PISALEMA

1 Go jabola motho wa gore aa theetsele mayele ya bo ba dipelo tse diphifadu,

Wa gore aa yeme dipateng tsa bo ba go sinya,+

Wa gore fote aa duli ditulong tsa bo ba go kwerana.+

 2 Mara o jabodisa ke molawo wa Jehova,+

Fote molawo Wage o wo bala ka lentsu la fase* bošego le motshegare.+

 3 Yene o nyoko tshwana le mohlare wa gore ba wo gašiye thina le meetši,

Mohlare wa gore wo yengwa ka nako ya gona,

Wa gore matlakala ya wona a ma pune.

 4 Bo ba dipelo tse diphifadu a ba ka mokgonone;

Ba tshwana le morooko wa gore wo rwala ke moya.

 5 Byalo, bo ba dipelo tse diphifadu ba ka sa yeme mo ba yahludiwa;+

Le bo ba go sinya ba ka sa yeme mo go kgobakanneng bo ba go loka.+

 6 Ka gore Jehova wa di bona tso di makang ke bo ba go loka,+

Mara go nyoko fela ka tso di makang ke bo ba dipelo tse diphifadu.+

2 Ke ntaba ditšhaba di tšhugiye

Fote batho ba kokola ka dilo tsa gore a di šiyo?+

 2 Magoši ya lefase ma tilukiselele go lwa

Fote bo ba go lawola baa kgobakana ba ba selo ka ssoši+

Gore ba thogo lwa le Jehova le ye a mo tlotsiyeng.*+

 3 Ba re: “Tla re robeneng diketane tso ba re tlemang ka tsona,

Tla re tloseneng dithapo tsa bona tso di re tlemmeng!”

 4 Ye wa go lawola ku magedimong o nyoko tshega;

Jehova o nyoko ba kwera.

 5 Ka nako yonone, yene o nyoko bolabola nabo a kwatiye

Ba nyoko tšhoga ka taba la gore o kwatiye ka matla,

 6 O nyoko re: “Nna ke beyye kgoši yaka+

Fote ya lawola ku Siyoni,+ thabeng yaka ya go hlawolega.”

 7 Ke nyoko bolabola ka tso Jehova a di hlayyeng;

O mputsiye gore: “Ke wene morwayi waka;+

Go tlugisela lekgono ke nna papago.+

 8 Mo o ka fo nkgopela, ke nyoko go neya ditšhaba gore go be lefa lago

Ka boya ka go neya lefase ka mokana ga lona gore go be lago.+

 9 Wene o nyoko ba psyitlanya o berekisa thoka ya tshipi,+

Fote o nyoko ba pshyayanya go tshwana le selo sa go makiwa ka botsopa.”+

10 Byalo, lune magoši šupetsaneng gore le ya kwisisa;

Yamogelaneng mo le wolodiwa, lune ba go yahlula lefase.

11 Berekelaneng Jehova le kene le mo hlompa ka matla,

Fote le jaboleneng le kene le šupetsa gore le ya mo hlompa.

12 Hlompaneng* morwayi,+ mo le sa make ka mokgonone Modimo o nyoko kwata

Gore go sa fele* ka lune,+

Ka gore O yakgoswa a kwata.

 3 Mara wene Jehova, o ndukulugele mahlaya ka moka go tshwana le legawu,+

O maka gore ke hlompege,+ wa boya wa maka gore ke be le lešiši.+

 4 Ke nyoko yahlamela Jehova,

Fote yene o nyoko mfetola a le thabeng yage ya go hlawolega.+ (Selah)

 5 Ke nyoko patlama ka yetsela;

Fote ke nyoko tsoga ke pasopegiye,

Ka gore Jehova o ya mahlong a n’gelepa.+

 6 Bo ba dikitikiti ba gore ba nhlasela ba le ga mahlaya ka mokana ga wona

A ke ba tšhabe.+

Ka gore o nyoko teya manaba yaka ka mokana ga wona mo mohlagareng;

O nyoko robanya meno ya bo ba dipelo tse diphifadu.+

 3 Le di tšibeneng gore Jehova o nyoko mo tshwara gabutši ye wa gore wa tshepega gage;

Jehova o nyoko kwa mo ke mmitsa.

 5 Sehlabelo se sengwana le se sengwana so o se makelang Modimo o se make ka pelo ya gabutši,

Fote o tshepele ga Jehova.+

 7 Wene o makiye gore ke jabole ka matla

Go phala bo ba gore ba bunne mabele ya go tlala, ba gore fote ba na le wayini ya nyuwane.

 8 Ke nyoko patlama ka yetsela gabutši,+

Ka gore wene Jehova ke wene o ntoši ye a makang gore ke dule ke pasopegiye.+

5 Theetsela mantsu yaka barena Jehova;+

O nkwisise mo ke tsitla ka taba la tso di nkgahleletsang.

 2 Ntheetsele mo ke llela gore o n’gelepe,

Wene Kgoši yaka le Modimo waka, ka taba la gore ke rapela wene.

 3 Wene Jehova, o nyoko kwa lentsu laka ka bošego;+

Ka bošego ke nyoko go botsa tso di nhlupang+ ke mokane ka yemela gore o mfetole.

 4 Ka gore a yi wene Modimo wa go jabodisa ke dilo tsa go sa loka;+

A go na motho wa go sa loka wa gore a ka dula nago.+

Wene o hloyye batho ka mokana ga bona ba go maka tsa go sa loka;+

 6 O nyoko fetsa ka bo ba go hlaya matsaka.+

 7 Mara ke nyoko tla ntlong yago+ ka taba la gore o šele o nšupetsiye gore o nnyaka ka matla;+

Ke nyoko thinya letolo ke libanne le tempele yago ya go hlawolega go šupetsa gore ke go hlompa ka matla.+

 8 Barena Jehova, n’yetetse tseleng yago ya go loka ka taba la gore ke dukulugele ke manaba;

N’gelepe gore ke sepele tseleng yago ke sa phiki ke selo.+

 9 Ka gore a go na selo so ba se hlayang sa gore se ya tshepega;

Dipelo tsa bona di tlele ka dilo tsa go befa;

Melomo ya bona ke lebitla la gore le bulegiye;

Baa hlalefetsana ka maleme ya bona.+

10 Mara Modimo o nyoko hlaya gore ba na le molato;

Tso ba di polanang di nyoko ba wisa.+

Nkare o ka ba raka mahlong gago ka taba la dilo tsa go tlala tso ba sa di makang gabutši,

Ka gore ba go jikele.

11 Mara batho ka mokana ga bona ba gore ba tšhabela gago ba nyoko jabola;+

Ba nyoko dula ba hlakela.

O nyoko ba pasopa,

Batho ka mokana ga bona ba gore ba kwana le lebitso lago ba nyoko jabola ka taba lago.

12 Ka gore wene Jehova o nyoko rufa ye mongwana le ye mongwana wa gore o lukiye;

Ba nyoko pasopega tsa nkare ba pasopiye ke legawu le legolo+ ka taba la gore wene wa ba yamogela.

6 Barena Jehova, o sa nšupetsi sa gabutši o kwatiye,

Fote o sa n’wolole o kwatiye ka matla.+

 3 Ke hlakahlakanne ka matla,+

Fote ke butsisa wene Jehova gore⁠—ke nyoko hlupega go segela neng?+

 4 Barena Jehova, sologa o mphonise;+

Mphonise ka taba la gore ke wene Modimo wa go nyakanana ka matla.+

 5 Ka gore bo ba gore ba hlokofele a ba bolabole ka wene;

Ku Lebitleng,* ke mang wa gore a ka go thanaka?+

 6 Ke tinwisiye ke go fo dula ke lla;+

Ke thambhisa mpeto waka ka dinepedi bošego ka moka;

Ke thambhisa sofa yaka ka taba la go lla.+

 7 Ke kgahleletsegiye ka taba la dilo ka mokana ga tsona tso di nhlupang,+

A ke sa bona gabutši ka taba la batho ka mokana ga bona ba go nhlupegisa.

 8 Tloganeng ho gaka lune ba go maka tsa go befa,

Ka gore Jehova o nyoko nkwa mo ke lla.+

 9 Jehova o nyoko nkwa mo ke mo kgopela gore a nkwele go baba;+

Jehova o nyoko yamogela thapelo yaka.

10 Manaba yaka ka mokana ga wona ma nyoko šala ma tšebiye fote ma se na matšhika;

Di nyoko makega ma sa tilibele gore ma šale ma tšebiye.+

 2 Mo o ka sa mphonisi ba nyoko ntlerolanya ka šala ke le ditlopotlopo tsa nkare ke tlerolannye ke tawu,+

Ba n’gogoyisanya go se na wa go mphonisa.

 3 Barena Jehova Modimo waka, mo nkare ke sinnye,

Mo nkare a ke ya maka gabutši,

 4 Mo nkare ke sinyele ye a mmakelang tsa gabutši,+

Kela mo nkare ke tsere dilo tsa lenaba laka le sa maka selo,

 5 Lisetsa lenaba laka le nlelekise fote le nhlule;

Le n’gatele go segela ke kgwa

Le make gore go gadima gaka go felele fase. (Selah)

 6 Barena Jehova, ke kgopela o make se sengwana go šupetsa gore o kwatiye;+

Ke kgopela o lwe le manaba yaka ya gore ma kwatiye ka matla;

Tlogamela o n’gelepe, o make gore ke tshwariwe gabutši.+

 7 Nkare o ka dukulugela ke ditšhaba;

Nkare o ka ba yahlula o le setulong sago sa go lawola.

N’yahlule wene Jehova, go ya ka go loka gaka

Le go ya ka go tshepega gaka.+

 9 Ke kgopela o fetse ka dilo tsa go befa tso di makang ke ba dipelo tse diphifadu

Mara bo ba go loka o make gore ba pasopege,+

Ka gore ke wene Modimo wa go loka+ wa gore o nyakolla dipelo+ le ka mokgo motho a tikwang ka ku tengteng.*+

11 Modimo ke Wa go Yahlula wa gore o lukiye,+

Modimo o wolola bo ba dipelo tse diphifadu ka moka matšatši.

12 Mo nkare go na le wa gore aa nyake go sokologa,+ Modimo o lokotša sabola yage;+

O lukiselela mosefo wage gore a thogo thunya.+

13 O tseya dilo tsage tsa go lwa ka tsona tsa gore di ya bolaya;

O layita mollo ga manopa ya mosefo wage,+

14 Lebelela ye wa gore o yimme dilo tsa go sa loka;

O yima mathatha, a belega matsaka.+

15 O yepa mokoti, a maka gore wo yise ka matla,

Mara o wela gana hala mokoting wo a wo yepiyeng.+

16 Mathatha ya a ma bakang ma nyoko mo jikela;+

Dilo tsa go befa tso a di makang di nyoko mo jikela.

