sa tšwa, motho yene o nyoko ba a yediye, o nyoko balela kašupa ya matšatši gore a thogo yedisiwa, fote di nyaka a hlatswe dikobo tsage, a hlape ka meetši ya nookeng ke mokane o nyoko yela.+ 14 Ka letšatši la mabala, a tseye maliba ka mabedi ya hlaga kela maliba ka mabedi ya gaye ya manyana,+ a tle mahlong ga Jehova hala go keniwang gona letenteng la mogahlano, a ma neye moprista. 15 Moprista o nyoko maka sehlabelo ka wona, ka lloši go be sehlabelo sa mo motho a sinnye le lengwana go be sehlabelo sa go tšhubiwa, fote moprista o nyoko mo kgopelela tshwarelo ga Jehova ka taba la bolwele byage.

16 “‘Byalo mo monna a ka ntsha pewu, di nyaka a hlape mmele wage ka mokana ga wona ka meetši fote a dule a sa yela go segela ka malobana.+ 17 Di nyaka a hlatswe kobo ye nngwana le ye nngwana ka meetši fote a hlatswe selo se sengwana le se sengwana sa go makiwa ka mokgopa sa gore se na le pewu yage mo ga sona, di nyoko ba di sa yela go segela ka malobana.

18 “‘Mo monna a yetsela le mosadi fote pewu yage ya tšwa, di nyaka ba hlape ka meetši, ba dule ba sa yela go segela ka malobana.+

19 “‘Mo mosadi a tšwa madi mo mmeleng wage, go nyoko fela kašupa ya matšatši a sa yela ka taba la go ya nakong.+ Ye mongwana le ye mongwana ye a mo tikisang o nyoko ba a sa yela go segela ka malobana.+ 20 Se sengwana le se sengwana so a se yetselelang ka nako ya mo a sa yela ka taba la go ya nakong se nyoko sa yele, le se sengwana le se sengwana so a se dulelang se nyoko sa yele.+ 21 Ye mongwana le ye mongwana ye a tikisang mpeto wage di nyaka a hlatswe dikobo tsage, a hlape ka meetši, fote o nyoko ba a sa yela go segela ka malobana. 22 Ye mongwana le ye mongwana ye a tikisang selo so ne se dulele ke mosadi yene di nyaka a hlatswe dikobo tsage, a hlape ka meetši, fote o nyoko ba a sa yela go segela ka malobana. 23 Mo nkare mosadi yene ne a duli mpetong kela go gongwana, ye a tikisang dilo tsone o nyoko ba a sa yela go segela ka malobana.+ 24 Mo monna a ka yetsela le mosadi yene fote a thilafala ka taba la madi ya mo mosadi yene a ya nakong,+ go nyoko fela kašupa ya matšatši monna yene a sa yela, fote mpeto wo mongwana le wo mongwana wo monna yene a yetselang ga wona wo nyoko ba wo sa yela.

25 “‘Mo mosadi a fetsa matšatši ya go tlala+ a tšwa madi mara go se nako yage ya gore a ye nakong,+ kela mo nkare o ya nakong matšatši ya go fetelela, o nyoko ba a sa yela matšatši ka mokana ga wona ya mo a tšwa madi, go tshwana le matšatši ya mo a ya nakong. 26 Mpeto wo mongwana le wo mongwana wo a yetselang ga wona mo a tšwa madi wo nyoko ba wo sa yela go tshwana le mpeto wo a yetselang ga wona mo a ya nakong,+ fote selo se sengwana le se sengwana so a se dulelang se nyoko ba se sa yela go fo tshwana le ka mokgo go bang ka gona mo a ya nakong. 27 Ye mongwana le ye mongwana ye a tikisang dilo tsone o nyoko ba a sa yela, di nyaka a hlatswe dikobo tsage, a hlape ka meetši, fote o nyoko ba a sa yela go segela ka malobana.+

28 “‘Mara mo madi yane ma sa sa tšwa, di nyaka a tipalelele kašupa ya matšatši, ka nthago ga hone o nyoko ba a yediye.+ 29 Ka letšatši la mabala, di nyaka a tseye maliba ya hlaga ka mabedi kela maliba ya gaye ya manyana ka mabedi,+ a ma neye moprista hala go keniwang gona letenteng la mogahlano.+ 30 Moprista o nyoko tseya ka lloši a maka sehlabelo sa mo motho a sinnye, a tseya le lengwana a maka sehlabelo sa go tšhubiwa, fote o nyoko mo kgopelela tshwarelo mahlong ga Jehova ka taba la gore aa yela.+

31 “‘Di nyaka le gelepe Maisrayele gore ma yele, gore ma sa kgwe ka taba la go thilafatsa tabarenakele yaka ya gore ke yi beyye gare ga bona.+

32 “‘Wowa ke molawo wa mo monna a tšwa dithila ga selo sage sa ka fase sa bonna, wa mo monna a sa yela ka taba la gore o ntshiye pewu,+ 33 wa mo mosadi a sa yela ka taba la go ya nakong,+ wa mo monna kela mosadi a tšwa dithila ka mo fase+ le wa mo monna a yetsela le mosadi wa gore aa yela.’”

16 Jehova a bolabola le Moše ka nthago ga likgu la barwayi ba Aroni ka babedi ba gore ba kgwile ka taba la go šutela ga Jehova.+ 2 Jehova a botsa Moše gore: “Botsa bhuti wago Aroni gore a sa fo kena nako ye nngwana le ye nngwana ka teng ga legaredheni+ la poleke ya go hlawolega+ ka matla mahlong ga sekhurumetso sa Areka gore a sa kgwe,+ ka gore ke nyoko nyarela gedimo ga sekhurumetso+ sone ka liru.+

3 “Di nyaka Aroni a leye dilo tsowa mo a kena polekeng ya go hlawolega: senamane sa phoolo sa go maka sehlabelo sa mo motho a sinnye+ le nku ya phoolo ya go maka sehlabelo sa go tšhubiwa.+ 4 Di nyaka a yapare kobo ya go hlawolega ya linene,+ a yapare le sebhrukwane sa linene,+ a tleme lepanta la linene+ fote a tleme tuku ya linene ho hlogong.+ Ke dikobo tsa go hlawolega.+ O nyoko hlapa ka meetši ke mokane a di yapara.+

5 “Di nyaka Maisrayele+ ma mo neye diputsanyana ka dipedi tsa phoolo tsa go maka sehlabelo sa mo motho a sinnye, le nku ya phoolo ka yyoši ya go maka sehlabelo sa go tšhubiwa.

6 “Di nyaka Aroni a leye kgomu ya phoolo ya go maka sehlabelo sa mo motho a sinnye ya gore ke yage gore a thogo tikgopelela tshwarelo,+ a boye a kgopelele le ba mutši wage.

7 “O nyoko tseya dipudi ka dipedi a maka gore di yeme mahlong ga Jehova hala go keniwang gona letenteng la mogahlano. 8 Aroni o nyoko berekisa dikgakgare gore a hlawole dipudi tsone, ka yyoši go nyoko ba ya Jehova ke mokane ye nngwana gwa ba ya Azazele.* 9 Aroni o nyoko leya pudi ya gore ba yi hlawolele Jehova ba berekisa dikgakgare,+ a maka sehlabelo sa mo motho a sinnye. 10 Mara pudi yo ya gore ba yi hlawolele Azazele ba berekisa dikgakgare, di nyaka ba yi leye mahlong ga Jehova yi phela gore ba tshwarediwe ga tso ba di sinnyeng, gore pudi ya Azazele ba yi yise mašahleng.+

11 “Aroni o nyoko leya kgomu ya phoolo ya go maka sehlabelo sa mo motho a sinnye ya gore ke yage, a tikgopelela tshwarelo a boya a kgopelela le ba mutši wage; ka nthago ga hone o nyoko hlaba kgomu yone ya phoolo ya go maka sehlabelo sa mo motho a sinnye ya gore ke yage.+

12 “Ke mokane o nyoko tseya pane ya go rwala magala+ ya gore yi tlele ka magala ya go fisa mahlong ga Jehova hala aletareng,+ a tseya le makgupa ka mabedi ya tsa go tšhubiwa tsa go nkgela tsa gore ke mong tsona,+ o nyoko di leya ka teng ga legaredheni+ la poleke ya go hlawolega ka matla. 13 O nyoko tšhela tsa go tšhubiwa tsa go nkgela hala mollong mahlong ga Jehova,+ fote muši wa tsa go tšhubiwa tsa go nkgela wo nyoko kugetsa sekhurumetso sa gore se gedimo ga Areka+ ya go ba le lesome la melawo+ gore a sa kgwe.

14 “O nyoko tseya madi+ ya mangwana ya kgomu yone ya phoolo a ma thothetsa ka monwana wage mahlong ga sekhurumetso sela ka nthoko ya ka bohlabela, o nyoko thothetsa madi yane ka monwana wage gašupa mahlong ga sekhurumetso.+

15 “Ke mokane o nyoko hlaba pudi yela ya sehlabelo sa mo motho a sinnye sa batho bone,+ a leya madi ya sona ka teng ga legaredheni,+ fote o nyoko berekisa madi+ yane gore a make tso a di makiyeng ka madi ya kgomu ya phoolo; di nyaka a ma thothetse mahlong ga sekhurumetso.

16 “Di nyaka Aroni a yedise poleke ya go hlawolega ka matla ka taba la dilo tsa go sa yela tso di makiyeng ke barwayi ba Israyele, ka taba la tso ba sa di makang gabutši le ka taba la tso ba di sinnyeng,+ di nyaka a yedise le letente la mogahlano la gore le ga batho bone ba gore ba maka dilo tsa go sa yela.

17 “Go sa be le motho ye mongwana ka hone teng ga letente la mogahlano go tlugisela ka nako yo Aroni a kenang ga poleke ya go hlawolega ka matla gore a ye thothetsa madi yala gore ba tshwarediwe ga tso ba di sinnyeng go segela a tšwa. O nyoko thothetsa madi yane gore yene le ba mutši wage+ ba tshwarediwe ga tso ba di sinnyeng, le Maisrayele+ ka mokana ga wona ma tshwarediwe ga tso ma di sinnyeng.

18 “Ke mokane o nyoko tšwa a ya aletareng+ ya gore yi mahlong ga Jehova, a yi yedisa, fote o nyoko tseya madi ya mangwana ya kgomu yela ya phoolo le ya pudi yela, a ma tlotsa manakeng ya aletare mathoko ka mokana ga wona. 19 O nyoko thothetsa madi ya mangwana mo ga yona ka monwana wage gašupa, a yi yedisa fote a maka gore yi hlawolege ga dilo tsa go sa yela tso di makiyeng ke Maisrayele.

20 “Mo a fetsa go yedisa+ poleke ya go hlawolega ka matla, letente la mogahlano le aletare,+ o nyoko leya le pudi yela ya go phela.+ 21 Aroni o nyoko beya matsogo yage gedimo ga hlogo ya pudi yone ya go phela, o nyoko hlaya dilo ka mokana ga tsona tso Maisrayele ma di kekemisiyeng, tso ma sa di makang gabutši le tso ma di sinnyeng ka mokana ga tsona, go nyoko ba nkare o beya tso ba di sinnyeng gedimo ga hlogo ya pudi yone,+ o nyoko yi neya motho wa gore ba mo hlawodiye fote motho yene o nyoko yi yisa mašahleng. 22 Pudi yone yi nyoko rwala dilo ka moka tso ba di sinnyeng+ ya di yisa polekeng ya kgwaakgwa,+ fote o nyoko romela pudi yone mašahleng.+

23 “Aroni o nyoko kena ka teng ga letente la mogahlano, a yapola dikobo tsa go makiwa ka linene tso ke mo a di yapere mo a kena ga poleke ya go hlawolega ke mokane a di beya gana hone. 24 Di nyaka a hlape ka meetši+ hala ga poleke ya go hlawolega, a boye a yapare dikobo tsage+ ke mokane o nyoko tšwa a timakela sehlabelo sa go tšhubiwa,+ a makela le batho bone sehlabelo sa go tšhubiwa+ gore yene le batho bone ba tshwarediwe.+ 25 O nyoko maka gore makgura ya sehlabelo sa mo motho a sinnye ma tupe muši gedimo ga aletare.

