EZERA

1 Ka mongwaga wa mathomo wa mo go lawola Kgoši Sayirase wa Peresiya, Jehova o hlohletsele Kgoši Sayirase wa Peresiya gore a sabalatse taba yowa ga mmušo wage ka mokana ga wona gore go makege mantsu ya Jehova ya a ma bolabodiyeng a berekisa Jeremiya, taba yone a boya a yi ngwala fase, a re:

2 “Tsowa ke tso di bolabolang ke Kgoši Sayirase wa Peresiya, ‘Jehova Modimo wa magedimong o nneyye memmušo ya lefaseng ka mokana ga lona, fote o makiye gore ke mo yagele ntlo Jerusalema ya gore yi Juda. 3 Ke mang mo ga lune wa gore o wela ga batho bage, nkare Modimo wage a ka ba naye fote a mo lisetse gore a ye Jerusalema ya gore yi Juda, a ye yaga ntlo ya Jehova Modimo wa Israyele ka bonyuwane—ke yene Modimo wa mannete—wa gore ntlo yage ke mo yi le ku Jerusalema. 4 Ye mongwana le ye mongwana wa gore wa sologa o nyoko gelepa ke bayagelane* bage ba gore baa šala, ba nyoko mo neya silva, gholdi, morape le dilo tse dingwana, ba boya ba mo neya le tse dingwana gore a di yise ntlong ya Modimo wa mannete ya gore ke mo yi le Jerusalema.’”

5 Dihlogo tsa mitši ya Juda le ya Bhenjamini, maprista le Malifi—ye mongwana le ye mongwana wa gore Modimo wa mannete ne a mo hlohletsele—ba tilukiselela go tloga gore ba ye yaga ntlo ya Jehova ka bonyuwane ya gore ke mo yi le ku Jerusalema. 6 Batho ka moka bo ne ba dula thina nabo ba ba gelepa ka go ba neya dilo tsa go makiwa ka silva le tsa go makiwa ka gholdi, morape le dilo tse dingwana tsa gore ba di tseyela gedimo, mo go sa badiwi dilo ka mokana ga tsona tsa gore ba neyela ka tsona ba sa tšhofe ke motho tsa gore di ya ntlong ya Modimo.

7 Kgoši Sayirase a ba neya le dilo tso ne ba di berekisa ntlong ya Jehova tsa gore Nebhukhadhinezara ne a di tsere Jerusalema a di beyye ntlong ya modimo wage. 8 Kgoši Sayirase wa Peresiya a re Mithiredathe wa gore ke mo a pasopa dilo tsa gore ba di tseyela gedimo a di ntshe a di balele, a di neye Šešebhazara* wa gore ke ndhuna ya Juda.

9 Byalo ke mo go na le dilo tsowa: 30 ya ditša tsa nkare ke mmantši tsa go makiwa ka gholdi, 1 000 ya ditša tsa nkare ke mmantši tsa go makiwa ka silva, 29 ya ditša tse dingwana tsa go yeketsela, 10 30 ya ditša tsa motšiti tse dinyana tsa go makiwa ka gholdi, 410 ya ditša tsa motšiti tse dinyana tsa go makiwa ka silva le 1 000 ya dilo tse dingwana tsa gore ne ba di berekisa. 11 Dilo ka mokana ga tsona tso ne ba di berekisa tsa go makiwa ka gholdi le tsa go makiwa ka silva ke mo go le 5 400 ya tsona. Šešebhazara o ntshiye dilo tsowa ka mokana ga tsona nakwela ba ntsha mabhantiti Bhabhilona ba ma busetsa Jerusalema.

2 Bowa ke batho ba poleke yone ba gore ba tšwile bobhantiting, ba gore Kgoši Nebhukhadhinezara wa Bhabhilona ke mo a ba yisiye bobhantiting ku Bhabhilona, ba gore ka nthago ba boyele Jerusalema le Juda, ye mongwana le ye mongwana a ya mutšing wa gabo, 2 ba gore ba tlile le Zerubhabhele, Ješuwa, Nehemiya, Seraya, Relaya, Morodekhayi, Bhilšani, Misipara, Bhigivayi, Rehume le Bhaana.

Nombhoro ya banna ba Maisrayele ke yowa: 3 barwayi ba Paroši ke mo go le 2 172 ya bona; 4 barwayi ba Šefataya ke mo go le 372 ya bona; 5 barwayi ba Ara ke mo go le 775 ya bona; 6 barwayi ba Pahathe-mowaba ba gore ke mo go le barwayi ba Ješuwa le Jowabho ke mo go le 2 812 ya bona; 7 barwayi ba Elama ke mo go le 1 254 ya bona; 8 barwayi ba Zatu ke mo go le 945 ya bona; 9 barwayi ba Zakhayi ke mo go le 760 ya bona; 10 barwayi ba Bhani ke mo go le 642 ya bona; 11 barwayi ba Bhebhayi ke mo go le 623 ya bona; 12 barwayi ba Azighadi ke mo go le 1 222 ya bona; 13 barwayi ba Adonikamo ke mo go le 666 ya bona; 14 barwayi ba Bhigivayi ke mo go le 2 056 ya bona; 15 barwayi ba Adini ke mo go le 454 ya bona; 16 barwayi ba Atere wa mutši wa Hezekiya ke mo go le 98 ya bona; 17 barwayi ba Bhezayi ke mo go le 323 ya bona; 18 barwayi ba Jora ke mo go le 112 ya bona; 19 barwayi ba Hašumi ke mo go le 223 ya bona; 20 barwayi ba Ghibhara ke mo go le 95 ya bona; 21 barwayi ba Bhetlelehema ke mo go le 123 ya bona; 22 banna ba go tšwa Netofa ke mo go le 56 ya bona; 23 banna ba go tšwa Anathothe ke mo go le 128 ya bona; 24 barwayi ba Azimavethe ke mo go le 42 ya bona; 25 barwayi ba Kiriyathe-jeyarimo, Khefira le Bherothe ke mo go le 743 ya bona; 26 barwayi ba Rama le Ghebha ke mo go le 621 ya bona; 27 banna ba go tšwa Mikhimase ke mo go le 122 ya bona; 28 banna ba go tšwa Bhethele le Ayi ke mo go le 223 ya bona; 29 barwayi ba Nebho ke mo go le 52 ya bona; 30 barwayi ba Maghibhiši ke mo go le 156 ya bona; 31 barwayi ba Elama yela ye mongwana ke mo go le 1 254 ya bona; 32 barwayi ba Harimi ke mo go le 320 ya bona; 33 barwayi ba Lodi, Hadidi le Ono ke mo go le 725 ya bona; 34 barwayi ba Jerikho ke mo go le 345 ya bona; 35 barwayi ba Sena ke mo go le 3 630 ya bona.

36 Nombhoro ya bo ne go le maprista ke yowa: barwayi ba Jedaya wa mutšing wa Ješuwa ke mo go le 973 ya bona; 37 barwayi ba Imere ke mo go le 1 052 ya bona; 38 barwayi ba Pašuri ke mo go le 1 247 ya bona; 39 barwayi ba Harimi ke mo go le 1 017 ya bona.

40 Nombhoro ya Malifi ke yowa: barwayi ba Ješuwa le Kadimiyele ba gore ke barwayi ba Hodaviya ke mo go le 74 ya bona. 41 Nombhoro ya ba go yepelela ke yowa: barwayi ba Asafa ke mo go le 128 ya bona. 42 Bowa ke barwayi ba bo ne ba pasopa digheyiti: barwayi ba Šalumi, barwayi ba Atere, barwayi ba Thalemone, barwayi ba Akubhi, barwayi ba Hatita le barwayi ba Šobhayi, mo ba felele ke mo go le 139 ya bona.