17 Ke nyoko thanaka Jehova ka taba la gore o lukiye;+

Ke nyoko yepelela dikoša tsa go thanaka ka taba la lebitso la Jehova,+ yene wa ku Malenghelengheng.+

8 Wene Jehova Morena wa rune, lebitso lago ke le legolo lefaseng ka mokana ga lona;

O makiye gore go gadima gago go makatse go phala magedimo!+

 2 O berekisiye melomo ya bananyana le ya masiya+ go šupetsa gore o na le matšhika

Gore lenaba lago la gore le na le lešidi

La gore fote le phigisana nago le šale le se na sa go se hlaya.

 3 Mo ke bona magedimo yago, mebereko ya menwana yago,

Ngwedi le dinanedi tsa gore o di makiye,+

 4 Motho go ro ba ying mara la gore o ka šinya o dula o mo naganne,

Fote morwayi wa motho go ro ba ying la gore o ka šinya o mo pasopa?+

 5 O makiye gore a be ka tlasenyana ga mangeloyi,*

O makiye gore a gadime fote a hlompege.

 6 O makiye gore a lawole tso o di makiyeng ka matsogo yago;+

O beyye dilo ka mokana ga tsona ka tlase ga mawoto yage:

 7 Dinku, dipudi le dikgomu,

Le diphoolwane tsa hlaga,+

 8 Dinonyane tsa magedimong le dihlapi tsa lewatleng,

Dilo ka mokana ga tsona tsa gore di dula mawatleng.

9 Ke nyoko go thanaka ka pelo yaka ka mokana ga yona, Wene Jehova;

Ke nyoko bolabola ka mebereko yago ka mokana ga yona ya go makatsa.+

 2 Ke nyoko jabola fote ka hlakela ka taba lago;

Ke nyoko yepelela dikoša tsa go thanaka ka taba la lebitso lago, Wene wa ku Malenghelengheng.+

 3 Mo manaba yaka ma tšhaba,+

Ma nyoko phikega, gwa fela ka wona mahlong gago.

 4 Ka gore wa n’yemelela gore ke thogo yahludiwa gabutši;

Wene o dula ga setulo so o lawolang o le ga sona, wa yahlula gabutši.+

 5 O wolodiye ditšhaba,+ wa fetsa ka bo ba go sa loka,

A go na ye a nyoko gopolang mabitso ya bona.

 6 Go napiye go fela ka lenaba laka;

Go fediye le ka mitši ya bona,

Go ka sa sa bolabodiwa ka bona fote.+

 7 Mara Jehova o nyoko dula setulong so a lawolang a le ga sona go ya go yye;+

O ya mahlong a lawola, fote o dula a yahlula ka go loka.+

 8 O nyoko yahlula batho ba lefaseng ka go loka;+

Mo a yahlula ditšhaba, o nyoko segelela dipheto tsa gabutši.+

 9 Jehova o nyoko ba wa gore bo ba gore ba kgahleletsegiye ba tšhabela gage ba pasopega,+

Wa gore ba tšhabela gage ka dinako tsa go thathafa.+

10 Bo ba gore ba tšiba lebitso lago ba nyoko tshepela gago;+

Bo ba gore ba tisamela ka wene o ka sa tsoge o ba lahliye wene Jehova.+

11 Yepelelaneng Jehova dikoša tsa go thanaka, yene wa gore o dula Siyoni;

Makaneng gore tso a di makiyeng di tšibege bathong.+

12 Yene o nyoko gopola bo ba gore baa hlupegisiwa, fote a patedisa ka taba la madi ya bona+

A ka sa libale dinako tsa mo ba mo llela.+

13 Jehova barena, nkwele go baba; bona tso bo ba nhloyyeng ba nhlupegisang ka tsona,

Wene wa gore wa mphonisa gore ke sa kgwe,*+

14 Gore ke bolabole ka dilo tso o di makang tsa gore di ya thanakega ke le digheyiting tsa morwediya wa Siyoni,+

Ka boya ka jabola ka taba la gore wene wa mphonisa.+

15 Ditšhaba di sobele mekoting yo di yi yepiyeng;

Mawoto ya tsona ma tannye ke letabane la gore ne di reyye ka lona.+

17 Batho ba go sa loka ba nyoko ya Lebitleng,*

Ditšhaba ka mokana ga tsona tsa go lebala Modimo di nyoko ya gana hone.

18 Mara bo ba go tihlupegela ba ka sa duli ba lebadiwa;+

Le tshepo ya bo ba go tilokela go ka sa fo fela ka yona.+

20 Maka gore di tšhoge, Wene Jehova,+

Maka gore ditšhaba di tšibe gore di fo ba batho ba go sa re selo. (Selah)

 2 Ye wa pelo ye phifadu o kakodiye magetla o lelekisa ye wa gore aa na polane,+

Mara dipolane tsage tsa go kekema di nyoko tanya yene mong.+

 3 Ka taba la gore ye wa gore aa loka o kganya ka tso a di nabelang tsa go sa loka+

Fote o rufa ye wa gore o na le dipawu;

נ [Nun]

Aa hlompe Jehova.

 4 Motho wa gore aa loka wa gore fote o na le magetla aa nyakane le Modimo;

O fo dula a nagana gore: “Modimo aa šiyo.”+

 5 Dilo di mo sepelela gabutši,+

Mara a ka sa tsoge a kwisisiye mokgwa wago wa go yahlula;+

O kwera manaba yage ka mokana ga wona.

 6 Ka ho pelong yage o re: “Nka sa ro tekateka le ka gonyana;

Maloko ma nyoko feta ma lategetsana

Tsa go sasamela di ka sa tsoge di mmakegele.”+

 7 Molomo wage wo tlele ka maroga le ka matsaka fote wa tshosetsa;+

O berekisa lleme lage gore a bake mathatha a boya a kwaletsa ba bangwana.+

 8 O dula a ramele thina le dimitšane;

O tšwa mo ne a wutamme gona gore a bolaye motho wa gore aa na molato.+

10 O hlula ye a mo hlaselang, a maka gore a wele fase;

Bo ba go lelemela ba wela matsogong yage.

Ye ba mo hlaselang o tšhabela gago;+

Ke wene o gelepang ngwana* wa gore aa na papa.+

15 Roba letsogo la ye wa pelo ye phifadu wa gore fote o na le lešidi,+

Gore mo o nyakolla dilo tso a di makiyeng tsa go sa loka,

O kraye di sa sa le šiyo.

18 Bo ba gore a ba na bopapa le ba gore ba kgahleletsegiye wene o nyoko ba tshwara gabutši,+

Gore ba sa sa kwa ba hlagasedisa ke motho wa mo lefaseng.+

 2 Bona ka mokgo bo ba dipelo tse diphifadu ba gogang mesefo;

Ba tšhela manopa ya bona mo ga yona,

Ba yema letshwifing ba thunya bo ba dipelo tsa gabutši.

 3 Mo batho ba sa sa theetsela molawo

Motho wa go loka a ka maka ying?”

 5 Jehova o nyakolla wa go loka le wa gore aa loka;+

O hloyye ye mongwana le ye mongwana wa gore o kwana le bokgohlane.+

 6 O nyoko tanya bo ba dipelo tse diphifadu;

O nyoko ba nisela mollo le matlapa ya go dura nkare ke magala,+ a boya a ba wolola ka moya wa go fisa.

12 Mphonise barena Jehova, ka gore wa go tshepega aa sa le šiyo;

Batho ba go tshepega ba nyamalele.

 2 Baa tshokanana;

Ba hlalefetsa batho ka maleme ya bona fote baa ba tshokanya.+

 3 Bo ba go kwana le go hlalefetsana, Jehova o nyoko ba kwala melomo

Fote o nyoko kupa maleme ya bo ba go kganya,+

 4 Bo ba gore: “Re nyoko berekisa maleme ya rune ra phomelela.

Re berekisa melomo ya rune ka mokgo re nyakang;

Re nyoko lawola ke mang?”+

 5 Jehova o re: “Ka taba la gore bo ba go hlupega ba kgahleletsegiye

Ka gore bo ba go tihlupegela baa tsitla,+

Ke nyoko tlogamela ka maka se sengwana,

Ke nyoko ba phonisa ga bo ba gore baa ba kwera.”

 6 Tso Jehova a di hlayang a di na selabi;+

Di tshwana le silva ya gore ba yi tulusiye ka teng ga onto ya go makiwa ka botsopa, ya gore yi yedisiwwe ga kašupa.

 7 Wene o nyoko ba pasopa, wene Jehova;+

O nyoko pasopa ye mongwana le ye mongwana wa bona go tlugisela ga leloko lowa go ya go yye.

 8 Bo ba go maka tsa go befa baa tilawola

Ka taba la gore barwayi ba batho ba hlohletsela gore go makiwe dilo tsa go sa loka.+

 2 Ke nyoko dula ke šekela go segela neng,

Nkene ke kwa go baba ka moka matšatši?

Maka gore ke boye ke tiyelele gore ke sa kgwe,

 4 Gore lenaba laka le sa tle le re: “Ke mo hludiye!”

 5 Nna ke ya tshepa gore o nyoko nšupetsa gore o nkwela go baba;+

Pelo yaka yi nyoko jabola mo o mphonisa,+

 6 Ke nyoko yepelelela Jehova ka taba la gore o nrufiye ka matla.+

Ba maka tsa bošakašakane, fote tso ba di makang di ya silikisa;

A go na wa go maka tsa gabutši.+

 2 Mara Jehova o lebelela barwayi ba batho a le legedimong

A nyaka go bona gore ayitsano go na le wa go kwisisa, wa gore o nyaka go yetetsa ke Jehova.+

 3 Ka mokana ga bona ba tšwile pateng;+

Ka mokana ga bona baa tshwana, ba maka tsa bošakašakane.

A go na wa go maka tsa gabutši,

Go hloka le mong ka wwoši.

 5 Ba nyoko tšhoga ka matla,+

Ka gore Jehova o yema le leloko la bo ba go maka tsa go loka.

 6 Lune ba go maka tsa go sa loka le liketsa go šašisa dipolane tsa ye wa gore o kgahleletsegiye,

Mara yene o tšhabela ga Jehova.+

Mo Jehova a maka gore batho bage bo ba leng bobhantiting ba boye,

Nkare Jakobo a ka jabola, nkare Israyele a ka jabola.

 2 Ke ye wa gore wa tshepega,+

Wa gore o maka tsa gabutši+

Wa gore fote o bolabola nnete ka pelong yage.+

 3 Aa berekisi lleme lage gore a sinye batho mabitso,+

Ga moyagelane wage aa mo make tsa go sa loka,+

Fote aa poyili banghana bage.+

 4 Aa kwane le ba go maka tsa go befa,+

Mara bo ba gore ba hlompa Jehova o ba tseyela gedimo.