26 “Motho ye a yisiyeng pudi ya Azazele+ mašahleng di nyaka a hlatswe dikobo tsage, a hlape ka meetši, ka nthago ga hone a ka boyela kampeng.

27 “Kgomu ya phoolo ya go maka sehlabelo sa mo motho a sinnye le pudi ya go maka sehlabelo sa mo motho a sinnye tsa gore madi ya tsona ba ma leyye ga poleke ya go hlawolega gore ba tshwarediwe ga tso ba di sinnyeng, ba nyoko di yisa ka tawong ga kampa, fote mokgopa wa tsona, nama ya tsona le boraga bya tsona di nyoko tšhubiwa ka mollo.+ 28 Motho ye a di tšhubang di nyaka a hlatswe dikobo tsage fote a hlape ka meetši, ka nthago ga hone a ka boyela kampeng.

29 “Go nyoko ba molawo wa lune go ya go yye: Ka kgwedi ya kašupa, ka letšatši la lesome la kgwedi yone, di nyaka le tinyanafatse,* fote go sa be le mmereko wo le wo makang,+ di sa yi ka gore ke wene motho wa gore ba go belegele gana hone kela motho wa gore o tšwa a sepela wa gore o dula le lune. 30 Moprista o nyoko le kgopelela tshwarelo+ ka letšatši lone, gore a hlaye gore le yediye. Le nyoko ba le yediye ga tso le di sinnyeng ka mokana ga tsona mahlong ga Jehova.+ 31 Ke sabatha gore le thogo khutsa, fote di nyaka le tinyanafatse.+ Ke molawo wa go ya go yye.

32 “Moprista wa gore ba mo hlawodiye+ fote ba mmeyye gore a bereke go le moprista+ sekgaleng sa papage,+ o nyoko maka dihlabelo tsa mo motho a sinnye fote o nyoko yapara dikobo tsa linene+ tsa go hlawolega.+ 33 O nyoko maka dihlabelo tsone a makela poleke ya go hlawolega,+ letente la mogahlano,+ aletare,+ maprista le batho ka mokana ga bona.+ 34 Wowa go nyoko ba molawo wa lune+ go ya go yye, gore Maisrayele ma kgopelediwe tshwarelo ga teya ka mongwaga+ ga dilo ka mokana ga tsona tso ma di sinnyeng.”

Byalo, a fo maka ka mokgo Jehova a butsiyeng Moše.

17 Jehova a ya mahlong a bolabola le Moše a re: 2 “Bolabola le Aroni, barwayi bage le Maisrayele ka mokana ga wona, o ba botse gore, ‘Tsowa ke tso Jehova a di hlayyeng:

3 “‘“Motho wa Leisrayele a di nyake a hlaba kgomu ya phoolo kela senkunyana sa phoolo kela pudi ka kampeng kela ka tawong ga kampa, 4 mara di nyaka a yi leye hala go keniwang gona letenteng la mogahlano gore a makele Jehova sehlabelo mahlong ga tabarenakele ya Jehova, mo a ka hlaba phoolwane yone ka kampeng kela ka tawong ga kampa, o nyoko ba le molato wa madi. O falatsiye madi, fote di nyaka a bolayiwe. 5 Tsotsone di nyoko maka gore dihlabelo tso Maisrayele ma di makang gana byalo polekeng ya gore yi lekgwaying ma di leye ga Jehova letenteng la mogahlano, fote ba di neye moprista hala go keniwang gona letenteng la mogahlano. Ba berekise dilo tsone gore ba make dihlabelo tsa go hlekediwa tsa Jehova.+ 6 Fote moprista o nyoko fokela madi yane aletareng ya Jehova hala monyako wa letente la mogahlano, a maka gore makgura ma tupe muši go le sehlabelo sa go nkgela sa Jehova.+ 7 Byalo, di nyaka ba sa sa makela madimona+ ya go tshwana le dipudi dihlabelo, ya gore ba maka bonghwahla nawo.+ Wowa go nyoko ba molawo wa go ya go yye ga leloko la lune ka mokana ga lona.”’

8 “Di nyaka o ba botse gore, ‘Go sa be le Leisrayele kela motho wa go tšwa a sepela wa gore o dula gare ga lune wa gore o fo maka sehlabelo sa go tšhubiwa kela sehlabelo se sengwana mo yene a nyakang 9 mara di nyaka a se leye hala go keniwang gona letenteng la mogahlano gore a se makele Jehova. Ye a sa makeng ka mokgonone di nyaka a bolayiwe.+

10 “‘Mo motho ye mongwana le ye mongwana wa Leisrayele kela wa go tšwa a sepela wa gore o dula gare ga lune a ka ja mohlobo wo mongwana le wo mongwana wa madi,+ motho yene a jang madi nka sa mo yamogele, fote ke nyoko mmolaya. 11 Ka gore lephelo la motho le la diphoolwane ka mokana ga tsona le mading,+ fote ke le neyye madi gore le ma neyele gedimo ga aletare+ gore le thogo tshwarediwa ga tso le di sinnyeng, ka gore lephelo le mading, le nyoko tshwarediwa+ ga tso le di sinnyeng ka taba la wona. 12 Nka taba lo ke butsiyeng Maisrayele gore: “Go sa be le ye a jang madi mo ga lune, fote motho wa go tšwa a sepela wa gore o dula gare ga lune+ a sa ji madi.”+

13 “‘Mo ye mongwana wa Maisrayele kela motho wa go tšwa a sepela wa gore o dula gare ga lune a tsoma, a tshwara phoolwane ya hlaga kela nonyane ya gore yi ka jiwa, di nyaka a yi ntshe madi+ fote a ma fatele. 14 Ka gore lephelo la motho kela la phoolwane ye nngwana le ye nngwana le mading, ka taba la gore lephelo le mo ga wona. Byalo, ke butsiye Maisrayele gore: “Le sa ji madi ya selo se sengwana le se sengwana sa go phela ka gore lephelo la motho kela la phoolwane ye nngwana le ye nngwana le mading. Ye mongwana le ye mongwana wa gore o ja madi o nyoko bolayiwa.”+ 15 Mo motho wa gore ke Leisrayele kela wa gore o tšwa a sepela a ka ja phoolwane ya gore o yi krayye yi kgwile kela ya gore yi tlerolannye ke phoolwane ya hlaga,+ di nyaka a hlatswe dikobo tsage, a hlape ka meetši fote a dule a sa yela go segela ka malobana;+ ke mokane o nyoko yela. 16 Mara mo nkare aa di hlatswe fote aa hlape, o nyoko wolodiwa ga tso a di makiyeng.’”+

18 Jehova a ya mahlong a bolabola le Moše a re: 2 “Bolabola le Maisrayele o ma botse gore, ‘Ke nna Jehova Modimo wa lune.+ 3 Le sa titshwareneng go tshwana le batho ba naga ya Egepita ya gore ke mo le dula ga yona, fote le sa make tso ba di makang nageng ya Kanana yo ke le yisang ga yona.+ Le sa sepele ka melawo ya bona. 4 Di nyaka le latelele mokgwa wo ke yahlulang ka wona, le theetsele melawo yaka fote le sepele ka yona.+ Ke nna Jehova Modimo wa lune. 5 Di nyaka le theetsele melawo yaka le mokgwa wo ke yahlulang ka wona; ye mongwana le ye mongwana ye a makang ka mokgonone o nyoko phela ka taba la tsona.+ Ke nna Jehova.

6 “‘Ho ga lune go sa be le ye a yang ga lešaga lage la thina gore a make tsa ka mapaying nalo.+ Ke nna Jehova. 7 O sa make tsa ka mapaying le papago, fote o sa make tsa ka mapaying le mmane wago. Ke mmane wago, o sa make naye tsa ka mapaying.

8 “‘O sa make tsa ka mapaying le mosadi wa papago.+ Ka taba la gore tsotsone ke go poyila papago.

9 “‘O sa make tsa ka mapaying le sesi wago, go ka fo ba morwediya wa papago kela morwediya wa mmane wago, le mo le ka fo ba le belegiwwe ka mutšing ka wwoši kela go se ka mokgonone.+

10 “‘O sa make tsa ka mapaying le morwediya wa morwayi wago, fote o sa make tsa ka mapaying le morwediya wa morwediya wago ka taba la gore o nyoko ba o tipoyila.

11 “‘O sa make tsa ka mapaying le morwediya wa mosadi wa papago, ngwana wa papago ka taba la gore ke sesi wago.

12 “‘O sa make tsa ka mapaying le sesi wa papago. Ke lešaga la papago la madi.+

13 “‘O sa make tsa ka mapaying le sesi wa mmane wago, ka taba la gore ke lešaga la mmane wago la madi.

14 “‘O sa poyili bhuti wa papago ka go maka tsa ka mapaying le mosadi wage. Ke lešaga lago.+

15 “‘O sa make tsa ka mapaying le makoti wago.+ Ke mosadi wa morwayi wago, o sa make tsa ka mapaying naye.

16 “‘O sa make tsa ka mapaying le mosadi wa bhuti wago,+ ka taba la gore tsotsone ke go poyidisa bhuti wago.

17 “‘O sa make tsa ka mapaying le mosadi le morwediya wage.+ O sa tseyi morwediya wa morwayi wage le morwediya wa morwediya wage gore o make tsa ka mapaying nabo. Ke mašaga yage ya thina; dilo tsone di ya silikisa.*

18 “‘O sa tseyi sesi wa mosadi wago gore go be mosadi wago wa mabedi+ wa maka tsa ka mapaying naye sesi wage a sa phela.

19 “‘O sa make tsa ka mapaying le mosadi ka nako ya mo a sa yela ka taba la go ya nakong.+

20 “‘O sa make tsa mapaying le mosadi wa monna ye mongwana wa maka gore o sa yele.+

21 “‘O sa dumele gore ba neyele* ka bana bago ga Mmoleke.+ O sa thilafatse lebitso la Modimo wago ka mokgonone.+ Ke nna Jehova.

22 “‘O sa yetsele le motho wa monna go tshwana le ka mokgo o yetselang le motho wa mosadi.+ Dilo tsone di ya silikisa.

23 “‘Monna a sa make tsa maroga le phoolwane gore a sa tithilafatse ka yona; le mosadi a sa yeme mahlong ga phoolwane gore a make tsa maroga nayo.+ Tsotsone ke go lwisana le hlago.

24 “‘Le sa tithilafatse ka go maka se sengwana sa dilo tsowa, ka taba la gore batho ba ditšhaba tso ke di tlosang mahlong ga lune ba tithilafatsiye+ ka dilo tsowa ka mokana ga tsona. 25 Naga yone a ya yela ka taba la tsotsone, ke nyoko yi wolola ka taba la tso yi di sinnyeng, fote naga yone yi nyoko hlatsa bo ba dulang ga yona.+ 26 Mara lune di nyaka le theetsele melawo yaka le ka mokgo ke yahlulang,+ fote le sa make se sengwana le se sengwana sa dilo tsowa tsa go silikisa, lune kela batho ba go fo tšwa ba sepela ba gore ba dula le lune.+ 27 Gana byalo naga yowa a ya yela ka taba la gore batho bo ne ba dula mo nageng mo le soko segela,+ ne ba maka dilo tsowa tsa go silikisa ka mokana ga tsona. 28 Di ka sa nyake gore naga yowa yi le hlatse ka taba la go yi thilafatsa ka mokgo yi nyoko hlatsang ditšhaba tso ne di le mone nageng mo le soko segela. 29 Ye a makang se sengwana sa dilo tsowa tsa go silikisa di nyaka a bolayiwe. 30 Le dule le maka tso le tshwaneleng go di maka ka go sa make dilo tsa go silikisa tso ne ba tlwayele go di maka mo le soko segela,+ gore le sa tithilafatse ka tsona. Ke nna Jehova Modimo wa lune.’”