43 Bowa ke bo ne go le malata* ya go bereka tempeleng: barwayi ba Ziha, barwayi ba Hasufa, barwayi ba Thabhawothe, 44 barwayi ba Kerose, barwayi ba Siyaha, barwayi ba Padoni, 45 barwayi ba Lebana, barwayi ba Haghabha, barwayi ba Akubhi, 46 barwayi ba Haghaba, barwayi ba Salemayi, barwayi ba Hanane, 47 barwayi ba Ghidhele, barwayi ba Ghahara, barwayi ba Reya, 48 barwayi ba Rezini, barwayi ba Nekoda, barwayi ba Ghazama, 49 barwayi ba Uza, barwayi ba Paseya, barwayi ba Bhesayi, 50 barwayi ba Asina, barwayi ba Mewunimi, barwayi ba Nefušesimi, 51 barwayi ba Bhakibhuki, barwayi ba Hakufa, barwayi ba Harehuri, 52 barwayi ba Bhaziluthi, barwayi ba Mehida, barwayi ba Haraša, 53 barwayi ba Bharakosi, barwayi ba Sisera, barwayi ba Thema, 54 barwayi ba Nezaya le barwayi ba Hatifa.

55 Bowa ke barwayi ba malata ya Solomoni: barwayi ba Sotayi, barwayi ba Soferethe, barwayi ba Peruda, 56 barwayi ba Jala, barwayi ba Dakhone, barwayi ba Ghidhele, 57 barwayi ba Šefataya, barwayi ba Hathili, barwayi ba Pokherethe-hazebhayimi le barwayi ba Ami.

58 Malata* ka mokana ga wona ya go bereka tempeleng le barwayi ba malata ya Solomoni ke mo go le 392 ya wona.

59 Bowa ba tšwile Tele-mela, Tele-haraša, Kerubhi, Adhoni le Imere, mara ke mo ba se na bohlatse bya gore ba mitši ya bopapa ba bona ke Maisrayele le bya gore bona beng ke Maisrayele: 60 barwayi ba Dilaya, barwayi ba Thobhiya le barwayi ba Nekoda, ke mo go le 652 ya bona. 61 Ga barwayi ba maprista ke mo go le: barwayi ba Habhaya, barwayi ba Hakoze, barwayi ba Bhazilayi wa gore o tsere mosadi ga barwediya ba Bhazilayi wa Leghiliyade fote ba mmitsa ka lebitso la bona. 62 Bowa ba yye ba nyakela mo go ngwadiwweng mabitso ya ba mutši wa bona, mara ba sa ma kraye, byalo ba sa sa tshwanelega gore go be maprista. 63 Ye wa go lawola* a ba botsa gore dilo tsa gore di hlawolegiye ka matla ba sa di ji go segela go ba le moprista wa go bolabola le Modimo a berekisa Yurimi le Thumimi.

64 Batho bone mo ba felele ke mo go le 42 360 ya bona, 65 mo re sa bale le mabhantiti ya bona ya banna le basadi ya gore ke mo go le 7 337 ya wona; fote ke mo ba na le 200 ya banna le basadi ba go yepelela. 66 Ke mo ba na le 736 ya dipera, 245 ya dimeyila, 67 ba na le 435 ya dikamela le 6 720 ya dibhongholo.

68 Mo ba segela ntlong ya Jehova ku Jerusalema, dihlogo tsa mitši tse dingwana dya neyela di sa tšhofe ke motho gore ntlo ya Modimo wa mannete yi yagiwe ka bonyuwane polekeng ya yona yi ntoši. 69 Ye mongwana le ye mongwana o neyele ka mokgo a ka kgonang, ba neyye yela wa go tshwara dilo tsa gore di tseyediwa gedimo 61 000 ya didrakimate* tsa gholdi, 5 000 ya dimina* tsa silva le 100 ya dikobo tsa gore di berekisa ke maprista. 70 Maprista, Malifi, batho ba bangwana, ba go yepelela, ba go pasopa digheyiti le malata* ya go bereka tempeleng ba dula mitšing ya bona, le Maisrayele ka mokana ga wona ma dula mitšing ya wona.

3 Mo go segela kgwedi ya kašupa (7) fote Maisrayele ma le mitšing ya wona, ma kgobakana ku Jerusalema ma gahlanisiye ke selo ka ssoši. 2 Ješuwa morwayi wa Jehozadake, maprista ya mangwana, Zerubhabhele morwayi wa Šiyalatiyele le bobhuti bage ba tloga ba ya ba yagela Modimo wa Israyele aletare gore ba thogo makela dihlabelo tsa go tšhubiwa ga yona, go ya ka mokgo go ngwadiwweng ga Molawo wa Moše wa gore ke lelata la Modimo wa mannete.

3 Byalo, ba yaga aletare mo ne yi le gona botala le mo ba tšhaba batho ba ditšhaba tso ne di ba dukulugiye, fote ba thomisa go makela Jehova dihlabelo tsa go tšhubiwa ga yona, dihlabelo tsa go tšhubiwa tsa ka bošego le tsa ka malobana. 4 Ba maka Monyanya wa Mašayi go ya ka mokgo go ngwadiwweng, fote letšatši le lengwana le le lengwana ke mo ba maka dihlabelo tsa go tšhubiwa tso ne di nyakega ka letšatši lone. 5 Ka nthago ga hone ke mo ba maka sehlabelo sa go tšhubiwa sa ka moka matšatši, ba maka le dihlabelo tsa mo go nyarela ngwedi wa nyuwane, ba maka dihlabelo ka mokana ga tsona tsa menyanya ya go hlawolega ya Jehova, le dihlabelo ka mokana ga tsona tsa bo ne ba nyaka go neya Jehova ba sa tšhofe ke motho. 6 Ba thomisiye go makela Jehova dihlabelo tsa go tšhubiwa go tlugisela ka letšatši la mathomo la kgwedi ya kašupa (7), le mo go soko bane go yagiwa fandhiši ya tempele ya Jehova.

7 Bo ba go fefa matlapa le ba go tšiba mmereko wa matsogo ba ba neyye tšheleta, bo ba go tšwa Sidoni le Tira ba ba neya tsa go ja, tsa go nwa le makgura ka taba la gore ba leyye dikwata tsa maphayi lerophong la Jopha, dikwata tsone ke mo di tšwa Lebhanoni, go ya ka mokgo Kgoši Sayirase wa Peresiya a ba dumeleleng ka gona.

8 Ka mongwaga wa mabedi (2) wa mo ba šele ba segele ntlong ya Modimo wa mannete ku Jerusalema ka kgwedi ya mabedi, Zerubhabhele morwayi wa Šiyalatiyele, Ješuwa morwayi wa Jehozadake le bobhuti ba bona ka mokana ga bona, maprista le Malifi le batho ka mokana ga bona ba gore ba tlile Jerusalema ba tšwa bobhantiting ba thomisa mmereko; ba maka gore Malifi ya gore ma na le 20 ya mengwaga go ya gedimo ma wokamele mmereko wa go yaga ntlo ya Jehova. 9 Byalo Ješuwa, barwayi bage, bobhuti bage, Kadimiyele le barwayi bage ba gore ke barwayi ba Juda, ba gahlana gore ba wokamele bo ne ba maka mmereko wa go yaga ntlo ya Modimo wa mannete, ba na le barwayi ba Henadadi, barwayi ba bona le bobhuti ba bona ba gore ke Malifi.

10 Mo bo ba go yaga ba yaga fandhiši ya tempele ya Jehova, maprista ma yye ma yema gore ma thanake Jehova ma yapere dikobo tso ma di yaparang mo ma bereka tempeleng, ma tshwere diporompeta, fote Malifi ya gore ke barwayi ba Asafa ma tshwere disimbhala ka mokgo Dafita kgoši ya Israyele a hlayyeng ka gona. 11 Ba thomisa go yepelela ba neyetsana, ba thanaka le go leboga Jehova “ka gore o lukiye; Israyele o dula a yi kwela go baba.”* Ke mokane batho ka mokana ga bona ba yahlamela ba thanaka Jehova ka taba la gore fandhiši ya ntlo ya Jehova yi yagiwwe. 12 Maprista ya go tlala, Malifi le dihlogo tsa mitši—bo ba gore ba tsofele ba gore ba bonne ntlo ya Modimo ya botala—ba lla ba yahlamela mo ba bona fandhiši ya ntlo yowa yi yagiwa, mola ba bangwana ba go tlala ba yahlamela ba kene ba jabodiye. 13 Byalo, batho ke mo ba sa kgone go fapanisa lešata la bo ba go jabola ga lešata la bo ba go lla, ka gore batho ke mo ba yahlamela ka matla fote lešata lone ke mo le kwagala le kgole.