 5 Mo a yadimisa tšheleta yage aa tswadisi,+

O ka sa mo dhize gore a hlayele bo ba gore a ba na molato matsaka.+

 3 Fote bo ba go hlawolega ba mo lefaseng,

Ba gore di ya ba tshwanela go tseyediwa gedimo, ba njabodisa ka matla.”+

Nka sa tsoge ke tšhediye letsogo mo ba maka dihlabelo tsa go nwiwa tsa madi,

Fote nka sa bolabole ka mabitso ya yona.+

Di njabodisa ka matla mo o le gona;+

Ye a leng ka letsogong lago la go ja o dula a jabodiye.

Thapelo ya Dafita

17 Ntheetsele, o mmakele tsa go loka wene Jehova;

Ntheetsele mo ke go llela gore o n’gelepe;

Theetsela thapelo yaka ya gore ke yi rapela ke resa.+

 2 Nkare o ka segelela sepheto sa gabutši sa gore se nyoko mperekela;+

Nkare maahlo yago ma ka bona sa gabutši.

 3 O nyakolliye pelo yaka, wa mpombhola bošego;+

O yedisiye pelo yaka;+

O nyoko kraya gore a ke ya polana dilo tsa go befa,

O nyoko kraya gore a go na mo molomo waka wo sa makang gabutši.

 4 Fote a ke latelele pata ya ye wa go yetswa+ go tshwana le ka mokgo ba go tlala ba makang,

Ka taba la gore ke theetsela lentsu lo le tšwang molomong wago.

 5 Nkare nka ya mahlong ke sepela pateng yago

Gore ke sa phikege.+

 7 Maka dilo tsa go makatsa go šupetsa gore o nyakanana ka matla,+

Wene wa gore o phonisa bo ba gore ba tšhabela ka letsogong lago la go ja

O ba phonisa ga bo ba gore baa go dhelela.

 8 Mpasope go tshwana le lihlo lago;+

N’wutametse morithing wa mafafela yago.+

 9 Mpasope ga bo ba dipelo tse diphifadu ba gore ba nhlasela,

Le ga manaba yaka ya gore ma ndukulugele.+

10 A ba kwelane go baba;

Ba kganya ka melomo ya bona;

11 Byalo, ba dukulugele nna le bo ke nang nabo;+

Ba ramele go re kwaletsa.

12 Yene o tshwana le tawu ya gore yi nabela go tlopolanya phoolwane yo yi yi tsumang,

O tshwana le tawu ye nyana ya gore yi ramele yi le ga poleke ya gore yi wutamme.

13 Barena Jehova, maka se sengwana+ gore o lebeletsane naye fote o mo hlule;

Mphonise ka sabola yago ga bo ba dipelo tse diphifadu;

14 Mphonise ka letsogo lago, wene Jehova,

Mphonise ga batho ba lefase lowa ba gore ba fo phelela tsa gana byalo,+

Ba gore o ba kgotsofatsa ka dilo tsa gabutši tsa go tšwa gago+

Ba šiyela barwayi ba bona ba go tlala lefa la bona.

15 Mara nna ke nyoko bona sefahlego sago ka gore ke lukiye;

Ke tsoga nkene ke di tšiba gore o na le nna fote ke kgotsofele.+

Modimo waka ke letlapa laka+ la gore ke tšhabela ga lona,

Legawu laka le lenaka* laka la go phonisa, le poleke yaka ya go tšhabela ga yona ya gore yi pasopegiye.+

 3 Ke bitsa Jehova, yene wa gore o tshwanela ke go thanakiwa,

Fote yene o nyoko mphonisa ga manaba yaka.+

 4 Ke mo ke dukulugele ke dithapo tsa likgu;+

Ke mo ke tshosanya ke banna ba go sa re selo ba go tshwana le nooka ya gore yi tlele ka matla.+

 5 Ke dukulugele ke dithapo tsa Lebitla;*

Ho mahlong gaka ke mo go na le molabo wa likgu.+

 6 Nakwela ke kgahleletsegiye ke kgopele Jehova gore a n’gelepe,

Ke mo ke dula ke kgopela Modimo waka gore a n’gelepe.

Ke mokane a kwa lentsu laka a le tempeleng yage,+

Fote o nkwile mo ke mo llela gore a n’gelepe.+

 7 Ke mokane lefase la thomisa go tekateka;+

Difandhiši tsa dithaba ke mo di hlagasela

Fote ne di tekateka di ya nthago le mahlong ka taba la gore ba mo kwatisiye.+

 8 Ka ho dinkong tsage ke mo go tšwa muši wo ya gedimo,

Ka mo molomong wage ke mo go tšwa mollo wa go tlabolela;+

Mo gage ke mo go tšwa malahla ya go fisa.

 9 Yene o makiye gore magedimo ma ghobege mo a kene a thewoga,+

Ka mo tlase ga mawoto yage ke mo go tlemme maru ya mantsho.+

11 Ke mokane a tikogetsa ka letshwifi,+

Maru ya gore ma tlemme, ya gore ma fifele

Ma mo dukulugele tsa nkare ke letente.+

12 Go yye gwa teya legadima mahlong gage

Ke mokane hala marung gwa tšwa sefako le malahla ya go dura.

13 Jehova a thomisa go kwagala nkare ke leduma ku magedimong;+

Ye wa ku Malenghelengheng a maka gore lentsu lage le kwagale+

A berekisa sefako le malahla ya go dura.

14 A thunya manopa yage, a maka gore manaba yaka ma sabalale;+

O makiye gore go be le legadima, a maka gore ma hlakahlakane.+

15 Gwa bonala ku fasefase ga lewatle;+

Difandhiši tsa naga dya nyarela ka taba la gore ke mo o lakatsa, wene Jehova,

Ka moya wa matšhika wo wo tšwileng dinkong tsago.+

16 Yene o wolodiye letsogo lage a le ku malenghelengheng;

A ntshwara, a nntsha meetšing ya gore maa yisa.+

17 O mphonisiye ga lenaba laka la go ba le matšhika,+

Ga bo ba gore ba nhloyye, ba gore ke mo baa mphala ka matšhika.+

18 Ba tlile ba nšuhlašuhla ka letšatši la mo ke tlela ke tsa go baba,+

Mara Jehova o nthegeletsiye.

19 Yene o n’yisiye ga poleke ya gore yi pasopegiye;

O mphonisiye ka taba la gore ke mo ke mo jabodisa.+

20 Jehova o nrufa go ya ka tso ke di makiyeng tsa go loka;+

Yene wa nrufa ka taba la gore a ke ya sinya selo.+

21 Ka gore ke makiye tso Jehova a di nyakang,

Fote a ke ya maka tsa go befa, ka šiya Modimo waka.

22 Melawo yage ka mokana ga yona yi mahlong gaka;

Nka sa lisetsi go maka tso di hlayang ke melawo yage.

23 Ke nyoko dula ke se na molato mahlong gage,+

Fote ke nyoko titshwara gore ke sa sinyi.+

24 Nkare Jehova a ka nrufa go ya ka tso ke di makiyeng tsa go loka,+

Ka gore a ke ya sinya selo mahlong gage.+

25 Wene wa tshepega ga motho wa gore wa tshepega;+

Motho wa gore aa na molato o mo tshwara gabutši;+

26 Ba go maka tsa gabutši le wene o ba makela tsa gabutši,+

Mara ba go maka tsa bošakašakane ba ka sa go tshokanye.+

27 Ka gore o phonisa bo ba gore baa tihlupegela+

Mara bo ba go ba le magetla wa ba nyanafatsa.+

28 Ka gore wene Jehova, ke wene llampa laka,

Modimo waka wa gore o maka gore go khanye ga letshwifi lo le ndukulugeleng.+

29 Mo ke gelepa ke wene nka kgona go lelekisa bo ba go hlasela;+

Modimo a ka nneya matšhika ya gore ke rathe lepharo.+

30 Ka mokana ga tsona tso Modimo wa mannete a di makang di yenele;+

Tso Jehova a di hlayang di yediye.+

32 Modimo wa mannete ke yene a nneyang matšhika,+

Fote o nyoko wolola pata yaka.+

33 Yene o maka gore mawoto yaka go be nkare ke ya letlabo;

O maka gore ke yeme dipolekeng tsa kgakala.+

34 Yene o maka gore matsogo yaka ma tlwayele go lwa;

Matsogo yaka ma kgona go ghoba mosefo wa gore ba wo makiye ka koporo.

35 Wene o nneya legawu lago la gore le ya phonisa,+

Ke gelepa ke letsogo lago la go ja,

Fote go tinyanafatsa gago gwa n’gadimisa.+

36 Wene o maka gore pata yo ke sepelang ga yona go be ye kgolo;

Mawoto yaka ma ka sa thelele.+

37 Ke nyoko lelekisa manaba yaka, fote ke nyoko ma bolaya;

Nka sa boye ke soko fetsa ka wona.

39 Wene o nyoko nneya matšhika ya gore ke thogo lwa;

O nyoko maka gore manaba yaka ma we mahlong gaka.+

40 Wene o nyoko maka gore manaba yaka ma ntšhabe,

Fote ke nyoko fetsa ka bo ba gore ba nhloyye.+

41 Ba llela go gelepiwa, mara a go na ye a ka ba phonisang;

Ba llela le Jehova, mara aa ba fetole.

42 Ke nyoko ba tula ba šala ba tshwana le lerole la gore le rwala ke moya;

Ke nyoko ba lahla go tshwana le leraga la ku pateng.

44 Tso ba di kwang ka nna di nyoko maka gore ba ntheetsele;

Batho ba go fo tšwa ba sepela ba nyoko nthinyela letolo ba tšhugiye.+

45 Ba go tšwa ba sepela ba nyoko tapega matšhika;

Ba nyoko tšwa ba hlagasela ga dipoleke tso ne ba tšhabele ga tsona.

47 Modimo wa mannete o patedisa ga manaba yaka sekaleng saka;+

O maka gore batho ba be ka tlase gaka.

48 Yene o mphonisa ga manaba yaka ya gore ma kwatiye;

Wene o mpeya gedimo, ga gore bo ba nyakang go nhlasela ba ka sa segelele;+

O mphonisa ga motho wa gore o maka tsa bokgohlane.

49 Nka taba lo ke nyoko go gadimisang ke le gare ga ditšhaba, wene Jehova,+

Ke nyoko yepelela dikoša gore ke thanakise lebitso lago.+

50 Yene o maka dilo tsa go makatsa gore a phonise kgoši yage;+

O mo kwela go baba ye a mo hlawodiyeng,+

Dafita le setlogolwane* sage o ba kwela go baba go ya go yye.+

19 Magedimo ma bolabola ka go gadima ga Modimo;+

Sebakabaka se bolabola ka tso a di makiyeng ka matsogo yage.+

 2 Letšatši le lengwana le le lengwana di ya mahlong di bolabola,

Fote bošego byo bongwana le byo bongwana di wunyulla tso a di tšibang.

 3 A di hlaye selo, a di na lentsu;

A go na ye a di kwang.

