DIKORONIKA TSA MABEDI
1 Bogoši bya Solomoni morwayi wa Dafita bo yye mahlong bo kene bo tiyelela, Jehova Modimo wage ke mo a le naye, fote o makiye gore batho ba mo hlompe ka matla.+
2 Solomoni a bitsa Maisrayele ka mokana ga wona, dindhuna tsa dikiti le tsa makgolo, ba go yahlula, dindhuna ka mokana ga tsona tsa Israyele tsa gore ke dihlogo tsa mitši ya bopapa ba bona. 3 Ke mokane Solomoni le mogoba ka mokana ga wona ba ya polekeng ya kgakala ya gore yi Ghibhiyoni,+ ka gore gana mone ke mo go na le letente la mogahlano la Modimo wa mannete, letente lone ke lo Moše lelata la Jehova a le makiyeng a le ku mašahleng. 4 Mara Dafita ke mo a tsere Areka ya Modimo wa mannete ku Kiriyathe-jeyarimo+ a yi yisa ga poleke yo a yi lukiseleleng; ke mo a yi makele letente ku Jerusalema.+ 5 Fote aletare ya koporo+ ya gore yi makiye ke Bhezalele+ morwayi wa Uri, morwayi wa Hure ba yi beya mahlong ga tabarenakele ya Jehova; fote Solomoni le mogoba ke mo ba rapela mahlong ga yona. 6 Byalo Solomoni a maka dihlabelo mahlong ga Jehova, a maka 1 000 ya dihlabelo tsa go tšhubiwa gana hone ga aletare+ ya koporo ya letente la mogahlano.
7 Bošego byobyone Modimo a nyarela ga Solomoni a re gage: “Mpotse so o nabelang gore ke go neye sona.”+ 8 Solomoni a re ga Modimo: “O šupetsiye papaka Dafita gore o mo nyaka ka matla,+ fote o makiye gore nna ke be kgoši sekgaleng sage.+ 9 Byalo wene Jehova Modimo, ke kgopela o make gore tso o tshepisiyeng Dafita papaka di makege,+ ka gore o makiye gore ke be kgoši ya batho ba go tlala go tshwana le lerole la ho lefaseng.+ 10 Maka gore ke hlalefe fote ke tšibe dilo+ gore ke thogo yetetsa batho bowa, ka gore ke mang ye a ka kgonang go yahlula batho bo bago ba go tlala ka mokgo?”+
11 Ke mokane Modimo a re ga Solomoni: “Ka taba la gore sowa ke so o se nyakang fote a wa kgopela go ghanya, go hlompiwa kela gore ke bolaye bo ba go hloyyeng kela lephelo la go lefa, mara o kgopele go hlalefa le go tšiba dilo gore o thogo yahlula batho baka ba gore ke makiye gore o be kgoši ya bona,+ 12 ke nyoko maka gore o hlalefe fote o tšibe dilo; mara fote ke nyoko maka gore o ghanye, o hlompiwe go phala magoši ya ma yyeng ma ba gona ku nthago fote go ka sa be le wa go tshwana nago ku mahlong.”+
13 Byalo Solomoni a boya a tšwa polekeng ya kgakala ku Ghibhiyoni,+ ya gore ke mo go na le letente la mogahlano, a tla Jerusalema; fote a lawola Israyele. 14 Solomoni o yye mahlong a hlekeletsa dikotšikara le dipera;* ne a na le 1 400 ya dikotšikara le 12 000 ya dipera,*+ ne a di beya ga mitši yo ne a beya dikotšikara+ fote a di beya thina le mo a dulang gona Jerusalema.+ 15 Kgoši yi makiye gore ku Jerusalema go be le silva le gholdi ya go tlala go tshwana le matlapa,+ fote ya maka le gore dikwata tsa mohlare wa mosidara di tlale go tshwana le tsa mehlare ya mago ya hlaga ya ku Šefela.+ 16 Dipera tsa Solomoni ke mo ba di tlisa di tšwa Egepita,+ bo ne ba ba roma gore ba mo rekele tsona ke mo ba di reka di tlele ka tšheleta yo ba kwanneng ka yona.+ 17 Sekotšikara ka ssoši so ne ba se leya se tšwa Egepita ke mo ba se reka ka 600 ya dišekele tsa silva ke mokane pera ka yyoši ke mo ba yi reka ka 150 ya dišekele tsa silva; dilo tsowa ka mokana ga tsona ke mo ba di romela ga magoši ka mokana ga wona ya Mahethe le magoši ya Siriya.
2 Byalo Solomoni a botsa batho gore ba yage ntlo ya gore yi nyoko maka gore lebitso la Jehova+ le hlompiwe fote le yene ba mo yagele ntlo ya bogoši.+ 2 Solomoni ke mo a na le 70 000 ya dibereki le 80 000 ya dibereki tsa go pshyaya matlapa ku dithabeng,+ fote ne ba wokamela ke 3 600 ya banna.+ 3 Go tokegela gana hone, Solomoni a roma batho ga Hirama+ kgoši ya Tira gore ba mmotse gore: “Mmakele ka mokgo o yyeng wa makela papaka Dafita nakwela o mo romela dikwata tsa mosidara gore a thogo yaga ntlo yage gore a dule ga yona.+ 4 Gana byalo ke yaga ntlo ya gore yi nyoko maka gore lebitso la Jehova Modimo waka le hlompiwe, gore yi hlawolege, gore ba tšhube tsa go nkgela+ mahlong gage, gore sekgwa sa go hlawolega+ se be gona gana hone nakwenngwana le ye nngwana le dihlabelo tsa go tšhubiwa tsa gore di makiwa ka bošego le ka malobana,+ ka Sabatha,+ ka dingwedi tsa nyuwane+ le ka dinako tsa menyanya+ ya Jehova Modimo wa rune. Sowa ke selo sa gore di nyaka Maisrayele ma dula ma se maka. 5 Ntlo yo ke yi yagang go nyoko ba ye kgolo ka taba la gore Modimo wa rune ke ye mogolo go phala medimo ye mengwana ka mokana ga yona. 6 Byalo, ke mang wa gore o tikemisele gore a ka mo yagela ntlo? Ka gore magedimo le legedimo la magedimo a di mo lekane,+ byalo nna ke ro ba ying gore nka šinya ke mo yagela ntlo? So ke nyoko se yagang go nyoko fo ba poleke ya go tšhubela dihlabelo ga yona. 7 Byalo nromele motho wa gore ke segele fote o kgona go bereka ka gholdi, silva, koporo,+ tshipi, wulu ye phepholo, thapo ya nkare ke ye khubedu le thapo ye tala sebakabaka wa gore fote o tšiba go thalathala ga matlapa. O nyoko bereka ku Juda le ku Jerusalema a na le banna ba digele ba gore papaka Dafita o nneyye bona.+ 8 Fote nromele dikwata tsa mohlare wa mosidara, mojunipha*+ le dikwata tsa aleghamo+ tsa go tšwa Lebhanoni, ka gore ke ya di tšiba gore malata yago ke digele tsa go kupa mehlare ya Lebhanoni.+ Malata yaka ma nyoko bereka le malata yago+ 9 gore ba nlukiselele dikwata tsa go tlala ka matla, ka gore ntlo yo ke nyoko yi yagang go nyoko ba ye kgolo ka matla. 10 Bona! Malata yago ya gore ma kupa mehlare ke nyoko ma neya tsa go ja:+ Ke nyoko ma neya 20 000 ya dikhoro* tsa korong, 20 000 ya dikhoro tsa dithoro tsa mabele,* wayini ya go lekana 20 000 ya metšumu ya botsopa* le makgura ya go lekana 20 000 ya metšumu ya botsopa.”
11 Mo a reyane, Hirama kgoši ya Tira a ngwalela Solomoni molayetsa wa gore: “Jehova o go makiye gore o be kgoši ya batho bage ka taba la gore yene o ba nyaka ka matla.” 12 Ke mokane Hirama a re: “Nkare Jehova Modimo wa Israyele a ka thanakiwa, yene wa gore o makiye magedimo le lefase, ka taba la gore o neyye Kgoši Dafita morwayi wa go hlalefa+ wa gore o tšiba dilo fote wa kwisisa,+ wa gore o nyoko yaga ntlo ya Jehova le ntlo ya yene mong. 13 Byalo ke romela monna wa gore wa kwisisa wa gore fote ke segele ga mmereko wa matsogo, lebitso lage ke Hirama-abhi,+ 14 morwayi wa mosadi wa gore o tšwa ga leloko la Dani, papage ne a tšwa Tira; o tšiba go bereka ka gholdi, silva, koporo, tshipi, matlapa, dikwata, wulu ye phepholo, thapo ye tala sebakabaka, llapi la gore ke mong lona la nkare ke le lekhubedu.+ O kgona go fala selo se sengwana le se sengwana fote o kgona go thalathala polane ye nngwana le ye nngwana yo ba mo neyang yona.+ O nyoko bereka le batho bago ba banna ba gore ke digele fote o nyoko bereka le batho ba gore ke digele ba morenaka Dafita wa gore ke papago. 15 Byalo, ke kgopela morenaka a romele korong, dithoro tsa mabele, makgura le wayini go ya ka mokgo a tshepisiyeng malata yage.+ 16 Ke mokane rune re nyoko kupa mehlare ya go lekana yo o yi nyakang ku Lebhanoni+ fote re nyoko yi leya gago ku lerophong la lewatle la Jopha go le dikwata;+ wene o ko di tseya wa ya natso Jerusalema.”+
17 Ke mokane Solomoni a balela banna ka mokana ga bona ba go tšwa ba sepela mone nageng ya Israyele+ go fo tshwana le papage Dafita,+ ka mokana ga bona ke mo go le 153 600. 18 Byalo a hlawola 70 000 ya dibereki, 80 000 ya dibereki tsa go pshyaya matlapa+ ku dithabeng le 3 600 ya banna ba gore ne ba wokamela dibereki tsowa.+
3 Ke mokane Solomoni a thomisa go yagela Jehova ntlo+ ku Jerusalema Thabeng ya Moriya,+ ga gore Jehova o nyarele ga Dafita wa gore ke papa wa Solomoni,+ ga poleke ya gore Dafita ke mo a yi lukiselele ku ga gore Onani+ wa Lejebuse ne a tulela gona mabele. 2 O thomisiye go yi yaga ka letšatši la mabedi la kgwedi ya mabedi, ka mongwaga wa kanne wa mo a lawola. 3 Fandhiši yo Solomoni a yi yagiyeng ya ntlo ya Modimo wa mannete ke mo go le 60 ya dikhyubhiti ka go lefa le 20 ya dikhyubhiti ka go psyaralala,+ go ya ka mokgo ne ba kala ka gona ku nthago.* 4 Ka mo mahlong ga tempele ke mo go le 20 ya dikhyubhiti ka go lefa, fote ke mo go lekana le ntlo* yone ka go psyaralala, ke mo go le 20 ya dikhyubhiti* go ya gedimo; ke mokane ka ho teng a yi kgakgapa ka gholdi ya gore ke mong yona.+ 5 A manega dikwata tsa mojunipha* mone ntlong ke mokane a yi kgakgapa ka gholdi+ ya gore ke mong yona, a yi kgabisa ka go kgwala makgwayi ya mehlare ya mopalema+ le ka diketane.+ 6 Go tokegela gana hone, a manega matlapa ya go bafala ya gore ma tseyediwa gedimo+ ga ntlo yone, fote gholdi+ yo a yi berekisiyeng ke mo yi tšwa Paravayimi. 7 A kgakgapa ntlo yone, makapa ya yona, diforemo tsa dikwalo, mapharo ya yona le dikwalo tsa yona ka gholdi;+ ke mokane mo mapharong a fala makerubi.+
8 Byalo a maka Poleke ya go Hlawolega ka Matla;*+ ke mo yi lekana ka go lefa le go psyaralala, ke mo yi le 20 ya dikhyubhiti ka go lefa fote yi le 20 ya dikhyubhiti ka go psyaralala. A yi kgakgapa ka 600 ya ditalente* tsa gholdi ya gore ke mong yona.+ 9 Gholdi ya dipikiri ke mo yi kala 50 ya dišekele;* fote o kgakgapiye dikamara tsa ka gedimo ka gholdi.
10 Ke mokane ka ku ga Poleke ya go Hlawolega ka Matla* a maka dithombhe ka dipedi tsa makerubi, a di kgakgapa ka gholdi.+ 11 Mafafela ya makerubi+ ke mo go le 20 ya dikhyubhiti ka go lefa; lefafela la lekerubi la mathomo ke mo go le kapheta ya dikhyubhiti ka go lefa fote ke mo le tikisa lepharo la ntlo, lefafela le lengwana ke mo go le kapheta ya dikhyubhiti ka go lefa fote ke mo le tikisa lefafela la lekerubi le lengwana. 12 Ke mokane lefafela ka lloši la lekerubi le lengwana ke mo go le kapheta ya dikhyubhiti ka go lefa fote ne le tikisa lepharo la ntlo yone, lefafela la lona le lengwana ke mo go le kapheta ya dikhyubhiti ka go lefa fote ke mo le tikisa lefafela la lekerubi la mathomo. 13 Mafafela ya makerubi yawa ke mo go le 20 ya dikhyubhiti mo ma phurullugiye; makerubi yane ke mo ma yemme ka mawoto fote ma libiye kamareng ya go hlawolega.
14 A boya a maka legaredheni+ ka thapo ye tala sebakabaka, wulu ye phepholo, thapo ya nkare ke ye khubedu le llapi la gore ke mong lona, ke mokane a kgabisa ka go thalathala makerubi ga legaredheni lone.+
15 Ke mokane ka mahlong ga ntlo yone a maka dikholomo ka dipedi,+ ke mo go le 35 ya dikhyubhiti ka go lefa, tsa go kgabisa tsa gore ne di le gedimo ga dikholomo tsowa ke mo go le kapheta ya dikhyubhiti.+ 16 A maka diketane tsa go tshwana le dinekleyisi a di beya gedimo ga dikholomo tsela, a maka 100 ya magarenate a ma beya ga dilo tsa go kgabisa tsa dikholomo. 17 A beya dikholomo tsone mahlong ga tempele, ka yyoši a yi beya ga letsogo la go ja,* ye nngwana a yi beya ga letsogo la sepata;* ya letsogong la go ja a re ke Jakini* ke mokane ya letsogong la sepata a re ke Bhowase.*
4 Ke mokane a maka aletare ya koporo+ ya gore ke mo go le 20 ya dikhyubhiti ka go lefa, 20 ya dikhyubhiti ka go psyaralala le lesome la dikhyubhiti go ya gedimo.
2 A maka Ledhamo+ la tshipi la gore ne go le kgokolo, la gore molomo wa lona ke mo go le lesome la dikhyubhiti fote go le kapheta ya dikhyubhiti go ya gedimo. Mo ba dukulugela ledhamo lone ba tshwere thapo ya go meta ka yona ke mo le segela ga 30 ya dikhyubhiti.+ 3 Fote ne a kgabisiye ka diyengwa tsa kgokolo+ mo dimpeng tsa lona go le dukulugela, diyengwa tsowa ke mo go le lesome la dikhyubhiti go dukulugela Ledhamo lowa. Dilo tsone tsa go kgabisa ke mo di makiye malayini fote ba di makiye gore go be selo ka ssoši le ledhamo lone. 4 Ne le duli gedimo ga 12 ya dikgomu tsa phoolo,+ kararo ya tsona ne di libiye lebowa, kararo ya tsona ne di libiye bodikela, kararo di libiye borwa, ke mokane kararo di libiye bohlabela; Ledhamo ke mo le duli gedimo ga tsona fote tsona di furalelanne. 5 Ka bokoto ke mo le teya ka ku ga kašupa ya disenthimitha;* fote mo molomong ke mo ba le makiye nkare ke molomo wa komitši, go tshwana le lebhlomu la lili mo le bhloma. Ledhamo lone ne le ka kgona go tlatsa 3 000 ya metšumu ya botsopa.*
6 Go tokegela gana hone, o makiye lesome la mapolete ya go hlatswela ga wona ke mokane kapheta ya wona a ma beya ga letsogo la go ja fote kapheta ya wona a ma beya ga letsogo la sepata.+ Ke mo ba hlatswela dilo tso ba di berekisiyeng mo ba maka sehlabelo sa go tšhubiwa.+ Mara Ledhamo ke mo go le la maprista, ma hlapela ga lona.+
7 Ke mokane a maka le ditšhubampara tsa gholdi+ ka mokgo ba mmutsiyeng ka gona,+ a di beya ka teng ga tempele, kapheta ya tsona a di beya ga letsogo la go ja fote kapheta ya tsona a di beya ga letsogo la sepata.+
8 A maka le lesome la ditafola a di beya ka tempeleng, kapheta ya tsona a di beya ga letsogo la go ja, kapheta ya tsona a di beya ga letsogo la sepata;+ fote a maka 100 ya ditša tsa motšiti ka gholdi.
9 Ke mokane a maka lapa+ la maprista,+ lapa le legolo+ le menyako ya lona, a kgakgapa menyako ya wona ka koporo. 10 Fote a beya Ledhamo ka nthoko ya letsogo la go ja, ga gore ke borwabohlabela.+
11 Hirama o makiye le dipane tsa go rwala luta, difošolo le ditša tsa motšiti.+
Byalo, Hirama o fetsiye mmereko ka mokana ga wona wo Kgoši Solomoni a mmutsiyeng gore a wo make ntlong ya Modimo wa mannete:+ 12 dikholomo ka dipedi+ le dilo ka dipedi tsa go kgabisa tsa gore ne di duli gedimo ga tsona tsa nkare ke motšiti;+ diketane ka dipedi tse dinyana tsa gore ba di lugiye nkare ke thapo tsa gore ne di tantetsiye dilo tsa go kgabisa tsa nkare ke motšiti tsa gore ne di beyiwwe gedimo ga dikholomo; 13 400 ya magarenate+ ga diketane tsowa tse dinyana, malayini ka mabedi ya magarenate ga diketane tsowa ya gore ke mo ma tantetsa dilo tsowa tsa nkare ke motšiti tsa gore ne di le gedimo ga dikholomo tsowa;+ 14 lesome la dikotšikara le lesome la mapolete ya gore ne ma le gedimo ga dikotšikara tsowa;+ 15 Ledhamo le 12 ya dikgomu tsa phoolo tsa gore ne di le ka tlase ga lona;+ 16 le dipane tsa go rwala luta, difošolo, diforoko+ le dilo tse dingwana tsa mohlobohlobo tsa gore Hirama-abhivi+ o di makiye ka koporo a di makela Kgoši Solomoni le ntlo ya Jehova. 17 Kgoši yi di makiye polekeng ya go ba le botsopa ya Jorodane ya gore yi gare ga Sukhothe+ le Zereda. 18 Solomoni o makiye ditša tsowa, dya tlala ka matla; ke mo di sa tšibege+ gore koporo yowa ne yi roba go segela kaye.
19 Solomoni o makiye dilo tsowa ka mokana+ ga tsona tsa ntlo ya Modimo wa mannete: aletare ya gholdi;+ ditafola+ tsa go beya sekgwa sa go hlawolega;+ 20 ditšhubampara le malampa ya tsona tsa go makiwa ka gholdi+ ya gore ke mong yona gore di thogo tšhubiwa mahlong ga kamara ya ka ku tengteng go ya ka mokgo ne di nyaka dilo di makiwa ka gona; 21 mabhlomu, malampa, dilo tsa gholdi tsa go tima malampa, gholdi ya gore ke mong yona; 22 dilo tsa nkare ke dikero tsa go tima malampa, ditša tsa motšiti, dikomitši, dipane tsa go rwala magala tsa gholdi ya gore ke mong yona; menyako ya mo ba kenelang gona, menyako ya kamara ya ka teng ya gore ke Poleke ya go Hlawolega ka Matla+ le menyako ya gholdi ya ntlo ya tempele.+
5 Byalo Solomoni o fetsiye mmereko ka mokana ga wona wa gore ne di nyaka a wo make ntlong ya Jehova.+ Ke mokane Solomoni a leya dilo tso papage Dafita a makiyeng gore di hlawolege,+ a tšhela silva, gholdi le dilo ka mokana ga tsona tsa mayemo ya gedimo ga dikamara tso ba beyang dilo tsa go tseyediwa gedimo ntlong ya Modimo wa mannete.+ 2 Ka nako yonone, Solomoni a kgobaketsa banna ba bagolo ba Israyele, banna ba go lawola maloko ka mokana ga wona, le dindhuna tsa barwayi ba Israyele. Ba tla Jerusalema ba leya areka ya Jehova ya go kwanisanya ba tšwa ga Mutši wa Dafita+ wa gore ke Siyoni.+ 3 Banna ba Israyele ka mokana ga bona ba gahlana mahlong ga kgoši ka nako ya monyanya wa gore wo makiwa ka kgwedi ya kašupa.+
4 Byalo, banna ba bagolo ba Israyele ka mokana ga bona ba tla, ke mokane Malifi ma kakola Areka.+ 5 Ba leyye Areka, letente la mogahlano+ le dilo ka mokana ga tsona tsa go hlawolega tso ne di le mone letenteng. Di leyye ke maprista le Malifi. 6 Kgoši Solomoni le batho ka mokana ga bona ba Israyele bo ne ba gahlanne ba gore ke mo a ba bitsiye, ne ba yemme mahlong ga Areka. Gwa makiwa dihlabelo+ ka dinku le dikgomu tsa go tlala lela la gore ne di sa kgonege go di balela. 7 Ke mokane maprista ma leya areka ya go kwanisanya ya Jehova mo ne di nyaka yi dula gona, kamareng ya ka ku tengteng ga ntlo, ga Poleke ya go Hlawolega ka Matla, ba yi beya ka tlase ga mafafela ya makerubi.+ 8 Mafafela ya makerubi yane ke mo ma phurullugiye ka gedimo ga Areka, gore makerubi yawa ma wokamele Areka le diphate tsa yona.+ 9 Diphate tso ba yi kakolang ka tsona ne di lefiye lela la gore motho ke mo a di bona mo a le ga Poleke ya go Hlawolega ya gore yi mahlong ga kamara ya ka ku tengteng, mara mo o yemme ka tawong ke mo di sa bonale. Fote di sa le gona le lekgono lowa. 10 Ka ho teng ga Areka ke mo go na le matlapa ka mabedi ya dipsyatla ya gore Moše o ma tšhediye nakwela ba le Horebe,+ nakwela Jehova a maka kwano+ le batho ba Israyele mo ba tšwa nageng ya Egepita.+
11 Mo maprista ma tšwa polekeng ya go hlawolega (ka taba la gore maprista ka mokana ga wona ya ne ma le gona ne ma tiyedisiye,+ le mo ba kene ba le ga megoba ya wona ya mehlobohlobo),+ 12 Malifi ka mokana ga wona ya go yepelela+ ya gore ne ma yetetsa ke Asafa,+ ya gore ne ma yetetsa ke Hemane,+ ya gore ne ma yetetsa ke Jeduthune+ le barwayi ba bona le bobhuti ba bona ke mo ba yapere dikobo tsa go makiwa ka llapi la gore ke mong lona, ba tshwere disimbhala, dilo tsa go teya dikoša tsa go ba le motato le diharepa; ke mo ba yemme ka bohlabela bya aletare ba na le 120 ya maprista ma teya diporompeta.+ 13 Ka nako yonone, mo bo ba go tshwara diporompeta le ba go yepelela ba thanaka Jehova, ba mo leboga ba le ggoši, fote mo modumo wa diporompeta, disimbhala le wa dilo tse dingwana tsa go teya dikoša wo kene wo yinuga mo ba thanaka Jehova, ntlo yone, ntlo ya Jehova ya tlala ka liru+ “ka gore yene o lukiye; o nyakanana tsa mannete go ya go yye.”+ 14 Maprista ke mo ma sa kgone go yema ma maka mmereko wa wona ka taba la liru lone, ka gore matšhika ya Jehova ke mo ma tlele hone ntlong ya Modimo wa mannete.+
6 Ka nako yonone Solomoni a re: “Jehova o yitseri o nyoko dula ga liru+ la gore le tlemme. 2 Gana byalo nna ke go yagele ntlo ya malenghelengheng, ntlo ya gore o nyoko dula ga yona go ya go yye.”+
3 Ke mokane kgoši ya jika ya rufa mogoba ka mokana ga wona wa Israyele wo kene wo yemme,+ 4 ya re: “Nkare go ka thanakiwa Jehova Modimo wa Israyele, wa gore o tshepisiye Dafita papaka ka molomo wage fote ka letsogo lage o makiye tso a di tshepisiyeng mo a re, 5 ‘Go tlugisela ka nakwela ke ntsha batho baka ba Israyele Egepita, a ke ya kgeta mutši ga maloko ka mokana ga wona ya Israyele gore ma n’yagele ntlo gore lebitso laka le hlompiwe,+ fote a ke ya kgeta motho gore a yete batho baka ba Israyele mahlong. 6 Mara ke kgetiye Jerusalema+ gore lebitso laka le thanakiwe gana hone, fote ke kgetiye Dafita gore a yete batho baka ba Israyele mahlong.’+ 7 Papaka Dafita ke mo a nabela go yagela Jehova Modimo wa Israyele ntlo ya gore yi nyoko maka gore lebitso lage le hlawolege.+ 8 Mara Jehova o butsiye papaka Dafita gore, ‘Ke mo o di nyakiye ka matla go yaga ntlo ya lebitso laka, fote o makiye gabutši mo o nabela go mmakela tsotsone. 9 Mara ntlo yone yi ka sa yage ke wene,+ morwayi wago wa gore ba nyoko go belegela yene, ke yene a nyoko yagelang lebitso laka ntlo.’ 10 Jehova o makiye tso a di tshepisiyeng ka taba la gore ke nna kgoši ka nthago ga papaka Dafita, fote ke duli ga setulo sa go lawola sa Israyele+ go ya ka mokgo Jehova a tshepisiyeng.+ Fote ke yagiye le ntlo ya lebitso la Jehova Modimo wa Israyele, 11 fote gana hone ke makiye poleke ya gore ke thogo beya Areka ya gore yi na le matlapa ya kwano+ yo Jehova a yi makiyeng le batho ba Israyele.”
12 Ke mokane Solomoni a yema mahlong ga aletare ya Jehova ya gore ke mo yi le mahlong ga mogoba ka mokana ga wona wa Israyele, a yemisela matsogo yage gedimo.+ 13 (Ka gore Solomoni ne a makiye seralo ka koporo a se beya gare ga lapa.+ Ne se le kapheta ya dikhyubhiti* ka go lefa, kapheta ya dikhyubhiti ka go psyaralala le kararo ya dikhyubhiti go ya gedimo; ke mokane a yema gedimo ga sona.) A kgotama mahlong ga phutego ya Israyele ka mokana ga yona ke mokane a yemisela matsogo yage magedimong,+ 14 ke mokane a re: “Wene Jehova Modimo wa Israyele, a go na Modimo wa go tshwana nago ku magedimong kela lefaseng, wa gore o maka tso a di tshepisiyeng ga molawo wage wa go kwanisanya wa gore o šupetsa malata yage ya gore ma mmerekela ka dipelo tsa wona ka moka gore o ma nyaka ka matla.+ 15 Wene o makiye tso o di tshepisiyeng papaka Dafita wa gore ke lelata lago.+ O mo tshepisiye ka molomo wago, fote lekgono tso o di tshepisiyeng+ o di makiye ka letsogo lago. 16 Gana byalo, wene Jehova Modimo wa Israyele, maka so o se tshepisiyeng papaka Dafita wa gore ke lelata lago nakwela o re: ‘Leloko lago ka mokana ga lona le nyoko dula setulong sa go lawola sa Israyele mahlong gaka, mo barwayi bago ba ka theetsela ka go dula ba tshepega mo gaka+ go tshwana le ka mokgo wene o yyeng wa tshepega ka gona.’+ 17 Byalo, wene Jehova Modimo wa Israyele, šupetsa gore tso o tshepisiyeng gore o nyoko di makela lelata lago Dafita ke nnete.