4 Mo manaba ya Juda le Bhenjamini ma di kwelela gore bo ba go tšwa bobhantiting ba yagela Jehova Modimo wa Israyele tempele, 2 ma napa ma ya ga Zerubhabhele le ga dihlogo tsa mitši ma re: “Tla re yageneng le lune; ka gore le rune re rapela Modimo wa lune fote ke mo re kene re mo makela dihlabelo go tlugisela ka dinako tsa Kgoši Esara-hadoni wa Asiriya wa gore o re leyye howa.” 3 Mara Zerubhabhele, Ješuwa le dihlogo tsa mitši ya Israyele tse dingwana ba re ga bona: “Le ka sa yage le rune ntlo ya Modimo wa rune, re nyoko yagela Jehova Modimo wa Israyele re le ntoši, go ya ka mokgo Kgoši Sayirase wa Peresiya a re butsiyeng ka gona.”

4 Byalo, batho ba mone nageng ba ya mahlong ba fetsa batho ba Juda matšhika fote ba ba tshosetsa gore ba lisetse go yaga. 5 Ba hira ba mmušo gore ba šašisanye dipolane tsa bona go tlugisela ka dinako tsa mo go lawola Kgoši Sayirase wa Peresiya go segela mo go lawola Kgoši Dariyase wa Peresiya. 6 Mo Kgoši Ahasuwerosi a thomisa go lawola, ba ngwala borifi ba lebela batho ba go dula Juda le Jerusalema. 7 Ka dinako tsa mo go lawola Kgoši Athazeksisi wa Peresiya, Bhišilamo, Mithiredathe, Thabhele le batho ka mokana ga bona bo ne ba bereka nabo ba ngwalela Kgoši Athazeksisi borifi; ba hlatolliye borifi byone ka Searamo, ba bo ngwala ba berekisa dihlaka tsa Searamo.*

8 * Rehume wa gore ke ndhuna ya bo ba go berekela kgoši le Šimišayi wa gore ke mabhalane ba ngwalela Kgoši Athazeksisi lengwalo ba lwisana le batho ba Jerusalema, ba re: 9 (Ke mo le tšwa ga Rehume wa gore ke ndhuna ya bo ba go berekela kgoši le Šimišayi wa gore ke mabhalane, le bo ne ba bereka nabo, ba go yahlula le ba go lawola, bomabhalane, batho ba Erekhe, Mabhabhilona, batho ba go dula Susa ba gore ba re ke Maelama, 10 le ga ditšhaba ka mokana ga tsona tsa gore Asenapari wa gore wa hlompega fote o tumme o di yisiye bobhantiting, a maka gore di dule mitšing ya Samariya, le ba bangwana ba go tšwa ka nthoko yela ya Noka ya Eforate, byalo 11 tsowa ke tso ne di ngwadiwwe ga borifi byo ba mo romeleng byona.)

“Batho ba go tšwa ka nthoko yela ya Noka ya Eforate ba gore ke malata yago, ba ngwalela wene Kgoši Athazeksisi, ba re: 12 Kgoši yi di tšibe gore Majuda yala ma tlileng ga rune ma tšwa gago ma segele Jerusalema. Mutši wola wa batho ba go ba le tšhinghi ba gore fote a baa loka ba wo yaga ka bonyuwane, ba fetsisa mapharo fote ba lukisa le difandhiši. 13 Kgoši yi di tšibe gore ba ka yaga mutši wone ka bonyuwane, fote ba fetsa mapharo ya wona, ba ka sa sa patela mothelo kela go neya kgoši dilo tse dingwana tso yi di nyakang, tsowa di nyoko maka gore tšheleta yo ba yi kolekelang magoši yi hlayele. 14 Ka gore re ja letswayi* la ntlong ya kgoši, fote a di ya loka gore re fo lisetsa le mo re kene re bona gore kgoši yi nyoko makegela ke dilo tsa go sa loka, nka taba lo re ngwaleleng kgoši gore re mmotse taba yowa, 15 gore go nyakolliwe ga dipuku tsa botala tsa bokokwane bago. Ga dipuku tsone o ko di boneng gore batho ba mutši wowa ba na le tšhinghi, ba kwaletsa magoši le dipoleke fote go tlugisela botala go na le ba go lwisana le mmušo mo ga bona. Nka taba lo ba yyeng ba fetsa ka mutši wowa. 16 Re botsa kgoši gore mo mutši wowa wo ka yagiwa ka bonyuwane fote mapharo ya gona ma fela, o ka sa sa di kgona go lawola batho bo ba leng ka nthoko yela ye nngwana ya Noka ya Eforate.”

17 Kgoši ya romela molayetsa ga Rehume wa gore ke ndhuna ya bo ba go berekela kgoši, le ga Šimišayi wa gore ke mabhalane le bo ne ba bereka nabo ba gore ke mo ba dula Samariya le batho bo ba leng ka nthoko yela ye nngwana ya Noka ya Eforate, ya re:

“Tamaneng! 18 Borifi byo le nromeleng byona ke bo kwile gabutši mo ba mpalela byona. 19 Ke butsiye malata yaka gore ma nyakolle taba yowa, ma krayye gore ke botala mutši wone wo lwisana le magoši fote batho ba gona ba na le tšhinghi. 20 Ku Jerusalema ke mo go na le magoši ya go ba le matšhika ya gore ke mo ma lawola poleke ka mokana ga yona ya gore yi ka nthoko yela ya Noka ya Eforate, batho ke mo ba patela mothelo fote ba neya magoši dilo tse dingwana tso ma di nyakang. 21 Byalo, ntshaneng molawo wa gore batho bone ba lisetse mmereko wone, gore mutši wone ba sa sa wo yaga ka bonyuwane go segela ke ba botsa. 22 Le bone gore le segela le maka dilo tsowa gore dilo tsa go sa loka tso di makegelang kgoši di sa yeketsege.”

23 Byalo, ka nthago ga gore borifi byo bo tšwang ga Kgoši Athazeksisi bo badiwe mahlong ga Rehume le Šimišayi wa gore ke mabhalane le bo ba berekang nabo, ba yakgoswa ba ya ga Majuda ku Jerusalema ba ma lisisa mmereko ka tšhinghi. 24 Mmereko wa go yaga ntlo ya Modimo ya gore ne yi le Jerusalema, wa napa wo yema; go f’lo ba ka mokgonone go segela ka mongwaga wa mabedi (2) wa mo go lawola Kgoši Dariyase wa Peresiya.

5 Moporofeta Haghayi le moporofeta Zakariya wa gore ke motlogolo wa Idho ba yye ba porofetela Majuda ya gore ke mo ma le Juda le Jerusalema, ka lebitso la Modimo wa Israyele wa gore ke mo a le nabo. 2 Nka nako yonone ga gore Zerubhabhele morwayi wa Šiyalatiyele le Ješuwa morwayi wa Jehozadake ba yye ba thomisa go yaga ntlo ya Modimo ya gore ne yi le Jerusalema ka bonyuwane; fote baporofeta ba Modimo ke mo ba le nabo ba ba tiyisa. 3 Ka nako yone, Thatenayi wa gore ne a lawola poleke ya gore yi ka nthoko yela ya Noka ya Eforate, Šethara-bhozenayi le bo ne ba bereka nabo ba tla ba ba butsisa gore: “Le butsiye ke mang gore le yage ntlo yowa le gore le fetsise mmereko wowa?” 4 Ke mokane ba ba butsisa gore: “Mabitso ya batho bo ba berekang ka moyago wowa ke bomang?” 5 Mara Modimo ke mo a pasopiye banna ba bagolo ba Majuda, ba sa kgone go ba yemisa go segela ba botsa Dariyase taba yowa le go segela mo ba leya borifi bya go tšwa ga kgoši.

