BAYAHLUDI

1 Mo Jošuwa+ a šele a kgwile, Maisrayele* ma butsisa Jehova gore:+ “Ke mang ho ga rune ye a ka thomisang a ye lwa le Makanana?” 2 Jehova a fetola a re: “Juda o nyoko yinuga.+ Ke yene a nyoko hlulang naga ya Kanana.” 3 Ke mokane Juda a re ga bhuti wage Simiyoni: “Koriye le nna ga poleke yo ba nneyyeng+ yona gore ke ye lwa le Makanana. Ke nyoko ya nago ga poleke yo ba yi neyyeng wene.” Ke mokane Simiyoni a ya naye.

4 Mo Juda a ya, Jehova a maka gore a hlule Makanana le Maperezi,+ ba hludiye 10 000 ya banna ku Bhezeke. 5 Ba krayye Adoni-bhezeke ku Bhezeke ba lwa naye, ba hlula le Makanana+ le Maperezi.+ 6 Mo Adoni-bhezeke a tšhaba, ba mo lelekisa ba mo tshwara ba mo kupa manwana yage ya magolo ya matsogong le dinwana tsa mawotong tse dikgolo. 7 Adoni-bhezeke a re: “Go na le 70 ya magoši ya gore manwana ya wona ya magolo ya mo matsogong le ya magolo ya ku mawotong ma kupiwwe, fote magoši yane ma kotela tsa go ja ka fase ga tafola yaka. Ka mokgo ke makiyeng ka gona, le Modimo o mmakiye tsotsone.” Ka nthago ga hone, ba mo yisa Jerusalema+ a segela a kgwela gana hone.

8 Go tokegela gana hone, banna ba Juda ba lwa le Jerusalema+ ba yi hlula; ba yi hludiye ka sabola ba fetsa ba yi tšhuba ka mollo. 9 Ka nthago ga mone, banna ba Majuda ba thewoga ba ye lwa le Makanana ya gore ne ma dula ga dipoleke tsa dithaba, Neghebe le Šefela.+ 10 Byalo, Majuda ma thewoga gore ma ye lwa le Makanana ya gore ke mo ma dula Hebhrone (lebitso la Hebhrone ke mo ba re ke Kiriyathe-arabha), ma bolayye Šešayi, Ahimane le Thalimayi.+

11 Ba lwile le batho ba go dula Debhiri.+ (Lebitso la Debhiri ke mo go le Kiriyathe-sefere.)+ 12 Ke mokane Khalebho+ a re: “Monna ye a ka hlaselang Kiriyathe-sefere ke mokane a yi hlula a boya a yi lawola, ke nyoko mo neya morwediya waka Akhsa gore go be mosadi wage.”+ 13 Othiniyele+ morwayi wa Kenazi+ monyanana wa Khalebho, a yi hlula. Byalo, a mo neya morwediya wage Akhsa gore go be mosadi wage. 14 Mo Akhsa a kene a ya gaye, a kgopela monnage Othiniyele gore a kgopele mašomo ga Khalebho. Ke mokane mo Akhsa a phologa ga bhongholo* yage. Khalebho a mmutsisa gore: “O nyaka ying? 15 A re gage: “Ke kgopela o nrufe barena, ka gore o nneyye sekopa sa naga ya borwa;* ke kgopela o nneye le poleke ya Ghulothe-mayimi.”* Ke mokane Khalebho a mo neya naga ya ka gedimo ya Ghulothe le ya ka tlase ya Ghulothe.

16 Byalo ditlogolwane tsa Keni+ wa gore ke ratswale wa Moše,+ dya tla di tšwa mutšing wa mehlare ya mopalema+ di na le batho ba Juda ba ya mašahleng ya Juda ya gore ma ka borwa bya Aradi.+ Ba yye gana hone ke mokane ba segela ba dula le batho bone.+ 17 Mara Juda a tloga le bhuti wage Simiyoni ke mokane ba ya ba hlasela Makanana ya go dula Zefathe, ba fetsa ka yona.+ Byalo mutši wone ba wo reya gore ke Horoma.*+ 18 Byalo Juda a tseya Ghaza,+ Ašikelone,+ Ekrone+ le mitši ka mokana ga yona ya go dukulugela dipoleke tsowa. 19 Jehova ke mo a na le Juda mo yi tseya dipoleke tsa dithabeng gore go be tsa yona, mara ke mo ba sa kgone go raka batho ba poleke yone ka taba la gore ke mo ba na le dikotšikara tsa ntwa tsa gore mo mabilong ya tsona ba di tšhediye dithipa tsa go lefa tsa go makiwa ka tshipi.+ 20 Ba neya Khalebho naga ya Hebhrone go ya ka mokgo Moše a tshepisiyeng ka gona,+ fote a raka kararo ya barwayi ba Anake.+

21 Mara ba leloko la Bhenjamini a baa raka Majebuse ya ne ma dula Jerusalema, byalo Majebuse ma yye mahlong ma kene ma dula le ba leloko la Bhenjamini ku Jerusalema go segela le lekgono lowa.+

22 Ka nako yonone, ba mutši wa Josefa+ ba ya ba lwa le ba Bhethele, fote Jehova ke mo a le nabo.+ 23 Mutši wa Josefa ke mo wo hlola poleke ya Bhethele ka makhukhung (mathomisong mutši wone ke mo ba wo bitsa gore ke Luzi),+ 24 fote banna bone ba gore ne ba yye go ye hlola mutši ba bona morene mongwana a tšwa hone mutšing. Ba re gage: “Barena, re šupetse tsela ya go kena mo mutšing, re nyoko go tshwara gabutši.” 25 Byalo morenene a ba šupetsa pata ya go kena hone mutšing, ba segela ba hlasela mutši wone ka sabola, mara morenene le ba mutši wage ka mokana ga bona ba ba lisetsa ba sepela.+ 26 Morenewa o yye nageng ya Mahethe ke mokane a segela a yaga mutši, a wo reya gore ke Luzi, lebitso lowa ba sa na ba le berekisa le lekgono lowa.

27 Manase aa tseya Bhethe-šiyane, Tanakhe,+ Doro, Ibhliyamo, Meghido le dimitšane tsa dipoleke tsowa ka mokana ga tsona.+ Makanana ma gapeletsiye go dula ga naga yowa. 28 Mo Maisrayele ma kene ma tiyelela, ma maka gore Makanana go be mabhantiti ya bona+ mara a baa napa ba ba raka.+

29 Le ba leloko la Eforayimi a baa raka Makanana ya gore ne ma dula Ghezere. Makanana yane ma yye mahlong ma kene ma dula nabo mone Ghezere.+

30 Ba leloko la Zebhuloni a baa raka batho bo ne ba dula Kithirone le bo ne ba dula Nahalolo.+ Makanana ma yye mahlong ma kene ma dula nabo, go kene go le mabhantiti.+

31 Ba leloko la Aša a baa raka batho ba gore ba dula Akho le ba gore ba dula Sidoni,+ Alabho, Akhezibhi,+ Helebha, Aphiki+ le Rehobho.+ 32 Byalo ba leloko la Aša ba yye mahlong ba kene ba dula le Makanana gana hone ka taba la gore ke mo ba sa ba raka.

33 Leloko la Nafthali a le ya raka batho bo ne ba dula Bhethe-šemeše le bo ne ba dula Bhethe-anathe,+ ba yye mahlong ba kene ba dula le Makanana ga mitši yone.+ Bo ne ba dula Bhethe-šemeše le Bhethe-anathe ba ba mabhantiti ya bona.

34 Maamore ma gapeletsiye ba leloko la Dani gore ba dule dithabeng, ka gore ke mo ma sa nyake ba thewoga ba ye dula ga poleke ya gore a yi na dithaba.+ 35 Byalo Maamore ma gapeletsa go dula Thabeng ya Heresi, Ayijalone+ le Šalabhimo.+ Mara mo mutši wa Josefa wo tiyelela, ba maka gore go be mabhantiti ya bona. 36 Naga ya Maamore ne yi tloga mmotong wa Akrabhimi+ fote yi tloga Sela yi ya kgakala.

2 Ke mokane lengeloyi la Jehova+ la tloga Ghilighala la ya+ Bhokhimi la re: “Ke le ntshiye nageng ya Egepita ka le yisa nageng yo ke yi tshepisiyeng bokokwane ba lune.+ Go tokegela gana hone, ke yitseri, ‘Nka sa tsoge ke sinnye kwano yaka yo ke yi makiyeng le lune.+ 2 Lune le sa make kwano le batho ba go dula ga naga yowa,+ fote di nyaka le wisanye dialetare tsa bona.’+ Mara a le ya theetsela lentsu laka.+ Anthe ke ntaba le makiye ka mokgonone? 3 Nka taba lo le nna ke hlayyeng gore, ‘Nka sa ba rake ho ga lune,+ fote ba nyoko le woka+ ke mokane medimo ya bona yi nyoko maka gore le be kgole le nna.’”+

4 Mo lengeloyi la Jehova le fetsa go bolabola mantsu yawa ga Maisrayele ka mokana ga wona, batho ba thomisa go lla ba rasa. 5 Byalo ba reyye poleke yone gore ke Bhokhimi,* ke mokane ba makela Jehova dihlabelo gana hone.

6 Mo Jošuwa a palakanya batho, Leisrayele le lengwana le le lengwana le yye ga naga ya gore ke lefa la lona gore le yi lawole.+ 7 Batho ka mokana ga bona ba yye mahlong ba berekela Jehova matšatši ka moka ya mo Jošuwa a sa phela le matšatši ka moka ya mo banna ba bagolo ba sa phela, ba gore ba phidiye nako ya go lefa go phala Jošuwa fote ba bonne dilo ka moka tsa go makatsa tso Jehova a di makeleng Maisrayele.+ 8 Ke mokane Jošuwa morwayi wa Nuni wa gore ke lelata la Jehova, o kgwile a na le 110 ya mengwaga.+ 9 Byalo ba mmoloka ga poleke ya gore ke lefa lage ku Thiminathe-herese,+ ga poleke ya dithabeng ya Eforayimi ka lebowa la Thaba ya Ghaše.+ 10 Leloko lela ka mokana ga lona la bolokiwa le bokokwane ba lona, ke mokane gwa ba le leloko le lengwana ka nthago ga lona la gore ne le sa tšibi Jehova kela dilo tso a di makeleng Israyele.

11 Byalo Maisrayele ma makiye dilo tsa gore a di ya loka mahlong ga Jehova fote ma rapela Bobhaali.+ 12 Ba jikela Jehova Modimo wa bopapa ba bona, wa gore o ba ntshiye nageng ya Egepita.+ Ke mokane ba latelela medimo ye mengwana, medimo ya batho ba gore ne ba ba dukulugele,+ ba yi kgotamela fote tsotsone dya kwatisa Jehova.+ 13 Ba jikele Jehova ke mokane ba rapela Bhaali le dithombhe tsa Ašitorethe.+ 14 Tsotsone dya maka gore Jehova a kwatele Maisrayele ke mokane a lisetsa manaba ya wona ma tseya dilo tsa wona+ fote ma ba hlula.+ Fote ke mo ba sa sa kgona go lwa le manaba ya bona.+ 15 Go gongwana le go gongwana mo ne ba ya gona Jehova ke mo a se nabo, ke mo a ba leyela dilo tsa go sasamela+ go ya ka mokgo Jehova a hlayyeng le go ya le ka mokgo Jehova a ba tshepisiyeng,+ fote ke mo ba kgongwele ka matla.+ 16 Byalo, Jehova ke mo a ba kgeta batho ba go yahlula gore ba ba phonise ga manaba ya bona.+

17 Mara ba ganne go theetsela bo ba go yahlula, fote ke mo ba rapela medimo ye mengwana ba boya ba yi kgotamela. Ba yakgoswa ba lisetsa tsela ya gore bokokwane ba bona ba gore ke mo ba theetsela melawo ya Jehova+ ne ba sepela ka yona. Ba šitegiye go maka ka mokgonone. 18 Ka moka nako mo Jehova a ba kgetela ba go yahlula,+ Jehova ke mo a gelepa ye wa go yahlula fote a ba phonisa ga manaba ya bona matšatši ka moka ya mo ye wa go yahlula a sa phela; ka gore Jehova ke mo a ba kwela go baba*+ ka taba la mo ba llisa ke bo ba gore baa ba kgahleletsa+ fote baa ba hlupegisa.

19 Mara mo ye wa go yahlula a šele a kgwile, ba boyele ga maphelelo ya bona ya go sa hlamatsega fote ke mo ba phala bopapa ba bona ka go rapela medimo ye mengwana, go yi berekela le go yi kgotamela.+ A baa lisetsa mekgwa ya bona ya go tiwomisa dihlogo. 20 Jehova a fetsa a kwatele Maisrayele+ ke mokane a re: “Ka taba la gore setšhaba sowa se sinnye kwano yaka+ yo ke yi butsiyeng bokokwane ba sona fote a se ya ntheetsela,+ 21 nna nka sa rake le mong setšhaba ka ssoši mahlong ga bona ga ditšhaba tso Jošuwa a di šiyyeng mo a kgwa.+ 22 Wowa go fo ba mokgwa wa go liketsa Maisrayele gore di thogo bonagala gore ayitsano ma nyoko ya mahlong ma latelela tsela ya Jehova+ go tshwana le bopapa ba bona.” 23 Byalo, Jehova aa tlosa ditšhaba tsowa. Aa yakgoswa a di raka, fote aa lisetsa Jošuwa a di hlula.

3 Tsowa ke ditšhaba tsa gore Jehova o di lisetsiye di šala gore di liketse Maisrayele ka mokana ga wona ya gore a ma soko lwa le Kanana+ 2 (tsone ke mo di le gona gore maloko ya ku mahlong ya Maisrayele ya bo ba gore a ba tšibi dilo tsowa ma thogo tšiba ntwa): 3 kapheta ya marena ya Mafilisita+ le Makanana ka mokana ga wona, Masidoni+ le Mahivi+ ya gore ma dula Thabeng ya Lebhanoni+ go tlugisela Thabeng ya Bhaali-heremone go segela Lebho-hamathe.+ 4 Ditšhaba tsowa ba di lisetsiye gore di dule mone nageng gore go thogo bonala gore Maisrayele ma nyoko theetsela melawo ya Jehova yo a yi neyyeng bokokwane ba bona a berekisa Moše+ kela ma ka sa theetsele. 5 Byalo Maisrayele ma phidiye gare ga Makanana,+ Mahethe, Maamore, Maperezi, Mahivi le Majebuse. 6 Maisrayele ke mo ba tseya barwediya ba bona ba maka gore go be basadi ba bona ke mokane ba boya ba tseya barwediya ba bona ba ba šadhisa le barwayi ba bona, fote ba thomisa go berekela medimo ya bona.+

7 Byalo Maisrayele ma makiye dilo tsa gore a di ya loka mahlong ga Jehova, fote ba libala Jehova Modimo wa bona ke mokane ba berekela Bobhaali+ le diphate tsa go hlawolega.*+ 8 Tsotsone di makiye gore Jehova a kwatele Maisrayele ke mokane a ba neyela ga Khušani-rišathayimi kgoši ya Mesopothamiya.* Maisrayele ma fetsiye mabala ya mengwaga ma berekela Khušani-rišathayimi. 9 Mo Maisrayele ma kgopela Jehova gore a ma gelepe,+ Jehova a maka gore Othiniyele+ morwayi wa Kenazi wa gore ke monyanana wa Khalebho a phonise Maisrayele.+ 10 Moya wa Jehova wa tla gage+ ke mokane gwa thomisa go ba yene ye a yahlulang Israyele. Mo a ya ntweng, Jehova a maka gore a hlule Khušani-rišathayimi kgoši ya Mesopothamiya. 11 Ka nthago ga mone gwa fela 40 ya mengwaga go bebiye mone nageng. Ke mokane Othiniyele morwayi wa Kenazi a kgwa.

12 Maisrayele ma maka dilo tsa gore a di ya loka mahlong ga Jehova fote.+ Byalo Jehova a maka gore Eghlone kgoši ya Mowaba+ yi hlule Israyele, ka taba la gore ba makiye dilo tsa go befa mahlong ga Jehova. 13 Go tokegela gana hone, a maka gore ba hlasele ke Maamoni+ le Maamaleke.+ Ba hlasela Maisrayele fote ba tseya mutši wa go ba le mehlare ya mopalema.+ 14 Maisrayele ma fetsiye 18 ya mengwaga ma berekela Eghlone kgoši ya Mowaba.+ 15 Ke mokane Maisrayele ma kgopela Jehova gore a ma gelepe,+ byalo Jehova a maka gore Ehudi+ morwayi wa Ghera wa go tšwa ga leloko la Bhenjamini+ wa gore ne a berekisa letsogo la sepata+ go be yene a ba phonisang.+ Mo nako yi kene yi ya, Maisrayele ma roma yene gore a patele mothelo ga Kgoši Eghlone wa Mowaba. 16 Mara Ehudi yene ke mo a timakele sabola ya gore yi sega ka ho le ka ho, ya gore yi lefiye ka khyubhiti* ka yyoši, fote ke mo a yi tlemelele ka fase ga kobo yage ga serope sa ka ho ga la go ja. 17 A yisa mothelo ga Eghlone kgoši ya Mowaba. Byalo Eghlone ke mo go le monna wa go nona ka matla.