18 “Mara nje Modimo a ka dula le batho mo lefaseng?+ Phela magedimo le legedimo la magedimo a di go lekane;+ byalo ntlo yo ke yi yagiyeng gee!+ 19 Wene Jehova Modimo waka, theetsela thapelo ya lelata lago fote o kwe so nna lelata lago ke se kgopelang, ntheetsele mo ke go llela gore o n’gelepe, theetsela thapelo ya lelata lago la gore le rapela le le mahlong gago. 20 Nkare maahlo yago ma ka dula ma lebelele ntlo yowa bošego le motshegare, ma lebelele poleke ya gore o yitseri yi nyoko yemela lebitso lago,+ gore o thogo theetsela thapelo ya lelata lago ga yona. 21 Fote o theetsela dithapelo tsa lelata lago mo le go llela gore o le gelepe, o theetsele le batho ba Israyele mo ba go llela ba le ga poleke yowa,+ nkare o ka ba theetsela o le polekeng yago ya magedimong;+ eya, nkare o ka ba theetsela fote wa ba tshwarela.+
22 “Mo motho a ka sinyela wa gabo ke mokane ba maka gore a tshepise, fote a titlema go ya ka tso a di tshepisiyeng, mo a kene a sa tshepisiye ka mokgonone, a tla aletareng yago mo ntlong yowa,+ 23 nkare o ka mo theetsela o le magedimong, o make se sengwana fote o yahlule malata yago, o wolole ye wa pelo ye phifadu go ya ka tso a di makiyeng,+ o hlaye gore ye wa go loka aa na molato fote o mo rufe go ya ka dilo tsa gabutši tso a di makiyeng.+
24 “Mo batho bago ba Israyele ba hlula ke manaba ka taba la gore ke mo ba fo ya mahlong ba go sinyela,+ mara ba jika ba thanaka lebitso lago,+ ba rapela+ fote ba kgopela gore o ba kwele go baba mo ntlong yago,+ 25 nkare o ka ba theetsela o le magedimong,+ wa tshwarela batho bago ba Israyele ga tso ba di sinnyeng, ke mokane wa ba busetsa ga naga yo o ba neyyeng yona le bokokwane ba bona.+
26 “Mo magedimo ma ka kwalega, pula ya sa sa na+ ka taba la gore ne ba fo ya mahlong ba go sinyela,+ fote ba go rapela ga poleke yowa ba boya ba thanaka lebitso lago, ba boya ba sokologa ga tso ba di sinnyeng ka taba la gore o yye wa ba wolola,+ 27 nkare o ka ba theetsela o le ku magedimong wa boya wa tshwarela malata yago ya Israyele ga tso ma di sinnyeng, ka gore ke wene ye a nyoko ba tšhutisang dilo tsa gabutši tso di nyakang ba di make;+ fote o nyoko nisa pula+ nageng yago yo o yi neyyeng batho bago go le lefa.
28 “Mo go ka ba le tlala mo nageng+ kela bolwele,+ dimilane dya puna, dimilane dya jega,+ gwa ba le ditšiya tsa go tlala kela ditšiya tse dikgolo+ kela mo manaba ya bona ma ba hlasela ga mutši wo mongwana le wo mongwana wa poleke yone+ kela gwa makega selo se sengwana le se sengwana sa go sasamela kela gwa ba le bolwele bya go bolaya mone nageng,+ 29 motho ye mongwana le ye mongwana+ a rapela, motho ye mongwana le ye mongwana kela batho bago ka mokana ga bona ba Israyele ba kgopela gore ba ba kwele go baba+ (ka gore motho ye mongwana le ye mongwana o tšiba tso di mo kgahleletsang le tso di mo hlupang)+ mo ba yemisela matsogo ya bona ga ntlo yowa,+ 30 nkare wene o ka ba kwa o le magedimong, poleke yo o dulang ga yona,+ fote nkare o ka ba tshwarela;+ wa rufa motho ye mongwana le ye mongwana go ya ka tso a di makiyeng, ka taba la gore wene o tšiba sa ka pelong yage (ke wene o le ntoši o tšibang sa ka pelong ya motho),+ 31 gore ba go hlompe ba theetsele melawo yago matšatši ka moka ya mo ba sa phela ga naga yo o yi neyyeng bokokwane ba rune.
32 “Fote ga bo ba go tšwa ba sepela ba gore a ba tšwe ga batho bago ba Maisrayele, ba go tšwa dinageng tsa kgole mara ba tlile ka taba la lebitso lago la go makatsa+ le ka taba la matšhika yago ya magolo fote mo ba tla ba go rapela ga ntlo yowa,+ 33 nkare o ka ba theetsela o le magedimong, polekeng yo o dulang ga yona, wa maka dilo ka mokana ga tsona tso di kgopelang ke motho wa go tšwa a sepela, gore batho ka mokana ga bona ba ho lefaseng ba tšibe lebitso lago+ fote ba go hlompe, go tshwana le ka mokgo batho bago ba Israyele ba makang, fote nkare ba ka di tšiba gore lebitso lago le bitsiwa ga ntlo yowa ke yi yagiyeng.
34 “Mo batho bago ba ka ya ntweng gore ba ye lwa le manaba ya bona ka mokgo o ba butsiyeng,+ ke mokane ba go rapela+ ba lebelele mutši wo o wo hlawodiyeng le ntlo yowa ya gore ke yi yagele lebitso lago,+ 35 theetsela dithapelo tsa bona le tso ba di kgopelang gore o ba kwele go baba o le magedimong fote o ba yahlule gabutši.+
36 “Mo ba ka go sinyela (ka taba la gore a go na motho wa gore aa sinyi),+ ke mokane wene wa ba kwatela ka matla, wa ba lisetsa gore manaba ya bona ma ba hlasele ke mokane manaba ya bona ma maka gore go be mabhantiti fote ma ba yisa ga naga ya bona ya gore yi kgole kela yi thina,+ 37 ke mokane ba thomisa go nagana gabutši mo ba le ga naga yo ba ba yisiyeng gore go be mabhantiti, ba boyela gago ba kgopela gore o ba kwele go baba ga naga yo ba leng mabhantiti ga yona, ba re, ‘Re sinnye fote re makiye dilo tsa go sa loka.’+ 38 ke mokane ba boyela gago ka dipelo tsa bona ka moka+ le ka maphelo* ya bona ka moka ba kene ba le ga naga ya gore ba ba makiye gore go be mabhantiti ga yona,+ fote ba rapela ba lebelele naga yo o yi neyyeng bokokwane ba bona le mutši wa gore o wo hlawodiye+ le ntlo yo ke yi yageleng lebitso lago, 39 ba theetsele o le magedimong mo o dulang gona, o ba theetsele le mo ba go rapela le mo ba go kgopela gore o ba kwele go baba, o ba yahlule gabutši+ o boye o tshwarele batho bago ga tso ba di sinnyeng.
40 “Byalo, wene Modimo waka, nkare maahlo yago ma ka bulega fote ditsebe tsago dya theetsela dithapelo tsa gore ba di rapela ba le ga poleke yowa.+ 41 Fote wene Jehova Modimo, ariye ga poleke yago ya go khutsela ga yona,+ wene le Areka ya go šupetsa gore o na le matšhika. Maka gore maprista yago, ma šupetse gore o phonisa batho, wene Jehova Modimo, nkare batho bago ba go tshepega ba ka jabola ka taba la dilo tsa gabutši tso o ba rufang ka tsona.+ 42 Wene Jehova Modimo, o sa jikele ye wa gore o mo tlotsiye.+ O sa libale ka mokgo o yyeng wa šupetsa lelata lago Dafita gore o le nyaka ka matla.”+
7 Byalo, mo Solomoni a fetsa go rapela,+ gwa tla mollo wa go tšwa legedimong+ wa gagara sehlabelo sa go tšhubiwa le dihlabelo tse dingwana, go gadima ga Jehova gwa tlala ntlo yone.+ 2 Maprista ma šitegiye go kena ntlong ya Jehova ka taba la gore go gadima ga Jehova ke mo go tlele ka mone ntlong ya Jehova.+ 3 Fote batho ka mokana ga bona ba Israyele ke mo ba lebelele mo mollo wone wo thewoga fote go gadima ga Jehova ke mo go le mone ntlong, ba kgotama ba yinamisiye difahlego, ba leboga Jehova “ka gore o lukiye; fote o nyakanana tsa mannete go ya go yye.”
4 Byalo kgoši le batho ka mokana ga bona ba maka dihlabelo mahlong ga Jehova.+ 5 Kgoši Solomoni a maka sehlabelo ka 22 000 ya dikgomu le 120 000 ya dinku. Byalo kgoši le batho ka mokana ga bona ba neyela ntlo ya Modimo wa mannete.+ 6 Maprista ke mo ma yemme mo ma berekelang gona, go fo tshwana le Malifi ya gore ke mo ma na le tsa go teya dikoša tsa gore ne ba di berekisa mo ba yepelelela Jehova.+ (Kgoši Dafita o makiye dilo tsowa tsa go teya dikoša gore ba leboge Jehova ka tsona—“ka gore o nyakanana tsa mannete go ya go yye”—Dafita ke mo a di berekisa mo a thanaka Modimo a le nabo.*) Fote maprista ke mo ma teya diporompeta+ di rasa ma yemme mahlong ga bona, ka nako yonone Maisrayele ka mokana ga wona ke mo ma f’lo yema.
7 Ke mokane Solomoni a maka gore hala segare ga lapa la gore le mahlong ga ntlo ya Jehova go hlawolege, ka gore ke mo di nyaka a make dihlabelo tsa go tšhubiwa+ gana hone, a make le dihlabelo tsa go hlekediwa tsa go makiwa ka makgura ya diphoolwane, ka taba la gore aletare yo Solomoni a yi makiyeng ya koporo+ ya gore yi mahlong ga Modimo ne yi ka sa kgone go tshwara dihlabelo tsa go tšhubiwa, dihlabelo tsa mabele+ le dihlabelo tsa go makiwa ka makgura ya diphoolwane.+ 8 Ka nako yonone, Solomoni a maka monyanya wa gore wo fetsiye kašupa ya matšatši+ a na le Maisrayele ka mokana ga wona, le batho ba go tlala ba go tšwa Lebho-hamathe go segela Moyeding wa Egepita.+ 9 Mara ka letšatši la mabala ba maka monyanya wa go hlawolega,+ ka taba la gore ke mo ba makiye monyanya wa go neyela aletare wa gore wo tsere kašupa ya matšatši le Monyanya wa Mašayi wa gore le wona wo tsere kašupa ya matšatši. 10 Ke mokane ka di 23 tsa kgwedi ya kašupa, a re batho ba palakane ba boyele mitšing ya bona, ke mo ba jabodiye+ fote dipelo tsa bona di yitseri tswee ka taba la gore Jehova o šupetsiye Dafita, Solomoni le batho bage ba Israyele gore o lukiye.+
11 Byalo Solomoni a fetsa go yaga ntlo ya Jehova le ntlo ya kgoši;+ fote dilo ka mokana ga tsona tso Solomoni a polanneng go di maka ntlong ya Jehova le ntlong yage di phomelele.+ 12 Ke mokane Jehova a nyarela ga Solomoni+ bošego a re gage: “Ke kwile thapelo yago, ke hlawodiye poleke yowa gore go be yaka, fote go be ntlo ya go makela dihlabelo ga yona.+ 13 Mo ke kwala magedimo ke mokane pula yi sa sa na fote ke maka gore ditšiya di je dimilane tsa mone nageng, ke boya ke romela dilo tsa go sasamela ga batho baka, 14 fote batho baka ba gore ba bitsa ka lebitso laka+ ba tinyanafatsa,+ ba rapela, ba nyaka gore ke ba kwele go baba ba boya ba lisetsa go maka dilo tsa go befa,+ nna ke nyoko ba theetsela ke le ku magedimong, ka ba tshwarela ga tso ba di sinnyeng ka boya ka maka gore naga ya bona yi boyele sekeng.+ 15 Byalo maahlo yaka ma nyoko bulega fote ditsebe tsaka dya theetsela mo batho ba rapela ga poleke yowa.+ 16 Fote ke kgetiye ntlo yowa ka boya ka maka gore yi hlawolege gore lebitso laka le dule ga yona go ya go yye,+ fote maahlo yaka le pelo yaka di nyoko fo dula di le ga yona.+
17 “Fote mo wene o ka sepela ka tsela yo papago Dafita a sipidiyeng ka yona, wa maka dilo tsa go loka ka go maka se sengwana le se sengwana so ke se hlayang, le go theetsela melawo yaka le ka mokgo ke yahlulang,+ 18 go ya ka mokgo ke tshepisiyeng papago Dafita,+ ke nyoko maka gore mmušo wago wo tiye,+ ka re, ‘Ga leloko lago, go nyoko fo dula go na le motho wa go lawola Israyele.’+ 19 Mara mo o ka lisetsa go theetsela melawo yaka fote tso ke go botsang tsona wa di tseyela fase ke mokane wa rapela medimo ya dithombhe wa boya wa yi kgotamela,+ 20 ke nyoko raka Maisrayele ga naga yo ke ba neyyeng yona,+ fote ke nyoko ba raka ga ntlo yo ke yi hlawodiyeng ka taba la lebitso laka fote Israyele ba nyoko dula ba yi poyila, batho ka mokana ga bona ba nyoko yi kwera.+ 21 Fote mutši wowa wo nyoko šala wo le dindhundhuma tsa dithila. Ye mongwana le ye mongwana ye a fetang ka pata o nyoko wo lebelela a makele+ ke mokane a re, ‘Ke ntaba Jehova a makiye mutši wowa le ntlo yowa ka mokgo?’+ 22 Ke mokane ba nyoko re, ‘Nka taba la gore ba jikele Jehova+ Modimo wa bokokwane ba bona, wa gore o ba ntshiye nageng ya Egepita,+ ba kgotamela medimo ye mengwana ba yi thanaka ba boya ba yi berekela.+ Nka taba lo Modimo a ba leyeleng dilo tso tsa go baba ka mokana ga tsona.’”+
8 Mo Solomoni a fetsa go yaga ntlo ya Jehova le ntlo yage ka 20 ya mengwaga,+ 2 Solomoni o yi yagiye ka bonyuwane mitši yo a yi neyyeng ke Hirama+ fote Maisrayele ma dula ga yona. 3 Go tokegela gana hone, Solomoni a lwa le batho ba Hamathe-zobha ke mokane a ba hlula, a tseya naga ya bona. 4 Tadimore ya gore yi ku mašahleng a yi yaga ka bonyuwane a boya a yaga le dipoleke tsa go beya dilo ga tsona+ ka mokana ga tsona tsa gore ne a di yagiye ku Hamathe ka bonyuwane.+ 5 Fote Bhethe-horone ya ka Kgakala+ le Bhethe-horone ya ka Tlase+ a di yaga ka bonyuwane, mitši ya go ba le mapharo, digheyiti le ditshipi tsa go yi pasopa, 6 le Bhaalathe+ le mitši ka mokana ga yona ya gore Solomoni ne a beya dilo ga yona, le mitši yo a beyang dikotšikara ga yona,+ le mitši yo ne go dula banna ba go kalama dipera, a yaga le selo se sengwana le se sengwana so Solomoni ne a nabela gore se yagiwe Jerusalema, Lebhanoni le ga naga ka mokana ga yona yo ne a lawola ga yona.
7 Mara batho ka mokana ga bona ba gore ba šele, Mahethe, Maamore, Maperezi, Mahivi le Majebuse+ ba gore ke mo go se Maisrayele,+ 8 batlogolo ba bona ba gore ne ba šele ga poleke yowa+—ba gore Maisrayele ne ba sa fetsa ka bona—Solomoni a ba gapeletsa gore ba bereke go le mabhantiti go segela le lekgono lo.+ 9 Mara Solomoni aa maka gore le Leisrayele ka lloši go be lebhantiti+ ka taba la gore bona ne go le masole, dindhuna tsa masole le ba go lawola bo ba go kalama dipera le dikotšikara.+ 10 Ke mo go na le 250 ya dindhuna tsa Kgoši Solomoni tsa gore ne di wokamela batho bo ne ba bereka.+
11 Solomoni a leya morwediya wa Faro+ a tšwa Mutšing wa Dafita gore a tle ga ntlo yo a mo yageleng yona,+ ka taba la gore o yitseri: “Le mo go ka ba go le mosadi waka, a di nyake a dula ga ntlo ya Kgoši Dafita wa Israyele, ka taba la gore dipoleke tsa gore Areka ya Jehova yi ga tsona di hlawolegiye.”+
12 Byalo Solomoni a makela Jehova dihlabelo tsa go tšhubiwa+ hala aletareng ya Jehova+ ya gore o yi yagiye mahlong ga tempele.+ 13 O makiye dilo ka mokgo ne ba maka ka gona letšatši le lengwana le le lengwana, fote a maka dihlabelo ka mokgo Moše a hlayyeng mo ba maka monyanya wa Sabatha,+ monyanya wa ngwedi wa nyuwane+ le menyanya yo ne ba yi maka ga kararo ka mongwaga+—ya gore ke Monyanya wa Sekgwa sa go se na Dikomelo,+ Monyanya wa Mabeke+ le Monyanya wa Mašayi.+ 14 Go tokegela gana hone, a yahluganya maprista go ya ka mebereko ya wona+ go ya ka molawo wa papage Dafita, fote ne di nyaka Malifi ma thanake Modimo+ letšatši le lengwana le le lengwana le go bereka mahlong ga maprista ka mokgo ne ba maka ka gona letšatši le lengwana le le lengwana le megoba ya go bereka digheyiting tsa mehlobohlobo,+ dilo tso a di makiyeng ka mokana ga tsona o di butsiye ke Dafita wa gore ke lelata la Modimo wa mannete. 15 Maprista le Malifi ba makiye tso kgoši yi ba butsiyeng tsona ga selo se sengwana le se sengwana kela ga dilo tsa gore di sipidisana le dintlo tsa go beya dilo ga tsona. 16 Byalo Solomoni ke mo a lukisiye mmereko wage gabutši ka letheto, go tlugisela ka letšatši lo ba thomisiyeng go yaga fandhiši ya ntlo ya Jehova+ go segela ka nako yo ba fetsiyeng ntlo yone. Byalo ba napa ba fetsiye go yaga ntlo ya Jehova.+
17 Nka nako yonone ga gore Solomoni o yye Eziyoni-ghebhere+ le Elothe+ tsa gore di lerophong la lewatle la gore le nageng ya Edomo.+ 18 Hirama+ a mo romela dikepe le banna ba go tšiba tso tsa lewatleng ba yetiye mahlong ke malata yage. Ba sepela le dibereki tsa Solomoni ba ya Ofiri,+ ba segela ba tseya 450 ya ditalente* tsa gholdi+ ke mokane ba di leya ga Kgoši Solomoni.+
9 Byalo, kgoši ya mosadi ya Šebha+ ya kwelela ka tso Solomoni a di makiyeng, ya tla Jerusalema ya mmutsisa diputsiso tsa go thathafa. Yi tlile le dibereki tsa yona tsa go tlala ka matla, le dikamela di na le makgura ya bhalesamo, le gholdi ya go tlala+ le matlapa ya mangwana ya go tura. Kgoši yone ya ya ga Solomoni ya bolabola naye ka dilo ka mokana ga tsona tso ne di le ka pelong ya yona.+ 2 Ke mokane Solomoni a fetola diputsiso tsage ka mokana ga tsona. A go na selo sa gore ke mo se thathafa gore Solomoni a mo hlatollele sona.
3 Mo kgoši ya mosadi ya Šebha yi šele yi bonne ka mokgo Solomoni a hlalefiyeng ka gona,+ ntlo yo a yi yagiyeng,+ 4 tsa go ja tsage tsa tafoleng+ ya mo a jelang gona, ka mokgo malata yage ma dulang ka gona tafoleng yone, ka mokgo bo ba leyang tsa go ja ba makang dilo ka gona le ka mokgo ba yaparang, bo ba go mo tšhelela tsa go nwa le ka mokgo ba yaparang, yi bona le dihlabelo tsa go tšhubiwa tso Solomoni a di makang thina le thina ka ntlong ya Jehova,+ ya šala yi makele ka matla. 5 Ke mokane kgoši ya mosadi ya re ga kgoši: “Dilo tso ke di kwileng nageng yaka, ka tso o di segeleleng le gore o hlalefiye ne go le nnete. 6 Mara dilo tso ba mputsiyeng tsona ka mokana ga tsona a ke ya di tshepa go segela nna mong ke tla ke di bona.+ Ye naa! Phela tso ba mputsiyeng tsona ke mong tse dinyana.+ Ka mokgo o hlalefiyeng ka gona le dilo tso o nang natso, di di phala kgole tso ke di kweleleng.+ 7 Go jabola batho bago le malata yago ya gore ma dula ma le nago ma theetsele tso o di bolabolang tsa go šupetsa gore o hlalefiye! 8 Nkare go ka thanakiwa Jehova Modimo wago, yene wa gore o go yamogele, a go beya setulong sage sa go lawola gore o be kgoši sekaleng sa Jehova Modimo wago. Ka taba la gore Modimo wago o nyaka Maisrayele ka matla,+ fote o nyaka gore ma be gona go ya go yye, o beyye wene gore o be kgoši gore o thogo yahlula gabutši le gore o lawole gabutši.”
9 Ke mokane kgoši yowa ya mosadi ya neya kgoši 120 ya ditalente* tsa gholdi+ le makgura ya go tlala ya bhalesamo le matlapa ya mangwana ya go tura. A go na kgoši yo yi yyeng ya tlisa makgura ya go tlala ya bhalesamo go tshwana le makgura ya gore kgoši ya mosadi ya Šebha yi ma neyyeng Kgoši Solomoni.+
10 Go tokegela gana hone, malata ya Hirama le malata ya Solomoni ya gore ke mo ma rwele gholdi ya go tšwa Ofiri,+ ke mo ma rwele le dikwata tsa mohlare wa aleghamo le matlapa ya go tura.+ 11 Kgoši yi tsere dikwata tsa aleghamo ya thegeletsa ntlo ya Jehova+ ka tsona ya thegeletsa le ntlo ya yona beng,+ ya boya ya maka le diharepa le sa go kgana dikoša sa go ba le motato yi makela bo ba go yepelela.+ Dilo tsa mošaga wone ke mo ba thoma go di bona nageng ya Juda.
12 Kgoši Solomoni le yene o neyye kgoši ya mosadi ya Šebha se sengwana le se sengwana so yi se nabelang le so yi se kgopeleng, o mo neyye tsa go phala tso yene a di leyyeng. Mo a fetsa a boyela nageng yage le malata yage.+
13 Fote gholdi yo Solomoni a yi krayyeng ka mongwaga ka wwoši ne yi kala 666 ya ditalente tsa gholdi,+ 14 mo re sa bale tso di tlileng le bo ba go tšwa ba sepela, bo ba dibhizinisi, magoši ka mokana ga wona ya Arabhiya le dindhuna tsa mone nageng ba gore ne ba leya gholdi le silva ga Solomoni.+
15 Kgoši Solomoni o makiye 200 ya magawu ya magolo ya gore ba ma makiye ka gholdi+ (o berekisiye gana hala ga kašupa ya dikhiloghremo* tsa gholdi ga legawu le lengwana le le lengwana)+ 16 fote o makiye 300 ya magawu ya manyana ya gore ba ma makiye ka gholdi le tshipi ye nngwana (o berekisiye gana hala ga dikhiloghremo* ka dipedi tsa gholdi ga legawu le lengwana le le lengwana le lenyana). Ke mokane kgoši ya ma beya ntlong ya yona yo ba reng ke Mašahla ya Lebhanoni.+
17 Fote kgoši ya maka setulo sa go lawola ka manaka ya tlowu kela ya diphoolwane tse dingwana ke mokane ya se kgakgapa ka gholdi ya gore ke mong yona.+ 18 Ne go na le kobodi ya ditepisi tsa go ya mone setulong, fote ke mo go na le selo sa go beya mawoto sa gholdi sa gore ne se gahlanne le setulo sone, setulo sone ne se na le ga go beya matsogo ka ho le ka ho, fote mo ga go beya matsogo ke mo go na le dithombhe tsa ditawu+ ka dipedi ka ho le ka ho. 19 Ke mo go na le 12 ya ditawu+ di fodiye layini mone ga kobodi ya ditepisi, ga setepisi se sengwana le se sengwana ke mo go na le ditawu ka dipedi ka ho le ka ho. A go na mmušo wa gore wo yye wa maka selo sa go tshwana le sowa. 20 Dilo ka mokana ga tsona tso kgoši Solomoni ne a nwela ga tsona ne di makiwwe ka gholdi, le dilo tse dingwana ka moka tsa Ntlo ya Mašahla ya Lebhanoni ne di makiwwe ka gholdi ya gore ke mong yona. Ke mo go se na selo sa go makiwa ka silva, ka taba la gore silva ke mo ba sa yi tseyele gedimo ka dinako tsa Solomoni.+ 21 Dikepe tsa kgoši ke mo di ya Tharašiši+ le malata ya Hirama.+ Ga teya mo go fela kararo ya mengwaga dikepe tsa go tlala tsa Tharašiši ne di tla di rwele gholdi, silva, manaka ya ditlowu kela ya diphoolwane tse dingwana,+ di rwele le ditšhwena le diphikoko.
22 Byalo, kgoši Solomoni ne a ghannye fote a hlalefiye go phala magoši ya lefaseng ka mokana ga lona.+ 23 Byalo, magoši ya lefaseng ka mokana ga lona ne ma nyaka go tla ma tl’le bona Solomoni gore ma thogo kwa mantsu yage ya go šupetsa gore o hlalefisiye ke Modimo wa mannete.+ 24 Mongwaga wo mongwana le wo mongwana, ye mongwana le ye mongwana ne a tla a tshwere se sengwana gore a tle a se neye kgoši—ne ba tla le dilo tsa silva, dilo tsa gholdi, dikobo,+ dikobo tsa ntwa, makgura ya bhalesamo, dipera le dimeyila. 25 Fote Solomoni ke mo a na le 4 000 ya mašaka ya dipera tsa gore ke mo di goga dikotšikara tsage le 12 000 ya dipera,*+ ne a di beya ga mitši yo ne a beya dikotšikara fote a di beya thina le mo a dulang gona Jerusalema.+ 26 Fote ke mo a lawola magoši ka mokana ga wona go tlugisela Nookeng* go segela polekeng ya Mafilisita le go segela mo go kgerang Egepita.+ 27 Kgoši yi makiye gore ku Jerusalema go be le silva ya go tlala go tshwana le matlapa, fote a maka le gore dikwata tsa mohlare wa mosidara di tlale go tshwana le mehlare ya mago ya hlaga ya ku Šefela.+ 28 Dipera tsa Solomoni ke mo ba di tlisa di tšwa Egepita+ le ga dinaga tse dingwana ka mokana ga tsona.
29 Byalo moporofeta Nathane+ o ngwadiye dilo ka mokana ga tsona tso di makegeleng Solomoni,+ go tlugisela mathomisong go ya mafelelong, o di ngwadiye ga seporofeto sa Ahija+ wa Lešilo le ga tso di ngwadiwweng tsa Idho+ wa go porofeta wa gore o yye a ba le mmono ka Jerobhowamo+ morwayi wa Nebhathe? 30 Byalo Solomoni o fetsiye 40 ya mengwaga a lawola Israyele ka mokana ga yona ku Jerusalema. 31 Ke mokane Solomoni ba mmoloka le bokokwane bage Mutšing wa Dafita papage;+ ke mokane morwayi wage Rehobhowamo a ba kgoši sekgaleng sage.+
10 Rehobhowamo o yye Šikeme+ ka gore Israyele ka mokana ga yona yi yye Šikeme gore yi thogo maka gore go be kgoši.+ 2 Mo Jerobhowamo+ morwayi wa Nebhathe a di kwelela (ka nako ya gona ke mo a le Egepita ka taba la gore ke mo a tšhaba Kgoši Solomoni),+ Jerobhowamo a boya a tšwa Egepita. 3 Ba roma batho gore ba ye ba mmitse, fote Jerobhowamo le batho ba Israyele ka mokana ga bona ba tla ga Rehobhowamo ba re gage: 4 “Papago ne a re thathafisela dilo.+ Mara mo wene o ka tšhentšha ka mokgo papago ne a maka dilo fote wa maka gore lejoko lo a re rwesiyeng lona le sa robe, re nyoko go berekela.”
5 Mo ba reyane, a re ga bona: “Sepelaneng mara le boyeneng ka nthago ga kararo ya matšatši.” Byalo batho ba sepela.+ 6 Ke mokane kgoši Rehobhowamo a butsisa banna ba bagolo ba gore ne ba berekela papage Solomoni nakwela a sa phela, a re: “Lune le nagana gore batho bowa nka ba fetola byang?” 7 Bona ba re gage: “Mo batho bowa o ka ba tshwara gabutši, wa maka tso ba go kgopelang tsona fote wa ba fetola gabutši, ba nyoko ba malata yago go ya go yye.”
