DOTORONOMA

1 Tsowa ke tso Moše a di butsiyeng Maisrayele ka mokana ga wona ku mašahleng ya gore ma thina le nooka ya Jorodane, ga poleke ya kgwaakgwa ya gore yi mahlong ga Sufe fote yi thina le* Parane, Tofele, Labane, Hazerothe le Dizahabha. 2 Di tseya 11 ya matšatši go tloga Horebe go ya Kadeše-bharaneya+ o berekisa pata ya Dithaba tsa Seyiri. 3 Ka mongwaga wa bo 40+ ka letšatši la mathomo la kgwedi ya bo 11, Moše a botsa Maisrayele* dilo ka mokana ga tsona tso Jehova a hlayyeng gore a ba botse tsona. 4 Tsowa di makegiye ka nthago ga gore a hlule Sihone+ kgoši ya Maamore ya gore ne yi dula Hešibhone le Ogo+ kgoši ya Bhašane ya gore ke mo yi dula Ašitarothe ku Edreyi.+ 5 Moše o hlatolliye molawo wowa+ ku polekeng ya Jorodane nageng ya Mowaba, a re:

6 “Ku Horebe, Jehova Modimo wa rune o hlayye gore, ‘Ke botala le duli howa polekeng ya dithaba.+ 7 Ariyeneng ga poleke ya dithabeng ya Maamore+ fote le ye ga dipoleke ka mokana ga tsona tsa thina le naga yone, dipoleke tsa gona ke Arabha,+ poleke ya dithaba, Šefela, Neghebe le dipoleke tsa hone lerophong la lewatle,+ le ye le ga naga ya Makanana, le ye le Lebhanoni+ fote le ye le ga nooka ye kgolo ya Eforate.+ 8 Ke nyoko le neya naga yowa. Ariyeneng le segele le yi tseye, naga ya gore Jehova o tshepisiye bopapa ba lune, Abhrahama, Isaka+ le Jakobo+ gore o nyoko yi neya bona le ditlogolwane tsa bona.’+

9 “Fote ke le butsiye ka nakwela gore, ‘Nna nka sa kgone go le yeta mahlong ke le ntoši.+ 10 Jehova Modimo wa lune o makiye gore le tlale, fote lekgono lowa le tlele go tshwana le dinanedi tsa ku magedimong.+ 11 Nkare Jehova Modimo wa bokokwane ba lune a ka maka gore le tlale ka matla,+ fote nkare a ka le rufa go ya ka mokgo a le tshepisiyeng.+ 12 Nko di kgona byang ke le ntoši go lukisa mathatha ya lune le go tiyisela mo le kokola?+ 13 Kgetaneng banna ga maloko ya lune ba gore ba hlalefiye, baa tshepega fote ba tšiba dilo, ke nyoko ba hlawola gore ba le yete mahlong.’+ 14 Lune la mfetola la re, ‘Tso o re butsiyeng tsona di gabutši.’ 15 Byalo, ka tseya dindhuna tsa maloko ya lune, banna ba gore ba hlalefiye fote ba tšiba dilo, ka maka gore ba le yete mahlong go le dindhuna tsa go wokamela megoba ya go ba le sekiti sa batho, megoba ya go ba le lekgolo la batho, megoba ya go ba le 50 ya batho, megoba ya go ba le lesome la batho le didhuna tsa maloko ya lune.+

16 “Ka nako yonone, ke butsiye batho bo ne ba le yahlula gore, ‘Mo go na le molato ga magageru, le tshwanele le yahlule gabutši+ mo le yahlula motho le bhuti wage kela motho wa gore a yi Leisrayele wa gore o dula gare ga lune.+ 17 Le sa hlawolane mo le yahlula.+ Motho wa go tihlupegela le motho wa go ghanya di nyaka le ba yahlule go tshwana.+ Le sa tshose ke motho,+ ka taba la gore le yahlulela Modimo;+ fote mo nkare go na le taba ya gore le šitega go yi yahlula, le tshwanele le yi leye gaka gore ke thogo yi yahlula.’+ 18 Ka nako yone ke le butsiye dilo ka mokana ga tsona tso le tshwaneleng le di make.

19 “Ke mokane ra tloga Horebe ra feta ga mašahla ka mokana ga wona ya magolo ya gore fote maa tshosa,+ ya gore lune le ma bonne mo re kene re sepela ka pata ya poleke ya dithabeng ya Maamore,+ go fo ya ka mokgo Jehova Modimo wa rune a re butsiyeng ka gona ke mokane ra fetsa re segele Kadeše-bharaneya.+ 20 Nna ke yitseri ga lune, ‘Le segele howa ga poleke ya dithaba ya Maamore ya gore Jehova Modimo wa rune o re neyye yona. 21 Bonaneng, Jehova Modimo wa lune o le neyye naga yowa. Ariyeneng, le segele le yi tseye go ya ka mokgo Jehova Modimo wa bokokwane ba lune a le butsiyeng.+ Le sa tšhabe kela go hlagasela.’

22 “Mara lune ka mokana ga lune le tlile gaka la re, ‘Tla re romeneng banna gore ba re yete mahlong ba ye ba re nyakisisele ka naga yone, ke mokane ba tle ba re botse gore di nyaka re sepele ka pata yifeng le gore re nyoko kraya mitši ya mošaga mang gana hone.’+ 23 Tso le mputsiyeng tsona ke di bonne di le gabutši, byalo ke hlawodiye 12 ya banna, ga leloko le lengwana le le lengwana ke hlawodiye ka wwoši.+ 24 Ba tloga ke mokane ba ya ga poleke ya dithaba,+ ba segela ba hlola Moyedi wa Ešikhole. 25 Ba tseya diyengwa tse dingwana tsa naga yone ke mokane ba boya natso, fote ba segela ba re botsa gore, ‘Naga yo Jehova Modimo wa rune a re neyang yona yi nonne ka matla.’+ 26 Mara lune la gana go tseya naga yone, fote la sa theetsele tso Jehova Modimo wa lune a le botsang tsona.+ 27 Lune le yye mahlong le kokola le kene le duli matenteng ya lune la re, ‘Jehova o re ntshiye ga naga ya Egepita a re yisa ga Maamore gore a fetse ka rune ka taba la gore o re hloyye. 28 Anthe re ya ga poleke ya mošaga mang? Bobhuti ba rune ba re fetsiye matla+ ka go re botsa gore, “Batho ba naga yone ba tlele ka matla fote ba lefiye ka matla go phala rune, mitši ya bona ke ye megolo fote ba na le mapharo ya gore ma lefiye ka matla+ fote ma tiyye, re bonne le barwayi ba Anakimo gana hone.”’+

29 “Byalo nna ke le butsiye gore, ‘Le sa tšhoge kela la hlagasela ka taba la bona.+ 30 Jehova Modimo wa lune o nyoko le yeta mahlong, fote o nyoko le lwela+ go tshwana le ka mokgo a makiyeng ku Egepita mahlong ga lune.+ 31 Fote le di bonne ka mokgo Jehova Modimo wa lune a le kakodiyeng ka gona ku mašahleng go fo tshwana le ka mokgo papa a kakolang morwayi wage, o le kakodiye go gongwana le go gongwana mo le yang gona go šinya le segela ga poleke yowa.’ 32 Mara le mo a le makele dilo tsowa ka mokana ga tsona, a le ya tshepela ga Jehova Modimo wa lune,+ 33 wa gore ke mo a le yeta mahlong gore a hlole naga yo le nyoko kampang ga yona. O le yetiye mahlong a berekisa mollo bošego, fote a berekisa liru motshegare gore a le šupetse tsela yo di nyakang le sepele ka yona.+

34 “Ka moka nako Jehova ke mo a di kwa tso le di hlayang, fote a kwata, a tshepisa gore,+ 35 ‘A gona le motho ka wwoši ga batho bowa ba go sa loka wa gore o nyoko bona poleke ya gabutši yo ke yi tshepisiyeng bopapa ba lune,+ 36 mara Khalebho morwayi wa Jefune o nyoko yi bona. Fote naga yo a kenneng ga yona ke nyoko yi neya yene le barwayi bage ka taba la gore o latelele Jehova ka pelo yage ka mokana ga yona.+ 37 (Le nna mong Jehova o nkwatele ka taba la lune, ke mokane a re, “Le wene o ka sa kene nageng yone.+ 38 Jošuwa morwayi wa Nuni wa gore o yemme mahlong gago,+ ke yene ye a nyoko kenang ga naga yone.+ Mo tiyise,*+ ka taba la gore o nyoko maka gore Maisrayele ma kraye naga yone gore go be lefa la wona.”) 39 Go tokegela gana hone, bana ba lune ba gore le yitseri go nyoko ba mabhantiti+ le barwayi ba lune ba gore lekgono a ba tšibi sa go loka kela sa gore a se ya loka, ba nyoko kena fote ke nyoko ba neya naga yowa.+ 40 Mara lune boyelang nthago, le sepele ka mašahla ya gore ma thina le pata ya go ya ga Lewatle le Lekhubedu.’+

41 “Mo a reyane lune la re gaka, ‘Re sinyele Jehova. Byalo re nyoko ya ntweng, go ya ka mokgo Jehova Modimo wa rune a re butsiyeng ka gona!’ Ke mokane ye mongwana le ye mongwana wa lune a tseya dilo tsage tsa ntwa, fote mo le maka tsotsone ke mo le nagana gore di nyoko ba lula mo le ya ku thabeng.+ 42 Mara Jehova a re gaka, ‘Ba botse gore: “Le sa yi go ye lweng, ka taba la gore nna nka sa sepele le lune.+ Mo le ka maka ka mokgonone, manaba ya lune ma nyoko le hlula.”’ 43 Byalo ke bolabodiye le lune, mara a le ya ntheetsela. A le ya theetsela tso Jehova a di hlayang fote ka taba la go ba le magetla le liketsiye go yinuga thaba. 44 Ke mokane Maamore ya gore ma dula thabeng yone ma tla ma gahlana le lune, fote ma le lelekisa go tshwana le ka mokgo dinose di makang ka gona, ke mokane lune la tlalagana go segela Seyiri le Horoma. 45 Byalo la boya, la thomisa go lla mahlong ga Jehova, mara Jehova aa le theetsela kela go le tseyela hlogong. 46 Nka taba lo le fetsiyeng nako ya go lefa le duli Kadeše.

2 “Byalo, re yye ra jika ra ya mašahleng re berekisa tsela ya Lewatle le Lekhubedu, re makiye ka mokgo Jehova a hlayyeng ka gona+ fote re yye ra sepela thina le Thaba ya Seyiri ka matšatši ya go tlala. 2 Jehova fetsa a yitseri gaka, 3 ‘Ke botala le le mo thabeng yowa. Gana byalo ariyeneng ka la lebowa. 4 Fote o neye batho bowa molawo wa gore: “Le nyoko feta Seyiri+ nageng ya gore go dula bobhuti ba lune, ditlogolwane tsa Esewu,+ fote ba nyoko tšhoga mo ba le bona+ mara lune di nyaka le pasope. 5 O sa lwe nabo ka gore nka sa go neye naga ya bona, le poleke ya gore yi ka lekana segato sa loto nka sa go neye ga naga ya bona, ka taba la gore ke neyye Esewu Thaba ya Seyiri gore go be poleke yage.+ 6 Di nyaka le ba neye tšheleta ya tsa go ja tso le nyoko di jang, fote di nyaka le patelele+ le meetši ya le nyoko ma nwang. 7 Ka taba la gore Jehova Modimo wa lune o le rufiye ga dilo ka mokana ga tsona tso le di makiyeng. O di tšiba gabutši gore le sepela ga mašahla ya magolo. Ga mengwaga yowa 40 ya yona Jehova Modimo wa lune ke mo a na le lune, fote a le ya gayela selo.”’+ 8 Byalo re fitiye ga bobhuti ba rune ba gore ke ditlogolwane tsa Esewu,+ ba gore ba dula ku Seyiri, a re ya sepela ka pata ya Arabha ya gore yi thomisa Elatha le Eziyoni-ghebhere.+

“Ka nthago, re boyele ka pata ya gore yi ya mašahleng ya Mowaba.+ 9 Ke mokane Jehova a re gaka, ‘Le sa lwe le Mowaba kela go yi hlasela, ka gore nka sa le neye naga ya bona gore le dule ga yona ka taba la gore ke yi neyye Are go le lefa la batlogolo ba Llota.+ 10 (Maemimi+ ya gore ke mo ma dula gana mone botala ke mo ma tlele, ma na le matšhika, fote ma lefiye go tshwana le Maanakhimi. 11 Marefayime+ ne ba ma tseya go tshwana le Maanakimo,+ fote Mamowaba ne ma ba bitsa Maemimi. 12 Ku botala, Mahore+ ke mo ma dula Seyiri, mara ditlogolwane tsa Esewu dya tseya naga dya boya dya fetsa ka Mahore ke mokane dya dula ga poleke yone,+ go tshwana le ka mokgo Maisrayele ma nyoko makang ka gona ga naga yone ya gore Jehova o nyoko ma neya yona.) 13 Gana byalo ariyeneng le ye tshila Moyedi wa Zerede.’ Byalo ra tshila Moyedi wa Zerede.+ 14 Di re tsere 38 ya mengwaga gore re sepele go tloga Kadeše-bharaneya go segela re tshila Moyedi wa Zerede, go segela go fela ka banna ba ntwa ka mokana ga bona ba gore ke mo ba le kampeng, go ya ka mokgo Jehova a ba tshepisiyeng.+ 15 Jehova a berekisa matšhika yage gore a fetse ka bona+ mone kampeng.

16 “Mo banna ba ntwa ka mokana ga bona ba kgwile,+ 17 Jehova a bolabola le nna fote a re, 18 ‘Lekgono di nyaka le fete Mowaba, ga poleke yo ba reng ke Are. 19 Mo le segela thina le Maamoni, le sa ba hlupe kela la ba lebela, ka taba la gore nka sa le neye naga ya Maamoni gore go be lefa la lune ka gore ke yi neyye ditlogolwane tsa Llota gore go be naga ya tsona.+ 20 Naga yowa le yona ke mo ba tseya gore ke ya Marefayime.+ (Marefayime ke mo ma dula ga yona botala, fote Maamoni ke mo ba re ke Mazamuzumimi. 21 Ne go le batho ba go ba le matšhika, ba gore ba tlele fote ba lefiye go tshwana le Maanakhimi,+ mara Jehova a gelepa Maamoni gore ma ba hlule fote Maamoni ma ba raka ke mokane ma dula polekeng ya bona. 22 Ke tso a di makeleng ditlogolwane tsa Esewu tsa gore gana byalo di dula Seyiri,+ nakwela a di gelepa gore di hlule Mahore+ gore ditlogolwane tsa Esewu di thogo tseya naga ya bona le go dula ga yona go segela le lekgono lowa. 23 Mara Maavimi ne ma dula dimitšaneng tsa go segela Ghaza+ go segela Makhafotorimi+ ya gore ma tšwa Khafotore* ma fetsa ka bona, fote ma dula polekeng ya bona.)

24 “‘Tlogamelaneng le sepele, le fete Moyeding wa Aranoni.+ Ke nyoko maka gore le hlule Sihone+ wa Leamore wa gore ke kgoši ya Hešibhone. Byalo, thomisaneng go tseya naga yage, fote le lwe naye. 25 Lekgono ke nyoko maka gore batho ka mokana ga bona bo ba kwang ka lune ka tlase ga magedimo ba le tšhabe. Ba nyoko tšhoga, ba boya ba hlagasela ka taba la lune.’+

26 “Byalo ke yye ka romela molayetsa ke le ku mašahleng ya Kedemothe+ ga kgoši Sihone wa ku Hešibhone, ka mmotsa mantsu ya gabutši ya gore,+ 27 ‘Ke kgopela go feta nageng yago. Ke nyoko fo sepela mo pateng, nka sa jikele ga letsogo la go ja kela la mpata.+ 28 Ke nyoko fo ja tsa go ja tso o nrekiselang tsona fote ke nyoko nwa meetši ya o nrekiselang wona. Ke fo kgopela o ntisetse ke fete 29 —go segela ke feta Jorodane ke kena nageng ya gore Jehova Modimo wa rune o re neya yona—ditlogolwane tsa Esewu tsa go dula Seyiri le Mamowaba ya go dula Are ba mmakele ka mokgonone.’ 30 Mara kgoši Sihone wa ku Hešibhone o ganne re feta, ka taba la gore Jehova Modimo wa lune o mo lisetsiye gore a tiwomise hlogo+ le gore a be le tšhinghi gore le thogo mo hlula go fo tshwana le ka mokgo go makegiyeng ka gona gana byalo.+

31 “Ke mokane Jehova a re gaka, ‘Ke šele ke thomisiye go maka gore o hlule Sihone le naga yage. Tseya naga yage go be yago.’+ 32 Mo Sihone a tla le batho bage ka moka gore a tle a lwe le rune ku Jahazi,+ 33 Jehova Modimo wa rune a maka gore re mo hlule, re hlule yene, barwayi bage le batho bage ka mokana ga bona. 34 Ka nako yonone, re hludiye mitši yage ka mokana ga yona, ra fetsa le ka dipoleke ka mokana ga tsona, gana hone go kena banna, basadi le bana. A re ya šiya motho.+ 35 Re f’lo titseyela merape le dilo tso re di krayyeng ga mitši yo re yi hludiyeng. 36 Go tlugisela Arore+ ya gore yi mathomisong ya Moyedi wa Aranoni (gana hone go kena le mutši wa gore wo mone moyeding), go segela Ghiliyade, a go na mutši wa gore re šitegiye go wo segelela. Jehova Modimo wa rune o makiye gore re yi hlule ka mokana ga yona.+ 37 Mara le lisetsiye naga ya Maamoni+ mo go thomisang Moyedi wa Jabhoko+ ka mokana ga gona le mitši ya nageng ya go ba le dithaba kela mitši ka mokana ga yona ya gore Jehova Modimo wa rune o yitseri re sa yi ga yona.

3 “Ke mokane ra jika ra sepela ka Pata ya Bhašane. Byalo Ogo kgoši ya Bhašane a tla le batho bage ka mokana ga bona gore a tle a lwe le rune ku Edreyi.+ 2 Fote Jehova a re gaka, ‘O sa mo tšhabe, ka taba la gore ke nyoko maka gore o mo hlule, yene le batho bage ka mokana ga bona, fote wene o nyoko maka tso o di makiyeng Sihone kgoši ya Maamore wa gore ke mo a dula Hešibhone.’ 3 Byalo Jehova Modimo wa rune o makiye gore re hlule Kgoši Ogo wa Bhašane le batho bage ka mokana ga bona, ra fo dulela go ba hlasela go segela re ba bolaya ka mokana ga bona. 4 Ra tseya mitši yage ka mokana ga yona. A re ya šiya le ka wwoši—ne go le 60 ya mitši, ka mokana ga yona yi le polekeng ya Araghobhi ya gore ne yi lawola ke Ogo ku Bhašane.+ 5 Mitši yowa ka mokana ga yona ke mo yi yagelediwwe ka mapharo ya go lefa, digheyiti le mabalelo, fote ne go na le dimitšane tsa go tlala tsa gore ke mo di sa yagelediwa ka mapharo. 6 Mara re fetsiye ka bona+ ka mokgo re yyeng ra maka ka gona ga Kgoši Sihone wa ku Hešibhone nakwela re fetsa ka mutši wo mongwana le wo mongwana, gana hone go kena banna, basadi le bananyana.+ 7 Ke mokane ra titseyela merape ka mokana ga yona le dilo tsa hone mutšing.

8 “Ka nako yonone ra tseya dinaga tsa magoši ka mabedi ya Maamore+ tso ne di le Jorodane, go tlugisela Moyeding wa Aranoni go segela Thabeng ya Heremoni+ 9 (thaba ya gore Masidoni ke mo ma re ke Siriyoni, fote Maamore ke mo ma re ke Seniri), 10 mitši ka mokana ga yona ya gore yi lekgwaying la gore le mmotong, hala Ghiliyade ka mokana ga yona, le Bhašani ka mokana ga yona go segela hala Salekha le Edreyi,+ mitši ya go lawola ke mmušo wa Ogo wa hala Bhašani. 11 Ka gore Kgoši Ogo wa ku Bhašane ne go le yene wa mafelelo wa gore ne a šele ga Marefayime. Lebhokisi lage ke mo ba le makiye ka tshipi, fote le sa le gona ku Rabha ya Maamoni. Le lefiye go lekana nkokwane ya dikhyubhiti* le kanne ya dikhyubhiti ka go psyaralala go ya ka khyubhiti yo ba yi berekisang. 12 Ka nako yonone ra tseya naga yone: go tlugisela Arore+ ya gore ne yi le thina le Moyedi wa Aranoni, ra tseya le sekopa sa naga ya Ghiliyade ya gore yi dithabeng, ke mokane mitši ya gona ka yi neya leloko la Rubeni le la Ghada.+ 13 Ke mokane sekopa sa mafelelo sa Ghiliyade le naga ka mokana ga yona ya Bhašane tsa gore mmušo wa gona ke wa Ogo ke di neyye sekopa sa leloko la Manase.+ Naga ka mokana ga yona ya Araghobhi ya gore ke ya Bhašane ke mo yi tšibega go le naga ya Marefayime.

14 “Jayiri+ morwayi wa Manase a tseya dipoleke ka mokana ga tsona tsa Araghobhi+ go segela mo go kgerang dipoleke tsa Maghešuri le Mamayakha,+ ke mokane dimitšane tsone tsa Bhašane a di reya ka lebitso lage, a re ke Havothi-jayiri*+ go segela le lekgono lowa. 15 Ke mokane Ghiliyade ke yi neyye Makhiri.+ 16 Ke mokane leloko la Rubeni le la Ghada,+ ke ba neyye go tlugisela Ghiliyade go segela Moyeding wa Aranoni, mone gare ga moyedi wone go ko ba mokgero wa gona, le go segela moyeding wa Jabhoko wa gore ke mo go felelang naga ya Amoni, 17 le naga ya Arabha, Jorodane le mo yi kgerang gona, le go tlugisela Khinerethe go segela Lewatleng la Letswayi* la Arebha mo go felelang naga ya Pisigha ka nthoko ya bohlabela.+

18 “Ke mokane ka le neya molawo wowa wa gore: ‘Jehova Modimo wa lune o le neyye naga yowa gore go be ya lune. Banna ba lune ba go ba le lešiši ka mokana ga bona, ba tseye dilo tsa go lwa ke mokane ba tshilele mosekola ba kene ba yetiye Maisrayele ya gore ke bobhuti bago mahlong.+ 19 Ga mitši yo ke go neyyeng yona go nyoko dula basadi bago, bana bago le merape yago (Ke ya di tšiba tsa gore o na le diphoolwane tsa go tlala) ba nyoko dula ga mitši yo ke go neyyeng yona, 20 go segela Jehova a khutsisa bobhuti ba lune ka mokgo a makiyeng ka gona le ga lune, fote ba tsere naga ya gore Jehova Modimo wa lune o nyoko ba neya yona ka ku mosekola wa Jorodane. Ke mokane ye mongwana le ye mongwana o nyoko boya ga poleke yo ke mo neyyeng yona.’+

21 “Ka nako yonone ke butsiye Jošuwa+ ka re: ‘Akere o di bonne tso Jehova Modimo wa lune a di makiyeng ga magoši yala ka mabedi. Jehova o nyoko maka ka mokgonone le ga memmušo yo o nyoko fetang ga yona.+ 22 Le sa ba tšhabe ka gore Jehova Modimo wa lune ke yene wa gore wa le lwela.’+

23 “Ka nako yonone ka kgopela Jehova ka re, 24 ‘Wene Jehova Morena wa Malenghelengheng o šele o thomisiye go šupetsa malata yago mebereko ye megolo yo o yi makiyeng le matšhika yago,+ ayitsano magedimong kela ho lefaseng go na le modimo wa gore a ka kgona go maka mebereko yo o yi makiyeng ya go šupetsa gore o na le matšhika?+ 25 Barena nlisetse ke kene gore ke thogo bona naga yo ya go bafala ya gore yi ka ku mosekola wa Jorodane, ya gore ke poleke ya gabutši ya dithabeng le Lebhanoni.’+ 26 Mara Jehova ke mo a sa nkwatele ka taba la lune,+ fote ne a ka sa ro ntheetsela. Jehova o yitseri gaka, ‘Kgomolela! Le ka letšatši la mohlolo o sa sa bolabola selo ka taba yowa. 27 Yinugela ku Pisigha,+ ke mokane o lebelele bodikela, lebowa, borwa le bohlabela ke mokane o lebelele naga yone ka taba la gore wene o ka sa tshili nooka yowa ya Jorodane.+ 28 Hlawola Jošuwa+ gore a yete batho mahlong, a šišimale fote o mo tiyise ka gore ke yene a nyoko tshilelang+ ka ku mosekola a yetiye batho bowa mahlong, fote ke yene a nyoko makang gore ba kraye naga yo o nyoko yi bonang gore go be lefa la bona.’ 29 Dilo tsowa ka mokana ga tsona di makegiye nakwela re dula ku moyeding wa thina le Bhethe-piyore.+

4 “Byalo lune Maisrayele, theetselaneng melawo le tso ke le tšhutisang gore le di make gore le thogo phela,+ le kene fote le tseye naga yo Jehova Modimo wa bokokwane ba lune a le neyang yona. 2 Le sa yeketsi ga mantsu ya ke le botsang wona, fote le sa ntshe se sengwana ga wona,+ gore le theetsele melawo yo Jehova Modimo wa lune a le botsang yona.