18 Mo Ehudi a fetsa go yisa mothelo wone, a botsa batho bo ne ba wo leyye gore ba sepele. 19 Mara mo a segela ga dithombhe tsa gore ba di betliye ku Ghilighala,+ a jika ke mokane a segela a re: “Barena kgoši, ke na le molayetsa wago wa gore ke sephiri.” Byalo kgoši ya re: “Kgomolelaneng!” Ke mokane malata yage ka mokana ga wona ma tloga ma mo šiya. 20 Byalo Ehudi a ya gage a sa duli a ntoši ka kamareng yage ya go batela. Ke mokane a re gage: “Ke na le molayetsa wago wa go tšwa ga Modimo.” Ke mokane a tlogamela ga setulo sage sa go lawola. 21 Byalo Ehudi a ntsha sabola ka letsogo lage la sepata ga serope sa ka ho ga la go ja ke mokane a mo hlaba dimpa tso. 22 Sabola yone ya kena ka mokana ga yona le setshwaro sa yona, ke mokane ya kwalanya ke makgura ka taba la gore aa yi ntsha mone dimpeng tsage, byalo mala yage ma tšwela ka tawong. 23 Ehudi a tšwela ka tawong a kwala dikwalo tsa kamara yela ya go batela, a khiya. 24 Mo a šele a sipidiye, malata yala ma di bona gore dikwalo tsa go kena ga kamara yela ya go batela ba di khiyye. Byalo ma re: “Nakwenngwana o sa le thoyilete* ga kamara yela ya go batela.” 25 Ba yema go segela ba tšeba, mara mo ba bona gore aa buli, ba tseya sekhiya, ba bula, ba bona morena wa bona a wile ho fase a kgwile!

26 Mo ba kene ba sa jikajika, Ehudi a tšhaba, a feta ga dithombhe tsela tsa go betliwa+ ke mokane a segela Seyira a pasopegiye. 27 Mo a segela, a teya phalafala+ ga poleke ya dithabeng ya Eforayimi;+ ke mokane Maisrayele ma thewoga ga poleke ya dithaba, yene a ba yetiye mahlong. 28 A bolabola nabo a re: “Nšaleneng nthago, ka taba la gore Jehova o makiye gore manaba ya lune ya Mamowaba le ma hlule.” Byalo ba mo šala nthago ke mokane mola ba tshilang gona ga nooka ya Jorodane a kwala gore Mamowaba ma sa tshili, fote a baa lisetsa motho gore a tshile. 29 Ka nako yonone ba bolayye 10 000 ya Mamowaba+ ya gore ka mokana ga wona ke mo ma na le matšhika fote go le digoboro; a gwa phona+ le ka wwoši. 30 Byalo Maisrayele ma hlula Mamowaba ka letšatši lolone; ke mokane gwa fela 80 ya mengwaga go bebiye mone nageng.+

31 Ka nthago gage gwa tla Šamoghara+ morwayi wa Anathe, wa gore o bolayye 600 ya banna ba Mafilisita+ ka phate ya dikgomu ya go ba le nhla,+ le yene o phonisiye Maisrayele.

4 Mara ka nthago ga gore Ehudi a kgwe, Maisrayele ma thomisa go maka dilo tsa go befa mahlong ga Jehova fote.+ 2 Byalo Jehova a ba neyela ga Jabhini kgoši ya Kanana,+ wa gore ne a lawola Hazore. Sisera ke mo go le ndhuna ya masole yage, wa gore ne a dula Harošethe.+ 3 Maisrayele ma llela Jehova+ ka taba la gore Jabhini ne a na le 900 ya dikotšikara tsa ntwa tsa gore mo mabilong ya tsona ne ba di tšhediye dithipa tsa go lefa tsa go makiwa ka tshipi,+ fote gwa fela 20 ya mengwaga a hlupegisa Maisrayele ka matla.+

4 Byalo, moporofeta wa mosadi+ ye ba reng ke Debhora mosadi wa Lapidothe, ke yene ye ne a yahlula Israyele ka nako yone. 5 Ke mo a dula ka tlase ga mohlare wage wa mopalema gare ga poleke ya Rama+ le Bhethele+ ga poleke ya dithabeng tsa Eforayimi; Maisrayele ke mo ma ya gage gore a thogo ma yahlula. 6 A romela molayetsa ga Bharake+ morwayi wa Abhinowamo ku Kedeše-nafuthali,+ ke mokane a re gage: “Jehova Modimo wa Israyele o hlayye gore, ‘Ariye o rotoge Thaba ya Tabhore ke mokane o tseye 10 000 ya banna ba leloko la Nafthali le la Zebhuloni. 7 Ke nyoko leya Sisera ndhuna ya masole ya Jabhini le dikotšikara tsage tsa ntwa le masole yage ku moyeding wa Kišoni,+ ke mokane ke nyoko maka gore wene o mo hlule.’”+

8 Ke mokane Bharake a re ga Debhora: “Ke nyoko ya mo o ka ya le nna, mara mo nkare wa šala, le nna nka sa yi.” 9 Mo a reyane, Debhora a re: “Ka nnete ke nyoko ya nago. Mara ntwa yo o yang ga yona yi ka sa make gore go thanakiwe wene, ka taba la gore Jehova o nyoko maka gore Sisera a hlule ke mosadi.”+ Ke mokane Debhora a tlogamela a ya le Bharake ku Kedeše.+ 10 Bharake a bitsa Zebhuloni le Nafthali+ ku Kedeše fote le 10 000 ya banna ba mo šala nthago. Le Debhora a sepela naye.

11 Hebhere wa gore ke Lekeni ne a sa duli le Makeni+ ba gore ke batlogolo ba Hobhabho ratswale wa Moše,+ letente lage ne a le hlomme thina le mohlare wo mogolo wa ku Zananimi ya gore yi Kedeše.

12 Ba botsa Sisera gore Bharake morwayi wa Abhinowamo o yye Thabeng ya Tabhore.+ 13 Sisera a napa a lukisa dikotšikara tsage tsa ntwa⁠—900 ya tsona tsa gore mo mabilong ya tsona ne ba di tšhediye dithipa tsa go lefa tsa go makiwa ka tshipi⁠—a kgobaketsa masole ka mokana ga wona ya ne a le nawo ya go tšwa Harošethe gore ba ye ku moyeding wa Kišoni.+ 14 Byalo Debhora a re ga Bharake: “Tlogamela, ka taba la gore lekgono Jehova o nyoko maka gore o hlule Sisera. Jehova ke yene a go yetiyeng mahlong.” Ke mokane Bharake a thewoga mone Thabeng ya Tabhore a na le 10 000 ya banna. 15 Byalo, Jehova a maka gore Sisera, dikotšikara tsage tsa ntwa ka mokana ga tsona le masole yage ka mokana ga wona ba hlakahlakane+ mahlong ga Bharake. Ke mokane Sisera a feleletsa a phologiye ga sekotšikara sage ke mokane a tšhaba. 16 Bharake a lelekisa dikotšikara tsone tsa ntwa le masole yage go segela Harošethe. Byalo masole ya Sisera ka mokana ga wona ma bolayiwa ka sabola; a go na le ka wwoši wa gore o phonne.+

17 Mara Sisera a tšhaba ka mawoto a tšhabela letenteng la Jayele+ mosadi wa Hebhere+ wa gore ke Lekeni, ka taba la gore Jabhini+ kgoši ya Hazore ne a kwana ka matla le ba mutši wa Hebhere wa Lekeni. 18 Byalo Jayele a gahlanetsa Sisera ke mokane a re gage: “Kena morenaka, tlang ka howa. O sa tšhoge.” Ke mokane Sisera a kena ka letenteng lage ke mokane yene a mo kgapega lepayi. 19 Byalo Sisera a re gage: “Barena, nneye meetšinyana ke thogo nwa, ke wonngwe.” Byalo a bula lepotlela la go makiwa ka mokgopa la gore le na le lebese ke mokane a mo neya gore a nwe,+ mo a fetsa a mo kgapega ka lepayi fote. 20 Ke mokane Sisera a re gage: “Tlogamela o ye yema hala go keniwang gona letenteng, mo go ka tla motho a go butsisa a re, ‘A go na motho wa monna ka howa?’ o fo re ‘Awwa!’”

21 Mara Jayele mosadi wa Hebhere a tseya sekhonkhwane sa letente* le hamola. Mo Sisera a sa yetsele fote a tinnwe, a mo tsatsankela ke mokane a kokotela tshipi yela lehlayeng la hlogo yage go segela yi thuletsa ho fase ke mokane a kgwa.+

22 Bharake a ya gana ku a ye nyakana le Sisera, ke mokane Jayele a tla a gahlana naye ke mokane a re gage: “Tlang ke go šupetse monna ye o mo nyakelang.” Ke mokane a kena naye ka ku letenteng ke mokane a bona Sisera a le ho fase a kgwile, mo lehlayeng la hlogo yage ne go na le tshipi ya letente.

23 Byalo ka letšatši lolone, Modimo a poyila Jabhini kgoši ya Makanana ka go yi hlula mahlong ga Maisrayele.+ 24 Maisrayele ma fo ya mahlong ma ba le matšhika ka matlamatla mo ba hlasela Jabhini kgoši ya Kanana,+ go segela ba fetsa ka yene.+

5 Ka letšatši lone, Debhora+ le Bharake+ morwayi wa Abhinowamo ba yepelela koša yowa:+

 2 “Le thanake Jehova!

 3 Lune magoši, theetselaneng! Lune ba go lawola, theetselaneng!

Ke nyoko mo yepelela ga Jehova.

Ke nyoko yepelela Jehova Modimo wa Israyele+ dikoša tsa go thanaka.+

Go thanakiwe Jehova!

Ke mokane batho ba Jehova ba yye ga digheyiti tsa mutši wone.

12 Wene Debhora,+ tsoga o koriye!

Tsoga o koriye, yepelela koša!+

Wene Bharake,+ koriye! Wene morwayi wa Abhinowamo, yeta mabhantiti yago mahlong!

A tla moyeding ka mawoto.+

Ga ba leloko la Rubeni, batho ba go tlala ke mo ba kamaka ba sa tšibi gore ba make ying.

Batho ba leloko la Rubeni ba tinyakolliye ka matla.

A go na dilo tsa bona tsa silva tso ba di tsereng.+

O gatele banna ba go ba le matšhika.

25 Sisera o kgopele meetši; yene a mo neya lebese.

O mo neyye lebese la gore le ya babela* ka sitša se segolo sa motšiti.+

Ke ntaba ke soko kwa modumo wa dipera tsage?’+

Ke mokane go fediye 40 ya mengwaga go bebiye mone nageng.+

6 Mara Maisrayele ma maka dilo tsa go sa loka fote mahlong ga Jehova,+ byalo Jehova a maka gore Mamidiyane ma ba hlule fote go fele kašupa ya mengwaga ma ba lawola.+ 2 Mamidiyane ke mo ma hlupegisa Maisrayele.+ Byalo ka taba la Mamidiyane, Maisrayele ma wutama ku dithabeng, ka teng ga makori le ga dipoleke tsa gore gwa thathafa gore motho a segele ga tsona.+ 3 Mo Maisrayele ma gašiye pewu, Mamidiyane, Maamaleke+ le ba go tšwa ka Bohlabela+ ne ba ba hlasela. 4 Ne ba segela ba kampa gana hone ke mokane ba sinya dimilane tsa bona ka mokana ga tsona go segela Ghaza, ne ba sa šiyele Maisrayele le selo ka ssoši sa go ja, le mong nku, kgomu ya phoolo kela bhongholo, ne ba sa ba šiyele.+ 5 Ka gore ne ba tla le merape ya bona le matente ya bona ya go tlala tsa nkare ke ditšiya,+ fote bona le dikamela tsa bona ne ba tlele tsela tsa gore a go kgonege go ba balela+ ke mokane ne ba tla mone nageng ba tl’le sinyanyeng. 6 Byalo Maisrayele ke mo ma hlupega ka matla ka taba la Mamidiyane; fote ma rapele Jehova gore a ma gelepe.+

7 Mo Maisrayele ma kgopela Jehova gore a ma gelepe ka taba la Mamidiyane,+ 8 Jehova a roma moporofeta ga Maisrayele, a re ga wona: “Tsowa ke tso Jehova Modimo wa Israyele a di hlayang, ‘Ke go ntshiye Egepita, nageng ya gore ne o le lebhantiti ga yona.+ 9 Byalo ke go phonisiye ga Maegepita le ga batho ka mokana ga bona bo ne ba go hlorisa ka boya ka ba raka mahlong gago, ka go neya naga ya bona.+ 10 Fote ke yitseri gago: “Ke nna Jehova Modimo wago.+ O sa hlompe medimo ya Maamore ya gore o dula nageng ya wona.”+ Mara wene a wa ntheetsela.’”+

11 Ka nthago, lengeloyi la Jehova la tla+ la segela le dula ka fase ga mohlare wo mogolo wa gore ke mo wo le ku Ofra, wa gore ke wa Jowaše wa Leabhiyazara.+ Morwayi wage Ghidiyoni+ ke mo a tula korong ku ba makelang gona wayini gore a thogo yi wutametsela Mamidiyane. 12 Lengeloyi la Jehova la nyarela gage la re: “Jehova o na le wene,+ wene lesole la go ba le matšhika.” 13 Mo le reyane, Ghidiyoni a re ga lona: “Barena morenaka, mo nkare ke nnete gore Jehova o na le rune, ke ntaba re tlela ke dilo tsowa ka mokana ga tsona?+ Yi kaye mehlolo yage ka mokana ga yona yo bopapa ba rune ba re butsiyeng ka yona,+ ba re, ‘Anthe Jehova aa re ntsha nageng ya Egepita?’+ Gana byalo Jehova o re jikele,+ fote o lisetsiye Mamidiyane gore ma re hlule.” 14 Jehova a mo lebelelea a re gage: “Ariye o berekise matšhika ya o nang nawo, ke mokane o phonise Maisrayele ga Mamidiyane.+ Anthe a yi nna ye ke go romang?” 15 Ghidiyoni a mo fetola a re: “Barena Jehova, ke nyoko yi phonisa byang Israyele? Phela ba mutši waka ke bona ba banyana ga leloko la Manase, fote nna ke nna wa go sa re selo ga mutši wa papaka.” 16 Mara Jehova a re gage: “Ka taba la gore nko ba ke le nago,+ o nyoko bolaya Mamidiyane lula tsa nkare o bolaya motho ka wwoši.”

17 Ke mokane a re gage: “Mo nkare o bona ke go jabodisa, mmakele mošupetso go šupetsa gore ka nnete ke wene ye o bolabolang le nna. 18 Barena o sa tloge howa go segela ke boya ke tl’le go neya tsa go ja.”+ Byalo a re: “Ke nyoko yema mowa go segela o boya.” 19 Byalo Ghidiyoni a ya a lukisa seputsanyana, a maka le sekgwa ka lesaka le legolo* la folawa ya go se na dikomelo.+ Ke mokane a tšhela nama yela ka teng ga mmantši le sope ka teng ga poto; ke mokane a mo leyela tsona, a segela a mo neya tsona ka fase ga mohlare wo mogolo.

20 Byalo lengeloyi la Modimo wa mannete la re gage: “Tseya nama yowa le sekgwa sowa sa go se na dikomelo o di beye ga letlapa lela le legolo ke mokane o falatse sope yone.” A maka ka mokgonone. 21 Ke mokane lengeloyi la Jehova la tseya phate yo ne le yi tshwere ke mokane la tikisa nama yela le sekgwa sela sa go se na dikomelo ka nhla ya yona, ke mokane hala letlapeng gwa tšwa mollo wa tšhuba nama yela le sekgwa sela sa go se na dikomelo.+ Ke mokane lengeloyi la Jehova la nyamalala a sa sa le bona. 22 Byalo Ghidiyoni a di bona gore ne go le lengeloyi la Jehova.+

A napa a re: “Yo nna yo, Jehova Morena wa ku Malenghelengheng, ke bonne lengeloyi la Jehova!”+ 23 Mara Jehova a re gage: “O sa hlagasele. O sa tšhoge;+ o ka sa kgwe.” 24 Byalo Ghidiyoni a yagela Jehova aletare gana hone, fote ba sa na ba re ke Jehova-šalomo*+ go segela le lekgono lowa. Yi sa na yi le gana ku Ofra ya Maabhiyazara.

25 Bošego byobyone Jehova a re gage: “Tseya senamane sa papago sa phoolo, senamane sa mabedi sa phoolo sa gore se na le kašupa ya mengwaga, o pshyayanye aletare ya Bhaali ya gore ke ya papago ke mokane o kupe le phate ya go hlawolega* ya gore yi thina nayo.+ 26 Ka nthago mo le šele le yagele Jehova Modimo wa lune aletare gedimo ga poleke ya go pasopega ka matlapa ya gore ma pakelanne, le tseyeneng senamane sa mabedi sa phoolo ke mokane le makeneng sehlabelo sa go tšhubiwa ka diphate tsa gore le di tsere ga phate ya go hlawolega* yo le yi kupiyeng.” 27 Byalo Ghidiyoni a tseya lesome la malata yage ya banna ke mokane a maka tso Jehova a mmutsiyeng tsona. Mara ba mutši wa papage le banna ba mutši wone ke mo a ba tšhaba ka matla gore a ka maka dilo tsone motshegare, byalo o di makiye bošego.

28 Mo banna ba mutši wone ba tsoga ka bošego, ba di bona gore aletare ya Bhaali ke mo ba yi pshayye le gore le phate ya go hlawolega* ya gore ke mo yi le thina nayo ke mo yi kupiwwe, fote ke mo ba makiye sehlabelo ka senamane sa mabedi sa phoolo ga aletare ya gore ke mo yi yagiwwe. 29 Ba tiputsisa gore: “Ke mang a makiyeng dilo tsowa?” Ka nthago ga gore ba nyakolle, ba re: “Ke Ghidiyoni morwayi wa Jowaše ye a makiyeng dilo tsowa.” 30 Byalo banna ba hone mutšing ba re ga Jowaše: “Leya morwayi wago gore re thogo mmolaya, ka taba la gore o sinyannye aletare ya Bhaali fote a kupa le phate ya go hlawolega* ya gore ke mo yi le thina nayo.” 31 Jowaše+ a bolabola le batho ka mokana ga bona bo ne ba tlile gage a re: “Ayitsano di nyaka le yemelele Bhaali? Nje di nyaka le mo phonisa? Ye mongwana le ye mongwana ye a mo yemelelang o nyoko bolayiwa ka bošego byobyo.+ Mo nkare ka nnete ke modimo, a tiyemelele yene beng,+ akere go na le ye a pshyayyeng aletare yage.” 32 Ke mokane a thomisa go bitsa Ghidiyoni Jerubhaali* go tlugisela ka letšatši lone, a re: “Yema Bhaali a tilwele, akere go na le ye a pshyayannyeng aletare yage.”