19 Jehova a ya mahlong a bolabola le Moše a re: 2 “Bolabola le Maisrayele ka mokana ga wona o ma botse gore, ‘Di nyaka le hlawolege ka taba la gore nna Jehova Modimo wa lune ke hlawolegiye.+

3 “‘Ye mongwana le ye mongwana wa lune di nyaka a hlompe mmane wage le papage,+ fote le hlompe disabatha tsaka.+ Ke nna Jehova Modimo wa lune. 4 Le sa rapele medimo ya go sa re selo+ kela la timakela medimo ka tshipi.+ Ke nna Jehova Modimo wa lune.

5 “‘Byalo, mo le makela Jehova sehlabelo sa go hlekediwa,+ di nyaka le se make ka mokgwa wa gore Modimo o nyoko le yamogela.+ 6 Di nyaka le se je ka letšatši lo le se makang ka lona le ka letšatši la go latela, mara tso di šalang go segela ka letšatši la kararo di tšhubiwe ka mollo.+ 7 Mo go ka ba le tso di jiwang ka letšatši la kararo, go ko ba go le dilo tsa go silikisa fote di ka sa yamogediwi. 8 Motho ye a jang o nyoko wolodiwa ka taba la tso a di makiyeng ka gore o ko ba a thilafatsiye sehlabelo sa gore se hlawolegiye ga Jehova, fote motho yene di nyaka a bolayiwe.

9 “‘Mo le buna nageng ya lune, le sa nape le buna ka moka go segela mafelelong ya tšhomo, le sa kotele tso di šeleng mo le bunne.+ 10 Fote le sa kgobaketse tso di šeleng tšhomong ya lune ya didhriva kela la kotela didhriva tso di tlalaganneng mone tšhomong ya lune. Le di šiyele batho ba go tihlupegela+ le batho ba go tšwa ba sepela ba gore ba dula hone. Ke nna Jehova Modimo wa lune.

11 “‘Le sa yetswi,+ le sa tshokanane,+ fote le sa makane bošakašakane. 12 Le sa tshepisi ka lebitso laka+ ka dilo tsa gore ke matsaka la thilafatsa lebitso la Modimo wa lune. Ke nna Jehova. 13 Le sa makele ba bangwana mathayithayi,+ fote le sa tsotse ba bangwana.+ Le sa duli le patela ya motho ye le mo hiriyeng bošego ka moka go segela ka bošego.+

14 “‘Le sa rogelele motho wa gore o thibegiye ditsebe* kela la beya selo mahlong ga motho wa gore o popele maahlo+ gore se mo phike, fote di nyaka le tšhaba Modimo wa lune.+ Ke nna Jehova.

15 “‘Mo le yahlula, le sa yahlule ka mokgwa wa gore a yi wona. Le sa hlawole ba go tihlupegela kela la kwana le ba gore ba ghannye.+ Le yahlule ba bangwana ka go loka.

16 “‘Le sa tsame le sinya batho ba bangwana mabitso ga batho ba gabo lune.+ Le sa make selo sa gore se nyoko beya lephelo la motho ye mongwana kotsing.+ Ke nna Jehova.

17 “‘O sa hloye mogagenu ka pelong yago.+ Di nyaka o wolole mogagenu,+ gore o sa tikraye o sinnye go tshwana naye.

18 “‘O sa patedisi,+ fote o sa tshware barwayi ba batho ba genu ka pelo, o nyake ba bangwana ka mokgo o tinyakang ka gona.+ Ke nna Jehova.

19 “‘Di nyaka le latelela melawo yaka ya gore: O sa gowedisi diphoolwane tsa gaye ka dipedi tsa go sa tshwane.+ O sa gaše dipewu ka dipedi tsa go sa tshwane tšhomong yago, fote o sa yapare kobo ya gore ba yi rukiye ka mehlobo ka mmedi ya digare tsa go sa tshwane.+

20 “‘Mo monna a ka yetsela le mosadi wa gore ke lelata la gore ba le tshepisiye monna ye mongwana a maka naye tsa ka mapaying, mara a so lepolle ke motho kela ba so mo lokolle, di nyaka ba wolodiwe. Mara ba sa ba bolaye, ka gore mosadi yene ne ba soko mo lokolla. 21 Di nyaka monna yene a leye sehlabelo sa mo motho a kokona ke lekwalo ga Jehova hala go keniwang gona letenteng la mogahlano, a leye nku ya phoolo ya go maka sehlabelo sa mo motho a kokona ke lekwalo.+ 22 Moprista o nyoko mo kgopelela tshwarelo ka nku ya phoolo ya go maka sehlabelo sa mo motho a kokona ke lekwalo mahlong ga Jehova ka taba la tso a di sinnyeng. Fote o nyoko tshwarediwa ga tso a di sinnyeng.

23 “‘Mo le kena mone nageng fote la gaša mohlare wo mongwana le wo mongwana wa gore wo yengwa tsa go ja, le tseye gore diyengwa tsa gona a dya yela fote le kganele kgole natso. Le nyoko fetsa kararo ya mengwaga le kganela kgole natso. Le sa di ji. 24 Mara ka mongwaga wa kanne, diyengwa tsa yona ka moka di nyoko ba di hlawolegiye fote go nyoko ba nako ya go jabola mahlong ga Jehova.+ 25 Ke mokane ka mongwaga wa kapheta, le ka ja diyengwa tsa yona, gore le thogo yeketsa ga tso le di bunneng. Ke nna Jehova Modimo wa lune.

26 “‘Le sa ji selo sa go ba le madi.+

“‘Le sa nyake go bona tsa ku mahlong kela la maka tsa masalamose.+

27 “‘Le sa hlube meriri ya ka mathoko ga dihlogo tsa lune kela la sinya mo mafelelong ga makgakga ya lune.+

28 “‘Le sa tisege mo mmeleng ka taba la mo motho a kgwile,+ fote le sa tithalathale. Ke nna Jehova.

29 “‘O sa ntshe morwediya wago serithi ka go maka gore a rekise mmele,+ ka taba la gore batho ba go rekisa mmele ba nyoko maka gore naga ya lune yi thilafale, fote go nyoko tlala batho ba go sa titshware gabutši.+

30 “‘Le hlompe disabatha tsaka,+ fote poleke yaka ya go hlawolega le yi tseyele gedimo. Ke nna Jehova.

31 “‘Le sa yi ga batho ba go liketsa go bolabola le batho ba gore ba kgwile,+ fote le sa butsisi ba go bona tsa ku mahlong+ gore ba sa le thilafatse. Ke nna Jehova Modimo wa lune.

32 “‘O hlompe motho wa go ba le moriri wo motšhwewu,+ fote motho wa gore o šele a tsofele o mo tseyele gedimo,+ fote o tšhabe Modimo wago.+ Ke nna Jehova.

33 “‘Mo nkare motho wa go tšwa a sepela o dula le lune nageng ya lune, le sa mo make lešidi.+ 34 Di nyaka gore motho wa go tšwa a sepela wa gore o dula le lune le mo tseye nkare ke motho wa gana mone;+ fote di nyaka le mo nyake ka mokgo le tinyakang ka gona, ka gore ke mo le le batho ba go tšwa ba sepela nageng ya Egepita.+ Ke nna Jehova Modimo wa lune.

35 “‘Mo le meta gore selo se lefiye go segela kaye, se roba go segela kaye, kela ke se sekaye ka bogolo,+ le sa berekisi dikala tsa gore dya ropa. 36 Di nyaka le berekise dikala tsa gore di ya korola, tsa go korola mo le kala dilo tsa go roba, tsa go korola mo le kala dilo tsa go woma le tsa go korola mo le kala dilo tsa meetši.+ Ke nna Jehova Modimo wa lune wa gore o le ntshiye nageng ya Egepita. 37 Byalo di nyaka le theetsele melawo yaka ka moka le mokgwa wo ke yahlulang ka wona, fote le di latelele.+ Ke nna Jehova.’”

20 Jehova a ya mahlong a bolabola le Moše a re: 2 “O botse Maisrayele gore, ‘Motho ye mongwana le ye mongwana wa Leisrayele le motho ye mongwana le ye mongwana wa go tšwa a sepela wa gore o dula Israyele wa gore o neyela ka bana bage ga Mmoleke di nyaka ba mmolaye.+ Di nyaka batho ba mone nageng ba mo pshyaye ka matlapa go segela a kgwa. 3 Motho yene nka sa mo yamogele, fote ke nyoko mmolaya ka taba la gore o neyele ka bana bage ba bangwana ga Mmoleke, fote o thilafatsiye poleke yaka ya go hlawolega a boya a sa hlompe lebitso laka la go hlawolega.+ 4 Mo batho ba mone nageng ba ka maka nkare a ba di boni gore motho yene o neyela ka bana bage ga Mmoleke fote ba sa mmolaye,+ 5 nna nka sa yamogele motho yene le ba mutši wage.+ Motho yene ke nyoko mmolaya, ka bolaya le batho ka moka ba go šupetsa gore a ba tshepege ka go rapela Mmoleke naye.

6 “‘Motho wa gore o ya ga bo ba go liketsa go bolabola le batho ba gore ba kgwile+ le ba go bona tsa ku mahlong+ gore a sa tshepege gaka, nka sa mo yamogele fote ke nyoko mmolaya.+

7 “‘Le tiyediseneng fote le hlawolege,+ ka taba la gore ke nna Jehova Modimo wa lune. 8 Le dule le theetsela melawo yaka fote le make tso yi di hlayang.+ Ke nna Jehova wa go maka gore le hlawolege.+

9 “‘Mo go ka ba le motho wa gore o rogelela* papage kela mmane wage, motho yene a bolayiwe.+ Ka gore o rogelele papage kela mmane wage, madi yage ma matsogong yage.

10 “‘Byalo, ga taba ya mo monna a makiye bonghwahla le mosadi wa monna ye mongwana go makiwe ka mokgo: Ye a makang bonghwahla le mosadi wa monna ye mongwana di nyaka a bolayiwe, yene le mosadi yene.+ 11 Monna wa gore o yetsela le mosadi wa papage o poyila* papage.+ Ka babedi ga bona di nyaka ba bolayiwe. Madi ya bona ma matsogong ya bona. 12 Mo monna a ka yetsela le makoti wage, ka babedi ga bona di nyaka ba bolayiwe. Ba lwisana le hlago. Madi ya bona ma matsogong ya bona.+

13 “‘Mo monna a ka yetsela le monna ye mongwana go tshwana le ka mokgo a yetselang le mosadi, ka babedi ga bona ba makiye selo sa go silikisa.+ Di nyaka ba bolayiwe. Madi ya bona ma matsogong ya bona.

14 “‘Mo monna a ka tseya mosadi a boya a yetsela le mmane wa mosadi yene, ba ko ba ba maka selo sa go silikisa.+ Ka mokana ga bona ba ba tšhube ka mollo,+ gore dilo tsa go silikisa tso ba di makiyeng di sa yi mahlong mone ga lune.

15 “‘Mo monna a ka maka tsa maroga le phoolwane di nyaka a bolayiwe, le phoolwane yone di nyaka yi bolayiwe.+ 16 Mo mosadi a ka yema mahlong ga phoolwane gore a make tsa maroga nayo,+ di nyaka le bolaye mosadi yene le phoolwane yone. Madi ya bona ma matsogong ya bona.

17 “‘Mo monna a ka maka tsa ka mapaying le sesi wage, morwediya wa papage kela morwediya wa mmane wage, ba bonelana, ba ko ba ba maka selo sa go tšebisa.+ Di nyaka ba bolayiwe mahlong ga batho. Motho yene o poyidisiye sesi wage. Di nyaka a wolodiwe ka taba la tso a di makiyeng.

18 “‘Mo monna a ka yetsela le mosadi wa gore o ya nakong, ka babedi ga bona a baa hlompa madi ya mosadi yene.+ Di nyaka ba bolayiwe ba le ka babedi.