3 “Le di bonne gabutši tso Jehova a di makiyeng Bhaali wa Pewore; Jehova Modimo o fetsiye ka motho ye mongwana le ye mongwana ye ne a rapela Bhaali wa Pewore hone ga lune.+ 4 Mara lune ba gore le ngangarele Jehova Modimo wa lune, ka mokana ga lune le sa na le phela le lekgono lowa. 5 Le ya di bona, ke le tšhutisiye melawo le melawo ya go yahlula+ go ya ka mokgo Jehova Modimo waka a mputsiyeng, gore le thogo di maka ga naga yo le nyoko yi tseyang gore go be ya lune. 6 Di nyaka le di latelele+ ka gore mo le maka ka mokgonone, batho bo ba ko bang ba theetsele melawo yowa ka mokana ga yona ba nyoko di bona gore le hlalefiye+ fote le kwisisa dilo,+ ke mokane ba nyoko re, ‘Setšhaba sowa se segolo se hlalefiye ka matla fote ke batho ba gore ba kwisisa dilo gabutši.’+ 7 Jehova Modimo wa rune wa re kwa ka moka nako mo re mo rapela, ayitsano se gona setšhaba sa gore medimo ya sona yi thina naso ka mokgonone?+ 8 Fote ke sefeng setšhaba se segolo sa gore se na le Melawo ya go loka le mokgwa wa go yahlula go tshwana le melawo yo ke le neyang yona lekgono?+

9 “Le tipasopeneng gore le sa libale tso le di bonneng, fote le di beyeneng dipelong lephelo la lune ka moka. Le di botseneng bana ba lune le ditlogolwane tsa lune.+ 10 Ka letšatši lo le yemmeng mahlong ga Jehova Modimo wa lune ku Horebe, Jehova o yitseri gaka, ‘Kgobaketsa batho ho gaka, ba tle ba kwe tso ke nyoko ba botsang tsona,+ gore ba tšhute go nhlompa+ lephelo la bona ka mokana ga lona le gore ba tšhutise bana ba bona.’+

11 “Byalo la šutela, la yema ho thaba yi thomisang gona, fote thaba yone ke mo yi dura mollo wa gore ne wo teyisa ku magedimong; ke mo go le go go phifadu, go na le liru, fote go tlemme letshwifi!+ 12 Byalo Jehova a thomisa go bolabola le lune hone mollong.+ Ke mo le fo kwa mantsu+ mara le sa boni selo.+ 13 O le butsiye kwano yage,+ ya gore o yitseri le yi theetsele—ya gore ke Lesome la Melawo.*+ Ka nthago ga hone, a yi ngwala ga matlapa ka mabedi ya gore ma psyatlalele.+ 14 Ka nako yonone, Jehova a mpotsa gore ke le tšhutise melawo le ka mokgo di nyakang le yahlula ka gona, tso di nyakang le di berekisa mo le kena nageng yo le nyoko yi tseyang gore go be ya lune.

15 “Byalo le tipasopeneng—ka gore a le ya bona selo nakwela Jehova a bolabola le lune ku Horebe a le gare ga mollo⁠— 16 gore le sa make dilo tsa go tšwa pateng ka go timakela modimo wa sethombhe wa selo se sengwana le se sengwana sa monna kela sa mosadi,+ 17 kela selo se sengwana le se sengwana sa go yema nkare ke phoolwane ya ho lefaseng kela selo se sengwana le se sengwana sa go yema nkare ke nonyane ya go phurrwa ku sebakabakeng,+ 18 kela selo se sengwana le se sengwana sa go gogoba ka dimpa kela sa go tshwana le hlapi ya ka teng ga meetši.+ 19 Byalo, mo o lebelela ku magedimong fote o bona letšatši, ngwedi kela dinanedi—le dilo ka mokana ga tsona tsa ku magedimong—di sa go fokole wa di kgotamela fote wa di berekela.+ Jehova Modimo wago o di neyye batho ka mokana ga bona ba gore ba ka tlase ga magedimo. 20 Mara ke lune ba gore Jehova o le ntshiye Egepita ga gore ke mo ba le hlorisa go baba tsa nkare le mollong wa go tolosa tshipi, gore le tle le be batho bage+ ka mokgo le leng ka gona lekgono.

21 “Jehova o nkwatele ka taba la lune,+ fote o tshepisiye a tiyisiye ganong gore nna nka sa tshili nooka ya Jorodane kela go ya ga naga ya gabutši ya gore Jehova Modimo wa lune o le neya yona gore go be lefa la lune.+ 22 Ka gore nna ke nyoko kgwela ga naga yowa; nka sa tshili nooka ya Jorodane,+ mara lune le nyoko tshila ke mokane la tseya naga yone ya go bafala gore go be ya lune. 23 Le pasopeneng gore le sa tikraye le libele ka kwano yo Jehova Modimo wa lune a yi makiyeng le lune,+ fote le sa timakele medimo ya dithombhe kela selo se sengwana le se sengwana sa gore Jehova Modimo wa lune wa rakela gore le se make.+ 24 Ka taba la gore Jehova Modimo wa lune o tshwana le mollo wa go gagara,+ o nyaka gore batho ba rapele yene a ntoši.+

25 “Mo nkare le ba le bana le batlogolo, fote le phela nako ya go lefa ga naga yowa, la maka dilo tsa go tšwa pateng fote la timakela modimo wa sethombhe+ wa selo se sengwana le se sengwana ke mokane la maka dilo tsa gore a di ya loka mahlong ga Jehova Modimo wa lune gore le mo kwatise,+ 26 batho ka mokana ga bona ba ku magedimong le batho ka mokana ga bona ba mo lefaseng ba nyoko ba dihlatse tsaka gore ka nnete le nyoko yakgoswa le kgwa ga naga yo le yang go ye dula ga yona ka ku mosekola wa nooka ya Jorodane. Le ka sa duli go ya kaye, go nyoko fela ka lune.+ 27 Jehova o nyoko maka gore le tlalagane,+ go nyoko phona+ paranyana ya lune ga ditšhaba tso Jehova a nyoko bang a le rakiye gore ba ye ga tsona. 28 Gana hone le nyoko rapela medimo ya gore ba yi makiye ka kwata le letlapa ya gore yi makiye ke batho,+ fote medimo yone a yi boni, a yi kwi, a yi ji kela go nkgelela.

29 “Mo le ka nyakela Jehova Modimo wa lune ka dipelo tsa lune ka moka le ka maphelo ya lune ka moka+ le le gana ku ga ditšhaba tsone, le nyoko mo kraya.+ 30 Mo le gahlana le tsa go le kgahleletsa, fote dilo tsowa di le makegele mo nako yi kene yi ya, le nyoko boyela ga Jehova Modimo wa lune ke mokane la theetsela lentsu lage.+ 31 Ka gore Jehova Modimo wa lune ke Modimo wa go kwelana go baba.+ A ka sa le lahle kela go fetsa ka lune kela a libala kwano yo a yi makiyeng le bokokwane ba lune.+

32 “Gana byalo lowa butsisaneng ka dinako tsa ku botala tsa mo le soko ba gona, go tlugisela ka nako yo Modimo a makiyeng motho mo lefaseng; nyakollaneng go tlugisela ka nthoko ye nngwana ya magedimo go segela ka nthoko ye nngwana. Ayitsano go na le selo sa go tshwana le sowa sa gore se yye sa makega kela go na le motho wa gore o kwelele ka selo sa mohlobo wowa?+ 33 Ayitsano go na le batho ba bangwana bo ba yyeng ba kwa lentsu la Modimo le bolabola le tšwa mollong ka mokgo lune le le kwileng ka gona ba fetsa ba phela?+ 34 Kela ayitsano Modimo o liketsiye go hlawola setšhaba ga setšhaba se sengwana a kene a yahlula, a berekisa mešupetso, mehlolo,+ ntwa,+ le matšhika yage+ a wolodiye letsogo lage fote a maka dilo tsa go tshosa+ go tshwana le dilo tsela Jehova Modimo wa lune a di makiyeng ku Egepita le kene le lebelele? 35 Dilo tsowa ba le šupetsiye tsona gore le thogo di bona gore Jehova ke Modimo wa mannete;+ le gore a go na ye mongwana wa go tshwana naye.+ 36 O makiye gore le kwe lentsu lage la go tšwa ku magedimong gore a le wolole, fote ho lefaseng o makiye gore le bone mollo wage wo mogolo ke mokane la kwa mantsu yage ma tšwa gare ga mollo wone.+

37 “Ka taba la gore o nyakiye bokokwane ba lune ka matla, a hlawola ditlogolwane tsa bona,+ nka taba lo a yyeng a le ntsha ku Egepita mahlong gage a berekisa matšhika yage ya magolo. 38 O rakiye ditšhaba tse dikgolo ka matla mahlong ga lune tsa gore di na le matšhika ya go phala ya lune gore a thogo le kenisa le go le neya naga yowa gore go be ya lune go tshwana le lekgono.+ 39 Byalo le di tšibeneng go tlugisela lekgono fote le sa di libale tsa gore Jehova ke Modimo wa mannete legedimong le lefaseng.+ A go na wa go tshwana naye.+ 40 Di nyaka le theetsele dipheto le melawo tso a le botsang tsona lekgono, gore dilo di thogo sepelela lune le barwayi ba lune gabutši gore le thogo dula nako ya go lefa ga naga yo Jehova Modimo wa lune a le neyang yona.”+

41 Ka nako yonone, Moše a hlawola kararo ya mitši ka nthoko ya bohlabela bya Jorodane.+ 42 Mo nkare motho o bolaya motho ye mongwana a sa tikemisela wa gore ke mo a sa mo hloya,+ di nyaka a tšhabele ga mutši ka wwoši ga mitši yowa kararo ya yona gore a thogo phona.+ 43 Mitši yone ke mo go le Bhezere+ ya gore ke mo yi le mašahleng, fote mašahla yane ke mo ma le ga poleke ya gore yi psyatlalele ya leloko la Rubeni, Ramothe+ ya ku Ghiliyade ke mo go le ya Maghada ke mokane Gholane+ ya ku Bhašane ke mo go le ya leloko la Manase.+

44 Byalo wowa ke Molawo+ wo Moše a wo neyyeng batho ba Israyele. 45 Moše o butsiye Maisrayele dilo tso di nyakang ma di gopola, melawo le ka mokgo di nyakang ma yahlula ka gona ka nthago ga mo ma tšwile Egepita,+ 46 ba le Jorodane, moyeding wa gore wo ka mosekola wa Bhethe-piyore+ nageng ya Kgoši Sihone wa Maamore wa gore ne a dula ku Hešibhone,+ wa gore Moše le Maisrayele ba mo hludiye ka nthago ga mo ba tšwile Egepita.+ 47 Ke mokane ba tseya naga yage le naga ya Kgoši Ogo+ wa Bhašane, ba gore ke magoši ka mabedi ya Maamore ya gore ke mo ma dula ga poleke ya ka bohlabela bya Jorodane, 48 go tlugisela Arore+ ya gore yi mo go thomang Moyedi wa Aranoni go segela Thabeng ya Siyoni ya gore ke Heremoni,+ 49 le Arabha ka mokana ga yona ya gore yi ka bohlabela bya Jorodane, le go segela Lewatleng la Arabha la gore le mo go thomisang Pisigha.+

5 Ke mokane Moše a bitsa Maisrayele ka mokana ga wona, a re: “Theetselaneng lune Maisrayele, melawo le dipheto tsa go yahlula tso ke le botsang tsona lekgono, di nyaka le di tšhute fote le di berekise. 2 Jehova Modimo wa rune o makiye kwano le rune ku Horebe.+ 3 Kwano yone Jehova aa yi maka le bokokwane ba rune, mara o yi makiye le rune ka mokana ga rune bo re leng howa lekgono. 4 Jehova ke mo a lebeletsanne le lune mo a bolabola ku thabeng a berekisa mollo.+ 5 Nna ke mo ke yemme gare ga Jehova le lune ka nako yonone+ gore ke le botse lentsu la Jehova, ka gore ke mo le tšhaba mollo fote a le ya yinugela ku thabeng.+ Byalo Modimo o yitseri:

6 “‘Ke nna Jehova Modimo wago, wa gore o go ntshiye nageng ya Egepita, ga naga* ya gore ke mo o le lebhantiti ga yona.+ 7 Di nyaka o rapele nna ke ntoši, o sa tsoge o rapele medimo ye mengwana.+

8 “‘O sa timakele medimo ya dithombhe+ kela selo se sengwana le se sengwana sa go tshwana le selo sa magedimong kela sa lefaseng kela sa ka meetšing. 9 O sa di kgotamele kela go di berekela+ ka gore nna Jehova Modimo wago, ke nna Modimo wa gore o nyaka o tineyela gage a le ntoši,+ wa gore o wolola bana ka taba la tso bopapa ba bona ba di sinnyeng ga leloko la kararo le la kanne la bo ba nhloyyeng,+ 10 mara batho ba go šupetsa gore ba nnyaka ka matla fote ba theetsela melawo yaka, ke nyoko dula ke ba šupetsa gore ke ba nyaka ka matla go segela ga leloko la sekiti.

11 “‘O sa tsoge o dhelele lebitso la Jehova Modimo wago,+ ka gore Jehova a ka sa lisetsi motho wa gore o dhelela lebitso lage a sa mo wolole.+

12 “‘O gopole letšatši la Sabatha gore le dule yi hlawolegiye, go ya ka mokgo Jehova Modimo wago a go butsiyeng.+ 13 Go fele kobodi ya matšatši o maka mmereko wago ka mokana ga wona,+ 14 mara letšatši la kašupa ke Sabatha ya Jehova Modimo wago.+ Go sa be le ye a berekang,+ wene, morwayi wago, morwediya wago, lebhantiti lago la monna kela la mosadi, kgomu yago ya phoolo, bhongholo yago, diphoolwane tsago tsa gaye kela motho wa go tšwa a sepela wa gore o dula mitšing*+ yo o dulang ga yona, gore mo o khutsa, go khutse le lebhantiti lago la monna le la mosadi.+ 15 O sa libale gore ke mo o le lebhantiti nageng ya Egepita, fote Jehova Modimo wago o go ntshiye ga naga yone a berekisa matšhika yage, a wolodiye letsogo lage.+ Nka taba lo Jehova Modimo wago a go butsiyeng gore di nyaka o gopole letšatši la Sabatha.

16 “‘Hlompa papago le mmane wago,+ go ya ka mokgo Jehova Modimo wago a go butsiyeng ka gona, gore o thogo phela nako ya go lefa fote o phomelele ga naga yo Jehova Modimo wago a go neyang yona.+

17 “‘O sa bolaye.+

18 “‘O sa make tsa ka mapaying le mosadi kela monna wa motho ye mongwana.+

19 “‘O sa yetswi.+

20 “‘O sa be hlatse ya go bolabola matsaka ka motho wa genu.+

21 “‘O sa nabele mosadi wa motho wa genu.+ O sa nabele ntlo ya wa genu kela tšhomo yage kela lelata lage la monna kela la mosadi kela kgomu yage ya phoolo kela bhongholo yage kela selo se sengwana le se sengwana sa gore ke sa gage.’+

22 “Jehova o bolabodiye melawo yowa a botsa phutego ka mokana ga yona ku thabeng, a kwagala ka teng ga mollo, ka teng ga liru le mo go tlemme letshwifi,+ ka lentsu la go rasa fote aa yeketsa ka selo ga mantsu yane; ke mokane mantsu yane o ma ngwadiye ga matlapa ka mabedi ya dipsyatla fote a ma neya nna.+

23 “Mara mo le kwa lentsu le tšwa ku letshwifing nakwela thaba yi swa,+ dindhuna tsa maloko ya lune ka mokana ga wona le banna ba bagolo ba tla gaka. 24 Ke mokane lune la re, ‘Jehova Modimo wa rune o re šupetsiye go gadima gage le gore ke ye mogolo go segela kaye, fote re kwile lentsu lage ku mollong.+ Lekgono re bonne Modimo a bolabola le motho, fote motho yene a boya a phela.+ 25 Byalo re kgwela ying mara? Ka gore mollo wo wo mogolo wo ka re tšhubelela. Mo re ka ya mahlong re kene re theetsele lentsu la Jehova Modimo wa rune, re nyoko kgwa. 26 Ka gore ke mang ga batho ka mokana ga bona wa gore o kwile lentsu la Modimo wa go phela le tšwa mollong go tshwana le ka mokgo re le kwileng ka gona ke mokane a ya mahlong a kene a phela? 27 Di nyaka wene o le ntoši o ye ku thina o theetsele ka moka tso Jehova Modimo wa rune a nyoko di hlayang, ke wene o nyoko tlang o re botsa ka mokana ga tsona tso Jehova Modimo wa rune a go botsang tsona, rune re nyoko theetsela ke mokane ra di maka.’+

28 “Byalo Jehova o kwile mantsu ya le mputsiyeng wona, ke mokane yene Jehova a re gaka, ‘Mantsu ya batho bowa ba go butsiye wona ke ma kwile. Ka mokana ga tsona tso ba di hlayyeng di gabutši.+ 29 Ke nabela nkare ba ka dula ba nhlompa ka dipelo tsa bona ka moka,+ ba boya ba theetsela melawo yaka ka mokana ga yona;+ ke mokane tsotsone di nyoko maka gore di ba sepelele gabutši go ya go yye, bona le barwayi ba bona!+ 30 Ariye o segele o re ga bona: “Boyelaneng matenteng ya lune.” 31 Mara wene di nyaka o šale mowa le nna gore ke thogo go botsa melawo ka mokana ga yona, tso di nyakang ba di make le ka mokgo di nyakang ba yahlula ka gona, tso di nyakang gore wene o ba tšhutise tsona le gore bona ba di theetsele mo ba kena nageng yo ke nyoko ba neyang yona.’ 32 Byalo, di nyaka le pasope, le boneneng gore dilo ka mokana ga tsona tso Jehova Modimo wa lune a le botsang tsona le ya di maka.+ Le sa keketleleneng.+ 33 Di nyaka le sepele ka pata yo Jehova Modimo wa lune a le butsiyeng gore le sepele ka yona,+ gore le thogo phela, le phomelele fote le phele nako ya go lefa ga naga yo le nyoko dulang ga yona.+

6 “Byalo, yowa ke melawo le ka mokgo di nyakang le yahlula ka gona, tso Jehova Modimo wa lune a le tšhutisang tsona gore le thogo di maka mo le kena ga naga yo le nyoko dulang ga yona, 2 gore le thogo hlompa Jehova Modimo wa lune le go latelela melawo yage ka mokana ga yona le tso a nyakang gore le di make tsa gore ke le botsa tsona—lune, bana ba lune le ditlogolwane tsa lune+—lephelo la lune ka mokana ga lona gore le thogo phela nako ya go lefa.+ 3 Wene Israyele, di nyaka o theetsele melawo yowa, fote o yi latelele gore o thogo phomelela ke mokane o tlatse naga ya gore yi yela lebese le mamapo, go ya ka mokgo Jehova Modimo wa bokokwane bago a tshepisiyeng.

4 “Theetsela wene Israyele: Jehova Modimo wa rune ke yene Jehova a ntoši.+ 5 O nyake Jehova Modimo wago ka pelo yago ka mokana ga yona, ka bowene*+ byago ka mokana ga byona le ka matšhika yago ka mokana ga wona.+ 6 Mantsu ya ke go botsang wona lekgono di nyaka ma dule pelong yago, 7 di nyaka o ma ngwale pelong* ya bana bago,+ o bolabole ka wona mo o duli ntlong yago, mo o sepela tseleng, mo o yetsela le mo o tsoga.+ 8 O ma tlemelele letsogong lago gore o dule o ma gopola, fote ma tshwane le lepanta la gore o le tlema mo mopong wago.+ 9 O ma ngwale diforemong tsa monyako wago le digheyiting tsago.

10 “Mo Jehova Modimo wago a go leya nageng yo a tshepisiyeng bokokwane bago ba gore ke Abhrahama, Isaka le Jakobo+—gore a thogo go neya mitši ya gore ke ye megolo fote yi bafele ya gore a ya yaga ke wene,+ 11 dintlo tsa gore di tlele ka dilo tsa gabutši tsa gore a wa di berekela, didiba tsa gore a dya yepa ke wene, dibaya tsa didhriva le mehlare ya diolivi ya gore a ya gaša ke wene—o di jile wa boya wa kgotsofala,+ 12 o pasope o sa libale Jehova,+ yene wa gore o go ntshiye nageng ya Egepita, nageng ya gore ne o le lebhantiti ga yona. 13 Di nyaka o hlompe Jehova Modimo wago,+ o mmerekele,+ fote o tshepise ka lebitso lage.+ 14 Le sa rapele medimo ye mengwana, le mo go ka ba medimo ya batho ka mokana ga bona bo le dulang nabo,+ 15 ka taba la gore Jehova Modimo wa lune wa gore o gare ga lune ke Modimo wa gore o nyaka le rapela yene a ntoši.+ Mo le sa make sone, Jehova Modimo wa lune o nyoko le kwatela+ ke mokane a fetsa ka lune mo lefaseng.+

16 “Le sa liketsi Jehova Modimo wa lune+ go tshwana le nakwela le mo liketsa mo le le ku Maasa.+ 17 Le makeneng dilo tso Jehova Modimo wa lune a le botsang tsona le tso a le gopotsang tsona, le latelele melawo yo a le butsiyeng gore le yi latelele. 18 Di nyaka le make dilo tsa gabutši mahlong ga Jehova gore le thogo phomelela, le kene ga naga ya go bafala ya gore Jehova o yi tshepisiye bokokwane ba lune.+ 19 Jehova o makiye tso a di tshepisiyeng ka go raka manaba ya lune ka mokana ga wona mo le soko segela.+

20 “Ku mahlong mo morwayi wago a ka go butsisa gore, ‘Ke ntaba Jehova Modimo wa rune a re neyye melawo yowa, fote a re butsiye gore re yahlule byang?’ 21 o nyoko botsa morwayi wago gore, ‘Ke mo re le mabhantiti ya Faro ku Egepita, mara Jehova o re ntshiye Egepita ka matšhika yage. 22 Byalo Jehova o makiye mešupetso le mehlolo ye megolo ya gore ya tshosa re kene re lebelele, o di makiye ga Maegepita,+ Faro le ba mutši wage ka mokana ga bona.+ 23 Fote o re ntshiye nageng ya Egepita, a re leya howa gore a thogo re neya naga yo a yi tshepisiyeng bokokwane ba rune.+ 24 Ke mokane Jehova a re botsa gore re latelele melawo yowa ka mokana ga yona le gore re hlompe Jehova Modimo wa rune gore dilo di thogo re sepelela gabutši,+ gore re thogo ya mahlong re phela+ go tshwana le mo re yye ra phela go segela gana byalo. 25 Ba nyoko re tseya re lukiye mo re theetsela fote ra maka dilo ka mokana ga tsona tsa gore Jehova Modimo wa rune o yitseri re di make.’+

7 “Mo Jehova Modimo wa lune a le yisa ga naga ya gore le nyoko yi tseya gore go be ya lune,+ o nyoko raka le ditšhaba tsa gore ke tse dikgolo mahlong ga lune:+ ditšhaba tsone ke tsa Mahethe, Maghirighaše, Maamore,+ Makanana, Maperezi, Mahivi le Majebuse,+ ditšhaba tsowa kašupa ya tsona di na le batho ba go tlala go le phala fote di na le matšhika ya go phala ya lune.+ 2 Jehova Modimo wa lune o nyoko le neya bona gore le ba hlule.+ Le nape le fetsa ka bona.+ Le sa make kwano nabo kela la ba kwela go baba.+ 3 Le sa šadhe nabo. Barwediya ba lune ba sa šadhe le barwayi ba bona fote le barwediya ba bona ba sa šadhe le barwayi ba lune.+ 4 Ka taba la gore ba nyoko maka gore barwayi ba lune ba lisetse go mperekela ke mokane ba berekele medimo ye mengwana;+ ke mokane Jehova o nyoko le kwatela, a yakgoswa a fetsa ka lune.+

5 “Mara tsowa ke tso di nyakang le ba make tsona: Le wisanye dialetare tsa bona, le sinyanye dikholomo tsa bona tsa go hlawolega,+ le kupe diphate tsa bona tsa go hlawolega*+ fote le tšhube medimo ya bona ya dithombhe.+ 6 Ka taba la gore ke lune batho ba go hlawolega ga Jehova Modimo wa lune, fote Jehova Modimo wa lune o le kgetiye gore le be batho bage ba go hlawolega go phala batho ka mokana ga bona ba ho lefaseng.+

7 “Mo Jehova a šinya a le hlawola a boya a le kwela go baba,+ ne yi se ka taba la gore lune le tlele go phala ba bangwana ka gore ga batho ka mokana ga bona, ke lune ba gore ke mo le sa tlala.+ 8 Jehova o makiye ka mokgonone ka taba la gore ke mo a le nyaka ka matla le ka taba la dilo tso a di tshepisiyeng bokokwane ba lune,+ nka taba lo Jehova a le ntshiyeng ku nageng ya bobhantiti a berekisa matšhika+ yage ga gore Kgoši Faro wa Egepita ke mo a le gatelele. 9 Le di tšiba gabutši tsa gore Jehova Modimo wa lune ke Modimo wa mannete, wa gore wa tshepega, wa gore aa jiki mo a makiye kwano fote o dula a šupetsa batho gore wa ba nyaka go yisa ga leloko la sekiti la batho ba gore baa mo nyaka, ba gore fote ba theetsela melawo yage.+ 10 Mara ba gore ba mo hloyye o nyoko ba patedisa, ba nyoko kraya so se ba tshwaneleng.+ Fote tsotsone o nyoko yakgoswa a di maka. 11 Byalo, makaneng tso ke le botsang tsona lekgono, le theetsele melawo le gore di nyaka le yahlula byang.