33 Mamidiyane+ ka mokana ga wona, Maamaleke+ le batho ba go tšwa Bohlabela ka mokana ga bona ba berekisana;+ ke mokane ba tshila Moyedi wa Jeziriyele ba segela ba kampa gana mone. 34 Byalo moya wa Jehova wa tla ga Ghidiyoni+ ke mokane a teya phalafala,+ fote Maabhiyazara+ ma mo šala nthago. 35 Ke mokane a roma batho ga ba leloko la Manase ka mokana ga lona, le bona ba mo šala nthago. A boya a roma ba bangwana ga ba leloko la Aša, Zebhuloni le la Nafthali, le bona ba ya gore ba gahlane naye.

36 Ke mokane Ghidiyoni a re ga Modimo wa mannete: “Mo nkare o berekisa nna go phonisa Israyele go ya ka mokgo o tshepisiyeng ka gona,+ 37 ke nna yewa ke yatlala wulu ya nku mo go tudiwang gona mabele. Mo nka kraya go na le phooka ga wulu yowa fela mara mo fase ka mokana ga gona go womme, nko di tšibeng gore o nyoko berekisa nna go phonisa Israyele ka mokgo o tshepisiyeng ka gona.” 38 Fote di makegiye ka mokgonone. Mo a tsoga ka bošego ka letšatši la go latela, a hluhla wulu yela, gwa tšwa phooka ya go tlala ya gore yi tlatsiye sitša sa motšiti se segolo ka meetši. 39 Mara Ghidiyoni a re ga Modimo wa mannete: “Ke kgopela o sa nkwatele barena, mara ke kgopela o make selo se sengwana fote. Ke kgopela go berekisa wulu yowa fote, ke yi šiye mowa. Mara gana byalo ke kgopela gore yona yi be yi womme ke mokane phooka yi kolobise ho fase ka mokana ga gona.” 40 Byalo Modimo o makiye ka mokgonone bošego byone; wulu yone ke mo yi sa koloba mara ho fase ka mokana ga gona ke mo go na le phooka.

7 Ke mokane Jerubhaali, yene Ghidiyoni,+ le batho ka moka ba tsoga go sa le ka bošego ke mokane ba ya ba kampa ku Sedibeng sa Harode, kampa ya Mamidiyane ke mo yi le ka lebowa la mmoto wa Moore ku moyeding. 2 Byalo Jehova a re ga Ghidiyoni: “Batho bo o sepelang nabo ba tlele ka matla gore nka maka gore le hlule Mamidiyane.+ Ka gore tsotsone di ka maka gore Maisrayele ma titeye sekguba ma hlaye gore, ‘Ke rune re tiphonisiyeng.’+ 3 Byalo, botsa batho bowa gore: ‘Ye mongwana le ye mongwana wa gore o tšhugiye kela wa hlagasela a boyele gaye.’”+ Ke mokane Ghidiyoni a ba liketsa. Byalo, 22 000 ya batho ba boyela gaye ke mokane gwa šala 10 000 ya bona.

4 Mara Jehova a re ga Ghidiyoni: “Batho bowa ba sa tlele ka matla. Ariye nabo ku meetšing gore ke thogo ba liketsa gona. Nna mo ke re, ‘Yewa o nyoko sepela nago,’ yene o nyoko maka ka mokgonone, mara mo nna ke re, ‘Yewa a ka sa sepele nago,’ a ka sa sepele nago.” 5 Byalo a ba tseya a ya nabo ku nookeng.

Ke mokane Jehova a re ga Ghidiyoni: “Hlawola motho ye mongwana le ye mongwana wa gore o nwa meetši ka lleme go tshwana le mpsya, o ba hlawole gare ga bo ba gore ba nwa ba kgotamme ka matolo.” 6 Byalo bo ba gore ke mo ba nwa meetši go tshwana le dimpsya, ba nwa ka letsogo, ke mo go le 300 ya bona. Ke mokane ba bangwana ka mokana ga bona ke mo ba nwa ba kgotamme ka matolo.

7 Jehova a re ga Ghidiyoni: “Ke nyoko maka gore wene le 300 ya banna bo ne ba leka meetši ka lleme go tshwana le dimpsya le hlule Mamidiyane.+ Mara bala ba bangwana ka mokana ga bona ba boyele gaye.” 8 Ke mokane ka nthago ba tseya tsa go ja le diphalafala ga bala ba bangwana ke mokane Ghidiyoni a romela banna bala ka mokana ga bona ba Maisrayele gaye, gwa šala 300 ya bona. Kampa ya Mamidiyane ke mo yi le ka tlase ga moyedi.+

9 Bošego bya letšatši lolone, Jehova o yitseri gage: “Tsoga o hlasele batho bowa ka taba la gore ke nyoko maka gore o ba hlule.+ 10 Mara mo nkare o tšhaba go ba hlasela, ariye le lelata lago Pura ku matenteng. 11 Theetsela tso ba di bolabolang, ka nthago o nyoko ba le lešiši, wa kgona go lwa le manaba yago.” Ke mokane yene le lelata lage Pura ba napa ba sepela ba ya thina le kampa ya manaba ya bona.

12 Byalo Mamidiyane, Maamaleke le batho ka mokana ga bona ba go tšwa Bohlabela+ ba tlala hala moyeding go tshwana le moririmane wa ditšiya, fote dikamela tsa bona ne di tlele la gore o ka sa kgone go di balela+ go tshwana le santa ya lerophong la lewatle. 13 Byalo Ghidiyoni a ya, a kraya monna ye mongwana a hlatollela monghanage tso a di loriyeng, ke mokane a re: “Tsowa ke tso ke di loriyeng. Ke mo go na le sekgwa sa kgokolo sa korong se kgokologa kampeng ya Mamidiyane. Sa tla ga letente le lengwana sa le tšhayisa ka matla la go šinya letente lone le wa.+ Ke mokane letente lone la phendugana ke mokane la wa.” 14 Mo a reyane, yela ye mongwana a re: “Yone ke sabola ya Ghidiyoni+ morwayi wa Jowaše, monna wa Leisrayele. Modimo o makiye gore Midiyane le kampa ya yona ka mokana ga yona yi hlule ke Ghidiyoni.”+

15 Mo Ghidiyoni a kwa ka moloro wone le hlatollo ya wona,+ a napa a kgotama gore a rapele. Ka nthago ga hone a boyela ga kampa ya Maisrayele a segela a re: “Tlogamelaneng, ka gore Jehova o nyoko maka gore re hlule kampa ya Mamidiyane.” 16 Ke mokane a yahluganya banna bala 300 ya bona gwa ba kararo ya megoba, ka mokana ga bona a ba neya diphalafala+ le dipitsa tse dikgolo tsa gore ka mo teng ke mo ba tšhediye disa tsa go khanyisa. 17 Ke mokane a re ga bona: “Nlebeleleneng ke mokane le make tso ke di makang. Mo ke segela mafelelong ga kampa, le lune le makeneng ka mokgonone. 18 Mo nna le bo ke nang nabo ka mokana ga bona re teya diphalafala, le lune le teyeneng diphalafala tsa lune le kene le dukulugela matente ya bona ke mokane le yahlamele le re, ‘Re makela Jehova le Ghidiyoni!’”

19 Ghidiyoni le 100 ya banna bo ne a le nabo ba tla mo go kgerang poleke yo ne ba kampiye ga yona mo go thoma nako ya bomatšinghelane ya go ghada bošego,* mo ba fetsa go beya ba go ghada ka hala tawong. Ba teya diphalafala+ fote ba pshyayanya dipitsa tsela tse dikgolo tso ne ba di tshwere.+ 20 Byalo megoba yela kararo ya teya diphalafala fote ya pshyayanya ditša tsa motšiti tse dikgolo. Ba tshwara diphate ka matsogo ya bona ya sepata ke mokane ba teya diphalafala ka matsogo ya bona ya go ja, fote ba yahlamela ba re: “Sabola ya Jehova le ya Ghidiyoni!” 21 Monna ye mongwana le ye mongwana ke mo a yemme mo a tshwaneleng a yeme gona mo ba dukulugela kampa, ke mokane masole ka mokana ga wona ma tšhaba ma kene ma yahlamela.+ 22 Banna bala 300 ya bona ba ya mahlong ba teya diphalafala, Jehova a maka gore Mamidiyane ma bolayane;+ fote masole ma tšhaba go segela Bhethe-šitha, ma ya Zerera, ma ya mafelelong ga Abele-mehola+ ya gore yi thina le Tabhathe.

23 Ba bitsa banna ba Israyele ba go tšwa ga leloko la Nafthali, la Aša le la Manase+ ka mokana ga lona, ba lelekisa Mamidiyane. 24 Ghidiyoni a roma batho dipolekeng tsa dithabeng ka mokana ga tsona tsa Eforayimi, a re: “Thewoganeng le ye le hlasele Mamidiyane, ba yeteneng mahlong go segela Bhethe-bhara le nookeng ya Jorodane ke mokane le yemiseneng banna moyeding wo go tshidiwang ga wona gore ba sa tshili.” Byalo banna ka mokana ga bona ba Eforayimi ba gahlana, ba segela ba thibelela ku Bhethe-bhara le Jorodane. 25 Fote ba tshwara Orebho le Zeyebho ba gore ke dindhuna tsa Mamidiyane; ba bolayela Orebho letlapeng ke mokane letlapa lone ba re ke letlapa la Orebho,+ fote Zeyebho ba mmolayela ga poleke ya go maka wayini ke mokane poleke yone ba re ke poleke ya go makela wayini ya Zeyebho. Ba yye mahlong ba lelekisa Mamidiyane,+ fote ba leyye dihlogo tsa Orebho le Zeyebho ga Ghidiyoni ku polekeng ya Jorodane.

8 Byalo banna ba Eforayimi ba re gage: “Ke ntaba o re makiye ka mokgo? Ke ntaba o sa re bitsa nakwela o ye lwa le Mamidiyane?”+ Ke mokane bona ba lakatsana naye ka matla.+ 2 Mara yene a re ga bona: “King tso ke di makiyeng tsa go phala tso lune le di makiyeng? Anthe didhriva tso di bunneng ke Eforayimi+ a di phale ke didhriva tso di bunneng ke Abhiyazara?+ 3 Modimo o makiye gore le hlule Orebho le Zeyebho+ ba gore ke dindhuna tsa Mamidiyane, nje king tso nna ke di makiyeng tsa go phala tso lune le di makiyeng?” Mo a bolabola ka mokgonone, ba kgiba.

4 Byalo Ghidiyoni a ya Jorodane fote a yi tshila. Yene le 300 ya banna bo ne a le nabo ke mo ba tinnwe, mara ba fo ya mahlong ba lelekisa manaba ya bona. 5 Byalo Ghidiyoni a re ga banna ba Sukhothe: “Barena ke kgopela le neye banna bo ke sepelang nabo sekgwa ka taba la gore ba tinnwe, fote nna ke lelekisa Zebha le Zalimuna ba gore ke magoši ya Mamidiyane.” 6 Mara dindhuna tsa Sukhothe dya re: “Ayitsano o šele o hludiye Zebha le Zalimuna gore re ka šinya re neya masole yago sekgwa?” 7 Ghidiyoni yene a re: “Ka taba la tsotsone, mo Jehova a maka gore ke hlule Zebha le Zalimuna, ke nyoko le hlaba ka metlwa ya ku mašahleng.”+ 8 Ke mokane a tloga hone a ya hala Phenuwele a segela a ba kgopela tsetsela a di kgopeleng, mara banna ba ku Phenuwele ba mo fetola go tshwana le banna ba Sukhothe. 9 Byalo, banna ba Phenuwele le bona a ba botsa a re: “Mo ke boya ke hludiye, ke nyoko wisa sewokamelo sowa.”+

10 Byalo Zebha le Zalimuna ke mo ba le Karakore ba na le masole ya bona, gana hala ga 15 000 ya banna. Ke bona bo ne ba šele ga masole ka mokana ga wona ya batho ba ka Bohlabela,+ ka gore 120 000 ya banna ba gore ne ba berekisa disabola ntweng ke mo ba kgwile. 11 Ghidiyoni a ya mahlong ka pata ya matenteng ya batho ba go dula ka bohlabela bya Nobhaha le Jogobheha,+ a hlasela kampa ya manaba ya gore ke mo ma sa nagana selo. 12 Mo Zebha le Zalimuna ba gore ke magoši ka mabedi ya Midiyane ba tšhaba, a ba lelekisa ke mokane a ba tshwara, sosone sa tshosa batho ba hone kampeng.

13 Byalo Ghidiyoni wa gore ke morwayi wa Jowaše a sologa ntweng a sepela ka setselane sa gore se segela Herese. 14 Mo a kene a sepela ho pateng, a tshwara mosogana wa go tšwa Sukhothe a mmutsisa diputsiso. Ke mokane mosogana yene a mo ngwalela mabitso ya dindhuna le banna ba bagolo ba Sukhothe, ke mo go le 77 ya banna. 15 Ke mokane a ya ga banna ba Sukhothe a re ga bona: “Zebha le Zalimuna ke bowa, bala ba gore ne le mpoyila ka bona le re, ‘Ayitsano o šele o hludiye Zebha le Zalimuna gore re ka šinya re neya masole yago sekgwa?’”+ 16 Byalo a tseya banna ba bagolo ba mone mutšing, a wolola banna ba Sukhothe ka go ba hlaba ka metlwa ya ku mašahleng.+ 17 Ke mokane a wisa sewokamelo sa ku Phenuwele,+ a bolaya banna ba mutši wone.

18 A butsisa Zebha le Zalimuna a re: “Banna bo le ba bolayyeng ku Tabhore ke mo go le ba mohlobo mang?” Bona ba re: “Ke mo ba tshwana nago, ne o ka fo re ke barwayi ba kgoši mo o ba lebelele.” 19 Mo ba reyane a re: “Ke mo go le bobhuti baka, barwayi ba mmane. Nnete ke ya le tshepisa ka lebitso la Jehova, hala le sa ba bolaya, ne di ka sa nyake gore ke le bolaye.” 20 Ke mokane a re ga Jethere letšibula lage: “Tlogamela o ba bolaye.” Mara mosogana yewa a sa ntshe sabola yage; ne a tšhaba ka taba la gore ne go sa le ye monyana. 21 Ke mokane Zebha le Zalimuna ba re: “Tlogamela o re bolaye wene mong, akere motho gore ke monna re mmona ka matšhika yage.” Byalo Ghidiyoni a tlogamela a bolaya Zebha le Zalimuna,+ a tseya dilo tsa go kgabisa tsa nkare ke ngwedi tso ne di le ho melaleng ya dikamela tsa bona.

22 Ka nthago, banna ba Israyele ba re ga Ghidiyoni: “Re lawoleneng, wene le morwayi wago le motlogolo wago, ka taba la gore le re phonisiye ga Mamidiyane.”+ 23 Mara Ghidiyoni a re ga bona: “Nna nka sa le lawole, le morwayi waka a ka sa le lawole. Jehova ke yene ye a nyoko le lawolang.”+ 24 Ghidiyoni a ya mahlong a re: “Yema ke kgopele selo ka ssoši ga lune: ye mongwana le ye mongwana wa lune a nneye lereni la ho nkong go tšwa ga tso le di krayyeng.” (Ke mo ba na le mareni ya ho nkong ya gholdi ka taba la gore ke mo go le Maišimayele.)+ 25 Ba fetola ba re: “Re nyoko go neya tsona.” Ba napa ba yatlala kobo, fote monna ye mongwana le ye mongwana a beya lereni la mo nkong la go tšwa ga tso a di krayyeng. 26 Byalo, mareni ya gholdi ya ho nkong yala Ghidiyoni a ma kgopeleng ke mo ma kala 1 700 ya dišekele* tsa gholdi, go sa badiwi dilo tsa go kgabisa tsa nkare ke ngwedi, mareni, dikobo tsa go makiwa ka gare ye phepholo tsa gore di yapara ke magoši ya Midiyane le dinekleyisi tsa dikamela.+

27 Ghidiyoni o makiye efoda+ ka tsona, fote a yi beya mo yi bonang ke batho ku mutšing wage wa Ofra;+ fote Maisrayele ka mokana ga wona ma thomisa go yi rapela go le modimo wa bona+ ke mokane gwa ba molabo ga Ghidiyoni le ba mutši wage.+

28 Ke mokane Maisrayele ma hlula Mamidiyane,+ fote Mamidiyane a maa liketsa go lwa le Maisrayele fote, ke mokane gwa fela 40 ya mengwaga go bebiye mone nageng ka matšatši ya mo Ghidiyoni a sa phela.+

29 Byalo Jerubhaali+ morwayi wa Jowaše a boyela gaye gage, a segela a dula gona.

30 Ghidiyoni a ba le 70 ya barwayi ka taba la gore ke mo a na le basadi ba go tlala. 31 Motlabo wage wa ku Šikeme le yene a mmelegela morwayi, Ghidiyoni a mo reya gore ke Abhimeleke.+ 32 Byalo Ghidiyoni morwayi wa Jowaše a kgwa a šele a tsofele, ba mmoloka lebitleng la papage Jowaše ku Ofra ya Maabhiyazara.+

33 Mo Ghidiyoni a kgwa, Maisrayele ma rapela Bobhaali fote,+ ke mokane ba kgeta Bhaali-bherithe gore go be modimo wa bona.+ 34 Maisrayele ma libala Jehova Modimo wa bona,+ wa gore o ba phonisiye ga manaba ya bona ka moka ya ne ma ba dukulugele;+ 35 fote a baa šupetsa gore ba wo nyaka ka matla mutši wa Jerubhaali, wa gore ke Ghidiyoni, ka taba la dilo ka mokana ga tsona tsa go bafala tso a di makeleng Israyele.+

9 Mo nako yi kene yi ya, Abhimeleke+ morwayi wa Jerubhaali a ya ga bobhuti ba mmane wage ku Šikeme, a segela a bolabola nabo le batho ka mokana ga bona ba mutši wa kokwane wage a re: 2 “Ke kgopela o butsise ba go lawola ka mokana ga bona ba Šikeme gore, ‘King sa kawone ga lune, ayitsano ke gore barwayi ba Jerubhaali+ 70 ya bona ka mokana ga bona ba le lawole kela monna ka wwoši a le lawole? Fote le gopole gore nna le lune re mašaga ya madi.’”