19 “‘O sa yetsele le sesi wa mmane wago kela sesi wa papago, ka gore o ko ba o poyila lešaga lago la madi.+ Ba go maka tsa mohlobo wone ba nyoko wolodiwa ka taba la tso ba di makiyeng. 20 Monna wa go yetsela le mosadi wa bhuti wa papage o poyila bhuti wa papage.+ Di nyaka ba wolodiwe ka taba la tso ba di sinnyeng. Di nyaka ba kgwe ba se na bana. 21 Mo monna a ka tseya mosadi wa bhuti wage, ba ko ba ba maka selo sa go silikisa.+ O nyoko ba a poyidisa bhuti wage. Di nyaka ba sa be le bana.

22 “‘Di nyaka le theetsele melawo yaka ka moka le mokgwa wo ke yahlulang ka wona,+ le di latelele,+ gore naga yo ke le yisang ga yona gore le dule ga yona yi sa le hlatse.+ 23 Di nyaka le sa latelele melawo ya batho ba ditšhaba tso ke di tlosang mahlong ga lune;+ ka gore ba makiye dilo tso ka mokana ga tsona fote ke ba hloyye.+ 24 Nka taba lo ke le butsiyeng gore: “Le nyoko tseya naga ya bona, fote ke nyoko le neya yona gore go be ya lune, naga ya gore yi yela lebese le mamapo.+ Ke nna Jehova Modimo wa lune, wa gore o le hlawodiye ga batho ba bangwana.”+ 25 Le fapanise phoolwane ya go yela ga ya gore a ya yela le nonyane ya go sa yela ga ya gore yi yediye;+ le sa tithilafatse ka phoolwane kela nonyane kela selo se sengwana le se sengwana sa go gogoba mo fase ka dimpa sa gore ke le butsiye gore le se tseye go le selo sa go sa yela.+ 26 Di nyaka le hlawolege mahlong gaka ka taba la gore nna Jehova ke hlawolegiye,+ ka gore ke le hlawola ga batho ba bangwana gore le be baka.+

27 “‘Monna ye mongwana le ye mongwana kela mosadi ye mongwana le ye mongwana wa gore o liketsa go bolabola le batho ba gore ba kgwile kela wa go bona tsa ku mahlong di nyaka a bolayiwe.+ Di nyaka batho ba ba pshyaye ka matlapa go segela ba kgwa. Madi ya bona ma matsogong ya bona.’”

21 Jehova a ya mahlong a bolabola le Moše a re: “Bolabola le maprista, barwayi ba Aroni, o ba botse gore, ‘Ga Maisrayele, go sa be le moprista wa gore o tithilafatsa ka taba la motho wa gore o kgwile.+ 2 Mara a ka tithilafatsa ka taba la lešaga lage la madi la thina, mmane wage, papage, morwayi wage, morwediya wage le bhuti wage. 3 A ka tithilafatsa le ka sesi wage wa gore go sa le kgareba wa gore ke mo a dula naye wa gore fote ke mo a soko šadha. 4 A sa tithilafatse, a maka gore a sa hlawolege ka taba la mosadi wa gore o šadhiye le ye mongwana wa batho ba gabo. 5 Ba sa hlube letwayi*+ kela ba hluba makgakga ya bona mo mafelelong kela ba tiseganya mo mmeleng.+ 6 Di nyaka ba hlawolege ga Modimo wa bona,+ ba sa thilafatse lebitso la Modimo wa bona,+ ka gore ba leya dihlabelo tsa Jehova tsa go makiwa ka mollo, tsa gore ke sekgwa* sa Modimo wa bona, fote di nyaka ba hlawolege.+ 7 Ba sa šadhe le motho wa go rekisa mmele+ kela mosadi wa gore a go sa le kgareba kela mosadi wa gore o hlalanne le monnage,+ ka taba la gore moprista o hlawolegiye ga Modimo wage. 8 Di nyaka a hlawolege ga lune,+ ka taba la gore ke yene a leyang sekgwa sa Modimo wa lune. Ho ga lune di nyaka a hlawolege ka taba la gore nna Jehova wa gore o maka gore le hlawolege ke hlawolegiye.+

9 “‘Byalo, mo morwediya wa moprista a ka tithilafatsa ka go rekisa mmele, o thilafatsa papage. Di nyaka a tšhubiwe ka mollo.+

10 “‘Ye wa gore ke moprista ye mogolo ga bobhuti bage, wa gore makgura ya go hlawolega ba ma tšhediye hlogong yage+ fote ba mmeyye gore a yapare dikobo tsa maprista,+ a sa lisetsi moriri wage wo hlafiye kela a tlerola dikobo tsage.+ 11 Di nyaka a sa šutele thina le motho wa gore o kgwile;+ a sa tithilafatse le mo go le ka taba la papage kela mmane wage. 12 Di nyaka a sa tšwe ga poleke ya go hlawolega fote a sa thilafatse poleke ya go hlawolega ya Modimo wage,+ ka gore makgura ya go hlawolega ya Modimo wage+ ya go šupetsa gore o tineyele ma ho gage. Ke nna Jehova.

13 “‘Di nyaka a tseye mosadi wa gore go sa le kgareba.+ 14 A sa šadhe le mosadi wa gore o kgwele ke monna, mosadi wa gore ba mo hladiye, wa gore a go sa le kgareba kela wa go rekisa mmele; mara di nyaka a tseye kgareba ga batho ba gabo gore go be mosadi wage. 15 Di nyaka a sa thilafatse ditlogolwane* tsage ga batho ba gabo,+ ka gore ke nna Jehova wa gore o maka gore a hlawolege.’”

16 Jehova a ya mahlong a bolabola le Moše a re: 17 “Botsa Aroni gore, ‘Ga ditlogolwane* tsago ka moka go sa be le motho wa gore o golofele wa gore o ya aletareng gore a yise sekgwa sa Modimo wage. 18 Mo go na le monna wa gore o golofele, a sa šutele, go ka fo ba monna wa gore o popele maahlo kela wa gore ke segole kela wa go ba le sefahlego sa gore se golofele kela wa gore matsogo yage kela mawoto yage a ma lekane, 19 monna wa gore o robegiye loto kela letsogo, 20 wa go ghobega mokolo kela motho ye mokopana ka matla kela monna wa go ba le bolwele bya maahlo kela sebabo kela setlapedi kela wa gore selo sage sa ka fase sa bonna se kwalele.+ 21 Ga ditlogolwane* tsa Aroni wa gore ke moprista go sa be le monna wa gore o golofele wa gore o šutela thina le aletare gore a makele Jehova dihlabelo tsa go makiwa ka mollo. Ka taba la gore o golofele, a sa šutele aletareng a re o leyela Modimo wage sekgwa. 22 A ka ja sekgwa sa Modimo wage sa gore se tšwa ga dilo tsa go hlawolega ka matla+ le ga dilo tsa go hlawolega.+ 23 Mara a sa šutele thina le legaredheni,+ fote a sa šutele aletareng+ ka taba la gore o golofele; a sa thilafatse poleke yaka ya go hlawolega+ ka gore ke nna Jehova wa go maka gore ba hlawolege.’”+

24 Byalo Moše a bolabola le Aroni, barwayi bage le Maisrayele ka mokana ga wona.

22 Jehova a ya mahlong a bolabola le Moše a re: 2 “Botsa Aroni le barwayi bage gore ba pasope ka mokgo ba tshwarang dilo tsa go hlawolega tso Maisrayele ma di yedisang le tso ba mmakelang dihlabelo ka tsona, fote ba sa thilafatse lebitso laka+ la go hlawolega.+ Ke nna Jehova. 3 Ba botse gore, ‘Ga leloko la lune ka mokana ga lona, setlogolwane se sengwana le se sengwana sa lune sa gore se šutela thina le dilo tsa go hlawolega tsa gore Maisrayele ma di leya gore go be tsa Jehova se sa yela, di nyaka motho yene a bolayiwe a sa sa yema mahlong gaka.+ Ke nna Jehova. 4 Ga ditlogolwane tsa Aroni, monna wa go ba le bolwele bya go jega dinama bya gore ba re ke lephera+ kela wa go tšwa dithila+ ga selo sage sa ka fase sa bonna a sa ji dilo tsa go hlawolega go segela a yela,+ le monna wa gore o tikisiye motho wa gore o thilafatsiye ke motho wa gore o kgwile+ kela monna wa gore o tšwa pewu,+ 5 kela monna wa go tikisa diphoolwane tsa go sepela ka mogoba+ tsa gore a dya yela kela wa go tikisa motho wa gore aa yela wa gore a ka maka gore a sa yele.+ 6 Motho ye a tikisang se sengwana le se sengwana sa dilo tsowa a ka sa yele go segela ka malobana, fote a sa ji selo sa gore se hlawolegiye, mara di nyaka a hlape ka meetši.+ 7 Mo letšatši le dikele, motho yene o nyoko yela, ka nthago ga hone a ka ja tse dingwana tsa dilo tsa go hlawolega ka taba la gore ke tsa go ja tsage.+ 8 Fote di nyaka a sa ji phoolwane ye nngwana le ye nngwana ya gore ba yi krayye yi kgwile kela selo se sengwana le se sengwana sa gore se tlerolannye ke diphoolwane tsa hlaga sa gore se ka maka gore a sa yele.+ Ke nna Jehova.

9 “‘Di nyaka ba theetsele tso ke di hlayyeng, ba sa thilafatse dilo tsa gore di hlawolegiye gore ba sa sinyi, dya šinya di nyaka gore ba kgwe. Ke nna Jehova wa gore o maka gore ba hlawolege.

10 “‘Motho wa gore aa tšwe mutšing wa maprista aa tshwanela go ja selo sa go hlawolega.+ Motho wa go fo tšwa a sepela wa gore o dula le moprista kela wa gore ba mo hiriye, aa tshwanela go ja selo sa go hlawolega. 11 Mara mo moprista a ka reka motho ka tšheleta yage, motho yene a ka ja. Sebereki sa gore se belegiwwe ntlong yage le sona se ka ja tsa go ja tsage.+ 12 Mo morwediya wa moprista a ka šadha le motho wa gore a yi moprista, aa tshwanela go ja dilo tsa gore ke meneyelo ya go hlawolega. 13 Mara mo morwediya wa moprista a ka kgwela ke monna kela monnage a mo hlala a se na bana, fote a boyela ntlong ya papage mo ne a dula gona mo a sa le ye monyana; a ka ja tsa go ja tse dingwana tsa papage,+ mara motho wa gore aa tshwanela go ja a sa ji.

14 “‘Byalo, mo motho a ka ja selo sa go hlawolega a sa tikemisela, di nyaka a neye moprista+ tsa go lekana le tso a di jileng fote a tokegele ka tse dingwana* nyana. 15 Byalo a di nyake maprista ma thilafatsa dilo tsa go hlawolega tsa gore Maisrayele ma neyela ka tsona ga Jehova+ 16 ma maka gore Maisrayele ma wolodiwe ka taba la tso ma di sinnyeng, ka go ja dilo tsa go hlawolega; ka gore ke nna Jehova ye a makang gore ba hlawolege.’”

17 Jehova a ya mahlong a bolabola le Moše a re: 18 “Bolabola le Aroni, barwayi bage le Maisrayele ka mokana ga wona, o ba botse gore, ‘Mo motho wa Leisrayele kela motho wa go tšwa a sepela wa gore o dula Israyele a leya sehlabelo sa go tšhubiwa+ ga Jehova gore a make tso a di tshepisiyeng kela a maka sehlabelo sa gore o fo kwa a nabela go se maka,+ 19 a leye kgomu ya phoolo ya gore yi philegiye,+ senkunyana sa phoolo sa gore se philegiye kela sephongho sa gore se philegiye gore a thogo yamogediwa. 20 Le sa leye selo sa gore se golofele,+ ka gore se ka sa make gore le yamogediwe.