6 Tsowa ke tso ne di ngwadiwwe ga borifi byo Thatenayi wa gore ne a lawola poleke ya gore yi ka nthoko yela ya Noka ya Eforate, Šethara-bhozenayi le bo ne ba bereka nabo ba gore ne ba lawola poleke ya gore yi ka nthoko yela ya Noka ya Eforate, ba bo romeleng Kgoši Dariyase; 7 ba mo romele borifi byone, fote hone ga byona ke mo ba ngwadiye gore:

“Tsowa di ya ga Kgoši Dariyase:

“Nkare o ka beba! 8 Kgoši yi di tšibe gore ke mo re yye polekeng ya Juda ntlong ya Modimo ye mogolo, ba yi yaga ka matlapa ya magolo fote ba tšhela dikwata mo mapharong. Batho ba gona ba bereka ka matšato fote mmereko wa bona wo ya mahlong. 9 Ke mokane ra butsisa banna ba bagolo gore: ‘Le butsiye ke mang gore le yage ntlo yowa le gore le fetsise mmereko wowa?’ 10 Re butsisiye le mabitso ya bona gore re tle re go botse, gore re thogo ngwala fase mabitso ya banna bo ba ba yetang mahlong.

11 “Mo ba fetola ba yitseri: ‘Ke rune malata ya Modimo wa magedimo le lefase, re yaga ka bonyuwane ntlo ya gore ke mo yi yagiwwe mengwaga ya go tlala ya go fela ya gore kgoši ye kgolo ya Israyele yi yi yagiye ya yi fetsa. 12 Mara ka gore bopapa ba rune ba kwatisiye Modimo wa magedimong, o makiye gore ba hlule ke kgoši Nebhukhadhinezara wa Bhabhilona wa Lekhaladiya wa gore o pshyayannye ntlo yowa, a tseya batho a ba yisa Bhabhilona gore go be mabhantiti. 13 Mara ka mongwaga wa mathomo wa mo go lawola Kgoši Sayirase wa Bhabhilona, Kgoši Sayirase o ntshiye molawo wa gore ntlo yowa ya Modimo yi yagiwe ka bonyuwane. 14 Go tokegela gana hone, Kgoši Sayirase o ntshiye ditša tsa go makiwa ka gholdi le tsa go makiwa ka silva tempeleng ya Bhabhilona, ditša tsone ke mo go le tsa ntlong ya Modimo tsa gore Nebhukhadhinezara ke mo a di tsere tempeleng ku Jerusalema a di leya tempeleng ya Bhabhilona. Ba di neya monna ye mongwana wa gore ba re ke Šešebhazara* wa gore Sayirase o makiye gore go be wa go lawola. 15 Sayirase o yitseri gage: “Tseya ditša tsowa. Ariye o ye di beya tempeleng ya gore yi ku Jerusalema, fote ntlo ya Modimo yi yagiwe ka bonyuwane mo ne yi le gona.” 16 Byalo, Šešebhazara yene wa gona a tla a yaga difandhiši tsa ntlo ya Modimo ya gore yi ku Jerusalema; ba f’lo ya mahlong ba yi yaga go segela gana byalo mara a ba soko yi fetsa.’

17 “Byalo mo nkare kgoši yi bona di lukiye, yi rome batho gore ba nyakolle hala go beyiwang dilo tso kgoši yi di tseyelang gedimo ku Bhabhilona, ba bone gore ayitsano Kgoši Sayirase o ntshiye molawo wa gore ntlo yone ya Modimo yi yagiwe ka bonyuwane ku Jerusalema; fote kgoši yi re botse sepheto so yi se segeleleng ga taba yowa.”

6 Dariyase a ntsha molawo gore batho ba nyakolle hala go beyiwang dilo tso kgoši yi di tseyelang gedimo ku Bhabhilona. 2 Ba kraya lengwalo la go kokoropana polekeng ya bogoši ya gore yi mutšing wa Ekbhatana ya gore yi polekeng ya Midiya, ga lengwalo lone ke mo ba ngwadiye molawo wa gore:

3 “Ka mongwaga wa mathomo wa mo go lawola Kgoši Sayirase, Kgoši Sayirase o ntshiye molawo ka ntlo ya Modimo ya gore yi Jerusalema, a re: ‘Ntlo yone yi yagiwe ka bonyuwane gore go makiwe dihlabelo ga yona, fote difandhiši tsa yona di yagiwe; ntlo yone go be 60 ya dikhyubhiti* go ya gedimo, 60 ya dikhyubhiti ka bokoto, 4 ba yage kararo (3) ya malayini ka matlapa le layini ka yyoši ka dikwata; fote dilo tsowa ka mokana ga tsona ba di patalele ka tšheleta ya gore yi tšwa ga kgoši. 5 Ba busetse le ditša tsa gore ba di makiye ka gholdi le tsa gore ba di makiye ka silva tsa ntlo ya Modimo tsa gore Nebhukhadhinezara o di tsere tempeleng ya gore yi ku Jerusalema, a di leya Bhabhilona gore ba di beye polekeng ya tsona ku ntlong ya Modimo ya gore yi Jerusalema.’

6 “Byalo, wene Thatenayi wa gore o lawola poleke ya gore yi ka nthoko yela ya Noka ya Eforate, Šethara-bhozenayi le bo le berekang nabo ba gore ba lawola poleke ya gore yi ka nthoko yela ya Noka ya Eforate—lisetsaneng batho bone. 7 Le sa ba šitisi go maka mmereko wa ntlo ya Modimo. Wa go lawola Majuda le ba bagolo ba Majuda ba nyoko yaga ntlo ya Modimo ka bonyuwane hala ne ba yi yagiye gona. 8 Go tokegela gana hone, ke ntsha molawo wa gore banna bo ba bagolo ba Majuda ba gore ba yaga ntlo ya Modimo ka bonyuwane le ba makele dilo tsowa: Le yeneng hala ga dilo tsa bogošing tsa gore ba di tseyela gedimo, tsa gore ba di kolekiye ga poleke ya gore yi ka nthoko yela ya Noka ya Eforate, le di neye batho bowa gore mmereko wa bona wo ye mahlong wo sa šitisi ke selo. 9 Fote dilo ka mokana ga tsona tso ba di nyakang—dinamane, dinku tsa pholo, dinkunyana tsa gore ba nyoko di berekisa go makela Modimo wa magedimong dihlabelo tsa go tšhubiwa, korong, letswayi, wayini le makgura go fo ya ka mokgo maprista ya ku Jerusalema ma le botsang ka gona—le fo dula le ba neya tsona letšatši le lengwana le le lengwana, 10 gore ba ye mahlong ba makela Modimo wa magedimong dihlabelo tsa gore di ya mo jabodisa fote ba rapelele gore kgoši le barwayi ba yona ba phele nako ya go lefa. 11 Ke makiye le molawo wa gore ye a ka wo tshelang, ba nyoko hlomola kwata gaye gage ba yi yemisa, ba mo tlemelela mo ga yona, fote ntlo yage ba nyoko yi maka poleke ya gore batho ba ya ga yona mo ba tshwaregiye ka taba la molato wone. 12 Nkare Modimo ye a makiyeng gore lebitso lage le dule hone a ka fetsa ka kgoši le motho ye mongwana le ye mongwana ye a tshelang molawo wowa fote a sinya ntlo ya Modimo ya gore yi Jerusalema. Molawo wowa wo ntsha ke nna Dariyase. Makaneng ka go yakgoswa.”