 4 Mara modumo wa tsona wo sabalele lefaseng ka mokana ga lona,

Fote molayetsa wa tsona wo segele le mafelelong ya lefase.+

Yene o hlomele letšatši letente ku magedimong;

 5 Le tshwana le mokgwenyane mo a tšwa kamareng yage;

Le jabola go tshwana le monna wa go ba le matšhika wa gore o taboga tseleng yage.

 6 Le tšwa ka nthoko ye nngwana ya magedimo,

La ya ka nthoko ye nngwana ya wona;+

A go na ga gore go fisa ga lona a go segele.

 8 Melawo ya Jehova yi lukiye, yi maka gore pelo yi jabole;+

Molawo wa Jehova wo yediye, wo maka gore maahlo ma gadimele.+

10 Dilo tsowa di nabetsa ka matla go phala le mong gholdi,

Go phala gholdi ya gore ke mong yona,+

Fote di tswetswenya go phala todi,+ todi ya gore yi thotha ga mamapo.

11 Wene Modimo, o berekisa melawo yago gore o thogo tšhutisa lelata lago gore le sa keketlele;+

Go yi theetsela go leya patela ye kgolo.+

13 Fote o sa lisetsi lelata lago le maka dilo le kakodiye magetla;+

O sa lisetsi dilo tsa mošaga wone di nlawola.+

Ke nyoko šala ke se na selabi,+

Fote nka sa be le molato wa gore ke sinnye ka matla.

14 Nkare tso ke di hlayang le tso ke ghayelang ka tsona ka pelong yaka

Di ka go jabodisa,+ wene Jehova, Letlapa laka,+ wene Wa go Mphonisa.+

 2 Nkare a ka go gelepa a le polekeng ya go hlawolega+

Fote a go tiyisa a le Siyoni.+

 3 Nkare a ka dula a gopola dihlabelo tso o mo makeleng tsona;

Nkare a ka yamogela makgura ya sehlabelo sago sa go tšhubiwa. (Selah)

 4 Nkare a ka go neya tso di nabelang ke pelo yago+

Fote a maka gore dipolane tsago ka mokana ga tsona di phomelele.

 5 Re nyoko hlakela ka taba la gore wa re phonisa;+

Re nyoko yemisa difolaga tsa go šupetsa gore re hludiye gore re gudise lebitso la Modimo wa rune.+

O mo fetola a le magedimong yage ya go hlawolega

Ka go mo phonisa ka letsogo lage la go ja.+

 7 Ba bangwana ba tshepele ga dikotšikara fote ba bangwana ba tshepele ga dipera,+

Mara rune re bitsa lebitso la Jehova Modimo wa rune.+

 8 Di ba phikiye ba wa,

Mara rune re tlogamele ra boya ra yema re sa thogathoge.+

21 Wene Jehova, kgoši ya jabola ka taba la gore o šupetsa gore o na le matšhika;+

Yi jabola ka matla ka taba la gore wa yi phonisa!+

 2 O yi neyye tso di nabelang ke pelo ya yona,+

Fote a wa yi kona tso yi di kgopelang. (Selah)

 3 O yi rufa ka dilo tsa go tlala;

Mo hlogong ya yona o beya fapo ya go makiwa ka gholdi ya gore ke mong yona.+

 4 Yi go kgopele gore o yi neye lephelo, fote wene o yi neyye lona,+

O yi neyye lephelo la go lefa, gabutšibutši o makiye gore yi phele go ya go yye.

 6 O maka gore yi rufege go ya go yye;+

O maka gore yi jabole yi le mahlong gago.+

 7 Ka gore kgoši yi tshepela ga Jehova;+

Yi ka sa tekateke le ka gonyana ka taba la gore ye Wa ku Malenghelengheng o nyakanana ka matla.+

 8 Letsogo lago le nyoko tshwara manaba yago ka mokana ga wona;

Letsogo lago la go ja le nyoko tshwara bo ba go hloyyeng.

10 O nyoko fetsa ka bana ba bona, o nyoko ba tlosa mo lefaseng,

O nyoko maka gore go fele ka ditlogolwane tsa bona.

12 Ka gore wene o nyoko maka gore ba tšhabe+

Mo o tilukiselela go ba thunya ka mosefo wago.

 2 Modimo waka, ke dula ke go bitsa motshegare mara a o mfetole;+

Fote le bošego a ke kgomolele.

 3 Mara wene o hlawolegiye,+

Israyele ya go thanaka.

 4 Bopapa ba rune ke mo ba tshepele gago;+

Wene ke mo o ya mahlong o ba phonisa ka taba la gore ke mo ba go tshepa.+

 5 Ba llele gago, fote ba phonisiwwe;

Ba tshepele gago, fote a baa šala ba tšebiye.+

 6 Mara nna ke fo ba seboko, a yi nna motho,

Batho baa nkwera fote baa nnyenya.+

 7 Batho bo ba mponang ka mokana ga bona baa nkwera;+

Ba fo ya mahlong ba nkwera, ba šikinya le dihlogo tsa bona ba re:+

 9 Ke ntshiye ke wene ka popelong ya mmane waka,+

O makiye gore ke dule ke pasopegiye nakwela mmane a n’yangwisa.

10 O mpasopiye go tlugisela ke belegiwa;

Ke mo o kene o le Modimo waka le mo ke sa le ka popelong ya mmane.

11 O sa duli kgole le nna, ka gore mathatha ma thina+

Fote a ke na ye mongwana wa go n’gelepa.+

12 Ke dukulugele ke dinamane tsa go tlala tsa phoolo;+

Dikgomu tsa phoolo tsa go ba le matšhika tsa Bhašane di ndukulugele.+

13 Di yahlamme gore di ntshosetse,+

Go tshwana le tawu ya gore ya bopa ya gore fote yi tlopolanya phoolwane yo yi yi tsumang.+

14 Ke falatsiwa go tshwana le meetši;

Mašapo yaka ka mokana ga wona maa kgwelakgwetla.

Pelo yaka yi šele yi tshwana le makgura ya lekhandlela;*+

Ya tologa ka ho teng gaka.+

15 A ke sa na matšhika, ke fo tshwana le setlopo sa selo sa go makiwa ka botsopa;+

Lleme laka le mamarele legano laka;+

O n’yisiye mokoting gore ke kgwe.+

16 Manaba yaka ma nkgobakanele go tshwana le dimpsya;+

Ma nhlekele go tshwana le batho ba dipelo tse diphifadu,+

Ma mo matsogong yaka le mawotong yaka go tshwana le tawu.+

18 Ma pomelana dikobo tsaka,

Ma lahla dikgakgare gore ma thogo pomelana dikobo tsaka.+

20 Mphonise, o sa nlisetsi ba mpolaya ka sabola,

Phonisa lephelo laka ga manala ya dimpsya;+

21 Mphonise molomong wa tawu+ le manakeng ya dinare tsa phoolo;

Mfetole fote o mphonise.

22 Ke nyoko sabalatsa lebitso lago ga bobhuti baka;+

Ke nyoko go thanaka ke le gare ga phutego.+

24 Ka gore go hlupega ga ye wa gore o kgahleletsegiye aa go takisa maahlo, fote aa go nyenya;+

Aa mo wutetsela sefahlego sage.+

25 Ke nyoko go thanaka ke le gare ga phutego ye kgolo;+

Ke nyoko maka tso ke di tshepisiyeng ke le mahlong ga bo ba gore baa mo hlompa.

26 Bo ba go loka ba nyoko ja ba kgotsofala;+

Bo ba gore ba nyaka go yetetsa ke Jehova ba nyoko mo thanaka.+

28 Jehova ke kgoši;+

O lawola ditšhaba.

29 Bo ba go ghanya ka mokana ga bona ba mo lefaseng ba nyoko ja ba boya ba mo thinyela letolo;

Ka mokana ga bona ba gore ba boyela leroleng ba nyoko kgotama mahlong gage;

A go na wa gore a ka phonisa lephelo lage.

30 Ditlogolwane* tsa bona di nyoko mmerekela;

Leloko lo le sa nyoko tlang le nyoko butsiwa ka Jehova.

 2 Yene o maka gore ke khutse ga poleke ya go disela ga yona ya gore yi tlele mabyang;

Wa n’yetetsa gore ke ye ga poleke ya go khutsela ga yona ya gore yi na le meetši ya go tlala.+

 4 Le mo ke sepela moyeding wa go ba le letshwifi la gore le tlemme,+

A ke tšhabe selo,+

Ka gore wene o na le nna;+

Thoka yago yi maka gore ke tikwe ke pasopegiye.*

O tlotsa hlogo yaka ka makgura;+

Komitši yaka yi tlele mong go tlala.+

 6 Ke ya di tšiba gore go loka gago le go nyakanana gago di nyoko nlatelela lephelo laka ka mokana ga lona,+

Fote ke nyoko dula ntlong ya Jehova matšatši yaka ka mokana ga wona.+

24 Lefase le dilo ka mokana ga tsona tso di leng ga lona ke tsa Jehova,+

Naga le bo ba dulang ga yona ke tsage.

 2 O makiye gore le yeme le tiyye gedimo ga mawatle+

A boya a le yaga gedimo ga dinooka.

 3 Ke mang wa gore a ka yinugela thabeng ya Jehova,+

Fote ke mang wa gore a ka yema polekeng yage ya go hlawolega?

 4 Ke wa gore aa na molato a boya a ba le pelo ya gabutši,+

Wa gore aa hlaya matsaka mo a tshepisa ka lebitso laka,

Wa gore fote aa make kano ya matsaka.+

 5 Jehova o nyoko mo rufa+

Fote Modimo wa gore wa mo phonisa o nyoko mmona a lukiye.+

 6 Lowa ke leloko la bo ba gore ba nyaka go yetetsa ke yene,

La bo ba gore ba liketsa go maka gore o ba yamogele, wene Modimo wa Jakobo. (Selah)

 7 Lune digheyiti,+ tsosaneng dihlogo;

Lune dikwalo tsa botala, buleganeng,

Gore Kgoši ya go hlompega yi thogo kena!+

Ke Jehova, wa gore o na le matšhika ya go sa hlayisege,+

Ke Jehova, lesole la go ba le matšhika.+

 9 Lune digheyiti,+ tsosaneng dihlogo;

Lune dikwalo tsa botala, buleganeng,

Gore Kgoši ya go hlompega yi thogo kena!

 2 Ke tshepela gago, wene Modimo waka;+

O sa dumele gore ke tshware ke dihlong.+

 3 Ke ya di tšiba gore a go na wa gore o tshepela gago wa gore o nyoko šala a tšebiye,+

Mara bo ba gore ba fo maka bošakašakane ba se na lebaka ba nyoko tšeba.+

 4 Maka gore ke tšibe ditsela tsago, wene Jehova;+

Ntšhutise gore ke phele byang.+

 5 Maka gore ke sepele tseleng yago ya nnete fote o ntšhutise,+

Ka gore ke wene Modimo waka wa gore wa mphonisa.