21 “‘Mo motho a leya sehlabelo sa go hlekediwa+ ga Jehova gore a make tso a di tshepisiyeng kela gore a make sehlabelo sa mo a fo kwa a nabela go se maka, a leye kgomu ya gore yi philegiye kela nku ya gore yi philegiye kela pudi ya gore yi philegiye gore a thogo yamogediwa. Go sa be ya go golofala. 22 A sa leye phoolwane ya gore yi popele maahlo, ya gore yi robegiye, ya gore yi kwalele, ya gore yi na le tatamolokwane, ya go ba le legogo kela setlapedi; tsa mohlobo wowa a sa di leye ga Jehova, fote a sa makele Jehova sehlabelo aletareng a berekisa tsa mošaga wone. 23 O ka leya kgomu ya phoolo kela nku ya gore mawoto ya yona a ma lekane gore go be sehlabelo sa mo o fo kwa o nabela go se maka, mara di ka sa yamogediwi gore go be sehlabelo sa go maka kano. 24 A di nyake mo le neyela ga Jehova le leya phoolwane ya gore yi kwalele ho bonneng bya yona, ya gore ba yi kgahlele kela ya gore ba yi kupiye, fote diphoolwane tsa mohlobo wonone a di nyake le neyela ka tsona ga poleke ya lune. 25 O sa leye dilo tsa mošaga wowa tsa gore di tšwa ga motho wa gore o fo tšwa a sepela gore go be sekgwa sa Modimo wago, ka gore di golofele. Mo le maka dihlabelo ka tsona, di ka sa make gore Modimo a le yamogele.’”

26 Jehova a ya mahlong a bolabola le Moše a re: 27 “Mo senamane sa phoolo kela senkunyana sa phoolo kela seputsanyana se tswadiwa, se nyoko fetsa kašupa ya matšatši se na le mmane wa sona,+ mara go tlugisela ka letšatši la mabala go ya mahlong Modimo o nyoko di yamogela mo le maka sehlabelo ka tsona, sehlabelo sa Jehova sa go makiwa ka mollo. 28 O sa bolaye kgomu ya phoolo kela nku le ngwana wa yona ka letšatši ka lloši.+

29 “Mo le makela Jehova sehlabelo sa go fo leboga,+ di nyaka le se make ka mokgwa wa gore a thogo le yamogela. 30 Di nyaka se jiwe ka letšatši lone. Le sa se šiyi go segela ka bošego.+ Ke nna Jehova.

31 “Le theetsele melawo yaka fote le yi latelele.+ Ke nna Jehova. 32 Le sa thilafatse lebitso laka la go hlawolega,+ gore Maisrayele ma ntseye ke le wa go hlawolega.+ Ke nna Jehova wa gore o maka gore le hlawolege,+ 33 wa gore o le ntshiye nageng ya Egepita gore ke thogo šupetsa gore ke nna Modimo wa lune.+ Ke nna Jehova.”

23 Jehova a ya mahlong a bolabola le Moše a re: 2 “Bolabola le Maisrayele o ma botse gore, ‘Menyanya+ yo Jehova a le botsang gore le yi make+ ke matšatši ya go hlawolega ya gore batho ka moka ba kgobakane. Menyanya yaka ke yowa:

3 “‘Le ka bereka kobodi ya matšatši, mara letšatši la kašupa ke sabatha ya gore le khutse,+ le nyoko ba le mogahlano wa go hlawolega. Le sa make mmereko wa mohlobo wo mongwana le wo mongwana. Go nyoko ba sabatha ya Jehova go gongwana le go gongwana mo le dulang gona.+

4 “‘Yowa ke menyanya ya Jehova, megahlano ya go hlawolega ya gore di nyaka le yi make ka nako ya gona: 5 Ka kgwedi ya mathomo ka letšatši la bo 14 la kgwedi yone,+ go nyoko ba le Paseka+ ya Jehova ka malobana.

6 “‘Ka letšatši la bo 15 la kgwedi yowa, go nyoko ba le Monyanya wa Jehova wa Sekgwa sa go se na Dikomelo.+ Le fetse kašupa ya matšatši le ja sekgwa sa go se na dikomelo.+ 7 Ka letšatši la mathomo le nyoko maka mogahlano wa go hlawolega.+ A di nyake le maka mmereko wa go thathafa. 8 Le fetse kašupa ya matšatši le leyela Jehova dihlabelo tsa go makiwa ka mollo. Go nyoko ba le mogahlano wa go hlawolega ka letšatši la kašupa. A di nyake le maka mmereko wa go thathafa.’”

9 Jehova a ya mahlong a bolabola le Moše a re: 10 “Bolabola le Maisrayele o ma botse gore, ‘Mo le segela ga poleke yo ke le neyang yona fote le bunne mašomo ya yona, di nyaka le neye moprista+ ngata ya mabele ya tso le di bunneng mathomisong.+ 11 O nyoko yisa ngata yone nthago le mahlong a le mahlong ga Jehova gore a thogo le yamogela. Di nyaka moprista a yi yise ku le ku ka letšatši la ka nthago ga Sabatha. 12 Ka letšatši lo moprista a yisang ngata yone ku le ku, di nyaka le make sehlabelo ka senkunyana sa phoolo sa gore se philegiye sa gore se na le mongwaga ka wwoši, gore go be sehlabelo sa Jehova sa go tšhubiwa. 13 Le leye le dikhiloghremo ka dipedi tsa folawa ya gore ke mong yona ya gore yi gahlanne le makgura gore go be sehlabelo sa Jehova sa go makiwa ka mollo sa gore se ya nkgela. Le leye le litha* ya wayini gore go be sehlabelo sa go nwiwa. 14 Le sa ji sekgwa, mbhaša kela mabele ya nyuwane go segela ka letšatši lowa, go segela le leya sehlabelo sa Modimo wa lune. Ke molawo wa go ya go yye ga leloko la lune ka mokana ga lona go gongwana le go gongwana mo le dulang.

15 “‘Go tlugisela ka letšatši la ka nthago ga Sabatha le balele kašupa ya disabatha, go tlugisela ka letšatši lo le leyang ngata ya sehlabelo sa gore ba se yisa ku le ku.+ Beke ye nngwana le ye nngwana yi be le matšatši ya go felegelela. 16 Le nyoko balela 50 ya matšatši+ go segela ka letšatši la ka nthago ga Sabatha ya kašupa, ke mokane le nyoko leya sehlabelo sa mabele ya nyuwane ga Jehova.+ 17 Di nyaka le tseye malofo ka mabedi mo le dulang gona le ma leye gore go be sehlabelo sa gore ba se yisa ku le ku. Ma makiwe ka dikhiloghremo ka dipedi tsa folawa ya gore ke mong yona. Ma makiwe ka dikomelo+ gore go be diyengwa tsa go butšwa mathomisong tsa Jehova.+ 18 Mo le leya malofo yane, le leye le dinkunyana tsa phoolo tsa gore di philegiye kašupa ya tsona, se sengwana le se sengwana se be le mongwaga ka wwoši, le leye le senamane sa phoolo le dinku ka dipedi tsa phoolo.+ Go nyoko ba sehlabelo sa Jehova sa go tšhubiwa sa gore ba se leya le sehlabelo sa mabele le dihlabelo tsa go nwiwa gore go be sehlabelo sa go makiwa ka mollo sa gore se ya nkgela ga Jehova. 19 Fote le leye seputsanyana ka ssoši gore go be sehlabelo sa mo motho a sinnye,+ le dinkunyana ka dipedi tsa phoolo tsa gore di na le mongwaga ka wwoši gore go be sehlabelo sa go hlekediwa.+ 20 Moprista o nyoko di yisa nthago le mahlong, tsona le malofo yala ya diyengwa tsa mathomo gore go be sehlabelo sa gore ba se yisa ku le ku mahlong ga Jehova le dinkunyana tsela tsa phoolo ka dipedi. Go nyoko ba selo sa go hlawolega ga Jehova sa gore ba se neya moprista.+ 21 Ka letšatši lone le nyoko bitsa+ batho gore ba kgobakane ba rapele Modimo. Le sa make mmereko wa go thathafa. Ke molawo wa go ya go yye ga leloko la lune ka mokana ga lona go gongwana le go gongwana mo le dulang gona.

22 “‘Mo le buna nageng ya lune, le sa nape le buna ka moka go segela mafelelong ya tšhomo, fote le sa kotele tso di šeleng mo le bunne.+ Le di šiyele ba go tihlupegela+ le batho ba go fo tšwa ba sepela ba gore ba dula hone.+ Ke nna Jehova Modimo wa lune.’”

23 Jehova a ya mahlong a bolabola le Moše a re: 24 “Botsa Maisrayele gore, ‘Ka kgwedi ya kašupa ka letšatši la mathomo la kgwedi yone, le khutseneng ga mmereko wa lune ka mokana ga wona, ka letšatši lone ba nyoko teya porompeta+ gore le gopole gore ke letšatši la mogahlano wa go hlawolega. 25 Le sa make mmereko wa go thathafa, fote le nyoko leya sehlabelo sa go makiwa ka mollo ga Jehova.’”

26 Jehova a ya mahlong a bolabola le Moše a re: 27 “Mara ka letšatši la lesome la kgwedi yowa ya kašupa, ke Letšatši la go Lukisa Senghana le Modimo.+ Di nyaka le be le mogahlano wa go hlawolega, le šupetse gore le kgongwele+ fote le leye sehlabelo sa go makiwa ka mollo ga Jehova. 28 Go sa be le mmereko wo le wo makang ka letšatši lowa ka gore ke letšatši la gore moprista a make dihlabelo gore le thogo tshwarediwa ga tso le di sinnyeng+ mahlong ga Jehova Modimo wa lune. 29 Ye mongwana le ye mongwana wa gore aa tišupetsi gore o kgongwele ka letšatši lowa, o nyoko bolayiwa.+ 30 Fote ke nyoko fetsa ka ye mongwana le ye mongwana ye a makang mmereko ka letšatši lowa. 31 Go sa be le mmereko wo le wo makang. Ke molawo wa go ya go yye ga leloko la lune ka mokana ga lona go gongwana le go gongwana mo le dulang. 32 Ke sabatha ya gore le khutse, le nyoko šupetsa gore le kgongwele+ ka letšatši la nkokwane la kgwedi yowa ka malobana. Le nyoko ba le sabatha go tlugisela ka malobana go segela ka malobana.”

33 Jehova a ya mahlong a bolabola le Moše a re: 34 “Botsa Maisrayele gore, ‘Ka letšatši la bo 15 la kgwedi yowa ya kašupa go nyoko thomisa Monyanya wa Mašayi, go nyoko fela kašupa ya matšatši le makela Jehova monyanya wowa.+ 35 Go nyoko ba le mogahlano wa go hlawolega ka letšatši la mathomo, fote le sa make mmereko wa go thathafa. 36 Go fele kašupa ya matšatši le makela Jehova dihlabelo tsa go makiwa ka mollo. Ka letšatši la mabala, go nyoko ba le mogahlano wa go hlawolega,+ fote di nyaka le leye sehlabelo sa go makiwa ka mollo ga Jehova. Ke mogahlano wa go hlawolega. Le sa make mmereko wa go thathafa.

37 “‘Yowa ke menyanya+ ya Jehova ya gore di nyaka le sabalatse gore ke megahlano ya go hlawolega+ ya gore le leye dihlabelo tsa go makiwa ka mollo ga Jehova: sehlabelo sa go tšhubiwa,+ sehlabelo sa mabele+ le dihlabelo tsa go nwiwa+ go ya ka tso di nyakegang letšatši le lengwana le le lengwana. 38 Tsowa di nyoko tokegela ga tso le neyelang ka tsona ka disabatha tsa Jehova,+ tso le nyakang go mo neya tsona,+ dihlabelo tsa go maka kano,+ dihlabelo tsa go fo kwa o nabela go di maka+ tsa gore di nyaka le di neye Jehova. 39 Mara ka letšatši la bo 15 la kgwedi ya kašupa, mo le kgobaketsa tso le di bunneng ga naga yone, di nyaka le fetse kašupa ya matšatši le maka monyanya wa Jehova.+ Letšatši la mathomo le letšatši la mabala ke matšatši ya gore le khutse.+ 40 Ka letšatši la mathomo, le nyoko tseya diyengwa tsa gore ke mong tsona, makala ya mohlare wa mopalema,+ makala ya go ba le matlakala le mehlare ya meyeding, fote le nyoko fetsa kašupa ya matšatši le jabodiye+ mahlong ga Jehova Modimo wa lune.+ 41 Le nyoko fetsa kašupa ya matšatši le makela Jehova monyanya wone mongwaga wo mongwana le wo mongwana.+ Di nyaka le wo make ka kgwedi ya kašupa, ke molawo wa go ya go yye ga leloko la lune ka mokana ga lona. 42 Di nyaka le fetse kašupa ya matšatši le dula dintlong tsa mašayi.+ Maisrayele ka mokana ga wona ma dule dintlong tsa mašayi, 43 gore leloko la lune la gore le sa nyoko tla le di tšibe+ gore ke makiye gore Maisrayele ma dule dintlong tsa mašayi nakwela ke ma ntsha nageng ya Egepita.+ Ke nna Jehova Modimo wa lune.’”