12 “Mo le ka ya mahlong le theetsela ka mokgo di nyakang le yahlule ka gona la boya la di maka, Jehova Modimo wa lune a ka sa jiki ga kwano yela a yi makiyeng, fote o nyoko fo dula a le nyaka ka mokgo a tshepisiyeng bokokwane ba lune. 13 O nyoko le nyaka ka matla, a le rufa a boya a maka gore le tlale. O nyoko le rufa ka bana ba go tlala+ le ka mobu wa go tsifa, mabele, wayini ya nyuwane, makgura,+ dinamane tsa morape wa dikgomu tsa lune le dinkunyana tsa merape ya lune ga naga yo a yi tshepisiyeng bokokwane ba lune gore o nyoko le neya yona.+ 14 Lune le nyoko rufiwa go phala batho ka mokana ga bona;+ a go na monna kela mosadi ho gare ga lune wa gore o ko ba a se na ngwana, fote le diphoolwane tsa lune di ko ba di na le bana.+ 15 Jehova o nyoko tlosa malwele ka mokana ga wona hone ga lune, fote a ka sa leye malwele ya mangwana ya go tshosa hone ga lune ya gore le ma tšibela Egepita.+ Mara o nyoko ma leya ga batho ba gore ba le hloyye ka mokana ga bona. 16 Le nyoko hlula* batho ka mokana ga bona bo Jehova Modimo wa lune a ba leyang ga lune gore le ba hlule.+ Le sa ba kwele baba,+ fote le sa rapele medimo ya bona+ ka taba la gore tsotsone go nyoko ba go le molabo ga lune.+

17 “Mo le ka hlaya ka ho dipelong tsa lune la re, ‘Ka gore ditšhaba tsowa di ya re feta, re nyoko di hlula byang?’+ 18 le sa ba tšhabe.+ Di nyaka le gopole tso Jehova Modimo wa lune a di makiyeng Faro le batho ka mokana ga bona ba Egepita,+ 19 le dilo tsa go baba tso le di bonneng ka maahlo ya lune, mešupetso le mehlolo,+ dilo tsa go makatsa tso ke di makiyeng tsa gore Jehova Modimo wa lune o le ntshiye ga tsona.+ Tsotsone ke tso Jehova Modimo wa lune a di makelang batho ka mokana ga bona ba gore baa mo hlompa.+ 20 Jehova Modimo wa lune o nyoko maka gore ba tšhoge go segela go fela ka bo ne ba šele+ le bo ne ba le wutamela. 21 Ba sa le tshose, ka taba la gore Jehova Modimo wa lune o na le lune,+ Modimo wa gore o na le matšhika fote o makiye dilo tsa go makatsa.+

22 “Jehova Modimo wa lune o nyoko ntsha ditšhaba tsowa mahlong ga lune ka gonyana ka gonyana.+ A ka sa dumele gore le fetse ka bona ka go yakgoswa, gore diphoolwane tsa hlaga di sa yeketsege ke mokane dya tlala ka matla go le phala. 23 Jehova Modimo wa lune o nyoko le neya bona, fote o nyoko ba hlula go segela go sa sa na motho.+ 24 O nyoko maka gore le hlule magoši ya bona,+ la boya la sula mabitso ya bona ka tlase ga magedimo.+ Aa šiyo le ka wwoši wa gore o nyoko le tšhinghela,+ go segela le fetsa ka bona.+ 25 Di nyaka le tšhube medimo ya dithombhe yo ba yi makiyeng.+ Le sa nabele silva le gholdi tsa bona kela la di tseya,+ gore di sa le tanye ka gore ke selo sa go silikisa ga Jehova Modimo wa lune.+ 26 Le sa tseye dilo tsa go silikisa le di yisa dintlong tsa lune, gore go sa fele ka lune go tshwana natso. Go nyaka di le silikise fote le di hloye ka matla, ka gore ke dilo tsa gore di nyoko maka gore le kgwe.

8 “Le make dilo ka mokana ga tsona tso ke le botsang tsona lekgono, gore le thogo ya mahlong le kene le phela,+ le belege bana ba go tlala fote le kene le boye le dule nageng yo Jehova a yi tshepisiyeng bokokwane ba lune.+ 2 Le sa libale gore Jehova Modimo wa lune o makiye gore go fele 40 ya mengwaga le sepela ku mašahleng,+ gore a thogo maka gore le be batho ba go tinyanafatsa,+ a thogo bona gore dipelo tsa lune di kekemele ka kaye,+ le gore le nyoko theetsela melawo yage kela awwa. 3 Byalo, a maka gore le tinyanafatse, a maka gore le bolaye ke tlala+ ke mokane a le neya manna+ ya gore ne le sa ma tšibi fote le bokokwane ba lune ne ba sa ma tšibi, gore a thogo le šupetsa gore motho a ka sa phele ka sekgwa fela mara o nyoko phela le ka lentsu le lengwana le le lengwana lo le tšwang molomong wa Jehova.+ 4 Ga 40 ya mengwaga yone, dikobo tsa lune tso ne le di yapara a dya hlagala, fote le mawoto ya lune a maa roroga.+ 5 Le di tšiba gabutši gore Jehova Modimo wa lune ke mo a le wolola go fo tshwana le mo papa a wolola morwayi wage.+

6 “Byalo, di nyaka le theetsele melawo ya Jehova Modimo wa lune, le sepele ka ditsela tsage fote le mo hlompe. 7 Ka taba la gore Jehova Modimo wa lune o le yisa ga naga ya go bafala+ ya gore yi na le mesela ya meetši, didiba le meetši ya go yisa ya gore ma yelela mo go nang le moyedi le ku dipolekeng tsa dithabeng, 8 ga gore go na le korong, dithoro tsa mabele,* mehlare ya didhriva, mehlare ya mago le magarenate,+ ga gore go na le makgura ya go makiwa ka diolivi gwa boya gwa ba le mamapo,+ 9 naga ya gore yi na le tsa go ja tsa go tlala fote le ka sa gayele selo, ga gore matlapa ya gona ma na le tshipi fote le nyoko yepa koporo ku dithabeng.

10 “Mo le jile fote le kguri, le thanake Jehova Modimo wa lune ka gore o le neyye naga ya go bafala.+ 11 Le pasope le sa libale Jehova Modimo wa lune, la lisetsa go maka tso ke le botsang tsona lekgono, la sa theetsele melawo yage le ka mokgo di nyakang le yahlula ka gona. 12 Mo le ja fote le kgora, ke mokane le yaga dintlo tsa go bafala, le dula ga tsona,+ 13 mo dikgomu tsa lune, dinku tsa lune, silva ya lune le gholdi ya lune di yeketsega fote le ba le dilo tsa go tlala, 14 le sa be le magetla,+ wa kraya le libala Jehova Modimo wa lune wa gore o le ntshiye nageng ya Egepita, ga naga ya gore ke mo le le mabhantiti ga yona,+ 15 wa gore o makiye gore le sepele mašahleng ya magolo ya gore maa tshosa,+ ma na le dinoga tsa go ba le tšhefu, bomankopelane, ga gore mo fase go tšharugiye fote a go na meetši. O makiye gore meetši ma tšwe letlapeng,+ 16 fote nakwela le le ku mašahleng o le neyye manna+ ya gore bopapa ba lune ke mo ba sa ma tšibi, gore le thogo tinyanafatsa+ le gore a le liketse gore dilo di thogo le sepelela gabutši ku mahlong.+ 17 Mo o ka hlaya ka ho pelong yago wa re, ‘Dilo tso ke ghannyeng ka tsona ke di krayye ka matšhika yaka fote ke ro timakela tsona ka matsogo yaka,’+ 18 le sa libale gore Jehova Modimo wa lune ke yene a le neyang matšhika gore le ghanye,+ a ko thogo maka tso a di tshepisiyeng nakwela a maka kwano le bokokwane ba lune go fo tshwana le ka mokgo a makiyeng go segela le lekgono lowa.+

19 “Mara mo le ka libala Jehova Modimo wa lune, la berekela medimo ye mengwana la boya la yi kgotamela, ke ya le tshepisa lekgono lowa gore go nyoko fela ka lune.+ 20 Go nyoko fela ka lune go tshwana le ditšhaba tso Jehova a fetsang ka tsona le kene le lebelele, ka taba la gore le ko ba le sa theetsele lentsu la Jehova Modimo wa lune.+

9 “Theetsela wene Israyele, lekgono o nyoko tshila nooka ya Jorodane+ gore o tseye naga ya gore yi na le ditšhaba tse dikgolo tsa gore di na le matšhika ya go phala yago,+ naga ya gore yi na le mitši ye megolo ya gore yi yagelediwwe ka mapharo ya magolo ka matla go segela ku magedimong,+ 2 batho ba go tlala ba gore fote ba lefiye, barwayi ba Anakhimi,+ ba gore wa ba tšiba ba gore o kwile batho ba bolabola ka bona ba re, ‘Ke mang wa gore a ka lwa le barwayi ba Anake?’ 3 Byalo, o di tšibe lekgono gore Jehova Modimo wago o nyoko go yeta mahlong.+ O tshwana le mollo wa go gagara,+ fote o nyoko fetsa ka bona. O nyoko ba hlula mahlong ga lune gore le thogo ba raka fote le fetse ka bona, go ya ka mokgo Jehova a le tshepisiyeng.+

4 “Mo Jehova Modimo wa lune a ba raka mahlong ga lune, le sa nagane ka hone dipelong tsa lune la re, ‘Nka taba la gore rune re lukiye mo Jehova a maka gore re kene ga naga yowa.’+ Mara le tshwanele le di tšibe gore nka taba la gore ditšhaba tsowa+ a dya loka mo Jehova a šinya a di raka mahlong ga lune. 5 A le ye go ye dula ku nageng ya bona ka taba la gore le lukiye kela le ya tshepega. Mara Jehova Modimo wa lune o raka ditšhaba tsowa mahlong ga lune+ gore a thogo maka so Jehova a se tshepisiyeng bokokwane ba lune Abhrahama,+ Isaka+ le Jakobo+ ka taba la gore ditšhaba tsowa a dya loka. 6 Byalo, le di tšibeneng gore a yi ka taba la gore le lukiye mo Jehova Modimo wa lune a le neya naga yowa ya gabutši gore go be ya lune, ka taba la gore lune le womme dihlogo.+

7 “Le sa tsoge le libele ka mokgo le kwatisiyeng Jehova Modimo wa lune ku mašahleng.+ Go tlugisela ka letšatši lo le tšwileng nageng ya Egepita go segela le kena ga poleke yowa, le jikele Jehova.+ 8 Le ku Horebe le kwatisiye Jehova, fote Jehova ke mo a le kwatele ka matla tsa gore ke mo a nyaka le go fetsa ka lune.+ 9 Nakwela ke ya ku thabeng gore ke ye tseya matlapa yala ya dipsyatla+ ya gore ne ma na le kwano yo Jehova a yi makiyeng le lune,+ ke fetsiye 40 ya matšatši le 40 ya mašego+ ke le ku thabeng ke sa ji tsa go ja fote ke sa nwe meetši. 10 Byalo Jehova o nneyye matlapa ka mabedi ya dipsyatla ya gore ma ngwadiwwe ka senwana sage, fote ga wona ke mo go na le mantsu ka mokana ga wona ya gore Jehova o ma bolabodiye ku thabeng a berekisa mollo ka letšatši la mogahlano.+ 11 Mo go fediye 40 ya matšatši le 40 ya mašego, Jehova o nneyye matlapa ka mabedi ya dipsyatla, matlapa ya go ba le kwano yela, 12 ke mokane Jehova a re gaka, ‘Tlogamela, o yakgoswe o thewoge hone thabeng, ka taba la gore batho bago bo o ba ntshiyeng nageng ya Egepita ba sinnye.+ A dya ba tseya nako gore ba lisetse go maka tso ke ba butsiyeng gore ba di make. Ba timakele sethombhe sa tshipi.’+ 13 Ke mokane Jehova a re gaka, ‘Ke di bonne tsa gore batho bowa ba womme dihlogo.+ 14 Ntisetse ke fetse ka batho bowa fote ke sule mabitso ya bona ho lefaseng, ke mokane ke make gore wene o be setšhaba sa gore se na le matšhika sa gore fote ke se segolo go phala sa bona.’+

15 “Byalo ka sologa ka thewoga thaba yela yi kene yi swa,+ ke mokane matlapa yala ya dipsyatla ya go ba le kwano ke mo ke ma tshwere ka matsogo.+ 16 Ke mokane ka bona gore le sinyele Jehova Modimo wa lune! Le timakele senamane ka tshipi. Le yakgoswiye le lisetsa tsela yo Jehova a hlayyeng gore le yi latelele.+ 17 Byalo, ka tseya matlapa yala ya dipsyatla ka mabedi ka ma bošela ho fase ka matsogo yaka ka mabedi, ka ma pshyayanya mahlong ga lune.+ 18 Ke mokane ka fetsa 40 ya matšatši le 40 ya mašego, ke yinamme mahlong ga Jehova go tshwana le mathomisong. Ke mo ke sa ji tsa go ja fote ke sa nwe meetši,+ ka taba la dilo ka mokana ga tsona tso le di sinnyeng, la boya la maka dilo tsa go befa mahlong ga Jehova la mo kwatisa. 19 Ka taba la gore ne ke tshusiye ke gore Jehova ne a le kwatele,+ fote ne a nyaka go le bolaya. Mara le ka nako yone Jehova a ntheetsela.+

20 “Jehova ne a kwatele Aroni la go šinya a nyaka le go mmolaya,+ mara ka nako yonone ka rapela Modimo gore a sa mmolaye. 21 Byalo ka tseya senamane sela sa gore le se makiye sa go šupetsa gore le sinnye,+ ka se tšhuba ka mollo; ke mokane ka se pshyaya mo fase go segela go ba lerole, ka tseya lerole la sona ka le tšhela teng ga senookane sa gore se yela se tšwa thabeng.+

22 “Go tokegela gana hone, le kwatisiye Jehova ku Tabhera,+ Maasa+ le Kibhorothe-hatava.+ 23 Nakwela Jehova a le romela Kadeše-bharaneya+ a re ga lune, ‘Ariyeneng le ye tseya naga yo ke nyoko le neyang yona!’ Lune la tšhingha la sa theetsele tso Jehova Modimo wa lune a le botsang tsona,+ fote a le ya dumela gage+ fote a le ya mo theetsela. 24 Ke mo le tšhinghela Jehova go tlugisela mo nna ke le tšiba.

25 “Byalo ke fetsiye 40 ya matšatši le 40 ya mašego ke yinamme mahlong ga Jehova,+ ke makiye ka mokgonone ka taba la gore Jehova o yitseri o nyaka go le bolaya. 26 Ka thomisa go rapela Jehova ke šwennye, ka re gage, ‘Barena wene Jehova Morena wa Malenghelengheng o sa bolaye batho bowa. Ka taba la gore ke batho bago+ bo wene mong o tihlawoleleng bona, ba gore o ba phonisiye ka matšhika yago wa boya wa ba ntsha Egepita o berekisa matšhika yago.+ 27 Nagana ka malata yago Abhrahama, Isaka le Jakobo.+ O sa yi tseyele hlogong taba ya gore batho bowa ba womme dihlogo, a baa loka fote ba sinnye.+ 28 Ka gore mo o ka sa di make, batho ba naga yo o re ntshiyeng ga yona ba ka re: “Jehova o šitegiye go yisa batho bowa ga naga yo ne a ba tshepisiye gore o nyoko ba neya yona, fote ka taba la gore ne a ba hloyye, o ba yisiye mašahleng gore a thogo ba bolayela gona.”+ 29 Ka taba la gore ke batho bago ba gore ba hlawolegiye,+ ba gore o ba ntshiye ka letsogo lago la go wolologa le ka matšhika yago ya magolo.’+

10 “Ka nako yonone, Jehova a re gaka, ‘Timakele matlapa ka mabedi ya dipsyatla ya go tshwana le yala ya mathomo,+ ke mokane o tle nawo gaka howa thabeng; fote o timakele le areka o berekisa kwata. 2 Fote mo gedimo ga wona ke nyoko ngwala mantsu yala ya gore ne ke ma ngwadiye ga matlapa yala ya mathomo ya gore o ma pshyayye, fote o ma beye ka teng ga areka.’ 3 Byalo ka maka areka ka kwata ya mohlare wa moreke, fote ka maka matlapa ka mabedi ya dipsyatla ya go tshwana le yala ya mathomisong ke mokane ka ya nawo ku thabeng ke ma tshwere ka matsogo.+ 4 Byalo a ngwala mantsu ya go tshwana le yala ya mathomo ga matlapa yane ya dipsyatla,+ o ngwadiye Lesome la Melawo+ ya gore Jehova o le butsiye yona ku thabeng a berekisa mollo+ ka letšatši la mogahlano;*+ fote Jehova o nneyye wona. 5 Ke mokane ka jika ka thewoga mone thabeng,+ fote ka tseya matlapa yala ya dipsyatla ka ma tšhela arekeng yo ke yi makiyeng, gore ma dule gona, go ya ka mokgo Jehova a mputsiyeng.

6 “Ke mokane Maisrayele ma tloga Bherothe Bhene-jakane ma ya Mosera. Aroni a kgwela gana hone fote ba mmolokela gona,+ ke mokane morwayi wage Eliyazara a thomisa go ba moprista sekgaleng sage.+ 7 Ba tloga mone ba ya Ghudighoda, ke mokane mo ba tloga Ghudighoda ba ya Jotebhatha+ ga poleke ya gore yi na le dinooka.

8 “Ka nako yonone, Jehova a hlawola leloko la Llifi+ gore le rwale areka ya go kwanisanya ya Jehova+ le go bereka mahlong ga Jehova, go thanaka le go rufa batho ka lebitso lage+ go tshwana le ka mokgo ba makang ka gona lekgono. 9 Tsotsone ke tsona di makiyeng gore Llifi a sa kraye lefa le bobhuti bage. Jehova ke yene lefa la bona go ya ka mokgo Jehova Modimo wa lune a mmutsiyeng.+ 10 Byalo ka dula ku thabeng 40 ya matšatši le 40 ya mašego go tshwana le mathomisong,+ fote le gana byalo Jehova a ntheetsela.+ Jehova ne a sa nyake go fetsa ka lune. 11 Byalo Jehova a re gaka, ‘Lukiselela go sepela, o yete batho bowa mahlong, gore ba thogo kena ga naga yone fote ba tseye naga yo ke yi tshepisiyeng bopapa ba bona gore go nyoko ba ya bona.’+

12 “Byalo wene Israyele, Jehova Modimo wago o nyaka o make ying?+ O nyaka o make sowa fela: o hlompe Jehova Modimo wago,+ o make se sengwana le se sengwana so a go botsang sona,+ o mo nyake ka matla, o boye o berekele Jehova Modimo wago ka pelo yago ka mokana ga yona, bowene* byago ka mokana ga byona,+ 13 le go theetsela melawo le ditšhiko tsa Jehova tso ke go botsang tsona lekgono gore dilo di thogo go sepelela gabutši.+ 14 Magedimo ke ya Jehova Modimo wago, le magedimo ya magedimo, le lefase le dilo ka mokana ga tsona tso di leng ga lona.+ 15 Mara Jehova o šupetsiye bokokwane ba lune gore o ba nyaka ka matla fote o kgetiye lune ditlogolwane tsa bona+ gare ga batho ka mokana ga bona, go ya ka mokgo le di bonang ka gona lekgono. 16 Di nyaka le yedise dipelo tsa lune,+ fote le lisetse go tiwomisa dihlogo.+ 17 Ka gore Jehova Modimo wa lune ke Modimo wa medimo+ fote ke Morena wa marena, Modimo wa gore ke ye mogolo ka matla, o na le matšhika fote dilo tso a di makiyeng di makatsa ka matla, wa gore aa hlawolane+ fote aa dhiziwi. 18 Ngwana wa gore aa na papa le mosadi wa gore o kgwele ke monna+ o ba yahlula gabutši, motho wa gore o tšwa a sepela+ o mo nyaka ka matla, a boya a mo neya tsa go ja le tsa go yapara. 19 Batho ba go tšwa ba sepela le ba nyake ka matla ka taba la gore le lune ke mo le le batho ba go tšwa ba sepela ga naga ya Egepita.+

20 “Di nyaka le hlompe Jehova Modimo wa lune,+ le berekele yene, le tshepege gage fote le tshepiseneng ka lebitso lage. 21 Di nyaka le thanake yene.+ Ke Modimo wa lune wa gore o le makele dilo ka mokana ga tsona tse dikgolo le tsa go makatsa tso le di bonneng ka maahlo ya lune.+ 22 Mo bokokwane ba lune ba ya Egepita ke mo ba le 70,+ mara gana byalo Jehova Modimo wa lune o makiye gore le tlale go tshwana le dinanedi tsa ku magedimong.+

11 “Ga Jehova Modimo+ wa lune le mo nyake ka matla fote le dule le maka dilo tso le mo tshepisiyeng tsona, le latelele ditšhiko tsage fote le yahlule ka mokgo a reng le yahlule ka gona le boye le latelele le melawo yage. 2 Le ya di tšiba gore lekgono ke bolabola le lune, a ke bolabole le barwayi ba lune ba gore a ba tšibi ka mokgo Jehova Modimo wa lune a wololang batho fote a baa di bona dilo tso a di makiyeng,+ matšhika+ yage le letsogo lage+ la gore le wolologiye. 3 A baa bona mešupetso yage le dilo tso a di makiyeng ku Egepita ga kgoši Faro wa Egepita le ga naga yage ka mokana ga yona;+ 4 kela tso a di makiyeng masole ya Egepita, dipera tsa Faro le dikotšikara tsage tsa ntwa tsa gore di tsere ke meetši ya Lewatle le Lekhubedu nakwela ba le lelekisa, fote Jehova a fetsa ka bona.+ 5 A baa di bona tso a le makeleng tsona nakwela le le ku mašahleng go segela le tla howa, 6 kela tso a di makiyeng ga Dathani le Abhiramo ba gore ke barwayi ba Eliyabho morwayi wa Rubeni nakwela lefase le bulega le ba kgwisa, bona le ba mitši ya bona le matente ya bona le batho ka mokana ga bona ba gore ne ba ba latelela, mahlong ga Maisrayele ka mokana ga wona.+ 7 Maahlo ya lune ma bonne dilo ka mokana ga tsona tsa go makatsa tso Jehova a di makiyeng.

8 “Le tshwanele le theetsele molawo ka mokana ga wona wo ke le botsang wona lekgono, gore le thogo tiyelela ke mokane le thogo tshilela ka ku mosekola le kene ga naga yo le nyoko yi tseyang gore go be ya lune, 9 le gore le thogo phela nako ya go lefa+ ga naga yo Jehova a tshepisiyeng gore o nyoko yi neya bokokwane ba lune le bana* ba bona,+ ya gore yi yela lebese le mamapo.+

10 “Naga yo le yang ga yona a yi tshwane le naga ya Egepita yo le tšwang ga yona, ga gore ke mo le gaša pewu fote ne le tshwanele le bereke ka matla gore le tšheletse tšhomo yo le gašiyeng ga yona go tshwana le mo le tšheletsa tšhomo ya merogo. 11 Mara naga yo le nyoko tshilelang ga yona gore le yi tseye go be ya lune, ke naga ya go ba le dithaba le meyedi.+ Yi tšheletsa ke pula;+ 12 ke naga ya gore yi pasopa ke Jehova Modimo wa lune. Maahlo ya Jehova Modimo wa lune ma dula ma yi lebelele, go tlugisela mo mongwaga wo thoma go segela mo wo fela.

13 “Fote mo le ka ya mahlong le theetsela melawo yo ke le botsang yona lekgono, fote la nyaka Jehova Modimo wa lune la boya mmerekela ka dipelo tsa lune ka moka le ka maphelo* ya lune ka moka,+ 14 ke nyoko nisa pula ka nako mone nageng ya lune, pula ya lehlabula le pula ya mo mehlare yi bhloma, ke mokane lune le nyoko kgobaketsa mabele ya lune le wayini ya lune ya nyuwane le makgura ya lune.+ 15 Ke mokane diphoolwane tsa lune ke nyoko di midisela mabyang, le lune le nyoko ja tsa go ja la kgotsofala.+ 16 Le bone le sa kraye dipelo tsa lune di šele di keketlela, wa kraya le rapela medimo ye mengwana le go yi kgotamela.+ 17 Ka gore mo le ka maka ka mokgonone Jehova o nyoko le kwatela, a maka gore pula+ yi sa sa na fote mo fase gwa sa sa mila selo, ke mokane lune go nyoko yakgoswa go fela ka lune mone ga naga ya go bafala yo Jehova a le neyyeng yona.+

18 “Di nyaka le beye mantsu yawa ho dipelong tsa lune le maphelong ya lune, le ma tlemelele ho letsogong gore le dule le ma gopola, fote ma tshwane le lepanta la gore le le tlemelela ho dihlogong tsa lune.+ 19 Le ma tšhutiseneng bana ba lune, le bolabole ka wona mo le duli dintlong tsa lune, mo le sepela tseleng, mo le yetsela le mo le tsoga.+ 20 Le ma ngwaleneng menyako ya dintlo tsa lune le digheyiting tsa lune, 21 gore lune le bana ba lune le thogo phela nako ya go lefa+ ga naga yo Jehova a yi tshepisiyeng bokokwane ba lune,+ solanka magedimo ma sa le ka gedimo ga lefase.