3 Byalo, bobhuti ba mmane wage ba botsa bala ba go lawola ka moka ba ku Šikeme dilo tsowa tsa gore di tšwa ga Abhimeleke, fote dipelo tsa bona dya tlalela ga Abhimeleke ka gore ba yitseri: “Ke bhuti wa rune.” 4 Ke mokane ba mo neya 70 ya ditšheleta tsa silva tsa go tšwa ntlong* ya Bhaali-bherithe,+ Abhimeleke a di berekisa go hira banna ba go tshwata le ba go dhelela gore ba mo felegetse. 5 Ka nthago ga hone, a ya ntlong ya papage ku Ofra+ ke mokane a bolaya bobhuti bage,+ barwayi ba Jerubhaali ba gore ke 70 ya banna, a ba bolayela letlapeng. Go f’lo phona Jothama wa gore ke morwayi ye monyana wa Jerubhaali, ka taba la gore ke mo a wutamme.

6 Ke mokane ka mokana ga bona ba go lawola ba ku Šikeme le ba mutši wa Bhethe-milo ka mokana ga bona ba gahlana ggoši ba segela ba maka gore Abhimeleke go be kgoši,+ thina le mohlare wo mogolo, ka thoko ga kholomo ya gore ke mo yi le Šikeme.

7 Mo ba botsa Jothama ka taba yowa, a napa a sepela fote a yema gedimo ga Thaba ya Gherizimi+ ke mokane a ba yahlamela a re: “Ntheetseleneng lune ba go lawola ba Šikeme, ke mokane le Modimo o nyoko le theetsela.

8 “Go yye gwa ba le mehlare ya gore yi tihlawolele kgoši. Byalo, mehlare yone ya botsa mohlare wa diolivi ya re, ‘Re lawole.’+ 9 Mara mohlare wa diolivi wa re, ‘Ke lisetse makgura yaka ya gore ba ma berekisa go gadimisa Modimo le batho ke ye ke lawole mehlare ye mengwana?’ 10 Ke mokane mehlare yela ya botsa mohlare wa mogo gore, ‘Tlang o re lawole.’ 11 Mara mohlare wela wa mogo wa re ga yona, ‘Ayitsano ke lisetse go tswetswenya gaka le diyengwa tsaka tsa gabutši gore ke ye ke lawole mehlare yela ye mengwana?’ 12 Ka nthago, mehlare yela ya botsa mohlare wa modhriva gore, ‘Tlang o re lawole.’ 13 Mohlare wela wa didhriva wa re, ‘Ayitsano di nyaka ke lisetse wayini yaka ya nyuwane ya gore yi maka gore Modimo le batho ba jabole, ke ye ke lawole mehlare ye mengwana?’ 14 Mehlare yela ya fetsa yi butsiye mohlare wa mutlwa gore, ‘Tlang o re lawole.’+ 15 Ke mokane mohlare wela wa mutlwa wa re ga mehlare yela ye mengwana, ‘Mo nkare le ya resa le nyaka ke le lawole, tlanneng le wutame ka tlase ga morithi waka. Mara mo nkare le ya ntshokanya, go tšwe mollo mo mohlareng wa mutlwa wo tšhubanye mehlare ya mosidara ya Lebhanoni.’

16 “Ayitsano ke mo le resa fote ke mo le tshepega nakwela le maka gore Abhimeleke a be kgoši?+ Ayitsano ba mutši wa Jerubhaali le ba makiye tsa gabutši? Ayitsano le bona nkare le mo makiye tso di mo tshwaneleng? 17 Phela papa o le lwele,+ a beya lephelo lage kotsing gore a thogo le phonisa ga Mamidiyane.+ 18 Mara lune le jikele ba mutši wa papa lekgono gore le thogo bolaya barwayi bage, 70 ya banna ga letlapa ka lloši.+ Fote le makiye Abhimeleke wa gore ke morwayi wa lelata lage la mosadi+ kgoši ya batho ba go lawola ku Šikeme ka go fo re ke bhuti wa lune. 19 Mo nkare le ya resa fote ke mo le tshepega ka tso le di makiyeng Jerubhaali le ba mutši wage lekgono, jabolaneng le Abhimeleke le yene a jabole le lune. 20 Mara mo nkare a go ka mokgonone, nkare go ka tšwa mollo ga Abhimeleke wa tšhubanya ba go lawola ba Šikeme le Bhethe-milo,+ fote nkare mollo wo ka tšwa ga bo ba go lawola ba Šikeme le Bhethe-milo wa tšhubanya Abhimeleke.”+

21 Ke mokane Jothama+ a tšhabela Bhere, fote a dula gana hone ka taba la bhuti wage Abhimeleke.

22 Abhimeleke o fetsiye kararo ya mengwaga a lawola Israyele. 23 Ke mokane Modimo a maka gore Abhimeleke le ba go lawola Šikeme ba hloyanane, fote ba sepela Abhimeleke ka fase. 24 Tsowa di makegiye gore go patedisiwe bokgohlane byo bo makiyeng ke Abhimeleke le ba go lawola Šikeme, ka taba la gore Abhimeleke o bolayye bobhuti bage+ ba gore ke 70 ya barwayi ba Jerubhaali, fote ba go lawola Šikeme ba mo gelepa. 25 Byalo, bo ba go lawola Šikeme ba beya banna ku gedimo ga thaba gore ba mo ramele, fote ke mo ba yetswela motho ye mongwana le ye mongwana ye a fetang hone pateng. Mo nako yi kene yi ya, ba botsa Abhimeleke ka taba yowa.

26 Ke mokane Ghali morwayi wa Ebhede le bobhuti bage ba tshilela Šikeme,+ ke mokane ba go lawola Šikeme ba thomisa go mo tshepa. 27 Ba tloga ba ya tšhomong ba kgobaketsa didhriva tsa tšhomo ya bona ya didhriva, ba di gatela, ba maka monyanya, ka nthago ga hone ba boyela ntlong ya modimo wa bona,+ ba segela ba ja le go nwa ba boya ba rogelela Abhimeleke. 28 Ke mokane Ghali morwayi wa Ebhede a re: “Abhimeleke ke mang, fote Šikeme ke mang la gore re ka šinya re mmerekela? Anthe a yi morwayi wa Jerubhaali?+ Anthe Zebhule a yi ndhuna yage? Berekela banna ba Hamore, papa wa Šikeme! Mara ke ntaba di nyaka re berekele Abhimeleke? 29 Hala batho bowa ba lawola ke nna, ne ke nyoko raka Abhimeleke.” Ke mokane a re ga Abhimeleke: “Yeketsa masole yago o tle howa.”

30 Mo Zebhule wa gore ke ndhuna ya hone mutšing a kwelela mantsu ya Ghali morwayi wa Ebhede, a fufulela. 31 Byalo a romela batho ga Abhimeleke ka makhukhung, ba segela ba re: “Bona! Gana byalo Ghali morwayi wa Ebhede le bobhuti bage ba ku Šikeme, fote ba sa kutšetsela batho ba mone mutšing gore ba go jikele. 32 Byalo, wene tlang bošego o na le banna bo o sepelang nabo, le segele le patlame le yeme ka tawong ga mutši. 33 Mo letšatši le hlaba, o tsoge ka bošego o hlasele mutši; ke mokane mo yene le banna bage ba tla ba tl’le le hlaseleng, maka se sengwana le se sengwana gore o thogo mo hlula.”*

34 Byalo, Abhimeleke le batho ka mokana ga bona ba tsoga bošego, ke mokane ba maka kanne ya megoba, ba patlama, ba yema ka tawong ga Šikeme. 35 Mo Ghali morwayi wa Ebhede a tšwa a yema gheyiting ya mutši, Abhimeleke le batho bage ba tlogamela mo ne ba le gona. 36 Mo Ghali a bona batho bala, a re ga Zebhule: “Bona! Go na le batho bo ba thewogang ba tšwa gedimo ga thaba.” Mara Zebhule a re gage: “Wene o bona dirithi tsa dithaba tsela nkare ke batho.”

37 Ka nthago, Ghali a re: “Bona! Batho bala ba tla ba tšwa gare ga naga, fote mogoba ka wwoši wo tla ka pata ya mohlare wo mogolo wa Meyonenimi.” 38 Zebhule a mo fetola a re: “Ke ntaba gana byalo o sa sa titeya sekguba, ‘Abhimeleke go ro ba ying la gore re ka šinya re mmerekela?’+ Anthe batho bowa a yi bona ba gore ne o sa bolabole gabutši ka bona? Ariye gana byalo o ye o lwe nabo.”

39 Byalo Ghali a yeta ba go lawola Šikeme mahlong ke mokane a lwa le Abhimeleke. 40 Abhimeleke a mo lelekisa, fote Ghali a mo tšhabela, ba go tlala ba bolayiwa fote ditopo tsa bona ne di segela le ku gheyiting ya mutši.

41 Abhimeleke a ya mahlong a dula Aruma, fote Zebhule+ a raka Ghali le bobhuti bage ku Šikeme. 42 Ka motshwana wa gona batho ba ya ka tawong ga mutši, fote ba botsa Abhimeleke ka taba yone. 43 Abhimeleke a tseya batho bala a ba yahluganya gwa ba kararo ya megoba ke mokane ba patlama ka tawong ga mutši. Mo a bona batho bala ba tšwa ku mutšing, a ba hlasela ke mokane a ba bolaya. 44 Abhimeleke le megoba yo ke mo yi le naye ba kena ka tšhinghi ke mokane ba yema gheyiting ya mutši, hala megoba ka mmedi yi kene yi hlasela batho ka mokana ga bona ba hone mutšing fote ya ba bolaya. 45 Abhimeleke a lwa le mutši wone letšatši lone ka mokana ga lona fote a wo hlula. O bolayye batho ba mone mutšing, fote a wisa mutši wone+ a wo gaša ka letswayi.

46 Mo bo ba go lawola sewokamelo sa Šikeme ka mokana ga bona ba kwelela ka taba yowa, ba napa ba ya ga kamara ya gore ba wutamela ga yona ya ntlo ya El-bherithe.+ 47 Mo ba fetsa go botsa Abhimeleke gore batho ka mokana ga bona ba go lawola sewokamelo sa Šikeme ba kgobakanne, 48 Abhimeleke le banna ka mokana ga bona ba gore ke mo ba le naye ba yye Thabeng ya Zalmoni. Abhimeleke a tseya selepe a rema lekala la mohlare a le beya mo legetleng lage, a botsa batho bo ke mo a le nabo gore: “Tso le mponneng ke di maka, le lune yakgoswaneng le di maka!” 49 Byalo batho ka mokana ga bona ba kupa makala ke mokane ba šala Abhimeleke nthago. Ba beya makala ya bona ga kamara ya go wutama ke mokane ba yi tšhuba. Byalo le batho ka moka ba gore ne ba le sewokamelong sa Šikeme ba kgwa, bo ba kgwileng ke mo go le gana hala ga 1 000 ya banna le basadi.

50 Ke mokane Abhimeleke a ya Thebhezi; a kampa gore a thogo lwa le Thebhezi fote a yi tseya ka tšhinghi. 51 Ne go na le sewokamelo sa go tiya hone gare ga mutši, banna ka mokana ga bona, basadi le ba go lawola mutši ka mokana ga bona ba tšhabela gona. Ba tikwalela, ba ratha ba ya ku gedimo ga sewokamelo sone. 52 Abhimeleke a ya ga sewokamelo sone a ba hlasela. A šutela ga monyako wa sewokamelo sone ke mokane a wo tšhuba. 53 Ke mokane mosadi ye mongwana a bošela tšhilo hlogong ya Abhimeleke, a pshyayanya bokakara byage.+ 54 A napa a bitsa lelata lage la gore ke mo le rwele dilo tsage tsa go lwa ka tsona, a le botsa gore: “Ntsha sabola yago o mpolaye, gore batho ba sa re, ‘Morenela o bolayye ke mosadi.’” Ke mokane lelata lage la mo hlaba a kgwa.

55 Mo banna ba Israyele ba di bona gore Abhimeleke o kgwile, ka mokana ga bona ba boyela gaye. 56 Ka mokgonowa, Modimo ne a patedisa ga Abhimeleke ka taba la dilo tsa go befa tso a di makiyeng papage ka gore o bolayye bobhuti bage 70 ya bona.+ 57 Modimo a patedisa banna ba Šikeme ka dilo tsa go befa ka moka tso ba di makiyeng. A maka gore senyama sa Jothama+ morwayi wa Jerubhaali+ se ba wele.

10 Ka nthago ga Abhimeleke gwa ba le Tola morwayi wa Puwa, morwayi wa Dodo, wa go tšwa ga leloko la Isakhara, gore a thogo phonisa Israyele.+ Ke mo a dula Šamiri ya gore yi ga dipoleke tsa dithabeng tsa Eforayimi. 2 O fetsiye 23 ya mengwaga a yahlula Israyele. Ke mokane a kgwa, a bolokiwa Šamiri.

3 Ka nthago gage gwa ba le Jayiri wa gore ke Leghiliyade, yene o fetsiye 22 ya mengwaga a yahlula Israyele. 4 Ke mo a na le 30 ya barwayi ba gore ne ba sepela ka 30 ya dibhongholo, fote ke mo ba na le 30 ya mitši ya gore le lekgono lowa go sa na go le Havothi-jayiri;+ fote mitši yone yi ga naga ya Ghiliyade. 5 Ka nthago ga hone, Jayiri a kgwa a bolokiwa Khamone.

6 Maisrayele ma maka tsa go sa loka fote mahlong ga Jehova,+ ma thomisa go rapela medimo ya Bhaali,+ dithombhe tsa Ašitorethe, medimo ya Aramo,* medimo ya Sidoni, medimo ya Mowaba,+ medimo ya Maamoni+ le medimo ya Mafilisita.+ Ma jikela Jehova ma sa sa mmerekela. 7 Ke mokane Jehova a kwatela Maisrayele, a lisetsa Mafilisita le Maamoni ma ba kgahleletsa.+ 8 Byalo, ba hlupegisa Maisrayele ba boya ba ma hlorisa ka mongwaga wone⁠—go fediye 18 ya mengwaga Maisrayele ba ma hlupegisa ka nthoko ya Jorodane ya gore ke mo yi le nageng ya Maamore ku Ghiliyade. 9 Maamoni le wona ke mo ma tshila Jorodane gore ma ye lwa le leloko la Juda, la Bhenjamini le la Eforayimi; fote Israyele ke mo yi kgongwele ka matla. 10 Ke mokane Maisrayele ma llela Jehova gore a ma gelepe,+ ma re: “Re go sinyele, ka gore re jikele Modimo wa rune ra berekela Bobhaali.”+

11 Mara Jehova a re ga Maisrayele: “Anthe a ke ya le phonisa Egepita,+ le ga Maamore,+ Maamoni, Mafilisita,+ 12 Masidoni, Maamaleke le Mamidiyane nakwela ba le kgahleletsa? Ke le phonisiye mo le nllela. 13 Mara le njikele la berekela medimo ye mengwana.+ Nka taba lo nka sa sa le phonisa.+ 14 Ariyeneng le ye botsa medimo yo le yi kgetiyeng gore yi le gelepe.+ Go be yona yo yi le phonisang mo le kgahleletsegiye.”+ 15 Mara Maisrayele ma botsa Jehova gore: “Re sinnye. Maka so o bonang se lukiye mahlong yago. Mara o fo re phonisa barena lekgono.” 16 Ke mokane ba tlosa medimo yela ye mengwaga mo ga bona, ba rapela Jehova,+ go segela a sa sa kgona go bona Israyele yi hlupega.+

17 Mo nako yi kene yi ya, Maamoni+ ma bitsa masole ya wona ke mokane ma kampa ku Ghiliyade. Byalo Maisrayele ma gahlana, ma kampa ku Mizipa. 18 Batho le dindhuna tsa Ghiliyade ba bolabodisana ba re: “Ke mang ye a nyoko re yetang mahlong mo re ye lwa le Maamoni?+ Yenene go be ndhuna ga batho ka mokana ga bona ba Ghiliyade.”

11 Byalo, Jafta+ wa Leghiliyade ke mo go le lesole la go ba le matšhika; ke mo go le morwayi wa mosadi wa go rekisa mmele, fote papage ke mo go le Ghiliyade. 2 Mara mosadi wa Ghiliyade o mmelegele barwayi ba bangwana. Mo barwayi ba mosadi yene ba gola, ba raka Jafta ba mmotsa gore: “O ka sa kraye lefa ga dilo tsa papa, ka gore ke wene morwayi wa mosadi ye mongwana.” 3 Byalo Jafta a tšhabelela bobhuti bage ke mokane a dula nageng ya Tobhi. Fote banna ba go tshwata ba sepela le Jafta, ba mo šala nthago.