44 Byalo Moše a botsa Maisrayele ka menyanya ya Jehova.

24 Jehova a ya mahlong a bolabola le Moše a re: 2 “Botsa Maisrayele gore ma leye makgura ya diolivi ya gore ke mong wona gore go be ya malampa, gore ma ko thogo dula ma dura.+ 3 Bošego byo bongwana le byo bongwana, Aroni o nyoko tšhuba malampa fote o nyoko maka gore ma dule ma dura mahlong ga Jehova go segela ka bošego mahlong ga legaredheni la gore le thina le areka ya go ba le Lesome la Melawo ka teng ga letente la mogahlano. Ke molawo wa go ya go yye ga leloko la lune ka mokana ga lona. 4 Di nyaka a dule a pasopa malampa ya setšhubampara+ sa go makiwa ka gholdi ya gore ke mong yona mahlong ga Jehova.

5 “Wene o nyoko tseya folawa ya gore ke mong yona wa bhaka 12 ya malofo ya kgokolo. Lofo ye nngwana le ye nngwana yi makiwe ka dikhiloghremo ka dipedi tsa folawa. 6 O nyoko ma beya go le dindhundhuma ka dipedi, ndhundhuma ye nngwana le ye nngwana yi be le kobodi ya malofo gedimo+ ga tafola ya go makiwa ka gholdi ya gore ke mong yona mahlong ga Jehova.+ 7 O tšhele tsa go tšhubiwa tsa go nkgela mone ga dikgwa tsone, go nyoko ba sekgwa sa go maka sehlabelo sa segopotso,+ sehlabelo sa go makiwa ka mollo sa Jehova. 8 Ka letšatši le lengwana le le lengwana la Sabatha, di nyaka a dule a se beya mahlong ga Jehova.+ Ke kwano ya go ya go yye le Maisrayele. 9 Go nyoko ba sa Aroni le barwayi bage,+ fote ba nyoko se jela ga poleke ya go hlawolega+ ka taba la gore ke selo sa go hlawolega ka matla gage sa go tšwa ga dihlabelo tsa Jehova tsa go makiwa ka mollo, ke molawo wa go ya go yye.”

10 Byalo, hala ga Maisrayele ke mo go na le morwayi wa mosadi wa Leisrayele wa gore papage ke Leegepita,+ a lwa le monna wa Leisrayele hala kampeng. 11 Morwayi wa mosadi yela wa Leisrayele a thomisa go sa bolabole gabutši ka Lebitso* la Modimo, a boya a le rogelela.+ Byalo, ba mo leya ga Moše.+ Lebitso la mmane wage ke mo go le Šelomithi morwediya wa Dibhri wa leloko la Dani. 12 Ba mo tshwara go segela ba yelela ke sepheto so Jehova a se segeleleng.+

13 Ke mokane Jehova a botsa Moše gore: 14 “Yisaneng ye a rogeleleng lebitso laka ka tawong ga kampa, batho ka moka bo ba mo kwileng di nyaka ba beye matsogo ya bona gedimo ga hlogo yage ke mokane Maisrayele ka moka ma mo pshyaye ka matlapa.+ 15 O botse Maisrayele gore, ‘Mo motho a ka rogelela Modimo wage, o nyoko wolodiwa ka taba la tso a di sinnyeng. 16 Byalo, ye a sa bolaboleng gabutši ka lebitso la Jehova di nyaka a bolayiwe.+ Di nyaka Maisrayele ka moka ma mo pshyaye ka matlapa. Mo motho a ka fo sa bolabole gabutši ka Lebitso la Modimo di nyaka a bolayiwe, di sa yi ka gore o tšwa a sepela kela ke Leisrayele.

17 “‘Mo motho a ka bolaya motho ye mongwana, di nyaka a bolayiwe.+ 18 Ye mongwana le ye mongwana ye a teyang phoolwane ya gaye a šinya a yi bolaya di nyaka a patele, lephelo ka lephelo. 19 Mo motho a ka kwaletsa motho ye mongwana, ba mo make tsotso a di makiyeng ga motho yene.+ 20 Mo a ka fo ba a kwaletsiye ye mongwana lešapo, lihlo kela lino, le yene ba mo make tsotso a di makiyeng motho ye mongwana.+ 21 Motho ye a teyang phoolwane a yi bolaya di nyaka a patele,+ mara ye a teyang motho ye mongwana a mmolaya di nyaka a bolayiwe.+

22 “‘Go nyoko bereka molawo ka wwoši ga lune, di sa yi ka gore ke wene motho wa go fo tšwa a sepela kela ke wene Leisrayele,+ ka taba la gore ke nna Jehova Modimo wa lune.’”

23 Ke mokane Moše a bolabola le Maisrayele, ba yisa motho yela wa gore aa bolabola gabutši ka Lebitso la Modimo ka tawong ga kampa, ba mo pshyaya ka matlapa.+ Maisrayele ma makiye ka mokgo Jehova a butsiyeng Moše.

25 Jehova a ya mahlong a bolabola le Moše Thabeng ya Sinayi a re: 2 “Bolabola le Maisrayele o ma botse gore, ‘Mo le fetsa le segele nageng yo ke le neyang yona,+ le theetsele molawo wa Jehova wa sabatha le khutsise naga ya lune.+ 3 Le fetse kobodi ya mengwaga le gaša pewu mašomong ya lune, fote le thenele mehlare ya lune ya didhriva, le nyoko kgobaketsa tso le di bunneng mone nageng.+ 4 Mara ka mongwaga wa kašupa go be sabatha ya gore naga ya khutsa, go be sabatha ya Jehova. Le sa gaše pewu nageng ya lune kela la thenela mehlare ya didhriva. 5 Mo le šele le bunne, le sa buni tsa gore di f’lo timilela ga mabele ya ma wileng fote le sa kgobaketsi didhriva tsa mehlare ya gore a ya thenediwa. Di nyaka go be le mongwaga wa go khutsisa naga. 6 Mara le ka ja tsa go ja tsa go mila mone nageng ka sabatha ya yona; di ka ja ke lune, malata ya lune ya banna le ya basadi, batho bo le ba hiriyeng le batho ba go fo tšwa ba sepela ba gore ba dula le lune, 7 di ka ja le ke diphoolwane tsa gaye le diphoolwane tsa hlaga tsa mone nageng ya lune. Dilo ka mokana ga tsona tsa gore di ya mila mone nageng le ka di ja.

8 “‘Le nyoko balela kašupa ya mengwaga ya sabatha, kašupa ya mengwaga yi badiwe gašupa, fote matšatši ya kašupa ya mengwaga ya sabatha go nyoko ba 49 ya mengwaga. 9 Le nyoko teya phalafala ka kgwedi ya kašupa, ka letšatši la lesome la kgwedi yone; ka Letšatši la go Lukisa Ditaba le Modimo,+ le make gore modumo wa phalafala yone wo kwagale nageng ya lune ka mokana ga yona. 10 Le make gore mongwaga wa bo 50 wo hlawolege fote le sabalatse ga batho ba mone nageng ka mokana ga bona+ gore ke mongwaga wa gore le lokologe. Go nyoko ba Jubhili ya lune, ye mongwana le ye mongwana o nyoko kraya naga yo ne a yi rekisiye, fote ye mongwana le ye mongwana wa gore ne ba mo rekisiye gore go be lebhantiti o nyoko boyela mutšing wage.+ 11 Mongwaga wone wa bo 50 go nyoko ba Jubhili ya lune. Le ka sa gaše pewu, le ka sa buni tsa gore di f’lo timilela ga mabele ya ma wileng fote le ka sa kgobaketsi didhriva tsa mehlare ya didhriva ya gore a baa yi thenela.+ 12 Ka taba la gore ke Jubhili. Di nyaka yi hlawolege ho ga lune. Le ka ja tsa gore di f’lo timilela hone nageng.+

13 “‘Ka mongwaga wowa wa Jubhili, ye mongwana le ye mongwana di nyaka a kraye naga yage ya gore ne yi rekisiwwe.+ 14 Mo o ka rekisela motho ye mongwana selo kela o se reka gage, le sa hlalefetsane.+ 15 Mo o reka selo ga motho ye mongwana, o balele mengwaga yo yi fitiyeng ka nthago ga Jubhili fote di nyaka a go rekisele go ya ka mengwaga yo yi šeleng ya dimilane.+ 16 Mo nkare go sa šele mengwaga ya go tlala, a ka yeketsa tšheleta yo a go rekiselang ka yona, fote mo nkare mengwaga yo yi šeleng a ya tlala, di nyaka a pome tšheleta yo a go rekiselang ka yona ka gore o go rekisela tso di nyoko buniwang ga dimilane tsone. 17 Go sa be le motho wa gore o hlalefetsa motho ye mongwana ho ga lune,+ fote di nyaka le tšhabe Modimo wa lune,+ ka gore ke nna Jehova Modimo wa lune.+ 18 Mo le theetsela melawo yaka le mokgwa waka wa go yahlula, le nyoko dula le pasopegiye mone nageng.+ 19 Naga yone yi nyoko le ntshela diyengwa tsa yona,+ la ja la šinya le kgotsofala fote la dula gana hone le pasopegiye.+

20 “‘Mara mo le ka tiputsisa gore: “Re nyoko ja ying ka mongwaga wa kašupa mo re sa gaše pewu kela go kgobaketsa dimilane tsa rune?”+ 21 Le sa šekele ka gore ke nyoko le rufa ka mongwaga wa kobodi, fote naga yi nyoko ntsha dimilane tsa go lekana kararo ya mengwaga.+ 22 Ke mokane le nyoko gaša pewu ka mongwaga wa mabala fote la ja diyengwa tsela tsa botala go segela ka mongwaga wa nkokwane. Le nyoko ja diyengwa tsa botala go segela le buna tso tsa nyuwane.

23 “‘Le sa rekisele motho naga yone gore go dule go le yage,+ ka taba la gore naga yone ke ya gaka.+ Ka gore ho gaka le batho ba go tšwa dinageng tse dingwana ba go fo tšwa ba sepela.+ 24 Ga naga ya lune ka mokana ga yona, di nyaka le dumele gore ye a yi rekisiyeng a thogo yi reka fote.

25 “‘Mo bhuti wago a ka hlupega fote di nyaka a rekise naga yage ye nngwana, lešaga lage la thina di nyaka le tle le mo rekele naga yo a yi rekisiyeng gore go be yage fote.+ 26 Mo motho a se na lešaga la thina la gore le ka mo rekela naga yage mara ka nthago a ghanya, a kgona go yi reka fote, 27 di nyaka a balele gore go fitiye mengwaga ka mekaye go tlugisela a yi rekisiye, tšheleta yo yi šeleng go segela go ba mongwaga wa Jubhili a yi busetse ga ye a mo rekiseleng yona. Ke mokane a ka boyela nageng yage.+

28 “‘Mara mo a sa kgone go yi reka fote, go nyoko ba ya ye a mo rekiseleng go segela ka mongwaga wa Jubhili;+ go nyoko ba yage fote ka mongwaga wa Jubhili, fote o nyoko boyela ga yona.+

29 “‘Mo motho a ka rekisa ntlo yage ya gore yi mutšing wa gore wo yagelediwwe ka mapharo, o ko ba a kene a sa di kgona go boya a yi reka go segela mo go fela mongwaga ka nthago ga gore a yi rekise; go nyoko fela mongwaga a sa na a kgona go boya a yi reka.+ 30 Mara mo go ka fela mongwaga ntlo yo yi leng mutšing wa go yagelediwa ka mapharo yi sa rekiwa fote, go nyoko dula go le ya ye a yi rekiyeng ga leloko lage ka mokana ga lona. Ka mongwaga wa Jubhili, ntlo yone yi sa busetsiwi ga ye ke mo go le mong wa yona. 31 Mara dintlo tsa gore a dya yagelediwa ka mapharo, di tseyiwe go le sekopa sa mašomo ya mone nageng. Ba nyoko dula ba kgona go boya ba di reka, fote di lokolliwe ka mongwaga wa Jubhili.