22 “Mo o ka dula o theetsela molawo wo ke go neyang wona fote o wo berekisa, o nyaka Jehova Modimo wago ka matla,+ o sepela ka ditsela tsage ka mokana ga tsona fote o mo ngangarela,+ 23 Jehova o nyoko raka ditšhaba tsowa ka mokana ga tsona mahlong ga lune,+ fote le nyoko lawola ditšhaba tsa gore ke tse dikgolo, tsa gore di tlele ka matla go phala lune.+ 24 Naga ye nngwana le ye nngwana yo le yang ga yona go nyoko ba ya lune.+ Go thomisa ku mašahleng go segela Lebhanoni, le go tlugisela Nookeng, nooka ya Eforate, go segela ka bodikela bya lewatle, ke mo naga ya lune yi nyoko kgerang gona.+ 25 Aa šiyo wa gore o nyoko lwa le lune.+ Jehova Modimo wa lune o nyoko maka gore batho ba naga yo le ko bang le sepela ga yona ba le tšhabe,+ go ya ka mokgo a le tshepisiyeng.

26 “Byalo lekgono ke le neya dipheto ka dipedi, le ka kgeta go rufiwa kela la kgeta senyama:+ 27 mo le ka theetsela melawo ya Jehova Modimo wa lune yo ke le botsang yona lekgono, le nyoko rufiwa,+ 28 mara mo le ka sa theetsele melawo ya Jehova Modimo wa lune,+ la boya la sa theetsele dilo tso ke le botsang tsona lekgono ke mokane la latelela medimo ya dithombhe ya gore a le yi tšibi, le nyoko wela ke senyama.

29 “Mo Jehova Modimo wa lune a le leya ga naga yo le nyoko dulang ga yona, di nyaka le rufe Thaba ya Gherizimi ke mokane le rogelele Thaba ya Ebhali.+ 30 Di ka nthoko yela ya bodikela bya Jorodane, nageng ya Makanana ya gore ma dula Arabha ya gore yi mahlong ga Ghilighala, thina le mehlare ye megolo ya Moore.+ 31 Le nyoko tshila nooka ya Jorodane ke mokane la dula ga naga yo Jehova Modimo wa lune a le neyang yona.+ Mo le segela le yi tseya gore le dule ga yona, 32 di nyaka le latelele ditšhiko ka mokana ga tsona le ka mokgo di nyakang le yahlula ka gona tso ke le botsang tsona lekgono.+

12 “Tsowa ke melawo le ka mokgo di nyakang le yahlula ka gona nako ka moka mo le kene le sa phela ga naga yo Jehova Modimo wa bokokwane ba lune a nyoko le neyang gore le dule ga yona. 2 Di nyaka le sinyanye dipoleke ka mokana ga tsona tsa gore ditšhaba tso le nyoko di hlulang ne di rapela medimo ga tsona,+ le mo go ka ba thabeng kela mmotong kela fase ga mohlare wo mongwana le wo mongwana wo mo tala. 3 Di nyaka le wisanye dialetare tsa bona, le pshyayanye dikholomo tsa bona tsa go hlawolega,+ le tšhube diphate tsa bona tsa go hlawolega mollong, le sinyanye medimo ya bona ya dithombhe,+ tsotsone di nyoko maka gore mabitso ya medimo ya bona yi kgwelele mone nageng.+

4 “A di nyake le rapela Jehova Modimo wa lune ka mokgonone.+ 5 Mara di nyaka le ye ga poleke ya gore Jehova Modimo wa lune o nyoko yi kgeta gore lebitso lage le dule ga yona, ya gore yi nyoko ba ga leloko le lengwana mone ga maloko ya lune ka mokana ga wona, fote le mo rapele gana hone.+ 6 Gana hone ke gona ga gore le nyoko leya dihlabelo tsa lune tsa go tšhubiwa,+ dihlabelo tsa lune, sa lesome,+ meneyelo ya lune,+ dihlabelo tsa lune tsa go maka kano, dihlabelo tsa lune tsa gore le fo kwa le nabela go di maka,+ le letšibula la kgomu le la nku kela pudi.+ 7 Lune le ba mitši ya lune di nyaka le je mone mahlong ga Jehova Modimo wa lune,+ fote le jabodise ke dilo tso le di makiyeng ka mokana ga tsona+ ka taba la gore Jehova Modimo wa lune o le rufiye.

8 “A le ya tshwanela go maka ka mokgo re makang ka gona mowa lekgono, tsa gore motho ye mongwana le ye mongwana o maka ka mokgo a bonang di lukiye mahlong gage,* 9 ka taba la gore a le soko segela ga poleke yo le nyoko khutselang ga yona+ le naga ya gore Jehova Modimo wa lune o le neya yona go le lefa. 10 Mo le ka tshila Jorodane+ ke mokane la dula ga naga yo Jehova Modimo wa lune a le neyang gore le dule ga yona, o nyoko le pasopa ga manaba ya lune ka mokana ga wona ya ma le dukulugeleng, fote le nyoko dula mone le sa tšhoge selo.+ 11 Le nyoko leya dilo ka mokana ga tsona tso ke le butsiyeng tsona ga poleke ya gore Jehova Modimo wa lune o kgetiye gore lebitso lage le thanakiwe gona+—le nyoko leya dihlabelo tsa lune tsa go tšhubiwa, dihlabelo, sa lesome,+ meneyelo ya lune le sehlabelo se sengwana le se sengwana sa gore le tshepisiye Jehova gore le nyoko mo neya sona. 12 Le nyoko jabola mahlong ga Jehova Modimo wa lune,+ lune le barwayi ba lune, barwediya ba lune, mabhantiti ya lune ya banna le ya basadi le Malifi ya ma dulang mitšing* ya lune ka taba la gore wona a maa kraya lefa gare ga lune.+ 13 Le pasope le sa kraye le makiye dihlabelo tsa go tšhubiwa ga poleke ye nngwana le ye nngwana yo le yi bonang.+ 14 Di nyaka le yise dihlabelo tsa lune tsa go tšhubiwa ga poleke yo Jehova a nyoko yi kgetang ga ye nngwana ya dipoleke tsa maloko ya lune, gana hone ke mo di nyakang le maka selo se sengwana le se sengwana so ke le botsang sona.+

15 “Mara ka moka nako mo le kwa le nabela nama,+ le hlabeneng le je go ya ka mokgo Jehova Modimo wa lune a le rufiyeng ka gona ga dipoleke ka mokana ga tsona tso a le neyyeng tsona. Motho wa gore aa yela le wa gore o yediye le bona ba ka ja, go fo tshwana le mo le ja phala kela letlabo. 16 Mara le sa ji madi ya tsona;+ di nyaka le ma falatse mo fase nkare ke meetši.+ 17 Ba ka sa le dumelele go ja dilo tsone mitšing ya lune, tsa go tshwana le sa lesome sa mabele ya lune, wayini ya lune ya nyuwane, makgura ya lune, letšibula la kgomu le la nku kela la pudi,+ dihlabelo tso le di makang tsa go maka kano, dihlabelo tso le di makang tsa mo le fo kwa le nabela go di maka kela meneyelo ya lune. 18 Dilo tsone le nyoko di ja mahlong ga Jehova Modimo wa lune ga poleke yo Jehova Modimo wa lune a nyoko yi kgetang+—lune le barwayi ba lune, barwediya ba lune, mabhantiti ya lune ya banna le ya basadi le Malifi ya gore ma dula mone nageng ya lune; fote le nyoko jabola mahlong ga Jehova Modimo wa lune ka dilo ka mokana ga tsona tso le di makiyeng. 19 Le sa lisetsi go pasopa Malifi+ solanka le sa dula nageng ya lune.

20 “Mo Jehova Modimo wa lune a gudisa poleke ya lune+ go ya ka mokgo a le tshepisiyeng,+ ke mokane lune la re, ‘Rune re nyaka nama,’ ka taba la gore le nabela go ja nama, le je nama yone nakwenngwana le ye nngwana mo le yi nabela.+ 21 Mo nkare poleke yo Jehova Modimo wa lune a yi kgetang gore lebitso lage+ le thanakiwe ga yona yi kgole le lune, di nyaka le bolaye dikgomu tse dingwana ga morape wa lune le dinku kela dipudi ga morape wa lune tso Jehova a le neyyeng tsona, go fo ya ka mokgo ke le butsiyeng ka gona, le di je ka mo mitšing ya lune nako ye nngwana le ye nngwana mo le kwa le di nabela. 22 Le ka di ja go tshwana le mo le ja phala kela letlabo;+ fote motho wa gore aa yela le wa gore o yediye ba ka di ja. 23 Di nyaka le dule le tiputsiye gore madi le ka sa ma ji,+ ka taba la gore madi ke lephelo,+ byalo a di nyake le ja lephelo le nama. 24 Le sa ma ji. Le ma falatse mo fase go tshwana le meetši.+ 25 Le sa tsoge le ma jile gore dilo di le sepelele gabutši, fote di sepelele le bana ba lune gabutši, ka taba la gore le maka dilo tsa gabutši mahlong ga Jehova. 26 Mo le tla ga poleke yo Jehova a nyoko yi kgetang, di nyaka le tle le dilo tsa lune tsa go hlawolega le dihlabelo tsa lune tsa mo le tshepisa. 27 Gana mone di nyaka le neyele ka dihlabelo tsa lune tsa go tšhubiwa, nama le madi ya tsona,+ le di makeleneng aletareng ya Jehova Modimo wa lune, ke mokane madi ya dihlabelo tsa lune le ma tšheleneng mone aletareng+ ya Jehova Modimo wa lune, mara nama yona le ka yi ja.

28 “Le pasopeneng gore le theetsele mantsu ka mokana ga wona ya ke le botsang wona, gore dilo di dule di le sepelela gabutši fote di dule di sepelela barwayi ba lune gabutši, ka taba la gore le maka dilo tsa gabutši le tsa go loka mahlong ga Jehova Modimo wa lune.

29 “Mo Jehova Modimo a fetsa ka ditšhaba tsa gore le nyoko di hlula+ ke mokane lune la ye dula nageng ya tsona, 30 le pasope le sa wele sifung, wa kraya le maka dilo tso ne ba di maka ka nthago ga gore ba fetse ka bona mahlong ga lune. Le sa butsisi ka medimo ya bona la re, ‘Ditšhaba tsowa ne di rapela medimo ya bona byang? Le nna ke nyoko maka ka mokgonone.’+ 31 A di nyake le makela Jehova Modimo wa lune dilo tsowa, ka taba la gore ba makela medimo ya bona dilo tsa go silikisa tsa gore Jehova o di hloyye, ba boya ba tšhubelela barwayi ba bona le barwediya ba bona mollong ba makela medimo ya bona.+ 32 Dilo ka mokana ga tsona tso ke le botsang tsona di nyaka le di make.+ Le sa di yeketse kela go di poma.+

13 “Mo di ka makega gore moporofeta kela wa go bolabola tsa ku mahlong a berekisa moloro a nyarela ho gare ga lune, fote a le botsa mošupetso kela dilo tsa go makatsa, 2 ke mokane mošupetso kela dilo tsa go makatsa tso a di hlayyeng dya makega ka mokgo a hlayyeng ke mokane a re, ‘Tla re rapeleneng medimo ye mengwana,’ medimo ya gore a le yi tšibi, ‘fote tla re yi berekeleneng,’ 3 le sa theetsele mantsu ya moporofeta kela motho yene wa go lora,+ ka gore Jehova Modimo wa lune wa le liketsa+ o nyaka go bona gore le nyaka Jehova Modimo wa lune ka dipelo tsa lune ka moka le ka maphelo* ya lune ka moka.+ 4 Le ngangarele Jehova Modimo wa lune, ke yene wa gore le di nyaka le mo mo hlompe fote le theetsele melawo yage, fote le theetsele mantsu yage, le mmerekele le boye le mo ngangarele.+ 5 Mara moporofeta yene kela motho yene wa go lora le mmolaye+ ka taba la gore o le kutšetsele gore le jikele Jehova Modimo wa lune—wa gore o le ntshiye ga naga ya Egepita fote a le phonisa ga naga ya bobhantiti—o liketsiye go maka gore le sa sepele ka pata yo Jehova Modimo wa lune a le butsiyeng gore le sepele ka yona. Fote le tlose selo sa gore a se ya loka gare ga lune.+

6 “Mo bhuti wago wa gore ke ngwana mmane wago, kela morwayi wago kela morwediya wago kela mosadi wago wa gore o mo nyaka ka matla kela monghana wago ye mogolo a ka liketsa go go ntsha pateng ka makhukhung, a re, ‘Koriye re ye rapela medimo ye mengwana,’+ medimo ya gore rune kela bokokwane ba rune a ba yi tšibi, 7 ga medimo ka mokana ga yona ya batho bo ba le dukulugiyeng, ya thina le ya kgole le lune, go thomisa mo naga yi thomang go segela mafelelong ga yona, 8 a sa dumele gore a go kutšetsele kela wa mo theetsela,+ kela wa mo kwela go baba kela wa mo yemelela; 9 mara di nyaka o mmolaye.+ Di nyaka go be wene o thomisang go mmolaya, ke mokane batho ba bangwana ba ko tla ka nthago.+ 10 Di nyaka o mo pshyaye ka matlapa go segela a kgwa,+ ka taba la gore o liketsiye go maka gore le jikele Jehova Modimo wa lune wa gore o le ntshiye ga naga ya Egepita fote o le ntshiye ga naga ya bobhantiti. 11 Maisrayele ka mokana ga wona ma nyoko di kwelela ke mokane ma tšhoga, fote le ka letšatši la mohlolo ba ka sa sa maka selo sa go tšwa pateng sa go tshwana le sowa gare ga lune.+

12 “Mo o ka kwa ba hlaya dilo tsowa ga ye mengwana ya mitši yowa ya gore Jehova Modimo wago o go neyye yona gore o dule ga yona, tsa gore 13 ‘Banna ba go sa re selo ba liketsa go maka gore batho bo ba dulang mitšing ya bona ba jikele Modimo, ba re: “Koriyeneng re ye rapela medimo ye mengwana,” medimo ya gore a le yi tšibi,’ 14 di nyaka le pombhole taba yone, le nyakisise ka yona le boye le butsise ka yona;+ ke mokane mo le ka kraya gore ka nnete selo sone sa go befa se makegiye mone gare ga lune, 15 le bolaye batho ba mutši wone ka sabola.+ Dilo ka mokana ga tsona tso di leng ga mutši wone, gana hone go kena le diphoolwane, le di bolaye+ ka sabola le tsona. 16 Ke mokane o tseye dilo tsa nageng yone ka mokana ga tsona o di beye gare ga mo batho ba gahlanelang gona ke mokane o tšhube mutši wone, dilo tsone go nyoko ba sehlabelo sa go tšhubiwa sa Jehova Modimo wa lune. Go nyoko ba lešupi. A gwa tshwanela go yagiwe ka bonyuwane. 17 O sa tseye selo sa gore di nyaka se sinyiwe,+ gore Jehova a sa sa go kwatela mara a go kwele go baba le go maka gore le yeketsege go ya ka mokgo a tshepisiyeng bokokwane bago.+ 18 Ka gore di nyaka o theetsele Jehova Modimo wago ka go latelela melawo yage ka mokana ga yona yo ke go botsang yona lekgono, gore o thogo maka dilo tsa gabutši mahlong ga Jehova Modimo wago.+

14 “Lune ke lune barwayi ba Jehova Modimo wa lune. Le sa tiseganyi+ ka thipa kela la hluba dintšhi tsa lune le re le makela motho wa gore o kgwile.+ 2 Ka taba la gore ke lune batho ba go hlawolega+ ga Jehova Modimo wa lune, fote Jehova o le kgetiye gore le be batho bage ba go hlawolega go phala batho ka mokana ga bona ba ho lefaseng.+

3 “Le sa ji selo sa gore se thilafele.+ 4 Tsowa ke diphoolwane tsa gore le ka di ja:+ kgomu ya phoolo, nku, pudi, 5 letlabo, phala, pabala, pudi ya hlaga, phuti, nku ya hlaga le nku ya thabeng. 6 Le ka ja phoolwane ye nngwana le ye nngwana ya gore sekoto sa yona se tšharugiye ka bogare ya gore ya ghayela. 7 Mara diphoolwane tsowa tsa gore di ya ghayela le tsa go ba le sekoto sa go tšharoga le sa di ji: kamela, mmutla le peela, ka taba la gore di ya ghayela mara dikoto tsa tsona a di ya tšharoga. Napaneng le di tšiba gore di thilafele.+ 8 Le kolobe ka taba la gore yi na le sekoto sa go tšharoga mara a yi ghayele. Napaneng le di tšiba gore yi thilafele. Le sa ji nama ya tsona kela la di tikisa mo di kgwile.

9 “Tsowa ke dilo tso le tshwaneleng go di ja ga dilo ka mokana ga tsona tsa ka meetšing: Le ka ja selo se sengwana le se sengwana sa go ba le mafafela le magatlapi.+ 10 Mara selo se sengwana le se sengwana sa gore a se na mafafela fote a se na magatlapi le sa se ji. Napaneng le di tšiba gore se thilafele.

11 “Nonyane ye nngwana le ye nngwana ya gore yi yediye le ka yi ja. 12 Tsowa ke tsa gore a di nyake le di ja: kgwenyepi,* segodi, lenong le le phifadu,+ 13 kokobidi ye khubedu, kokobidi ye phifadu, mohlobo wo mongwana le wo mongwana wa sepekwa, 14 mohlobo wo mongwana le wo mongwana wa mogogorwane, 15 mphu,* lešibiri, sebarukwane, mohlobo wo mongwana le wo mongwana wa lewubawubane, 16 seribišane, lešibiri la ditsebe, lekewu,* 17 leyakaboswane, lenong, kgokgomeetši, 18 kenudi,* mohlobo wo mongwana le wo mongwana wa ledisadikgomu, kokodi* le mankgakganyane. 19 Dilo ka mokana ga tsona tsa gore di na le mafafela a di ya yela. Le sa di ji. 20 Selo se sengwana le se sengwana sa go phurrwa sa gore se yediye le ka se ja.

21 “A di nyake le ja phoolwane ye nngwana le ye nngwana ya gore le yi krayye yi kgwile.+ Le ka yi neya motho wa go tšwa a sepela wa gore o dula gare ga mitši ya lune, ke mokane yene a ka yi ja, kela le ka yi rekisela motho wa go tšwa a sepela. Ka taba la gore lune ke lune batho ba go hlawolega ba Jehova Modimo wa lune.

“Le sa bidisi seputsanyana ka lebese la mmane wa sona.+

22 “Di nyaka le neyele ka sa lesome ga diyengwa tsa dipewu tso le di gašang mongwaga wo mongwana le wo mongwana.+ 23 Le nyoko ja sa lesome sa mabele ya lune; wayini ya lune ya nyuwane, makgura ya lune le matšibula ya dikgomu le ya merape ya lune ya dinku kela ya dipudi mahlong ga Jehova Modimo wa lune, polekeng yo a ko bang a yi kgetiye gore lebitso lage le thanakiwe gona,+ gore le thogo tšhuta go hlompa Jehova Modimo wa lune ka moka nako.+

24 “Mara mo nkare leyeto lo le le tseyang le lefiye ka matla, fote a le kgone go di rwala gore le segele ga poleke yo Jehova Modimo wa lune a yi kgetiyeng gore lebitso lage le thanakiwe ga yona+ ka taba la mo yi le kgole ka matla (ka taba la gore Jehova Modimo wa lune o nyoko le rufa), 25 di nyaka le di rekise, ke mokane tšheleta yone le tle nayo ga poleke yo Jehova Modimo wa lune a yi kgetiyeng. 26 Le ka berekisa tšheleta yone go reka selo se sengwana le se sengwana so le se nabelang—go ka ba dikgomu, dinku, dipudi, wayini kela mokgete wo mongwana le wo mongwana, le selo se sengwana le se sengwana so le se nabelang, le nyoko di jela mahlong ga Jehova Modimo wa lune ke mokane la jabola, lune le ba mutši wa lune.+ 27 Byalo, le sa lahle motho wa gore ke Lelifi wa gore o dula mone polekeng ya lune,+ ka taba la gore yene aa kraye lefa go tshwana le lune.+

28 “Ka nthago ga kararo ya mengwaga, di nyaka le tlise sa lesome ka mokana ga sona ga dilo tso le di krayyeng ka mongwaga wone ke mokane le di beye mitšing ya lune.+ 29 Ke mokane Lelifi la gore le ka sa kraye lefa la lune le motho wa go tšwa a sepela le ngwana wa gore aa na papa le mosadi wa go kgwela ke monna ba gore ba dula mone mitšing ya lune, ba nyoko tla ba di ja go segela ba kgora+ gore Jehova Modimo wa lune a le rufe ga dilo ka mokana ga tsona tso le di makang.+

15 “Di nyaka o sule sekoloto sone mo go fela kašupa ya mengwaga.+ 2 Sekoloto sone se nyoko sudiwa ka mokgo: Matšhonisa ye mongwana le ye mongwana o nyoko sula sekoloto so se makiyeng ke moyagelane wage. A sa nyake patela ga moyagelane wage kela ga bhuti wage, ka taba la gore sekoloto sone se nyoko sudiwa mahlong ga Jehova.+ 3 Motho wa gore a yi Leisrayele o ka mo patedisa,+ mara o sule sekoloto se sengwana le se sengwana so bhuti wago a se makiyeng. 4 Mara mone ga lune a di nyake go ba le motho wa go hlupega, ka taba la gore Jehova o nyoko le rufa+ ga naga yo yene Jehova Modimo wa lune a nyoko le neyang yona gore go be lefa la lune, 5 mara tsotsone di nyoko makega mo o ka theetsela lentsu la Jehova Modimo wago, fote wa latelela melawo ka mokana ga yona yo ke go botsang yona lekgono.+ 6 Ka gore Jehova Modimo wago o nyoko go rufa ka mokgo a tshepisiyeng ka gona, fote wene o nyoko ba matšhonisa ga ditšhaba tsa go tlala mara wene di ka sa nyake gore o ye yadimeng;+ o nyoko lawola ditšhaba tsa go tlala mara bona ba ka sa go lawole.+

7 “Mo nkare ga ye mengwana ya mitši yo le dulang ga yona ga naga yo Jehova Modimo wago a le neyyeng yona, go na le bhuti wa lune ye mongwana wa gore wa hlupega, le sa mo kone kela la ngamela.+ 8 Di nyaka o mo neye o sa kokole,+ o mo yadime selo se sengwana le se sengwana so a se hlokang kela so a se gayelang. 9 O pasope gore o sa be le mokgwa wowa wa go befa ka pelong yago wa gore: ‘Mongwaga wa kašupa wo šutele, wa gore ke mongwaga wa go sula sekoloto,’+ ke mokane wene wa kona bhuti wago fote wa sa mo neye selo. Mo a ka lla ga Jehova ka taba lago, o ko ba o sinnye.+ 10 Di nyaka o mo neye,+ fote o mo neye o sa kokole ka taba la gore Jehova Modimo wago o rufa selo se sengwana le se sengwana so le se makang.+ 11 Ka gore mone nageng go nyoko dula go na le batho ba go tihlupegela.+ Nka taba lo ke go botsang gore, ‘O sa kone batho ba gore baa tihlupegela, fote o sa kone le bhuti wago wa gore wa hlupega mone nageng.’+

12 “Mo nkare ba go rekisela bhuti wago, monna kela mosadi wa gore ke Leheberu, wa gore o fetsiye kobodi ya mengwaga a go berekela, o mo lokolle+ ka mongwaga wa kašupa. 13 Fote mo o mo lokolla, o sa mo lisetse a sepela a lekalekisa matsogo. 14 Di nyaka o mo neye se sengwana sa go tšwa ga morape wago, o mo neye sa go tšwa mo o tulelang mabele gona, mo o makelang gona makgura le wayini. Fote ga dilo tso Jehova Modimo wago a go rufiyeng ka tsona, o mo neye se sengwana. 15 O sa libale gore ke mo o le lebhantiti nageng ya Egepita ke mokane Jehova Modimo wago a go ntsha ga yona. Nka taba lo ke go botsang lekgono gore o make dilo tsowa.

16 “Mara mo a ka go botsa gore, ‘Nka sa sepele!’ ka taba la gore o nyaka wene le ba mutši wago ka matla ka gore o jabodisa ke go go berekela,+ 17 o tseye lemawo o mo thule tsebe sekwalong, ke mokane o nyoko ba lebhantiti lago lephelo lage ka mokana ga lona. O make ka mokgonone le ga lebhantiti lago la mosadi. 18 O sa tseyi nkare ke bošidi mo o mo lokolla gore a sepele ke mokane yene a go šiya, ka taba la gore mmereko wo ne a go makela wona kobodi ya mengwaga ka moka wo feta mmereko wo wo makang ke motho wa gore o hiriwwe, ka taba la gore Jehova Modimo wago o go rufiye ga dilo ka mokana ga tsona tso ne ba go makela tsona.