13 Byalo Thatenayi wa gore o lawola poleke ya gore yi ka nthoko yela ya Noka ya Eforate, Šethara-bhozenayi le batho bo ne ba bereka nabo ba napa ba maka dilo ka moka tso Kgoši Dariyase a ba butsiyeng tsona. 14 Banna ba bagolo ba Majuda ba ya mahlong ba yaga fote mmereko wa bona wo sa yema polekeng ka yyoši, ba hlohletsela ke seporofeto sa moporofeta Haghayi le Zakariya motlogolo wa Idho; ba fetsiye go yi yaga ka mokgo Modimo wa Israyele a hlayyeng ka gona le ka mokgo Sayirase, Dariyase le Kgoši Athazeksisi wa Peresiya ba hlayyeng ka gona. 15 Ba fetsiye go yaga ntlo yone ka letšatši la kararo (3) la kgwedi ya Adara,* ka mongwaga wa kobodi (6) wa mo go lawola Kgoši Dariyase.

16 Ke mokane Maisrayele, maprista, Malifi le batho ka mokana ga bona ba gore ba tšwa bobhantiting ba neyela ntlo ya Modimo ba jabodiye. 17 Mo ba neyela ntlo ya Modimo ba makiye dihlabelo ka 100 ya dikgomu tsa pholo, 200 ya dinku tsa pholo, 400 ya dinkunyana, fote ba makela Maisrayele ka mokana ga wona sehlabelo sa mo motho a sinnye ka 12 ya dipudi tsa phoolo go ya ka nombhoro ya leloko la Israyele. 18 Ba beya maprista ka megoba ya wona le Malifi ka megoba ya wona gore ba berekele Modimo ku Jerusalema, go ya ka tso di ngwadiwweng ga puku ya Moše.

19 Bo ba gore go yye gwa ba mabhantiti ba maka Paseka ka letšatši la bo 14 la kgwedi ya mathomo. 20 Maprista ka mokana ga wona le Malifi ma tiyedisa, ka mokana ga bona ne ba yediye; ba maka sehlabelo sa Paseka sa batho ka mokana ga bona bo ne ba le bobhantiting, ba makela le maprista le bona beng. 21 Ke mokane Maisrayele ka mokana ga wona ya gore ne ma buyye bobhantiiting ma ja, gwa ja le batho ka moka ba gore ba tlile ba ba nabo, ba boya ba lisetsa mekgwa ya go sa yela ya ditšhaba tsa naga yone gore ba rapele Jehova Modimo wa Israyele. 22 Ba fetsa kašupa (7) ya matšatši ba maka Monyanya wa Sekgwa sa go se na Dikomelo ba kene ba jabodiye ka gore Jehova o makiye gore ba jabole, a maka le gore kgoši ya Asiriya yi ba yamogele, ya šinya yi ba gelepa ga mmereko wa go yaga ntlo ya Modimo wa mannete, yene Modimo wa Israyele.

7 Ka nthago ga dilo tsowa, nakwela go lawola Kgoši Athazeksisi wa Peresiya, Ezera* a boya. Ke mo go le morwayi wa Seraya, morwayi wa Azariya, morwayi wa Hilikiya, 2 morwayi wa Šalumi, morwayi wa Zadoke, morwayi wa Ahithabo, 3 morwayi wa Amariya, morwayi wa Azariya, morwayi wa Merayiyothe, 4 morwayi wa Zerahaya, morwayi wa Uzi, morwayi wa Bhuki, 5 morwayi wa Abhišuwa, morwayi wa Finiyase, morwayi wa Eliyazara, morwayi wa Aroni wa gore ke ndhuna ya maprista. 6 Ezera yewa o tlile a tšwa Bhabhilona. Ke mo go le mabhalane wa gore ke mo a wo tšiba ka matla Molawo wa Moše, wa gore ba wo neyye ke Jehova Modimo wa Israyele. Kgoši yi mo neyye dilo ka mokana ga tsona tso a di kgopeleng, ka taba la gore letsogo la Jehova Modimo wage ke mo le le naye.

7 Maisrayele ya mangwana, maprista, Malifi, ba go yepelela, bo ba go pasopa digheyiti le malata* ya go bereka tempeleng, ba ya Jerusalema ka mongwaga wa kašupa (7) wa mo go lawola Kgoši Athazeksisi. 8 Fote Ezera o segele Jerusalema ka kgwedi ya kapheta (5) ka mongwaga wa kašupa (7) wa mo go lawola kgoši. 9 O yye a thomisa leyeto lage la go tloga Bhabhilona ka letšatši la mathomo la kgwedi ya mathomo, a segela Jerusalema ka letšatši la mathomo la kgwedi ya kapheta (5) ka taba la gore letsogo la go loka la Modimo wage ke mo le le gage. 10 Ezera ke mo a lukisiye pelo yage gore a thogo nyakolla molawo wa Jehova fote a make tso wo di hlayang, a boye a tšhutise setšhaba sa Israyele molawo wone le ka mokgo se nyoko yahludiwang ka gona.

11 Ga borifi bya gore Kgoši Athazeksisi o bo neyye Ezera wa moprista wa gore fote ke mabhalane, segele sa go tšiba melawo ya Jehova le ka mokgo Modimo a nyakang Maisrayele ma maka dilo ka gona, ke mo go ngwadiwwe gore:

12 * “Nna Athazeksisi, kgoši ya magoši, ke ngwalela wene Ezera wa moprista wa gore fote ke mabhalane wa Molawo wa Modimo wa magedimong, ke re: Tama. Gana byalo 13 ke ntshiye molawo wa gore ye mongwana le ye mongwana mo mmušong waka wa batho ba Israyele, maprista ya bona le Malifi ba gore ba nyaka go ya nago Jerusalema, ba ye. 14 Ka gore o roma ke kgoši le bo ba go yi yeletsa kašupa (7) ya bona gore o nyakolle gore Molawo wa Modimo wago wa gore wo tshwere ke wene baa wo berekisa ku Juda le Jerusalema, 15 le gore o tseye silva le gholdi tsa gore kgoši le bo ba go yi yeletsa ba di neyye Modimo wa Israyele ba sa tšhofe ke motho, Modimo wa gore o dula Jerusalema, 16 le silva le gholdi tso o di krayang polekeng ka mokana ga yona ya Bhabhilona, le dilo ka mokana ga tsona tsa gore batho le maprista ba di yisiye ntlong ya Modimo wa bona ya gore yi Jerusalema ba sa tšhofe ke motho. 17 Fote o yakgoswe o berekisa tšheleta yowa gore o reke dikgomu tsa pholo, dinku tsa pholo, dinkunyana, o reke le mabelethoro le tsa go nwa tsa gore ba nyoko di berekisa mo ba maka dihlabelo, ke mokane o di yise aletareng ya ntlo ya Modimo wago ya gore yi ku Jerusalema.

18 “Se sengwana le se sengwana so wene le bobhuti bago le bonang se lukiye, se makeneng ka silva le gholdi tso di šeleng go ya ka mokgo Modimo wago a nyakang ka gona. 19 Le ditša ka mokana ga tsona tso ba le neyyeng gore le di berekise ka ntlong ya Modimo wago, o di yise mahlong ga Modimo ku Jerusalema. 20 Tse dingwana tso di nyakegang ntlong ya Modimo wago tsa gore o tshwanele o di yise, o nyoko di patela ka dilo tso o di krayang ga dilo tsa gore kgoši yi di tseyela gedimo.