4 Mo nako yi kene yi ya, Maamoni ma lwa le Maisrayele.+ 5 Mo Maamoni ma lwa le Maisrayele, banna ba bagolo ba Ghiliyade ba napa ba ya nageng ya Tobhi ba lata Jafta. 6 Ba re ga Jafta: “Tlang o re yetetse gore re thogo lwa le Maamoni.” 7 Mara Jafta a botsa banna ba bagolo ba Ghiliyade gore: “Anthe a yi lune bo ne le nhloyye la šinya le nraka ntlong ya papa?+ Byalo ke ntaba le tla mo gaka mo le na le mathatha?” 8 Mo Jafta a fetsa go reyane, banna ba bagolo ba Ghiliyade ba re gage: “Nka taba lo re buyyeng gago. Mo o ka ya le rune gore re ye lwa le Maamoni, go nyoko ba wene o re yetetsang, rune le batho ka mokana ga bona ba Ghiliyade.”+ 9 Byalo Jafta a botsa banna ba bagolo ba Ghiliyade gore: “Mo le ka boyela le nna nthago gore ke ye lwa le Maamoni fote Jehova a maka gore ke ma hlule, gona ke nyoko le yeta mahlong!” 10 Banna ba bagolo ba Ghiliyade ba botsa Jafta gore: “Nkare Jehova go ka ba yene hlatse ya rune mo re ka sa make tso o di hlayang.” 11 Byalo Jafta a sepela le banna ba bagolo ba Ghiliyade, ba maka gore go be yene ndhuna ya bona le wa go ba yetetsa. Ke mokane Jafta a boyelela mantsu ka mokana ga wona ya a ma bolabodiyeng mahlong ga Jehova ku Mizipa.+

12 Byalo Jafta a romela batho ga kgoši ya Maamoni,+ a re: “Ke go makiye ying gore o šinye o hlasela naga yaka?” 13 Byalo, kgoši ya Maamoni ya botsa batho bala Jafta a ba rommeng gore: “Nka taba la gore Maisrayele ma tsere naga yaka nakwela ma tšwa Egepita,+ ma tsere go tlugisela Aranoni+ go segela Jabhoko le go segela nookeng ya Jorodane.+ Ke kgopela le nneyeneng yona ke mokane nna le lune re ka sa lwe.” 14 Mara Jafta a romela batho fote ga kgoši ya Maamoni 15 gore ba segele ba re gage:

“Tsowa ke tso Jafta a di hlayang: ‘Israyele a ya tseya naga ya Mamowaba+ le naga ya Maamoni,+ 16 ka gore mo ba tšwa Egepita, Maisrayele ma sepidiye mašahleng go segela Lewatleng le Lekhubedu+ ke mokane ma ya Kadeše.+ 17 Byalo Israyele ya romela molayetsa ga kgoši ya Edomo+ ya re: “Re kgopela o re lisetse re fete nageng yago,” mara kgoši ya Edomo a ya theetsela. Le kgoši ya Mowaba+ ba yi romela molayetsa wone, mara a ya theetsela. Byalo Israyele yi yye mahlong yi dula Kadeše.+ 18 Nakwela ba sepela ku mašahleng, ba sepelele kgole le naga ya Edomo+ le naga ya Mowaba. Ba sepela ka bohlabela bya naga ya Mowaba+ ke mokane ba hloma matente polekeng ya Aranoni; a baa šutela thina le mo naga ya Mowaba yi kgerang gona,+ ka gore Aranoni ne go le mo naga ya Mowaba yi kgerang gona.

19 “‘Ka nthago ga hone, Maisrayele ma romela batho ga Sihone kgoši ya Maamore wa gore ke kgoši ya Hešibhone, Maisrayele ma re gage: “Re kgopela go bhukulela ga naga yago gore re ye ga poleke ya rune.”+ 20 Mara Sihone ke mo a sa tshepe Maisrayele, ke mokane a gana gore ma fete ga naga yage, byalo a bitsa batho bage ka mokana ga bona ba segela ba kampa ku Jahazi ke mokane ba lwa le Maisrayele.+ 21 Byalo Jehova Modimo wa Israyele a maka gore Israyele yi hlule Sihone le batho bage ka mokana ga bona, gore Israyele yi thogo tseya naga ka mokana ga yona ya gore Maamore ke mo ma dula ga yona.+ 22 Ba tseya poleke ka mokana ga yona ya Maamore, go tlugisela Aranoni go segela Jabhoko le go tlugisela mašahleng go segela nookeng ya Jorodane.+

23 “‘Ke Jehova Modimo wa Israyele ye a rakiyeng Maamore mahlong ga Maisrayele,+ byalo wene o nyaka go raka Maisrayele? 24 Anthe a o tseye dilo tso modimo wago Khemoši+ a go neyyeng tsona? Byalo ye mongwana le ye mongwana wa gore Jehova Modimo wa rune o mo rakiye mo ga rune ke yene wa gore le rune re nyoko mo raka.+ 25 Anthe wene o mo phala ka ying ga Bhalake+ morwayi wa Ziporo kgoši ya Mowaba? Ayitsano o phigisanne le Maisrayele kela a lwa nawo? 26 Nakwela Maisrayele ma fetsa 300 ya mengwaga ma dula Hešibhone le dimitšaneng tsa gore di thina nayo+ le nakwela ma dula Arore le dimitšaneng tsa gore di thina nayo le mitši ka mokana ga yona ya gore yi thina le nooka ya Aranoni, ke ntaba o sa liketsa ka nako yonone go tseya dinaga tsowa?+ 27 A ke ya go sinyela selo, a o make tsona ka go nhlasela. Nkare Jehova wa go Yahlula+ go ka ba yene ye a yahlulang Maisrayele le Maamoni lekgono.’”

28 Mara kgoši ya Maamoni ya sa theetsele molayetsa wo Jafta a wo romeleng gage.

29 Ke mokane moya wa Jehova wa tla ga Jafta,+ fote yene a feta Ghiliyade le Manase gore a ye Mizipa ya Ghiliyade,+ fote a tloga Mizipa ya Ghiliyade a ya ga Maamoni.

30 Ke mokane Jafta a tshepisa+ Jehova a re: “Mo o ka maka gore ke hlule Maamoni, 31 motho wa mathomo ye a tšwang monyako wa ntlong yaka a tl’le n’gahlanetseng mo ke tšwa go ye hlula Maamoni go nyoko ba wa Jehova,+ fote ke nyoko maka sehlabelo sa go tšhubiwa ka yene.”+

32 Byalo Jafta a ya a ye lwa le Maamoni, Jehova a maka gore a ma hlule. 33 A ba bolaya go tlugisela Arore go ya Minithe le go segela Abele-keramimi, Jafta a bolaya batho ba go tlala ka matla. A hlula 20 ya mitši, byalo ka mokgonone Maisrayele ma hlula Maamoni.

34 Jafta a fetsa a buyye mutšing wage Mizipa,+ a gahlanetsa ke morwediya wage a teya moropa a kene a bina! Ke mo go fo ba yene ngwanage a le ntoši. Ke mo a se na morwayi kela morwediya ye mongwana. 35 Mo a mmona a tlerola dikobo tsage a re: “Yo nna yo, morwediya waka! O nkwisiye go baba ka taba la gore gana byalo ke tshwanele ke go sipidise. Ke šele ke tshepisiye Jehova, fote nka sa jiki ga tso ke di tshepisiyeng.”+

36 Mara yene a re: “Papa, mo nkare o makiye kano ga Jehova, maka ka mokgo o tshepisiyeng+ ka gore Jehova o makiye gore o hlule Maamoni ya gore ke manaba yago.” 37 Ke mokane a re ga papage: “Ke fo kgopela o ntisetse ke make ka mokgo: Ntisetse ke fetse dikgwedi ka dipedi ke dula ke ntoši, ntisetse ke ye ku dithabeng ke ye lla le banghana baka ka taba la gore nka sa tsoge ke šadhiye.”

38 Mo a reyane, Jafta a re: “Ariye!” Byalo a mo lisetsa a sepela dikgwedi ka dipedi, ke mokane a ya dithabeng le banghana bage gore ba llele gore a ka sa tsoge a šadhiye. 39 Mo go fediye dikgwedi ka dipedi, a boyela ga papage, papage a maka tso a di tshepisiyeng ka yene.+ Morwediya wa Jafta aa yetsela le monna le ka letšatši la mohlolo. Ke mokane gwa ba setlwayedi* ga Maisrayele gore: 40 Mongwaga wo mongwana le wo mongwana, basadi ba banyana ba Maisrayele ke mo ba ya fote ba fetsa kanne ya matšatši ba thanaka morwediya wa Jafta wa gore ke Leghiliyade.

12 Ke mokane ba bitsa banna ba Eforayimi, ba tshilela mosekola wa Zafoni,* fote ba re ga Jafta: “Ke ntaba o sa re bitsa gore re ye nago nakwela o tshila gore o ye lwa le Maamoni?+ Re nyoko go tšhubela ka ho ntlong yago.” 2 Mara Jafta a re ga bona: “Ke mo ke lwa le Maamoni ke na le batho baka. Ke le kgopele gore le n’gelepe, mara lune a le ya mphonisa ga bona. 3 Mo ke bona gore le ka sa tle le mphonisa, ka segelela sepheto sa go beya lephelo laka kotsing ke mokane ka ya ka lwa le Maamoni,+ fote Jehova o makiye gore ke ma hlule. Byalo ke ntaba lekgono le tlile go tl’le lwa le nna?”

4 Ke mokane Jafta a kgobaketsa banna ba Ghiliyade+ ka mokana ga bona, ba lwa le Maeforayimi; banna ba Ghiliyade ba hlula Maeforayimi ya gore ma yitseri: “Lune Maghiliyade, le mo le dula ga leloko la Eforayimi le Manase, le fo ba banna ba gore ba tšhabiye Eforayimi.” 5 Banna ba Ghiliyade ba thiba mo ba tshilang gona nooka ya Jorodane+ gore Maeforayimi ma sa kgone go tšhaba; fote mo banna ba Eforayimi ba sa kgone go tšhaba ke mo ba re, “Ke kgopela go tshila”; ke mokane banna ba Ghiliyade ke mo ba butsisa ye mongwana le ye mongwana gore, “Ke wene Leeforayimi?” Mo a ka re, “Awwa!” 6 ke mo ba re gage, “Hlaya gore Šibholethe.” Mara yene a re, “Sibholethe,” ka gore ke mo a sa kgone go bitsa lentsu lone gabutši. Ke mokane ba mo tshwara, ba ya naye ku ba tshilang gona nooka ya Jorodane, ba segela ba mmolaya. Byalo, ka nako yone go kgwile 42 000 ya Maeforayimi.

7 Go fediye kobodi ya mengwaga Jafta a yahlula Israyele, ka nthago Jafta wa Leghiliyade a kgwa, ba mmoloka ga mutši wo ne a dula ga wona wa Ghiliyade.

8 Ka nthago gage, Ibhizani wa go tšwa Bhetlelehema a yahlula Israyele.+ 9 Ke mo a na le 30 ya barwayi le 30 ya barwediya. O makiye gore barwediya bage ba šadhe le banna ba gore a yi ba leloko lage, fote a leya 30 ya basadi ba gore a yi ba leloko lage gore ba tle ba šadhe le barwayi bage. Go fediye kašupa ya mengwaga a yahlula Israyele. 10 Ke mokane Ibhizani a kgwa, fote ba mmoloka ku Bhetlelehema.

11 Ka nthago gage, Elone wa Lezebhuloni a yahlula Israyele; go fediye lesome la mengwaga a yahlula Israyele. 12 Ke mokane Elone wa Lezebhuloni a kgwa, fote ba mmoloka Ayijalone ya gore yi nageng ya Zebhuloni.

13 Ka nthago gage, Abhdoni morwayi wa Hilele wa Lepirathone a yahlula Israyele. 14 Ke mo a na le 40 ya barwayi fote a na le 30 ya ditlogolwane, ba gore ke mo ba kalama 70 ya dibhongholo. Go fediye mabala ya mengwaga a yahlula Israyele. 15 Ke mokane Abhdoni morwayi wa Hilele a kgwa, fote ba mmolokela ku Pirathone ya gore yi nageng ya Eforayimi ku dithabeng tsa Maamaleke.+

13 Maisrayele ma maka dilo tsa gore a dya loka mahlong ga Jehova fote,+ ke mokane Jehova a maka gore go fele 40 ya mengwaga Mafilisita+ ma ba hlupegisa.

2 Gana hone ke mo go na le monna wa go tšwa Zora+ wa mutši wa Madani,+ wa gore lebitso lage ke mo go le Manowa.+ Mosadi wage ke mo a sa belege fote a se na bana.+ 3 Mo nako yi kene yi ya, lengeloyi la Jehova la nyarela ga mosadi yene la re gage: “Bona, Wene a o kraye bana. Mara o nyoko yima, fote wa belega ngwana wa mošomanyana.+ 4 Byalo o sa nwe wayini kela selo se sengwana le se sengwana sa go ba le mokgete,+ fote o sa ji selo sa gore se thilafele.+ 5 Bona! O nyoko yima wa belega ngwana wa mošomanyana, aa tshwanela go kupiwa moriri+ ka taba la gore ngwanene o nyoko ba Lenazari la Modimo go tlugisela mo a belegiwa, fote o nyoko yeta Maisrayele mahlong gore a ma phonise ga Mafilisita.”+

6 Ke mokane mosadi yela a ya ga monna wage a segela a mmotsa gore: “Go yye gwa tla monna wa Modimo wa mannete ho gaka, fote ke mo a tshwana le lengeloyi la Modimo wa mannete la go makatsa. A ke ya mmutsisa gore o tšwa kaye, fote le yene aa mpotsa lebitso lage.+ 7 O yitseri gaka, ‘Bona! O nyoko yima wa belega ngwana wa mošomanyana. Byalo o sa nwe wayini kela selo se sengwana le se sengwana sa go ba le mokgete fote o sa ji selo sa gore se thilafele, ka taba la gore ngwanene go nyoko ba Lenazari la Modimo go tlugisela mo a belegiwa go segela a kgwa.’”

8 Manowa a kgopela ga Jehova a re: “Barena Jehova, ke kgopela go bolabola nago. Ke kgopela gore monna yela wa Modimo wa mannete wa gore ke mo o mo romele ho ga rune a boye fote, a tle a re botse tso re tshwaneleng re di make mo ngwanewa a belegiwa.” 9 Byalo Modimo wa mannete a theetsela Manowa, lengeloyi la Modimo wa mannete la tla ga mosadi yela fote mo a kene a duli hala mašomong; monna wage Manowa ke mo a se naye. 10 Mosadi yela a taboga a ya ga monna wage a segela a mmotsa gore: “Morenela wa gore o tlile gaka tšatši lela o nyarele gaka fote.”+

11 Byalo Manowa a tlogamela a ya le mosadi wage. A segela ga monna yela a re: “Ke wene o bolabodiyeng le mosadi waka?” Yene a re: “Eya ke nna.” 12 Ke mokane Manowa a re: “Nkare mantsu yago ma ka makega! Ngwanewa o nyoko phela lephelo la mošaga mang, fote mmereko wage go nyoko ba ying?”+ 13 Byalo lengeloyi la Jehova la re ga Manowa: “Di nyaka mosadi wago a kganele kgole le dilo ka mokana ga tsona tso ke mmutsiyeng tsona.+ 14 A sa ji selo sa go makiwa ka didhriva, aa tshwanela go nwa wayini kela selo se sengwana le se sengwana sa go ba le mokgete,+ fote a sa ji selo sa gore a se ya yela.+ Dilo ka mokana ga tsona tso ke mmutsiyeng a di make.”

15 Manowa a re ga lengeloyi la Jehova: “O sa sepele barena, re nyoko go yapegela seputsanyana.”+ 16 Mara lengeloyi la Jehova la re ga Manowa: “Mo nka dula, nka sa di ji tsa go ja tsa lune; mara mo nkare le kwa le nabela go makela Jehova sehlabelo sa go tšhubiwa, le ka se maka.” Manowa ke mo a sa di tšibi gore ke lengeloyi la Jehova. 17 Ke mokane Manowa a re ga lengeloyi la Jehova: “Ke wene mang,+ gore re thogo go thanaka mo dilo tsowa di makega?” 18 Mara lengeloyi la Jehova la re gage: “O sa mputsisi gore ke nna mang ka taba la gore lebitso laka le ya makatsa.”

19 Ke mokane Manowa a tseya seputsanyana sela le sehlabelo sa mabele ke mokane a di neyela ga Jehova ku letlapeng. Fote mo Manowa le mosadi wage ba kene ba lebelele, Modimo ke mo a maka selo sa go makatsa. 20 Mo mollo wo kene wo yinugela ku legedimong, lengeloyi la Jehova le lona la yinuga le mollo wela wa go tšwa aletareng Manowa le mosadi wage ba kene ba lebelele. Ba napa ba yinamisa difahlego tsa bona. 21 Lengeloyi la Jehova la sa sa boya le nyarela ga Manowa le mosadi wage. Ke mokane Manowa a di bona gore ke lengeloyi la Jehova.+ 22 Manowa a re ga mosadi wage: “Re nyoko ro kgwa lekgono gona, ka taba la gore ke Modimo ye re mmonneng.”+ 23 Mara mosadi wage a re gage: “Mo nkare Jehova ne a nyaka go re bolaya, ne a ka sa yamogele mo re mo makela sehlabelo sa go tšhubiwa+ le sehlabelo sa mabele, ne a ka sa re šupetse dilo tsowa ka mokana ga tsona, fote ne a ka sa re botse dilo tsowa.”