19 “Di nyaka o make gore letšibula le lengwana le le lengwana la phoolo ga dikgomu tsago le ga dinku kela dipudi tsago di hlawolege mahlong ga Jehova Modimo wago.+ O sa berekise letšibula lago la kgomu kela wa hluba letšibula lago la nku kela la pudi. 20 Wene le ba mutši wago le yi je mahlong ga Jehova Modimo wa lune mongwaga wo mongwana le wo mongwana ga poleke yo Jehova a nyoko yi kgetang.+ 21 Mara mo nkare ya lwala—yi golofele, a yi bone kela yi na le bolwele byo bongwana byo bogolo—a di nyake o makela Jehova Modimo wa lune sehlabelo ka yona.+ 22 Di nyaka le yi je le le mitšing ya lune, yi ka ja ke motho wa go yela le wa go sa yela, go tshwana le mo le ja letlabo kela phala.+ 23 Mara a di nyake le ja madi ya tsona;+ le ma falatseneng mo fase go tshwana le mo le falatsa meetši.+

16 “O gopole kgwedi ya Abhibhi,* ke mokane o makele Jehova Modimo wago monyanya wa Paseka+ ka taba la gore ka kgwedi ya Abhibhi Jehova Modimo wago o go ntshiye nageng ya Egepita bošego.+ 2 Ga dikgomu le dinku le dipudi+ o ntshe tse dingwana ke mokane o makele Jehova Modimo wago sehlabelo sa Paseka+ ga poleke ya gore Jehova o yi kgetiye gore lebitso lage le thanakiwe gona.+ 3 O sa di ji ka sekgwa sa go ba le dikomelo;+ fote o fetse kašupa ya matšatši o ja sekgwa sa go se na dikomelo, o je sekgwa sa go se na dikomelo go fo tshwana le nakwela o tloga Egepita ka go yakgoswa.+ Mo o kene o maka ka mokgonone o nyoko gopola ka mokgo ne o hlupegisiwa ka gona. Fote o ka sa libale ka mokgo o phonisiwweng ka gona ku Egepita.+ 4 Mone gago go sa be le folawa ya gore yi bidiye nageng ka mokana ga yona kašupa ya matšatši+ fote nama ya gore o nyoko maka sehlabelo ka yona ka malobana ka letšatši la mathomo, o sa yi beye molatša.+ 5 Ba ka sa go dumelele gore o make sehlabelo sa Paseka ga mutši wo mongwana le wo mongwana wa gore Jehova Modimo wago o nyoko go neya wona. 6 Mara di nyaka o di makele ga poleke yo Jehova Modimo wago a yi kgetang gore lebitso lage le thanakiwe gona. Di nyaka o make sehlabelo sa Paseka ka malobana mo letšatši le kgwalala,+ ka nako ya go tshwana le yo le tšwileng ka yona Egepita. 7 Di nyaka o yi yapege ke mokane o yi jele+ polekeng yo Jehova Modimo wa lune a nyoko yi kgetang,+ ke mokane ka bošego le ka boyela matenteng ya lune. 8 Di nyaka o fetse kobodi ya matšatši o ja sekgwa sa gore a se na dikomelo ke mokane ka letšatši la kašupa go nyoko ba le mogahlano wa go hlompa Jehova Modimo wago. A di nyake o bereka ka letšatši lone.+

9 “Di nyaka o thomise go balela kašupa ya mabeke go tlugisela ka nako yo o segang mabele ka sikila mašomong.+ 10 Ke mokane o makele Jehova Modimo wago+ Monyanya wa Mabeke o berekisa sehlabelo sa go fo kwa o nabela go se maka, go ya ka gore Jehova Modimo wago o go rufiye byang.+ 11 O nyoko jabola mahlong ga Jehova Modimo wago, wene, morwayi wago, morwediya wago, lebhantiti lago la monna le la mosadi le Lelifi la gore le dula mone mitšing* ya lune, le motho wa gore a yi Leisrayele, le ngwana wa gore aa na papa le mosadi wa gore o kgwele ke monna ba gore ba dula mone gare ga lune ga poleke ya gore Jehova Modimo wago o kgeta gore lebitso lage le thanakiwe ga yona.+ 12 O sa libale gore ke mo o le lebhantiti ku Egepita,+ byalo ariye mahlong o theetsela fote o make dilo tsowa ke go botsang tsona.

13 “Le fetse kašupa ya matšatši le maka Monyanya wa Mašayi+ mo le gahlana mo le tulelang gona mabele le mo le makelang gona makgura le wayini. 14 Wene le morwayi wago, morwediya wago, lebhantiti lago la monna, lebhantiti lago la mosadi, Lelifi, motho wa go tšwa a sepela, ngwana wa gore o kgwele ke papa le mosadi wa gore o kgwele ke monna ba gore ba dula ka gare ga mitši yago, le jabole ka nako ya monyanya.+ 15 Wene o nyoko fetsa kašupa ya matšatši+ o makela Jehova Modimo wago monyanya wone ga poleke yo Jehova a yi kgetang ka taba la gore Jehova Modimo wago o nyoko go rufa ga dilo ka mokana ga tsona tso o nyoko di bunang le ga dilo ka mokana ga tsona tso o di makang,+ fote wene o nyoko jabola la go sa hlayisege.+

16 “Di nyaka banna ka mokana ga bona ba nyarele mahlong ga Jehova ga kararo ka mongwaga ga poleke yo a yi kgetiyeng: ba nyarele ga Monyanya wa Sekgwa sa go se na Dikomelo,+ ga Monyanya wa Mabeke+ le ga Monyanya wa Mašayi,+ fote go sa be le ye a tlang mahlong ga Jehova a lekalekisa matsogo. 17 Motho ye mongwana le ye mongwana di nyaka a leye selo se sengwana go ya ka mokgo Jehova Modimo wago a mo rufiyeng ka gona.+

18 “Di nyaka o hlawole ba go yahlula+ le dindhuna mone mitšing ga leloko le lengwana le le lengwana ga mitši ka mokana ga yona yo Jehova Modimo wago a go neyang yona, fote mo ba yahlula di nyaka ba yahlule gabutši. 19 Di nyaka o yahlule gabutši,+ o sa hlawolane kela wa yamogela dhizi,+ ka gore dhizi yi maka gore le motho wa go hlalefa+ a sa bone dilo gabutši fote motho wa go loka a hlaye dilo tsa gore a yi tsona . 20 Yahlula gabutši+—fote o sa ro yi lisetsa taba yone ya go yahlula gabutši, gore o thogo phela ke mokane o tseye naga yo Jehova Modimo wago a nyoko go neyang yona gore go be lefa lago.

21 “O sa gaše mohlare wa mohlobo wo mongwana le wo mongwana thina le aletare ya Jehova Modimo wago gore o thogo wo rapela.+

22 “Fote o sa timakele kholomo ya go hlawolega,+ ka gore ke selo so Jehova Modimo wago a se hloyyeng.

17 “O sa makele Jehova Modimo wago sehlabelo ka kgomu ya phoolo kela nku ya gore a ya felegelela kela ya gore a ya philega ka taba la gore tsotsone di nyoko silikisa Jehova Modimo wago.+

2 “Tla re fo tseya gore mone gare ga lune ga wo mongwana wa mitši yo Jehova Modimo wa lune a le neyang yona, go na le monna kela mosadi wa go maka dilo tsa go befa mahlong ga Jehova Modimo wa lune, wa gore fote o maka dilo tsa go sa yelane le kwano yage,+ 3 ke mokane o tšwa pateng, o rapela medimo ye mengwana fote o yi kgotamela, o rapela letšatši kela ngwedi kela dinanedi ka mokana ga tsona tsa ku magedimong+ tsa gore ke rakele gore dilo tsowa le sa di make.+ 4 Mo ba ka le botsa tsona kela la di kwelela, di nyaka le nyakolle taba yone. Mo le ka kraya gore ke nnete+ gore dilo tsowa tsa go silikisa ne di makiwa Israyele, 5 le tseye monna yene kela mosadi yene wa gore o makiye dilo tsowa tsa go befa le mo ntshele ka tawong ga digheyiti tsa mutši ke mokane le mo pshyaye ka matlapa go segela a kgwa.+ 6 Mo ba bolaya motho yewa wa gore o sinnye di nyaka go be le dihlatse ka dipedi kela kararo ya tsona+ tsa go hlatsela gore ka nnete motho yene o sinnye. Ba sa mmolaye mo go na le hlatse ka yyoši.+ 7 Di nyaka go thomise dihlatse tsone go bolaya motho yene, ke mokane batho ba bangwana ka mokana ga bona ba ka latela. Le tlose selo sa go befa mone gare ga lune.+

8 “Mo go ka ba le taba mone gare ga lune ya gore ya thathafa gore le yi yahlule, go ka ba taba ya mo motho ye mongwana ba mmolayye+ kela ya tsa molawo kela ya bokgohlane kela mo batho ba sa kwana ka taba, le tshwanele le tlogeneng le ye ga poleke yo Jehova Modimo wa lune a yi kgetang.+ 9 Le ye ga maprista ya Malifi le ga yewa wa go yahlula+ ba gore ba bereka ka matšatši yanane, le segele le ba botse taba yone ke mokane bona ba ko le botseng gore le make byang.+ 10 Ke mokane le make dilo tso ba nyoko le botsang tsona tsa go tšwa ga poleke yo Jehova a yi kgetang. Fote le make dilo ka mokana ga tsona tso ba le botsang. 11 O make dilo go ya ka molawo wo ba go botsang wona, fote o make dilo go ya ka sepheto so ba go botsang sona.+ O theetsele tso ba go botsang tsona, fote o sa keketlele.+ 12 Monna wa gore o fo tiwomisa hlogo ka go sa theetsele moprista ye a berekelang Jehova Modimo wa lune kela ye wa go yahlula, di nyaka a bolayiwe.+ Di nyaka le tlose dilo tsa go befa mone Israyele.+ 13 Batho ka mokana ga bona ba nyoko di kwelela ke mokane ba tšhoga, a go na wa gore o sa nyoko tiwomisa hlogo.+

14 “Mo o kena ga naga yo Jehova Modimo wago a go neyang yona, ke mokane o yi tseya o dula ga yona ke mokane wa hlaya wa re, ‘Yema ke tikgetele kgoši go tshwana le ditšhaba tso di ndukulugeleng,’+ 15 mo go le ka mokgonone, o tseye motho wa gore Jehova Modimo wago o ko ba a mo hlawodiye.+ O kgete kgoši ga bobhuti bago. A di nyake o kgeta motho wa gore a yi Leisrayele. 16 Mara a sa be le dipera tsa go tlala+ kela go roma batho gore ba di late Egepita+ ka taba la gore Jehova o yitseri, ‘Le sa boyele ka pata yone.’ 17 Fote a sa titseyele basadi ba go tlala gore pelo yage yi sa keketlele;+ fote aa tshwanela go ba le silva le gholdi tsa go tlala.+ 18 Mo a dula setulong sa go lawola sa mmušo wage, di nyaka a tingwalele puku ya go ba le Molawo wowa, wa go tshwana le wo maprista ya Malifi ba nang nawo.+

19 “Yene di nyaka a dule nayo, fote di nyaka a yi bale lephelo lage ka mokana ga lona+ gore a thogo tšhuta go hlompa Jehova Modimo wage le go theetsela mantsu ka mokana ga wona ya ma leng ga Molawo wowa le ditšhiko tsa gona ka go di maka.+ 20 Tsotsone di nyoko maka gore a sa kakole magetla a tseya nkare o phala bobhuti bage, a ka sa lisetsi go theetsela molawo fote a ka sa keketlele, ke mokane ka mokgonone o nyoko nako ya go lefa a lawola ga mmušo wage, yene le barwayi bage mone gare ga Maisrayele.

18 “Maprista ya Malifi le leloko ka mokana ga lona la Malifi ma ka sa kraye lefa le Maisrayele ya mangwana. Ma nyoko ja dihlabelo tso ma neyang Jehova tsa gore ma di maka ka mollo, tsotsone go nyoko ba lefa la wona.+ 2 Byalo a di nyake ma kraya lefa go tshwana le bobhuti ba bona. Jehova ke yene lefa la wona go ya ka mokgo a ma butsiyeng.

3 “Byalo, moprista di nyaka a di kraye dilo tsowa tsa go tšwa ga batho: Mo ye mongwana a ka maka sehlabelo, go ka ba sa kgomu ya phoolo kela sa nku, di nyaka a neye moprista letsogo, mohlagare le mogodu wa phoolwane yone. 4 Le mo neye+ mabele ya lune ya mathomo, wayini ya lune ya nyuwane le makgura ya lune le wulu ya lune ya mathomo ya gore le yi kupiye ga diphoolwane tsa lune. 5 Jehova Modimo wago o hlawodiye yene le barwayi bage ga leloko le lengwana le le lengwana gore ba berekele batho go ya go yye ka lebitso la Jehova.+

6 “Mara mo motho wa gore ke Lelifi a ka tloga ga mutši wo mongwana mone ga mitši ya lune+ ya Israyele mo ne a dula gona, ke mokane a kwa a nabela go ya ga poleke yo Jehova a yi kgetang,*+ 7 a ka berekela batho gana hone ka lebitso la Jehova Modimo wage, go fo tshwana le bobhuti bage ka mokana ga bona ba gore le bona ke Malifi, ba gore fote ba bereka mahlong ga Jehova gana hone.+ 8 O nyoko kraya tsa go ja tsa go lekana le tso bona ba di krayang,+ go tokegela ga tso a nyoko di krayang mo a rekisa lefa la bokokwane bage.

9 “Mo o kenne ga naga yo Jehova Modimo wago a go neyang yona, o sa yekisele dilo tsa go silikisa tsa ditšhaba tsone.+ 10 Go sa be le ka wwoši mo ga lune wa gore o fitisa morwayi wage kela morwediya wage mollong,+ wa go berekisa dikgakgare,+ wa go berekisa masalamose,+ wa go nyaka go tšiba tsa ku mahlong,+ wa go loya,+ 11 wa go teya ba bangwana ka sefolane, wa go bolabola le badimo+ kela wa go bona tsa ku mahlong+ kela wa go butsisa dilo ga bo ba kgwileng.+ 12 Ka taba la gore ye a makang dilo tsone o silikisa Jehova, fote Jehova Modimo wago o ba raka mahlong gago ka taba la dilo tsowa tsa go silikisa tso ba di makang. 13 Di nyaka o dule o yediye ga dilo ka mokana ga tsona mahlong ga Jehova Modimo wago.+

14 “Ka taba la gore ditšhaba tsowa tsa gore le ya di hlula ke mo di theetsela batho ba go maka tsa masalamose+ le ba go berekisa dikgakgare,+ mara Jehova Modimo wago aa go lisetsa gore o make dilo tsa mošaga wonone. 15 Jehova Modimo wa lune o nyoko maka gore go be le moporofeta wa go tshwana le nna mo ga bobhuti ba lune. Di nyaka le mo theetseleneng.+ 16 Yowa ke phetolo ya dilo tso le di kgopeleng ga Jehova Modimo wa lune ku Horebe ka letšatši la mogahlano+ nakwela le re, ‘O sa make gore re kwe lentsu la Jehova Modimo wa rune kela gore re bone mollo wowa wo mogolo fote, gore re sa kgwe.’+ 17 Ke mokane Jehova a re gaka, ‘Tso ba di hlayyeng di gabutši. 18 Ke nyoko maka gore go be le moporofeta wa go tšwa mone ga bobhuti ba bona wa go tshwana nago,+ fote ke nyoko maka gore a bolabole tso ke mmotsang tsona,+ ke mokane o nyoko ba botsa dilo ka mokana ga tsona tso ke mmotsang tsona.+ 19 Ke ya le botsa, ye mongwana le ye mongwana wa gore a ka sa theetsele mantsu yaka ya gore o nyoko ma bolabola ka lebitso laka o nyoko patela.+

20 “‘Mo moporofeta ye mongwana le ye mongwana a ka bolabola mantsu ya gore aa botsa ke nna ka lebitso laka kela a bolabola ka lebitso la medimo ye mengwana, moporofeta yene di nyaka a kgwe.+ 21 Mara ka ho dipelong tsa lune la ka fo re: “Re nyoko di tšiba byang gore Jehova aa di hlaya tsotsone?” 22 Mo moporofeta yene a ka bolabola ka lebitso la Jehova ke mokane tso a di bolabolang dya sa makege kela dya sa phomelele, di ra gore a yi Jehova ye a di bolabodiyeng. Moporofeta yene o f’lo tipolabolela. A di nyake le mo tšhaba.’

19 “Mo Jehova Modimo wa lune a fetsa ka ditšhaba tso Jehova Modimo wa lune a le neyang naga ya tsona yona ke mokane le šele le yi tsere fote le dula mitšing ya bona le dintlong tsa bona,+ 2 le hlawole kararo ya mitši ga naga yo Jehova Modimo wa lune a le neyang yona.+ 3 Di nyaka le yaroganye dipoleke tsa naga yone ya gore Jehova Modimo wa lune o le neya yona ka dikopa kararo ya tsona, ke mokane le lukise dipata tsa gona gore motho ye a bolayyeng motho a thogo tšhabela ga mutši wo mongwana gana hone.

4 “Byalo, tsowa ke tso di tshwaneleng di makege ka motho wa gore o bolayye motho mo a tšhabela ga mutši wone gore a thogo phela: Mo a ka bolaya motho a sa tikemisela, le gore motho wa gona ne a sa mo hloya;+ 5 mo re beyisa go tshwana le mo a ka ya naye ku mašahleng gore ba ye kotela mahlare ke mokane mo a yemisa selepe sage gore a kape mohlare mara selepe sela sa hlomoga mone ga mpheng wa sona, sa mo teya ke mokane a kgwa, ye a mmolayyeng di nyaka a tšhabele ga wo mongwana wa mitši yowa gore a thogo phela.+ 6 Mara mo poleke ya go tšhabela ga yona yi le kgole, ye wa go patedisa+ a ka kwata ka matla, a mo lelekisa, a mo tshwara ke mokane a mmolaya. Mara ne di sa šinyi di nyaka gore a kgwe ka taba la gore motho yela a mmolayyeng ne a sa mo hloya.+ 7 Nka taba lo ke reng ga lune: ‘Hlawolaneng kararo ya mitši.’

8 “Mo Jehova Modimo wa lune a yeketsa poleke ya lune go ya ka mokgo a tshepisiyeng bokokwane ba lune,+ fote a šele a le neyye naga ka mokana ga yona yo a tshepisiyeng gore o nyoko neya bokokwane ba lune+ 9 —mo o ka theetsela molawo wo ke go botsang wona lekgono wa gore o nyake Jehova Modimo wago, o boye o sepele ditseleng tsage+—o ka yeketsa ka kararo ya mitši ga kararo ya mitši yela ye mengwana ya go tšhabela ga yona.+ 10 Mo le ka maka ka mokgonone go ka sa be le motho wa gore ba mmolaya a se na molato+ ga poleke yo Jehova Modimo wa lune a le neyang yona go le lefa, fote le ka sa be le molato wa madi.+

11 “Mara mo nkare go na le motho wa gore ne a hloyye motho ye mongwana,+ a ramele gore a mo hlasele a boya a mo kwaletsa la go šinya a kgwa, ke mokane monna yene a tšhabela ga wo mongwana wa mitši yowa, 12 banna ba bagolo ba mutši wo a tšwang ga wona di nyaka ba mmitse ke mokane ba mo yise ga ye wa go patedisa ka taba la gore di nyaka a kgwe.+ 13 O sa mo kwele go baba, fote di nyaka o tlose motho wa gore o na le molato wa madi mone Israyele,+ gore dilo di thogo le sepelela gabutši.

14 “Mo o kraya lefa ga naga yo Jehova Modimo wago a go neyang yona, a di nyake o tlosa mo moyagelane wago a kgeriyeng gona,+ ga gore go merekiye ke bokokwane ba lune.

15 “Ba sa fo fetsa ka gore motho o na le molato kela o sinnye mo hlatse go fo ba ka yyoši.+ Taba ye nngwana le ye nngwana yi nyaka dihlatse ka dipedi kela kararo ya tsona gore yi thogo yela.+ 16 Mo nkare hlatse ye nngwana ya gore yi hloyye motho yene yi hlaya gore motho yene o na le molato ga taba ye nngwana,+ 17 banna bone ka babedi ba gore a baa fitisana gabutši ba nyoko yema mahlong ga Jehova le mahlong ga maprista le ba go yahlula ba gore go ko ba go bereka bona ka matšatši yane.+ 18 Bo ba go yahlula, taba yowa ba nyoko yi nyakolla gabutši,+ mo nkare monna ye wa gore ke hlatse o bolabola matsaka fote o hlayye matsaka ka bhuti wage, 19 le mo make tso ne a nyaka go di maka bhuti wage,+ le tlose selo sa go sa loka gare ga lune.+ 20 Bo ba šeleng ba nyoko di kwelela fote ba nyoko tšhoga ke mokane ba ka sa sa maka selo sa go befa go tshwana le sowa gare ga lune.+ 21 Le sa kwele motho go baba:+ Lephelo le nyoko patediwa ka lephelo, lihlo ka lihlo, lino ka lino, letsogo ka letsogo, loto ka loto.+

20 “Mo le ya ntweng ke mokane le bona manaba ya lune ma na le dipera, dikotšikara le masole ya go tlala go phala ya lune, di sa le tshose tsone ka taba la gore Jehova Modimo wa lune wa gore o le ntshiye ga naga ya Egepita o na le lune.+ 2 Mo le le thina le go ya ntweng, di nyaka moprista a tle ga batho ba Israyele.+ 3 Di nyaka a ba botse a re, ‘Barena, theetsela wene Israyele, gana byalo o thina le go lwa le manaba yago. Šišimala. O sa tšhoge kela wa tšhaba, o sa hlagasele ka taba la bona, 4 ka gore Jehova Modimo wa lune o sepela le lune gore a le lwele ga manaba ya lune le go le phonisa.’+

5 “Ba bagolo ba masole di nyaka ba re ga batho bone, ‘Ke mang wa gore o yagiye ntlo, wa gore aa soko dula ga yona? A boyele mutšing wage. Ka taba la gore di ka makega gore a kgwe ku ntweng ke mokane monna ye mongwana o nyoko tseya ntlo yone yage. 6 Fote ke mang wa gore o gašiye didhriva tšhomong yage wa gore aa soko di buna? A boyele mutšing wage. Ka taba la gore a ka kgwa ku ntweng, ke mokane monna ye mongwana a tla a di buna didhriva tsone. 7 Ke mang wa gore o tshepisiye mosadi gore o nyoko šadha naye? A boyele mutšing wage.+ Ka taba la gore mo a ka kgwa ku ntweng, monna ye mongwana o nyoko šadha le mosadi wage.’ 8 Ba bagolo ba masole di nyaka ba re ga batho bone, ‘Ke mang wa gore o tšhugiye fote wa hlagasela?+ A boyele mutšing wage, gore a sa make gore bobhuti bage le bona ba hlagasele go tshwana naye.’+ 9 Mo bowa ba bagolo ba fetsiye go bolabola le masole yane, di nyaka ba hlawole dindhuna tsa masole gore di yete batho mahlong.

10 “Mo o šutela le mutši gore o lwe nawo, o ba botse tso di nyakang ba di make gore mutši wa bona wo sa hlasediwi.+ 11 Mo ba ka go fetola gabutši ke mokane ba go yamogela, batho ba naga yone ka mokana ga yona go nyoko ba mabhantiti yago ke mokane ba nyoko go berekela.+ 12 Mara mo ba ka gana go maka tso o ba butsiyeng tsona ke mokane ba lwa nago, wene o tshwanele o ba dukulugele, 13 ka nnete Jehova Modimo wago o nyoko maka gore o ba hlule, ke mokane o nyoko bolaya monna ye mongwana le ye mongwana ka sabola. 14 Mara basadi, bana, diphoolwane le ka mokana ga tsona tsa gore di mutšing wone le dilo tso wo nang natso ka mokana ga tsona, wene o nyoko di tseya gore go be tsago+ fote o nyoko ja tsa go ja tsa manaba yago tsa gore Jehova Modimo wago o go neyye tsona.+

15 “Tsowa ke tso di nyakang o di make ga mitši ka mokana ga yona ya gore yi kgole nago ya gore ke ya ditšhaba tsa gore a di nageng yo wene o dulang ga yona. 16 Mara ga mitši ya batho bowa ya gore Jehova Modimo wa lune o le neya yona gore go be lefa la lune, le sa šiyi le motho ka wwoši a phela.+ 17 Mara di nyaka o fetse ka Mahethe, Maamore, Makanana, Maperezi, Mahivi le Majebuse+ go ya ka mokgo Jehova Modimo wago a go butsiyeng ka gona; 18 gore ba sa le tšhutisi dilo tsa go silikisa tso ba di makelang medimo ya bona, ke mokane ba maka gore le sinyele Jehova Modimo wa lune.+

19 “Mo le hlasela mutši gore le wo tseye ka nthago ga gore le lwe nawo ka matšatši ya go tlala, a di nyake le kupa mehlare ya wona ka selepe. Le ka ja diyengwa tsa wona mara le sa yi kupe.+ Ayitsano di ya kwagala gore o hlasele mohlare wa mone mutšing go tshwana le mo o hlasela motho? 20 Le fetse ka mohlare wa gore diyengwa tsa wona a di jiwi. O ka yi kupa ke mokane wa maka legora la go yagelela mutši wa gore wo lwa le lune go segela le wo hlula.

21 “Mo nkare go na le motho wa gore ba mmolayye ga tšhomo ya naga yo Jehova Modimo wago a go neyyeng yona gore go be yago, fote di sa tšibege gore o bolayye ke mang, 2 di nyaka banna ba bagolo le ba go yahlula+ ba ye gore ba lebelele gore setopo sela se kgole le mitši go segela kaye. 3 Ke mokane banna ba bagolo ba gore ba mutšing wa gore wo thina le setopo sone di nyaka ba tseye senamane sa a se soko maka mmereko, sa gore a se soko bane se goga lejoko, 4 banna ba bagolo ba hone mutšing di nyaka ba gape senamane sowa, ba ye ga moyedi wa gore wo yela meetši wa gore a baa gaša selo ga wona ke mokane ba robe molala wa senamane sona gana hone moyeding.+

5 “Fote di nyaka maprista le Malifi ba be gona ka taba la gore Jehova Modimo wa lune o kgetiye bona gore ba mmerekele,+ ba le rufe ka lebitso la Jehova.+ Ke bona ba nyoko le botsang gore le make byang mo go ba le bokgohlane.+ 6 Ke mokane banna ba bagolo ka mokana ga bona ba gore ba mutšing wa gore setopo sone se thina nawo, di nyaka ba hlapele matsogo ya bona+ gedimo ga senamane sone sa gore ba se robiye molala ku moyeding, 7 fote di nyaka ba re, ‘A yi rune bo re bolayyeng monna yewa,* fote a re ya di bona mo ba mmolaya. 8 Wene Jehova, o sa kwatele batho bago ba Maisrayele ka taba yowa, ba gore o ba phonisiye,+ fote o lokolle batho bago ba Maisrayele ga molato wo ba nang nawo wa go falatsa madi ya batho ba gore a baa sinya selo.’+ Ke mokane ba ka sa be le molato wa madi. 9 Mo le maka ka mokgonone le ko ba le tlosa molato wa madi mone gare ga lune ka go maka dilo tsa gabutši mahlong ga Jehova.