21 “Nna kgoši Athazeksisi, ke makiye molawo wa gore batho ka mokana ga bona ba gore ba pasopa dilo tsa gore di tseyediwa gedimo ba gore ba ka nthoko yela ya Noka ya Eforate, ba di make ka go yakgoswa dilo ka moka tso Ezera wa moprista wa gore fote ke mabhalane wa Molawo wa Modimo wa magedimong a kgopelang gore di makiwe, 22 le mo go ka ba 100 ya ditalente* tsa silva, 16 000 ya dikhiloghremo* tsa korong, 100 ya dibhafo* tsa wayini, 100 ya dibhafo tsa makgura le letswayi la go lekanela. 23 Dilo ka mokana ga tsona tso di hlayyeng ke Modimo wa magedimong le di makeneng ka matšato, le di makela ntlo ya Modimo wa magedimong gore a sa kwatele batho ba rune, nna le barwayi baka. 24 Fote ke le botsa gore maprista, Malifi, ba go yepelela, ba go pasopa menyako, malata* ya go bereka tempeleng le bo ba go bereka ntlong ya Modimo, le sa ba patedisi mothelo kela go maka gore ba leye dilo tse dingwana tso di nyakang ke kgoši.

25 “Fote wene Ezera, berekisa go hlalefa ga gore Modimo o go neyye gona, o make gore o be le bomejistreyiti le ba go yahlula gore ba yahlule batho ka mokana ga bona bo ba leng ga poleke ya gore yi ka nthoko yela ya Noka ya Eforate, ka mokana ga bona ba go tšiba melawo ya Modimo wago; fote o tšhutise ye mongwana le ye mongwana wa gore aa yi tšibi. 26 Ye mongwana le ye mongwana ye a sa theetseleng Molawo wa Modimo wago le molawo wa kgoši a yahludiwe ka go yakgoswa, a bolayiwe, a rakiwe, a patedisiwe kela a yisiwe jele.”

27 Nkare Jehova Modimo wa bokokwane ba rune a ka thanakiwa, yene wa gore o makiye gore kgoši yi bafadise ntlo ya Jehova ya gore yi ku Jerusalema. 28 O nšupetsiye gore wa nnyaka mahlong ga kgoši, bo ba go yi yeletsa le ka mokana ga bona ba gore ba yeta mahlong ba gore ba berekela kgoši. Byalo, ke yye ka šišimala ka taba la gore letsogo la Jehova Modimo waka ke mo le le mo gaka, ka hlawola banna ba go yeta mahlong ga Maisrayele gore ba sepele le nna.

8 Byalo, dihlogo tsa mitši le lešika la bo ba ngwadisiyeng ba gore ba tlugiye le nna Bhabhilona ka nakwela go lawola Kgoši Athazeksisi ke tsowa: 2 ga barwayi ba Finiyase ke mo go le Ghešomo; ga barwayi ba Ithama ke mo go le Daniyele; ga barwayi ba Dafita ke mo go le Hathuši; 3 ga barwayi ba Šekhanaya le barwayi ba Paroši ke mo go le Zakariya, banna bo ne ba le naye ba gore ba ngwadisiye ke mo go le 150 ya bona; 4 ga barwayi ba Pahathe-mowaba ke mo go le Eliyeho-enayi morwayi wa Zerahaya, fote banna bo ne ba le naye ke mo go le 200 ya bona; 5 ga barwayi ba Zatu ke mo go le Šekhanaya morwayi wa Jahaziyele, fote banna bo ne ba le naye ke mo go le 300 ya bona; 6 ga barwayi ba Adini ke mo go le Ebhede morwayi wa Jonathane, fote banna bo ne ba le naye ke mo go le 50 ya bona; 7 ga barwayi ba Elama ke mo go le Ješaya morwayi wa Athaliya, fote banna bo ne ba le naye ke mo go le 70 ya bona; 8 ga barwayi ba Šefataya ke mo go le Zebhadaya morwayi wa Mayikhele, fote banna bo ne ba le naye ke mo go le 80 ya bona; 9 ga barwayi ba Jowabho ke mo go le Obadiya morwayi wa Jehiyele, fote banna bo ne ba le naye ke mo go le 218 ya bona; 10 ga barwayi ba Bhani ke mo go le Šelomithi morwayi wa Josifaya, fote banna bo ne ba le naye ke mo go le 160 ya bona; 11 ga barwayi ba Bhebhayi ke mo go le Zakariya morwayi wa Bhebhayi, fote banna bo ne ba le naye ke mo go le 28 ya bona; 12 ga barwayi ba Azighadi ke mo go le Johanani morwayi wa Hakatane, fote banna bo ne ba le naye ke mo go le 110 ya bona; 13 mabitso ya barwayi ba Adonikamo ba gore ke mo go le bona ba mafelelo ke yawa: Elifelete, Jeyiyele le Šemaya, fote banna bo ne ba le nabo ke mo go le 60 ya bona; 14 ke mokane ga barwayi ba Bhigivayi ke mo go le Uthayi le Zabhudi, fote banna bo ne ba le nabo ke mo go le 70 ya bona.

15 Ke ba kgobaketsiye nokeng ya gore yi yelela Ahava ke mokane ra kampa gana hone kararo (3) ya matšatši. Mara mo ke lebelela batho le maprista, ka kraya go se na Malifi. 16 Byalo ka re ba bitse Eliyazara, Ariyele, Šemaya, Elinathane, Jaribhe, Elinathane, Nathane, Zakariya le Mešulamo ba gore ke mo go le banna ba go yeta mahlong, ka re ba bitse le Joyaribho le Elinathane ba gore ke mo go le banna ba gore ba hlalefiye ba gore baa tšhutisa. 17 Ka ba roma gore ba ye ga Idho wa go yeta mahlong ku polekeng yo ba reng ke Khasifiya. Ke yitseri ba botse Idho le bobhuti bage ba gore ke malata* ya go bereka tempeleng ku Khasifiya gore ba re leyele batho ba go bereka ntlong ya Modimo wa rune. 18 Ka taba la gore letsogo la go loka la Modimo wa rune ke mo le na le rune, ba leyye monna wa go hlalefa wa go tšwa ga barwayi ba Mahili motlogolo wa Llifi morwayi wa Israyele, ke mo go le Šerebhaya le barwayi bage le bobhuti bage, 18 ya banna; 19 ba leya le Hašabhiya, o tlile le Ješaya wa go tšwa Merari, bobhuti bage le barwayi ba bona, 20 ya banna. 20 Fote ke mo go na le 220 ya malata* ya go bereka tempeleng ya gore Dafita le dindhuna ke mo ba makiye gore ma berekele Malifi, ka mokana ga bona ke mo ba ba ngwadisiye.

21 Ke mokane ka ba botsa gore re tikone tsa go ja gana mone nokeng ya Ahava gore re tinyanafatse mahlong ga Modimo wa rune, re mo kgopele gore a re yetetse ga leyeto la rune fote a pasope rune, bana ba rune le dilo tsa rune ka mokana ga tsona. 22 Ke mo di ntšebisa gore ke kgopele kgoši gore yi re neye masole le banna ba go sepela ka dipera gore ba re pasope ga manaba ya rune mo re kene re sepela, ka taba la gore re butsiye kgoši gore: “Modimo wa rune o na le batho ka moka bo ba mmerekelang, mara ka mokana ga bona ba gore baa mo jikela o ba kwatela ka matla.” 23 Byalo, re tikonne tsa go ja, ra kgopela Modimo wa rune gore a re pasope, o theetsele tso re di kgopelang.

24 Ke hlawodiye 12 ya dindhuna tsa maprista, ke mo go le Šerebhaya, Hašabhiya le lesome la bobhuti ba bona. 25 Ke mokane ka ba kalela silva le gholdi le ditša tsa gore kgoši, bo ba yi yeletsang, dindhuna tsa yona le Maisrayele ka mokana ga wona ya gore ne ma le mone ma neyele ka tsona gore di bereke ntlong ya Modimo wa rune. 26 Ka nthago ga gore ke di kale, ke ba neyye 650 ya ditalente* tsa silva, 100 ya dilo tsa go makiwa ka silva tsa gore di kala ditalente ka dipedi (2), 100 ya ditalente tsa gholdi, 27 20 ya ditša tse dinyana tsa gholdi tsa go kala 1 000 ya didariki* le dilo ka dipedi (2) tsa go tseyediwa gedimo go tshwana le gholdi tsa go makiwa ka koporo ya go gadima ya mayemo ya gedimo.