8 Mara aa theetsela ka mokgo banna ba bagolo ba mo yeletsiyeng ka gona, o butsisiye masogana ya a gudiyeng nawo ya gore ke mo go le malata yage.+ 9 A ba butsisa a re: “Lune le bona nkare re ka ba fetola byang batho bowa ba gore ba re, ‘Maka gore lejoko lo papago a re rwesiyeng lona le sa robe?” 10 Masogana ya a gudiyeng nawo ma mo fetola ma re: “Botsa batho bowa ba gore ba re, ‘Papago ne a re thathafisela dilo, mara wene maka gore lejoko la rune le sa robe; wene o ba botse o re, ‘Nna ke nyoko le thathafisela lephelo go phala papa.* 11 Papa o le thathafisele dilo mara nna ke nyoko maka tsa go phala tsone. Papa ke mo a le wolola ka sebepu mara nna ke nyoko le wolola ka sebepu sa go ba le dilo tsa go hlaba.’”
12 Jerobhowamo le batho ka mokana ga bona ba yye ga Rehobhowamo ka letšatši la kararo, ba makiye ka mokgo kgoši yi hlayyeng mo yi re: “Le boye ka letšatši la kararo.”+ 13 Mara kgoši yi ba kgwasolannye mo yi ba fetola. Fote Kgoši Rehobhowamo aa theetsela tso banna ba bagolo ba mo yeletsiyeng ka tsona. 14 O ba fetodiye ka mantsu ya a ma butsiyeng ke masogana yala, a re: “Papa o le thathafisele dilo, mara nna ke nyoko maka tsa go phala tsone. Papa ke mo a le wolola ka sebepu, mara nna ke nyoko le wolola ka sebepu sa go ba le dilo tsa go hlaba.” 15 Byalo kgoši a ya theetsela batho ka taba la gore tsowa ke mo di makiye ke Modimo wa mannete,+ gore go makege tso Jehova a di bolabodiyeng a berekisa Ahija+ wa go tšwa Šilo a botsa Jerobhowamo morwayi wa Nebhathe.
16 Mo Maisrayele ka mokana ga wona ma di bona tsa gore kgoši yi gana go ma theetsela, ma re gage: “A go na so se re gahlanisang le Dafita. A re na lefa ga morwayi wa Jese. Boyela ga medimo yago wene Israyele! Byalo, lune ditlogolwane tsa Dafita tipasopeneng.”+ Mo ma reyane, Maisrayele ma boyela mitšing ya wona.+
17 Mara Rehobhowamo o yye mahlong a lawola Maisrayele ya gore ke mo ma dula mitšing ya Juda.+
18 Ke mokane Kgoši Rehobhowamo a romela Hadorama+ wa gore ke mo a lawola batho ba gore ba ba gapeletsiye go bereka, mara batho ba Israyele ba bolaya Hadorama ka matlapa. Kgoši Rehobhowamo yene o kgonne go kalama sekotšikara sage a tšhabela Jerusalema.+ 19 Fote Maisrayele ma jikele ba mutši wa Dafita go segela le lekgono lowa.
11 Mo Rehobhowamo a segela Jerusalema, a napa a kgobaketsa ba mutši wa Juda le wa Bhenjamini,+ mo ba felele ke mo go le 180 000 ya masole ya gore ba ma hlawodiye gore ma lwe le ba mutši wa Israyele gore Rehobhowamo go be kgoši fote.+ 2 Ke mokane lentsu la Jehova la tlela Šemaya+ wa gore ne go le lelata la Modimo wa mannete, la re: 3 “Botsa Rehobhowamo morwayi wa Solomoni wa gore ke kgoši ya Juda le batho ka mokana ga bona ba Israyele ku Juda le Bhenjamini gore, 4 ‘Tsowa ke tso Jehova a di hlayang: “Le sa yi le ye lwa le bobhuti ba lune. Ye mongwana le ye mongwana a boyele gaye gage ka taba la gore ke lisetsiye dilo tsowa ka mokana ga tsona gore di makege.”’”+ Ba theetsela lentsu la Jehova, ba sologa ke mokane ba sa lwe le Jerobhowamo.
5 Rehobhowamo ne a dula Jerusalema fote ne a yaga mitši ya gore yi pasopegiye ku Juda. 6 Byalo a maka goore mitši yowa yi pasopege: Bhetlelehema,+ Etamo, Tekowa,+ 7 Bhethe-zuri, Soko,+ Adulama,+ 8 Ghathe,+ Mareša, Zifi,+ 9 Adorayimi, Lakhiši,+ Azekha,+ 10 Zora, Ayijalone+ le Hebhrone,+ mitši ya gore yi pasopegiye ya gore ke mo yi le Juda le Bhenjamini. 11 Go tokegela gana hone, ke mo a pasopa dipoleke tsone tsa gore di pasopegiye, a boya a beya ba go lawola a ba neya tsa go ja, makgura le wayini, 12 a neya mitši ka mokana ga yona ya mehlobohlobo magawu ya magolo le marumo; a maka gore mitši yone yi pasopege ka matla. Fote Juda le Bhenjamini gwa dula go le tsage.
13 Maprista le Malifi ba gore ke mo ba le mone Israyele ka mokana ga yona ba yema naye, ke mo ba tšwa ga dipoleke ka mokana ga tsona tso ba dulang ga tsona. 14 Malifi ma šiya dipoleke tsa wona tsa go disela diphoolwane ga tsona le lefa la wona,+ ma tla Juda le Jerusalema ka taba la gore Jerobhowamo le barwayi bage ke mo ba ba rakiye gore ba sa sa berekela Jehova go le maprista.+ 15 Ke mokane Jerobhowamo a tikgetela maprista gore ma bereke ga dipoleke tsa kgakala+ fote ma berekele madimona ya go tshwana le dipudi+ le dinamane tsa gore o di makiye.+ 16 Fote batho ka mokana ga bona ba maloko ya Israyele ba gore ke mo ba nyaka Jehova Modimo wa Israyele ka dipelo tsa bona ka moka, ba ba šala nthago mo ba ya Jerusalema gore ba ye makela Jehova Modimo wa bokokwane ba bona sehlabelo.+ 17 Go fediye kararo ya mengwaga ba kene ba maka gore mmušo wa Juda wo tiyelele fote ba yema le Rehobhowamo morwayi wa Solomoni, ka gore ba tsere kararo ya mengwaga ba rapela Modimo go tshwana le Dafita le Solomoni.
18 Ke mokane Rehobhowamo a tseya Mahalathe morwediya wa Jerimothe wa gore ke morwayi wa Dafita gore go be mosadi wage. Abhiheyili mmane wa Mahalathe, wa gore ke morwediya wa Eliyabho+ morwayi wa Jese ke mo go le mosadi wa Jerimothe. 19 Mo nako yi kene yi ya a mmelegela barwayi: Jewuše, Šemaraya le Zahama. 20 Ka nthago, a šadha le Mayakha wa gore ke motlogolo wa Abhsalomo.+ Mo nako yi ya a mmelegela Abhija,+ Athayi, Ziza le Šelomithi. 21 Rehobhowamo ke mo a mo nyaka ka matla ga Mayakha wa gore ke motlogolo wa Abhsalomo go phala basadi bage ba bangwana ka mokana ga bona le batlabo bage,+ ka gore ke mo a na le 18 ya basadi le 60 ya batlabo fote a ba le 28 ya barwayi le 60 ya barwediya. 22 Byalo, Rehobhowamo a hlawola Abhija morwayi wa Mayakha gore a yete bobhuti bage mahlong, ka taba la gore ne a nyaka gore a be kgoši. 23 Mara o šupetsiye gore o hlalefiye, a romela barwayi bage ga dipoleke ka mokana ga tsona tsa Juda, Bhenjamini le ga mitši ka mokana ga yona ya gore yi pasopegiye+ a boya a ba neya tsa go ja tsa go tlala, a ba nyakela le basadi ba go tlala.
12 Ka nthago ga mo mmušo wa Rehobhowamo wo tiyelele+ fote le yene a na le matšhika, a lisetsa go theetsela molawo wa Jehova,+ fote Israyele ka mokana ga yona ya mo šala nthago. 2 Ka mongwaga wa kapheta wa mo go lawola Kgoši Rehobhowamo, Kgoši Šišake+ wa Egepita a hlasela Jerusalema ka taba la gore ke mo ba sa sa tshepega ga Jehova. 3 Ke mo a na le 1 200 ya dikotšikara, 60 000 ya banna ba go kalama dipera le masole ya gore motho a ka sa kgone go ma balela, ya gore ke mo ma tšwa naye ku Egepita—Malibhiya, Masukhimi le Maitopiya.+ 4 O hludiye mitši ya Juda ya gore yi pasopegiye ke mokane a segela Jerusalema.
5 Šemaya+ wa gore ke moporofeta o yye ga Rehobhowamo le dindhuna tsa Juda ba gore ke mo ba gahlanne ku Jerusalema ka taba la Šišake, ke mokane a re ga bona: “Tsowa ke tso Jehova a di hlayang, ‘Le njikele, byalo le nna ke le lisetsiye+ gore Šišake a le hlasele.’” 6 Mo a reyane, dindhuna tsa Israyele le kgoši ba tinyanafatsa+ ba re: “Jehova o lukiye.” 7 Mo Jehova a di bona gore baa tinyanafatsa, lentsu la Jehova la tlela Šemaya la re: “Batho bowa ba tinyanafatsiye. Nka sa sa fetsa ka bona,+ fote go se botala ke nyoko ba phonisa. Nka sa ba kwatele, nka sa lisetsi Šišake a fetsa ka Jerusalema. 8 Mara go nyoko ba malata yage, gore ba thogo di tšiba gore go mperekela le go berekela magoši ya dinaga tse dingwana a di tshwane.”
9 Byalo Kgoši Šišake wa Egepita a tla a nyaka go hlasela Jerusalema. O tsere dilo tsa go tseyediwa gedimo tsa gore di ntlong ya Jehova+ le dilo tsa go tseyediwa gedimo tsa gore di ntlong ya kgoši. O tsere dilo ka mokana ga tsona, a tseya le magawu ya gholdi ya gore ma makiye ke Solomoni.+ 10 Byalo, Kgoši Rehobhowamo a maka magawu ya koporo sekgaleng sa yala, a ma neya dindhuna tsa bomatšinghelane ba gore ke mo ba pasopa monyako wa ntlo ya kgoši. 11 Nakwenngwana le ye nngwana mo kgoši yi ya ntlong ya Jehova, bomatšinghelane bowa ke mo ba ya naye ba tshwere magawu yawa, mo ba fetsa ne ba ma busetsa mo ma dulang. 12 Jehova a sa sa kwatela kgoši ka taba la gore yi tinyanafatsiye,+ fote a sa fetsi ka bona.+ Go tokegela gana hone, ke mo go na le batho ba bangwana ba gore ke mo ba maka dilo tsa gabutši hone Juda.+
13 Kgoši Rehobhowamo o makiye gore mmušo wage ku Jerusalema wo tiyelele fote a ya mahlong a lawola; Rehobhowamo ke mo a na le 41 ya mengwaga mo a ba kgoši, fote o fetsiye 17 ya mengwaga a lawola ku Jerusalema, mutši wa gore Jehova o wo hlawodiye ga maloko ka mokana ga wona ya Israyele gore lebitso lage le be gana hone. Lebitso la mmane wa kgoši ke mo go le Nayama wa gore ke Leamoni.+ 14 Mara Rehobhowamo o makiye dilo tsa go befa, ka taba la gore ne a sa fetsa le pelo yage gore o nyaka go yetetsa ke Jehova.+
15 Anthe dilo ka mokana ga tsona tso di makegeleng Rehobhowamo, go tlugisela mathomisong go segela mafelelong, a dya ngwadiwa mo ba ngwalang ditaba tsa mašika, di ngwala ke Šemaya+ wa gore ke moporofeta le Idho+ wa gore o bona mmono? Fote Rehobhowamo le Jerobhowamo ke mo ba fo dulela go lwa.+ 16 Ke mokane Rehobhowamo ba mmoloka le bokokwane bage Mutšing wa Dafita;+ fote morwayi wage Abhija+ a ba kgoši sekgaleng sage.
13 Ka mongwaga wa bo 18 wa mo go lawola Kgoši Jerobhowamo, Abhija gwa ba kgoši ya Juda.+ 2 O fetsiye kararo ya mengwaga a lawola Jerusalema. Lebitso la mmane wage ke mo go le Mikhaya+ morwediya wa Uriyele wa go tšwa Ghibheya.+ Fote Abhija le Jerobhowamo ke mo ba dula ba lwa.+
3 Byalo, Abhija o yye ntweng a na le 400 000 ya masole ya go ba le matšhika ya gore ke digele.+ Ke mokane Jerobhowamo a tilukiselela go lwa naye a na le 800 000 ya masole ya go ba le matšhika ya gore ke digele. 4 Abhija a yema gedimo ga Thaba ya Zemarayimi ya gore yi polekeng ya dithaba tsa Eforayimi ke mokane a re: “Ntheetsele wene Jerobhowamo le lune Maisrayele ka mokana ga lune. 5 Anthe a le di tšibi tsa gore Jehova Modimo wa Israyele o makiye gore Dafita le barwayi bage+ ba lawole Israyele go ya go yye,+ a berekisa kwano ya go ya go yye?*+ 6 Mara Jerobhowamo+ morwayi wa Nebhathe wa gore ke mo go le lelata la Solomoni morwayi wa Dafita, a jikela morena wage.+ 7 Fote banna ba go tshwata ba gore go fo ba batho ne ba fo dula ba tla gage. Ne ba na le matšhika ya go phala ya Rehobhowamo morwayi wa Solomoni, nakwela Rehobhowamo go sa le ye monyana, go le leghwala fote a sa kgone go tikemela.
8 “Byalo o nagana gore o ka kgona go lwa le mmušo wa Jehova wa gore wo matsogong ya barwayi ba Dafita, ka taba la gore ke wene mogoba wo mogolo fote o na le dinamane tsa gholdi tsa gore Jerobhowamo o go makele tsona gore go be medimo yago.+ 9 Anthe a wa raka maprista ya Jehova+ ya gore ke ditlogolwane tsa Aroni le Malifi, ke mokane wa tikgetela maprista go fo tshwana le batho ba dinaga tse dingwana?+ Ye mongwana le ye mongwana wa gore ne a tla le senamane le kašupa ya dinku tsa phoolo ke mo a ka ba moprista wa medimo ya go sa re selo. 10 Mara rune Jehova ke Modimo wa rune,+ fote a re ya mo jikela; maprista ya rune ya gore ke ditlogolwane tsa Aroni ma berekela Jehova, fote Malifi ma ba gelepa ga mmereko wone. 11 Ba tupisa muši wa dihlabelo tsa go tšhubiwa ba makela Jehova ka bošego byo bongwana le byo bongwana le ka malobana ya mangwana le ya mangwana+ ba kene ba tšhuba le tsa go nkgela,+ fote ba beya sekgwa sa go hlawolega+ gedimo ga tafola ya gore ba yi makiye ka gholdi ya gore ke mong yona, fote ba tšhuba setšhubampara sa gholdi+ le malampa ya sona ka malobana ya mangwana le ya mangwana,+ ka taba la gore rune re makela Jehova Modimo wa rune tso re tshwaneleng go di maka, mara lune le mo jikele. 12 Byalo bonaneng! Modimo wa mannete o na le rune, o re yetiye mahlong a na le maprista yage fote ke mo ma teya diporompeta go šupetsa gore ma ya ntweng. Barena lune banna ba Israyele, le sa lwe le Jehova Modimo wa bokokwane ba lune ka taba la gore le ka sa ro mo hlula.”+
13 Mara Jerobhowamo a roma masole gore ma ba ramele ma le ka nthago ga bona gore mo bona ba le mahlong ga Juda, masole yala ya mangwana ma be ka nthago. 14 Mo banna ba Juda ba sokologa, ba di bona gore ba ba hlasela ka mahlong le ka nthago. Byalo ba thomisa go llela Jehova,+ hala maprista ma teya diporompeta ma rasa. 15 Byalo banna ba Juda ba yahlamela go šupetsa gore ba ntweng, ke mokane mo banna ba Juda ba yahlamela go šupetsa gore ba ntweng, Modimo wa mannete a hlula Jerobhowamo le Maisrayele ka mokana ga wona mahlong ga Abhija le Juda. 16 Byalo Maisrayele ma tšhaba mahlong ga Juda, ke mokane Modimo a maka gore ba ma hlule. 17 Abhija le masole yage ba bolaya batho ba go tlala, gwa kgwa 500 000 ya banna ba Israyele ba gore ba ba tšhutisiye go lwa. 18 Byalo tso di makegeleng banna ba Israyele di ba wolodiye ka nako yonone, mara banna ba Juda ke mo ba na le matšhika go ba phala ka taba la gore ke mo ba tshepele ga Jehova Modimo wa bokokwane ba bona.+ 19 Abhija o yye mahlong a lelekisa Jerobhowamo ke mokane a tseya mitši yage, a tseya Bhethele+ le dimitšane tsa yona tsa go yi dukulugela, a tseya Ješana le dimitšane tsa yona tsa go yi dukulugela le Eforayini+ le dimitšane tsa yona tsa go yi dukulugela. 20 Ka dinako tsa mo go lawola Abhija, Jerobhowamo ke mo a sa sa na matšhika ya ke mo a le nawo mathomisong; byalo Jehova a mmolaya.+
21 Mara Abhija o yye mahlong a tiyelela. Mo nako yi kene yi ya a tseya 14 ya basadi,+ ke mokane a ba le 22 ya barwayi le 16 ya barwediya. 22 Byalo dilo ka mokana ga tsona tso di makegeleng Abhija, le tso a di makiyeng le mantsu yage, di ngwadiye ke Idho wa gore ke moporofeta.+
14 Ke mokane Abhija ba mmoloka le bokokwane bage, fote ba mmolokele Mutšing wa Dafita;+ morwayi wage Asa a ba kgoši sekgaleng sage. Mo a thomisa go lawola, go fediye lesome la mengwaga go kene go bebiye mone nageng.
2 Asa o makiye dilo tsa gabutši tsa gore fote di lukiye le mahlong ga Jehova Modimo wage. 3 O tlusiye dialetare+ tsa medimo ye mengwana le dipoleke tsa kgakala,+ a pshyayanya dikholomo tsa go hlawolega fote a kupanya le diphate tsa go hlawolega.*+ 4 Go tokegela hone, o butsiye Juda gore yi rapele Jehova Modimo wa bokokwane ba bona, fote yi theetsele Molawo le tso Modimo a yi botsang tsona. 5 Byalo a tlosa dipoleke tsa kgakala mitšing ka mokana ga yona ya Juda, a tlosa le dialetare tsa go tšhubela dilo tsa go nkgela,+ fote mo go lawola yene ke mo go dula go bebiye. 6 O yagiye mitši ya gore yi pasopegiye ku Juda+ ka gore hone nageng ke mo go bebiye fote go se na dintwa ka mengwaga yone, ka gore Jehova o makiye gore a khutse.+ 7 A re ga Juda: “Tla re yageneng mitši yowa, re yi yagelele ka mapharo, diwokamelo,+ digheyiti le mabalelo. Naga yowa go sa le ya rune ka taba la gore re yye ra nyaka Jehova Modimo wa rune. Re mo nyakele, fote yene a maka gore re dule re bebiye nageng ka moka.” Byalo ba phomelela ga mmereko wa bona wa go yaga.+
8 Asa ke mo a na le 300 000 ya banna ba go tšwa Juda ba gore ke mo ba na le magawu ya magolo le marumo. Fote ne a na le 280 000 ya masole ya go ba le matšhika ya go tšwa ga leloko la Bhenjamini ya gore ke mo ma tshwere magawu ya manyana le mesefo.+
9 Ka nthago, Zera wa Leitopiya a tla ga bona a na le 1 000 000 ya masole le 300 ya dikotšikara.+ Mo a segela Mareša,+ 10 Asa a mo hlasela ke mokane ba lwa ku Moyeding wa Zefatha ku Mareša. 11 Ke mokane Asa a llela Jehova Modimo wage+ a re: “Wene Jehova, mo o gelepa batho a o yi ka gore ba tlele kela ba na le matšhika.+ Re gelepe barena Jehova Modimo wa rune, ka taba la gore re tisamele ka wene+ fote re lwa le mogoba wowa ka lebitso lago.+ Wene Jehova, ke wene Modimo wa rune. O sa lisetsi motho a go hlula.”+
12 Byalo Jehova a hlula Maitopiya mahlong ga Asa le mahlong ga Juda, ke mokane Maitopiya ma tšhaba.+ 13 Asa le batho bo ne a le nabo ba ba lelekisa go segela Gherare,+ fote Maitopiya ke mo ma fo ba ma kene ma kgwa gwa šinya go sa sa šala motho, ka taba la gore ma bolayye ke Jehova le masole yage. Ka nthago ga mone, banna ba Juda ba tseya dilo tsa bona tsa go tlala. 14 Go tokegela gana hone, ba hlasela mitši ka mokana ga yona ya go dukulugela Gherare ka taba la gore Jehova o makiye gore ba hlagasele; masole ya Juda ma kena mone mitšing ka mokana ga yona ma tseya dilo tsa bona ka taba la gore ke mo go na le dilo tsa go tlala ka matla. 15 Byalo ba boya ba hlasela le matente ya bo ba gore ba na le merape, fote ba tseya merape le dikamela tsa go tlala, ka nthago ba boyela Jerusalema.
15 Byalo, moya wa Modimo wa tlela Azariya morwayi wa Oded. 2 Byalo a tšwa gore a ye gahlana le Asa, a segela a re gage: “Barena wene Asa, le Juda ka mokana ga yona le Bhenjamini ke kgopela le ntheetseleneng! Jehova o na le lune solanka lune le sepela naye;+ fote mo le ka mo nyakela o nyoko maka gore le mo kraye,+ mara mo le ka mo jikela le yene o nyoko le jikela.+ 3 Israyele yi duli nako ya go lefa yi sa berekele Modimo wa mannete, yi sa tšhutisi ke moprista fote yi sa theetsele molawo.+ 4 Mara mo ba wela ke dilo tsa go sasamela ke mo ba nyakela Jehova Modimo wa Israyele fote ba boyela gage, ke mokane yene ke mo a ba gelepa.+ 5 Ka dinako tsotsone ke mo go se na motho wa gore a ka sepela a pasopegiye, ka taba la gore ke mo go sa beba gare ga batho ka mokana ga bona ba dinaga tsone. 6 Setšhaba ka ssoši ke mo se hlula ke setšhaba se sengwana le mutši ka wwoši wo hlula ke mutši wo mongwana, ka taba la gore Modimo o makiye gore ba hlakahlakane a ba leyela selo se sengwana le se sengwana sa go sasamela.+ 7 Mara lune le sa tšhoge kela la tšhaba+ ka gore le nyoko rufiwa ga tso le di makang.”
8 Mo Asa a kwa mantsu yawa le seporofeto sa Oded wa gore ke moporofeta, a ba le lešiši ke mokane a tlosa medimo ya dithombhe ya go silikisa yo ne yi le nageng ya Juda le Bhenjamini ka mokana ga yona+ le mitšing ya gore ke mo ba yi tsere yo ne yi le ga poleke ya dithabeng ya Eforayimi, fote a busetsa aletare ya Jehova ya gore ke mo yi le mahlong ga lefranta la Jehova.+ 9 Fote a kgobaketsa Majuda ka mokana ga wona le ba leloko la Bhenjamini a kgobaketsa le batho ba go tšwa ba sepela ba gore ne ba le nabo ba tšwa ga leloko la Eforayimi, Manase le Simiyoni,+ ka taba la gore ba tšhabele gage ba tlele ka matla ba tšwa Israyele mo ba di bona gore Jehova Modimo wage o naye. 10 Byalo ba kgobakana ku Jerusalema ka kgwedi ya kararo ka mongwaga wa bo 15 wa mo go lawola Asa. 11 Ka letšatši lolone ba makele Jehova dihlabelo ka dilo tso ba di krayyeng, ba berekisiye 700 ya dikgomu le 7 000 ya dinku. 12 Go tokegela gana hone, ba maka kwano ya gore ba nyoko berekela Jehova Modimo wa bokokwane ba bona ka dipelo tsa bona ka mokana ga tsona le ka maphelo* ya bona ka mokana ga wona.+ 13 Motho ye mongwana le ye mongwana wa gore ke mo a sa berekele Jehova Modimo wa Israyele ke mo di nyaka ba mmolaye, go se na taba gore ke ye monyana kela ke ye mogolo, ke monna kela ke mosadi.+ 14 Byalo ba maka kano ga Jehova ba yahlamela ba rasa fote ba jabodiye, ba teya le diporompeta le diphalafala. 15 Fote Juda ka mokana ga yona ya jabodisa ke kano yone, ka taba la gore ba yi makiye ka dipelo tsa bona ka mokana ga tsona fote ke mo ba nyaka go ba le senghana sa gabutsi naye, yene a ba yamogela,+ fote Jehova a fo ya mahlong a maka gore go dule go bebiye mone polekeng.+
16 Kgoši Asa o tlusiye kokwane wage wa mosadi Mayakha+ ga setulo sa go lawola, ka taba la gore o makiye sethombhe sa go silikisa sa gore ne a se berekisa mo a rapela phate ya go hlawolega.*+ Asa o pshyayannye sethombhe sela sa go silikisa, a se šilanya ke mokane a se tšhuba Moyeding wa Kidirone.+ 17 Mara dipoleke tsa kgakala a di ya tlusiwa+ Israyele.+ Le mo go le ka mokgonone, Asa o fetsiye lephelo lage ka mokana ga lona a berekela Modimo ka pelo yage ka mokana ga yona.+ 18 Fote a leya dilo tsa gore yene le papage ba di makiye gore di hlawolege ntlong ya Modimo wa mannete—tsa go tshwana le silva, gholdi le dilo tse dingwana tso ne ba di berekisa tsa mehlobohlobo.+ 19 Ke mo go se na ntwa go segela ka mongwaga wa bo 35 wa mo go lawola Asa.+
16 Ka mongwaga wa bo 36 wa mo go lawola Asa, Kgoši Bhaaša+ wa Israyele o lwile le Juda ke mokane a tiyisa naga ya Rama+ gore go sa be le motho ye a tšwang kela ye a kenang nageng ya Asa kgoši ya Juda.+ 2 Ke mokane Asa a tseya silva le gholdi tso ne di šele ntlong ya Jehova+ le ntlong ya kgoši, a di romela ga Bhene-hadadi Kgoši ya Siriya+ wa gore ke mo a dula Damasekhase, a re gage: 3 “Go na le kwano gare gaka le wene le gare ga papaka le papago. Ke go romela silva le gholdi. Byalo, tlang o make gore kwano yago le Kgoši Bhaaša wa Israyele yi sa sa bereka, gore a lisetse go nhlasela.”
4 Bhene-hadadi a theetsela Kgoši Asa ke mokane a roma dindhuna tsage tsa masole gore di ye lwa le mitši ya Israyele, dya hlasela mutši wa Ijoni,+ Dani,+ Abele-mayime le dipoleke ka mokana ga tsona tso ba beyang dilo tsa mitši ya Nafthali.+ 5 Mo Bhaaša a di kwelela, a napa a lisetsa go yaga mutši wa Rama, a napa a lisetsa go maka mmereko wone. 6 Kgoši Asa a bitsa Majuda ka mokana ga wona, ma rwala matlapa le dikwata tso ne di le Rama+ tso Bhaaša ne a yaga ka tsona,+ ke mokane a maka gore mutši wa Ghebha+ le mutši wa Mizipa+ wo pasopege.