10 “Mo o ye lwa le manaba yago ke mokane Jehova Modimo wago a ma hlula sekaleng sago, fote wene wa ma tseya wa ma maka mabhantiti,+ 11 gana mone ga mabhantiti yane wa bona mosadi wa go bafala wa gore wa go jabodisa fote wa kwa o nyaka go mo tseya gore go be mosadi wago, 12 o ka mo yisa ntlong yago. Di nyaka a hlube hlogo, fote a kupe le manala yage, 13 ke mokane di nyaka a yapole dikobo tsage tsa bobhantiti, a dule ntlong yago. O nyoko llela papage le mmane wage kgwedi ka mokana ga yona,+ ka nthago o ka maka tsa ka mapaying naye; o nyoko ba monna wage ke mokane yene go nyoko ba mosadi wago. 14 Mara mo nkare aa sa go jabodisa, o mo lisetse+ a ye mo a nyakang go ya gona. Mara o sa mo rekisi ka tšheleta kela wa mo tshwara bošidi ka taba la gore o šele o mo poyidiye.

15 “Mo nkare monna o na le basadi ka babedi fote o nyaka ye mongwana ka matla go phala ye mongwana, ka babedi ga bona ba belega bana ba bašomanyana ke mokane wa letšibula gwa ba wa mosadi ye wa gore aa nyakiwi,+ 16 ka letšatši lo a neyang barwayi bage lefa, a di nyake a neya morwayi wa mosadi ye wa gore o mo nyaka ka matla dilo tsa morwayi wa letšibula wa gore ke wa mosadi ye wa gore aa mo nyake. 17 Di nyaka a di tšibe gore morwayi wa letšibula wa mosadi ye wa gore aa mo nyake ke yene di nyakang a kraya dilo tso ne a tshwanele a di kraye gabedi ga dilo ka mokana ga tsona tso a nang natso, ka taba la gore o bonne ka yene gore o na le matšhika ya go ba le bana. Byalo dilo tso di nyakang go be tsa letšibula di ye ga mošomanyana yewa.+

18 “Mo nkare motho o na le morwayi wa gore o womme hlogo fote o maka tsa go tšiba ke yene, aa theetsele papage kela mmane wage,+ fote le bona ba liketsiye go mmusetsa pateng mara a gana go theetsela,+ 19 di nyaka papage le mmane wage ba mo tshware ba mo yise ga banna ba bagolo ku gheyiting ya mutši wo ba dulang ga wona, 20 ba segele ba botse banna ba bagolo ba mutši ba re, ‘Morwayi yewa wa rune o womme hlogo fote o maka tsa go tšiba ke yene, fote aa re theetsele. O na le dipawu+ fote wa tlayila.’+ 21 Byalo di nyaka banna ka mokana ga bona ba mone mutšing ba mo pshyaye ka matlapa go segela a kgwa. Le tlose selo sa go befa mone mone ga lune, fote Maisrayele ma nyoko di kwelela ke mokane ma tšhoga.+

22 “Mo motho a ka sinya la gore di nyaka a bolayiwe,+ ke mokane la mmolaya la fetsa la mo fega phateng,+ 23 a di nyake setopo sage a se ba mone phateng bošego ka mokana ga byona.+ Mara le mmoloke ka letšatši lolone, ka taba la gore Modimo o tseya motho yene le mo fegiyeng mone a na le senyama,+ fote a di nyake le thilafatsa naga yo Jehova Modimo wa lune a le neyang yona gore go be lefa la lune.+

22 “Mo nkare o bona kgomu ya phoolo ya bhuti wago kela nku yage yi lahlegiye, o sa fo yi lisetsa ka bomu.+ Di nyaka o yi busetse ga bhuti wago. 2 Mara mo nkare bhuti wago o dula kgole kela a o mo tšibi, di nyaka o ye le phoolwane yone gaye, yi ko dula nago go segela bhuti wago a nyakana nayo. Ke mokane o ka mo neya yona.+ 3 Tsowa ke tso di nyakang o di make ka bhongholo yage, kobo yage kela selo se sengwana le se sengwana sa gore se mo lahlegele fote wene o se krayye. O sa fo se lisetsa.

4 “Mo nkare o bona bhongholo ya bhuti wago kela kgomu yage ya phoolo yi wile ho pateng, o sa yi lisetsi ka bomu. Di nyaka o mo gelepe go yi tsosa.+

5 “A di nyake mosadi a yapara kobo ya banna, le monna a sa yapare kobo ya basadi. Ka taba la gore dilo tsone di ya silikisa ga Jehova Modimo wago.

6 “Mo o ka bona sehlagela thoko ga pata se na le mafotwane kela makata, le mo go ka fo ba go le mohlareng kela ho fase ke mokane nonyane yi dulele mafotwane ya yona kela makata ya yona, a di nyake o tseya mmane yewa le mafotwane yane.+ 7 O rake mmane yene, ke mokane o ka tseya mafotwane yane. O make ka mokgonone gore dilo di thogo go sepelela gabutši fote o phele nako ya go lefa.

8 “Mo nkare o yaga ntlo, di nyaka o make mmota wa go yagelela gedimo ga ntlo+ gore o sa be le molato wa madi mo motho a ka fekemela a le gedimo ga yona.

9 “O sa gaše mohlobo wo mongwana wa dimilane ga tšhomo yago ya didhriva.+ Ka taba la gore diyengwa tso di nyoko tšwang ga pewu yo o yi gašiyeng le didhriva tsone ba nyoko di yisa ga poleke ya go hlawolega.

10 “Mo o lima o sa pane kgomu ya phoolo le bhongholo ggoši.+

11 “O sa yapare kobo ya gore ba yi makiye ka wulu le gare ya linene.+

12 “Di nyaka o rukelele matšhembhutšhembhu ga kanne ya dikhona tsa kobo yago.+

13 “Mo monna a ka tseya mosadi wage a yetsela naye mara ka nthago a mo hloya 14 fote a re mosadi yewa aa titshwara gabutši ke mokane a mo poyila ka gore: ‘Ke tsere mosadi yewa, mara mo ke yetsela naye a ke ya kraya sa go nšupetsa gore ke kgareba,’ 15 di nyaka papa wa ngwannyana yene le mmane wage ba ye ga banna ba bagolo ba gore ba ku digheyiting tsa mutši ba tshwee sa go hlatsela gore ngwannyana yene go sa le kgareba. 16 Papa wa ngwannyana yewa di nyaka a botse banna ba bagolo gore, ‘Ke neyye morenewa morwediya waka gore go be mosadi wage, mara yene o mo hloyye 17 fote o re morwediya waka aa titshware gabutši, o hlayye gore: “Ke krayye sa go šupetsa gore morwediya wago a yi kgareba.” Byalo, tsowa ke tso di šupetsang gore morwediya waka ke kgareba.’ Babelegi bage ba nyoko yatlala llapi mahlong ga banna ba bagolo ba mutši. 18 Ke mokane banna ba bagolo ba mutši+ ba nyoko tseya monna yene ba mo wolola.+ 19 Ba nyoko patedisa monna yene 100 ya dišekele* tsa silva fote ba nyoko di neya papa wa ngwannyana yene, ka taba la gore monna yene o poyidiye kgareba ya Israyele+ ke mokane yene go nyoko dula go le mosadi wage. Ba sa lisetse monna yene a hlala ngwannyana yene solanka monna yene a sa phela.

20 “Mara mo nkare tso a di hlayang ke nnete, fote a go na sa go šupetsa gore ngwannyana yene ke mo go le kgareba, 21 ba ntshele ngwannyana yene ka tawong ga ntlo ya papage ke mokane banna ba mutši wo a tšwang ga wona ba tshwanele ba mo pshyaye ka matlapa go segela a kgwa, ka taba la gore o makiye selo sa go silikisa+ mone Israyele ka go maka bonghwahla* ntlong ya papage.+ Byalo, le tshwanele le tlose selo sa go befa mone gare ga lune.+

22 “Mo monna ba ka mo kraya a yetsele le mosadi wa monna ye mongwana, ba tshwanele ba kgwe ba le ka babedi, monna yene a yetseleng le mosadi yewa le yene mosadi yene.+ Byalo, le tshwanele le tlose selo sa go befa mone Israyele.

23 “Mo nkare monna o tshepisiye ngwannyana wa gore go sa le kgareba mošadho, ke mokane dya fo makega gore monna ye mongwana a gahlane naye fote a yetsela naye, 24 di nyaka o ba ntshele ka tawong ga gheyiti ya mutši ba le ka babedi fote o ba pshyaye ka matlapa go segela ba kgwa, ngwannyana yewa o ko ba o mmolayela gore aa yahlamela mone mutšing, monna yewa yene o mmolayela gore o poyidiye mosadi wa bhuti wage.+ Byalo, di nyaka le tlose selo sa go befa hone Israyele.

25 “Mara mo nkare monna yene o gahlanne le ngwannyana yene tšhomong wa gore ba mo tshepisiye mošadho ke mokane monna yene a mo reyipa, monna yene wa gore o mo reyipiye di nyaka a kgwe a le ntoši, 26 fote ngwannyana yene le sa mo make selo. Yene aa sinya selo tsa go šinya di nyaka gore a bolayiwe. Taba yowa yi tshwana le mo monna a hlasela bhuti wage fote a mmolaya.+ 27 Ka gore di f’lo makega gore monna yene a gahlane le ngwannyana yene ku mašahleng, ke mokane ngwannyana yene wa gore ba mo tshepisiye mošadho a gowelela mara gwa sa nyarele motho gore a mo phonise.

28 “Mo di ka makega gore monna a gahlane le ngwannyana wa gore ke kgareba wa gore a baa mo tshepisa mošadho ke mokane a mo tshwara a yetsela naye fote ba ba tanya,+ 29 monna yene wa gore o yetsele naye di nyaka a patele papa wa ngwannyana yene 50 ya dišekele tsa silva, fote ngwannyana yene go nyoko ba mosadi wage.+ Byalo ka gore o mo poyidiye, ba ka sa mo lisetse a mo hlala solanka monna yene a sa phela.

30 “Go sa be le motho wa gore o tseya mosadi wa papage, gore a sa poyili papage.+

23 “Ga batho bo ba gahlanneng ba bitsiye ke Jehova, go sa tle monna wa gore ba mo kgahlele kela wa gore bonna byage ba bo kupiye.+

2 “Motho wa gore babelegi bage ba mmelegiye ba sa šadha, aa tshwanela go kena phutegong ya Jehova.+ Le ditlogolwane tsage ka mokana ga tsona a dya tshwanela go kena phutegong ya Jehova.

3 “Le Maamoni kela Mamowaba a maa tshwanela go kena phutegong ya Jehova.+ Le ditlogolwane tsa bona ka mokana ga tsona a dya tshwanela go kena phutegong ya Jehova, 4 ka taba la gore a baa le gelepa ka tsa go ja le meetši nakwela le tšwa Egepita,+ le ka taba la gore ba hiriye Bhalamo morwayi wa Bhiyora wa gore o tšwa Pethore ya Mesopothamiya gore a le leyele senyama.+ 5 Mara Jehova Modimo wago o ganne go theetsela Bhalamo.+ Ke mokane Jehova Modimo wago a tšhentšha senyama sone a maka gore wene o rufege+ ka taba la gore Jehova Modimo wago ne a go nyaka ka matla.+ 6 Byalo a wa tshwanela gore o ba gelepe gore ba dule ba bebiye le gore ba dule ba pasopegiye solanka o sa phela.+

7 “A wa tshwanela gore o hloye Leedomo ka taba la gore ke bhuti wago.+

“A wa tshwanela gore o hloye Leegepita ka taba la gore ke mo o le motho wa go tšwa a sepela nageng ya lona.+ 8 Go tlugisela ga leloko la kararo la bana ba bona go ya mahlong ba ka kena phutegong ya Jehova.

9 “Mo o kampiye gore o hlasele manaba yago, a wa tshwanela go maka selo sa go sa loka.*+ 10 Mo nkare monna o thilafele ka taba la gore o ntshiye pewu mo bonneng byage bošego,+ di nyaka a tšwe mone kampeng fote a sa kene mone kampeng. 11 Ke mokane ka malobana di nyaka a hlape ka meetši, fote mo letšatši le sobela a ka boyela kampeng.+ 12 Le tshwanele le hlawole poleke ya go wutama ka tawong ga kampa, ke mokane le ka berekisa yona mo le nyaka go ya tawong. 13 Le tshwanele le berekiseneng sa go yepa. Le yepeneng ka sona mo le ye tsutsumaleng ka ku tawong ke mokane le fateleneng ka sona dithila tsa lune. 14 Ka gore Jehova Modimo wago o sepela hone kampeng yago+ gore a go phonise fote a make gore o hlule manaba yago, fote di nyaka kampa yago yi hlawolege+ gore a sa kraye selo sa gore se ya mo silikisa ke mokane a jika a sa sa sepela nago.

15 “Mo lebhantiti le tšhaba le tla gago, o sa le busetse ga mong wa lona. 16 Le ka dula go gongwana le go gongwana mo le nyakang gona mone mitšing ya lune. A le ya tshwanela go le maka lešidi.+

17 “Barwayi ba Israyele ka mokana ga bona a baa tshwanela go rekisa mmele tempeleng,+ le barwediya ba Israyele ka mokana ga bona a baa tshwanela go rekisa mmele tempeleng.+ 18 A wa tshwanela go tla le tšheleta ya go patela mosadi wa go rekisa mmele kela monna wa go rekisa mmele* mone ntlong ya Jehova Modimo wago gore o thogo maka tso o di tshepisiyeng, ka taba la gore dilo tsowa ka dipedi ke dilo tsa go silikisa ga Jehova Modimo wago.

19 “Mo o patedisa bhuti wago o sa tswadisi,+ kela ke tšheleta kela ke tsa go ja kela selo se sengwana le se sengwana sa gore se ka tswadisiwa. 20 Mo o patedisa motho wa gore a yi Leisrayele o ka tswadisa,+ mara mo o patedisa bhuti wago o sa yi tswadisi+ gore Jehova Modimo wago a thogo go rufa ga selo se sengwana le se sengwana so o se makang ga naga yo o yang go ye dula ga yona.+

21 “Mo nkare o tshepisiye Jehova Modimo wago,+ o sa tseyi nako go maka tso o di tshepisiyeng.+ Ka taba la gore Jehova Modimo wago o nyoko nyaka gore o di make; fote mo o ka sa make ka mokgonone o ko ba o sinnye.+ 22 Mara mo o sa make moyano, o ko ba o sa sinya.+ 23 Di nyaka o tshepege ka tso o di hlayyeng,+ fote di nyaka o make tso o di tshepisiyeng ka molomo wago go le sehlabelo sa go fo kwa o nabela go se makela Jehova Modimo wago.+

24 “Mo o kena tšhomong ya didhriva ya moyagelane wago, o ka ja didhriva go segela o kgotsofala, mara o sa di kgi o tšhela teng ga selo.+

25 “Mo o ya tšhomong ya korong ya moyagelane wago, o ka kga ya gore yi butšwiye ka matsogo yago, mara a wa tshwanela go sega mabele ya moyagelane wago ka sikila.+

24 “Mo monna a ka šadha le mosadi mara a fo kwa mosadi yene a sa mo jabodisi ka taba la gore o krayye selo sa go tšebisa ho gage, monna yene di nyaka a ngwale borifi bya go mo hlala,+ a mo neye byona ke mokane a mo rake ntlong yage.+ 2 Mo a šele a tlugiye ntlong yage, a ka ba mosadi wa monna ye mongwana.+ 3 Mo monna wa mabedi a ka mo hloya, a ngwala borifi bya go mo hlala, a mo neya byona ke mokane a mo raka ntlong yage kela mo monna yene wa bobedi wa gore o šadhiye naye a ka kgwa, 4 monna wage wa mathomo wa gore o mo hladiye a ka sa sa mo tseya fote gore go be mosadi wage ka gore o šele a thilafele gage, fote mo a ka maka ka mokgonone go ko ba go le selo sa go silikisa ga Jehova. O sa sinyi wa thilafatse naga yo Jehova Modimo wago a go neyang yona gore go be lefa lago.

5 “Mo nkare a yi botala monna a šadhiye, a sa ye bosoleng kela a neyiwa mmereko wo mongwana. Di nyaka a dule gaye mongwaga ka mokana ga wona gore a thogo jabodisa mosadi wage.+

6 “A go na ye di nyakang a tseya lwala kela tšhilo a re o tshwarisiye ka yona ka taba la mo a yadimme motho ye mongwana selo se sengwana,+ ka gore tšhilo yone yi mo gelepa gore a make tsa go ja gore a thogo phela.

7 “Mo motho ye mongwana a ka krayega a yetswiye bhuti wage wa Leisrayele, fote a mo tshwere bošidi a boya a mo rekisa,+ ye wa gore o mo yetswiye di nyaka a kgwe.+ Di nyaka le tlose selo sa go befa mone gare ga lune.+

8 “Mo o ka ba le bolwele bya go jega dinama bya gore ba re ke lephera,* di nyaka o make dilo ka mokana ga tsona tso o di botsang ke maprista ya Malifi.+ Di nyaka o make dilo go ya ka mokgo ke ba butsiyeng. 9 O sa libale dilo tso Jehova Modimo wago a di makiyeng ga Miriyamo nakwela le le tseleng le tšwa Egepita.+

10 “Mo o yadima moyagelane wago selo,+ o sa kene ntlong yage o tseya selo so a hlayyeng gore o nyoko go neya sona gore o tšwe o se tshwere. 11 Di nyaka o yemele ka ku tawong, ke mokane motho ye o mo yadimmeng tšheleta di nyaka a tšwe a go neye sa gore o fo tšwa o tshwarisiye. 12 Fote mo nkare monna yene wa hlupega, o sa yetsele le selo so a go neyyeng sona gore o fo tšwa o se tshwere.+ 13 Di nyaka o busetse selo so a go neyyeng sona gore o tšwe o se tshwere mo letšatši le sobela, fote yene o nyoko yetsela ka kobo yage,+ a go rufa; fote tsotsone di ko ba di rela gore wene o lukiye mahlong ga Jehova Modimo wago.

14 “O sa rope motho ye o mo hiriyeng wa gore aa na sage fote wa tihlupegela, go ka ba bhuti wago kela ke motho wa gore o tšwa a sepela mone mitšing* ya lune.+ 15 Di nyaka o mo patele ka letšatši lolone le soko bane le dikela,+ ka taba la gore wa hlupega fote mogolo wone o tshepiye wona. Mo o ka sa make ka mokgonone, motho yene o nyoko llela ga Jehova ka taba lago ke mokane tsotsone dya maka gore o be le molato.+

16 “Bopapa ba sa bolayiwi ka taba la tso bana ba bona ba di makiyeng, fote le bana a sa bolayiwi ka taba la tso bopapa ba bona ba di makiyeng.+ Motho ye mongwana le ye mongwana o nyoko bolayiwa ka taba la tso yene mong a di sinnyeng.+

17 “O sa kekemisi mo o yahlula motho wa go tšwa a sepela kela ngwana wa gore aa na papa,+ fote o sa tseye kobo ya mosadi wa go kgwela ke monna gore o fo tšwa o yi tshwere solanka a sa go kolota.+ 18 O sa libale gore ke mo o le lebhantiti ku Egepita, fote Jehova Modimo wago o go ntshiye gana hone.+ Nka taba lo ke go botsang gore o make dilo tsowa.

19 “Mo o buna tšhomong yago ke mokane wa libala ngata ya korong, o sa boyele o yi lata. Go be ya motho wa go tšwa a sepela, ngwana wa gore aa na papa le mosadi wa gore o kgwele ke monna+ gore Jehova Modimo wago a thogo go rufa ga dilo ka mokana ga tsona tso o di makang.+

20 “Mo o hluhlura mohlare wa diolivi, o sa hluhlure gatleletlele. Tso di šalang go be tsa motho wa go tšwa a sepela, ngwana wa gore aa na papa le mosadi wa gore o kgwele ke monna.+

21 “Mo o kga didhriva ga tšhomo yago, o sa boyele o ye hlokotša tso di šeleng. Di nyaka o di šiyele motho wa go tšwa a sepela, ngwana wa gore aa na papa le mosadi wa gore o kgwele ke monna. 22 O sa libale gore ke mo o le lebhantiti nageng ya Egepita. Nka taba lo ke go botsang gore o make dilo tsowa.

25 “Mo go ka tsoga ntwa gare ga batho ka babedi, di nyaka ba ye ga bo ba go yahlula,+ bona ba nyoko ba yahlula ke mokane ba hlaya gore ke mang wa gore aa sinya le gore ke mang wa gore o sinnye.+ 2 Mo nkare ye wa gore o sinnye di nyaka a teyiwe,+ bo ba go yahlula ba nyoko mo patlamisa mo fase ke mokane ba mo teya mahlong ga ye wa gore aa na molato. Di nyaka a teyiwe di ya ka gore o sinnye go segela kaye. 3 Ba ka mo teya go segela ga 40 ka kgati,+ mara ba sa fete nombhoro yone. Ka taba la gore mo ba ka mo teya ba fitisa, ba ko ba ba mo poyidiye mahlong ga lune.

4 “Mo kgomu yi tula mabele o sa yi tleme molomo.+

5 “Mo batho ba gore ke bobhuti ba dula ggoši ke mokane ye mongwana a timela a se na morwayi, mosadi wa ye wa gore o hlokofele a sa tseye ke motho wa gore a yi lešaga la monna ye a hlokofeleng. Di nyaka a šadhe le sebara sage, se make mmereko wa sona ka go šadha le mosadi wa bhuti wa sona wa gore o hlokofele.+ 6 Letšibula la mosadi yewa le nyoko berekisa lebitso la bhuti yewa wa gore o hlokofele,+ gore lebitso lage le sa kgwelele mone Israyele.+

7 “Byalo, mo monna yene a sa nyake go tseya mosadi wa bhuti wage wa gore o hlokofele, mosadi yene di nyaka a ye ga banna ba bagolo ku gheyiting ya mutši, a segele a ba botse a re, ‘Sebara saka se gana go maka gore lebitso la bhuti wa sona le sa kgwelele ho Israyele. Aa nyake go maka mmereko wage wa go šadha le mosadi wa bhuti wage wa gore o hlokofele.’ 8 Banna ba bagolo ba mutši wo a dulang ga wona ba mmitse ke mokane ba bolabole naye. Mara mo a ka fo ya mahlong a re, ‘A ke nyake go šadha naye,’ 9 ke mokane mosadi wa bhuti wage yela wa gore o hlokofele di nyaka a šutele gage hone mahlong ga banna ba bagolo, a mo yapole seyeta,+ a mo tshwele mo mahlong ke mokane a re gage, ‘Motho wa gore aa nyake go tsosa mutši wa bhuti wage ba mo maka tsotsone.’ 10 Ke mokane yene le ba mutši wage ku Israyele ba nyoko tšibega go le ‘Mutši wa yela wa gore ba mo yapodiye seyeta sage.’

11 “Mo banna ka babedi ba ka lwa ke mokane mosadi wa ye mongwana a liketsa go tšhireletsa monna wage ga ye a mo hlaselang, ke mokane a tshwara monna ye mongwana ka ho bonneng, 12 di nyaka le mo kupe letsogo. Fote le sa mo kwele go baba.

13 “O sa tšhele matlapa ya go sa lekane ya go kala ka wona ka teng ga sekhwama sago,+ wa tšhela le legolo le le lenyana. 14 A di nyake go ba le dikala ka dipedi tsa gore a di tshwane+ ka mutšing wago, tsa gore a di lekane. 15 Mo le kala dilo tsa go roba di nyaka le kale gabutši fote go be tsa go tshepega, gore le thogo phela nako ya go lefa ga naga yo Jehova Modimo wa lune a le neyang yona.+ 16 Ka taba la gore motho ye mongwana le ye mongwana wa gore aa tshepege wa gore o maka dilo tsowa o silikisa Jehova Modimo wa lune.+

17 “Le sa libale tso Maamaleke ma le makiyeng tsona nakwela le le tseleng le tšwa Egepita,+ 18 ka mokgo ma gahlanneng le lune ke mokane ma hlasela batho ka mokana ga bona ba gore ke mo ba šalele nthago nakwela le lelemela fote le tinnwe. Ke mo ma sa tšhabe Modimo. 19 Mo Jehova Modimo wa lune a maka gore le bebe fote manaba ya lune ma sa sa le hlasela ga naga yo Jehova Modimo wa lune a le neyang yona gore go be lefa la lune,+ le fetseneng ka Maamaleke ho lefaseng gore go sa sa ba le motho ye a ba gopolang.+ Dilo tsowa le sa libale go di maka.