28 Ke mokane ka ba botsa gore: “Lune le hlawolegiye ga Jehova le dilo tsowa di hlawolegiye, silva le gholdi ke dilo tso re di neyang Jehova Modimo wa bokokwane ba lune re sa tšhofe ke motho. 29 Le di pasope go segela le kena Jerusalema le di kala mahlong ga dindhuna tsa maprista, Malifi le dindhuna tsa dihlogo tsa mitši ya Israyele ku dikamareng* tsa ntlo ya Jehova.” 30 Ke mokane maprista le Malifi ba tseya silva, gholdi le dilo tsa gore ba di kadiye ba ba neya tsona gore ba di yise Jerusalema ntlong ya Modimo wa rune.

31 Ra fetsa re tlugiye hala nokeng ya Ahava ka letšatši la bo 12 la kgwedi ya mathomo ra ya Jerusalema, letsogo la Modimo wa rune ke mo le na le rune fote a re phonisa ga manaba ya rune le ga bo ba gore ne ba re ramele mo pateng. 32 Ke mokane ra segela Jerusalema, ra dula gana hone kararo (3) ya matšatši. 33 Ka letšatši la kanne (4) ra kala silva, gholdi le dilo tsela tse dingwana ntlong ya Modimo wa rune, ra di neya Meremothe morwayi wa Urija wa moprista, ke mo a na le Eliyazara morwayi wa Finiyase, fote ke mo ba na le Jozabhadi morwayi wa Ješuwa le Nowadiya morwayi wa Bhinuyi ba gore ke Malifi. 34 Dilo ka mokana ga tsona ba di balele ba di kala, fote ba ngwala gore di kala bokaye. 35 Bo ba gore ba tšwile bobhantiting ba makela Modimo wa Israyele dihlabelo tsa go tšhubiwa ka 12 ya dikgomu tsa pholo ba makela Maisrayele ka moka, ba maka sehlabelo sa mo motho a sinnye ka 96 ya dinku tsa pholo, 77 ya dinkunyana tsa pholo le 12 ya dipudi tsa pholo; ne ba makela Jehova sehlabelo sa go tšhubiwa ka dilo tsowa ka mokana ga tsona.

36 Ke mokane ra neya dindhuna tsa bogošing* molawo wa kgoši, ra neya le ba go lawola poleke ya ka nthoko yela ya Noka ya Eforate, ba gelepa batho bowa fote ba tšhela letsogo ga mmereko wa ntlo ya Modimo wa mannete.

9 Mo re fetsa go maka dilo tsone, bo ba gore ke dindhuna ba tla gaka ba re: “Batho ba Israyele, maprista le Malifi a baa tihlawola ga batho ba dinaga tse dingwana le ga dilo tsa go silikisa tso ba di makang, dilo tso di makang ke Makanana, Mahethe, Maperezi, Majebuse, Maamoni, Mamowaba, Maegepita le Maamore. 2 Ba titseyele basadi ga barwediya ba batho bone, ba tseyela le barwayi ba bona. Byalo, batho* ba go hlawolega ba tigahlanisiye le batho ba ditšhaba. Dindhuna le ba go gelepa ba go lawola ke mo go le bona ba mathomo ba go maka dilo tsowa tsa go šupetsa gore a ba tshepege.”

3 Byalo mo ke fetsa go kwa ka dilo tsone ka tlerola dikobo tsaka, ka tomola moriri waka le makgakga yaka, ka dula fase ke makele. 4 Batho ka mokana ga bona ba gore ne ba hlompa mantsu ya Modimo wa Israyele ba kgobakana ho gaka ka taba la gore ke mo ba hlupiye ke go sa tshepege ga bo ba gore ba tšwa bobhantiting, ba tlile ke sa duli ke makele go segela ka malobana mo go makiwa sehlabelo sa mabele.

5 Ka nako ya mo go makiwa sehlabelo sa mabele sa ka malobana, ka tlogamela hala ne ke duli gona ke kgongwele dikobo tsaka di kene di tlerogiye, ka kgotama, ka yemisela matsogo yaka ga Jehova Modimo waka. 6 Ke mokane ka re: “Modimo waka barena, ke tikwa ke tšebiye fote di sa ntshwanele gore nka go rapela, wene Modimo waka, ka taba la gore tso re di sinnyeng di tlele ka matla fote di segela le magedimong. 7 Tso re di sinnyeng di tlele ka matla go tlugisela ka dinako tsa bokokwane ba rune go segela lekgono lowa; ka taba la tso re di sinnyeng, o lisetsiye magoši ya ditšhaba ma re hlula, rune, magoši ya rune le maprista ya rune, ba re bolayye ka sabola, ba re yisa bobhantiting, ba tseya dilo tsa rune, fote ba re poyilanya go tshwana le ka mokgo ba makang lekgono. 8 Mara gana byalo Jehova Modimo wa rune o re kwele go baba ka senakonyana ka go maka gore ba bangwana ba rune ba phone, a boya a maka gore re dule re pasopegiye polekeng yage ya go hlawolega gore re thogo jabola, fote wene Modimo wa rune o makiye gore re khutse ka gonyana bobhantiting bya rune. 9 Le mo re le mabhantiti, Modimo wa rune aa re lahla bobhantiting bya rune; mara o šupetsiye mahlong ga magoši ya Peresiya gore o re kwela go baba, o re neyye matšhika ka bonyuwane gore re yage ntlo ya Modimo wa rune le gore re lukise mo ne go sinyegiye, a maka gore Juda le Jerusalema go be le lepharo la go yagiwa ka matlapa.

10 “Mara gana byalo re ka re king wene Modimo wa rune ka nthago ga dilo tsowa? Ka gore re lisetsiye melawo yago, 11 ya gore o re neyye yona o berekisa malata yago ya gore ke baporofeta, wa re: ‘Naga yo le nyoko yi tseyang gore go be ya lune a ya yela ka gore batho ba ditšhaba tsone a baa yela, ka taba la dilo tsa go silikisa tso batho bone ba di makang, ba makiye gore mone nageng go tlale dilo tsa gore a dya yela mahlong ga Modimo. 12 Byalo, barwayi ba bona le sa ba neyeneng barwediya ba lune, fote le sa tseyeleneng barwayi ba lune barwediya ba bona; le sa make selo so se ka makang gore ba šale ba bebiye fote ba phomelele, gore le thogo tiyelela le je tsa go ja tsa gabutši tsa mone nageng fote le yi tseye go be ya barwayi ba lune go ya go yye.’ 13 Fote ka nthago ga dilo ka mokana ga tsona tso di re makegeleng ka taba la dilo tsa go sa loka tso re di makiyeng—ka gore wene Modimo wa rune, a wa re wolola go ya ka tso re di sinnyeng, fote o re dumelele gore re tšwe bobhantiting— 14 ayitsano re ka tshela melawo yago fote, ra šadha le batho ba go maka dilo tsa go silikisa? Nje o ka sa re kwatele la go šinya o fetsa ka rune, gwa sa be le ye a phonang? 15 Wene Jehova Modimo wa Israyele, o lukiye, ka taba la gore ba bangwana ba rune ba phonne go segela lekgono lowa. Ke rune bowa re yemme mahlong gago re kene re tikwa re na le molato, ka gore a di kgonege go yema mahlong gago ka taba la dilo tsowa.”