 6 Wene Jehova, o sa libale gore ke wene Modimo wa go kwelana go baba+

Le gore o dula o šupetsa batho bago gore o ba nyaka ka matla.+

N’gopole ka taba la gore wene o nyakanana ka matla,+

Ka gore o lukiye, wene Jehova.+

 9 O nyoko yetetsa bo ba go loka gore ba make dilo tsa gabutši,+

Fote bo ba go loka o nyoko ba tšhutisa ditsela tsage.+

10 Mo batho ba maka tso Modimo a ba botsang tsona,+ fote ba latelela melawo yage+

Jehova o dula a maka dilo tsa go šupetsa gore o ba nyaka ka matla fote wa tshepega ga bona.

11 Ntshwarele ga tso ke di sinnyeng le mo go le tse dikgolo,

Ka taba la lebitso lago, wene Jehova.+

13 O nyoko makegela ke tsa gabutši,+

Fote ditlogolwane* tsage di nyoko tseya lefase gwa ba la tsona.+

14 Jehova o ba le senghana sa thina le bo ba gore baa mo hlompa,+

Fote o ba tšhutisa ka kwano yage.+

15 Maahlo yaka ma dula ma lebelele Jehova,+

Ka gore o nyoko maka gore mawoto yaka ma sa tanye ke letabane.+

16 Ntheetsele barena, fote o nkwele go baba,

Ka gore ke fo ba ke le ntoši fote a go na ye a n’gelepang.

17 Tso di nkgahleletsang di yeketsegiye;+

Maka gore ke sa kwe go baba.

18 Bona tso di nhlupegisang le mathatha yaka,+

Fote o ntshwarele ga dilo ka mokana ga tsona tso ke di sinnyeng.+

19 Bona gore manaba yaka ma tlele byang

Ma nyoko nkwaletsa ka taba la gore ma nhloyye ka matla.

21 Nkare go tshepega gaka le go loka gaka go ka mpasopa,+

Ka taba la gore ke tshepele gago.+

26 N’yahlule barena Jehova, ka taba la gore ke mo ke dula ke tshepega;+

Ke mo ke dula ke tshepela ga Jehova ke sa kamake.+

 2 Mpombhole wene Jehova, fote o nliketse;

Maka gore tso ke di naganang* le tso di leng ka pelong yaka di yele.+

 3 Ka gore ke dula ke ghayela ka go nyakanana gago,

Fote ke phela ka ditšhiko tsago tsa gore ke nnete.+

 4 A ke nghanelane* le batho ba go ba le matsaka,+

Fote ke kganela kgole le bo ba gore ba wutetsa so ba leng sona.*

 5 Ke hloyye go fokatsa le batho ba dipelo tse diphifadu,+

Fote a ke nyake go nghanelana* le batho ba go sa loka.+

 6 Ke nyoko hlapa matsogo yaka go šupetsa gore a ke na molato,

Fote ke nyoko dukulugela aletare yago nkene ke go rapela, wene Jehova,

 7 Gore ke kwagale mo ke go leboga+

Le gore ke bolabole ka mebereko yago ya go makatsa ka mokana ga yona.

 8 Jehova, ntlo yo o dulang ga yona ke kwana nayo ka matla,+

Poleke ya gore batho ba kgona go bona go gadima gago.+

 9 O sa nsuwelanyi le bo ba go sinya+

Kela wa mpolaya le bo ba go maka tsa bokgohlane,*

10 Ba gore ba maka dilo tsa go tšebisa,

Ba gore ba kwana le go dhiziwa.*

12 Ke yemme ga poleke ya gore yi pasopegiye;+

Ke nyoko thanaka Jehova+ ke le gare ga phutego ye kgolo.

 2 Mo bo ba dipelo tse diphifadu ba nhlasela gore ba thogo nkwaletsa mo mmeleng,+

Manaba yaka ke wona ma phikegiyeng ma wa.

 3 Le mo masole ma ka kampa gore ma nhlasele,

Nka sa tšhoge.+

Le mo manaba ma ka nyaka go lwa le nna,

Le ka nako yonone ke nyoko tshepela ga Modimo.

 4 Ke kgopele Jehova selo ka ssoši

⁠—Ke sona so ke se nabelang⁠—

Gore ke dule ntlong ya Jehova lephelo laka ka mokana ga lona,+

Gore ke lebelele go loka* ga Jehova

Le gore ke jabodise ke go lebelela tempele yage.+

 5 Ka gore yene o nyoko n’wutetsa polekeng yage ka letšatši la mo go makega tsa go sasamela;+

O nyoko n’wutetsa ga poleke ya gore yi wutamme ka letenteng lage;+

O nyoko mpeya gedimo ga letlapa.+

 6 Byalo, hlogo yaka yi ka gedimo ga manaba yaka ya gore ma ndukulugele;

Ke nyoko maka dihlabelo letenteng lage nkene ke hlakela;

Ke nyoko yepelelela Jehova dikoša tsa go thanaka.

 7 Barena Jehova, ntheetsele mo ke lla;+

Nkwele go baba fote o mfetole.+

Nna ke gelepa ke wene;+

Wene Modimo waka wa go mphonisa, o sa nlisetsi fote o sa nšiyi.

10 Le mo papaka le mmane waka ba ka nlahla,+

Jehova o nyoko n’yamogela.+

11 Maka gore ke tšibe ditsela tsago, wene Jehova,+

N’yetetse pateng ya go loka ka taba la gore ke dukulugele ke manaba yaka.

12 O sa n’yisi ga manaba yaka,+

Ka gore ma nhlayela matsaka,+

Fote ma nyaka go nkwaletsa.

13 Ne nko ba ke le kaye mara hala ke se na tumelo

Ya gore ke nyoko bona go loka ga Jehova mo nkene ke sa phela?+

14 Tshepela ga Jehova;+

Šišimala fote o tiyelele.+

28 Wene Jehova Letlapa laka,+ ke dula ke go kgopela gore o n’gelepe;

O sa make nkare a o nkwe barena.

Mo o ka sa mfetole,

Ke nyoko tshwana le bo ba gore ba ya mokoting.+

 2 Ntheetsele mo ke go llela gore o n’gelepe

Mo nkene ke yemisiye matsogo yaka ma libiye kamareng ya ka ku tengteng ya poleke yago ya go hlawolega.+

 3 O sa n’gogoyisanye le bo ba dipelo tse diphifadu, ba gore ba maka dilo tsa go kwaletsana,+

Ba gore ba bolabola dilo tsa gabutši le batho ba bangwana mara ka mo dipelong tsa bona go tlele dilo tsa go befa.+

 4 Ba yahlule go ya ka tso ba di makiyeng,+

Go ya ka dilo tsa go befa tso ba di makang.

Ba patele go ya ka mmereko wa matsogo ya bona,

Go ya ka tso ba di makiyeng.+

 5 Ka gore a ba na taba le tso Jehova a di makang,+

Kela tso a di segeleleng.+

 6 Nkare Jehova a ka thanakiwa,

Ka taba la gore o nkwile mo ke mo kgopela gore a n’gelepe.

 7 Jehova ke matšhika yaka+ le legawu laka;+

Ke mo tshepa ka pelo yaka ka mokana ga yona.+

O n’gelepiye fote pelo yaka yi jabodiye,

Byalo ke nyoko mo thanaka ka koša yaka.

 8 Jehova ke yene a neyang batho bage matšhika;

O tshwana le poleke ya go tšhabela ga yona, o phonisa ye a mo tlotsiyeng.+

29 Neyaneng Jehova tso di mo tshwaneleng, lune barwayi ba bo ba go ba le matšhika,

Neyaneng Jehova tso di mo tshwaneleng ka taba la go gadima gage le matšhika yage.+

 3 Lentsu la Jehova le kwagala ka kgakala ga meetši;

Lentsu la Modimo wa go gadima le tshwana le leduma.+

 4 Lentsu la Jehova le na le matšhika;+

Lentsu la Jehova le ya gadima.

 5 Lentsu la Jehova le robanya mesidara;

Eya, Jehova o robanya mesidara ya Lebhanoni.+

 6 Yene o maka gore Lebhanoni* yi tshilatshile go tshwana le senamane,

Fote o maka gore Siriyoni+ yi tshilatshile go tshwana le senamane sa phoolo sa hlaga.

 7 Lentsu la Jehova le maka gore go be le legadima;+

 8 Lentsu la Jehova le maka gore mašahla ma hlagasele;+

Jehova o maka gore mašahla ya Kadeše+ ma hlagasele.

 9 Lentsu la Jehova le maka gore letlabo le hlagasele fote le tswale

Fote le maka gore matlakala ya mehlare ya mašahleng ma hluhlurege.+

10 Setulo so Jehova a lawolang a le ga sona se kgakala ga meetši ya go tlala;+

Jehova o duli setulong so a lawolang a le ga sona go le Kgoši go ya go yye.+

30 Wene Jehova, ke nyoko go gadimisa ka gore o mphonisiye;

A wa lisetsa manaba yaka ma jabola mo ke tlela ke tsa go sasamela.+

 4 Yepelelaneng Jehova dikoša tsa go thanaka, lune batho bage ba go tshepega,+

Thanakaneng lebitso lage la go hlawolega;+

 5 Ka gore Modimo mo a kwatela motho o mo kwatela tsa senakonyana,+

Mara mo a mo yamogela ke tsa lephelo ka moka.+

 8 Ke yye mahlong ke go bitsa, wene Jehova;+

Fote ke yye mahlong ke kgopela gore Jehova a n’yamogele.

11 O makiye gore ke sa sa lla mara ke bine ke jabodiye;

O makiye gore ke sa sa yapara lesaka, wa maka gore ke jabole tsa nkare o n’yapesiye dikobo tsa monyanyeng,

12 Gore ke go yepelele dikoša tsa go thanaka, ke sa kgomolele.

Nkare o ka ba thaba yaka ya gore ke tšhabela ga yona,

Poleke ya go pasopega ya gore yi nyoko mphonisa.+

 3 Ka gore ke wene letlapa laka le poleke ya gore yi pasopegiye yo ke tšhabelang ga yona;+

O nyoko n’yetetsa wa boya wa mpasopa+ ka taba la lebitso lago.+

 4 O nyoko ntlemolla mo ke tannye ke letabane la gore ba le wutetsiye mo ke sepelang gona,+

Ka gore ke wene poleke yaka ya go pasopega.+

 6 Ke hloyye bo ba gore ba rapela medimonyana ya dithombhe ya go sa re selo,

Mara nna ke tshepele ga Jehova.

 7 Ke nyoko jabola ka matla ka taba la gore wene wa nyakanana,

Ka gore o di bonne mo ke hlupega;+

Wene o di tšiba gabutši tso di nkgahleletsang.