32 “‘Mara dintlo tsa Malifi tsa gore di mitšing ya wona,+ Malifi ma nyoko dula ma kgona go boya ma di reka. 33 Mo naga ya Malifi yi sa rekiwi fote, ntlo ya wona ya gore yi rekisiwwe mone mutšing le yona yi nyoko lokolliwa ka mongwaga wa Jubhili+ ka taba la gore dintlo tsa mitšing ya Malifi tsa gore di mone nageng ya Maisrayele ke tsa Malifi.+ 34 Go tokegela gana hone, naga yo ba disang ga yona+ ya gore yi dukulugele mitši ya bona yi sa rekisiwi ka gore go nyoko fo dula go le ya bona.

35 “‘Mo bhuti wago wa go dula ho thina a ka thomisa go tihlupegela fote a sa kgone go tipasopa di nyaka o mo gelepe+ go tshwana le ka mokgo o ka gelepang motho wa go fo tšwa a sepela+ gore a thogo phela. 36 O sa tswadisi kela wa nyaka go kraya se sengwana gage.+ Di nyaka o tšhabe Modimo wago,+ fote bhuti wago o nyoko ya mahlong a phela. 37 O sa tswadisi+ mo o mo yadima tšheleta kela go mo neya tsa go ja o yemele go kraya se sengwana. 38 Ke nna Jehova Modimo wa lune, wa gore o le ntshiye nageng ya Egepita+ gore a le neye naga ya Kanana gore ke thogo šupetsa gore ke nna Modimo wa lune.+

39 “‘Mo bhuti wago wa gore o dula ho thina a ka thomisa go tihlupegela fote dya nyaka gore a tirekise gago,+ o sa mo gapeletsi go maka mmereko wa mabhantiti.+ 40 Di nyaka a tshwariwe go tshwana le motho wa gore o hiriwwe,+ go tshwana le motho wa go tšwa ga naga ye nngwana. Di nyaka a bereke nago go segela ka mongwaga wa Jubhili. 41 Ke mokane o nyoko tloga mo gago, yene le bana bage, a boyela mutšing wage. Di nyaka a boyele nageng ya gore ke lefa la bokokwane bage.+ 42 Ka gore ke malata yaka ya gore ke ma ntshiye nageng ya Egepita.+ A di nyake ba tirekisa go tshwana le ka mokgo ba rekisang lelata. 43 O sa mo make lešidi,+ fote di nyaka o tšhabe Modimo wago.+ 44 Malata ya lune ya banna le ya basadi go be ya go tšwa ga ditšhaba tsa thina le lune, le ka reka malata ya lune ya banna le ya basadi ga ditšhaba tsone. 45 Le ga batho ba go fo tšwa ba sepela ba gore ba dula le lune,+ le ka reka malata ga bona le ga barwayi ba bona ba gore ba ba belegele bona nageng ya lune, fote go nyoko ba malata ya lune. 46 Le ka ma fitisela ga barwayi ba lune gore go be lefa la bona la go ya go yye. Le ka maka gore ba le berekele, mara bobhuti ba lune ba Maisrayele a di nyake le ba maka lešidi.+

47 “‘Mara mo motho wa go tšwa nageng ye nngwana wa go fo tšwa a sepela wa gore o dula le lune a ka ghanya, fote bhuti wago a thomisa go tihlupegela fote di nyaka a tirekisa ga motho wa go tšwa nageng ye nngwana wa go fo tšwa a sepela kela ga motho wa go tšwa mutšing wa batho ba go fo tšwa ba sepela, 48 o nyoko fo ya mahlong a kgona go rekiwa le mo a šele a tirekisiye. A ka reka ke ye mongwana wa bobhuti bage,+ 49 kela a ka reka ke bhuti wa papage kela morwayi wa bhuti wa papage kela lešaga le lengwana le le lengwana la thina, ye mongwana wa mutšing wa gabo a ka mo reka fote.

“‘Kela mo yene mong a ka ghanya, le yene a ka tireka fote.+ 50 Yene le ye a mo rekiyeng di nyaka ba balele mengwaga ya go tlugisela mo a tirekisa gage go segela ka mongwaga wa Jubhili,+ fote tšheleta yo a tirekisiyeng ka yona yi lekane mengwaga yone.+ Matšatši yage ya mo a bereka ka nako yonone ma lekane le ya motho wa gore o hiriwwe.+ 51 Mo nkare go sa šele mengwaga ya go tlala, tšheleta yo a yi patelang mo a tireka fote, yi lekane mengwaga yo yi šeleng. 52 Mara mo nkare mengwaga yo yi šeleng gore go be mongwaga wa Jubhili a ya tlala, di nyaka a balele mengwaga yo yi šeleng, fote a patele tšheleta ya go lekana mengwaga yone gore a thogo lokologa. 53 Solanka a berekela mong wage, di nyaka a tshwariwe go tshwana le motho wa go hiriwa; fote a sa kgahleletsiwi.+ 54 Mara mo a ka sa kgone go tireka fote ka mokgwa wowa, o nyoko lokologa ka mongwaga wa Jubhili,+ yene le bana bage.

55 “‘Ka gore Maisrayele ke malata yaka. Ke malata ya gore ke ma ntshiye nageng ya Egepita.+ Ke nna Jehova Modimo wa lune.

26 “‘Le sa timakele medimo ya go sa re selo,+ le sa timakele sethombhe sa go betliwa+ kela kholomo ya go hlawolega, le sa beye matlapa ya go kgabisiwa+ nageng ya lune gore le thogo ma kgotamela;+ ka gore ke nna Jehova Modimo wa lune. 2 Di nyaka le hlompe disabatha tsaka fote le šupetse gore le tseyela poleke yaka ya go hlawolega gedimo. Ke nna Jehova.

3 “‘Mo le ka sepela ka melawo yaka fote la theetsela tso ke di hlayang,+ 4 ke nyoko le nisela pula ka nako ya gona,+ naga yi nyoko ntsha diyengwa tsa yona+ fote mehlare ya hone nageng yi nyoko ntsha diyengwa tsa yona. 5 Le nyoko tula korong go segela ka nako ya mo le buna didhriva, le nyoko buna didhriva go segela ka nako ya mo go gašiwa; fote le nyoko ja sekgwa sa lune la kgotsofala la dula le pasopegiye nageng ya lune.+ 6 Ke nyoko maka gore go bebe mone nageng,+ mo le yetsela go ka sa be le motho wa go le tshosa;+ ke nyoko fetsa ka diphoolwane tsa go tshosa tsa hlaga ga naga yone, fote go ka sa be le ye a lwang le lune ka sabola. 7 Le nyoko lelekisa manaba ya lune, fote le nyoko ma bolaya ka sabola. 8 Kapheta ya batho mone ga lune ba nyoko lelekisa 100 ya bona, 100 ya batho mone ga lune ba nyoko lelekisa 10 000 ya bona fote le nyoko bolaya manaba ya lune ka sabola.+

9 “‘Ke nyoko le rufa ka maka gore le belege le tlale,+ fote ka maka gore kwano yo ke yi makiyeng le lune yi makege.+ 10 Mo le kene le sa ja diyengwa tsa mongwaga wa go fela, di ko nyaka gore le lahle tso tsa botala gore le thogo beya tsa nyuwane. 11 Ke nyoko beya tabarenakele yaka gare ga lune,+ fote ke nyoko le yamogela. 12 Ke nyoko sepela gare ga lune, ka ba Modimo wa lune,+ fote lune le nyoko ba batho baka.+ 13 Ke nna Jehova Modimo wa lune wa gore o le ntshiye nageng ya Egepita gore le sa sa ba mabhantiti ya bona, fote ke robiye lejoko la lune ka maka gore le sepele le sa tšhabe selo.

14 “‘Mara mo le ka sa ntheetsele kela la sa latelele melawo yowa ka mokana ga yona,+ 15 la sa yamogele melawo yaka,+ la hloya mokgwa wo ke yahlulang ka wona, la sa theetsele tso ke di hlayang, fote la sa make tso re kwanneng ka tsona,+ 16 nna ke nyoko maka gore le makegele ke dilo tsowa: Ke nyoko maka gore le hlupege, le be le bolwele bya matshwafo fote le fo fisafisa mmele, dya maka gore maahlo ya lune ma sa sa bona gabutši fote dya le tapa matšhika. Pewu ya lune le nyoko fo yi gašela mahala, ka gore dimilane tsa gona di nyoko ja ke manaba ya lune.+ 17 Ke nyoko le kwatela ka matla, fote manaba ya lune ma nyoko le hlula;+ bo ba le hloyyeng ba nyoko le kgahleletsa,+ fote le nyoko tšhaba le sa lelekisi ke motho.+

18 “‘Mo le ka fo ya mahlong le sa ntheetsele ka nthago ga dilo tsowa, ke nyoko le wolola gašupa ka taba la tso le di sinnyeng. 19 Ke nyoko maka gore le sa sa ba le tšhinghi le magetla, ke nyoko maka gore magedimo ya lune go be nkare ke tshipi+ fote lefase la lune go be nkare ke koporo. 20 Matšhika ya lune ma nyoko fo felela mahala ka gore naga yi ka sa ntshe diyengwa tsa yona,+ fote mehlare ya mone nageng yi ka sa yengwe.

21 “‘Mara mo le ya mahlong le n’ganetsa fote le sa nyake go ntheetsela, di ko nyaka gore ke le wolole gašupa go ya ka tso le di sinnyeng. 22 Ke nyoko romela diphoolwane tsa hlaga mone ga lune,+ di nyoko fetsa ka bana ba lune+ le ka diphoolwane tsa lune tsa gaye, di nyoko maka gore le pomege fote go ka sa be le motho ye a sepelang dipateng tsa lune.+

23 “‘Mo le ka sa yamogele mo ke le wolola+ ka nthago ga dilo tsowa fote la fo ya mahlong le n’ganetsa, 24 le nna nka sa le yamogele, fote ke nyoko le wolola gašupa ka taba la tso le di sinnyeng. 25 Ke nyoko maka gore manaba ya lune ma le hlasele ka gore a le ya maka tso re kwanneng ka tsona.+ Mo le ka tšhabela mitšing ya lune, ke nyoko le leyela bolwele+ fote ke nyoko maka gore manaba ya lune ma le hlule.+ 26 Mo ke sinyanya mo le beyang tsa go ja tsa lune,+ lesome la basadi ba nyoko kgona go bhaka sekgwa* sa lune ba berekisa onto ka yyoši ke mokane ba kala sekgwa sone fote ba le neya se senyana;+ le nyoko ja la šala le sa kgotsofala.+

27 “‘Mo le ka fo ya mahlong le sa ntheetsele ka nthago ga dilo tsowa fote la fo ya mahlong le n’ganetsa, 28 ke nyoko le kwatela ka matla+ fote di ko nyaka gore ke le wolole gašupa ka taba la tso le di sinnyeng. 29 Byalo, di ko nyaka gore le bolaye barwayi le barwediya ba lune,+ fote le nyoko ja nama ya bona. 30 Ke nyoko fetsa ka dipoleke tsa lune tsa kgakala,+ ka wisa le dialetare tsa lune tsa go tšhubela dilo tsa go nkgela, ka beya ditopo tsa lune gedimo ga tso di šeleng tsa medimonyana ya lune ya go silikisa,+ fote ke nyoko le getsula ka taba la gore le ya nsilikisa.+ 31 Ke nyoko maka gore mitši ya lune ba yi hlasele ka sabola+ fote ka fetsa ka dipoleke tsa lune tsa go hlawolega, monkgo wa dihlabelo tsa lune wo ka sa sa njabodisa. 32 Ke nyoko maka gore ga naga yone go sa duli motho,+ fote manaba ya lune ya gore ma nyoko dula ga yona ma nyoko yi lebelela ma makele.+ 33 Ke nyoko le tlalaganya gare ga ditšhaba,+ ke nyoko maka gore manaba ya lune ma lwe le lune ka sabola;+ go ka sa duli motho nageng ya lune+ fote go nyoko fela ka mitši ya lune.