10 Mo Ezera a kene a rapela fote a hlaya tso ba di sinnyeng, a lla, a patlamme mahlong ga ntlo ya Modimo wa mannete, mogoba wo mogolo wa banna, basadi le bana ba Maisrayele wa mo kgobakanela ka taba la gore batho ke mo ba lla ka matla. 2 Ke mokane Šekhanaya morwayi wa Jehiyele wa barwayi ba Elama a re ga Ezera: “A re ya tshepega ga Modimo wa rune ka go tseya basadi ga batho ba ditšhaba tse dingwana. Mara re sa na le tshepo ya gore Modimo o nyoko kwela Maisrayele go baba. 3 Byalo, tla re makeneng kwano le Modimo wa rune gore re rake basadi bowa ka mokana ga bona le bana ba bona, ka mokgo Jehova ne a nyaka ka gona le ka mokgo bo ba hlompang molawo wa Modimo wa rune ne ba nyaka ka gona. Tla re makeneng tso di hlayang ke Molawo. 4 Tlogamela ka gore o tshwanele o make taba yowa, fote re nago. Tiyelela o make so se nyakegang.”

5 Ezera a napa a tlogamela, a maka gore dindhuna tsa maprista, Malifi le Maisrayele ka mokana ga wona ba tshepise gore ba nyoko maka so se hlayiwweng. Byalo ba tshepisa. 6 Ezera a tloga mone mahlong ga ntlo ya Modimo wa mannete a ya kamareng* ya Jehohanane morwayi wa Eliyašibhi. O yye mone mara aa ja tsa go ja fote aa nwa meetši, ka gore ke mo a lla ka taba la go sa tshepege ga batho bala ba go tšwa bobhantiting.

7 Ke mokane ba sabalatsa ku Juda le Jerusalema ka mokana ga yona gore batho ka mokana ga bona bo ne ba le bobhantiting ba kgobakane Jerusalema; 8 le go ya ka sepheto so se segeleleng ke dindhuna le banna ba bagolo gore ye mongwana le ye mongwana wa gore go fela kararo (3) ya matšatši a soko segela hone, ba nyoko tseya dilo tsage ka mokana ga tsona fote ba nyoko mo raka ga bo ba gore ba tšwa bobhantiting. 9 Byalo batho ka mokana ga bona ba Juda le Bhenjamini ba kgobakana Jerusalema go soko fela kararo (3) ya matšatši, ka kgwedi ya nkokwane (9), ka letšatši la bo 20 la kgwedi yone. Batho ka mokana ga bona ne ba duli ku lapeng la ntlo ya Modimo wa mannete, ba tshusiye ke taba yowa fote ba hlagasela ka gore pula ke mo yi na ka matla.

10 Byalo Ezera wa gore ke moprista a tlogamela, a re ga bona: “A le ya tshepega ka gore le šadhiye le basadi ba ditšhaba tse dingwana, tsotsone di makiye gore molato wa Israyele wo yeketsege. 11 Botsaneng Jehova Modimo wa bokokwane ba lune tso le di sinnyeng, le makeneng tso a di nyakang. Tihlawoleneng ga batho ba mone nageng, le ga basadi ba ditšhaba tse dingwana.” 12 Mo a reyane, batho bala ka mokana ga bona ba fetola ba yahlamela ba re: “Ke mmereko wa rune go maka tso o di hlayang. 13 Mara go na le batho ba go tlala fote ke dinako tsa dipula. Di ka sa kgonege gore re yeme ka ho tawong, fote taba yowa yi ka sa tseye letšatši ka lloši kela ka mabedi (2) ka gore re sinyele Modimo ka matla. 14 Byalo, re kgopela gore dindhuna tsa rune go be tsona tso di yemelang batho ka moka; fote batho ka mokana ga bona ba mitšing ya rune ba gore ba šadhiye le basadi ba dinaga tse dingwana ba tle ka nako yo yi beyiwweng, ba tle le banna ba bagolo le bo ba go yahlula ba mutši wo mongwana le wo mongwana, go segela re maka gore Modimo wa rune a sa sa re kwatela ka matla ka taba la dilo tsowa.”

15 Mara Jonathane morwayi wa Asahele le Jaziya morwayi wa Thikiva ba gana taba yone, fote Mešulamo le Šabhethayi ba gore ke Malifi ba yema nabo. 16 Mara bo ba go tšwa bobhantiting ba maka tso ba dumeleng gore ba nyoko di maka; fote Ezera wa gore ke moprista le dihlogo tsa mitši tsa gore ne di ngwadiwwe go ya ka mabitso ya tsona, ba gahlana ka letšatši la mathomo la kgwedi ya lesome (10) gore ba lebelele taba yowa gabutši; 17 fote ka letšatši la mathomo la kgwedi ya mathomo ke mo ba šele ba fetsiye go pombhola ditaba ka moka tsa banna ba gore ke mo ba šadhiye le basadi ba ditšhaba tse dingwana. 18 Ba kraya gore barwayi ba bangwana ba maprista ke mo ba šadhiye le basadi ba ditšhaba tse dingwana: ga barwayi ba Ješuwa morwayi wa Jehozadake le bobhuti bage ke mo go le Maseya, Eliyazara, Jaribhe le Ghedalaya. 19 Mara ba tshepisa gore ba nyoko raka basadi ba bona, fote ka gore ne ba na le molato ke mo ba nyoko maka sehlabelo sa tso ba di sinnyeng ka nku ya pholo ya gore ba yi tsere morapeng.

20 Ga barwayi ba Imere ke mo go le Hanani le Zebhadaya; 21 ga barwayi ba Harimi ke mo go le Maseya, Eliya, Šemaya, Jehiyele le Uziya; 22 ga barwayi ba Pašuri ke mo go le Eliyonayi, Maseya, Išimayele, Nethanele, Jozabhadi le Eliyasa. 23 Ga Malifi ke mo go le Jozabhadi, Šimeyi, Kelaya (yi rela Kelita), Pethahaya, Juda le Eliyazara; 24 ga bo ba go yepelela ke mo go le Eliyašibhi; fote ga bo ba go pasopa digheyiti ke mo go le Šalumi, Theleme le Uri.

25 Ga Maisrayele, ga barwayi ba Paroši ke mo go le Ramiya, Izaya, Malekhija, Mijamini, Eliyazara, Malekhija le Bhenaya; 26 ga barwayi ba Elama ke mo go le Matanaya, Zakariya, Jehiyele, Abhdi, Jeremothe le Eliya; 27 ga barwayi ba Zatu ke mo go le Eliyonayi, Eliyašibhi, Matanaya, Jeremothe, Zabhadi le Aziza; 28 ga barwayi ba Bhebhayi ke mo go le Jehohanane, Hananiya, Zabhayi le Athilayi; 29 ga barwayi ba Bhani ke mo go le Mešulamo, Malukhe, Adaya, Jašubhi, Šeyale le Jeremothe; 30 ga barwayi ba Pahathe-mowaba ke mo go le Adna, Khelali, Bhenaya, Maseya, Matanaya, Bhezalele, Bhinuyi le Manase; 31 ga barwayi ba Harimi ke mo go le Eliyazara, Išija, Malekhija, Šemaya, Šimiyoni, 32 Bhenjamini, Malukhe le Šemaraya; 33 ga barwayi ba Hašumi ke mo go le Matenayi, Matata, Zabhadi, Elifelete, Jeremayi, Manase le Šimeyi; 34 ga barwayi ba Bhani ke mo go le Mahadayi, Amoramo, Uwele, 35 Bhenaya, Bhedaya, Kheluhi, 36 Vanaya, Meremothe, Eliyašibhi, 37 Matanaya, Matenayi le Jasu; 38 ga barwayi ba Bhinuyi ke mo go le Šimeyi, 39 Šelemaya, Nathane, Adaya, 40 Makhinadebhayi, Šašayi, Šarayi, 41 Azarele, Šelemaya, Šemaraya, 42 Šalumi, Amariya le Josefa; 43 fote ga barwayi ba Nebho ke mo go le Jeyiyele, Matithiya, Zabhadi, Zebhina, Jadhayi, Juwele le Bhenaya. 44 Bowa ka mokana ga bona ke mo ba tsere basadi ba go tšwa ga ditšhaba tse dingwana, fote ba rakiye basadi ba bona le barwayi ba bona.