 8 A wa n’yisa ga manaba yaka,

Mara o maka gore ke yeme ga poleke ya gore yi pasopegiye.

10 Lephelo laka le tlele ka dilo tsa go nkwisa go baba+

Le tsa go maka gore ke lle.+

Matšhika yaka maa tapega ka taba la tso ke di sinnyeng;

Mašapo yaka a ma sa tiyelele.+

11 Manaba yaka ka mokana ga wona maa nkwera,+

Ka matlamatla bayagelane baka.

Bo ba gore ke tlwayelanne nabo baa ntšhaba;

Baa ntšhaba mo ba mpona.+

12 Ba nlibele tsa nkare ke kgwile;

Ke tshwana le jeke ya gore yi pshyayegiye.

13 Ke kwelele ditaba tsa go tlala tsa go sa loka ka nna;

Ke dukulugele ke dilo tsa go ntshosanya.+

Mo ba kgobakana ba nhlekela,

Ba polana go mpolaya.+

Nkare go ka tšeba bo ba dipelo tse diphifadu;+

Nkare ba ka kgomolela ba le Lebitleng.*+

18 Nkare bo ba go hlaya matsaka ba ka šala ba se na sa go se hlaya,+

Tso ba di hlayang ka ba go loka di fo kwagala gore baa tipona, ba na le magetla fote ba ro nyemuga.

O nyoko rufa bo ba gore baa go hlompa, bo ba gore ba tšhabela gago,+

Fote o šupetsiye mahlong ga batho ka mokana ga bona gore wene o lukiye.+

20 Wene o nyoko ba wutetsa ga poleke yago ya gore yi ka makhukhung+

Ga tsa go sa loka tso batho ba di polanang;

O nyoko ba wutetsa mo o dulang gona

Ga bo ba go wubelana.+

21 Nkare Jehova a ka thanakiwa,

Ka gore o nšupetsiye ka mokgwa wa go makatsa gore o nnyaka ka matla+ ga mutši wa gore wo dukulugele ke manaba.+

Jehova o pasopa bo ba gore baa tshepega,+

Mara ye mongwana le ye mongwana wa gore o kakola magetla o mo wolola ka matla.+

24 Šišimalaneng fote le tiyelele,+

Lune ka mokana ga lune ba gore le yemele Jehova.+

 2 Go jabola motho wa gore Jehova aa mo kraye a na le molato,+

Wa gore aa nagane dilo tsa matsaka.

 5 Ka fetsa ke go butsiye tso ke di sinnyeng;+

Ka sa di phiphetsi.

 6 Nka taba lo bo ba go tshepega ba nyoko go rapelang+

Mo o kene o sa krayega.+

 7 Ke wene poleke yaka ya gore ke wutama ga yona;

O nyoko mpasopa ka dinako tsa mathatha.+

 9 O sa tshwane le pera kela meyila tsa gore a di kwisisi,+

Tsa gore di nyaka o di lawola ka tomu* kela thapo

Gore di thogo šutela thina nago.”

10 Bo ba dipelo tse diphifadu ba hlupega ka matla;

Mara ye wa gore o tshepele ga Jehova o nyoko pasopega ka taba la gore Modimo o nyakanana ka matla.+

11 Lune ba go loka, jabolaneng ka taba la tso Jehova a di makiyeng le boye le hlakele;

Yahlamelaneng le jabodiye, lune ba dipelo tsa go bafala.

 2 Leboganeng Jehova le berekisa harepa;

Mo yepeleleneng dikoša tsa go thanaka le berekisa sa go teya dikoša sa go ba le lesome la metato.

 3 Mo yepeleleneng koša ya nyuwane;+

Dilo tsone tsa go teya dikoša le sa di kganisi, le di teye le kene le yepelela le jabodiye.

 4 Ka gore lentsu la Jehova le lukiye,+

Fote dilo ka mokana ga tsona tso a di makang di ya tshepega.

 6 Jehova o ntshiye lentsu ke mokane magedimo ma makega,+

Fote o berekisiye moya wage gore a make dilo ka mokana ga tsona tso di leng magedimong.

 7 O kgobaketsa meetši ya lewatle tsa nkare ke ledhamo;+

O beya meetši ya gore ma na le matšhika diralong.

 9 Ka gore o bolabodiye, dya fo makega ka mokgonone;+

O hlayye gore di makege, dilo ka mokana ga tsona dya fo yema ka mokgonone.+

10 Jehova o šašakannye dipolane tsa batho ba ditšhaba;+

O makiye gore dipolane tsa batho di šaše.+

11 Mara dipheto tso di segeleleng ke Jehova di nyoko fo dula di le ka mokgonone;+

Tso a polanneng go di maka di ka sa tšhentšhe go tloga ga leloko le lengwana go segela ga le lengwana.

12 Go jabola setšhaba sa gore Modimo wa sona ke Jehova,+

Batho ba gore o ba hlawodiye gore go be bage.+

13 Jehova o lebelela mo lefaseng a le legedimong;

O bona barwayi ba batho ka mokana ga bona.+

14 O lebelela batho ba lefaseng

A le ga poleke yo a dulang ga yona,

15 Ke yene a makang dipelo tsa batho ka mokana ga bona;

O pombhola mebereko ya bona ka mokana ga yona.+

16 A go na kgoši ya gore yi phonisa ke gore yi na le masole ya go tlala;+

Motho wa go ba le matšhika aa phonisi ke matšhika yage ya magolo.+

17 Motho wa gore o tshepiye pera gore yi nyoko mo phonisa o nyoko teya fase;+

Matšhika ya yona ya magolo a ma re gore o nyoko phona.

18 Lihlo la Jehova le lebelele bo ba gore baa mo hlompa,+

Bo ba gore ba yemele gore a ba šupetse gore wa ba nyaka,

19 Gore a ba phonise likgung

Fote a make gore ba ye mahlong ba phela mo go na le tlala.+

21 Re ya jabola ka taba lage,

Ka gore re tshepele ga lebitso lage la go hlawolega.+

22 Nkare o ka dula o re šupetsa gore o re nyaka ka matla, wene Jehova,+

Mo re kene re go yemele gore o re gelepe.+

34 Ke nyoko thanaka Jehova ka dinako ka moka;

Nka sa lisetsi go mo thanaka.

 2 Ke nyoko ro kganya ka taba la Jehova;+

Bo ba go loka ba nyoko di kwa fote ba jabola.

 3 Gadimisaneng Jehova le na le nna;+

Tla re thanakeneng lebitso lage re le ggoši.

 5 Go jabola ba gore ba tshepela gage;

Fote ba ka sa šale ba tšebiye.

 7 Lengeloyi la Jehova le pasopa bo ba gore ba tšhaba Modimo,+

Fote le ya ba phonisa.+

 8 Liketsaneng le bone gore Jehova o lukiye;+

Go jabola motho wa gore o tšhabela gage.

 9 Tšhabaneng Jehova, lune ka mokana ga lune ba gore le hlawodiwwe gore le mmerekele,

Ka gore bo ba tšhabang Modimo a ba gayele selo.+

10 Le ditawu tse dinyana di ka fela di gayela tsa go ja dya kwa tlala,

Mara bo ba gore ba nyaka go yetetsa ke Jehova ba ka sa gayele selo sa gabutši.+

11 Lune barwayi baka, tlanneng le ntheetsele;

Ke nyoko le tšhutisa go tšhaba Jehova.+

12 Ho ga lune, ke mang wa gore o jabodisa ke go phela

Wa gore fote o nyaka go phela nako ya go lefa a jabodiye?+

13 O pasope lleme lago gore le sa bolabole dilo tsa go sa loka,+

O pasope molomo wago gore wo sa bolabole matsaka.+

14 Kganela kgole le dilo tsa go sa loka fote o make dilo tsa gabutši;+

Nyakana le go beba fote o go ngangarele.+

15 Maahlo ya Jehova ma lebelele bo ba go loka,+

Fote ditsebe tsage di ya theetsela mo ba mo llela gore a ba gelepe.+

16 Mara Jehova aa yamogele bo ba gore ba maka tsa go sa loka,

Ba nyoko kgwa fote a go na ye a nyoko ba gopolang mo lefaseng.+

17 Bo ba go loka ba mo llele ke mokane Jehova a ba kwa;+

O ba phonisiye ga dilo ka mokana ga tsona tsa gore di ya ba kgahleletsa.+

18 Jehova o thina le bo ba gore dipelo tsa bona di kwile go baba;+

O phonisa bo ba gore ba kgongwele.+

19 Ye wa go loka o makegela ke dilo tsa go tlala tsa go sasamela,+

Mara Jehova wa mo phonisa ga tsona ka mokana ga tsona.+

20 O pasopa mašapo yage ka mokana ga wona;

A go na le ka lloši la gore ba le robiye.+

21 Bo ba dipelo tse diphifadu ba nyoko makegela ke tsa go sasamela, dya fetsa di ba bolayye;

Bo ba gore ba hloyye bo ba go loka ba nyoko ba le molato.

22 Jehova o phonisa maphelo ya malata yage;

Bo ba gore ba tšhabele gage ba ka sa be le molato.+

35 Barena Jehova, n’yemelele ga bo ba gore baa mphigisa;+

Lwang le bo ba gore ba lwa le nna.+

 2 Tseya legawu lago le lenyana le le legolo,+

O tle o n’gelepe.+

 5 Nkare ba ka tshwana le moroko mo wo rwala ke moya;

Nkare lengeloyi la Jehova le ka ba raka.+

 6 Nkare pata ya bona yi ka fifala ya boya ya thelela

Mo lengeloyi la Jehova le kene le ba lelekisa.

 7 Ka gore ba wutetsiye letabane gore ba thogo ntanya ke sa sinya selo;

Ba n’yepele mokoti ke sa sinya selo.

 8 Nkare a ka tlela ke tsa go sasamela a sa tilibele;

Nkare letabane lo a le wutetsiyeng le ka tanya yene mong;

Nkare a ka wela mone ga lona ke mokane gwa fela ka yene.+

 9 Mara nna ke nyoko jabola ka taba la Jehova;

Ke nyoko jabola ka taba la tso a di makiyeng gore a mphonise.

O phonisa bo ba gore a ba na ba go ba gelepa ga bo ba gore ba ba phala ka matšhika,+

Bo ba gore a ba na ba go ba gelepa le bo ba go tihlupegela ga bo ba gore ba ba maka bošakašakane.”+

11 Batho ba dipelo tse diphifadu ba tlile,+ ba ba dihlatse nakwela ke yahludiwa,

Ba nhlayele matsaka ka dilo tsa gore a ke di tšibi.

12 Ba patedisa dilo tsa gabutši tso ke di makang ka tsa go sa loka,+

Ba maka gore ke tikwe ke kgongwele.