34 “‘Mo le le nageng ya manaba ya lune, naga ya lune yi nyoko khutsa ka gore ke mo yi sa khutsi. Ka nako yonone, naga yi nyoko khutsa ka taba la gore ke mo yi sa khutsi.+ 35 Yi nyoko khutsa nako ka moka ya mo go sa duli motho, ka taba la gore nakwela le dula ga yona ke mo yi sa khutsi ka disabatha tsa lune.

36 “‘Bo ba gore ba phonne+ ba gore ba dinageng tsa manaba ya bona ke nyoko maka gore ba tšhoge la gore le mo ba kwa letlakala le teya ke moya ba fo kwa ba hlagasela; fote ba nyoko tšhaba go tshwana le motho wa gore o tšhaba sabola ba boya ba wa ba sa lelekisi ke motho.+ 37 Ba nyoko gatana go tshwana le batho ba gore ba tšhaba sabola ba kene ba sa lelekisi ke motho. Le ka sa kgone go lwa le manaba ya lune.+ 38 Ba go tlala ba lune ba nyoko kgwela ditšhabeng tse dingwana,+ le nyoko kgwela nageng ya manaba ya lune. 39 Ba gore ba ko ba ba šele ba nyoko bola ba le dinageng tsa manaba ya lune+ ka taba la tso le di makiyeng. Ba nyoko bola ka taba la tso di sinnyeng ke bopapa ba bona.+ 40 Ke mokane ba nyoko hlaya tso ba di sinnyeng+ le tso di sinnyeng ke bopapa ba bona, tso bopapa ba bona ba di makiyeng go šupetsa gore a ba tshepege fote ba nyoko dumela gore a baa tshepega mo ba ganetsana le nna.+ 41 Le nna a ke ya ba yamogela,+ ka ba yisa nageng ya manaba ya bona.+

“‘Nakwenngwana ba ka tinyanafatsa ba sa sa tiwomisa dihlogo,+ mo ba maka ka mokgonone go ko ba nkare ba patelele tso ba di sinnyeng. 42 Fote ke nyoko gopola kwano yaka le Jakobo,+ kwano yaka le Isaka,+ kwano yaka le Abhrahama,+ ka boya ka gopola le naga yone. 43 Ka nako ya mo ba se šiyo mone nageng, naga ke mo yi khutsa+ fote ke mo go sa duli motho nakwela ba se šiyo, ke mo ba patelela tso ba di sinnyeng ka taba la gore ba ganne mokgwa wo ke yahlulang ka wona ba boya ba nyenya melawo yaka.+ 44 Mara le mo go le ka mokgonone, mo ba le nageng ya manaba ya bona nka sa nape ke ba lahla+ kela ka napa ke ba nyenya la gore ke nape ke fetsa ka bona, tsotsone di ka maka gore tso re kwanneng ka tsona di sa makege+ ka gore ke nna Jehova Modimo wa bona. 45 Ka taba la bona, ke nyoko gopola kwano yo ke yi makiyeng le bokokwane ba bona+ ba gore ke ba ntshiye nageng ya Egepita ditšhaba di kene di lebelele,+ gore ke thogo šupetsa gore ke nna Modimo wa bona. Ke nna Jehova.’”

46 Tsowa ke tsa go ba yetetsa, mekgwa ya go yahlula le melawo tsa gore Jehova o di neyye barwayi ba Israyele Thabeng ya Sinayi a berekisa Moše.+

27 Jehova a ya mahlong a bolabola le Moše a re: 2 “Bolabola le Maisrayele o ma botse gore, ‘Mo motho a ka tshepisa Jehova gore o nyoko neyela+ ka motho, o nyoko patela tšheleta yo ba mmotsang yona sekaleng sa motho yene, 3 monna wa go ba le mengwaga ya segare ga 20 go segela ga 60 go nyoko ba 50 ya dišekele* tsa silva go ya ka šekele yo ba yi berekisang polekeng ya go hlawolega. 4 Mara mo nkare ke mosadi, go nyoko ba 30 ya dišekele. 5 Mo nkare motho wa gona o na le mengwaga ya segare ga kapheta go segela ga 20, mo go le wa monna go nyoko ba 20 ya dišekele, fote mo go le wa mosadi go nyoko ba lesome la dišekele. 6 Mo nkare o na le kgwedi ka yyoši go segela ga kapheta ya mengwaga, mo go le mošomanyana go nyoko ba kapheta ya dišekele tsa silva, mo go le ngwannyana go nyoko ba kararo ya dišekele tsa silva.

7 “‘Mo nkare o na le 60 ya mengwaga go ya gedimo, mo go le monna go nyoko ba 15 ya dišekele, fote mo go le mosadi go nyoko ba 10 ya dišekele. 8 Mara mo nkare motho yene o tihlupegela la gore aa kgone go patela tšheleta yo yi nyakegang,+ motho yene o nyoko yema mahlong ga moprista fote moprista o nyoko mmotsa tšheleta yo a tshwaneleng go yi patela. Tšheleta yone moprista o nyoko yi kala go ya ka so motho ye a tshepisang a se kgonang.+

9 “‘Mo motho a ka re o nyoko neya Jehova phoolwane ya gore yi yediye, phoolwane yone a yi neyang Jehova go nyoko ba selo sa go hlawolega. 10 A sa yi tšhentšhisi ka ye nngwana, a sa tšhentšhisi ya gore yi philegiye ka ya gore a ya philega kela a tšhentšhisa ya gore a ya philega ka ya gore yi philegiye. Mara mo a ka tšhentšhisa phoolwane ye nngwana ka ye nngwana, yela ya mathomo le yo a tšhentšhisang ka yona ka moka di nyoko ba di hlawolegiye. 11 Mo nkare ke phoolwane ya go sa yela+ ya gore a ya tshwanela go yisiwa ga Jehova gore go be sehlabelo, o nyoko leya phoolwane yone mahlong ga moprista. 12 Moprista o nyoko hlaya gore phoolwane yone yi lekana bokaye go ya ka mokgo a yi bonang ka gona. Tšheleta yo yi hlayyeng ke moprista yi be ka mokgonone. 13 Mara mo nkare o nyaka go yi reka fote, ga tšheleta ya go reka phoolwane yone, ga kapheta ya ditšheleta tsa silva o nyoko tokegela ka ka yyoši.+

14 “‘Byalo, mo motho a ka tshepisa Jehova ntlo yage gore go be selo sa go hlawolega, moprista o nyoko hlaya gore yi lekana bokaye go ya ka mokgo a yi bonang ka gona. Ntlo yone ba nyoko yi reka ka tšheleta yo yi hlayang ke moprista.+ 15 Mara mo ye a tshepisiyeng Modimo ntlo yage a nyaka go boya a yi reka fote, di nyaka a patele 20 ya diphesente go tokegela ga tšheleta yo ba rekisang ntlo yone ka yona ke mokane ntlo yone go nyoko ba yage.

16 “‘Mo motho a ka tshepisa Jehova tšhomo yage ye nngwana, gore yi lekana bokaye di nyoko ya ka pewu yo yi nyakegang mo ba gaša mone tšhomong: homere* ka yyoši ya pewu ya dithoro tsa mabele* go nyoko ba 50 ya dišekele tsa silva. 17 Mo a ka tshepisa Modimo mašomo yage go tlugisela ka mongwaga wa Jubhili,+ tšheleta yo yi beyiwweng yi be ka mokgonone. 18 Mo a ka tshepisa Modimo mašomo yage ka nthago ga Jubhili, moprista o nyoko balela gore mašomo yane ma lekana bokaye go ya ka mengwaga yo yi šeleng gore go be Jubhili, fote ba nyoko poma ga tšheleta yo yi beyiwweng.+ 19 Mara mo nkare ye a tshepisiyeng Modimo tšhomo yage o nyaka go yi reka fote, di nyaka a tokegele ka 20 ya diphesente go tokegela ga tšheleta yo ba rekisang tšhomo yone ka yona, fote go nyoko dula go le yage. 20 Byalo, mo nkare tšhomo yone aa yi reki fote, ya reka ke motho ye mongwana, yi sa sa rekiwa fote. 21 Mo tšhomo yone yi lokolliwa ka mongwaga wa Jubhili, yi nyoko ba selo sa go hlawolega ga Jehova, go nyoko ba tšhomo ya gore ba yi neyele gage. Yi nyoko ba ya maprista.+

22 “‘Mo motho a ka tshepisa Jehova tšhomo ya gore o yi rekiye ya gore a yi lefa lage,+ 23 moprista o nyoko mmalelela gore yi lekana bokaye go ya ka mengwaga yo yi šeleng gore go be mongwaga wa Jubhili, fote di nyaka a patele tšheleta yone ka letšatši lone.+ Ke selo sa go hlawolega ga Jehova. 24 Ka mongwaga wa Jubhili, tšhomo yone yi nyoko boyela ga motho ye a yi rekiyeng gage, ga ye wa gore naga yone ke yage.+

25 “‘Tšheleta yo ba yi beyang, ba dule ba yi balela ka šekele ya gore ba yi berekisa ga poleke ya go hlawolega. Šekele yi lekana le 20 ya ghera.*

26 “‘Go sa be le ye a tshepisang go neya Modimo letšibula la diphoolwane, ka gore letšibula ke la Jehova.+ Go ka fo ba la kgomu ya phoolo kela la nku, go šele go le la Jehova.+ 27 Mo nkare letšibula lone le tšwa ga diphoolwane tsa go sa yela fote a ntsha tšheleta yo yi beyiwweng gore a le reke fote, di nyaka a tokegele ka 20 ya diphesente ga tšheleta yone.+ Mara mo nkare aa le reke fote, le nyoko rekisiwa ka tšheleta yo yi beyiwweng.

28 “‘Mo motho a ka tseya motho ye mongwana, phoolwane kela tšhomo tsa gore ke tsage, a tshepisa go di neya Jehova go ya go yye kela a neyela ka tsona gore go fele ka tsona, motho yene, phoolwane yone kela tšhomo yone di ka sa rekisiwi kela dya rekiwa fote. Di hlawolegiye ka matla, ke tsa Jehova.+ 29 Go tokegela gana hone, motho wa gore di nyaka a bolayiwe ba sa mo lepolle.+ Di nyaka a bolayiwe.+

30 “‘Selo se sengwana le se sengwana sa lesome+ sa mone nageng, kela ke dimilane tsa mone mašomong kela diyengwa tsa mehlare, ke tsa Jehova. Ke dilo tsa go hlawolega ga Jehova. 31 Mo motho a nyaka go boya a reka selo so a neyeleng ka sona sa lesome, di nyaka a tokegele ka 20 ya diphesente ga tšheleta yo yi beyiwweng. 32 Phoolwane ye nngwana le ye nngwana ya lesome ga dikgomu, dinku kela dipudi, ya gore yi feta ka tlase ga thoka ya ye wa go disa, di nyaka go be selo sa go hlawolega ga Jehova. 33 Di nyaka a sa yi pombhole gore yi philegiye kela a ya philega, fote a sa yi tšhentšhisi. Mara mo a ka liketsa go yi tšhentšhisa, yela ya mathomo le yo a tšhetšhisang ka yona di nyaka go be tsa go hlawolega.+ Di sa rekiwi fote.’”

34 Yowa ke melawo yo Jehova a yi neyyeng Maisrayele Thabeng ya Sinayi a berekisa Moše.+