7 Ka nako yonone, Hanani+ wa go kgona go bona tso di nyoko makegang ku mahlong a tla ga Kgoši Asa wa Juda, a re gage: “Ka taba la gore o tisamele ka kgoši ya Siriya a wa tisamela ka Jehova Modimo wago, masole ya kgoši ya Siriya ma go tšhabele.+ 8 Anthe Maitopiya le Malibhiya ne ba se na masole ya go tlala ya gore ma sepela ka dikotšikara tsa go tlala le banna ba go sepela ka dipera? Mara Jehova a maka gore o ba hlule ka taba la gore ne o tshepela gage.+ 9 Ka gore maahlo ya Jehova ma lebelele lefase ka mokana ga lona,+ gore a thogo šupetsa gore o na le matšhika ga bo ba gore ba mmerekela ka dipelo tsa bona ka mokana ga tsona.+ Wene o makiye dilo tsa bophokophoko; go tlugisela gana byalo o nyoko dula o hlasediwa.”+
10 Mara Asa a kwatisa ke ye wa go bona tso di nyoko makegang ku mahlong ke mokane a mo hlahlela jele ka taba la gore ke mo a mo kwatisiye ka matla ga taba yowa. Ka nako yonone, Asa a thomisa go kgwasolanya ba bangwana gare ga batho bone. 11 Byalo dilo tso di makegeleng Asa, go tlugisela mathomisong go segela mafelelong, ba di ngwadiye ga Puku ya Magoši ya Juda le ya Israyele.+
12 Ka mongwaga wa bo 39 wa mo a lawola, Asa a ba le bolwele bya mawoto go segela a lwala ka matla; le mo go le ka mokgonone aa kgopela Jehova gore a mo gelepe, mara o yye ga ba go yalafa. 13 Ke mokane ba mmoloka le bokokwane bage;+ o kgwile ka mongwaga wa bo 41 wa mo a lawola. 14 Byalo ba mmoloka ga lebitla le legolo la gore o timakele lona ku Mutšing wa Dafita,+ ba mmeya ga mpeto wa gore ba wo tlotsiye makgura ya bhalesamo ya go tlala le dilo tsa mehlobohlobo tsa gore ba di gahlanisiye gore di make selo sa go tlola.+ Go tokegela gana hone, mo ba mmoloka ba makiye mollo wo mogolo go šupetsa gore ba mo hlompa.*
17 Fote morwayi wage Jehošafate+ gwa ba kgoši sekgaleng sage, fote o tiyisiye mmušo wage ku Israyele. 2 O beyye masole ga mitši ka mokana ga yona ya gore yi pasopegiye ya Juda, fote a beya megoba ya masole ga naga ya Juda le ga mitši ya Eforayimi ya gore papage Asa o yi tsere.+ 3 Jehova o yye mahlong a na le Jehošafate ka taba la gore o makiye tso kokwane wage Dafita+ a di makiyeng, aa nyakela medimo ya Bhaali. 4 Ka taba la gore ke mo a berekela Modimo wa papage+ ke mokane a theetsela melawo yage, aa maka tso Maisrayele ne ma maka tsona.+ 5 Jehova o yye mahlong a tiyisa mmušo wone;+ fote Majuda ka mokana ga wona ma yye mahlong ma neya Jehošafate dilo tsa gabutši, ne a ghannye fote a tšibega ka matla.+ 6 O thomisiye go ba le lešiši mo a kene a latelela melawo ya Jehova, a tlosa dipoleke tsa kgakala+ le diphate tsa go hlawolega*+ ku Juda.
7 Ka mongwaga wa kararo wa mo a lawola a bitsa dindhuna tsage, Bhene-heyili, Obhadiya, Zakariya, Nethanele le Mikhaya gore ba tšhutise ba le mitšing ya Juda. 8 Ke mo ba na le Malifi yawa: Šemaya, Nethanaya, Zebhadaya, Asahele, Šemiramothe, Jehonathane, Adonija, Tobija le Thobha-adonija, fote ke mo ba na le Elišama le Jehorama ba gore ke maprista.+ 9 Ba thomisa go tšhutisa ku Juda, ba tseya puku ya Molawo wa Jehova+ ke mokane ba sepelanya mitši ka mokana ga yona ya Juda ba tšhutisa batho.
10 Fote memmušo ka mokana ga yona ya go dukulugela Juda ya hlagasela ka taba la Jehova, fote a baa lwa le Jehošafate. 11 Mafilisita ma tla ga Jehošafate ma tshwere se sengwana le tšheleta ya mothelo. Maarabha ma mo leyele 7 700 ya dinku tsa phoolo le 7 700 ya dipudi tsa phoolo ga merape ya bona.
12 Jehošafate o yye mahlong a ba le matšhika,+ fote o yye mahlong a yaga mitši ya gore yi pasopegiye le mitši+ ya gore ke mo ba beya dilo+ ga yona ku Juda. 13 O makiye mebereko ya go tlala ku mitšing ya Juda, fote ku Jerusalema ke mo a na le masole ya go ba le matšhika. 14 Bowa ke mo ba ba kgobaketsiye go ya ka mitši ya bopapa ba bona: ga leloko la Juda, Adena ke mo go le ndhuna ya dikiti, fote ke mo a na le 300 000 ya masole ya go ba le matšhika.+ 15 Ke mo a yetetsa Jehohanane wa gore ke ndhuna, yene ke mo a na le 280 000 ya batho. 16 Fote ke mo a lawola Amasiya morwayi wa Zikhiri wa gore ne a maka mmereko wa Jehova a sa tšhofe ke motho, ke mo a na le 200 000 ya masole ya go ba le matšhika. 17 Ga leloko la Bhenjamini+ ke mo go le Eliyada wa gore ke mo go le lesole la go ba le matšhika, yene ke mo a na le 200 000 ya banna ba gore ke mo ba tshwere mesefo le magawu.+ 18 Fote ke mo a yetetsa Jehozabhadi, yene ke mo a na le 180 000 ya banna ba gore ke mo ba tilukiselele ntwa. 19 Bowa ke mo ba berekela kgoši go tokegela ga bala ba gore kgoši ke mo yi ba beyye ga mitši ya gore yi pasopegiye ku Juda ka mokana ga yona.+
18 Jehošafate ke mo a ghannye fote ke mo a tšibega ka matla,+ mara o makiye gore yene le Ahaba+ ba šagelane ka go šadhisa bana ba bona. 2 Byalo ka nthago ga mengwaga a ya ga Ahaba ku Samariya,+ Ahaba a maka sehlabelo ka dinku le dikgomu tsa go tlala a makela Jehošafate le batho bo ne a le nabo. Fote o mo kutšetsele gore a ye lwa le Ramothe-ghiliyade.+ 3 Ke mokane Kgoši Ahaba wa Israyele a re ga Kgoši Jehošafate wa Juda: “Ke kgopela o ye le nna ntweng re ye lwa le Ramothe-ghiliyade.” A mo fetola a re: “Nko ya nago ke na le batho baka, nko ba ke le nago mone ntweng.”
4 Mara Jehošafate a re ga kgoši ya Israyele: “Ke kgopela o thomise o nyakolle gore Jehova o re king ka taba yone.”+ 5 Byalo kgoši ya Israyele ya kgobaketsa baporofeta, ke mo go le 400 ya banna, ya re ga bona: “Ke ye ke lwe le naga ya Ramothe-ghiliyade kela ke sa yi?” Ba re: “Ariye, Modimo wa mannete o nyoko maka gore o hlule.”
6 Ke mokane Jehošafate a re: “A go na moporofeta wa Jehova mowa+ re mmutsise le yene?”+ 7 Mo Jehošafate a reyane, kgoši ya Israyele ya re gage: “Go na le morene mongwana+ wa gore re ka mmitsa gore a re butsisele ga Jehova; mara ke mo hloyye, ka taba la gore o fo dula a porofeta dilo tsa go befa ka nna.+ Lebitso lage ke Mikhaya morwayi wa Imla.” Mara Jehošafate a re: “Kgoši yi sa bolabole ka mokgonone.”
8 Byalo kgoši ya Israyele ya bitsa motho wa gore ke mo a lawola ntlo ya kgoši, ya re gage: “Yakgoswa o leye Mikhaya morwayi wa Imla.”+ 9 Byalo kgoši ya Israyele le Jehošafate kgoši ya Juda ke mo ba duli ditulong tsa bona tsa go lawola ba yapere dikobo tsa bogoši; ke mo ba duli mo ba tulelang gona ga gore ba kena gona gheyiting ya Samariya, fote baporofeta ka mokana ga bona ke mo ba porofeta mahlong ga bona. 10 Ke mokane Zedekiya morwayi wa Khenana a timakela manaka ya tshipi, a re: “Tsowa ke tso di hlayang ke Jehova, ‘Wene o nyoko bolaya Masiriya ka manaka yawa go segela o fetsa ka wona.’” 11 Baporofeta ba bangwana ka mokana ga bona ne ba porofeta tsotsowa ba re: “Ariye Ramothe-ghiliyade, o nyoko phomelela;+ Jehova o nyoko maka gore wene kgoši o yi hlule.”
12 Byalo, motho ye ba mo rommeng gore a ye bitsa Mikhaya a re gage: “Baporofeta ka mokana ga bona ba bolabola dilo tsa gabutši ka kgoši. Barena, nkare mantsu yago ma ka tshwana le ya bona,+ go be ya gabutši.”+ 13 Mara Mikhaya a re: “Solanka Jehova a sa phela, selo se sengwana le se sengwana so Modimo waka a mpotsang sona ke nyoko hlaya sona.”+ 14 Ke mokane a ya ga kgoši, kgoši ya mmutsisa ya re: “Mikhaya, ke ye ke lwe le mutši wa Ramothe-ghiliyade, kela ke sa yi?” A napa a yi fetola a re: “Ariye, o nyoko phomelela; o nyoko wo hlula.” 15 Mo a reyane, kgoši ya re gage: “Anthe o ro nyaka ke maka gore o tshepise gakaye gore o bolabole nnete ka lebitso la Jehova?” 16 Byalo a re: “Ke bona Maisrayele ka mokana ga wona ma tlalaganne ku dithabeng, go tshwana le dinku tsa gore a di na wa go di disa.+ Jehova a re: ‘Bowa a ba na motho wa go ba yeta mahlong. Ye mongwana le ye mongwana a boyele gaye gage a bebiye.’”
17 Ke mokane kgoši ya Israyele ya re ga Jehošafate: “Anthe a ke ya go botsa gore, ‘Motho yewa a ka sa porofete dilo tsa gabutši ka nna mara o nyoko fo porofeta tsa go befa’?”+
18 Ke mokane Mikhaya a re: “Wene theetsela lentsu la Jehova: Ke bonne Jehova a duli setulong sage sa go lawola+ a na le mangeloyi ya ku magedimong ka mokana ga wona,+ ya mangwana ma yemme ga letsogo la go ja, ya mangwana ma yemme ga la sepata.+ 19 Ke mokane Jehova a re, ‘Ke mang a ka tlayetsang Kgoši Ahaba wa Israyele, gore a ye Ramothe-ghiliyade a ye kgwela gona?’ Ye mongwana ke mo a hlaya tse dingwana hala ye mongwana a hlaya tse dingwana. 20 Ke mokane gwa segela lengeloyi+ la yema mahlong ga Jehova la re, ‘Nna nka mo tlayetsa.’ Jehova a re, ‘O nyoko mo tlayetsa byang?’ 21 Lengeloyi lela la fetola la re, ‘Ke nyoko ya, ka maka gore baporofeta bage ka mokana ga bona ba hlaye matsaka.’ Modimo a re, ‘O nyoko kgona go mo tlayetsa, fote o nyoko phomelela. Ariye o ye maka tsotsone.’ 22 Byalo Jehova o makiye gore baporofeta bago ba hlaye matsaka,+ mara Jehova o hlayye gore o nyoko tlela ke dilo tsa go sasamela.”
23 Zedekiya+ morwayi wa Khenana a ya ga Mikhaya+ a mo teya ka mpamo,+ a re: “O nyoko mpotsa gore Jehova aa sa berekisa nna mo a bolabola mara o berekisa wene?”+ 24 Mikhaya a fetola a re: “Taba yo ke go botsang yona o ko yi tshepa ka letšatši lo o kenang ga kamara ya ka ku tengteng o wutama.” 25 Ke mokane kgoši ya Israyele ya re: “Tseya Mikhaya o mo yise ga Amoni wa gore o lawola mutši le Jowaše morwayi wa kgoši. 26 O ba botse gore: “Tsowa ke tso kgoši yi di hlayang: “Tseyaneng morenene le mo hlahlele jele,+ le mo neyeneng sekgwa se senyana le meetši ya manyana go segela ke boya ke sa kwalela.”’” 27 Mara Mikhaya a re: “Mo o ka fo boya o sa kwalela, di ra gore Jehova aa bolabola le nna.”+ Fote a tokegela ka gore: “Lune batho ka mokana ga lune, le gopoleneng dilo tsowa.”
28 Byalo, kgoši ya Israyele le Jehošafate kgoši ya Juda ba ya Ramothe-ghiliyade.+ 29 Kgoši ya Israyele ya re ga Jehošafate: “Ke nyoko tšhentšha dikobo ka maka nkare a yi nna mo ke ya ntweng, mara wene o yapare dikobo tsago tsa bogošing.” Byalo kgoši ya Israyele ya maka nkare a yi yona, ba ya ntweng. 30 Byalo kgoši ya Siriya yi butsiye ba go lawola dikotšikara ya re: “Le sa lwe le motho ye mongwana le ye mongwana wa gore ke lesole kela wa go lawola, mara le lwe le kgoši ya Israyele.” 31 Mo bo ba go lawola dikotšikara ba bona Jehošafate, ba re: “Ke kgoši ya Israyele.” Byalo ba ya ba ye lwa naye; Jehošafate a yahlamela gore ba mo gelepe,+ fote Jehova a mo gelepa, Modimo a napa a maka gore ba sa sa lwa naye. 32 Mo bo ba go lawola dikotšikara ba di bona gore a yi yene kgoši ya Israyele, ba napa ba jika ba sa sa mo latelela.
33 Mara monna ye mongwana o yye a thunya mosefo a sa lebelela gore o thunyela kaye, ke mokane mosefo wone wa hlaba kgoši ya Israyele mo mokgopa wa go ba le dipelekete wo gahlanang gona. Byalo kgoši ya re ga ye wa go dhrayiva sekotšikara sa yona: “Tla re jike re tloge mo ntweng, ka taba la gore ke kwalele ka matla.”+ 34 Ntwa yone yi tsere letšatši ka mokana ga lona, fote ke mo di nyaka ba make gore kgoši ya Israyele yi dule yi yemme ka teng ga sekotšikara yi lebelele Masiriya go segela ka malobana; mo letšatši le kgwalala a kgwa.+
19 Ke mokane Kgoši Jehošafate wa Juda o boyele ntlong yage ku Jerusalema a pasopegiye.+ 2 Jehu+ morwayi wa Hanani+ wa gore o bona mmono a ya a gahlana naye, a re ga Kgoši Jehošafate: “Ayitsano di nyaka o gelepe batho ba dipelo tse diphifadu,+ fote o nyake batho ba gore ba hloyye Jehova?+ Ka taba la dilo tsowa, Jehova o go kwatele ka matla. 3 Mara Modimo o bonne dilo tsa gabutši tso o di makiyeng,+ ka taba la gore o tlusiye diphate tsa go hlawolega* ga naga yowa fote ne o tikemisele go rapela Modimo wa mannete ka pelo yago ka mokana ga yona.”+
4 Jehošafate a fo ba a kene a dula Jerusalema, fote a tloga Bhere-šeba a ya polekeng ya dithaba ya Eforayimi+ gore a make gore batho ba boyele ba rapele Jehova Modimo wa bokokwane ba bona.+ 5 Fote o hlawodiye ba go yahlula nageng ka mokana ga yona ya Juda ga mitši ka mokana ga yona ya gore yi pasopegiye.+ 6 A re ga bo ba go yahlula: “Le pasope dilo tso le di makang, ka gore a le yahlulele motho mara le yahlulela Jehova fote o na le lune mo le kene le yahlula.+ 7 Byalo le hlompe Jehova.+ Le pasope dilo tso le di makang, ka gore Jehova Modimo wa rune o yahlula gabutši,+ aa hlawolane+ fote aa kwane le dhizi.”+
8 Le ku Jerusalema, Jehošafate o hlawodiye Malifi ya mangwana, maprista le ba bangwana ba gore ke dindhuna tsa mitši ya bopapa ba bona ba Israyele gore ba make mmereko wa Jehova wa go yahlula fote ba yahlule le ditaba tso di leyang ke batho ba go dula Jerusalema.+ 9 Fote a ba botsa gore: “Di nyaka le make dilo tsowa go šupetsa gore le hlompa Jehova, le tshepege fote le di make ka dipelo tsa lune ka mokana ga tsona: 10 Mo bobhuti ba lune ba gore ba dula mitšing ya bona ba ka leya taba ba re go na le ye a bolayyeng motho+ kela ba na le putsiso ga dilo tso di nyakang ba di maka, ga molawo kela ga dilo tsa gore ba šele ba segelele sepheto ga tsona, di nyaka le ba pasopise gore ba sa tikraye ba na le molato mahlong ga Jehova; ka taba la gore mo le sa make ka mokgonone Modimo o nyoko kwatela lune le bobhuti ba lune. Tsowa ke tso di nyakang le di make gore le sa tikraye le na le molato. 11 Amariya wa gore ke ndhuna ya maprista ke yene ye a nyoko wokamelang taba ye nngwana le ye nngwana ya go yelana le tso tsa Jehova.+ Zebhadaya morwayi wa Išimayele o nyoko yeta ntlo ya Juda mahlong ga taba ye nngwana le ye nngwana ya go yelana le tsa kgoši. Fote Malifi ma nyoko gelepa bo ba go yahlula. Tiyelelaneng le make se sengwana, fote Jehova o nyoko ba le bo ba gore ba maka dilo tsa gabutši.”+
20 Ka nthago, Mamowaba+ le Maamoni+ ma tla ma tl’le lwa le Jehošafate ma na le Maamonimi* ya mangwana. 2 Byalo ba botsa Jehošafate gore: “Mogoba wo mogolo wo tlile go tl’le lwa nago wo tšwa ga poleke ya lewatle* ya ku Edomo,+ fote ke bala ku Hazazone-thamara ya gore ke Ene-ghedi.”+ 3 Mo Jehošafate a kwa tsotsone a tšhoga ka matla, a fetsa ka gore o nyoko kgopela Jehova gore a mo gelepe.+ Byalo a botsa Majuda ka mokana ga wona gore ma tikone tsa go ja. 4 Batho ba Juda ba kgobakana gore ba thogo butsisa Jehova;+ fote ke mo ba tšwa ga mitši ka mokana ga yona ya Juda gore ba tle ba kgopele Jehova gore a ba yetetse.
5 Ke mokane Jehošafate a tlogamela mahlong ga mogoba wa Juda le Jerusalema, ke mo ba le mahlong ga lapa la nyuwane ga ntlo ya Jehova, 6 a re:
“Wene Jehova Modimo wa bokokwane ba rune, anthe a yi wene Modimo wa magedimong?+ Anthe a yi wene wa go lawola memmušo ka mokana ga yona ya ditšhaba?+ O na le matšhika fote a go na motho wa gore a ka lwa nago.+ 7 Wene Modimo wa rune, anthe a wa raka batho bo ne ba dula ga naga yowa mahlong ga batho bago ba Israyele fote wa yi neya ditlogolwane tsa monghanago Abhrahama gore go be lefa la bona go ya go yye?+ 8 Fote ba dula ga yona, ba go yagela tabarenakele gana hone gore go thanakiwe lebitso lago,+ ba re, 9 ‘Mo re ka fo wela ke tsa go befa, go ka fo ba go le ntwa, ba re wolola, malwele kela tlala, re lisetse re yeme mahlong ga ntlo yowa le mahlong gago (ka taba la gore lebitso lago le ga ntlo yowa)+ gore re thogo go kgopela gore o re gelepe ga tso di re kgahleletsang, fote nkare o ka re theetsela wa boya wa re phonisa.’+ 10 Byalo ke bowa banna ba Maamoni, Mamowaba le ba go tšwa ga poleke ya dithabeng ya Seyiri+ ba gore a wa lisetsa Maisrayele ma ba hlasele nakwela ma tšwa nageng ya Egepita. Ba jikiye, ba sa sa ba hlasela.+ 11 Byalo, bona ba re patela ka gore ba re ntshe ga naga yo o re neyyeng yona gore go be lefa la rune.+ 12 Barena wene Modimo wa rune, o ka sa ba yahlule mara?+ Ka taba la gore rune a re na matšhika ya go lwa le mogoba wowa wo mogolo wa gore wo nyoko re hlasela; fote a re tšibi gore re make ying,+ mara maahlo ya rune ma lebelele gago ka taba la gore re nyaka o re gelepe.”+
13 Ka nako yonone, batho ka mokana ga bona ba Juda ke mo ba yemme mahlong ga Jehova ba na le dibananyana tsa bona, basadi ba bona le bana* ba bona.
14 Ke mokane mo gare ga mogoba, moya wa Jehova wa tlela Jahaziyele morwayi wa Zakariya wa gore ke morwayi wa Bhenaya wa gore ke morwayi wa Jeyiyele wa gore ke morwayi wa Matanaya wa Lelifi wa go tšwa ga barwayi ba Asafa. 15 A re: “Lune Juda ka mokana ga lune le lune ba go dula Jerusalema le wene Kgoši Jehošafate, theetselaneng! Tsowa ke tso Jehova a di hlayang, ‘Le sa tšhoge kela la tšhaba mogoba wowa wo mogolo, ka taba la gore ntwa yowa a yi ya lune mara ke ya Modimo.+ 16 Le ye le lwe nabo ka motshwana. Ba nyoko tla ka pata ya Zizi, fote lune le nyoko ba kraya mo go felelang moyedi wa gore wo mahlong ga mašahla ya Jeruwele. 17 Di ka sa nyake gore o lwe ga ntwa yowa. Yemaneng le sa thogathoge,+ le bone mo Jehova a le phonisa.+ Wene Juda le wene Jerusalema, le sa tšhoge kela la tšhaba.+ Ariyeneng le ye lwa naye ka motshwana, fote Jehova o nyoko ba le lune.’”+
18 Jehošafate a napa a kgotama a yinamisiye sefahlego, Majuda ka mokana ga wona le batho bo ba dulang Jerusalema ba kgotama mahlong ga Jehova gore ba rapele Jehova. 19 Ke mokane Malifi ya gore ke ditlogolwane tsa Makohathe+ le Makora ba tlogamela, ba thanaka Jehova Modimo wa Israyele ba yahlamela.+
20 Ba tsoga go sa le ka phu, ba ya mašahleng ya Tekowa.+ Mo ba sa re ba tšwa, Jehošafate a tlogamela ke mokane a re ga bona: “Wene Juda le bo ba dulang Jerusalema ntheetseleneng! Tshepaneng Jehova Modimo wa lune gore le thogo yema le tiyelele. Tshepaneng baporofeta bage,+ le nyoko phomelela.”
21 Mo a fetsa go bolabola le batho bone, a hlawola banna gore ba yepelele+ Jehova fote ba mo thanake ba kene ba yapere dikobo tsa go hlawolega ba le mahlong ga banna ba gore ba tshwere dilo tsa go lwa ka tsona, ba re: “Leboganeng Jehova ka gore o nyakanana tsa mannete go ya go yye.”+
22 Mo ba thomisa go yepelela dikoša tsa go thanaka Modimo, Jehova a maka gore banna ba Maamoni, Mamowaba le ba go tšwa ga poleke ya dithabeng ya Seyiri ba gore ne ba hlasele Juda ba bolayane.+ 23 Fote Maamoni le Mamowaba ba hlasela batho ba go dula ga poleke ya dithabeng ya Seyiri+ gore ba fetse ka bona; mo ba fetsiye ka ba go dula Seyiri, ba bolayanne bona beng.+
24 Mara mo Majuda ma tla ga sewokamelo sa ku mašahleng,+ ma lebelela mogoba, gana hone ba bona ditopo tsa bona di tlele hala fase;+ ne go se na wa gore o phonne. 25 Byalo Jehošafate le batho bage ba tseya dilo tsa bona, ba krayye dilo tsa go tlala ka matla, dikobo le dilo tsa gore ba di tseyela gedimo. Di ba tsere kararo ya matšatši gore ba tseye dilo tsone tsa bona, ka taba la gore ke mo di tlele ka matla.+ Mara a baa kgona go di tseya ka moka. 26 Ka letšatši la kanne, ba gahlana Moyeding wa Bherakha, ka gore gana hone ba thanakiye Jehova. Ke tsona tso di makiyeng gore poleke yone ba re ke Moyedi wa Bherakha*+ go segela le lekgono lowa.
27 Ke mokane banna ka mokana ga bona ba Juda le Jerusalema ke mo ba na le Jehošafate a ba yetiye mahlong, ba boyela Jerusalema ba jabodiye ka matla ka taba la gore Jehova o makiye gore ba hlule manaba ya bona.+ 28 Byalo, ba ya Jerusalema ba tshwere dilo tsa go kgana dikoša tsa go ba le motato, diharepa+ le diporompeta,+ ba ya ntlong ya Jehova.+ 29 Fote memmušo ka mokana ga yona ya dinaga ya thomisa go tšhaba Jehova mo yi di kwelela gore Modimo o lwile le manaba ya Israyele.+ 30 Ka nakwela go lawola Jehošafate ke mo go se na dintwa, fote Modimo wage o makiye gore go bebe ka mokana ga gona.+
31 Fote Jehošafate o yye mahlong a lawola Juda. Ke mo a na le 35 ya mengwaga mo a ba kgoši, o fetsiye 25 ya mengwaga a lawola Jerusalema. Lebitso la mmane wage ke mo go le Azubha morwediya wa Šilihi.+ 32 O f’lo ya mahlong a maka tso papage Asa ne a di maka.+ Aa keketlela, o f’lo ya mahlong a maka dilo tsa gabutši mahlong ga Jehova.+ 33 Mara dipoleke tsa kgakala a di ya tlusiwa,+ fote batho ke mo ba soko nyaka go berekela Modimo wa bokokwane ba bona.+
34 Dilo ka mokana ga tsona tso di makegeleng Jehošafate, go thomisa mathomong go segela mafelelong, ba di ngwadiye le mantsu ya Jehu+ morwayi wa Hanani,+ fote ditaba tsowa di gona ga Puku ya Magoši ya Israyele. 35 Ka nthago, Kgoši Jehošafate wa Juda a maka kwano le Kgoši Ahaziya wa Israyele wa gore ke mo a maka dilo tsa go sa loka.+ 36 Byalo a bereka naye mo a maka dikepe tsa go ya Tharašiši,+ fote dikepe tsone ba di makele ku Eziyoni-ghebhere.+ 37 Mara Eliyazara morwayi wa Dodavahu wa Mariša o porofitiye ka Jehošafate a re: “Ka taba la gore o makiye kwano le Ahaziya, Jehova o nyoko sinya dilo tso o di makiyeng.”+ Byalo dikepe tsone dya sinyega,+ dya sa yi Tharašiši.
21 Ke mokane Jehošafate a bolokiwa le bokokwane bage Mutšing wa Dafita; sekgaleng sage gwa kena morwayi wage Jehorama gwa ba yene kgoši.+ 2 Bobhuti bage ba gore ke mo go le barwayi ba Jehošafate, ne go le Azariya, Jehiyele, Zakariya, Azariya, Mayikhele le Šefataya; bowa ka mokana ga bona ke mo go le barwayi ba Jehošafate wa gore ke kgoši ya Israyele. 3 Papa wa bona ke mo a ba neyye dilo tsa go tlala tsa go makiwa ka silva le tsa go makiwa ka gholdi le dilo tsa go tseyediwa gedimo, gana mone go kena le mitši ya Juda ya gore yi pasopegiye;+ mara o makiye gore Jehorama a lawole+ ka taba la gore ke mo go le letšibula lage.
4 Mo Jehorama a thomisa go lawola mmušo wa papage, o bolayye bobhuti bage+ ka mokana ga bona ka sabola gore a thogo maka gore mmušo wage wo tiyelele, fote o bolayye le dindhuna tse dingwana tsa Israyele. 5 Jehorama ke mo a na le 32 ya mengwaga mo a ba kgoši, fote o fetsiye mabala ya mengwaga a lawola Jerusalema.+ 6 O makiye tsetsela di makiyeng ke magoši ya Israyele,+ go fo tshwana le tso di makiyeng ke ba mutši wa Ahaba, ka taba la gore ne a tsere morwediya wa Ahaba go le mosadi wage;+ fote o f’lo ya mahlong a maka tsa go befa mahlong ga Jehova. 7 Mara Jehova ne a sa nyake go fetsa ka mutši wa Dafita ka taba la kwano yo a yi makiyeng le Dafita,+ ka gore ne a mo tshepisiye* gore barwayi bage ba nyoko lawola go ya go yye.+
8 Ka dinako tsa mo go lawola Jehorama, Edomo a lwa le Juda+ ke mokane a tikgetela kgoši.+ 9 Byalo Jehorama le dindhuna tsage ba tshilela ka mosekola ka dikotšikara tsage ka mokana ga tsona, ke mokane a tsoga bošego a hlula Maedomo ya gore ke mo ma mo dukulugele, yene le banna bo ne ba lawola dikotšikara. 10 Mara Edomo a ya mahlong a lwa le Juda go segela le lekgono lowa. Ka nako yonone le Libhna+ ke mo yi lwa le Juda, ka taba la gore o jikele Jehova Modimo wa bokokwane bage.+ 11 Fote a maka le dipoleke tsa kgakala+ ku dithabeng tsa Juda gore a woke batho ba go dula Jerusalema gore ba rapele medimo ye mengwana,* fote a lahletsa Majuda.