13 Mara nakwela ba lwala ke yapere lesaka;

Ke tinyanafatsiye ka tikona tsa go ja,

Fote mo thapelo yaka yi sa fetodiwi,

14 Ke yye ka sepela-sepela ke lla tsa nkare ke llela monghana kela bhuti waka;

Ke yinamme ke kwa go baba go tshwana le motho wa gore o llela mmane wage.

15 Mara ba jabodiye mo di mphiriketsa, fote ba kgobakana;

Ba kgobakanne gore ba nhlasele ke sa nagana;

Ba ntlopolelannye fote a baa kgomolela.

16 Bo ba go sa kwane le Modimo baa nkwera,

Ba loma meno ka taba la gore ba nkwatele.+

Mphonise mo ba nhlasela,+

Phonisa lephelo laka ga ditawu tse dinyana.+

18 Ke nyoko go leboga ke le ga phutego ye kgolo;+

Ke nyoko go thanaka ke le gare ga batho ba go tlala.

19 O sa lisetsi bo ba gore ba nhloyele mahala ba jabola ka taba la tso di nkgahleletsang;

O sa lisetsi bo ba gore ba f’lo nhloya ke sa sinya selo+ ba tshega ka nna.+

20 Ka gore a ba bolabole mantsu ya go maka gore go bebe,

Mara ba ya mahlong ba ba polanela matsaka bo ba gore ba bebiye.+

21 Baa yahlama gore ba nhlayele matsaka,

Ba re: “Agaa! Agaa! Re di bonne.”

23 Tlogamela o n’yemelele,

Jehova Modimo waka, n’yemelele mo ke sekisiwa.

24 Šupetsa gore o lukiye mo o n’yahlula,+ wene Jehova Modimo waka;

O sa lisetsi manaba yaka ma jabola ka taba la tso di nkgahleletsang.

26 Nkare bo ba go jabodisa ke mo ke makegela ke tsa go sasamela

Ba ka šala ba tšebiye fote ba hlakahlakanne,

Nkare bo ba gore ba tipona nkare ba kawone go mphala ba ka šala ba tšebiye fote ba poyilegiye.

27 Mara bo ba gore ba jabodisa ke gore ke maka tsa gabutši ba hlakele;

Nkare ba ka ya mahlong ba re:

36 Tsa go sa loka ke tsona tso di yetetsang pelo ya ye wa go sa loka;

Aa tšhabe Modimo.+

 2 O tipotsa ka matla

La gore aa kgone go bona le go hloya tso a di sinyang.+

 3 Mantsu yage maa hlaba fote maa lahletsa;

Aa kwisisi gore dilo tsa gabutši di makiwa byang.

O tiputsiye gore o nyoko sepela pateng ya go sa loka;

Dilo tsa go sa loka aa di phagele ku thoko.

 5 Wene Jehova, go nyakanana gago go segela ku magedimong,+

Go tshepega gago go segela marung.

 6 Go loka gago go tshwana le dithaba tso o di makiyeng wene Modimo;+

Tso o di hlayang mo o yahlula di tshwana le meetši ya go tlala ya go yisa.+

Barwayi ba batho ba tšhabela morithing wa mafafela yago,+

 8 Ba nwa dilo tsa gore ke mong tsona tso di leng ka ntlong yago ba šala ba kgotsofele,+

O ba neya dilo tsa go tlala tsa gabutši tsa nkare ke mo o maka gore ba nwe ga nooka ya gore yi na le meetši ya go tlala.+

 9 Lephelo le tšwa gago;+

Re thogo bona go khanya ka taba la go khanya gago.+

10 Ariye mahlong o šupetsa bo ba gore ba go tšiba gore o nyakanana ka matla,+

Fote o šupetse bo ba dipelo tsa gabutši gore o lukiye.+

11 O sa lisetsi loto la ye wa go ba le magetla le n’gatelanya

Kela wa lisetsa ye wa pelo ye phifadu a nraka.

12 Bo ba go sa make tsa gabutši ba wile;

Ba wile fase fote a ba kgone go tsoga.+

37 O sa kwatisi ke batho ba go sa loka

Kela wa jelasela bo ba go maka tsa go sa loka.+

 2 Ba nyoko yakgoswa ba puna go tshwana le mabyang+

Ba nyoko puna go tshwana le mabyang ya matala ya gore ma sa tšwa go mila.

 3 Tshepa Jehova fote o make tsa gabutši;+

Dula lefaseng fote o tshepege.+

 4 Jabola ka taba la Jehova,

Fote yene o nyoko go makela tso di nabelang ke pelo yago.

 5 Lisetsa Jehova a go yetetse;+

Tisamele ka yene, fote yene o nyoko go gelepa.+

 6 Yene o nyoko maka gore go loka gago go gadime go tshwana le go khanya ga ka bošego,

A maka le gore dilo tsa gabutši tso o di makang di gadime go tshwana le letšatši la motshegare.

 7 Kgomolela mahlong ga Jehova+

Fote o mo yemele o lefisiye pelo.

O sa kgongwetsi ke motho

Wa gore dipolane tsage di ya phomelela.+

 8 O sa kwate fote o sa fufulele;+

O sa kwate wa tikraya o maka tsa go sa loka.

 9 Ka gore go nyoko fela ka batho ba go maka tsa go sa loka,+

Mara lefase go nyoko ba la bo ba gore ba tshepele ga Jehova.+

10 Go se botala, bo ba dipelo tse diphifadu ba ko ba ba sa sa le šiyo;+

Wene o nyoko lebelela mo ne ba le gona,

Wa kraya ba se šiyo.+

11 Mara lefase go nyoko ba la bo ba go loka,+

Ba nyoko jabola ka matla ka taba la gore go nyoko ba go bebiye ka matla.+

12 Motho wa go sa loka o polanela ye wa go loka;+

Wa kwata* mo a mmona.

13 Mara Jehova o nyoko mo tshega,

Ka gore wa tšiba gore letšatši lage le nyoko segela.+

14 Bo ba go sa loka ba ntsha disabola tsa bona fote ba goga mesefo ya bona

Gore ba wise bo ba gore di ba kgahleletsiye le bo ba go tihlupegela,

Le gore ba bolaye bo ba gore ba maka tsa go loka.

15 Mara disabola tsa bona di nyoko hlaba dipelo tsa bona beng;+

Mesefo ya bona yi nyoko robega.

16 Dilo tse dinyana tso motho wa go loka a nang natso

Di phala tsa go tlala tsa bo ba dipelo tse diphifadu.+

17 Ka gore matsogo ya bo ba dipelo tse diphifadu ma nyoko robega,

Mara Jehova o nyoko thega bo ba go loka.

18 Jehova wa di tšiba tso di makegelang bo ba go se na selabi,

Fote lefa la bona go nyoko ba la go ya go yye.+

19 Ba ka sa šale ba tšebiye ka nako ya mo go na le tsa go sasamela,

Ka nako ya mo go na le tlala ba nyoko ba le tsa go ja tsa go tlala.

20 Mara go nyoko fela ka bo ba dipelo tse diphifadu;+

Manaba ya Jehova ma nyoko nyamalala go tshwana le poleke ya go disela ga yona, ya gore mabyang ya yona ma yakgoswa ma puna;

Ba nyoko nyamalala nkare ke muši.

21 Ye wa pelo ye phifadu wa yadima fote aa patele,

Mara ye wa go loka aa konane fote wa kwelana.*+

22 Lefase go nyoko ba la bo ba gore ba rufa ke Modimo,

Mara bo ba gore Modimo o ba rogelele go nyoko fela ka bona.+

23 Jehova o yetetsa motho wa gore

O phela ka mokgwa wa gore wa wo yamogela.+

24 Le mo a ka phikega, a ka sa we go baba,+

Ka gore Jehova o mo tshwara ka letsogo.+

25 Ke yye ka ba ye monyana fote gana byalo ke gudiye,

Mara a ke soko bona Modimo a lahla motho wa go loka,+

Kela bana bage ba nyakana le tsa go ja.+

26 O yadimisa a sa kokole,+

Fote Modimo o nyoko rufa bana bage.

27 Kganela kgole le dilo tsa go befa fote o make tsa gabutši,+

O nyoko dula o le gona.

28 Ka gore Jehova o kwana le go loka,

Fote a ka sa lahle batho bage ba gore baa tshepega.+

Ba nyoko dula ba pasopegiye;+

Mara go nyoko fela ka ditlogolwane tsa bo ba dipelo tse diphifadu.+

29 Ba go maka tsa go loka ba nyoko dula ho lefaseng,+

Fote ba nyoko phela ho ga lona go ya go yye.+

30 Ye wa go loka o bolabola mantsu ya go maka gore ba bangwana ba hlalefe,

Fote o bolabola dilo tsa go loka.+

31 Molawo wa Modimo wage wo ka pelong yage;+

A ka sa thelele mo a sepela.+

32 Ye wa pelo ye phifadu o ramele ye wa go loka,

O nyaka go mmolaya.

33 Mara Jehova a ka sa lisetsi ye wa pelo ye phifadu a bolaya ye wa go loka+

Kela a re o na le molato mo a yahludiwa.+

34 Tshepela ga Jehova fote o make dilo ka mokgo a nyakang,

Yene o nyoko go gadimisa a boya a maka gore lefase go be lago.

35 Ke bonne ye wa go sa loka, wa go ba le lešidi

A gola go tshwana le mohlare wa go yengwa gabutši ga mobu wa gore wo tsifiye.+

36 Mara yene o yakgoswa a kgwa a sa sa ba gona;+

Ke yye mahlong ke mo nyakela, fote ke mo a sa krayege.+

37 Ye wa gore aa na selabi* o sa mo phagele thoko,

Fote o dule o lebelele ye wa pelo ya gabutši,+

Ka gore lephelo lage le nyoko beba ku mahlong.+

38 Mara bo ba go sa make dilo gabutši go nyoko fela ka bona ka mokana ga bona;

Bo ba dipelo tse diphifadu go nyoko fela ka bona.+

39 Bo ba go loka ba phonisa ke Jehova;+

Ba tšhabela gage ka dinako tsa go baba.+

O nyoko ba phonisa ga bo ba dipelo tse diphifadu,

Ka taba la gore ba tšhabela gage.+

38 Barena Jehova, o sa nšupetsi sa gabutši o kwatiye,

Fote o sa n’wolole o kwatiye ka matla.+

 2 Ka gore manopa ya mosefo wago ma nhlabiye ma napa ma ro kenelela,

Fote letsogo lago le ya nkgahleletsa.+

 4 Ka gore tso ke di sinnyeng di pakelanne la go šinya di feta ka kgakala ga hlogo yaka;+

Di nroba go tshwana le morwalo wa go roba.

 5 Mo ga gore ke kwalele gwa nkga fote gwa gola

Ka taba la bophokophoko byaka.

 6 Ke hlakahlakanne fote ke kgongwele ka matla;

Ke sepela ke kgongwele letšatši ka mokana ga lona.