24 Ka nthago mosadi yela a belega ngwana wa mošomanyana, a mo reya gore ke Samsoni;+ fote mo mošomanyana yene a kene a gola, Jehova a ya mahlong a mo rufa. 25 Mo nako yi kene yi ya, moya wa Jehova wo yye wa thomisa go bereka gage+ nakwela a le Mahane-dani+ ya gore yi gare ga Zora le Ešitawole.+

14 Ke mokane Samsoni a ya Thimina, fote ku Thimina a bona mosadi wa Lefilisita. 2 Ke mokane a ya a botsa papage le mmane wage gore: “Ku Thimina ke bonne mosadi wa Lefilisita wa gore o njabodisiye ka matla, fote ke nyaka gore o ntseyele yene gore go be mosadi waka.” 3 Mara papage le mmane wage ba re gage: “Ayitsano o ka sa tikrayele mosadi ho ga mašaga yago kela gare ga batho ba rune ka mokana ga bona?+ Ayitsano di nyaka o tseye mosadi gare ga Mafilisita ya gore a maa bollwa?” Mara Samsoni a re ga papage: “Ariye o ye ntseyela yene, ka taba la gore ke mosadi ye ke mo nyakang.” 4 Papage le mmane wage ke mo ba sa di boni gore tsowa ke tso Jehova a di nyakang, ka taba la gore Modimo ke mo a nyaka lešuba la go hlasela Mafilisita ka gore Mafilisita ke mo ma lawola Maisrayele ka nako yone.+

5 Byalo Samsoni a sepela le papage le mmane wage ba ya Thimina. Mo a segela mašomong ya didhriva ya hala Thimina, gwa tla tawu yi bopa. 6 Moya wa Jehova wa mo neya matšhika+ ke mokane a yi tlerolanya ka bogare, go tshwana le mo motho a tlerola seputsanyana ka bogare ka matsogo. Mara aa botsa papage le mmane wage gore o makiye ying. 7 Ke mokane a ya a bolabola le mosadi yela, fote Samsoni ke mo a sa na a mo nyaka.+

8 Mo a boyela gore a ye tseya mosadi yela a mo yise gaye,+ a jika a lebelela tawu yela ya gore yi kgwile, ke mokane ka ho teng ga tawu yowa ke mo go na le moririmane wa dinosi le mamapo. 9 Byalo a gupa mamapo yala ka matsogo, a ja mo a kene a sepela. Mo a segela a kraya papage le mmane wage, o ba ntshele ya mangwana gore ba je. Mara aa ba botsa gore mamapo yala o ma tsere teng ga tawu ya go kgwa.

10 Ke mokane papage a ya ga mosadi yela, fote Samsoni a maka monyanya gana hone ka gore tsotsone ke mo di tlwayele go maka ke masogana. 11 Mo ba mmona ba leya 30 ya banna gore ba sepele naye. 12 Ke mokane Samsoni a re ga bona: “Ke kgopela go le botsa thayila. Mo le ka kgona go yi fetola ka matšatši ya monyanya kašupa ya wona, ke nyoko le neya 30 ya dikobo tsa ka teng tsa linene le 30 ya dikobo tsa ka tawong. 13 Mara mo le ka šitega go mpotsa phetolo ya yona, le tshwanele le nneye 30 ya dikobo tsa ka teng tsa linene le 30 ya dikobo tsa ka tawong.” Bona ba re: “Re botse thayila yone; re nyaka go yi kwa.” 14 Byalo a re ga bona:

Go fediye kararo ya matšatši ba sa kgone go mo fetola. 15 Ka letšatši la kanne ba re ga mosadi wa Samsoni: “Hlalefetsa monna wago+ gore a re botse phetolo ya thayila yela. Mo o ka sa make ka mokgonone, re nyoko go tšhuba, ra tšhuba le mutši wa papago ka mollo. Ayitsano o re bitsele gore o tle o tseye dilo tsa rune?” 16 Byalo, mosadi wa Samsoni a mo llela fote a re: “Di ra gore o nhloyye wene; a o nnyake.+ O butsiye batho baka thayila, mara nna a wa mpotsa phetolo ya yona.” Mo a reyane, Samsoni a re gage: “Le mong papaka le mmane waka a ke ya ba botsa! Ayitsano nka botsa wene?” 17 Mara o f’lo ya mahlong a mo llela go segela go fela kašupa ya matšatši ya monyanya. Samsoni a fetsa a mmutsiye ka letšatši la kašupa ka gore ke mo a mo tinwisa. Ke mokane mosadi yela a botsa batho bala phetolo ya thayila yela.+ 18 Byalo ka letšatši la kašupa mo letšatši le soko dikela, banna ba mutši wone ba re gage:

Yene a re ga bona:

19 Ke mokane moya wa Jehova wa mo neya matšhika,+ a ya Ašikelone+ a segela a bolaya 30 ya banna ba gana mone, a tseya dikobo tsa bona a di neya banna bala ba gore ba fetodiye thayila yela.+ Ke mo a kwatiye mo a boyela ntlong ya papage.

20 Ke mokane ba tseya mosadi wa Samsoni+ ba mo neya ye mongwana wa banna bo ne ba sepela naye.+

15 Ka nthago, ka matšatši ya mo ba buna korong, Samsoni a ya a ye vakašela mosadi wage a tshwere seputsanyana. A re: “Ke nyaka go ya ga mosadi waka ka ku kamareng.” Mara papa mosadi yene a sa mo dumelele gore a kene. 2 Papa mosadi yene a re: “Nna ke mo ke nagana gore, ‘O mo hloyye.’+ Byalo ka mo neya monghana wago.+ Monyanana wage o bafele go phala yene. Ke kgopela o tseye yene.” 3 Mara Samsoni a re: “Gana byalo Mafilisita ma ka sa re ke na le molato mo ke ba kwaletsa.”

4 Byalo Samsoni a ya a tshwara 300 ya diphukubye. Ke mokane a tseya disa, a jikisa diphukubye tsone gore di teyisane ka mesila, fote a tseya sisa ka ssoši a se beya gare ga mesila yone. 5 Ke mokane a tšhuba disa tsela, a raka diphukubye tsela gore di ye ku mašomong ya mabele ya Mafilisita. O tšhubiye dilo ka moka go tlugisela ka ngata ya korong go segela ka mahlaka ya korong ya gore a ba soko ma kupa, le mašomo ya didhriva le mašomo ya diolivi.

6 Mafilisita ma butsisa gore: “Go makiye mang dilo tsowa?” Ba ba botsa gore: “Ke Samsoni, mokgwenyane wa monna yela wa Lethimina ka taba la gore o tsere mosadi wage a mo neya monghana wage.”+ Mo Mafilisita ma kwa tsotsone, ma ya ma tšhuba mosadi yela le papage ka mollo.+ 7 Ke mokane Samsoni a re ga bona: “Mo nkare ke ka mokgo le makang dilo, nka sa lisetsi go segela ke busetsa.”+ 8 Byalo a bolaya ba go tlala, a ba bolaya ba lategetsana, ka nthago a dula lekoring la letlapa la Etamo.

9 Ka nthago, Mafilisita ma tla ma kampa Juda, fote ke mo ma jikajika ku Lehi.+ 10 Ke mokane banna ba leloko la Juda ba re: “Ke ntaba le tlile go tl’le re hlaseleng?” Bona ba re: “Re tl’le tshwara Samsoni, re nyoko mo maka tso a re makiyeng tsona.” 11 Byalo, 3 000 ya banna ba leloko la Juda ba ya lekoring la letlapa la Etamo, ba re ga Samsoni: “Anthe a o di tšibi gore re lawola ke Mafilisita?+ Byalo ke ntaba o re makiye ka mokgo?” Yene a re ga bona: “Ke ba makiye tso ba mmakiyeng tsona.” 12 Mara ba re gage: “Re tl’le tshwara wene gore re go yise ga Mafilisita.” Ke mokane Samsoni a re: “Ntshepiseneng gore le ka sa liketsi go mpolaya.” 13 Ba re gage: “Awwa, re nyoko fo go tlema ra go yisa ga bona, mara re ka sa go bolaye.”

Byalo ba mo tlema ka dithapo ka dipedi tsa nyuwane, fote ba mo ntsha hone lekoring. 14 Mo a segela Lehi, Mafilisita ma jabola ka matla mo ma gahlana naye. Ke mokane moya wa Jehova wa mo neya matšhika,+ dithapo tso ne di le ho matsogong yage gwa ba nkare ke gare ya linene ya gore yi tšhubiye ke mollo, di f’lo tologa hone matsogong yage.+ 15 A kraya lešapo la gore a le soko woma la mohlagare wa bhongholo ya phoolo; a le tseya ke mokane a bolaya 1 000 ya banna ka lona.+ 16 Byalo Samsoni a re:

Ke bolayye manaba yaka ka lešapo la mohlagare wa bhongholo⁠—ka kgobaketsa ditopo tsa bona gwa ba dindhundhuma!

Ke bolayye 1 000 ya banna ka lešapo la mohlagare wa bhongholo.”+

17 Mo a fetsa go bolabola, a lahla lešapo lela fote a re poleke yone ke Ramathe-lehi.*+ 18 Byalo a šala a wonngwe meetši ka matla, a kgopela Jehova a re: “Ke wene o makiyeng gore lelata lago le hlule ka mokgo. Ayitsano o nyoko ntisetsa ke kgwa ka taba la go wongwa meetši fote wa ntisetsa ke bolaya ke banna ba gore a baa bollwa?” 19 Byalo Modimo a bula lešuba ga poleke ya gore ke mo yi tšharogiye ku Lehi, fote meetši ma yela ma tšwa gana hone.+ Mo a fetsa go nwa, a ba le matšhikanyana fote a hlakarela. Ke sona so se makiyeng gore a re poleke yone ke Ene-hakore,* ya gore yi ku Lehi le lekgono lowa.

20 Fote gwa fela 20 ya mengwaga a yahlula Israyele ka dinako tsa Mafilisita.+

16 Ka nako ye nngwana Samsoni o yye Ghaza ke mokane a bona mosadi ye mongwana wa go rekisa mmele gana hone, a ya gage. 2 Ba botsa Maghaza gore: “Samsoni o segele howa.” Ke mokane ba mo dukulugela mo ne a dula gona, fote ba dula gana hone bošego ka moka ku gheyiting ya mutši gore ba mo hlasele. Ba kgomolela bošego ka moka, ba tipotsa gore: “Mo letšatši le hlaba, re nyoko mmolaya.”

3 Mara Samsoni o f’lo ya mahlong a yetsele gana hone go segela gare ga bošego. Ke mokane a tsoga gare ga bošego a ntshanya digheyiti tsa mutši, dikholomo tsa gona ka dipedi le sa go khiya ka sona. A di beya ho magetleng ke mokane a di rwala a ya natso gedimo ga thaba ya gore yi libanne le Hebhrone.

4 Ka nthago ga hone, a kwana ka matla le mosadi wa ku Moyeding wa Soreke wa gore lebitso lage ke Delayila.+ 5 Byalo, ba go lawola Mafilisita ba ya gage ba re: “Mo hlalefetse+ gore o thogo tšiba gore king so se mo neyang matšhika le gore re ka maka byang gore re kgone go mo tlema, re mo hlule. Mo o ka maka ka mokgonone, ye mongwana le ye mongwana wa rune o nyoko go neya 1 100 ya ditšheleta tsa silva.”

6 Ka nthago, Delayila a re ga Samsoni: “Ke kgopela o mpotse gore matšhika yago ma tšwa kaye. Motho a ka maka byang gore a go tleme a thogo go hlula.” 7 Samsoni a re gage: “Mo ba ka ntlemelela ka dithapo kašupa ya tsona tsa gore a baa di womisa, tsotsone di nyoko maka gore ke lelemele go tshwana le banna ba bangwana.” 8 Byalo, ba go lawola ba Mafilisita ba neya Delayila kašupa ya dithapo tsa gore a baa di womisa ke mokane yene a mo tlema ka tsona. 9 Byalo ba wutama ga kamara ya ka ku teng, ke mokane Delayila yene a bitsa Samsoni a re: “Mafilisita ke yawa maa go hlasela Samsoni!” Ka nako yonone, a thasolanya dithapo tsela kašupa ya tsona, a di thasola lula nkare o thasola thapo ya gore ba yi lugiye gabedi ya gore yi fo tologa mo yi kwa mollo.+ A go na ye a yyeng a tšiba sephiri sa gore matšhika yage ma tšwa kaye.

10 Byalo, Delayila a re ga Samsoni: “Wene o mmakiye sephokophoko, o mputsiye matsaka. Barena mpotse, motho a ka go tlema ka ying?” 11 Ke mokane yene a re gage: “Mo ba ka ntlema ka dithapo tsa nyuwane tsa gore a di soko berekisiwa, tsotsone di nyoko maka gore ke lelemele ke tshwane le banna ba bangwana.” 12 Byalo Delayila a tseya dithapo tsa nyuwane a mo tlema ka tsona, a yahlamela a re: “Mafilisita ke yawa ma go hlasela Samsoni!” (Le ka nako yowa fote, Mafilisita ke mo ma wutamme ka ku ntlong ya Delayila.) Ka nako yonone, a thasolanya dithapo tso ne ba mo tlemme ka tsona nkare go ro ba digare.+

13 Ka nthago, Delayila a re ga Samsoni: “Le gana byalo lowa o sa na o mmakiye sephokophoko, o mputsiye matsaka.+ Mpotse gore motho a ka go tlema ka ying.” Ke mokane Samsoni a re ga Delayila: “O ka rokelela kašupa ya melogo yaka ka wulu.” 14 Ke mokane mosadi yewa a tlemelela moriri wa Samsoni sephataneng, a mo yahlamela a re: “Samsoni, Mafilisita ke yanane!” Ke mokane Samsoni a tsoga, a hlomolanya sephatane sela a boya a thasolanya le wulu yo ne ba yi rokelele ga sona.

15 Byalo Delayila a re ga Samsoni: “Ke ntaba o re, ‘Ke ya go nyaka,’+ mara o sa ntshepe? O mmakiye sephokophoko gararo fote a wa mpotsa gore matšhika yago ma tšwa kaye.”+ 16 Ka taba la gore ke mo a mo llela ka moka matšatši fote a mo gapeletsa, Samsoni a tinega ka matla.+ 17 Byalo mafelelong a mmotsa nnete, a re gage: “Ho hlogong yaka a go soko feta legare, ka taba la gore nna ke nna Lenazari la Modimo go tlugisela ke belegiwa.*+ Mo nka kupa moriri waka, matšhika yaka ma nyoko tloga ho gaka fote ke nyoko lelemela ka tshwana le banna ba bangwana ka mokana ga bona.”

18 Mo Delayila a di bona gore o mmutsiye nnete, a napa a bitsa ba go lawola Mafilisita+ a re: “Gana byalo tlanneng, ka gore o mputsiye nnete.” Byalo ba go lawola Mafilisita ba ya gage, ba tla ba na le tšheleta yela. 19 A mo yetsedisa ho diropeng tsage; a bitsa ye mongwana gore ba tle ba mo hlube melogo ya ho hlogong yage kašupa ya yona. Ka nthago a thomisa go mo lawola, ka taba la gore matšhika ke mo ma tloga ho gage. 20 Byalo Delayila a yahlamela a re: “Mafilisita ke yawa ma tl’le go hlaseleng Samsoni!” ke mokane yene a tsoga a re: “Ke nyoko tiphonisa go tshwana le mathomisong.”+ Mara ke mo a sa di tšibi gore Jehova aa sa le naye. 21 Byalo, Mafilisita ma mo tshwara ma mo gonya maahlo yage. Ba mo yisa Ghaza, ba mo tlema ka diketane ka dipedi tsa koporo, ke mokane a bereka mmereko wa go šila mabele ku jele. 22 Byalo moriri wage wa thomisa go gola fote ka nthago ga gore ba mo hlube.+

23 Ba go lawola Mafilisita ba kgobakana gore ba makele modimo wa bona Daghone+ dihlabelo tsa go tlala le go maka monyanya, ka taba la gore ke mo ba re: “Byalo modimo wa rune o re neyye lenaba la rune Samsoni gore re mo hlule!” 24 Mo batho ba mmona ba thanaka modimo wa bona ba re: “Mara modimo wa rune o makiye gore re hlule lenaba la rune, la gore le sinyannye naga ya rune+ la boya la bolaya batho ba rune ba go tlala.”+

25 Ka taba la gore ne ba jabodiye, ba re: “Botsaneng Samsoni gore a tle a re ntshe bodutu.” Byalo ba ntsha Samsoni ku jele gore a tle a ba ntshe bodutu; ba maka gore a yeme segare ga dikholomo. 26 Byalo Samsoni a botsa sešomanyana sa gore ke mo se mo tshwere ka letsogo a re: “Ke kgopela o ntshwarise dikholomo tsa go thega ntlo yowa gore ke thogo tithega ka tsona.” 27 (Di f’lo makega gore mone ntlong go be go tlele banna le basadi. Ba go lawola Mafilisita ka mokana ga bona ke mo ba le gona gana hone, fote ho gedimo ga ntlo ke mo go na le gana hala ga 3 000 ya banna le basadi ba gore ke mo ba lebelele Samsoni mo a ba ntsha bodutu.)

28 Byalo Samsoni+ a llela Jehova a re: “Wene Jehova Morena wa Malenghelengheng, n’gopole barena, ntiyise barena+ la mafelelo wene Modimo, gore ke patedise ga Mafilisita ka taba la le lengwana la maahlo yaka ya ba ma gonnyeng.”+

29 Byalo Samsoni a yema gare ga dikholomo ka dipedi tsa gore di thegiye ntlo, a tithega ka tsona, ka letsogo la go ja a tshwara kholomo ka yyoši ke mokane ka letsogo la sepata a tshwara kholomo ye nngwana. 30 Samsoni a yahlamela a re: “Ntisetse ke kgwe le Mafilisita!” Ke mokane a tšhofa ntlo yela ka matšhika yage ka moka, ya wela ba go lawola Mafilisita le batho ka mokana ga bona bo ne ba le ka hone teng.+ Byalo, bo a ba bolayyeng ka nako yonone mo a kgwa ke mo ba feta bo a ba bolayyeng nakwela a sa phela.+

31 Ka nthago, bobhuti bage le ba mutši wage ka moka ba ya gore ba ye tseya setopo sage. Ba sipidiye naye, ba segela ba mmoloka ga naga ya gore yi gare ga Zora+ le Ešitawole ku lebitleng la papage Manowa.+ O fetsiye 20 ya mengwaga a yahlula Israyele.+

17 Ke mo go na le monna wa go tšwa ga poleke ya dithaba tsa Eforayimi+ wa gore ba re ke Mmika. 2 Ke mokane a re ga mmane wage: “Ayitsano o sa gopola ditšheleta tsela tsa silva 1 100 ya tsona tsa gore go na le ye a di tsereng ke mokane mo nkene ke go theetsele wa hlaya gore ye a di tsereng nkare a ka wela ke tsa go sasamela⁠—di na le nna. Ke nna ke di tsereng.” Byalo mmane wage a re: “Jehova a go rufe ngwanaka.” 3 Ke mokane a neya mmane wage 1 100 ya ditšheleta tsela tsa silva, mara mmane wage a re gage: “Nna ke nyoko maka gore silva yaka yi hlawolege ga Jehova, wene ke nyaka o timakele modimo wa sethombhe fote o timakele sethombhe sa tshipi.+ Byalo silva yowa go nyoko ba yago.”