12 Gwa fetsa go segele borifi bya go tšwa ga Eliya+ wa gore ke moporofeta, ke mo bo re: “Tsowa ke tso di hlayang ke Jehova Modimo wa kokwane wago Dafita, o re, ‘Wene a wa maka tso Jehošafate+ papago a di makiyeng kela tso di makiyeng ke Kgoši Asa+ wa Juda. 13 Mara wene o maka tso di makang ke magoši ya Israyele,+ o maka gore Juda le batho bo ba dulang Jerusalema ba rapele medimo ye mengwana+ go tshwana le ka mokgo ba ntlo ya Ahaba ne ba rapela medimo ye mengwana ka gona,+ fote o bolayye bobhuti bago+ ba mutšing wa papago ba gore ke mo ba go phala. 14 Byalo, Jehova o nyoko wolola batho bago, barwayi bago le basadi bago, fote o nyoko lahlegela ke dilo ka mokana ga tsona. 15 Wene o nyoko kena ke malwele ya go tlala, gana hone go kena le bolwele bya mala, go segela mala yago ma tšwela tawong ka taba la gore o ko ba o lwala letšatši le lengwana le le lengwana.’”
16 Ke mokane Jehova a maka+ gore Mafilisita+ le Maarabha+ ya ne ma dula thina le Maitopiya ma jikele Jehorama. 17 Byalo ba hlasela Juda, ba kena ka tšhinghi, fote ba tseya dilo tso ba di krayyeng ntlong ya kgoši ka mokana ga tsona,+ ba tsere le barwayi bage le basadi bage; morwayi ye a šeleng ke lekotwane lage Jehowahazi.*+ 18 Fote ka nthago ga dilo tsowa ka mokana ga tsona, Jehova a maka gore a kene ke bolwele bya mala bya gore a bo yalafege.+ 19 Ka nthagonyana mo go šele go fitiye mengwaga ka mmedi, mala yage ma tšwela ka tawong ka taba la bolwele byage, fote o kgwile a kene a kwa go baba ka matla ka taba la bolwele byone; mo a kgwa, batho bage a baa mo makela mollo go tshwana le ka mokgo ba makeleng bokokwane bage.+ 20 Ke mo a na le 32 ya mengwaga nakwela a ba kgoši, o fetsiye mabala ya mengwaga a lawola Jerusalema. A go na ye a kwileng go baba nakwela a kgwa. Byalo ba mmolokele Mutšing wa Dafita,+ a baa mmolokela mo ba bolokang magoši.+
22 Ke mokane batho ba go dula Jerusalema ba maka gore morwayi wage wa lekotwane Ahaziya go be kgoši sekgaleng sage, ka taba la gore masole ya ne ma tlile le Maarabha ku kampeng ne ma bolayye bagolwane bage ka mokana ga bona.+ Byalo Ahaziya morwayi wa Jehorama a thomisa go lawola go le kgoši ya Juda.+ 2 Ahaziya ne a na le 22 ya mengwaga mo a ba kgoši, fote o fetsiye mongwaga ka wwoši a lawola Jerusalema. Lebitso la mmane wage ke mo go le Athaliya+ wa gore ne go le motlogolo* wa Omiri.+
3 Le yene o makiye tso ne di maka ke ba mutši wa Ahaba,+ ka gore mmane wage ke mo a mo hlohletsela gore a make dilo tsa go tšwa pateng. 4 Fote o yye mahlong a maka tsa go befa mahlong ga Jehova go fo tshwana le ba mutši wa Ahaba, ka gore ke bona bo ne ba mo hlohletsela gore a tšwe pateng mo papage a šele a kgwile. 5 O ba theetsele mo ba mo yeletsa ke mokane a ya ntweng a na le Jehorama morwayi wa Kgoši Ahaba wa Israyele ba ye lwa le Kgoši Hazayele+ wa Siriya ku Ramothe-ghiliyade,+ gana mone banna ba go thunya mosefo ba kwaletsa Jehorama. 6 Kgoši Jehorama a boyela Jeziriyele+ gore a thogo fola ka taba la gore ke mo ba mo kwaletsiye ku Rama nakwela ba lwa le Kgoši Hazayele wa Siriya.+
Ahaziya* morwayi wa Jehorama+ kgoši ya Juda o yye Jeziriyele a ye bona Jehorama+ morwayi wa Ahaba ka taba la gore ke mo a kwalele.+ 7 Mara Modimo o makiye gore Ahaziya a ye ga Jehorama gore ba fetse ba mmolayye; mo a segela, a tšwa le Jehorama gore ba ye gahlana le Jehu+ setlogolwane* sa Nimiši wa gore Jehova ke mo a mo hlawodiye gore a fetse ka mutši wa Ahaba.+ 8 Mo Jehu a thomisa go yahlula ba mutši wa Ahaba, o krayye dindhuna tsa Juda le barwayi ba bobhuti ba Ahaziya, dibereki tsa Ahaziya, ke mokane a ba bolaya.+ 9 Ke mokane a nyakela Ahaziya; ba mo tshwara ku Samariya mo ne a wutamme gona, ba mo yisa ga Jehu. Ba mmolaya ba boya ba mmoloka,+ ka taba la gore ba yitseri: “Ke setlogolwane sa Jehošafate wa gore ke mo a berekela Jehova ka pelo yage ka mokana ga yona.”+ Ke mo go se na le ka wwoši ga mutši wa Ahaziya wa gore ne a na le matšhika ya go lawola.
10 Mo Athaliya+ mmane wa Ahaziya a bona gore morwayi wage o kgwile, a ya a bolaya lešika ka mokana ga lona la bogošing la ba mutši wa Juda.+ 11 Mara Jehošabheyate morwediya wa kgoši a tseya Jehowaši+ morwayi wa Ahaziya, a mo tseya gare ga barwayi ba kgoši ba gore ne ba nyoko ba bolaya, fote a tseya yene le ye a mo pasopang a ba beya ga kamara ya ka ku teng. Jehošabheyate morwediya wa kgoši Jehorama+ (ke mo go le mosadi wa Jehoyada+ wa gore ke moprista fote go le sesi wa Ahaziya) a mo wutametsa gore Athaliya a sa mmolaye.+ 12 O fetsiye kobodi ya mengwaga a dula nabo, a wutamme ntlong ya Modimo wa mannete ka nako ya mo Athaliya a sa lawola nageng yone.
23 Ka mongwaga wa kašupa, Jehoyada o šišimele, a maka kwano le dindhuna tsa go ba le makgolo ya masole,+ ke mo go le Azariya morwayi wa Jerohamo, Išimayele morwayi wa Jehohanane, Azariya morwayi wa Obete, Maseya morwayi wa Adaya le Elišafate morwayi wa Zikhiri. 2 Ba sepela Juda ka mokana ga yona ba segela ba kgobaketsa Malifi+ ga mitši ka mokana ga yona ya Juda le dindhuna tsa mitši ya bopapa ba bona tsa Israyele. Mo ba segela Jerusalema, 3 mogoba ka mokana ga wona wa maka kwano+ le kgoši ku ntlong ya Modimo wa mannete, ka nthago Jehoyada a re ga bona:
“Morwayi wa kgoši o nyoko lawola, go fo ya ka mokgo Jehova a tshepisiyeng ka barwayi ba Dafita.+ 4 Tsowa ke tso di nyakang le di make: Di nyaka le yahluganye maprista le Malifi ya gore ma bereka+ ka Sabatha gore go be kararo ya megoba. Mogoba wa mathomo go nyoko ba ba go pasopa monyako;+ 5 mogoba wa mabedi wo nyoko ba wo le ntlong ya kgoši,+ fote mogoba wa kararo wo nyoko ba wo le ga Gheyiti ya Fandhiši fote batho ka mokana ga bona ba nyoko ba ba le malapeng ya ntlo ya Jehova.+ 6 Le sa lisetsi motho ye mongwana le ye mongwana a kena ntlong ya Jehova, go kene maprista le Malifi ya gore ma bereka mone.+ Bobone ba ka kena ka taba la gore ke mogoba wa go hlawolega, fote batho ka mokana ga bona ba nyoko theetsela Jehova ga taba yowa. 7 Di nyaka Malifi ma dukulugele kgoši mahlaya ka mokana ga wona, ye mongwana le ye mongwana a tshwere sa go lwa ka sona. Ye a kenang ga ntlo yowa ba nyoko mmolaya. Go gongwana le go gongwana mo kgoši yi yang gona* le sepele nayo.”
8 Malifi le Majuda ka mokana ga wona ma makiye tso Jehoyada wa gore ke moprista a ma butsiyeng tsona. Byalo ye mongwana le ye mongwana a tseya banna bo ne a le nabo ba gore ke mo ba bereka ka Sabatha,+ a tseya le ba gore ke mo ba sa bereke ka Sabatha ka gore Jehoyada wa gore ke moprista ke mo a sa lokolla megoba+ ga mebereko ya yona. 9 Ke mokane Jehoyada wa gore ke moprista a neya dindhuna tsela tsa go ba le makgolo ya masole+ marumo, magawu ya manyana le magawu ya kgokolo ya gore ne go le ya Kgoši Dafita+ ya gore ne ma le ka ntlong ya Modimo wa mannete.+ 10 Ke mokane a beya batho ka mokana ga bona, ye mongwana le ye mongwana a tshwara sa go lwa ka sona, ba bangwana ba yema ga letsogo la go ja ba bangwana ba yema ga letsogo la sepata, ba bangwana ba le thina le aletare le thina le ntlo, ba dukulugela kgoši. 11 Ba ntsha morwayi wa kgoši+ ke mokane ba mo yapesa fapo le go mo neya Molawo,*+ fote ba maka gore go be kgoši, ke mokane Jehoyada le barwayi bage ba mo tlotsa. Ba re: “Nkare o ka phela go ya go yye wene kgoši!”+
12 Mo Athaliya a kwa batho ba taboga fote ba thanaka kgoši, a napa a ya mo batho ba leng gona ku ntlong ya Jehova.+ 13 Ke mokane a bona kgoši yi yemme thina le kholomo mo ba kenelang gona. Dindhuna+ le ba go teya diporompeta ke mo ba na le kgoši, fote batho ka mokana ga bona ba naga yone ke mo ba jabodiye,+ ba teya diporompeta, fote bo ba go yepelela ba gore ke mo ba tshwere tsa go kgana dikoša ke mo ba yetiye mahlong ba yepelela dikoša tsa go thanaka Modimo. Ka taba la tsotsone, Athaliya a tlerola dikobo tsage ke mokane a yahlamela a re: “Ke bošakašakane! Ke bošakašakane!” 14 Mara Jehoyada wa gore ke moprista a bitsa dindhuna tsela tsa go wokamela megoba ya go ba le lekgolo la masole, a re ga tsona: “Mo tloseneng howa gare ga masole, fote mo nkare go na le ye a mo šalang nthago le mmolaye ka sabola!” Ka gore moprista o yitseri: “Le sa mmolayele mo ntlong ya Jehova.” 15 Byalo ba mo tshwara, mo ba segela mo go keniwang gona gheyiting ya gore ba re ke Gheyiti ya Pera ya ntlo ya kgoši, ba napa ba mmolayela gana mone.
16 Ke mokane Jehoyada a maka kwano le kgoši le batho ka mokana ga bona, gore ba nyoko ya mahlong go le bona batho ba Jehova.+ 17 Ka nthago ga hone, batho ka mokana ga bona ba naga yone ba ya ntlong ya Bhaali, ba yi wisa,+ ba pshyayanya dialetare tsage le dithombhe tsage,+ fote ba bolaya Matane moprista wa Bhaali+ mahlong ga dialetare tsone. 18 Ke mokane Jehoyada a maka gore maprista le Malifi ma wokamele ntlo ya Jehova, Dafita o ma hlawodiye go ya ka megoba gore ma wokamele ntlo ya Jehova fote ma makele Jehova dihlabelo tsa go tšhubiwa+ ka mokgo go ngwadiwweng ga Molawo wa Moše,+ ke mo ma jabodiye fote ma yepelela ka mokgo Dafita a hlayyeng. 19 A beya le ba go pasopa digheyiti+ thina le digheyiti tsa ntlo ya Jehova, gore go sa be le motho ka wwoši ye a kenang mone wa gore aa yela. 20 Byalo a tseya dindhuna tsa go wokamela megoba ya go ba le lekgolo la masole,+ a tseya le ba go tšibega, ba go lawola batho le batho ka mokana ga bona ba naga yone, ba felegetsa kgoši ba tšwa ntlong ya Jehova. Mo ba kena ntlong ya kgoši ba berekisiye gheyiti ya ka kgakala, kgoši ya segela yi dula setulong+ sa go lawola.+ 21 Byalo batho ba mone nageng ka mokana ga bona ba jabola, fote mutši ke mo wo bebiye ka taba la gore ba bolayye Athaliya ka sabola.
24 Jehowaši ke mo a na le kašupa ya mengwaga mo a ba kgoši,+ fote o fetsiye 40 ya mengwaga a lawola Jerusalema. Lebitso la mmane wage ke mo go le Zibhaya wa go tšwa Bhere-šeba.+ 2 Jehowaši ke mo a dula a maka dilo tsa gabutši mahlong ga Jehova matšatši ka moka ya mo Jehoyada wa gore ke moprista a sa phela.+ 3 Jehoyada a mo kgetela basadi ka babedi, fote a ba papa wa barwayi le barwediya.
4 Ka nthago, Jehowaši a fo kwa a nabela go lukisa ntlo ya Jehova.+ 5 Byalo a bitsa maprista le Malifi a re ga wona: “Ariyeneng ga mitši ya Juda le hlekeletse tšheleta ga Maisrayele ka mokana ga wona gore le thogo lukisa ntlo ya Modimo wa lune+ mongwaga wo mongwana le wo mongwana; le sa diyege mo le maka taba yowa.” Mara Malifi ma fo nanankela.+ 6 Byalo kgoši ya bitsa Jehoyada wa gore ke ndhuna ya re gage:+ “Anthe ke ntaba o sa botsa Malifi gore ma leye mothelo wa go hlawolega wa go tšwa Juda le Jerusalema wa gore Moše+ lelata la Jehova o yitseri ba wo kgobaketse, mothelo wa mogoba wa Israyele, wa letente la go ba le lesome la melawo?+ 7 Ka taba la gore barwayi ba Athaliya,+ mosadi wa go ba le pelo ye phifadu, ba pshyayye ba kena ntlong ya Modimo wa mannete,+ ba berekisa dilo ka mokana ga tsona tsa go hlawolega tsa ntlo ya Jehova gore ba thogo rapela medimo ya bona ya Bhaali.” 8 Ke mokane kgoši ya re go makiwe lebhokisi,+ ba le beye tawong ga gheyiti ya ntlo ya Jehova.+ 9 Ka nthago, ku Juda le Jerusalema ba ba botsa gore ba leyele Jehova mothelo wa go hlawolega,+ mothelo wa gore Moše lelata la Modimo wa mannete o butsiye Maisrayele gore ma wo kgobaketse nakwela ba le ku mašahleng. 10 Dindhuna ka mokana ga tsona le batho ka mokana ga bona ba jabola,+ ba yye mahlong ba kene ba leya moneyelo fote ba wo tšhela ka teng ga lebhokisi lela go segela le tlala.
11 Nakwenngwana le ye nngwana mo Malifi ma leya lebhokisi lela ga kgoši fote ma bona gore le na le tšheleta ya go tlala, mabhalane wa kgoši le ye wa go gelepa moprista ye mogolo ke mo ba tla ba tseya tšheleta yone,+ mo ba fetsa ne ba busetsa lebhokisi lone mo ba le tsereng gona. Ke mo ba maka ka mokgonone letšatši le lengwana le le lengwana, fote ba hlekeletsiye tšheleta ya go tlala ka matla. 12 Ke mokane kgoši le Jehoyada ke mo ba tseya tšheleta yone ba yi neya batho ba gore ba wokamela mmereko wa ntlo ya Jehova, bona ke mo ba hira batho ba go sega matlapa le ba go bereka mmereko wa matsogo gore ba lukise ntlo ya Jehova,+ fote ke mo ba hira le ba go bereka ka tshipi le koporo gore ba lukise ntlo ya Jehova. 13 Bo ba go wokamela ba thomisa go bereka, fote ba maka mmereko wone ba kene ba wokamela ke bo ba go lawola, ba lukisa ntlo ya Modimo wa mannete ya boyela sekeng ba boya ba maka gore yi tiyelele. 14 Mo ba šele ba fetsiye, tšheleta yo ne yi šele ba yi leya ga kgoši le ga Jehoyada, ba yi berekisa go maka dilo tsa ntlong ya Jehova, go maka dilo tsa gore ba di berekisa mo ba maka mmereko wo mongwana, go maka dihlabelo, dikomitši le dilo tsa go makiwa ka gholdi le tsa go makiwa ka silva.+ Fote mo Jehoyada a sa phela, ke mo ba maka dihlabelo tsa go tšhubiwa+ ntlong ya Jehova letšatši le lengwana le le lengwana.
15 Mo Jehoyada a šele a tsofele fote a kgotsofele ka lephelo, a kgwa; ke mo a na le 130 ya mengwaga mo a kgwa. 16 Byalo ba mmolokiye Mutšing wa Dafita le magoši ya mangwana,+ ka taba la dilo tsa gabutši tso a di makeleng Maisrayele,+ Modimo wa mannete le tso a di makiyeng ntlong ya Modimo.
17 Mo Jehoyada a šele a kgwile, dindhuna tsa Juda dya tla ke mokane dya kgotamela kgoši, kgoši ya di theetsela. 18 Ba jikele ntlo ya Jehova Modimo wa bokokwane ba bona, ba thomisa go rapela diphate tsa go hlawolega* le medimo ya dithombhe, ke mokane Modimo a kwatela Juda le Jerusalema ka taba la tso ba di sinnyeng. 19 O f’lo ya mahlong a romela baporofeta gore ba ba gelepe ba boyele ga Jehova, fote ke mo ba ya mahlong ba ba pasopisa, mara bona ba sa theetsele.+
20 Moya wa Modimo wa tlela Zakariya morwayi wa Jehoyada+ wa gore ke moprista, a yema mahlong ga batho a re ga bona: “Tsowa ke tso Modimo wa mannete a di hlayang, ‘Anthe ke ntaba le sa theetsele melawo ya Jehova? Le ka sa ro phomelela! Ka taba la gore le jikele Jehova, le yene o nyoko le jikela.’”+ 21 Mara ba mo polanela dilo tsa go sa loka,+ ba mo pshyaya ka matlapa ku lapeng la Jehova go fo ya ka mokgo kgoši yi hlayyeng.+ 22 Kgoši Jehowaši a libala gore papage Jehoyada ke mo a mo nyaka go segela kaye, a bolaya morwayi wage wa gore mo a kene a kgwa o yitseri: “Nkare Jehova a ka go wolola ka taba la tso o di makiyeng.”+
23 Mo mongwaga wo thoma masole ya Siriya ma tla ma hlasela Jehowaši, fote ma hlasela Juda le Jerusalema.+ Ma bolaya dindhuna tsa batho ka mokana ga tsona,+ ke mokane ma romela dilo ka mokana ga tsona tso ba di krayyeng ga kgoši ya Damasekhase. 24 Masole ya Siriya ke mo ma sa tlala, mara Jehova o makiye gore ma hlule masole yala ya gore ne ma tlele ka matla ka taba la gore masole yane+ ma jikele Jehova Modimo wa bokokwane ba bona; byalo Masiriya ma yahlula Jehowaši. 25 Fote mo ba tloga gage (ka taba la gore ke mo ba mo kwaletsiye ka matla), malata yage ma polana go mmolaya ka taba la gore o bolayye barwayi ba Jehoyada+ wa gore ke moprista. Ma mmolayele mpetong wage.+ Byalo a kgwa ke mokane ba mmoloka Mutšing wa Dafita,+ mara a baa mmolokela ga poleke ya gore ba boloka magoši.+
26 Bowa ke ba gore ke mo ba mo polanela dilo tsa go sa loka:+ Zabhadi morwayi wa Šimiyathe wa Leamoni le Jehozabhadi morwayi wa Šimirithi wa Lemowaba. 27 Ditaba tsa gore go kena le barwayi bage, dilo tsa go sa yi ka tsela tso ba di bolabodiyeng ka yene le go lukisiwa ga ntlo ya Modimo wa mannete,+ ba di ngwadiye ga Puku ya Magoši. Byalo, morwayi wage Amaziya a ba kgoši sekgaleng sage.
25 Amaziya ke mo a na le 25 ya mengwaga mo a ba kgoši, fote o fetsiye 29 ya mengwaga a lawola ku Jerusalema. Lebitso la mmane wage ke mo go le Jehowadhane wa go tšwa Jerusalema.+ 2 Amaziya ke mo a fo ba a kene a maka dilo tsa gabutši mahlong ga Jehova, mara tsone aa di maka ka pelo yage ka mokana ga yona. 3 Mo a šele a makiye gore mmušo wage wo tiyelele, a bolaya malata yage ya gore ma bolayye papage wa gore ne go le kgoši.+ 4 Mara aa bolaya barwayi ba batho bo ba bolayyeng papage, o makiye tso Jehova a di hlayyeng ga molawo wo ba wo ngwadiyeng ga puku ya Molawo wa Moše wa gore: “Bopapa ba sa bolayiwi ka taba la tso barwayi ba bona ba di sinnyeng, le barwayi ba sa bolayiwi ka taba la tso bopapa ba bona ba di sinnyeng; mara ye mongwana le ye mongwana a bolayiwe ka taba la tso yene mong a di sinnyeng.”+
5 Ke mokane Amaziya a kgobaketsa Majuda ggoši fote a maka gore ma yeme go ya ka mitši ya bopapa ba bona, dindhuna tsa dikiti le dindhuna tsa makgolo ga Juda ka mokana ga yona le Bhenjamini.+ A ba ngwadisa go thomisa ga 20 ya mengwaga go ya gedimo,+ ke mokane a kraya gore ba lekana 300 000 ya masole ya go tšiba ntwa ya gore ma ka kgona go bereka bosoleng, ba gore ba kgona go berekisa lerumo le legawu le legolo. 6 Go tokegela gana hone, a berekisa 100 ya ditalente* tsa silva gore a hire 100 000 ya masole ya go ba le matšhika ya go tšwa Israyele. 7 Mara lelata la Modimo wa mannete la re gage: “Wene kgoši, o sa dumele gore masole ya Israyele ma sepele nago, ka taba la gore Jehova o jikele Maisrayele,+ fote le Maeforayimi o ma jikele ka mokana ga wona. 8 Mara ariye o ntoši, o šišimale mo o le ntweng. Modimo wa mannete o na le matšhika ya go go gelepa,+ mara a ka maka le gore manaba yago ma go hlule.” 9 Mo a reyane, Amaziya a re ga lelata la Modimo wa mannete: “Byalo go nyoko makega ying ka 100 ya ditalente tso ke di neyyeng masole ya Israyele?” Lelata la Modimo wa mannete la mo fetola la re: “Jehova o na le matšhika, a ka kgona go go neya ya go feta yone.”+ 10 Byalo Amaziya a botsa masole ya ne ma tlile ya go tšwa Eforayimi gore ma boyele mo ma tšwang. Mara tsotsone di makiye gore ba kwatele Majuda, byalo ba boyela mo ba tšwang gona ba kwatiye ka matla.
11 Ke mokane Amaziya a ba le lešiši, a yetetsa masole yage mo ma ya Moyeding wa Letswayi,+ a bolaya 10 000 ya banna ba Seyiri.+ 12 Fote banna ba Juda ba tshwara 10 000 ya batho ba kene ba phela. Byalo ba ya nabo gedimo ga thaba ke mokane ba ba bošela fase ba kene ba le gana ku, ka mokana ga bona ba pshyayegana gwa ba ditlopotlopo. 13 Mara masole ya Amaziya a ma jikisiyeng ya gore ne di nyaka ma mo felegetse ntweng,+ ne ma hlasela mitši ya Juda go thomisa Samariya+ go segela Bhethe-horone;+ ma bolayye 3 000 ya batho ke mokane ma ba tseyela dilo tsa go tlala.
14 Mara mo Amaziya a buyye ka nthago ga go hlula Maedomo, a tla le medimonyana ya banna ba Seyiri ke mokane a tipeyela yona gore go be yage,+ ke mokane a thomisa go yi kgotamela le go yi tšhubela dihlabelo. 15 Byalo Jehova a kwatela Amaziya ka matla, ke mokane a romela moporofeta a segela a re gage: “Ke ntaba o rapela medimonyana ya batho bowa ya gore yi šitegiye go phonisa batho ba yona gago?”+ 16 Mo moporofeta a kene a bolabola, kgoši ya re: “Yemanyana!+ O hlawodiye ke mang gore o yeletse kgoši?+ Mo o sa kgomolele ke nyoko maka gore ba go bolaye.” Ke mokane moporofeta a re: “Ke ya di tšiba tsa gore Modimo o nyoko fetsa ka wene, ka taba la gore o makiye dilo tsowa fote a wa ntheetsela mo ke go yeletsa.” Ke mokane moporofeta yela a kgomolela.+
17 Ka nthago mo a fetsa go bolabola le ba go mo yeletsa, Kgoši Amaziya wa Juda a romela molayetsa ga Jehowaši morwayi wa Jehowahazi wa gore ke morwayi wa Kgoši Jehu wa Israyele, a re: “Tlang re lwe.”*+ 18 Kgoši Jehowaši wa Israyele a romela molayetsa ga Kgoši Amaziya wa Juda, a re: “Mohlare wa mutlwa wa Lebhanoni wo romele molayetsa ga mosidara wa Lebhanoni, wa re, ‘Neya morwayi waka morwediya wago gore go be mosadi wage.’ Mara phoolwane ya go tshosa ya hlaga ya Lebhanoni ya feta ya gatelanya mohlare wola wa mutlwa. 19 Wene o yitseri, ‘Nna ke hludiye Edomo.’+ Byalo tsotsone di makiye gore o thomise go ba le magetla, o nyake go gadimisiwa. Mara gana byalo dula ntlong yago. Ke ntaba o nyaka mathatha ma le kgole, ka taba la gore go nyoko kwalela wene le Juda?”
20 Mara Amaziya a sa mo theetsele,+ ka gore Modimo wa mannete o makiye gore manaba ya bona ma ba hlule+ ka taba la gore ba rapele medimonyana ya Edomo.+ 21 Byalo, Kgoši Jehowaši wa Israyele a tloga a ya ga Kgoši Amaziya wa Juda ke mokane ba segela ba lwa ku Bhethe-šemeše+ ya gore ke ya Juda. 22 Juda ya hlula ke Israyele, byalo ye mongwana le ye mongwana a tšhabela mutšing wage.* 23 Kgoši Jehowaši wa Israyele a tshwara Kgoši Amaziya wa Juda, morwayi wa Jehowaši wa gore ke morwayi wa Jehowahazi,* o mo tshwarele gana ku Bhethe-šemeše. A mo yisa Jerusalema ke mokane a wisa lepharo la Jerusalema, go thomisa Gheyiting ya Eforayimi+ go segela Gheyiting ya Khoneng,+ 400 ya dikhyubhiti.* 24 O tsere dilo tsa gholdi le tsa silva ka mokana ga tsona le dilo ka mokana ga tsona tso ne di le ntlong ya Modimo wa mannete tsa gore ne di pasopa ke Obete-edomo le tso ne di le ntlong ya kgoši+ tsa gore di tseyediwa gedimo, a boya a tseya le batho gore go be mabhantiti. Ke mokane a boyela Samariya.
25 Amaziya+ morwayi wa Jehowaši kgoši ya Juda o phidiye 15 ya mengwaga mo Jehowaši+ morwayi wa Jehowahazi kgoši ya Israyele a šele a hlokofele.+ 26 Byalo dilo ka mokana ga tsona tso di makegeleng Amaziya, go tlugisela mathomisong go segela mafelelong, anthe a dya ngwadiwa ga Puku ya Magoši ya Juda le ya Israyele? 27 Go tlugisela ka nako yo Amaziya a jikeleng Jehova, batho ba polana+ go mmolaya ku Jerusalema ke mokane a tšhabela Lakhiši, mara ba romela banna ku Lakhiši fote ba mmolayele gona. 28 Byalo ba mo rwala ka dipera ba boya naye, ke mokane ba mmoloka le bokokwane bage ku mutšing wa Juda.