26 “Mo o šele o kenne ga naga ya gore Jehova Modimo wago o go neya yona gore go be lefa fote o šele o dula ga yona, 2 di nyaka o tseye diyengwa tsa mathomo ga diyengwa ka mokana ga tsona tso o di bunneng ke mokane o nyoko di hlekeletsa ga naga yo Jehova Modimo wago a go neyang yona, fote o nyoko di tšhela ka teng ga mmantši ke mokane o nyoko ya ga poleke yo Jehova a yi kgetang gore lebitso lage le thanakiwe gona.+ 3 Di nyaka o ye ga moprista wa gore o ko ba a bereka ka dinako tsone, o segele o re, ‘Lekgono ke tl’le bolabola le Jehova Modimo wago, ke mmotsa gore ke segele ga naga yo Jehova a yi tshepisiyeng bokokwane ba rune gore o nyoko re neya yona.’+

4 “Ke mokane moprista o nyoko tseya mmantši wone gago a wo beya mahlong ga aletare ya Jehova Modimo wago. 5 Mara wene o nyoko hlaya mahlong ga Jehova Modimo wago wa re, ‘Papa ke mo go le Learamo*+ la go ya tlase le kgakala, ke mokane a ya Egepita+ a segela a dula gona go le motho wa go tšwa a sepela, ba mutši wage ne ba sa tlala.+ Mara a ba setšhaba se segolo ka matla, sa batho ba go ba le matšhika le ba go tlala.+ 6 Fote Maegepita a maa re tshwara gabutši, ma re hlorisiye, nakwela re le mabhantiti ya wona ma re tshwere bošidi.+ 7 Byalo ra thomisa go llela Jehova Modimo wa bokokwane ba rune, ke mokane Jehova a re theetsela fote a bona mo ba re hlorisa, a bona mathatha ya rune, a boya a bona le mo ba re tshwara bošidi.+ 8 Jehova a fetsa a re ntshiye Egepita ka letsogo lage la gore le na le matšhika fote a le wolodiye,+ a maka le dilo tsa go tshosa, mešupetso le mehlolo.+ 9 Byalo a re leya ga poleke yowa ke mokane a re neya naga yowa, naga ya gore yi yela lebese le mamapo.+ 10 Gana byalo ke leyye diyengwa tsa mathomo tsa gore ke di bunne ga tso Jehova a nneyyeng tsona.’+

“Wene di nyaka o di yise mahlong ga Jehova Modimo wago, ke mokane o kgotame mahlong ga Jehova Modimo wago. 11 Le nyoko jabodisa ke dilo ka mokana ga tsona tsa go bafala tso Jehova Modimo wa lune a le neyyeng tsona, lune le ba mutši wa lune, le motho wa gore ke Lelifi le wa go wa go tšwa a sepela wa gore o dula mone gare ga lune.+

12 “Byalo ka mongwaga wa kararo mo o fetsiye go hlekeletsa sa lesome+ ga tso o di bunneng, di nyaka o di neye Malifi, motho wa go tšwa a sepela, ngwana wa go se na papa le mosadi wa go kgwela ke monna, o ba lisetse ba je go segela ba kgora mone mitšing ya lune.+ 13 Ke mokane o nyoko re ga Jehova Modimo wago, ‘Ke ntshiye sekopa sa dilo tsa go hlawolega ku ntlong yaka ke mokane ka se neya Malifi, motho wa go tšwa a sepela, ngwana wa go se na papa le mosadi wa gore o kgwele ke monna,+ go ya ka mokgo o mputsiyeng ka gona. A ke ya tshila melawo yago kela go sa yi theetsele. 14 A ke ya di ja nakwela ke lla kela nakwela ke sa yela fote a ke ya di berekisa ga batho ba gore ba kgwile. Ke theetsele lentsu la Jehova Modimo waka, fote ke makiye dilo ka mokana ga tsona tso o mputsiyeng. 15 Byalo, lebelela mo lefaseng o kene o duli polekeng yago ya go hlawolega ya ku magedimong ke mokane o rufe batho bago ba Israyele le poleke yo o re neyyeng yona,+ go ya ka mokgo o tshepisiyeng bokokwane ba rune,+ naga ya gore yi yela lebese le mamapo.’+

16 “Lekgono Jehova Modimo wago o go botsa gore o ye mahlong o latelela melawo le mokgwa wa go yahlula. Di nyaka o di make ka pelo yago ka mokana+ ga yona le ka bowene* byago ka mokana ga byona. 17 Lekgono Jehova o le tshepisa gore o nyoko ba Modimo wa lune solanka le sepela ditseleng tsage, le latelela melawo yage+ le yahlula ka mokgo+ a le botsang ka gona fote le mo le theetsela mantsu yage. 18 Fote lekgono le tshepisiye Jehova gore le nyoko ba batho bage ba go hlawolega ka matla,+ go ya ka mokgo a le tshepisiyeng ka gona le gore lune le nyoko theetsela melawo yage ka mokana ga yona 19 le gore o nyoko maka gore le be ka kgakala ga ditšhaba tse dingwana ka mokana ga tsona tso a di makiyeng,+ a le thanake fote a le gadimise mo le kene le tišupetsa gore ke lune batho ba go hlawolega ga Jehova Modimo wa lune,+ go ya ka mokgo a le tshepisiyeng ka gona.”

27 Byalo Moše le banna ba bagolo ba Israyele ba botsa batho ba re: “Theetselaneng melawo ka mokana ga yona yo ke le botsang yona lekgono. 2 Fote ka letšatši lo le nyoko tshilang nooka ya Jorodane le ya ga naga ya gore Jehova Modimo wa lune o le neya yona, le beye matlapa ya magolo fote le ma polastele.+ 3 Ke mokane o ngwale mantsu ya molawo wowa ka mokana ga wona mo o šele o tshilele ka mosekola gore o kene ga naga ya gore Jehova Modimo wago o go neya yona, naga ya gore yi yela lebese le mamapo, go ya ka mokgo Jehova Modimo wa bokokwane bago a go tshepisiyeng.+ 4 Mo o šele o tshidiye nooka ya Jorodane, o beye matlapa yawa ga Thaba ya Ebhali+ ke mokane o ma polastele, go ya ka mokgo ke go botsang ka gona lekgono. 5 O yage aletare ya matlapa gana hone o yagele Jehova Modimo wago. O sa berekisi dithulusi tsa tshipi ga yona.+ 6 Di nyaka o yagele Jehova Modimo wago aletare ka matlapa ya gore ma felegelele ke mokane o makele Jehova Modimo wago dihlabelo tsa go tšhubiwa ga yona. 7 O make dihlabelo tsa go hlekediwa+ ke mokane o di je o le gana hone,+ fote o nyoko jabola mahlong ga Jehova Modimo wago.+ 8 Fote o ngwale mantsu ya Molawo wone ka mokana ga wona gabutši ga matlapa yane.”+

9 Byalo Moše le maprista ya Malifi ba bolabola le batho ka mokana ga bona ba Israyele, ba re: “Lune Maisrayele, kgomolelaneng le theetsele. Go tlugisela lekgono ke lune batho ba Jehova Modimo wa lune.+ 10 Le theetsele mantsu ya Jehova Modimo wa lune ke mokane le make tso di hlayang ke melawo yage+ le ditšhiko tsage tso ke le botsang tsona lekgono.”

11 Ka letšatši lolone, Moše o butsiye batho a re: 12 “Bowa ba nyoko yema Thabeng ya Gherizimi+ gore ba rufe batho mo lune le tshidiye Jorodane: Leloko la Simiyoni, la Llifi, la Juda, la Isakhara, la Josefa le la Bhenjamini. 13 Bowa ba nyoko yema Thabeng ya Ebhali+ gore ba bolabole dilo tsa go sasamela: Leloko la Rubeni, la Ghada, la Aša, la Zebhuloni, la Dani le la Nafthali. 14 Ke mokane Malifi ma nyoko yahlamela ga batho ka mokana ga bona ba Israyele ma re:+

15 “‘Motho wa gore o makiye modimo wa sethombhe ka kwata+ kela ka tshipi+ ke mokane a se wutametsa, o nyoko makegela ke dilo tsa go baba. Dilo tsotsone a* di makiyeng ke dilo tsa go silikisa ga Jehova.’+ (Fote batho ka mokana ga bona ba nyoko re, ‘Amene!’*)

16 “‘Motho wa gore o dhelela papage kela mmane wage o nyoko wela ke tsa go sasamela.’+ (Fote batho ka mokana ga bona ba nyoko re, ‘Amene!’)

17 “‘Motho wa gore o tlosa tso moyagelane wage a kgeriyeng ka tsona o nyoko wela ke tsa go sasamela.’+ (Fote batho ka mokana ga bona ba nyoko re, ‘Amene!’)

18 “‘Ye a makang gore motho wa go popela maahlo a tšwe pateng o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

19 “‘Motho wa gore aa mo yahlule gabutši+ ye wa go tšwa a sepela, ngwana wa go se na papa kela mosadi wa go kgwela ke monna o nyoko tlela ke dilo tsa go sasamela.’+ (Fote batho ka mokana ga bona ba nyoko re, ‘Amene!’)

20 “‘Motho ye mongwana le ye mongwana wa gore o maka tsa ka mapaying le mosadi wa papage, o nyoko tlela ke dilo tsa go sasamela ka gore aa hlompe papage.’+ (Fote batho ka mokana ga bona ba nyoko re, ‘Amene!’)

21 “‘Motho ye mongwana le ye mongwana wa gore o maka tsa ka mapaying le phoolwane ye nngwana le ye nngwana o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

22 “‘Motho ye mongwana le ye mongwana wa gore o maka tsa ka mapaying le sesi wage wa gore ke morwediya wa papage kela morwediya wa mmane wage o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

23 “‘Motho ye mongwana le ye mongwana wa gore o maka tsa ka mapaying le matsalage o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

24 “‘Motho ye mongwana le ye mongwana ye a hlaselang le go bolaya moyagelane wage o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

25 “‘Motho ye mongwana le ye mongwana ye a tseyang dhizi gore a thogo bolaya motho wa gore aa na molato o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

26 “‘Motho ye mongwana le ye mongwana wa gore a ka sa theetsele mantsu ya Molawo wowa a boya a sa make tso wo di hlayang, o nyoko tlela ke tsa go sasamela.’+ (Fote batho ka mokana ga bona ba nyoko re, ‘Amene!’)

28 “Byalo, mo o ka sa lisetsi go theetsela mantsu ya Jehova Modimo wago ka go maka selo se sengwana le se sengwana so ke go botsang sona lekgono, Jehova Modimo wago o nyoko maka gore o be ka kgakala ga ditšhaba tse dingwana ka mokana ga tsona tsa ho lefaseng.+ 2 Jehova Modimo wago o nyoko go rufa ka dilo tsowa ka mokana ga tsona+ ka taba la gore o ya mahlong o theetsela lentsu lage:

3 “O nyoko rufiwa mutšing wo o dulang ga wona, wa boya wa rufiwa le mašomong yago.+

4 “Bana bago ba nyoko rufiwa,+ dilo tso o di gašang, bana ba morape wago, dinamane tsago le dinku tsago le tsona di nyoko rufiwa.+

5 “Mmantši wago+ le sitša sago sa motšiti sa go dubela folawa+ ga sona di nyoko rufiwa.

6 “O nyoko rufiwa ga dilo ka mokana ga tsona tso o di makang.

7 “Jehova o nyoko maka gore manaba yago ya ma go hlaselang o ma hlule.+ Ma nyoko go hlasela ka nthoko ka yyoši, mara ma nyoko tšhaba ka ditsela tsa go sa tshwane kašupa ya tsona.+ 8 Jehova o nyoko rufa diralo tsa lune tsa mabele+ le dilo ka mokana ga tsona tso le di makang, fote Jehova Modimo wa lune o nyoko le rufa le ga naga yo a nyoko le neyang yona. 9 Jehova o nyoko maka gore le be batho bage ba go hlawolega+ go ya ka mokgo a le tshepisiyeng,+ ka taba la gore le ya mahlong le theetsela melawo ya Jehova Modimo wa lune le go sepela ditseleng tsage. 10 Batho ba lefase ka mokana ga lona ba nyoko di bona tsa gore ke lune batho ba Jehova+ fote ba nyoko le tšhaba.+

11 “Jehova o nyoko maka gore le be le bana ba go tlala le diphoolwane tsa go tlala, fote o nyoko maka gore le be le mašomo ya go tsifa+ nageng yo Jehova a tshepisiyeng gore o nyoko yi neya bokokwane ba lune.+ 12 Jehova o nyoko bula magedimo gore a le neye pula ka nako ya gona go tshwana le mo motho a bula diralo tsage tsa gabutši,+ gore a rufe dilo ka mokana ga tsona tso le di makang. Le nyoko yadima ditšhaba tsa go tlala, mara lune le ka sa yadimi.+ 13 Jehova o nyoko maka gore le be ka kgakala ga batho ba bangwana, fote o nyoko maka gore ba sa le lawole,+ lune le nyoko lawola bona mara bona ba ka sa le lawole mo le ka theetsela melawo ya Jehova Modimo wa lune yo ke le botsang yona lekgono gore le yi make. 14 O sa lisetsi go latelela mantsu ya ke go botsang wona lekgono ka mokana ga wona, o sa ye ga letsogo la go ja kela la sepata+ wa rapela medimo ye mengwana fote wa yi berekela.+

15 “Mara mo o ka sa theetsele lentsu la Jehova Modimo wago wa latelela melawo yage ka mokana ga yona le tso ke go botsang tsona lekgono, o nyoko makegela ke dilo tsowa tsa go sasamela ka mokana ga tsona:+

16 “O nyoko tlela ke tsa go sasamela mutšing wo o dulang ga wona, wa boya wa tlela ke tsa go sasamela mašomong yago.+

17 “Mmantši wago wa mabele wo nyoko tlela ke tsa go sasamela,+ le sitša sago sa motšiti sa go dubela folawa ga sona se nyoko tlela ke tsa go sasamela.+

18 “Bana bago ba nyoko tlela ke tsa go sasamela,+ le dilo tso o di gašang le dinamane tsago le dinkunyana tsago.+

19 “O nyoko tlela ke tsa go sasamela ga dilo ka mokana ga tsona tso o di makang.

20 “Jehova o nyoko maka gore o tlele ke tsa go sasamela, o nyoko maka gore le hlakahlakane a boya a le wolola ga selo se sengwana le se sengwana so le se makang go segela a le bolaya ke mokane a fetsa ka lune ka go yakgoswa, ka taba la dilo tsa go befa tso o di makang le ka taba la go sa ntheetsele.+ 21 Jehova o nyoko maka gore le kene ke bolwele go segela a fetsa ka lune ga naga yo a nyoko le neyang yona gore go be ya lune.+ 22 Jehova o nyoko go teya ka bolwele bya matshwafo, bolwele bya go fisafisa mmele,+ go fo roroga mmele, mmele wa go baba ka taba la go fisa, sabola,+ moya wa go fisa le bolwele bya dimilane;+ fote di nyoko fo ba ka mokgonone go segela go fela ka wene. 23 Ke nyoko maka gore mone ga lune go sa ne pula,* fote mobu wa lune wo ka sa mile selo.*+ 24 Jehova o nyoko maka gore pula yo yi nang mone nageng ya lune yi tshwane le santa fote lerole le nyoko thewoga le tšwa magedimong go segela go fela ka lune. 25 Jehova o nyoko maka gore manaba ya lune ma le hlule.+ Le nyoko ba hlasela le le ka nthoko ka yyoši, mara le nyoko tšhaba le libiye ga kašupa ya dipoleke; fote memmušo ka mokana ga yona ya mo lefaseng yi nyoko tšhoga ka taba la dilo tsa go sasamela tso di le makegelang.+ 26 Ke mokane ditopo tsa lune di nyoko ja ke dinonyane ka mokana ga tsona tsa go phurrwa magedimong le diphoolwane ka mokana ga tsona tsa ho lefaseng, fote go ka sa be le motho wa go di tshosanya.+

27 “Jehova o nyoko maka gore o tšwe mašopa ya gore ma tlwayelegiye Egepita, mokokomane, sebabo le malwele ya mehlobohlobo ya letlalo, fote a go na wa gore a ka go yalafa. 28 Jehova o nyoko maka gore o hlanye, o popele maahlo+ fote o hlakahlakane. 29 Wene o nyoko phuphuletsa motshegare go tshwana le motho wa go popela maahlo mo a phuphuletsa letshwifing,+ o ka sa phomelele ga selo se sengwana le se sengwana so o se makang; ba nyoko go ropa ba boya ba go yetswela, fote go ka sa be le motho wa go go gelepa.+ 30 O nyoko tshepisa mosadi mošadho mara monna ye mongwana o nyoko tla a mo reyipa. O nyoko yaga ntlo, mara o ka sa duli ga yona.+ O nyoko gaša didhriva ga tšhomo yago, mara o ka sa ji diyengwa tsa yona.+ 31 Kgomu yago ya phoolo ba nyoko yi bolaya o yi lebelele, mara o ka sa ji nama ya yona. Bhongholo yago ba nyoko yi yetswa o kene o yi lebelele, fote o ka sa sa yi bona. Nku yago ba nyoko yi neya manaba yago, fote go ka sa be le wa go go gelepa. 32 Barwayi bago le barwediya bago ba nyoko ba neya batho ba bangwana+ o kene o lebelele, fote o nyoko ba gopola, mara go ko ba go se na so o ka se makang. 33 Diyengwa tso o di gašang le dilo tso o di bunang ka mokana ga tsona di nyoko ja ke batho ba gore a o ba tšibi,+ fote ba nyoko dula ba go ropa, ba boya ba go hlorisa. 34 O nyoko hlanyisa ke tso o di bonang.

35 “Jehova o nyoko maka gore matolo yago le mawoto yago ma tšwe mašopa ya go baba ya gore fote a ma fole, go tlugisela seretheng go segela phogong. 36 Jehova o nyoko yisa wene le kgoši yo o tikgeteleng yona ga setšhaba sa gore wene le bokokwane bago a le se tšibi,+ fote gana hone le nyoko berekela medimo ye mengwana, medimo ya go makiwa ka kwata le ya go makiwa ka letlapa.+ 37 Mo le segela ga dipoleke tso Jehova a le rakelang ga tsona, batho ba gana hone ba nyoko tšhoga mo ba bona dilo tso di le makegeleng ke mokane ba nyoko le tshega ba boya ba le poyila.+

38 “O nyoko gaša dipewu tsa go tlala mone tšhomong, mara tso o di bunang go nyoko ba tse dinyana+ ka taba la gore ditšiya di nyoko di ja. 39 O nyoko gaša didhriva wa boya wa di buna, mara o ka sa nwe wayini kela wa hlekeletsa tse dingwana+ ka taba la gore diboko di nyoko di ja. 40 O nyoko ba le mehlare ya diolivi mone nageng yago ka mokana ga yona, mara o ka sa tlole makgura ya tsona ka taba la gore di nyoko wuluga di soko bane di butšwa. 41 O nyoko ba le barwayi le barwediya, mara go ka sa be bago ka taba la gore ba nyoko ya bobhantiting.+ 42 Moririmane wa dikhukhununu wo nyoko kenelela mehlare yago ka mokana ga yona, fote wo nyoko kenelela le diyengwa tsa dilo tso o di gašiyeng. 43 Motho wa go tšwa a sepela wa gore o dula gare ga lune o nyoko ya mahlong a phomelela hala wene o ya mahlong o hlupega. 44 O nyoko go yadima dilo, mara wene o ka sa mo yadimi selo.+ Yene o nyoko ba ka kgakala gago hala wene o le ka tlase gage.+

45 “Dilo tsowa tsa go sasamela+ ka mokana ga tsona di nyoko go makegela fote di nyoko go hlula go segela o kgwa,+ ka taba la gore a wa theetsela lentsu la Jehova Modimo wago ka go latelela melawo le ditšhiko tso a go butsiyeng tsona.+ 46 Fote di nyoko dula di le gona mone gago le ga bana bago go ya go yye gore go be mošupetso fote di thogo pasopisa batho ba bangwana,+ 47 ka taba la gore a wa berekela Jehova Modimo wago o jabodiye nakwela o na le dilo go tlala.+ 48 Jehova o nyoko romela manaba yago gore ma go hlasele, wene o nyoko ma berekela+ o kene o kwa tlala,+ o wonngwe meetši, o sa yapara gabutši, fote o gayela dilo ka mokana ga tsona. O nyoko go yapesa lejoko la tshipi ho molaleng wago go segela a fetsa ka wene.

49 “Jehova o nyoko maka gore setšhaba sa kgole se go hlasele,+ se nyoko tla se tšwa polekeng ya kgole; fote se nyoko go hlasela go tshwana le lenong,+ setšhaba sa gore se bolabola mmolabolo wa gore a o wo kwisisi,+ 50 fote setšhaba sone se šupetsa se na le lešidi fote a se tihlupe ka motho wa go tsofala kela go kwela motho ye monyana go baba.+ 51 Ba nyoko ja bana ba diphoolwane tsa lune le diyengwa tsa dilo tso le di gašiyeng go segela go fela ka lune. Ba ka sa le šiyele mabele, wayini ya nyuwane kela makgura, le senamane kela nku go segela go fela ka lune.+ 52 Ba nyoko le dukulugela, ba le kwalela ka gana mone teng ga mitši* ya lune mone ga naga ya lune go segela mapharo yane ya go tiya ya gore le ma tshepiye ma wa. Ka nnete ba nyoko le dukulugela mone mitšing ya lune ga naga yone ya gore Jehova Modimo wa lune o le neyye yona.+ 53 Ka taba la gore manaba ya lune ma nyoko dukulugela mutši wa lune fote ma nyoko le hlorisa, le nyoko ja bana ba lune, ka nnete le nyoko ja barwayi ba lune le barwediya ba lune+ ba gore Jehova Modimo wa lune o le neyye bona.

54 “Le mong motho wa gore o kwelana go baba wa gore o na le pelo ya go bafala mone gare ga lune, a ka sa kwele bhuti wage go baba kela mosadi wage wa gore o mo nyaka ka matla kela barwayi bage ba gore ba nyoko ba ba šele, 55 ka taba la gore manaba ya lune ma ko ba ma dukulugele mitši ya lune fote ma le hlorisa, o ko ba a se na selo, byalo o nyoko ja bana bage fote a ka sa ngathele motho.+ 56 Le mong mosadi wa gore o kwelana go baba wa gore o tlwayele masithisithi tsela tsa gore aa sepele fase ka mawoto ka taba la gore o dula masithisithing,+ a ka sa kwele monna wage go baba kela morwayi wage kela morwediya wage, 57 le dilo tso di tšwang mmeleng wage ka nthago ga go belega barwayi bage, o nyoko di jela makhukhung ka taba la gore wa šekela fote o kgongwetsa ke manaba ya lune mo ma le dukulugele ga mitši ya lune.

58 “Mo o sa theetsele mantsu ka mokana ga wona ya Molawo, ya ba ma ngwadiyeng ga puku yowa,+ fote o sa hlompe lebitso la go makatsa+ la Jehova+ Modimo wago, 59 Jehova o nyoko leyela wene le bana bago dilo tsa go sasamela ka matla, dilo tsa gona tsa go sasamela go nyoko ba tse dikgolo tsa go baba ka matla,+ fote o nyoko le leyela malwele ya go sa fele. 60 O nyoko go leyela malwele ka mokana ga wona ya ku Egepita ya gore ke mo o ma tšhaba, fote ma nyoko dula ma le gona. 61 Go tokegela gana hone, Jehova o nyoko go leyela malwele ka mokana ga wona kela dilo tsa go sasamela tsa gore a di ya ngwadiwa ga puku ya Molawo wowa go segela go fela ka wene. 62 Le mo le kene le tlele go tshwana le dinanedi tsa ku magedimong,+ go nyoko šala batho ba banyana mone ga lune+ ka taba la gore a le ya theetsela lentsu la Jehova Modimo wa lune.

63 “Fote go fo tshwana le mo Jehova a yye a jabodisa ke go maka gore le phomelele fote le tlale, Jehova o nyoko jabodisa ke go fetsa ka lune; fote o nyoko le tlosa ga naga yo go nyoko bang ya lune.

64 “Jehova o nyoko maka gore le palakane gare ga ditšhaba tse dingwana ka mokana ga tsona, go tlugisela mo lefase le thomisang gona go segela mo le felelang gona,+ fote le nyoko berekela medimo ya go makiwa ka dikwata le ya go makiwa ka letlapa ya gore wene le bokokwane bago a le yi tšibi.+ 65 Wene o ka sa duli o bebiye mone gare ga ditšhaba tsone+ kela wa kraya poleke ya gore o ka khutsela ga yona. Mara Jehova o nyoko maka gore o dule o kokola+ fote maahlo yago ma dule ma tinnwe fote o dule o kgongwele.+ 66 Lephelo lago le nyoko gakga, o nyoko dula o tšhugiye bošego le motshegare; fote o ko ba o sa tšibi gore o nyoko phona kela byang. 67 Ka bošego o nyoko re, ‘Hala go le ka malobana!’ fote ka malobana o nyoko re, ‘Hala go le ka bošego!’ ka taba la gore o nyoko ba o tšhugiye le ka taba la tso o nyoko di bonang. 68 Fote Jehova o nyoko go busetsa Egepita ka sekepe ka pata yela ke go butsiyeng gore, ‘O ka sa sa sepela ka yona,’ fote mo le segela gana hone le nyoko tirekisa ga manaba ya lune le le mabhantiti ya banna le ya basadi, mara ba ka sa le reke.”