4 Ka nthago ga mo a neyye mmane wage silva yela, mmane wage a tseya 200 ya ditšheleta tsa silva a di neya wa go bereka ka silva. Yene a maka sethombhe sa go betliwa fote a maka le sethombhe sa tshipi; ke mokane ba di beya ga ntlo ya Mmika. 5 Morenewa ba reng ke Mmika ne a na le ntlo ya medimo, fote a maka efoda+ le medimo ya dithombhe*+ ke mokane a hlawola ye mongwana wa barwayi bage gore a bereke go le moprista gana hone.+ 6 Ka matšatši yanane, ke mo go se na kgoši ku Israyele.+ Ye mongwana le ye mongwana ke mo a fo timakela tso yene mong a di bonang di lukiye.+

7 Byalo ne go na le mosogana Bhetlelehema+ ku Juda wa gore ne a tšwa ga leloko la Juda. Ne go le Lelifi+ la gore ke botala le dula gana hone. 8 Mosogana yene a tloga mutšing wa Bhetlelehema ku Juda gore a kraye poleke ya go dula ga yona. Mo a kene a sepela, a segela ntlong ya Mmika ya gore ke mo yi le dithabeng tsa Eforayimi.+ 9 Ke mokane Mmika a re gage: “O tšwa kaye?” Yene a re gage: “Ke nna Lelifi la go tšwa Bhetlelehema ya Juda, fote ke tseleng ke nyakana le poleke ya go dula.” 10 Byalo Mmika a re gage: “Dula le nna, o be wa go n’yeletsa fote o be moprista waka. Nna ke nyoko go neya lesome la ditšheleta tsa silva ka mongwaga, fote ke nyoko go neya dikobo le tsa go ja. Ke mokane Lelifi lela la kena. 11 Byalo Lelifi lela le dumele go dula le monna yela, ke mokane mosogana yene gwa ba nkare ke ye mongwana wa barwayi bage. 12 Go tokegela gana hone, Mmika a maka gore monna yewa wa Lelifi a be moprista wage,+ fote ke mo a dula gaye gage. 13 Ke mokane Mmika a re: “Byalo ke ya di tšiba gore Jehova o nyoko mmakela tsa gabutši, ka taba la gore Lelifi lowa ke moprista waka.”

18 Ka matšatši yanane ke mo go se na kgoši ku Israyele.+ Byalo ka matšatši yane leloko la Dani+ ke mo le nyakana le poleke* ya go dula ga yona, ka taba la gore go segela ka yona nako yone ke mo ba soko kraya lefa gare ga leloko la Israyele.+

2 Ba leloko la Dani ba romela kapheta ya banna ba go tšwa ga mitši ya bona, banna ba gore ba kgona go yahlula ba go tšwa Zora le Ešitawole,+ ba ba roma gore ba ye ba hlole naga yela fote ba yi pombhole. Ba re ga bona: “Ariyeneng le ye pombhola naga yela.” Mo ba segela ga poleke ya dithaba ya Eforayimi ga ntlo ya Mmika,+ ba dula hone bošego ka moka. 3 Mo ba kene ba le thina le ntlo ya Mmika, ba kwa lentsu la mosogana wa gore baa mo tšiba wa Lelifi, ba ya gage ba segela ba mmutsisa ba re: “Ke mang a go bitsiyeng gore o tle howa? O maka ying ga poleke yowa? O dulele ying howa?” 4 A ba botsa tso Mmika a mo makeleng tsona, a re ga bona: “O n’hiriye gore ke mmerekele, ke be moprista wage.”+ 5 Ke mokane ba re gage: “Re kgopela o butsise Modimo gore ayitsano tso re nyoko di makang di nyoko phomelela.” 6 Ke mokane moprista yela a re ga bona: “Ariyeneng, le sa hlupege. Jehova o nyoko ba le lune.”

7 Byalo banna bala kapheta ya bona ba sepela ba segela Layiši.+ Ba bonne ka mokgo batho ba gana hone ne ba phela ka gona ba sa tshepele ga motho, go tshwana le Masidoni. Ke mo ba bebiye fote ba fo tiphelela,+ mone nageng ne go se na motho wa gore wa ba gatelela. Ne ba duli kgole le Masidoni, fote ne ba sa hlupanane le batho ba bangwana.

8 Mo ba boyela nthago ga bobhuti ba bona ku Zora le Ešitawole,+ bobhuti ba bona ba ba butsisa gore: “Le sipidiye byang?” 9 Ba ba fetola ba re: “Koriyeneng re ye ba hlaseleng ka taba la gore re di bonne gore naga ya bona yi gabutši ka matla. Ke ntaba le kamaka? Koriyeneng re ye tseya naga ya bona, le sa sinyi nako. 10 Mo le segela le nyoko kraya batho ba gore ba fo tiphelela,+ fote naga ya bona ke ye kgolo ka matla. Modimo o le neyye naga ya bona, poleke ya gore a yi gayele selo sa ho lefaseng.”+

11 Byalo 600 ya banna ba leloko la Dani ba tilukiselela go ya ntweng, byalo ba tloga Zora le Ešitawole.+ 12 Ba sepela ba segela ba kampa Kiriyathe-jeyarimo+ ku Juda. Nka taba lo poleke yone ya gore yi ka bodikela bya Kiriyathe-jeyarimo ba re ke Mahane-dani*+ go segela le lekgono lowa. 13 Ba tloga mone ba ya ga poleke ya dithaba tsa Eforayimi, ba segela ntlong ya Mmika.+

14 Ke mokane banna bala kapheta ya bona ba gore ne ba yye go ye hlola naga ya Layiši+ ba re ga bobhuti ba bona: “Ayitsano le ya di tšiba tsa gore ka howa dintlong tsowa go na le efoda, medimo ya dithombhe,* sethombhe sa go betliwa le sethombhe sa go makiwa ka tshipi?+ Le nagane ka tso le nyoko di makang.” 15 Byalo ba yema gana hone, ba ya ga ntlo ya mosogana wa Lelifi+ ku ntlong ya Mmika ke mokane ba mo tsosela. 16 Ka nako yone, 600 ya banna ba leloko la Dani+ ne ba tilukiselele go lwa, ba yemme ku gheyiting ya mutši. 17 Banna bala kapheta ya bona ba gore ne ba yye go ye hlola naga+ ba kena ba tseya sethombhe sa go betliwa, efoda,+ medimo ya dithombhe+ le sethombhe sa tshipi.+ (Moprista+ ke mo a yemme ku gheyiting ya mutši le banna bala 600 ya bona ba gore ne ba tilukiselele go ya ntweng.) 18 Ba kena ntlong ya Mmika ba segela ba tseya sethombhe sa go betliwa, efoda, medimo ya dithombhe le sethombhe sa tshipi. Ke mokane moprista yela a re ga bona: “Le maka ying?” 19 Ba re gage: “Kgomolela. Kwala molomo, o sepele le rune gore o thogo ba wa go re yeletsa le moprista wa rune. King sa kawone⁠—gore o be moprista wa ntlo ya monna ka wwoši+ kela gore o be moprista wa leloko le mutši ku Israyele?”+ 20 Byalo tsotsone dya kgotsofatsa moprista yela ke mokane a tseya efoda, medimo ya dithombhe le sethombhe sa go betliwa+ ke mokane a sepela nabo.

21 Byalo ba sepela, mo mahlong ba yetisa bana ba bona, diphoolwane le dilo tsa bona tso ba di tseyelang gedimo. 22 Mo ba šele ba le kgole le ntlo ya Mmika, banna ba gore ba dula ga dintlo tsa gore di thina le ntlo ya Mmika ba gahlana ke mokane ba latelela Madani ba ma kraya. 23 Mo ba llela Madani ba jika ba lebelela Mmika ba re: “Bothatha king? Ke ntaba o tlile le batho ba go tlala?” 24 Byalo yene a re: “Le tsere medimo yaka ya gore ke timakele yona, fote le tsere le moprista waka. Nna ke ye šala ka ying? Byalo ke ntaba le mputsisa gore, ‘Bothatha king?’” 25 Ke mokane Madani ma re: “O sa re rasele; ka taba la gore tsotsone di ka kwatisa banna bowa ke mokane ba go kwaletsa, tsotsone di ka maka gore ba bolaye wene le ba mutši wago.” 26 Byalo Madani ma sepela; le Mmika a boyela ntlong yage ka gore o di bonne gore ne ba tlele go mo phala.

27 Ka nthago ga gore ba tseyele Mmika dilo tso a di makiyeng le moprista wage, ba yye Layiši+ ga batho ba gore ke mo ba bebiye fote ba tiphelela.+ Ba segela ba ba hlasela ka sabola ke mokane ba tšhuba mutši wa bona. 28 Ke mo go se na ye a ka ba phonisang ka taba la gore ke mo yi le kgole le Sidoni, ba sa berekisane le batho ba bangwana, fote naga ya bona ke mo yi le moyeding wa gore ke wa Bhethe-rehobho.+ Ba yaga mutši gana hone ka bonyuwane ke mokane ba dula gona. 29 Go tokegela gana hone, ba re mutši wone ke Dani+ ka taba la lebitso la papa wa bona ye ba reng ke Dani wa gore ne go le morwayi wa Israyele.+ Mara ku nthago mutši wone ke mo ba re ke Layiši.+ 30 Ka nthago, ba leloko la Dani ba tipeyela sethombhe sela sa go betliwa,+ ke mokane Jonathane+ morwayi wa Ghešomo+ wa gore ke morwayi wa Moše, yene le barwayi bage ba ba maprista ga leloko la Dani go segela ka letšatši lo batho ba go dula ga poleke yone ba ya bobhantiting. 31 Fote ba rapela sethombhe sa gore ke mo se makiye ke Mmika nako ka moka ya mo ntlo ya Modimo wa mannete yi le ku Šilo.+

19 Ka matšatši yanane, nakwela go se na kgoši Israyele,+ Lelifi la gore ka nako yone ke mo le dula kgole, polekeng ya go ba le dithaba ya Eforayimi+ la tseya motlabo ku Bhetlelehema+ ya Juda gore go be mosadi wa lona. 2 Mara mosadi yene ke mo a sa tshepege, byalo a šiya monnage a ya ntlong ya papage ku Bhetlelehema ya Juda. Gwa fela kanne ya dikgwedi a dula gana hone. 3 Byalo, monnage a mo latelela a ye mo kgopela gore a boye; monna yene ke mo a sepela le lelata lage la monna le dibhongholo. Byalo, mosadi yene a mo leya ntlong ya papage. Mo papage a bona monna yewa, a jabola ka matla. 4 Byalo ratswale wage wa gore ke papa wa mosadi yela, a mo kgopela gore a dule naye kararo ya matšatši; a re ba nyoko ja ba boya ba nwa, fote o nyoko yetsela gana hone.

5 Ka letšatši la kanne mo ba tsoga ka bošego gore ba sepele, papa wa mosadi yela a re ga mokgwenyane wage: “Ke kgopela o je gore o thogo tiyelela, ke mokane ka nthago o ka sepela.” 6 Byalo ba dula fase, ba ja fote ba nwa ggoši; ka nthago papa wa mosadi yela a botsa morenela gore: “Ke kgopela o dule bošego ka moka o tikwise barena.” 7 Mo monna yewa a yemelela a re wa sepela, ratswale wage o yye mahlong a mo kgopela ke mokane a yetsela gona fote.

8 Mo ba tsoga ka bošego ka letšatši la kapheta gore ba sepele, papa wa mosadi yela a re: “Barena ke kgopela o je gore o thogo tiyelela.” Ke mokane ba dula, ba ja go segela ka malobana. 9 Mo monna yela a tsoga gore a sepele le motlabo wage le wa go mo pasopa, ratswale wage wa gore ke papa wa mosadi yela a re gage: “Gana byalo go šele go nyoko ba ka malobana. Ke kgopela o yetsele howa barena. Letšatši le šele le nyoko tlolela. Yetsela howa o tikwise. O ko tsoga ka motshwana ka bošego ke mokane wa sepela wa ya mutšing wago.” 10 Mara morenela ke mo a sa sa nyaka go dula bošego byo bongwana fote, byalo a tsoga a sepela go segela Jebuse ya gore ke Jerusalema.+ Ke mo a na le dibhongholo ka dipedi, motlabo wage le lelata lage.

11 Mo ba šele ba le thina le Jebuse, letšatši ke mo le šele le nyoko tlolela. Byalo lelata lage la re gage: “Re yeme mo mutšing wa Majebuse re yetsele gona?” 12 Mara mong wage a re: “A re ya tshwanela go yema ga mutši wa gore a yi wa Maisrayele. Re nyoko sepela ke mokane ra segela Ghibheya.”+ 13 Ke mokane a botsa lelata lage a re: “Koriye, tla re liketse go segela ga ye nngwana ya dipoleke tsowa; re ko yetsela Ghibheya kela Rama.”+ 14 Byalo, ba sepela ke mokane letšatši la thomisa go sobela mo ba le thina le Ghibheya ya gore ke ya Mabhenjamini.

15 Byalo ba yema gana mone ke mokane ba kena nageng ya Ghibheya gore ba yetsele gona bošego ka moka. Mo ba le hone, ba dula hala batho ba gahlanelang gona, mara a go na le ka wwoši wa gore o ba tsere a ba yisa ntlong yage gore ba yetsele gona bošego ka moka.+ 16 Mo nako yi kene yi ya ka malobana yanane, gwa tla mokgalabye ye mongwana a tšwa gwe berekeng ku mašomong. Ke mo a tšwa polekeng ya dithaba ya Eforayimi,+ fote ke mo a dula Ghibheya; mara batho ba hone mutšing ne go le ba leloko la Bhenjamini.+ 17 Mo a lebelela kgakala, a bona morenela a duli hala batho ba gahlanelang gona ku mutšing ke mokane a re gage: “O ya kaye, fote o tšwa kaye?” 18 A fetola a re: “Re sepela re tšwa Bhetlelehema ya Juda re ya ga poleke ya kgole ya dithaba tsa Eforayimi, gana hone ke mo ke tšwang gona. Ke yye Bhetlelehema ya Juda,+ fote ke boyela ntlong ya Jehova, mara a go na le ka wwoši wa gore o n’yamogele ntlong yage. 19 Re na le mabyang le furu tsa go lekanela gore dibhongholo+ tsa rune di thogo ja, fote re na le sekgwa+ le wayini gore nna, mosadi yewa le lelata la rune re thogo ja. A go gayele selo.” 20 Mara mokgalabye yela a re: “Nkare o ka beba! Yema ke go pasope ka selo se sengwana le se sengwana so o se gayelang. Mara o sa yetsele ho ga gore batho ba gahlanela gona.” 21 Byalo, a mo yisa ga ntlo yage a boya a neya dibhongholo tsage tsa go ja. Ke mokane ba hlapa mawoto, ba ja fote ba nwa.

22 Mo ba kene ba sa tikwisa, banna ba go sa re selo ba mutši wone ba dukulugela ntlo yage ke mokane ba teya monyako, fote ke mo ba kene ba botsa mokgalabye wa gore ke mong wa ntlo yone gore: “Ntsha morenene ka hone ntlong gore re thogo yetsela naye.”+ 23 Byalo mong wa ntlo a tšwa a segela a re ga bona: “Awwa bobhuti, le sa make dilo tsa go befa. Monna yewa ke sevakaši saka barena. Le sa make dilo tsa go tšebisa. 24 Tseyaneng morwediya waka wa gore go sa le kgareba le motlabo wa morenewa. Ke nyoko ba ntshela tawong, le ka ba maka lešidi mo le nyaka.+ Mara morenewa le sa mo make dilo tsone tsa go silikisa.”

25 Mara banna bala ba gana go mo theetsela, ke mokane morenela a tshwara motlabo wage+ a mo ntshela ka tawong. Ba mo reyipa fote ba mo maka lešidi bošego ka moka go segela ka bošego. Ke mokane ba mo lisetsa a sepela ka phu. 26 Ka bošego ka phu, mosadi yela a tla ke mokane a segela a wela ga monyako wa ntlo ya mokgalabye yela ya gore mong wage ke mo a le gona ke mokane mosadi yene a yetsela gona go segela bo sa. 27 Mo mong wage a tsoga ka bošego fote a bula menyako ya ntlo gore a thogo ya mahlong ka leyeto lage, a bona mosadi yela wa gore ke motlabo wage a yetsele mahlong ga ntlo, matsogo yage ma le thina le monyako. 28 Byalo a re gage: “Tsoga re sepele.” Mara a sa mo fetole. Byalo monna yela a mo kakola a mmeya gedimo ga bhongholo ke mokane a tshwara tsela ya go ya gaye.

29 Mo a segela ntlong yage, a tseya thipa a tseya le motlabo wage a mo kupelela gwa ba 12 ya ditlopo ke mokane a tseya setlopo se sengwana le se sengwana a se yisa ga leloko le lengwana le le lengwana la Israyele. 30 Ka mokana ga bona bo ba di bonneng ba hlayye gore: “Selo sa go tshwana le sowa a se soko makega fote a re soko se bona go tlugisela ka letšatši lo Maisrayele ma tšwileng ga naga ya Egepita go segela le lekgono. Nagananeng ka taba yowa, le re yeletse+ fote le re botse tso re tshwaneleng re di make.”