26 Ke mokane batho ka mokana ga bona ba Juda ba tseya Uziya+ wa gore ke mo a na le 16 ya mengwaga, ba maka gore a be kgoši sekgaleng sa papage Amaziya.+ 2 O yagiye mutši wa Elatha+ ka bonyuwane ke mokane a wo busetsa Juda ka nthago ga gore kgoši* ba yi boloke le bokokwane ba yona.+ 3 Uziya+ ke mo a na le 16 ya mengwaga mo a ba kgoši, fote o fetsiye 52 ya mengwaga a lawola ku Jerusalema. Lebitso la mmane wage ke mo go le Jekholaya wa go tšwa Jerusalema.+ 4 O f’lo ya mahlong a maka dilo tsa gabutši mahlong ga Jehova, go fo tshwana le ka mokgo papage Amaziya a makiyeng ka gona.+ 5 Fote o yye mahlong a berekela Modimo ka dinako tsa Zakariya wa gore o mo tšhutisiye go hlompa Modimo wa mannete. Mo a kene a berekela Jehova, Modimo wa mannete o makiye gore a phomelele.+
6 O yye a ye lwa le Mafilisita+ fote a wisa lepharo la Ghathe,+ lepharo la Jabhone+ le lepharo la Ašidodo.+ Ke mokane a yaga mitši ga poleke ya Ašidodo le gare ga Mafilisita. 7 Modimo wa mannete o yye mahlong a mo gelepa mo a lwa le Mafilisita, Maarabha+ ya gore ke mo ma dula Ghuribhaali le Mamewunimi. 8 Maamoni+ ma thomisa go patela mothelo ga Uziya. Mo nako yi kene yi ya, a tšibega go segela Egepita ka taba la gore o yye a ba le matšhika ka matla. 9 Go tokegela gana hone, Uziya o yagiye diwokamelo+ ku Jerusalema thina le Gheyiti ya Khoneng,+ Gheyiti ya Moyeding+ a yaga le Dikholomo, fote a maka gore di pasopege. 10 Go tokegela gana hone, o yagiye diwokamelo+ ku mašahleng fote a yepa didiba tsa go tlala (ka taba la gore ke mo a na le diphoolwane tsa go tlala ka matla); o makiye tsotsone le ku Šefela le ga poleke ya sepsyatla ya gore yi gedimo ga thaba. Ke mo a na le mašomo le ba go bereka mašomong ya didhriva ku dithabeng le ku Kharamele, ka taba la gore ke mo a kwana le tsa go lima.
11 Go tokegela gana hone, Uziya ke mo a na le masole ya gore ke mo ma tikemisele go ya ntweng. Ke mo ba ya ntweng ba sepela ka megoba. Jeyiyele wa gore ke mabhalane+ le Maseya wa gore ke matšinghelane ke mo ba ba balele fote ba ba ngwadisiye+ ka mokgo Hananiya wa gore ke ye mongwana wa dindhuna tsa kgoši a ba butsiyeng ka gona. 12 Nombhoro ya dihlogo tsa mitši ya bopapa ba bona ka moka ba gore ke mo ba wokamela masole yawa ya go ba le matšhika ke mo go le 2 600 ya wona. 13 Masole ya ne ba ma wokamela ke mo go le 307 500 ya banna ba gore ba tikemisele go ya ntweng, yawa ke masole ya gore ma na le matšhika ya gore ke mo ma yema le kgoši mo yi lwa le manaba ya yona.+ 14 Uziya a neya masole yage ka mokana ga wona magawu, marumo,+ makarapo, mekgopa ya go ba le dipelekete,+ mesefo le matlapa ya dipelopelo.+ 15 Go tokogela gana hone, hala Jerusalema a maka metšhini ya ntwa ya gore ke mo yi makiye ke digele tsa go tšiba metšhini; fote ba yi beyye ga diwokamelo+ le ga dikhona tsa mapharo, ne yi kgona go thunya manopa ya mesefo le matlapa ya magolo. Byalo a tšibega ga dipoleke tse dikgolo le tsa kgole, ka gore Modimo ke mo a mo gelepa fote a ba le matšhika.
16 Mara mmušo wage wo yitseri go ba le matšhika, a thomisa go ba le magetla la gore a šinye a titšhela mathatheng, tsotsone dya maka gore a sa sa tshepega ga Jehova Modimo wage, a kena tempeleng ya Jehova ke mokane a tšhuba tsa go nkgela aletareng ya go tšhuba tsa go nkgela.+ 17 Azariya wa gore ke moprista le 80 ya maprista ya mangwana ya Jehova ya gore ma na le lešiši ba napa ba mo šala nthago. 18 Ba segela ba re ga Kgoši Uziya: “A di gabutši gore wene Uziya o tšhubele Jehova tsa go nkgela!+ Ke maprista fela ya gore ma tshwanele ma tšhube tsa go nkgela, ka taba la gore ke ditlogolwane tsa Aroni+ fote ba hlawolegiye. Tšwang ho ga poleke ya go hlawolega, ka taba la gore a wa tshepega fote Jehova Modimo a ka sa go gadimisi ga dilo tso o di makiyeng.”
19 Mara Uziya wa gore ke mo a tshwere pane ya go rwala magala gore a thogo tšhuba tsa go nkgela a kwata ka matla;+ fote mo a kene a kwatele maprista ka mokgo, mo mopong wage a tšwa bolwele bya go jega dinama bya gore ba re ke lephera+ a kene a le mahlong ga maprista ntlong ya Jehova thina le aletare ya go tšhuba tsa go nkgela. 20 Mo Azariya wa gore ke ndhuna ya maprista le maprista ya mangwana ka mokana ga wona ba mo lebelela, ba di bona gore o na le lephera mo mopong! Ka go yakgoswa ba napiye ba mo tlosa mone ke mokane le yene a yakgoswa a tšwa, ka taba la gore Jehova ke mo a mo teyye ka lephera.
21 Kgoši Uziya a ba le lephera lone go segela a kgwa, fote ke mo a dula ga ntlo ya ka thoko ka gore ke mo a na le lephera,+ ka taba la gore ke mo ba sa sa mo dumelela go ya ntlong ya Jehova. Morwayi wage Jothama ke mo a lawola ntlo ya kgoši fote a yahlula batho ba naga yone.+
22 Fote dilo ka mokana ga tsona tso di makegeleng Uziya, go tlugisela mathomisong go segela mafelelong, di ngwadiye ke Jesaya wa go porofeta+ wa gore ke morwayi wa Amozi. 23 Ke mokane Uziya ba mmoloka le bokokwane bage, ba mmolokele tšhomong* ya gore ke ya magoši ka taba la gore ba yitseri: “O na le lephera.” Ke mokane morwayi wage Jothama+ a ba kgoši sekgaleng sage.
27 Jothama+ ke mo a na le 25 ya mengwaga mo a ba kgoši, fote o fetsiye 16 ya mengwaga a lawola Jerusalema. Lebitso la mmane wage ke mo go le Jeruša morwediya wa Zadoke.+ 2 Jothama ke mo a dula a maka tsa gabutši mahlong ga Jehova go fo tshwana le ka mokgo papage Uziya a makiyeng ka gona,+ mara yene aa gapeletsa go kena tempeleng ya Jehova.+ Mara batho ne ba kene ba ya mahlong ba maka dilo tsa go befa. 3 O yagiye gheyiti ya ka kgakala ya ntlo ya Jehova,+ a boya a yaga le lepharo la Ofele.+ 4 O yagiye le mitši polekeng+ ya go ba le dithaba ya Juda,+ a yaga le dipoleke tsa gore di pasopegiye+ le diwokamelo+ ku dipolekeng tsa go ba le mašahla. 5 O lwile le kgoši ya Maamoni,+ a fetsa a ma hludiye, ke mokane ka mongwaga wone Maamoni ma mo neya 100 ya ditalente* tsa silva, 10 000 ya dikhoro* tsa korong le 10 000 ya dikhoro tsa dithoro tsa mabele.* Maamoni ma mo neyye dilo tsowa le ka mongwaga wa mabedi le wa kararo.+ 6 Byalo Jothama a fo ya mahlong a ba le matšhika, ka taba la gore ke mo a tikemisele go latelela ditsela tsa Jehova Modimo wage.
7 Byalo dilo ka mokana ga tsona tso di makegeleng Jothama, dintwa ka mokana ga tsona tso a di lwileng le dilo tso a di makiyeng, ba di ngwadiye ga Puku ya Magoši ya Israyele le ya Juda.+ 8 Ke mo a na le 25 ya mengwaga mo a ba kgoši, fote o fetsiye 16 ya mengwaga a lawola ku Jerusalema.+ 9 Ke mokane Jothama ba mmoloka le bokokwane bage ga poleke yo ba reng ke Mutši wa Dafita.+ Ke mokane morwayi wage Ahazi a ba kgoši sekgaleng sage.+
28 Ahazi+ ne a na le 20 ya mengwaga mo a ba kgoši, fote o fetsiye 16 ya mengwaga a lawola Jerusalema. O makiye dilo tsa go sa loka mahlong ga Jehova, aa maka ka mokgo kokwane wage Dafita a makiyeng ka gona.+ 2 Mara yene o makiye tso di makiyeng ke magoši ya Israyele,+ a boya a maka le medimonyana ya tshipi+ ya Bhaali. 3 Go tokegela gana hone, o makiye dihlabelo ku Moyeding wa Morwayi wa Hinomo* fote a tšhuba barwayi bage mollong,+ o makiye dilo tsa go silikisa tso di makiyeng ke ditšhaba+ tso Jehova a di rakiyeng mo Maisrayele ma segela. 4 O yye mahlong a maka dihlabelo fote a tupisa muši wa dihlabelo ga dipoleke tsa kgakala,+ ga memmoto le ka fase ga mohlare wo mongwana le wo mongwana wo motala.+
5 Byalo Jehova Modimo wage a maka gore kgoši ya Siriya+ yi mo hlule, fote ba maka gore batho ba bona ba go tlala go be mabhantiti ke mokane ba ba yisa Damasekhase.+ O makiye le gore kgoši ya Israyele yi mo hlule, yona ya gore yi bolayye batho bage ba go tlala. 6 Ka gore Peka+ morwayi wa Remalaya a bolaya 120 000 ya banna ba go ba le matšhika ka letšatši ka lloši ku Juda, ka taba la gore ba jikele Jehova Modimo wa bokokwane ba bona.+ 7 Fote Zikhiri wa gore ke mo go le lesole la Leeforayimi o bolayye morwayi wa kgoši ye ba reng ke Maseya le Azrikama wa gore ke mo a pasopa ntlo ya kgoši le Elikana wa gore ke mo a gelepa kgoši. 8 Go tokegela gana hone, Maisrayele ma tseya 200 000 ya basadi, barwayi le barwediya ke mokane ba maka gore go be mabhantiti; fote ba tseya dilo tsa bona tsa go tlala ka matla ke mokane ba di yisa Samariya.+
9 Mara moporofeta wa Jehova wa gore ba re ke Oded ke mo a le gana hone. A tšwa a yema mahlong ga masole ya gore ke mo ma tla Samariya, a re ga wona: “Nka taba la gore Jehova Modimo wa bokokwane ba lune ke mo a kwatele Juda mo a šinya a maka gore le ba hlule,+ le ba bolayye le kwatiye ka matla, di šinnye di segela le ku magedimong. 10 Byalo gana byalo le nyaka go maka gore batho ba Juda le ba Jerusalema go be dibereki tsa lune tsa banna le tsa basadi.+ Anthe le lune a le na molato mahlong ga Jehova Modimo wa lune? 11 Byalo ntheetseleneng, le leye mabhantiti ya le ma tsereng ga bobhuti ba lune, ka gore Jehova o le kwatele ka matla.”
12 Mo a reyane, dindhuna tse dingwana tsa Maeforayimi, Azariya morwayi wa Jehohanane, Bherekhaya morwayi wa Mešilemothe, Jehizikiya morwayi wa Šalumi le Amasa morwayi wa Hadilayi, ba sekisa bo ba go tla ba tšwa ntweng, 13 ke mokane ba re ga bona: “Le sa leye mabhantiti yawa howa, ka taba la gore le nyoko maka gore re be le molato mahlong ga Jehova. Tso le nyoko di makang di nyoko yeketsa ga tso re di sinnyeng ka taba la gore re sinnye ka matla, fote Modimo o kwatele Israyele.” 14 Byalo masole ya gore ke mo ma tshwere tsa go lwa ka tsona ma neya dindhuna le phutego ka mokana ga yona mabhantiti le dilo tso ba di tsereng.+ 15 Byalo, banna bo ne ba ba hlawodiye ka mabitso ba tlogamela ke mokane ba tseya mabhantiti yala, fote ba tseya dikobo ga tso ba di krayyeng ke mokane ba di neya mabhantiti ka mokana ga wona ya gore ke mo ma sa tšwara. Byalo ba ba yapesa, ba ba neya dimphašane, tsa go ja le tsa go nwa le makgura ya go tlola. Go tokegela gana hone, bo ba gore ba lelemela ba ba yisiye ga bobhuti ba bona ku Jerikho, ya gore ke mutši wa go ba le mepalema, ba ba kalamisiye dibhongholo. Ka nthago ga mone ba boyela Samariya.
16 Ka nako yonone, Kgoši Ahazi a kgopela magoši ya Asiriya gore ma mo gelepe.+ 17 Maedomo ma hlasela Juda fote, ke mokane ma tseya mabhantiti. 18 Mafilisita+ ma hlasela mitši ya Šefela+ le Neghebe ya Juda, fote ba tseya Bhethe-šemeše,+ Ayijalone,+ Ghederothe, Soko le dimitšane tsa yona, Thimina+ le dimitšane tsa yona le Ghimzo le dimitšane tsa yona; ke mokane ba dula gana hone. 19 Jehova a maka gore Juda yi tinyanafatse ka taba la Kgoši Ahazi wa Israyele, ka gore o lisetsiye Juda yi maka tso yi di nyakang, tsotsone dya maka gore ba sa tshepege ga Jehova.
20 Mo nako yi kene yi ya, Kgoši Thilighatha-pilinesere+ wa Asiriya a tla a mo hlasela, tsotsone dya sa mo tiyisi mara dya mo tapa matšhika.+ 21 Ka taba la gore Ahazi ke mo a tsere dilo tsa ntlong ya Jehova le tsa ntlong ya kgoši+ le tsa dintlong tsa dindhuna ke mokane a di neya kgoši ya Asiriya; mara tsotsone a dya mo gelepa ka selo. 22 Ka nako yonone ya gore Kgoši Ahazi ke mo a kgongwele, a napa a sinyela Jehova ka matla. 23 A thomisa go maka dihlabelo a makela medimonyana ya Damasekhase+ ya batho ba gore ba mo hludiye,+ ke mokane a re: “Ka taba la gore medimonyana ya magoši ya Siriya ya ba gelepa, le nna ke nyoko yi makela dihlabelo gore yi thogo n’gelepa.”+ Mara tsotsone dya maka gore yene le Israyele ka mokana ga yona ba sinye. 24 Go tokegela gana hone, Ahazi a kgobaketsela dilo tso ba di berekisang ntlong ya Modimo wa mannete; ke mokane a kupelela dilo tso ba di berekisang ntlong ya Modimo wa mannete,+ a kwala dikwalo tsa ntlo ya Jehova,+ a timakela dialetare ga khona ye nngwana le ye nngwana ku Jerusalema. 25 Fote a maka dipoleke tsa kgakala gore a thogo makela medimonyana ye mengwana dihlabelo ga mitši ka mokana ga yona ya Juda,+ tso a di makiyeng di kwatisiye Jehova Modimo wa bokokwane bage.
26 Dilo ka mokana ga tsona tso di mo makegeleng, le dilo ka mokana ga tsona tso a di makiyeng go tlugisela mathomisong go segela mafelelong, ba di ngwadiye ga Puku ya Magoši ya Juda le ya Israyele.+ 27 Ke mokane Ahazi ba mmoloka le bokokwane bage, ba mmolokiye mutšing wa Jerusalema, a baa mmoloka ga poleke yo ba bolokang magoši ya Israyele.+ Ke mokane morwayi wage Hezekiya a ba kgoši sekgaleng sage.
29 Hezekiya+ ke mo a na le 25 ya mengwaga mo a ba kgoši, fote o fetsiye 29 ya mengwaga a lawola Jerusalema. Lebitso la mmane wage ke mo go le Abhija morwediya wa Zakariya.+ 2 O f’lo ya mahlong a maka dilo tsa go loka mahlong ga Jehova,+ go fo tshwana le ka mokgo kokwane wage Dafita a makiyeng ka gona.+ 3 Ka mongwaga wa mathomo wa mo a lawola, ka kgwedi ya mathomo, a bula menyako ya ntlo ya Jehova ke mokane a yi lukisa.+ 4 Byalo a leya maprista le Malifi mo batho ba gahlanelang gona ka nthoko ya bohlabela. 5 A re ga bona: “Lune Malifi, ntheetseleneng. Makaneng gore le hlawolege+ fote le makeneng le gore ntlo ya Jehova Modimo wa bokokwane ba lune yi hlawolege, ke mokane le tlose selo sa gore a se ya yela mo ga poleke yowa ya go hlawolega.+ 6 Ka gore bopapa ba rune a baa tshepega fote ba makiye dilo tsa go sa loka mahlong ga Jehova Modimo wa rune.+ Ba mo lahliye ba boya ba jikela tabarenakele ya Jehova ba jikela le yene mong.+ 7 Ba kwadiye le menyako ya hala lefranteng+ ba tima le malampa.+ Ba lisetsa go tšhuba tsa go nkgela+ le go maka dihlabelo tsa go tšhubiwa+ ga poleke ya go hlawolega ba makela Modimo wa Israyele. 8 Byalo Jehova a kwatela Juda le Jerusalema+ ke mokane a ba leyela tsa go sasamela, gore bo ba di bonang le bo ba di kwang ba tšhoge, ba makale, ba teye le moludi ka mokgo le šeleng le di bona.+ 9 Ka taba la tsotsowa, bokokwane ba rune ba ba bolayye ka sabola+ fote barwayi ba rune, barwediya ba rune le basadi ba rune ba yye bobhantiting.+ 10 Byalo ke di nabela ka matla go maka kwano le Jehova Modimo wa Israyele+ gore a thogo lisetsa go re kwatela. 11 Lune barwayi baka, gana byalo a yi nako ya gore le khutse ka gore Jehova o le hlawodiye gore le yeme mahlong gage,+ le mmerekele fote le mo makele dihlabelo.”+
12 Mo a reyane, Malifi yala ma tlogamela: ga leloko la Kohathe+ gwa tlogamela Mahathe morwayi wa Amasayi le Juwele morwayi wa Azariya; ga leloko la Merari+ gwa tlogamela Khiši morwayi wa Abhdi le Azariya morwayi wa Jahalelele; ga leloko la Ghešone+ gwa tlogamela Jowa morwayi wa Zima le Edeni morwayi wa Jowa; 13 ga ditlogolwane tsa Elizafane gwa tlogamela Šimorayi le Jewuwele; ga ditlogolwane tsa Asafa+ gwa tlogamela Zakariya le Matanaya; 14 ga ditlogolwane tsa Hemane+ gwa tlogamela Jehiyele le Šimeyi; ga ditlogolwane tsa Jeduthune+ gwa tlogamela Šemaya le Uziyele. 15 Byalo ba kgobaketsa bobhuti ba bona ke mokane le bona ba tiyedisa fote ba tla, ba maka go ya ka tso kgoši yi di hlayyeng tsa go tšwa ga Jehova, gore ba yedise ntlo ya Jehova.+ 16 Maprista ma kena ntlong ya Jehova gore ma yi yedise, fote ma tseya dilo ka mokana ga tsona tsa gore a dya yela tso ma di krayyeng ka teng ga tempele ya Jehova ke mokane ma di yisa ku lapeng+ la ntlo ya Jehova. Malifi wona ma di tseya, ma di ntshela ka tawong ma di yisa ga Moyedi wa Kidirone.+ 17 Byalo ba thomisa go yi yedisa ka letšatši la mathomo la kgwedi ya mathomo, fote ka letšatši la mabala la kgwedi yonone ba segela ku lefranteng la Jehova.+ Ba fetsiye mabala ya matšatši ba yedisa ntlo ya Jehova, ke mokane ba fetsa ka letšatši la bo 16 la kgwedi ya mathomo.
18 Ka nthago ba yye ga Kgoši Hezekiya ba segela ba re: “Re yedisiye ntlo ka mokana ga yona ya Jehova, aletare ya go maka dihlabelo tsa go tšhubiwa+ le dilo tso di berekisiwang ga yona ka mokana ga tsona,+ le tafola ya go beya sekgwa sa go hlawolega+ le dilo tso di berekisiwang ga yona ka mokana ga tsona. 19 Fote dilo ka mokana ga tsona tsa gore Kgoši Ahazi o di beyele ka thoko mo a lawola nakwela a sa tshepege+ re di lukisiye, ra di yedisa+ fote di mahlong ga aletare ya Jehova.”
20 Ke mokane Kgoši Hezekiya a tsoga go sa le ka phu a kgobaketsa dindhuna tsa mutši, ke mokane ba yinugela ntlong ya Jehova. 21 Ba leyye kašupa ya dikgomu tsa phoolo, kašupa ya dinku tsa phoolo, kašupa ya dinkunyana tsa phoolo le kašupa ya dipudi tsa phoolo go le sehlabelo sa mo motho a sinnye, ba makela ntlo ya kgoši, ba makela tabarenakele fote ba makela Juda.+ Byalo a botsa maprista ya gore ke ditlogolwane tsa Aroni gore ba neyele ka tsona ga aletare ya Jehova. 22 Ke mokane ba bolaya dikgomu tsela,+ maprista ma tseya madi ya tsona ma fokela hala aletareng;+ ka nthago ba bolaya dinku tsela tsa phoolo ba fokela madi ya tsona hala aletareng, fote ba bolaya dinkunyana tsela tsa phoolo ba boya ba fokela madi ya tsona hala aletareng. 23 Ke mokane ba leya dipudi tsela tsa phoolo tsa gore ke sehlabelo sa mo motho a sinnye mahlong ga kgoši le phutego ke mokane ba beya matsogo ya bona gedimo ga tsona. 24 Maprista ma di bolaya ke mokane ma maka sehlabelo sa mo motho a sinnye ka madi ya tsona hone ga aletare gore Maisrayele ka mokana ga wona ma thogo tshwarediwa ga tso ma di sinnyeng, ka taba la gore kgoši yi yitseri sehlabelo sone sa go tšhubiwa le sehlabelo sa mo motho a sinnye ke tsa Maisrayele ka mokana ga wona.
25 Ka nthoko ye nngwana ne a yemisiye Malifi ntlong ya Jehova ma tshwere disimbhala, tsa go teya dikoša tsa go ba le motato le diharepa,+ ka mokgo Dafita,+ Ghada+ wa gore o kgona go bona tsa ku mahlong le Nathane+ wa go porofeta ba hlayyeng ka gona, tso ba di hlayyeng ke mo di tšwa ga Jehova a berekisa baporofeta bage. 26 Byalo Malifi ne ma yemme ma tshwere tsa go kgana dikoša tsa Dafita, ke mokane maprista ma tshwere diporompeta.+
27 Byalo Hezekiya a re ba make sehlabelo sa go tšhubiwa hone ga aletare.+ Mo ba thomisa go maka sehlabelo sa go tšhubiwa, ba napiye ba thomisa go yepelela koša ya Jehova fote ba teya le diporompeta, ba latelela tsa go kgana dikoša tsa Kgoši Dafita wa Israyele. 28 Ke mokane phutego ka mokana ga yona ya kgotama mo ba kene ba yepelela koša fote ba teya diporompeta—ba makiye ka mokgonowa go segela sehlabelo sa go tšhubiwa se felegelela. 29 Fote mo ba fetsa go maka sehlabelo sone, kgoši le batho ka mokana ga bona bo ne a le nabo ba kgotama fote ba yinamisa dihlogo. 30 Kgoši Hezekiya le dindhuna ba botsa Malifi gore ma thanake Jehova ma berekisa mantsu ya Dafita+ le ya Asafa+ wa go bona tsa ku mahlong. Byalo ba thanaka Modimo ba jabodiye ka matla, ba boya ba kgotama ba yinamisiye dihlogo.
31 Byalo Hezekiya a re: “Ka taba la gore ba le hlawodiye gore le berekele Jehova, tlanneng le leye dihlabelo le dihlabelo tsa go fo leboga ntlong ya Jehova.” Byalo phutego ya thomisa go leya dihlabelo le dihlabelo tsa go fo leboga, ke mokane ye mongwana le ye mongwana a leya dihlabelo tsa go tšhubiwa a sa tšhofe ke motho.+ 32 Nombhoro ya dihlabelo tsa go tšhubiwa tso phutego yi di leyyeng ke mo go le 70 ya dikgomu, 100 ya dinku tsa phoolo, 200 ya dinkunyana tsa phoolo—tsowa ka mokana ga tsona ke mo go le tsa go makela Jehova sehlabelo sa go tšhubiwa+— 33 ke mokane dihlabelo tsa go hlawolega ke mo go le 600 ya dikgomu le 3 000 ya dinku. 34 Mara ke mo go se na maprista ya go tlala ya gore ma ka tswiya dihlabelo ka mokana ga tsona tsa go tšhubiwa, byalo bobhuti ba bona ba Malifi ba ba gelepa+ go segela ba fetsa mmereko wone le go segela maprista ma kgona go tiyedisa,+ ka taba la gore Malifi ke mo ma karakara ka matla ga taba ya go tiyedisa go phala maprista. 35 Fote go makiwwe dihlabelo tsa go tšhubiwa tsa go tlala,+ makgura ya dihlabelo tsa go hlekediwa+ le dihlabelo tsa go nwiwa tsa gore di sipidisana le dihlabelo tsa go tšhubiwa.+ Ka mokgonone mmereko wa ntlo ya Jehova wa boyela sekeng. 36 Byalo Hezekiya le batho ka mokana ga bona ba jabola ka taba la tso Modimo wa mannete a di makeleng batho,+ ka gore dilo tsowa ka mokana ga tsona di makegiye ka go yakgoswa.
30 Hezekiya a romela molayetsa ga Maisrayele ka mokana ga wona+ le ga Juda, fote a ngwalela Eforayimi le Manase+ marifi gore ba tle ntlong ya Jehova ku Jerusalema gore ba tle monyanyeng wa Paseka wa Jehova Modimo wa Israyele.+ 2 Mara kgoši, dindhuna tsage le phutego ka mokana ga yona ku Jerusalema ba fetsa ka gore ba nyoko maka monyanya wa Paseka ka kgwedi ya mabedi,+ 3 ka gore ke mo ba sa kgone go maka monyanya wone ka nako ya gona,+ ka taba la gore ke mo go se na maprista ya go tlala ya gore ma tiyedisiye+ le batho ne ba sa gahlane ku Jerusalema. 4 Dilo tsowa ke mo di bonagala di le gabutši mahlong ga kgoši le mahlong ga phutego ka mokana ga yona. 5 Byalo ba fetsiye ka gore ba botse batho ka mokana ga bona ku Israyele, go tlugisela Bhere-šeba go segela Dani,+ gore di nyaka batho ba tle ba makele Jehova Modimo wa Israyele monyanya wa Paseka ku Jerusalema, ka gore ke mo ba soko wo maka ba le mogoba go ya ka mokgo go ngwadiwweng.+
6 Byalo batho bo ba go romela molayetsa ba yye Israyele ka mokana ga yona le Juda ba tshwere marifi ya go tšwa ga kgoši le dindhuna tsage, ka mokgo kgoši yi hlayyeng, ba re: “Lune batho ba Israyele, boyelaneng ga Jehova Modimo wa Abhrahama, Isaka le Israyele gore a boyele ga bo ba šeleng ba gore ba tšhabele magoši ya Asiriya.+ 7 Le sa tshwane le bokokwane ba lune le bobhuti ba lune ba gore a baa tshepega ga Jehova Modimo wa bokokwane ba bona, ka taba la tsowa, Modimo o ba leyele tsa go sasamela gore bo ba di bonang le bo ba di kwelelang ba tšhoge ka matla, ka mokgo le lune le di bonang.+ 8 Lune le sa tiwomisi dihlogo go tshwana le bokokwane ba lune.+ Theetselaneng Jehova, le tleneng tabarenakeleng yage+ ya gore o yi makiye gore yi hlawolege go ya go yye fote le berekeleneng Jehova Modimo wa lune gore a thogo lisetsa go le kwatela.+ 9 Mo le ka boyela ga Jehova, bo ba makiyeng+ gore bobhuti ba lune le barwayi ba lune go be mabhantiti ba nyoko ba kwela go baba fote ba nyoko ba dumelela gore ba boyele ga naga yowa,+ ka taba la gore Jehova Modimo wa lune wa naganelana fote o kwelana go baba,+ mo le ka boyela gage yene a ka sa le jikele.”+
10 Byalo, bo ba go sipidisa molayetsa ba yye ka mutši ka mutši nageng ka mokana ga yona ya Eforayimi, Manase+ le Zebhuloni, mara batho ke mo ba ba tshega fote ba ba tewula.+ 11 Mara batho ba bangwana ba go tšwa ga leloko la Aša, la Manase le la Zebhuloni ba tinyanafatsa ke mokane ba tla Jerusalema.+ 12 Modimo wa mannete ke mo a na le Juda fote ke mo ba le selo ka ssoši mo ba maka tso kgoši le dindhuna ba ba butsiyeng tsona tsa go tšwa ga Jehova.