29 Yawa ke mantsu ya kwano yo Jehova a butsiyeng Moše gore a yi make le batho ba Israyele ku nageng ya Mowaba, go tokegela ga kwano yo a yi makiyeng nabo ku Horebe.+

2 Ke mokane Moše a bitsa Maisrayele ka mokana ga wona, a re ga wona: “Le bonne dilo ka mokana ga tsona tso Jehova a di makiyeng Faro le kene le lebelele ku nageng ya Egepita, malata yage ka mokana ga wona le naga yage ka mokana ga yona,+ 3 ka mokgo le bonneng a ba yahlula ka gona, mešupetso ye megolo le mehlolo.+ 4 Mara go segela le lekgono lowa Jehova aa le neya matšhika ya gore le kwisise dilo tso le di bonneng le tso le di kwileng.+ 5 ‘Nakwela go fela 40 ya mengwaga nkene ke le yetetsa ku mašahleng,+ dikobo tsa lune le diyeta tsa lune a dya hlagala.+ 6 A le ya ja sekgwa fote a le ya nwa wayini kela selo se sengwana le se sengwana sa go ba le mokgete gore le thogo di tšiba tsa gore ke nna Jehova Modimo wa lune.’ 7 Le fetsiye le segela ga poleke yowa, fote Sihone kgoši ya Hešibhone+ le Ogo kgoši ya Bhašane+ ba tlile ba tl’le lwa le rune, mara re ba hludiye.+ 8 Ka nthago ga hone re tsere naga ya bona ke mokane ra yi neya leloko la Rubeni, la Ghada le sekopa sa leloko la Manase gore go be lefa la bona.+ 9 Byalo, theetselaneng mantsu ya kwano yowa ke mokane le di makeneng gore dilo ka mokana ga tsona di thogo le sepelela gabutši.+

10 “Ka mokana ga lune lekgono le yemme mahlong ga Jehova Modimo wa lune, dindhuna tsa maloko ya lune, banna ba bagolo, ba go lawola, monna ye mongwana le ye mongwana wa Israyele, 11 bana ba lune, basadi ba lune+ le batho ba gore a yi Maisrayele+ ba gore ba dula kampeng ya lune, go thomisa ka wa go kgobaketsa mahlare go segela ka wa go ga meetši. 12 Lune le gana howa gore le tshepise go maka kwano le Jehova Modimo wa lune, kwano ya gore Jehova Modimo wa lune o yi maka le lune lekgono+ 13 gore a thogo maka gore le be batho bage lekgono+ fote yene a be Modimo wa lune,+ go ya ka mokgo a le tshepisiyeng le ka mokgo a tshepisiyeng bokokwane ba lune Abhrahama,+ Isaka+ le Jakobo.+

14 “Byalo kwano yowa le dilo tso ke di tshepisang a ke di make le lune fela, 15 mara ke di maka le bo ba yemmeng howa lekgono mahlong ga Jehova Modimo wa rune le ba gore a ba šiyo howa lekgono. 16 (Ka gore lune le ya di tšiba gore re phidiye byang ku nageng ya Egepita le gore re fitiye byang ditšhabeng tsa mehlobohlobo mo re kene re sepela.+ 17 Fote ne le bona dilo tsa bona tsa go silikisa le medimo ya bona ya dithombhe*+ ya go silikisa ya go makiwa ka dikwata, matlapa, silva le gholdi tsa gore ne di le gare ga bona.) 18 Le pasope le sa kraye go na le monna kela mosadi kela mutši kela leloko hone gare ga lune wa gore o jikela Jehova Modimo wa lune ke mokane a berekela medimo ya ditšhaba tsone,+ gore mone gare ga lune go sa be seyengwa sa go ba le tšhefu le semilane sa go galaka.+

19 “Mara mo ye mongwana a ka kwa mantsu ya tso di tshepisiwweng ke mokane a titeya sekguba a re, ‘Dilo di nyoko nsepelela gabutši le mo ke maka dilo tsa go tšiba ke nna,’ anthe mo a maka ka mokgonone o sinyela motho ye mongwana le ye mongwana wa gore o thina naye, 20 Jehova a ka sa mo tshwarele.+ Mara Jehova o nyoko mo kwatela ka matla ke mokane dilo tsa go sasamela tso di ngwadiwweng ga puku yowa di nyoko mo tlela,+ fote Jehova o nyoko tlosa lebitso lage ho lefaseng. 21 Ke mokane Jehova o nyoko mo tlosa ga maloko ka mokana ga wona ya Israyele gore a tlele ke dilo ka mokana ga tsona tsa go sasamela tsa kwano yo yi ngwadiwweng ga puku yowa ya Molawo.

22 “Mo leloko lo le sa nyoko tlang la barwayi ba lune le batho ba gore a yi Maisrayele ba go tšwa nageng ya kgole ba bona dilo tsa go sasamela tso Jehova a di makiyeng mone nageng— 23 o romele matlapa ya go dura, letswayi le mollo gore mone nageng ka mokana ga gona go sa gašiwi, go sa be le sa gore se ya mila le gore go sa be le dimilane tsa gore di ya gola, go tshwana le nakwela a fetsa ka Sodoma le Ghomora,+ le Adma le Zebhoyimi,+ tsa gore Jehova o fetsiye ka tsona nakwela a kwatiye⁠— 24 bona le ditšhaba ka mokana ga tsona ba nyoko re, ‘Ke ntaba Jehova a makiye dilo tsowa ga naga yowa?+ King sa go šinya se maka gore a kwate ka matla?’ 25 Ke mokane bona ba nyoko re, ‘Ka taba la gore a ba latelela kwano yo ba yi makiyeng le Jehova+ Modimo wa bokokwane ba bona, ya gore o yi makiye le bona nakwela a ba ntsha nageng ya Egepita.+ 26 Mara bona ba ya ba berekela medimo ye mengwana fote ba yi kgotamela, medimo ya gore a ba yi tšibi, ya gore fote a baa ba dumelela gore ba yi rapele.+ 27 Ke mokane Jehova a kwatela naga yone a maka gore dilo tsa go sasamela ka mokana ga tsona tso a di ngwadiyeng ga puku yowa di makege.+ 28 Byalo Jehova a ba tlosa nageng ya bona ka taba la gore ke mo a kwatiye+ fote ba mo silikisiye ke mokane a ba yisa ga naga ye nngwana ya gore ba dula ga yona le lekgono.’+

29 “Dilo tsa gore di wutamme ke tsa Jehova Modimo wa rune,+ mara dilo tsa gore a dya wutama ke tsa rune le ditlogolwane tsa rune go ya go yye gore re thogo phela ka mantsu ka mokana ga wona ya gore ma ga Molawo wowa.+

30 “Mantsu ka mokana ga wona ya ke go butsiyeng wona mo ma ka go makegela, dilo tso ke nyoko go rufang ka tsona le dilo tsa go sasamela tsa gore ke go butsiye tsona,+ fote wa di gopola+ mo o le ga ditšhaba ka mokana ga tsona tso Jehova Modimo wago a go yisiyeng ga tsona,+ 2 ke mokane la boyela ga Jehova Modimo wa lune,+ la theetsela lentsu lage go ya ka dilo ka mokana ga tsona tso ke le butsiyeng tsona lekgono, wene le barwayi bago la mo theetsela ka dipelo tsa lune ka moka le ka maphelo* ya lune ka moka,+ 3 Jehova Modimo wa lune o nyoko le ntsha bobhantiting,+ fote o nyoko le kwela go baba+ ke mokane Jehova Modimo wa lune o nyoko le hlekeletsa ka mokana ga lune ga dipoleke tso ne a le tlalagannye ga tsona.+ 4 Le mo batho bago ba ka tlalagana go segela mafelelong ya lefase, Jehova Modimo wago o nyoko ba hlekeletsa ke mokane a le busetsa.+ 5 Jehova Modimo wago o nyoko go leya ga naga ya gore ke mo go le ya bopapago, fote go nyoko ba yago; ke mokane yene o nyoko maka gore o phomelele fote o tlale go phala bopapago.+ 6 Jehova Modimo wago o nyoko yedisa pelo yago le pelo ya bana bago,+ gore o thogo nyaka Jehova Modimo wago ka pelo yago ka mokana ga yona le ka bowene* byago ka mokana ga byona gore o thogo phela.+ 7 Ke mokane Jehova Modimo wago o nyoko maka gore dilo tsowa ka mokana ga tsona tsa go sasamela di tlele manaba yago, ya gore ke mo ma go hloyye fote ma go hlupegisa.+

8 “O nyoko boya ke mokane wa theetsela lentsu la Jehova wa boya wa latelela melawo yage ka mokana ga yona yo ke go botsang yona lekgono. 9 Jehova Modimo wago o nyoko maka gore o phomelele ka matla ga mebereko ka mokana ga yona yo o yi makang,+ o nyoko yeketsa bana bago fote o nyoko yeketsa merape yago le dilo tso o di gašiyeng ka gore Jehova o nyoko jabolela go maka gore o phomelele fote, go tshwana le mo a yye a jabolela bokokwane bago.+ 10 Ke mokane ka nako yonone wene o nyoko theetsela lentsu la Jehova Modimo wago, fote wa latelela melawo le ditšhiko tso di ngwadiwweng ga puku yowa ya Molawo ke mokane le nyoko boyela ga Jehova Modimo wa lune ka dipelo tsa lune ka moka le ka maphelo* ya lune ka moka.+

11 “Ka gore molawo wo ke go botsang wona lekgono a wo thathafe tsela tsa gore o ka sa wo kwisisi kela go thathafa tsela tsa gore o ka sa kgone go wo latelela.+ 12 Fote a wo ku magedimong tsa gore o ka šinya o hlaya gore, ‘Ke mang wa gore o nyoko yinugela legedimong a re latela wona gore re thogo wo kwa le go wo latelela?’+ 13 Fote a wo ka ku mosekola wa lewatle tsa gore o ka šinya o re, ‘Ke mang wa gore o nyoko tshilela ka ku mosekola wa lewatle ke mokane a re latela wona gore re thogo wo theetsela le go wo latelela?’ 14 Ka gore lentsu le thina nago, le molomong wago, fote le pelong yago+ gore o thogo maka tso le di hlayang.+

15 “Wa di bona, lekgono ke beya lephelo le dilo tsa go loka mahlong gago, le likgu le dilo tsa go befa.+ 16 Mo o ka theetsela melawo ya Jehova Modimo wago yo ke go botsang yona lekgono, wa nyaka Jehova Modimo wago ka matla,+ ka go sepela ditseleng tsage le go ya mahlong o theetsela melawo yage, ditšhiko tsage le ka mokgo di nyakang o yahlula ka gona, o nyoko phela+ fote le bana bago ba nyoko yeketsega, fote Jehova Modimo wago o nyoko go rufa ga naga yo a nyoko go neyang yona gore go be yago.+

17 “Mara mo pelo yago yi ka jikela+ Modimo, wa sa theetsele, ba go fokola fote wa kgotamela medimo ye mengwana le go yi berekela,+ 18 ke ya go tshepisa lekgono lowa gore go nyoko fela ka wene.+ O ka sa phele go ya kaye ga naga yo o tshilang Jorodane gore o ye dula ga yona. 19 Ke tseya bo ba dulang magedimong le bo ba dulang ho lefaseng go le dihlatse tsaka lekgono gore ke beya lephelo le likgu mahlong gago, dilo tso o nyoko rufiwang ka tsona le dilo tsa go sasamela;+ fote di nyaka o kgete lephelo gore wene le ditlogolwane+ tsago le thogo phela,+ 20 le nyake Jehova Modimo wago ka matla,+ le theetsele lentsu lage, le dule le le thina naye+ ka gore ke yene lephelo lago fote ka yene o nyoko phela nako ya go lefa ga naga yo Jehova a yi tshepisiyeng go yi neya bokokwane bago, Abhrahama, Isaka le Jakobo.”+

31 Ke mokane Moše o yye ga Maisrayele ka mokana ga wona, 2 a segela a re: “Ke na le 120 ya mengwaga lekgono.+ Nka sa sa kgona go le yeta mahlong,* ka gore Jehova o yitseri gaka, ‘O ka sa tshili nooka yowa ya Jorodane.’+ 3 Jehova Modimo wa lune ke yene a nyoko tshilang nooka a le yetiye mahlong, fote ke yene wa gore o nyoko fetsa ka ditšhaba tso di leng ho mahlong ga lune, fote le nyoko di raka.+ Jošuwa ke yene wa gore o nyoko le yeta mahlong+ go ya ka mokgo Jehova a bolabodiyeng ka gona. 4 Jehova o nyoko fetsa ka bona go tshwana le ka mokgo a yyeng a fetsa ka Sihone+ le Ogo+ ba gore ke magoši ya Maamore, a boya a fetsa le ka naga ya bona.+ 5 Jehova o nyoko ba hlula ka taba la lune, fote lune le ba make se sengwana le se sengwana go ya ka molawo ka mokana ga wona wo ke le neyyeng wona.+ 6 Le šišimale fote le tiyelele.+ Le sa hlagasele mahlong ga bona+ ka gore Jehova Modimo wa lune ke yene a le yetang mahlong. A ka sa le lisetsi le lwa le le ntoši kela a le lahla.”+

7 Ke mokane Moše a bitsa Jošuwa, a bolabola naye mahlong ga Maisrayele ka mokana ga wona a re: “Šišimala fote o tiyelele,+ ka gore ke wene wa gore o nyoko yisa batho bowa ga naga yo Jehova a yi tshepisiyeng bokokwane ba bona gore o nyoko ba neya yona, fote wene o nyoko ba neya yona go le lefa la bona.+ 8 Jehova ke yene a go yetang mahlong, fote o nyoko ya mahlong a sepela nago.+ A ka sa go lisetsi o lwa o le ntoši kela a go lahla. O sa tšhoge kela wa tšhaba.”+

9 Ke mokane Moše a ngwala Molawo wowa+ a wo neya maprista, Malifi ya gore ma kakola areka ya Jehova ya go kwanisanya le banna ba bagolo ka mokana ga bona ba Israyele. 10 Moše a ba botsa gore: “Mo go fediye kašupa ya mengwaga, ka nako yo yi kgetiwweng ka mongwaga wa Sabatha,+ ka nako ya Monyanya wa Mašayi,+ 11 mo Maisrayele ka mokana ga wona ma nyarela mahlong ga Jehova+ Modimo wa lune ga poleke yo a ko bang a yi kgetiye, di nyaka o balele Maisrayele ka mokana ga wona Molawo wowa gore ba wo kwe.+ 12 Kgobaketsaneng batho,+ banna, basadi, bana* le batho ba gore ba tšwa ba sepela ba gore ba dula hone mitšing* ya lune, gore ba thogo wo theetsela, ba tšhute ga wona fote ba hlompe Jehova Modimo wa lune, ke mokane ba make se sengwana le se sengwana sa gore se ga mantsu ka mokana ga wona ya Molawo wowa. 13 Ke mokane barwayi ba bona ba gore a ba tšibi Molawo wowa+ ba nyoko wo theetsela fote ba nyoko tšhuta go hlompa Jehova Modimo wa lune ka moka matšatši ya mo ba sa phela, ga naga ya gore le tshila nooka ya Jorodane le ye ga yona gore go be ya lune.”+

14 Byalo Jehova a re ga Moše: “Theetsela! Nako ya gore o kgwe yi šele yi šutele.+ Bitsa Jošuwa ke mokane le ye ga letente la mogahlano gore ke thogo maka gore go be wa go yeta mahlong.”+ Byalo Moše le Jošuwa ba ya ke mokane ba segela ba yema mahlong ga letente la mogahlano. 15 Ke mokane Jehova a nyarela ga letente ka liru le legolo, liru lone le legolo la yema mo go keniwang gona hala letenteng.+

16 Jehova a re ga Moše: “Theetsela! O šele o le thina le go kgwa, fote batho bowa ba nyoko rapela medimo ye mengwana ya gore yi ga dinaga tsa gore di thina le naga yo ba nyoko yi tseyang.+ Ba nyoko lisetsa go rapela nna+ ke mokane ba sinya kwano ya gore ke yi makiye nabo.+ 17 Ka nako yonone ke nyoko ba kwatela ka matla,+ fote ke nyoko ba lahla+ ke mokane sefahlego saka se nyoko ba jikela go segela+ go fela ka bona. Ka nthago ga mo ba hlupegisiwwe fote ba kwile go baba,+ ba nyoko re, ‘Nje a yi ka taba la gore Modimo aa sa le šiyo ho ga rune mo re makegela ke dilo tsowa tsa go sasamela?’+ 18 Mara nna nka sa ba theetsele ka lona letšatši lolone ka taba la dilo ka mokana ga tsona tsa go befa tso ba di makiyeng mo ba rapela medimo ye mengwana.+

19 “Byalo, tingwalele mantsu ya koša yowa+ fote o yi tšhutise Maisrayele.+ Maka gore ba yi tšibe gore koša yowa go ko ba hlatse yaka ka taba la batho ba Maisrayele.+ 20 Mo ke ba leya ga naga yo ke yi tshepisiyeng bokokwane ba bona+—ya gore yi yela lebese le mamapo+—ke mokane ba ja go segela ba kgora fote ba phomelela,+ ba nyoko rapela medimo ye mengwana fote ba yi berekela ke mokane nna ba sa nhlompe fote baa sinya kwano yaka.+ 21 Mo dilo tsa go tlala tsa go sasamela le tsa go kgongwetsa di ba makegela,+ koša yowa go nyoko ba hlatse ya bona (ka gore a di nyake ditlogolwane tsa bona di yi libala), ka gore ke tšiba tso ba naganang go di maka le mo ba soko di maka,+ le mo ke soko bane ke ba leya ga naga yo ke ba tshepisiyeng yona.”

22 Byalo, Moše a ngwala koša yone ka letšatši lone ke mokane a yi tšhutisa Maisrayele.

23 Ke mokane a* maka gore Jošuwa+ morwayi wa Nuni a yete Maisrayele mahlong, a boya a re: “Šišimala fote o tiyelele,+ ka gore ke wene o nyoko yisang Maisrayele ga naga ya gore ke ba tshepisiye yona,+ nna ke nyoko ya mahlong ke sepela nago.”

24 Mo Moše a fetsa go ngwala mantsu ya Molawo wowa ka mokana ga wona ka teng ga puku,+ 25 a botsa Malifi ya gore ma kakola areka ya Jehova ya go kwanisanya a re: 26 “Tseyaneng puku yowa ya Molawo+ le yi beye ka thoko ga areka+ ya go kwanisanya ya Jehova Modimo wa lune, ke mokane go nyoko ba hlatse ka taba la lune Maisrayele. 27 Ka gore nna ke ya tšiba gore a le tshepege+ fote le womme dihlogo.+ Mo nkare le kgonne go jikela Jehova nkene ke sa phela, mo ke šele ke kgwile gee? 28 Kgobaketsaneng banna ba bagolo ka mokana ga bona ba maloko ya lune le ba go yeta masole mahlong, fote nna ke nyoko bolabola mantsu yawa ba kene ba ntheetsele ke mokane magedimo le lefase go nyoko ba dihlatse tsaka.+ 29 Ka gore ke ya di tšiba tsa gore ka nthago ga mo ke kgwile le nyoko maka dilo tsa go befa+ fote le ka sa sa theetsela tso ke le butsiyeng tsona. Ke mokane le nyoko tlela ke dilo tsa go sasamela+ ku mahlong, ka taba la gore le nyoko maka dilo tsa gore a dya loka mahlong ga Jehova fote le nyoko mo kwatisa ka dilo tso le di makang.”

30 Ke mokane Moše a bolabola mantsu ya koša yowa go tlugisela mathomisong go segela mafelelong, mogoba ka mokana ga wona wa Israyele wo kene wo mo theetsele, a re:+

 3 Ka taba la gore ke nyoko bolabola ka lebitso la Jehova.+

Ke nyoko bolabola ka gore Modimo wa rune ke ye mogolo go segela kaye!+

 5 Ke bona bo ba makiyeng dilo tsa go sa loka.+

A yi bana bage, ke bona bo ba sinnyeng.+

Leloko lowa le na le pelo ye phifadu fote a le ya loka!+

15 Mo Ješurune* a thomisa go nona, a ba le tšhinghi.

(Wene o šele o nonne, o kguri ka matla, fote o bipelwe.)+

29 Hala ba hlalefiye!+ Ke mo ba nyoko ghayela ka taba yowa.+

Ne ba nyoko nagana ka tso di nyoko makegang ka nthago.+

Ba kaye gore ba thogo go gelepa?

Tšhabela ga bona ba go pasope.

Nna ke ya bolaya, fote ke ya phidisa.+

44 Byalo Moše a tla a bolabola mantsu ya koša yowa ka mokana ga yona batho ba kene ba mo theetsele,+ yene le Hošeya*+ morwayi wa Nuni. 45 Mo Moše a fetsa go bolabola mantsu yawa ka mokana ga wona le Maisrayele, 46 o yitseri ga bona: “Theetselaneng mantsu yawa ka mokana ga wona ya ke le botsang wona lekgono,+ gore le thogo ma botsa bana ba lune gore ba thogo maka dilo ka mokana ga tsona tsa Molawo wowa.+ 47 Ka gore mantsu yawa a yi mantsu ya gore a ma rele selo ga lune,+ mara ma rela gore le nyoko phela, fote ka mantsu yawa le nyoko phela nako ya go lefa ga naga yo le tshilang Jorodane gore le ye dula ga yona.”

48 Jehova o bolabodiye le Moše ka letšatši lolone a re: 49 “Rotoganeng ka thaba yowa ya Abharimi,+ ka Thaba ya Nebho,+ ya gore yi nageng ya Mowaba ya gore yi lebelele Jerikho ke mokane le lebeleleneng naga ya Kanana ya gore ke yi neya Maisrayele gore ma dule ga yona.+ 50 Wene o nyoko kgwela ga thaba ya gore o nyoko ba o yinuga ga yona ke mokane o nyoko bolokiwa le bokokwane bago,* go tshwana le ka mokgo bhuti wago Aroni a kgweleng Thabeng ya Hore,+ a bolokiwa le bokokwane bage,* 51 ka taba la gore le le ka babedi a le ya tshepega ho gaka mo le le gare ga Maisrayele ku meetšing ya Meribha+ ya Kadeše mašahleng ya Zini, ka taba la gore a le ya maka gore ke hlawolege mahlong ga Maisrayele.+ 52 Naga yone o nyoko yi bona o le kgole, mara o ka sa kene ga naga yo ke nyoko yi neyang batho ba Israyele.”+

33 Tsowa ke dilo tsa gabutši tso di hlayyeng ke Moše lelata la Modimo wa mannete, a di botsa Maisrayele mo a soko bane a kgwa.+ 2 Ke mokane a re:

 7 Fote Moše a rufa Juda a re:+

 8 Tsowa ke tso Moše a di hlayyeng ka leloko la Llifi, o yitseri:+

12 Ga leloko la Bhenjamini a re:+

13 Ga leloko la Josefa o yitseri:+

18 Ga leloko la Zebhuloni o yitseri:+

19 Ba nyoko bitsa batho gore ba ye thabeng.

Ke mokane gana hone ba nyoko neyela ka dihlabelo tsa go loka.

20 Ga leloko la Ghada o yitseri:+

“Go nyoko rufiwa yewa wa gore o yeketsa mo mutši wa Ghada wo kgerang gona.+

Dindhuna ka mokana ga tsona di nyoko gahlana.

22 Ga leloko la Dani o yitseri:+

“Dani O tshwana le ngwana wa tawu.+

O nyoko hlasela a tšwa Bhašane.”+

23 Ga leloko la Nafthali o yitseri:+

“Nafthali o kgotsofele ka matla ka taba la gore Jehova o mo kwele go baba.

Fote Modimo o mo rufiye ka matla.

Tseya naga ya bodikela le ya borwa gore go be yago.”

24 Ga leloko la Aša o yitseri:+

“Aša o rufiwwe ka bana ba bašomanyana.

29 Go jabola wene Israyele!+

34 Ke mokane Moše a tloga ga poleke ya kgwaakgwa ya Mowaba a yinugela Thabeng ya Nebho+ gedimo ga Pisigha+ ya gore yi mahlong ga Jerikho.+ Ke mokane Jehova a mo šupetsa naga ka mokana ga yona, go tlugisela Ghiliyade go segela Dani,+ 2 le naga ka mokana ga yona ya Nafthali le ya Eforayimi le ya Manase, le naga ka mokana ga yona ya Juda go segela ka bodikela bya lewatle,+ 3 le Neghebe+ le poleke ya Jorodane,+ le moyedi wa Jerikho ya gore ke poleke ya go ba le mehlare ya mopalema le go segela ku Zowara.+

4 Ke mokane Jehova a re gage: “Yowa ke naga yo ke yi tshepisiyeng Abhrahama, Isaka le Jakobo ka re, ‘Ke nyoko yi neya ditlogolwane tsago.’+ Ke go dumelele gore o yi bone, mara o ka sa kene ga yona.”+

5 Ka nthago ga mone, Moše wa gore ke lelata la Jehova a kgwela mone nageng ya Mowaba go ya ka mokgo Jehova a hlayyeng.+ 6 O mmolokele moyeding wa naga ya Mowaba ya gore yi mahlong ga Bhethe-piyore, fote go segela le lekgono lowa a go na ye a tšibang gore lebitla lage le kaye.+ 7 Moše ke mo a na le 120 ya mengwaga mo a kgwa.+ Maahlo yage ke mo ma sa le gabutši, fote ke mo a sa na le matšhika. 8 Batho ba Israyele ba fetsiye 30 ya matšatši ba llela Moše ga poleke ya kgwaakgwa ya Mowaba.+ Ke mokane matšatši ya go llela Moše ma fela.

9 Jošuwa morwayi wa Nuni ke mo a hlalefisiye ke moya wa go tšwa ga Modimo, ka taba la gore Moše ke mo a mo hlawodiye;*+ ke mokane Maisrayele ma thomisa go mo theetsela, fote ma maka dilo ka mokgo Jehova a butsiyeng Moše.+ 10 Mara a gwa ba le moporofeta mone Israyele wa go tshwana le Moše,+ wa gore Jehova ke mo a mo tšiba ka matla.+ 11 Moše o makiye mešupetso le mehlolo ka mokana ga yona yo Jehova a mo rommeng gore a yi make nageng ya Egepita mahlong ga Faro le ga malata yage ka mokana ga wona le ga naga yage ka mokana ga yona,+ 12 ka letsogo lage la go ba le matšhika o napiye a šupetsa gore matšhika yage ke ya magolo mo a maka gore Israyele ka mokana ga yona yi bone tsotsone a berekisa Moše.+