20 Sosone se makiye gore Maisrayele ka mokana ga wona ma tloge nageng ya Dani+ ma ye Bhere-šeba fote ma tloge ga naga ya Ghiliyade,+ ke mokane setšhaba ka mokana ga sona sa gahlana* mahlong ga Jehova ku Mizipa.+ 2 Byalo dindhuna tsa Maisrayele le leloko ka mokana ga lona la Israyele ba nyarela ga phutego ya batho ba Modimo⁠—ke mo go le 400 000 ya masole ya go sepela ka mawoto ya gore ma tshwere disabola.+

3 Mabhenjamini ma di kwelela tsa gore banna ba Israyele ba yye Mizipa.

Ke mokane banna ba Israyele ba re: “Re botseneng gore selo sowa sa go befa go tlile byang gore se makege?”+ 4 Mo ba reyane, Lelifi lela+ la gore ke monna wa mosadi yela wa gore ba mmolayye, le yitseri: “Ke tlile Ghibheya+ ya Bhenjamini ke na le motlabo waka gore re thogo yetsela gona. 5 Batho* ba Ghibheya ba tla ba segela ba dukulugela ntlo ya gore ne ke yetsele ga yona bošego. Ne ba nyaka go bolaya nna, mara ba reyipa motlabo waka ke mokane a hlokofala.+ 6 Byalo, ka tseya setopo sa motlabo waka ka se kupelela fote ka romela ditlopo tsone ga leloko le lengwana le le lengwana la Israyele+ ka taba la gore ba makiye selo sa go tšebisa le sa go silikisa ku Israyele. 7 Byalo lune batho ba Israyele ka mokana ga lune, re botseneng gore re make ying+ gana byalo.”

8 Ke mokane batho ka mokana ga bona ba tlogamela ba dumelelana ka selo ka ssoši ba re: “A go na le ka wwoši wa rune wa gore o nyoko ya letenteng lage kela wa gore o nyoko boyela gaye gage. 9 Sowa ke so re nyoko se makang Maghibheya: Re nyoko hlawola banna re berekisa dikgakgare gore ba ye lwa nawo.+ 10 Ga 100 ya banna re nyoko hlawola 10 ya banna ga maloko ka mokana ga wona ya Israyele, ga 1 000 ya bona re nyoko hlawola 100 ya bona ke mokane ga 10 000 ya bona re nyoko hlawola 1 000 ya bona gore ba kolekele masole tsa go ja gore ma thogo lwa le Ghibheya ya Bhenjamini, ka taba la selo sa go silikisa so ba se makiyeng ku Israyele.” 11 Byalo Maisrayele ma gahlana go le selo ka ssoši gore ma thogo lwa le mutši wone.

12 Byalo maloko ya Israyele ma romela banna ga dindhuna ka mokana ga tsona tsa leloko la Bhenjamini, ma re: “Ke ntaba go makegiye selo sa go befa hone ga lune? 13 Byalo re neyeneng banna bowa ba go sa re selo ba go tšwa Ghibheya+ gore re thogo ba bolaya re tlose selo sa go befa ho Israyele.”+ Mara Mabhenjamini ma gana go theetsela Maisrayele ya gore ke bobhuti ba bona.

14 Byalo Mabhenjamini ma gahlana ka tawong ga mitši ya Ghibheya gore ma ye lwa le banna ba Israyele. 15 Ka letšatši lolone, Mabhenjamini ma kgobaketsa 26 000 ya banna ba gore ba na le disabola ga mitši ya bona, re sa bale 700 ya banna bo ne ba hlawodiwwe ku Ghibheya. 16 Ga masole yawa ke mo ba hlawodiye 700 ya banna ba gore ba berekisa letsogo la sepata. Ye mongwana le ye mongwana mo ga banna bowa ke mo a le kotsi ka sepelopelo, mo a tšhediye letlapa ke mo a sa pumutsi le mong moriri.

17 Banna ba Israyele mo re sa bale ba go tšwa Bhenjamini ke mo go le 400 000 ya bona ba gore ba tshwere disabola,+ fote ye mongwana le ye mongwana ga bona ke mo go le lesole la gore ke segele. 18 Ba tloga ba ya ku Bhethele gore ba ye kgopela Modimo gore a ba yetetse.+ Ke mokane Maisrayele ma re: “Ke mang ye a ka re yetang mahlong mo re ye lwa le Mabhenjamini?” Jehova a re: “Juda o nyoko le yeta mahlong.”

19 Ka nthago ga hone, Maisrayele ma tsoga go sa le ka bošego ma kampa thina le Ghibheya gore ma thogo lwa nayo.

20 Byalo banna ba Israyele ba tšwa gore ba ye lwa le Mabhenjamini; ba tilukiselele go lwa nabo hala Ghibheya. 21 Byalo Mabhenjamini ma tšwa Ghibheya ma bolaya 22 000 ya banna ba go tšwa Israyele ka letšatši lone. 22 Mara masole ya banna ba Israyele ma ba le lešiši, fote ma tilukiselela go lwa ga poleke yela ya gore ma lwile ma le ga yona ka letšatši la mathomo. 23 Byalo Maisrayele ma ya ma segela ma lla mahlong ga Jehova go segela ka malobana, fote ma butsisa Jehova gore: “Ayitsano re boyele gore re ye lwa le bobhuti ba rune ba gore ke Mabhenjamini?”+ Mo ba reyane, Jehova a re: “Ariyeneng le ye lwa nabo.”

24 Byalo Maisrayele ma šutela thina le Mabhenjamini ka letšatši la mabedi. 25 Ke mokane Mabhenjamini ma tšwa ku Ghibheya gore ma tle ma gahlane nabo ka letšatši la mabedi, ma bolayye 18 000 ya Maisrayele+ ya gore ka mokana ga wona ke mo ma tshwere disabola. 26 Banna ba Israyele ka mokana ga bona ba napa ba ya ku Bhethele. Ba lla, fote ba dula gana hone mahlong ga Jehova,+ ba tikona tsa go ja+ ka letšatši lone go segela ka malobana ba boya ba maka dihlabelo tsa go tšhubiwa+ le dihlabelo tsa go hlekediwa+ mahlong ga Jehova. 27 Ka nthago banna ba Israyele ba kgopela Jehova gore a ba yetetse,+ ka taba la gore areka ya go kwanisanya ya Modimo wa mannete ke mo yi le gana mone ka matšatši yanane. 28 Byalo Finiyase+ morwayi wa Eliyazara, morwayi wa Aroni ke mo a bereka go le moprista mahlong ga areka ka matšatši yanane. Byalo ba butsisa gore: “Ayitsano re boyele gore re ye lwa le bobhuti ba rune ba gore ke Mabhenjamini kela re sa yi?”+ Jehova a re: “Ariyeneng, ka taba la gore ka motshwana ke nyoko maka gore le ba hlule.” 29 Ke mokane Maisrayele ma beya masole maa dukulugela Ghibheya ka mokana ga yona ma kene ma yi ramele.+

30 Maisrayele ma ya gore ma ye lwa le Mabhenjamini ka letšatši la kararo, ke mokane ma tilukiselela gore ma lwe le Maghibheya go fo tshwana le ka mokgo ma makiyeng ka gona ka dinako tse dingwana.+ 31 Mo Mabhenjamini ma tšwa gore ma ye gahlana le masole ya Israyele, Maisrayele ma makiye gore ba be kgole le mutši.+ Ke mokane go fo tshwana le ka dinako tse dingwana ba thomisa go hlasela le go bolaya banna ku dipateng tse dikgolo, ye nngwana ke mo yi ya Bhethele, ye nngwana yi ya Ghibheya, ba šiyye gana hala ga 30 ya banna ba Israyele ba kgwile ga poleke ya gore yi lekgwaying.+ 32 Byalo Mabhenjamini ma re: “Re ya ba hlula go fo tshwana le mathomisong.”+ Mara Maisrayele ma re: “Re nyoko tšhaba re make gore ba tšwe mone mutšing ba ye ga dipata tse dikgolo.” 33 Byalo, banna ba Israyele ka mokana ga bona ba tloga dipolekeng tsa bona ba tilukiselela go lwa ku Bhaali-thamara, ka nako yonone Maisrayele ya gore ne ma ramele ma tšwa ga dipoleke tsa wona tsa gore ne di le thina le Ghibheya. 34 Byalo 10 000 ya masole ya ba ma hlawodiyeng ya gore ke digele ya go tšwa Israyele ka mokana ga yona ma tla mahlong ga Ghibheya, fote ntwa yone ke mo go le ye kgolo. Mara Mabhenjamini ke mo ma sa di tšibi tsa gore tsa go sasamela ke mo di le thina le go ba wela.

35 Jehova a hlula Mabhenjamini+ mahlong ga Maisrayele, fote ka letšatši lone Maisrayele ma bolaya 25 100 ya banna ku Bhenjamini ba gore fote ke mo tshwere disabola ka mokana ga bona.+

36 Mara mo Mabhenjamini ma bona Maisrayele ma ba tšhaba ne ma nagana gore ma ba hludiye,+ mara Maisrayele ke mo ma tšhaba ka taba la gore ma tshepiye bala ba gore ba ramele gore ba hlasele Ghibheya.+ 37 Byalo bala ba go ramela ba makiye dilo ka go yakgoswa, ba ya Ghibheya. Ke mokane ba ya ga dipoleke ka mokana ga tsona tsa mutši wone, ba bolaya batho ka mokana ga bona ba mone mutšing ka sabola.

38 Byalo banna ba Israyele ke mo ba lukiselele gore banna bala ba go ramela mutši ba make gore muši wo tupele gedimo go le mošupetso wa gore ba hludiye mutši wone.

39 Mo Maisrayele ma tšhaba ku ntweng, banna ba Bhenjamini ba thomisa go ba hlasela, ba bolaya gana hala ga 30 ya banna ba Israyele,+ fote ba re: “Re ba hludiye fote go fo tshwana le ga ntwa yela ye nngwana.”+ 40 Mara muši wela wa thomisa go yinuga wo tšwa hala mutšing. Mo banna ba Bhenjamini ba lebelela, ba bona mutši ka mokana ga wona wo dura. 41 Ke mokane banna ba Israyele ba thomisa go ba hlasela, fote banna ba Bhenjamini ke mo ba kgongwele ka taba la gore ba di bonne gore ba wele ke tsa go sasamela. 42 Byalo ba tšhabela ku mašahleng ba tšhaba banna ba Israyele, mara Maisrayele ma ba lelekisa; banna ba go tšwa mitšing ba ba gelepa gore ba bolaye Mabhenjamini. 43 Ba dukulugela Mabhenjamini, ba ma lelekisa ba sa khutsi. Ba ma hludiye hala mahlong ga Ghibheya ka nthoko ya bohlabela. 44 Go fetsiye go kgwile 18 000 ya banna ba Mabhenjamini ba gore ka mokana ga bona ke mo go le masole ya go ba le matšhika.+

45 Banna ba Mabhenjamini ba sologa ke mokane ba tšhabela ku mašahleng ba ya letlapeng le legolo la Rimoni,+ Maisrayele ma bolayye 5 000 ya Mabhenjamini ku dipateng tse dikgolo, fote ma ya mahlong ma ba lelekisa go segela Ghidomo; ma boya ma bolaya 2 000 ya banna ba bangwana fote. 46 Mabhenjamini ka mokana ga wona ya gore ma kgwile ka letšatši lone ke mo go le 25 000 ya banna ba go tshwara disabola,+ ka mokana ga bona ne go le masole ya go ba le matšhika. 47 Mara 600 ya bona ba tšhabela mašahleng ba ya letlapeng le legolo la Rimoni fote ba dula gana hone letlapeng le legolo la Rimoni kanne ya dikgwedi.

48 Byalo banna ba Israyele ba lwa le Mabhenjamini ke mokane ba bolaya bo ne ba dula hone mutšing ka sabola, go tlugisela ka batho go segela ka diphoolwane le dilo ka mokana ga tsona tsa gore ne di šele. Fote ba tšhuba mitši ka mokana ga yona yo ne ba yye ga yona.

21 Byalo, banna ba Israyele ba tshepisa ku Mizipa+ gore: “A go na le ka wwoši mo ga rune wa gore o nyoko neya monna wa Bhenjamini morwediya wage gore go be mosadi wage.”+ 2 Byalo batho ba tla Bhethele,+ ba dula mahlong ga Modimo wa mannete go segela ka malobana, fote ba thomisa go gotla. 3 Fote ke mo ba re: “Wene Jehova Modimo wa Israyele, ke ntaba dilo tsowa di makegiye Israyele? Ke ntaba go tshwanele go fele ka leloko ka lloši ga Israyele.” 4 Fote ka motshwana wa gona batho ba tsugiye go sa le ka phu, ba yaga aletare gore ba thogo maka dihlabelo tsa go tšhubiwa le dihlabelo tsa go hlekediwa.+

5 Ke mokane Maisrayele ma re: “Ke leloko lefeng ga leloko ka mokana ga lona la Israyele la gore a le ya tla mahlong ga Jehova nakwela re kgobakanne Mizipa?” ka gore ke mo ma tshepisiye gore ye mongwana le ye mongwana wa gore aa tla ga Jehova hala Mizipa di nyaka a bolayiwe. 6 Byalo batho ba Israyele ba kwile go baba ka taba la tso di makegeleng bobhuti ba bona ba gore ke Mabhenjamini. Ba re: “Leloko ka lloši go fediye ka lona Israyele lekgono. 7 Re make ying gore re thogo neya bo ba šeleng basadi, ka gore re tshepisiye ka Jehova+ gore re ka sa ba neye barwediya ba rune gore go be basadi ba bona?”+

8 Ba butsisa gore: “Ke leloko lefeng ga leloko ka mokana ga lona la Israyele la gore a le ya tla mahlong ga Jehova ku Mizipa?”+ Di f’lo makega gore ne go se na le ka wwoši wa go tšwa Jabheše-ghiliyade wa gore ne a le kampeng mo batho ne ba gahlanne gona. 9 Mo ba balela batho, ba di bonne gore ne go se na le motho ka wwoši wa go tšwa Jabheše-ghiliyade gana hone. 10 Byalo batho bo ne ba kgobakanne ba roma 12 000 ya banna ba go ba le matšhika. Ba re ga bona: “Ariyeneng le ye bolaya batho bo ba dulang Jabheše-ghiliyade ka sabola, le bolaye le basadi le bananyana.+ 11 Tsowa ke tso di nyakang le di maka: Monna ye mongwana le ye mongwana le mosadi ye mongwana le ye mongwana wa gore o yetsele le monna, le fetse ka yene.” 12 Ga bo ba go dula Jabheše-ghiliyade, ba krayye 400 ya bannyana ba gore ne go le makgareba, ba gore ne ba soko yetsela le monna. Byalo ba ba leya kampeng ku Šilo+ ya gore yi nageng ya Kanana.

13 Ke mokane batho ka mokana ga bona ba gore ne ba kgobakanne ba romela molayetsa ga Mabhenjamini ya gore ne ma le letlapeng la Rimoni,+ ba maka gore go bebe segare ga bona. 14 Byalo Mabenjamini ma boya ka nako yonone. Ba ma neya basadi bala ba gore ba ba lisetsiye ba phela ga basadi ba Jabheše-ghiliyade,+ mara a baa ba kraya ba go ba lekana. 15 Fote batho ba kwa go baba ka taba la tso di makegeleng Mabhenjamini+ ka gore Jehova ne a yahlugannye leloko la Israyele. 16 Banna ba bagolo ba re ga batho bo ne ba gahlanne: “Byalo re ka maka byang gore re neye banna bo ba šeleng basadi, ka gore basadi ka mokana ga bona ba Mabhenjamini ba kgwile?” 17 Ba fetola ba re: “Go tshwanele go be le lefa la Mabhenjamini ya ma phonneng, gore go sa be le leloko la gore gwa fela ka lona ho Israyele. 18 Mara a re ya tshwanela go ba neya barwediya ba rune gore go be basadi ba bona, ka taba la gore batho ba Israyele ba tshepisiye gore: ‘Ye a neyang Mabhenjamini mosadi o ko tikweleng.’”+

19 Ke mokane ba re: “Bonaneng! Go na le monyanya wa Jehova wa mongwaga wo mongwana le wo mongwana ku Šilo,+ ya gore yi ka lebowa la Bhethele le ka bohlabela bya pata ye kgolo ya gore yi tloga Bhethele ya segela Šikeme le borwa bya Lebhona.” 20 Byalo ba butsiye banna ba Bhenjamini gore: “Ariyeneng le ye ba ramela le le ku mašomong ya didhriva. 21 Ke mokane mo le bona bannyana* ba Šilo ba tšwa gore ba tl’le bineng, di nyaka ye mongwana le ye mongwana wa lune a tšwe mone mašomong ya didhriva a titseyele mosadi ga bannyana bone ba Šilo ke mokane le tshwanele le boyeleneng nageng ya Bhenjamini. 22 Mo di ka makega gore bopapa ba bona kela bobhuti ba bona ba tle ba kokole ho ga rune, re nyoko ba botsa gore, ‘Re kweleneng go baba ka taba la bona, ka gore ne go se na basadi ba go ba lekana ga bo re ba krayyeng ntweng+ ba gore ne re ko ba neya bona, fote ne le ka sa ba neye basadi le sa sinya so le se tshepisiyeng.’”+

23 Byalo banna ba Bhenjamini ba f’lo maka ka mokgonone, ye mongwana le ye mongwana a titseyela mosadi ga basadi bo ne ba bina. Ka nthago ga hone, ba boyela ga naga yo ba ba neyyeng yona, ba yaga mitši ya bona ka bonyuwane+ ke mokane ba dula ga yona.

24 Ke mokane go tlugisela ka nako yone Maisrayele ma tloga mone, ye mongwana le ye mongwana a boyela ga leloko lage le ga mutši wage, ba tloga mone, ye mongwana le ye mongwana a boyela ga naga yo ba mo neyyeng yona.

25 Ka matšatši yanane ke mo go se na kgoši Israyele.+ Ye mongwana le ye mongwana ne a fo timakela tso a di bonang di lukiye.