13 Batho ba go tlala ba gahlana Jerusalema gore ba thogo maka Monyanya wa Sekgwa sa go se na Dikomelo+ ka kgwedi ya mabedi;+ batho bowa ne ba tlele ka matla. 14 Ba tlogamela ke mokane ba tlosa dialetare tsa gore ne di le ku Jerusalema,+ ba boya ba tlosa dialetare+ ka mokana ga tsona tsa go tšhubela tsa go nkgela ba di lahlela Moyeding wa Kidirone. 15 Ke mokane ba maka sehlabelo sa Paseka ka letšatši la bo 14 la kgwedi ya mabedi. Maprista le Malifi ba tšeba ke mokane ba tiyedisa fote ba leya dihlabelo tsa go tšhubiwa ntlong ya Jehova. 16 Ba yye mahlong ba kene ba yemme ga dipoleke tsa bona go ya ka Molawo wa Moše wa gore ke lelata la Modimo wa mannete; ke mokane maprista ma fokela madi+ ya ba ma krayyeng ga Malifi. 17 Ke mo go na le batho ba go tlala hone phutegong ba gore a baa tiyedisa, fote Malifi ke mo ma maka mmereko wa go bolayela batho ka moka ba gore ne ba sa yela+ diphoolwane tsa go maka sehlabelo sa Paseka gore ba yele ga Jehova. 18 Ka gore batho ba go tlala, ka matlamatla ba Eforayimi, Manase,+ Isakhara le Zebhuloni ne ba sa tiyedisa, mara ba f’lo ya mahlong ba ja tsa go ja tsa Paseka, a baa maka tso di ngwadiwweng. Mara Hezekiya a ba rapelela a re: “Nkare Jehova wa gore o lukiye+ a ka dumelela 19 motho ye mongwana le ye mongwana wa gore o fetsiye le pelo yage gore o nyoko berekela Modimo wa mannete,+ yene Jehova, Modimo wa bokokwane bage, le mo nkare aa tiyedisa go ya ka melawo ya go hlawolega.”+ 20 Byalo Jehova a theetsela Hezekiya ke mokane a tshwarela batho bala.
21 Byalo Maisrayele ya ne ma le Jerusalema ma maka Monyanya wa Sekgwa sa go se na Dikomelo+ kašupa ya matšatši ma kene ma jabodiye ka matla,+ Malifi le maprista ke mo ma thanaka Jehova letšatši le lengwana le le lengwana, ma kganela Jehova tsa go teya dikoša di rasa.+ 22 Go tokegela gana hone, Hezekiya a bolabola le Malifi ka mokana ga wona ya gore ne ma berekela Jehova ma tshepega, a boya a ma tiyisa. Fote ba ja ga monyanya wone kašupa ya matšatši,+ ba maka dihlabelo tsa go hlekediwa+ fote ba leboga Jehova Modimo wa bokokwane ba bona.
23 Ke mokane phutego ka mokana ga yona ya fetsa ka gore yi nyoko yeketsa ka matšatši ya mangwana kašupa ya wona, byalo ba yeketsa kašupa ya matšatši ya mangwana ga monyanya wone fote ba wo makiye ba jabodiye ka matla.+ 24 Ke mokane Kgoši Hezekiya wa Juda a leyela phutego 1 000 ya dikgomu tsa phoolo le 7 000 ya dinku, ke mokane dindhuna dya leyela phutego 1 000 ya dikgomu tsa phoolo le 10 000 ya dinku;+ fote maprista ya go tlala ne ma tiyedisa.+ 25 Phutego ka mokana ga yona ya Juda, maprista, Malifi, phutego ka mokana ga yona ya gore yi tlile yi tšwa Israyele+ le bo ba go tšwa ba sepela+ ba gore ne ba le nageng ya Israyele le ba go dula Juda ba yye mahlong ba jabodiye ka matla. 26 Fote ku Jerusalema ke mo ba jabodiye ka matla, ka taba la gore go tlugisela mo Solomoni morwayi wa Dafita wa gore ke kgoši ya Israyele a lawola a gwa makega selo sa mošaga wowa Jerusalema.+ 27 Maprista ya Malifi ma fetsa ma tlogamele ke mokane ma rufa batho;+ Modimo a ba kwa, fote thapelo ya bona ya segela ku a dulang gona ga go hlawolega, gona magedimong.
31 Mo ba fetsa go maka dilo tsone ka mokana ga tsona, Maisrayele ka mokana ga wona ya ne ma le gona ma ya mitšing ya Juda, ma pshyayanya dikholomo tsa go hlawolega,+ ma wisanya diphate tsa go hlawolega+ fote ma wisanya le dipoleke tsa kgakala+ le dialetare,+ Juda ka mokana ga yona, Bhenjamini ka mokana ga yona, Eforayimi le Manase+ go segela ba fetsa. Ka nthago, Maisrayele ka mokana ga wona ma boyela mitšing ya wona, ye mongwana le ye mongwana a boyela gaye gage.
2 Ke mokane Hezekiya a hlawola maprista ka megoba ya wona+ le Malifi ka megoba ya wona+ gore ba thogo maka mebereko ya bona,+ ba maka dihlabelo tsa go tšhubiwa le dihlabelo tsa go hlekediwa, ba bereka, ba leboga le go thanaka Jehova ku digheyiting tsa malapa ya tempele.+ 3 Dilo tse dingwana tsa kgoši ba neyela ka tsona gore go be dihlabelo tsa go tšhubiwa+ le dihlabelo tsa ka bošego le ka malobana,+ le dihlabelo tsa go tšhubiwa tsa Disabatha,+ tsa dingwedi tsa nyuwane+ le tsa menyanya+ go ya ka mokgo go ngwadiwweng ga Molawo wa Jehova.
4 Go tokegela gana hone, a botsa batho bo ba leng Jerusalema gore ba neye maprista le Malifi tso di ma tshwaneleng,+ gore ma thogo ngangarela molawo wa Jehova. 5 Mo ba fetsa go ba botsa tso ba tshwaneleng go di maka, Maisrayele ma leya mabele ya mathomo ya go tlala, wayini ya nyuwane ya go tlala, makgura ya go tlala+ le mamapo ya go tlala, le tsa mathomo ga tso ba di bunneng ka mokana ga tsona,+ ma leya le sa lesome ga selo se sengwana le se sengwana, le tsona ke mo di tlele ka matla.+ 6 Fote batho ba Israyele le ba Juda bo ne ba dula mitšing ya Juda ba leya sa lesome sa go tšwa ga dikgomu le dinku le sa lesome sa dilo tsa go hlawolega+ tsa gore ke mo ba di yedisele Jehova Modimo wa bona. Ba di leyye ke mokane ba maka gore go be dindhundhuma tsa go tlala. 7 Ka kgwedi ya kararo+ ba beya dilo ka moka tso batho ba di leyyeng ga poleke ka yyoši; ke mokane ka kgwedi ya kašupa+ ba fetsa mmereko. 8 Mo Hezekiya le dindhuna ba segela ke mokane ba bona dilo tsela ba di kgobaketsiyeng, ba thanaka Jehova fote ba mo kgopela gore a rufe batho bage ba Israyele.
9 Hezekiya a butsisa maprista le Malifi ka dindhundhuma tsone, 10 ke mokane Azariya wa gore ke ndhuna ya maprista ga ntlo ya Zadoke a re gage: “Nakwela ba thomisa go neyela ka dilo tsone ntlong ya Jehova,+ batho ke mo ba ja ba kgura mara ne go sa šele dilo tsa go tlala, ka gore Jehova ke mo a rufiye batho bage fote dilo tsowa tsa go tlala ke mo di sa šele.”+
11 Ka nako yonone, Hezekiya a ba botsa gore ba lukiselele dikamara tsa go beya dilo tsone+ mone ntlong ya Jehova, ke mokane ba di lukiselela. 12 Ba yye mahlong ba leya meneyelo ba kene ba tshepega, ba leya sa lesome+ le dilo tsa go hlawolega; fote Khonanaya wa Lelifi ke mo ba mmeyye gore a wokamele dilo tsone ka mokana ga tsona, ke mo a gelepa ke bhuti wage Šimeyi. 13 Jehiyele, Azaziya, Nahathe, Asahele, Jerimothe, Jozabhadi, Eliyele, Isimakhaya, Mahathe le Bhenaya ke mo ba yetetsa ke Khonanaya le bhuti wage Šimeyi ga tso ba di makang, ba botsa ke Kgoši Hezekiya, ke mokane Azariya ke mo a wokamela ntlo ya Modimo wa mannete. 14 Ke mokane Kore morwayi wa Imna wa gore ke mo a pasopa ga gheyiti ya ka bohlabela wa gore ke Lelifi,+ ke mo a wokamela dihlabelo+ tso batho ba fo kwang ba nabela go di makela Modimo wa mannete, a neya maprista dilo tso ba neyeleng ka tsona ga Jehova+ le dilo tsa go hlawolega ka matla.+ 15 Fote ke mo a wokamela Edeni, Miniyamini, Ješuwa, Šemaya, Amariya le Šekhanaya ga mitši ya maprista+ le ga mmereko wo ba ba neyyeng wona wa gore bobhuti ba bona ba gore ke maprista ba ba neye dilo,+ ba bagolo le ba banyana ba ba neyye tsa go lekana. 16 Tsowa ke tse dingwana tsa dilo tso ba di neyyeng bašomanyana ba go thomisa ga kararo ya mengwaga go ya gedimo, ba gore mabitso ya bona ne ma ngwadisiwwe ba gore ne ba tl’le bereka ntlong ya Jehova ba maka mebereko ya bona go ya ka megoba yo ne ba le ga yona.
17 Maprista ke mo ba ma ngwadisiye ka letheto la leloko la bopapa ba bona,+ go fo tshwana le ka mokgo ba ngwadisiyeng Malifi ya go ba le 20 ya mengwaga go ya gedimo,+ ke mo ba ma ngwadisiye go ya ka mebereko yo ne ba yi maka le ka megoba ya bona.+ 18 Ga letheto lowa ke mo go na le bana ba bona ka mokana ga bona, basadi ba bona, barwayi ba bona, barwediya ba bona le phutego ya bona ka moka—ke mo ba dula ba yediye ka taba la mebereko ya go hlawolega yo ne ba ba neyye yona— 19 ga letheto lowa fote ke mo go na le ditlogolwane tsa Aroni, ba gore ke maprista ya gore ke mo ma dula mašomong ya go dukulugela mitši ya bona.+ Ga mitši yone ka mokana ga yona ke mo go na le banna ba bangwana ba gore ba ba hlawodiye ka mabitso ya bona, fote ba ba neyye mmereko wa go neya maprista tsa go ja le batho ka moka ba gore ba ga letheto la leloko la Malifi.
20 Hezekiya o makiye dilo tsowa ga Juda ka mokana ga yona, o f’lo ya mahlong a maka tsa go loka, a maka dilo gabutši fote a tshepega mahlong ga Jehova Modimo wage. 21 Fote mmereko wo mongwana le wo mongwana wo ne a wo maka gore a berekele Modimo wage, wa go sipidisana le ntlo ya Modimo wa mannete+ kela wa go sipidisana le Molawo le tso ba mmotsang tsona, o wo makiye ka pelo yage ka moka fote a phomelela.
32 Ka nthago ga dilo tsowa le tso a di makiyeng a kene a tshepega,+ Kgoši Senakheribho wa Asiriya a tla ke mokane a hlasela Juda. A dukulugela mitši ya gore yi pasopegiye, a nyaka go yi hlasela le go yi tseya.+
2 Mo Hezekiya a di bona gore Senakheribho o tlile fote o tikemisele go lwa le Jerusalema, 3 mo a fetsa go bolabola le dindhuna tsage le masole yage, a fetsa ka gore o nyaka go yemisa meetši ya didiba tsa ka tawong ga mutši,+ ke mokane bona ba yema naye. 4 Batho ba go tlala ke mo ba kgobakanne ke mokane ba yemisa meetši ya didiba tsela le ya ne ma yela ga naga yone, ba re: “A re nyake gore magoši ya Asiriya ma kraye meetši mo ma tla.”
5 Go tokegela gana hone, ka gore ke mo a tikemisele o yagiye lepharo la gore ke mo le wile fote a yaga le diwokamelo ga lona, ke mokane a yaga lepharo le lengwana ka tawong. A lukisa le Mmoto*+ wa Mutši wa Dafita, fote a maka le dilo tsa go lwa ka tsona tsa go tlala ka matla le magawu. 6 Byalo, a hlawola dindhuna tsa masole gore di wokamele batho ke mokane ba gahlana mo batho ba gahlanelang gona ga gore ke gheyiting ya mutši, a ba tiyisa a re: 7 Šišimalaneng le tiyelele. Le sa tšhogeneng kela la tšhaba ka taba la kgoši ya Asiriya+ le masole ya yona ka mokana ga wona, ka taba la gore bo ba nang le rune ba tlele go phala bo ba nang naye.+ 8 Yene o tshepele ga matšhika ya batho, mara rune re na le Jehova Modimo wa rune gore a thogo re gelepa le go re lwela.”+ Byalo batho ba tiyisa ke mantsu ya Kgoši Hezekiya wa Juda.+
9 Ka nthago ga hone, mo Kgoši Senakheribho wa Asiriya a le ku Lakhiši+ a na le masole yage ka mokana ga wona, a romela dibereki tsage ku Jerusalema ga Kgoši Hezekiya wa Juda le ga Majuda ka mokana ga wona ya ku Jerusalema,+ a re:
10 “Tsowa ke tso Kgoši Senakheribho wa Asiriya a di hlayang, ‘Le tshepiye ying la go šinya le dula Jerusalema le mo ba kene ba yi dukulugele?+ 11 Hezekiya wa le fokola fote o nyoko le bolayisa tlala le lenyora, mo a re: “Jehova Modimo wa rune o nyoko re phonisa ga kgoši ya Asiriya.”+ 12 Anthe Hezekiya yewa a yi yene ye a tlusiyeng dipoleke tsa kgakala+ tsa Modimo wa lune le dialetare tsage+ ke mokane a re ga Juda le Jerusalema: “Di nyaka le kgotame aletareng ka yyoši fote le make dihlabelo tsa lune ga yona”?+ 13 Anthe a le di tšibi tso nna le bokokwane baka re di makiyeng ga batho ka mokana ga bona ba dinaga?+ Ayitsano medimo ya ditšhaba tsa dinaga tsone yi kgonne go phonisa dinaga tsa tsona matsogong yaka?+ 14 Ke wofeng modimonyana wa ditšhaba tsowa tsa gore bokokwane baka ba fetsiye ka tsona wa gore o kgonne go phonisa batho bage matsogong yaka, la go šinya le tshepa gore Modimo wa lune o nyoko le phonisa matsogong yaka?+ 15 Byalo le sa lisetsi Hezekiya a le tlayetsa kela a le ntsha pateng ka mokgo!+ Le sa mo tshepe, ka gore a go na modimo wa setšhaba kela mmušo wa gore o kgonne go phonisa batho ba wona gaka le ga bokokwane baka. Byalo le nagana gore Modimo wa lune o nyoko le phonisa gaka?’”+
16 Malata yage ma hlayye le tsa go sa loka ka Jehova Modimo wa mannete le ka lelata lage Hezekiya. 17 Fote o ngwadiye marifi+ a rogelela Jehova Modimo wa Israyele,+ fote a bolabola le dilo tsa go sa loka ka yene a re: “Akere medimonyana ya ditšhaba yi šitegiye go phonisa batho ba yona gaka,+ le Modimo wa Hezekiya a ka sa kgone go phonisa batho bage gaka.” 18 Ke mo ba yahlamela ba sa fetsi ka Sejuda ba bolabolela batho ba hala Jerusalema ba gore ke mo ba yemme lepharong, ba makela gore ba ba tshosetse le gore ba ba hlagasedise gore ba thogo hlula mutši wone.+ 19 Tso ba di hlayyeng tsa go sa loka ka Modimo wa Jerusalema di fo tshwana le tso ba di hlayyeng ka medimonyana ya batho ba lefase ya gore yi makiye ke batho. 20 Mara Kgoši Hezekiya le Jesaya+ wa go porofeta wa gore ke morwayi wa Amozi ba yye mahlong ba kene ba rapela ka taba yowa, fote ba llela Modimo gore a ba gelepe.+
21 Ke mokane Jehova a romela lengeloyi la segela le bolaya masole ka mokana ga wona+ ya go ba le matšhika, wa go yeta mahlong le ndhuna ya gore ke mo yi le ga kampa ya kgoši ya Asiriya ke mokane yene a boyela ga naga yage a tšebiye ka matla. Ka nthago a kena ntlong ya modimonyana wage, ke mokane barwayi bage ba bangwana ba mmolaya ka sabola gana hone.+ 22 Byalo Jehova o phonisiye Hezekiya le batho ba go dula Jerusalema ga Kgoši Senakheribho wa Asiriya le ga batho ba bangwana ka mokana ga bona ke mokane a maka gore go bebe mone nageng. 23 Fote ba leya dilo ga Jehova ku Jerusalema, ba neya Kgoši Hezekiya wa Juda dilo tsa go di phala ka moka,+ ditšhaba ka mokana ga tsona dya mo hlompa ka nthago ga dilo tsowa.
24 Ka matšatši yanane, Hezekiya a thomisa go lwala la nkare wa kgwa, ke mokane a rapela Jehova,+ yene a mo fetola fote a mo neya mošupetso.+ 25 Mara Hezekiya a sa leboge dilo tsa gabutši tso ba mo makeleng tsona, ka gore o yye a ba le magetla, tsotsone dya maka gore Modimo a mo kwatele fote a kwatele Juda le Jerusalema. 26 Mara Hezekiya a tinyanafatsa ka taba la gore ke mo a na le magetla,+ fote ba go dula Jerusalema le bona ba tinyanafatsiye, fote Jehova a sa ba kwatele ka dinako tsa mo Hezekiya a sa phela.+
27 Fote Hezekiya a ghanya ka matla fote a tšibega ka matla;+ ke mokane a tiyagela dintlo tsa go beya dilo ga tsona+ gore a beye silva, gholdi, matlapa ya go tseyediwa gedimo, makgura ya bhalesamo, magawu le dilo ka mokana ga tsona tsa go tseyediwa gedimo. 28 Fote a maka le dipoleke tsa go beya mabele, wayini ya nyuwane le makgura, le mašaka ya go beya diphoolwane tsa mohlobohlobo ka mokana ga tsona le mašaka ya go beya merape. 29 O tikrayele mitši, fote a tikrayela le diphoolwane tsa go tlala, merape le dikgomu, ka gore Modimo o mo neyye dilo tsa go tlala ka matla. 30 Hezekiya ke yene wa gore o kwadiye mosela wa meetši+ ya Ghihone+ ke mokane a maka gore wo yelele ka bodikela bya Mutši wa Dafita,+ fote Hezekiya a phomelela ga mmereko wage wo mongwana le wo mongwana. 31 Mara mo bo ba go bolabolela dindhuna tsa ku Bhabhilona ba ba roma gore ba butsise ka mošupetso+ wo wo yyeng wa makega ku nageng,+ Modimo wa mannete a sa sa mo pasopa ke mokane a mo liketsa+ a nyaka go bona gore pelo yage gabutšibutši yi yemme kaye.+
32 Byalo dilo ka mokana ga tsona tso di makegeleng Hezekiya le tso a šupetsiyeng ka tsona gore wa nyakanana,+ di ngwadiwwe ga mmono wa Jesaya wa go porofeta+ wa gore ke morwayi wa Amozi ga Puku ya Magoši ya Juda le ya Israyele.+ 33 Ke mokane Hezekiya ba mmoloka le bokokwane bage, ba mmolokiye mmotong wa gore wo bakiye mabitleng ya barwayi ba Dafita;+ ke mokane batho ka mokana ga bona ba Juda le ba go dula Jerusalema ba mo hlompa likgung lage. Fote morwayi wage Manase a ba kgoši sekgaleng sage.
33 Manase+ ke mo a na le 12 ya mengwaga mo a ba kgoši, fote o fetsiye 55 ya mengwaga a lawola Jerusalema.+
2 O makiye dilo tsa gore a dya loka mahlong ga Jehova, a maka dilo tsa go silikisa tsa gore ke mo di maka ke ditšhaba tsa gore Jehova o di rakiye mo go segela Maisrayele.+ 3 O yagiye dipoleke tsa kgakala ka bonyuwane tsa gore di wisannye ke papage Hezekiya,+ fote a makela medimonyana ya Bhaali dialetare, a maka le diphate tsa go hlawolega* fote a kgotamela dinanedi tsa magedimong a boya a di berekela.+ 4 Fote o yagele medimonyana ya matsaka dialetare ku ntlong ya Jehova,+ ya gore Jehova o yitseri ka yona: “Lebitso laka le nyoko ba Jerusalema go ya go yye.”+ 5 Fote a yagela dinanedi ka mokana ga tsona tsa magedimong dialetare, a di beya ga malapa ka mabedi ya ku ntlong ya Jehova.+ 6 A fitisa barwayi bage mollong+ ku Moyeding wa Morwayi wa Hinomo,+ a maka tsa masalamose,+ a nyaka go tšiba tsa ku mahlong, fote a kgeta batho gore ba bereke ka tsa masalamose le ba go bona tsa ku mahlong.+ O makiye dilo tsa go sa loka mahlong ga Jehova gore a mo kwatise.
7 A beya sethombhe sa go makiwa ka phate ya go hlawolega ga ntlo ya gore Modimo wa mannete+ o butsiye Dafita le morwayi wage Solomoni gore: “Ga ntlo yowa le ku Jerusalema ya gore ke yi hlawodiye ga maloko ka mokana ga wona ya Israyele ke nyoko maka gore lebitso laka le be gona go ya go yye.+ 8 Nka sa sa ntsha Maisrayele ga naga yo ke tshepisiyeng bokokwane ba bona, mo ba ka fo maka dilo ka mokana ga tsona tso ke ba butsiyeng tsona, Molawo ka mokana ga wona, ditšhiko le ka mokgo di nyakang ba yahlula ka gona le go latelela molawo wa gore lelata laka Moše le ba butsiye wona.” 9 Manase o f’lo ya mahlong a maka gore Majuda le batho bo ne ba dula Jerusalema ba keketlele, a boya a maka gore ba sinyele Jehova go phala ditšhaba tso Modimo a di hludiyeng mo Maisrayele ma segela.+
10 Jehova o yye mahlong a bolabola le Manase le batho bage, mara ba sa mo theetsela.+ 11 Byalo Jehova a maka gore dindhuna tsa kgoši ya Asiriya di ba hlasele, ke mokane ba tseya Manase ba mo tlemelela ka diketane tsa koporo ka dipedi, ba mo yisa Bhabhilona. 12 Mo a kene a kwa di mmoyela, a kgopela Jehova Modimo wage gore a mo kwele go baba, fote o yye mahlong a tinyanafatsiye mahlong ga Modimo wa bokokwane bage. 13 Aa lisetsa go rapela Modimo, fote Modimo o mo theetsele mo a mo kgopela gore a mo kwele go baba, o mmusetsiye ga setulo sage sa go lawola ku Jerusalema.+ Ke mokane Manase a thomisa go di tšiba gore Jehova ke Modimo wa mannete.+
14 Ka nthago o yagiye lepharo la ka tawong ga Mutši wa Dafita+ ka bodikela bya Ghihone+ ku moyeding go segela Gheyiting ya Dihlaping,+ o le yagiye go segela ku Ofele+ fote a maka gore le lefe. Go tokegela gana hone, o hlawodiye dindhuna ga mitši ka mokana ga yona ya ku Juda ya gore yi pasopegiye. 15 Ke mokane a tlosa medimo ye mengwana a boya a tlosa sethombhe so ne se le ntlong ya Jehova,+ a tlosa le dialetare ka mokana ga tsona tso ne a di yagiye gedimo ga thaba ku ntlong ya Jehova+ le ku Jerusalema, a maka gore ba di lahlele ka tawong ga mutši. 16 Fote o lukiselele aletare ya Jehova+ ke mokane a thomisa go maka dihlabelo tsa go hlekediwa+ le dihlabelo tsa go fo leboga+ mone ga yona, ke mokane a botsa batho ba Juda gore ba berekele Jehova Modimo wa Israyele. 17 Mara batho ke mo ba sa na ba makela Jehova Modimo wa bona a le ntoši dihlabelo ga dipoleke tsa kgakala.
18 Byalo dilo ka mokana ga tsona tso di makegeleng Manase, thapelo yo a yi rapeleng Modimo wage, le dilo ka mokana ga tsona tso di hlayyeng ke ba go bona tsa ku mahlong tsa gore ba mmutsiye tsona di tšwa ga Jehova Modimo wa Israyele, ba di ngwadiye ga puku ya ku botala ya go ngwala dilo tsa go bolabola ka magoši ya Israyele. 19 Fote thapelo yage+ le tso a di kgopeleng tsa gore ba mo neyye tsona, tso a di sinnyeng ka moka le ka mokgo ne a sa tshepege,+ ga gore o yagiye dipoleke tsa go hlawolega a boya a beya le diphate tsa go hlawolega,+ le dithombhe tsa gore ba di betliye tso a di makiyeng mo a soko tinyanafatsa, ba di ngwadiye ga mantsu ya batho bage ba go bona tsa ku mahlong. 20 Ke mokane Manase ba mmoloka le bokokwane bage, ba mmolokiye gaye gage; morwayi wage Amoni a ba kgoši sekgaleng sage.+
21 Amoni+ ke mo a na le 22 ya mengwaga mo a ba kgoši, fote o fetsiye mengwaga mmedi a lawola Jerusalema.+ 22 O f’lo ya mahlong a maka dilo tsa go sa loka mahlong ga Jehova go tshwana le papage Manase;+ fote Amoni o makiye dihlabelo a makela medimonyana ka mokana ga yona ya gore yi makiye ke papage Manase,+ aa lisetsa go yi berekela. 23 Mara yene a sa tinyanafatse mahlong ga Jehova+ ka mokgo papage Manase a makiyeng ka gona;+ Amoni o f’lo ya mahlong a sinya. 24 Malata yage ma fetsa ma mo polanela dilo tsa go sa loka+ ke mokane ma mmolayela ntlong yage. 25 Mara batho ba naga yone ba bolaya batho ka mokana ga bona ba gore ba jikele Kgoši Amoni,+ ke mokane ba tseya morwayi wage Josiya+ ba maka gore go be kgoši sekgaleng sage.
34 Josiya+ ke mo a na le mabala ya mengwaga mo a ba kgoši, fote o fetsiye 31 ya mengwaga a lawola Jerusalema.+ 2 O makiye dilo tsa gabutši mahlong ga Jehova, o makiye tso Dafita kokwane wage ne a di maka fote ke mo a theetsela molawo.
3 Ka mongwaga wa mabala wa mo a lawola, nakwela a sa le mošomanyana, a thomisa go nyakana le Modimo wa kokwane wage Dafita;+ ke mokane ka mongwaga wa bo 12 a thomisa go yedisa Juda le Jerusalema+ ka go tlosa dipoleke tsa kgakala,+ diphate tsa go hlawolega,* medimonyana ya dithombhe+ le medimonyana ya dithombhe ya tshipi. 4 Go tokegela gana hone, ba pshyayanya dialetare tsa Bhaali Josiya a kene a le nabo, fote a wisa dilo tso ne ba tšhubela dilo tsa go nkgela ga tsona tsa gore ne di le gedimo ga dialetare. A pshyayanya diphate tsa go hlawolega,* medimonyana ya dithombhe, le medimonyana ya dithombhe ya gore yi makiwwe ka tshipi gwa šala go le mawudu ke mokane a ma tseya a segela a ma gašanya mabitleng ya bo ne ba yi makela dihlabelo.+ 5 Fote a tšhuba mašapo ya maprista mone dialetareng tsa bona.+ Ka mokgonone ne a yedisa Juda le Jerusalema.
6 Fote le ga mitši ya Manase, Eforayimi,+ Simiyoni, go segela Nafthali le ga dipoleke ka moka tso ba di sinnyeng, 7 a wisanya dialetare, a šilanya diphate tsa go hlawolega le medimonyana ya dithombhe+ gwa ba mawudu; a wisanya le dipoleke tso ba tšhubelang tsa go nkgela ga tsona mone Israyele ka mokana ga yona,+ ke mokane ka nthago a boyela Jerusalema.
8 Ka mongwaga wa bo 18 wa mo a lawola, nakwela a šele a yedisiye naga le tempele,* a romela Šafane+ morwayi wa Azaliya, Maseya wa gore ke ndhuna ya mutši le Jowa morwayi wa Jowahazi wa gore ke mabhalane gore ba lukise ntlo ya Jehova Modimo wage.+ 9 Ba tla ga Hilikiya wa gore ke moprista ye mogolo ke mokane ba mo neya tšheleta ya gore ke mo ba yi leyye ga ntlo ya Modimo, ya gore Malifi ya go bereka gheyiting ma yi kolekiye yi tšwa ga Manase, Eforayimi le Israyele ka mokana ga yona,+ le Juda, Bhenjamini le ga batho ba go dula Jerusalema. 10 Ke mokane ba yi neya bo ba ba kgetiyeng gore ba wokamele mmereko wa ntlo ya Jehova. Ke mokane bo ba go bereka ntlong ya Jehova ba yi berekisa go lukisa ntlo ya Modimo. 11 Ba yi neyye bo ba go maka mmereko wa matsogo le bommeselane gore ba reke matlapa ya go fefiwa le dikwata tsa go thegeletsa ka tsona le gore ba thogo berekisa mabalelo mo ba yaga dintlo tsa gore magoši ya Juda ma di lisetsiye di sinyega.+
12 Banna bone ba makiye mmereko wa bona ba kene ba tshepega.+ Ba hlawodiye Malifi gore ma wokamele, ga leloko la Merari+ ba hlawodiye Jahathe le Obadiya, ga leloko la Kohathe+ ba hlawodiye Zakariya le Mešulamo. Fote Malifi ka mokana ga wona ya gore ke mo ma di kgona tsa go yepelela,+ 13 ke mo ba wokamela dibereki fote ke mo ba wokamela batho ka mokana ga bona ba go bereka mebereko ya mehlobohlobo; fote Malifi ya mangwana ke mo go le bomabhalane, ba go lawola le ba go pasopa digheyiti.+
14 Mo ba kene ba ntsha tšheleta ya gore batho ba yi leyye ntlong ya Jehova,+ Hilikiya wa gore ke moprista a kraya puku ya Molawo ya gore Jehova+ o yi neyye batho bage a berekisa Moše.+ 15 Byalo Hilikiya a re ga Šafane wa gore ke mabhalane: “Ke krayye puku ya Molawo ku ntlong ya Jehova.” Mo a reyane, Hilikiya a neya Šafane puku yone. 16 Ke mokane Šafane a leya puku yone ga kgoši fote a re ga yona: “Malata yago ma maka mmereko ka mokana ga wona wo o ma neyyeng. 17 Ma ntshiye tšheleta yo ma yi krayyeng ntlong ya Jehova, fote ma yi neya banna bo ba ba kgetiyeng le bo ba makang mmereko.” 18 Šafane wa gore ke mabhalane a boya a botsa kgoši gore: “Go na le puku ya gore Hilikiya wa gore ke moprista o nneyye yona.”+ Ke mokane Šafane a thomisa go yi bala mahlong ga kgoši.+
19 Mo kgoši yi kwa mantsu ya Molawo wone, ya napa yi tlerolanya dikobo tsa yona.+ 20 Ke mokane kgoši ya botsa Hilikiya, Ahikamo+ morwayi wa Šafane, Abhdoni morwayi wa Mmika, Šafane wa gore ke mabhalane le Asaya wa gore ke sebereki sa kgoši ya re: 21 “Ariyeneng le ye butsisa Jehova, le butsisele nna le bo ba šeleng Israyele le Juda ka mantsu ya ma leng pukung yo re yi krayyeng; ka gore Jehova o nyoko re kwatela ka matla ka taba la gore bokokwane ba rune a baa theetsela mantsu ya Jehova ka gore a baa maka dilo ka mokana ga tsona tso ba di ngwadiyeng ga puku yowa.”+
22 Byalo Hilikiya le bo ba rommeng ke kgoši ba yye ga moporofeta wa mosadi ye ba reng ke Hulda.+ Ke mo go le mosadi wa Šalumi morwayi wa Thikiva morwayi wa Harehase, wa gore ke mo a bereka go pasopa dikobo, fote Hulda ke mo a dula ga mitši ya nyuwane ya Jerusalema; byalo ba segela ba bolabola naye gana hone.+ 23 O yitseri ga bona: “Tsowa ke tso di hlayang ke Jehova Modimo wa Israyele, ‘Botsaneng monna ye a le rommeng ho gaka gore: 24 “Tsowa ke tso di hlayang ke Jehova, o re, ‘Ke nyoko leya dilo tsa go sasamela ga poleke yowa le ga batho bo ba dulang ga yona,+ dilo ka mokana ga tsona tsa go sasamela tsa gore ba di ngwadiye ga puku+ yo ba yi badiyeng mahlong ga kgoši ya Juda. 25 Ka taba la gore ba njikele+ fote ba makela medimonyana ye mengwana dihlabelo, dilo ka mokana ga tsona tso ba di makang dya nkwatisa,+ ke nyoko šupetsa gore poleke yowa ke yi kwatele ka matla fote nka sa phohle.’”+ 26 Byalo tsowa ke tso le tshwaneleng go di botsa kgoši ya Juda ya gore yi le romme gore le butsise Jehova, le segele le mmotse gore, “Tsowa ke tso Jehova Modimo wa Israyele a di hlayang: ‘Ka mantsu ya le ma kwileng,+ 27 ka taba la gore pelo yago ya temeka fote wa tinyanafatsa mahlong ga Modimo ka taba la tso o di kwileng ka poleke yowa le batho ba yona, wa tinyanafatsa mahlong gaka fote o tlerolannye dikobo tsago wa boya wa lla mahlong gaka, le nna ke go kwile,+ go hlaya Jehova. 28 Nka taba lo o nyoko bolokiwang le bokokwane bago, fote ba nyoko go boloka lebitleng lago go bebiye, maahlo yago ma ka sa boni dilo ka mokana ga tsona tsa go kwisa go baba tso ke nyoko di leyang ga poleke yowa le batho bo ba dulang ga yona.’”’”+
Ke mokane ba tla ba botsa kgoši dilo tsowa. 29 Byalo kgoši ya romela molayetsa wa gore ba bitse banna ba bagolo ka mokana ga bona ba Juda le ba Jerusalema.+ 30 Ka nthago ga mone kgoši ya ya ntlong ya Jehova yi na le banna ba Juda ka mokana ga bona, batho ba go dula Jerusalema, maprista, Malifi—batho ka mokana ga bona go tlugisela ka ba banyana go segela ka ba bagolo. Ya ba balela mantsu ka mokana ga wona ya puku ya go kwanisanya ya gore ba yi krayye ntlong ya Jehova.+ 31 Kgoši ya yema ga poleke ya yona ke mokane ya maka kwano+ mahlong ga Jehova gore yi nyaka go theetsela Jehova, melawo yage, tso a yi gopotsang tsona le tso a yi botsang tsona ka pelo ya yona ka moka le ka lephelo*+ la yona ka moka ka go maka mantsu ya go kwanisanya ya ma leng ga puku yowa.+ 32 Go tokegela gana hone, a maka gore batho ka mokana ga bona ba ku Jerusalema le Bhenjamini ba dumele. Fote ba go dula Jerusalema ba maka go ya ka kwano ya Modimo, Modimo wa bokokwane ba bona.+ 33 Byalo Josiya a tlosa dilo tsa go silikisa* ka mokana ga tsona dinageng ka mokana ga tsona tsa gore ne go le tsa Maisrayele,+ fote a maka gore motho ye mongwana le ye mongwana ku Israyele a berekele Jehova Modimo wa bona. Batho a baa jikela Jehova Modimo wa bokokwane ba bona mo Josiya a kene a sa phela.
35 Josiya a makela Jehova monyanya wa Paseka+ ku Jerusalema, ba maka sehlabelo sa Paseka+ ka letšatši la bo 14 la kgwedi ya mathomo.+ 2 A neya maprista mmereko ke mokane a ma tiyisa gore ma thogo maka mmereko ntlong ya Jehova.+ 3 Byalo a re ga Malifi ya gore ke mo ma yetetsa Maisrayele ka mokana ga wona,+ ya gore ke mo ma hlawolegiye mahlong ga Jehova: “Beyaneng Areka ya go hlawolega ga ntlo ya gore yi yagiye ke Solomoni morwayi wa Dafita kgoši ya Israyele;+ le ka sa sa yi kakola ka magetla ya lune.+ Byalo, berekelaneng Jehova Modimo wa lune le batho bage ba Israyele. 4 Byalo tilukiseleleneng go ya ka mitši ya bopapa ba lune le ka megoba ya lune, le kene le latelela tso di ngwadiyeng ke Kgoši Dafita+ wa Israyele le morwayi wage Solomoni.+ 5 Ariyeneng ga poleke ya go hlawolega le segele le yeme ka megoba ya lune gore le thogo berekela batho,* le go bereka mmereko wa gore ba wo neyye lune Malifi ya go tšwa ga mitši ya bopapa ba lune. 6 Le bolayeneng phoolwane ya go maka sehlabelo sa Paseka+ ke mokane le tiyedise, fote le lukiselele bobhuti ba lune ba gore ba nyoko maka tso Jehova a di hlayyeng a berekisa Moše.”
7 Josiya o neyye batho ka mokana ga bona bo ne ba le gona dinkunyana tsa phoolo le diputsanyana tsa phoolo gore go be sehlabelo sa Paseka, mo di felele ke mo go le 30 000, fote a neyela le ka 3 000 ya dikgomu. Dilo tsowa ke mo di tšwa ga kgoši.+ 8 Dindhuna tsage dya makela batho, maprista le Malifi sehlabelo sa go fo kwa ba nabela go se maka. Hilikiya,+ Zakariya le Jehiyele ba gore ba yeta mahlong ntlong ya Modimo wa mannete ba neyye maprista 2 600 ya dihlabelo tsa Paseka le 300 ya dikgomu. 9 Khonanaya le bobhuti bage Šemaya le Nethanele, le Hašabhiya, Jeyiyele le Jozabhadi ba gore ke dindhuna tsa Malifi, ba neya Malifi 5 000 ya dihlabelo tsa Paseka le 500 ya dikgomu.
10 Ba lukiselela monyanya, maprista ma yema mo ma tshwaneleng go yema gona ke mokane Malifi ma yema ka megoba ya wona,+ ba makiye ka mokgo kgoši yi hlayyeng ka gona. 11 Ba bolaya diphoolwane gore ba make dihlabelo tsa Paseka,+ ke mokane maprista ma fokela madi ya ba ma krayyeng ga tsona,+ Malifi ma kene ma tswiya diphoolwane tsone.+ 12 Ka nthago ba lukiselela dihlabelo tsa go tšhubiwa gore ba thogo di neya batho bo ba šeleng ba gore ke mo ba ba beyye go ya ka mitši ya bopapa ba bona, gore ba thogo di neyela ga Jehova go ya ka mokgo go ngwadiwweng ka pukung ya Moše; fote ba makiye ka mokgonone le ka dikgomu. 13 Ba yapega sehlabelo sa Paseka go ya ka mokgo ba tlwayeleng go maka ka gona;+ ba yapega dihlabelo tsa go hlawolega ka dipoto, ka ditša tsa motšiti le ka dipane, ke mokane ka nthago ba di leya ka go yakgoswa ga batho ka mokana ga bona bo ba šeleng. 14 Ke mokane ba lukiselela monyanya wa Paseka ba makela bona beng le maprista, ka taba la gore maprista ya gore ke ditlogolwane tsa Aroni ke mo ma maka dihlabelo tsa go tšhubiwa, ma neyela le ka makgura ya diphoolwane go segela bošego, byalo Malifi ma lukiselela monyanya wa Paseka ma makela wona beng le maprista ya gore ke ditlogolwane tsa Aroni.
15 Ke mokane barwayi ba Asafa+ ba go yepelela ke mo ba yemme mo Dafita,+ Asafa,+ Hemane le Jeduthune+ wa go bona dilo tsa ku mahlong wa go berekela kgoši ba ba butsiyeng gore ba yeme gona; le ba go pasopa digheyiti ke mo ba yemme ga digheyiti tsa mehlobohlobo.+ Ke mo di sa nyake ba lisetsa mmereko wa bona, ka taba la gore bobhuti ba bona ba gore ke Malifi ke mo ba ba lukiselele monyanya. 16 Byalo mebereko ka mokana ga yona ya Jehova ba yi maka ka letšatši lolone gore ba thogo maka monyanya wa Paseka+ le go maka dihlabelo tsa go tšhubiwa ga aletare ya Jehova, ka mokgo Kgoši Josiya a ba butsiyeng.+
17 Maisrayele ya gore ke mo ma le gona ma maka monyanya wa Paseka ka nako yonone fote ma maka le Monyanya wa Sekgwa sa go se na Dikomelo wa gore wo tsere kašupa ya matšatši.+ 18 Paseka ya go tshwana le yowa sale yi makega ka dinako tsa Samuwele wa gore ke moporofeta, a go na ye nngwana ya gore ke mo yi tshwana nayo; fote a go na kgoši le ka yyoši ga magoši ya Israyele ya gore yi makiye monyanya wa Paseka wa go tshwana le wo wo makiyeng ke Josiya,+ maprista, Malifi, Majuda ka mokana ga wona le Maisrayele ya ne ma le gona le batho bo ne ba dula Jerusalema. 19 Paseka yowa ba yi makiye ka mongwaga wa bo 18 wa mo go lawola Josiya.
20 Ka nthago ga dilo tsowa ka mokana ga tsona, mo Josiya a šele a lukiselele tempele,* Kgoši Nekho+ wa Egepita a ya go ye lweng ku Khakhemiši ya Eforate. Josiya a ya a lwa naye.+ 21 Byalo a romela batho gore ba yise molayetsa gage, a re: “Wene kgoši ya Juda, wene o kena kaye ga taba yowa? A ke tle go tl’le lwa nago lekgono, mara ke tl’le lwa le ba mutši wo mongwana fote Modimo o re ke yakgoswe. Gore dilo di go sepelele gabutši, o sa jikele Modimo wa gore o na le nna, ka taba la gore mo o ka sa make ka mokgonone o nyoko fetsa ka wene.” 22 Mara Josiya a sa jiki, a tiwutetsa+ gore a ye a lwe naye fote a sa theetsele mantsu ya Nekho ya gore ma tšwa ga Modimo. Byalo a tla a lwa naye ga poleke ya Meghido+ ya gore go fo ba lekgwayi.
23 Fote bo ba go berekisa mesefo ba thunya Kgoši Josiya, ke mokane yene a re ga malata yage: “Ntloseneng howa, ka taba la gore ke kwalele ka matla.” 24 Byalo malata yage ma mo ntsha mone ga sekotšikara sone ke mokane ma mo kalamisa sekotšikara sage sa mabedi sa ntwa ma mo yisa Jerusalema. Byalo a hlokofala, a bolokiwa lebitleng la bokokwane bage,+ Juda ka mokana ga yona le Jerusalema dya llela Josiya. 25 Jeremiya+ a yepelela koša ya go llela Josiya, fote banna ka mokana ga bona le basadi ba go yepelela+ ba yye mahlong ba yepelela dikoša tsa mošaga wone go segela le lekgono lowa; fote ba fetsa ka gore ba tshwanele ba di yepelele ku Israyele, dikoša tsowa ba di tšhediye ga tse dingwana tso ba di yepelelang mo ba kgongwele.
26 Byalo dilo ka mokana ga tsona tso di makegeleng Josiya le tso a di makiyeng tsa go šupetsa gore o nyakanana ka matla, ka go ya mahlong a maka so se ngwadiwweng ga Molawo wa Jehova, 27 fote tso a di makiyeng go tlugisela mathomisong go segela mafelelong, ba di ngwadiye ga Puku ya Magoši ya Israyele le ya Juda.+
36 Ke mokane batho ba naga yone ba tseya Jehowahazi+ morwayi wa Josiya ba maka gore go be kgoši ku Jerusalema sekgaleng sa papage.+ 2 Jehowahazi ke mo a na le 23 ya mengwaga mo a ba kgoši, o fetsiye kararo ya dikgwedi a lawola Jerusalema. 3 Mara kgoši ya Egepita ya maka gore a sa lawole Jerusalema ke mokane a patedisa mutši 100 ya ditalente* tsa silva le talente ka yyoši ya gholdi.+ 4 Go tokegela gana hone, kgoši ya Egepita ya maka Eliyakimi wa gore ke bhuti wa Jehowahazi gore go be kgoši ya Juda le ya Jerusalema ke mokane a tšhentšha lebitso lage gore go be Jehoyakimi,+ mara Nekho a tseya Jehowahazi wa gore ke bhuti wage ke mokane a mo yisa Egepita.+
5 Jehoyakimi+ ke mo a na le 25 ya mengwaga mo a ba kgoši, o fetsiye 11 ya mengwaga a lawola Jerusalema. O f’lo ya mahlong a maka dilo tsa go befa mahlong ga Jehova Modimo wage.+ 6 Kgoši Nebhukhadhinezara+ wa Bhabhilona a mo hlasela gore a mo tleme ka diketane ka dipedi tsa koporo le go mo yisa Bhabhilona.+ 7 Fote Nebhukhadhinezara a tseya dilo tse dingwana tsa gore ke mo ba di berekisa ntlong ya Jehova a di yisa Bhabhilona ke mokane a di beya ntlong yage ya gore yi gana ku Bhabhilona.+ 8 Byalo dilo ka mokana ga tsona tso di makegeleng Jehoyakimi, dilo tsa go silikisa tso a di makiyeng le tso a di makiyeng tsa gore ba mo krayye ga tsona, ba di ngwadiye ga Puku ya Magoši ya Israyele le ya Juda; morwayi wage Jehoyakhini a ba kgoši sekgaleng sage.+
9 Jehoyakhini+ ke mo a na le 18 ya mengwaga mo a ba kgoši, o fetsiye kararo ya dikgwedi le lesome la matšatši a lawola Jerusalema; o f’lo ya mahlong a maka dilo tsa go sa loka mahlong ga Jehova.+ 10 Mo mongwaga wo thomisa, Kgoši Nebhukhadhinezara a romela batho gore ba mo leye Bhabhilona+ ba leye le dilo tsa mayemo ya gedimo tsa ntlong ya Jehova.+ Fote a maka gore Zedekiya wa gore ke bhuti wa papage go be kgoši ya Juda le Jerusalema.+
11 Zedekiya+ ne a na le 21 ya mengwaga mo a ba kgoši, o fetsiye 11 ya mengwaga a lawola ku Jerusalema.+ 12 O f’lo ya mahlong a maka dilo tsa go sa loka mahlong ga Jehova. Aa tinyanafatsa mahlong ga Jeremiya wa gore ke moporofeta+ wa gore ke mo a bolabola tso di tšwang ga Jehova Modimo wage. 13 Fote a jikela le Kgoši Nebhukhadhinezara+ wa gore o makiye gore a tshepise ka Modimo, mara a fo ya mahlong a tiwomisa hlogo le go ba le tšhinghi fote a gana go boyela ga Jehova Modimo wa Israyele. 14 Dindhuna tsa maprista ka mokana ga tsona le batho ke mo ba sa tshepege, ba maka dilo ka mokana ga tsona tsa go silikisa tsa ditšhaba, fote ba thilafatsa ntlo ya Jehova+ ya gore o yi makiye gore yi hlawolege ku Jerusalema.
15 Jehova Modimo wa bokokwane ba bona o yye mahlong a romela batho gore ba ba pasopise, o ba pasopisiye gatleletlele, ka gore ke mo a kwela batho bage le tempele yage go baba. 16 Mara ba f’lo ya mahlong ba kwera batho ba gore ba romme ke Modimo wa mannete,+ ba sa yisi felo ka mantsu yage+ fote ba kwera baporofeta bage,+ go segela Jehova a kwatela batho bage+ la gore ne go se na le motho ye a ka ba phonisang.
17 Byalo a ba leyela kgoši ya Makhaladiya+ ya gore yi bolayye masogana ka sabola+ ya gore ke mo yi le ga poleke ya bona ya go rapela ga yona;+ ke mo yi sa kwele masogana kela makgareba, ba go tsofala le ba go tilwalela.+ Modimo a maka gore yi hlule.+ 18 Dilo ka mokana ga tsona tso ba di berekisang ntlong ya Modimo wa mannete, tse dikgolo le tse dinyana, le dilo tsa gore ba di tseyela gedimo tsa ntlong ya Jehova le tsa ntlong ya kgoši le dindhuna tsa yona, a di leya Bhabhilona ka mokana ga tsona.+ 19 O tšhubiye ntlo ya Modimo wa mannete,+ a wisanya lepharo la Jerusalema,+ a tšhubanya diwokamelo ka mokana ga tsona tsa gore ba di tiyisiye, fote a sinyanya le selo se sengwana le se sengwana sa gore ba se tseyela gedimo.+ 20 A tseya mabhantiti ya gore ne ma phonne sabola+ a ma yisa Bhabhilona, o makiye gore go be mabhantiti yage+ le ya barwayi bage go segela mmušo wa Peresiya wo thomisa go lawola,+ 21 gore go thogo makega tso Jehova a di hlayyeng a berekisa Jeremiya,+ go segela batho ka mokana ga bona ba naga yone ba patedisa disabatha tsa gore a baa di makela monyanya.+ Go fediye 70 ya mengwaga naga yone yi se na motho go segela yi patela disabatha ka mokana ga tsona.+
22 Ka mongwaga wa mathomo wa mo go lawola Kgoši Sayirase+ wa Peresiya, Jehova o mo hlohletsele gore a sabalatse taba yowa ga mmušo wage ka mokana ga wona gore go makege mantsu ya Jehova ya a ma bolabodiyeng a berekisa Jeremiya,+ taba yone a boya a yi ngwala fase,+ a re: 23 “Tsowa ke tso Kgoši Sayirase wa Peresiya a di hlayang, ‘Jehova Modimo wa magedimong o nneyye memmušo ka mokana ga yona ya ho lefaseng,+ fote o nneyye mmereko wa go mo yagela ntlo ku Jerusalema, ya gore yi ku Juda.+ Ke mang mo ga lune ka moka wa gore o wela ga batho bage, nkare Jehova Modimo wage a ka ba naye fote a mo lisetse gore a ye Jerusalema.’”+
Kela “banna ba go kalama dipera.”
Kela “banna ba go kalama dipera.”
Wo tshwana le mophayi, wo nkgela ka matla fote wo tiyye.
Khoro ka yyoši ke mo yi lekana le 220 ya dilitha. Bona Tsa go Tlats. ga B14.
Ke mabele ya gore ma nyakiye ma tshwana le korong.
Motšumu ka wwoši wa botsopa ke mo wo lekana le 22 ya dilitha. Bona Tsa go Tlats. ga B14.
Khyubhiti ya ku botala ke mo yi lekana le 44.5 ya disenthimitha, mara ba bangwana ke mo ba bona nkare “khyubhiti ya ku botala” yi rela khyubhiti ya go lefa ya gore ke mo yi lekana le 51.8 ya disenthimitha. Bona Tsa go Tlats. ga B14.
Kela “20 ya dikhyubhiti ka go psyaralala go tlugisela ka ho go ya ka ho.”
Mangwalo ya mangwana ya ku botala ma re “120,” mara ga ya mangwana le ga dihlatollo tse dingwana ba re “20 ya dikhyubiti.”
Wo tshwana le mophayi, wo nkgela ka matla fote wo tiyye.
Gabutšibutši ke “ntlo.”
Talente ka yyoši ke mo yi lekana le 34.2 ya dikhiloghremo. Bona Tsa go Tlats. ga B14.
Šekele ka yyoši ke mo yi lekana le 11.4 ya dighremo. Bona Tsa go Tlats. ga B14.
Gabutšibutši ke “ntlo.”
Kela “borwa.”
Kela “lebowa.”
Yi rela gore “Nkare Yene [wa gore ke Jehova] a ka Maka Gore go Tiye.”
Di ka fo rela gore “Ka Matšhika.”
Ke kanne ya dinwana mo di gahlanne. Bona Tsa go Tlats. ga B14.
Motšumu ka wwoši wa botsopa ke mo wo lekana le 22 ya dilitha. Bona Tsa go Tlats. ga B14.
Khyubhiti ka yyoši ke mo yi lekana le 44.5 ya disenthimitha. Bona Tsa go Tlats. ga B14.
Bala ga Dihlatollo Tsa Mantsu.
Di ka fo rela Malifi.
Talente ka yyoši ke mo yi lekana le 34.2 ya dikhiloghremo. Bona Tsa go Tlats. ga B14.
Talente ka yyoši ke mo yi lekana le 34.2 ya dikhiloghremo. Bona Tsa go Tlats. ga B14.
Gabutšibutši ke “600 ya dišekele.” Šekele ka yyoši ke mo yi lekana le 11.4 ya dighremo. Bona Tsa go Tlats. ga B14.
Gabutšibutši ke “kararo ya dimina.” Ga Mangwalo ya Seheberu, mmina ka yyoši ke mo yi lekana le 570 ya dighremo. Bona Tsa go Tlats. ga B14.
Kela “banna ba go kalama dipera.”
Ke Eforate.
Gabutšibutši ke “Monwana waka wo monyana go nyoko ba wo mokoto go phala maseka ya papa.”
Gabutšibutši ke “kwano ya letswayi.”
Bala ga Dihlatollo Tsa Mantsu.
Bala ga Dihlatollo Tsa Mantsu.
Bala ga Dihlatollo Tsa Mantsu.
Di šupa nkare ne ba sa tšhubi Asa, mara ne ba tšhuba tsa go nkgela.
Bala ga Dihlatollo Tsa Mantsu.
Bala ga Dihlatollo Tsa Mantsu.
Kela di ka fo rela gore “Mameyunimi.”
Di šupa go le Lewatle la go Kgwa.
Gabutšibutši ke “barwayi.”
Yi rela gore “Go Rufa.”
Gabutšibutši ke “go mo neya llampa.”
Di rela go rapela medimo ye mengwana.
Fote ba re ke Ahaziya.
Gabutšibutši ke “morwediya.”
Ga mangwalo ya mangwana ya Seheberu ke “Azariya.”
Gabutšibutši ke “morwayi.”
Gabutšibutši ke “mo a tšwa le mo a kena.”
Di ka makega go le lengwalo la go phutiwa la go ba le Molawo wa Modimo.
Bala ga Dihlatollo Tsa Mantsu.
Talente ka yyoši ke mo yi lekana le 34.2 ya dikhiloghremo. Bona Tsa go Tlats. ga B14.
Kela “Tlang re gahlane.”
Gabutšibutši ke “matenteng.”
Fote ba re ke Ahaziya.
Ke gana hala ga 178 ya dimitha. Bona Tsa go Tlats. ga B14.
Ke papage Amaziya.
Di šupa nkare tšhomo yowa ke mo yi le thina le mabitla ya gore ba bolokela batho ba bogošing ga wona.
Talente ka yyoši ke mo yi lekana le 34.2 ya dikhiloghremo. Bona Tsa go Tlats. ga B14.
Khoro ka yyoši ke mo yi lekana le 220 ya dilitha. Bona Tsa go Tlats. ga B14.
Ke mabele ya gore ma nyakiye ma tshwana le korong.
Bala ga Dihlatollo Tsa Mantsu, “Ghehena.”
Kela “Milo.” Ke lentsu la Seheberu la gore le rela “moyago.”
Bala ga Dihlatollo Tsa Mantsu.
Bala ga Dihlatollo Tsa Mantsu.
Bala ga Dihlatollo Tsa Mantsu.
Gabutšibutši ke “ntlo.”
Bala ga Dihlatollo Tsa Mantsu.
Kela “medimo ya dithombhe.”
Gabutšibutši ke “barwayi ba batho.”
Gabutšibutši ke “ntlo.”
Talente ka yyoši ke mo yi lekana le 34.2 ya dikhiloghremo. Bona Tsa go Tlats. ga B14.