 7 Ke ya swa ka ho teng;

Mmele waka ka mokana ga wona wa baba.+

 8 Ke kgwile bogašu fote a ke sa na matšhika;

Pelo yaka ya baba yi maka gore ke gotle.

 9 Barena Jehova, tso ke di nabelang ka mokana ga tsona di tšiba ke wene,

Fote o dula o nkwa mo ke lla.

10 Pelo yaka yi teya ka matla, a ke sa na matšhika,

Fote a ke sa bona gabutši.+

11 Banghana baka le batho bo ke ba nyakang ka matla ba sepelela ku kgole le nna ka taba la tso di n’weleng tsa go sasamela,

Fote batho bo ke ba tlwayeleng ka matla ba kganela kgole le nna.

12 Bo ba go nyaka go mpolaya baa nreya;

Bo ba gore ba liketsa go nkwaletsa ba bolabola ka gore ba nyaka go fetsa ka nna;+

Ba fetsa letšatši ka mokana ga lona ba polana gore ba ntshokanye.

13 Mara go fo tshwana le motho wa gore aa kwe, ke mo ke sa theetsele;+

Ke mo ke fo kgomolela go tshwana le motho wa gore aa bolabole.+

14 Ke tshwana le motho wa gore aa kwe mo ditsebeng,

Wa gore a ka sa hlaye selo gore a tiyemelele.

15 Ka gore ke mo ke yemele wene, barena Jehova,+

Fote o mfetodiye, wene Jehova Modimo waka.+

16 Ka gore ke yitseri: “O sa lisetsi manaba yaka ma jabola

Kela ma mpoyila mo loto laka le ka thelela.”

17 Ka gore ke mo ke šele ke le thina le go wa,

Fote ke mo ke dula ke kwa go baba.+

18 Ke hlayye tso ke kekemisiyeng ga tsona;+

Ke mo ke hlupa ke tso ke di sinnyeng.+

19 Mara manaba yaka ma na le matšato fote ma na le matšhika,

Bo ba gore ba nhloyele mahala ba yeketsegiye.

20 Ba patedisa dilo tsa gabutši tso ke di makang ka tsa go sa loka;

Ke mo ba nthibelela gore ke sa yi mahlong ke maka tsa gabutši.

22 Yakgoswa o tle o n’gelepe,

Barena Jehova, wene wa go mphonisa.+

39 Ke yitseri: “Ke nyoko pasopa ka mokgo ke makang dilo ka gona

Gore ke sa sinyi ka lleme laka.+

Ke nyoko pasopa molomo waka ka go wo thiba+

Solanka go na le motho wa pelo ye phifadu mo thina gaka.”

 2 Ke mo ke se na mantsu fote ke kgomolele;+

Ke kgomolele le ka mong dilo tsa gabutši,

Mara ke mo ke kwa go baba ka matla.

 4 “Barena Jehova, n’gelepe ke di tšibe gore ke ye felela kaye,

Fote ke tšibe le nombhoro ya matšatši yaka,+

Gore ke thogo tšiba gore lephelo laka ke le le kopana go segela kaye.

 5 Nnete o makiye gore matšatši yaka ma be ya manyana;+

Fote lephelo laka a yi selo mo gago.+

 9 Ke f’lo ya mahlong ke se na sa go se hlaya;

Ne ke sa kgone go bula molomo waka,+

Ka taba la gore ke wene ye a makiyeng gore dilo tsowa ka mokana ga tsona di makege.+

11 Wene o wolola motho ka taba la tso a kekemisiyeng ga tsona;+

O fetsa ka dilo tso a di tseyelang gedimo go fo tshwana le mo phehli yi fetsa ka llapi.

12 Barena Jehova, theetsela thapelo yaka,+

Ntheetsele mo ke go llela gore o n’gelepe.

Ka taba la gore ke fo ba motho wa go tšwa a sepela mo gago,+

Motho wa go tšwa a sepela wa gore o fo feta, go fo tshwana le bokokwane baka ka mokana ga bona.+

13 Ke kgopela gore o sa ntibelele o kwatiye gore ke thogo jabola fote

Ke soko bane ke kgwa, gwa napa go fela ka nna.”

40 Ke tshepele ga Jehova ka pelo yaka ka mokana ga yona,

Fote yene o ntheetsele a kwa mo ke mo llela gore a n’gelepe.+

 2 Yene o nntshiye mokoting wa gore wo na le meetši ya go tlala,

Teng ga leraga la go thelela.

A beya loto laka gedimo ga letlapa;

A maka gore ke sepele ga gore go tiyye.

 3 Ke mokane a ntšhutisa koša ya nyuwane,+

Koša ya gore yi thanaka Modimo wa rune.

Ba go tlala ba nyoko lebelela ba makele

Fote ba tshepela ga Jehova.

 4 Go jabola motho wa gore o tshepela ga Jehova

Fote aa sepele le batho ba gore a ba theetsele kela ba gore ba tshepa matsaka.

 5 Wene Jehova Modimo waka,

O makiye dilo tsa go tlala ka matla,

Tso o di makiyeng di ya makatsa, fote o re naganela dilo tsa go tlala tsa gore di gelepa rune.+

A go na wa gore re ka mo tshwanisa nago;+

Mo nka fo re ke thomisa go bolabola ka dilo tso o di makiyeng tsa go makatsa,

Nka sa kgone le go di balela!+

 6 Ke mo o sa jabodisi ke dihlabelo tsa go makiwa ka diphoolwane le dihlabelo tse dingwana,+

Mara o budiye ditsebe tsaka gore ke kwe.+

 8 Ke jabodisa ke go maka tso o di nyakang,+ wene Modimo waka,

Molawo wago wo ka mo pelong yaka.+

A ke kwale molomo waka,+

Barena Jehova le wene wa di tšiba.

Dilo tsa go tlala tso ke kekemisiyeng ga tsona di ntlalele la gore a ke kgone go bona mo ke sepelang gona;+

Di tlele ka matla go phala meriri ya mo hlogong yaka,

Fote ke kgongwele.

14 Nkare batho ka mokana ga bona ba gore ba nyaka go mpolaya

Ba ka šala ba tšebiye fote ba pawogiye.

Nkare bo ba gore ba jabodisa ke mo ke makegela ke tsa go sasamela

Ba ka tšhaba ba poyilegiye.

16 Mara nkare bo ba gore ba nyaka go yetetsa ke wene+

Ba ka hlakela fote ba jabole ka taba la gore baa go tšiba.+

17 Mara a go na wa go n’gelepa fote ke ya tihlupegela;

Nkare Jehova a ka mpona.

Ke gelepa ke wene fote ke phonisa ke wene;+

Modimo waka barena, o sa diyege.+

41 Go jabola ye mongwana le ye mongwana wa gore o gelepa ye wa go sa re selo;+

Jehova o nyoko mo phonisa mo a wela ke tsa go sasamela.

Ba bangwana ba nyoko di bona gore o jabodiye;+

O ka sa make gore a make tso di nyakang ke manaba yage.+

 3 Jehova o nyoko mo tiyisa mo a le mpetong a lwala;+

Wene o nyoko mo pasopa mo a lwala a le mpetong wage.

O nyakana le dilo tsa go sa loka tso a ka di hlayang ka nna;

Ke mokane a tloga a ye di sabalatsa poleke yowa ka mokana ga yona.

 7 Bo ba nhloyyeng ka mokana ga bona baa sebelana;

Ba polana go mmaka tsa go befa ba re:

 8 “Yene o makegele ke dilo tsa go baba;

Ka gore gana byalo o wile, a ka sa sa tsoga.”+

 9 Le motho wa gore ne ke sa lwe naye, wa gore ne ke mo tshepa,+

Wa gore fote ne a ja tsa go ja tsaka, o njikele.+

10 Mara ke kgopela o nkwele go baba barena Jehova, fote o n’yalafe,

Gore ke thogo ba wolola ka taba la tso ba di makiyeng.

12 Wene wa n’gelepa ka taba la gore ke ya tshepega;+

O nyoko maka gore ke dule ke le mahlong gago go ya go yye.+

13 Nkare Jehova Modimo wa Israyele a ka thanakiwa

Go ya go yye.+

42 Ke nabela go go berekela wene Modimo waka,

Go fo tshwana le letlabo mo le wonngwe meetši.

 3 Dinepedi tsaka ke tsa go ja tsaka bošego le motshegare;

Batho ba nšuhlašuhla letšatši ka mokana ga lona ba re: “Modimo wago o kaye?”+

 4 Dilo tsowa ke sa di gopola, ke mmotsa so se leng ka pelong yaka,

Ka gore ke yye ka sepela le mogoba;

Ne ke sepela ke ntoši* mahlong ga bona ke ya ntlong ya Modimo,

Ka nako yonone ka mokana ga rune ke mo re yahlamela re jabodiye fote re leboga Modimo,

Ke mo re le mogoba wo mogolo, re makiye monyanya.+

Ke nyoko yemela Modimo,+

Ke nyoko mo thanaka ka gore ke yene Wa go Mphonisa ye Mogolo.+

Nka taba lo ke go gopolang,+

Ke le nageng ya Jorodane le dinhleng tsa dithaba tsa Heremoni,

Ke le thabeng ya Mizara.*

 7 Ke kwa modumo wa meetši ya gore maa yela,

Ke modumo wa diphoso tsago.

 8 Letšatši le lengwana le le lengwana Jehova o nyoko nšupetsa gore o nnyaka ka matla,

Fote ke nyoko yepelela ka yene bošego⁠—thapelo ya gore yi nyoko yinugela ga Modimo wa gore o nneya lephelo.+

10 Manaba yaka ya gore ma nyaka go mpolayisa bošidi maa nšuhlašuhla;

Ma nšuhlašuhla letšatši ka mokana ga lona ma re: “Modimo wago o kaye?”+

Ke nyoko yemela Modimo,+

Ke nyoko mo thanaka ka gore ke yene Wa go Mphonisa ye Mogolo, fote ke Modimo waka.+

43 N’yahlule barena Modimo,+

N’yemelele+ ga setšhaba sa gore a se tshepege.

Nkare di ka n’yetetsa;+

Nkare di ka n’yetetsa ka ya thabeng yago ya go hlawolega le tabarenakeleng yago ye kgolo.+

 4 Ke mokane ke nyoko ya aletareng ya Modimo,+

Ga Modimo wa gore o maka gore ke jabole ka matla.

Ke nyoko yemela Modimo,+

Ke nyoko mo thanaka ka gore ke yene Wa go Mphonisa ye Mogolo, fote ke Modimo waka.+

44 Barena Modimo, re kwile ka ditsebe tsa rune,

Bokokwane ba rune ba re hlayisele+

Ka dilo ka mokana ga tsona tso o di segeleleng ka dinako tsa bona,

Ka dinako tsa ku botala.

 2 O rakiye ditšhaba o berekisa matšhika yago+

Fote wa maka gore bokokwane ba rune ba dule gana hone.+

 3 Naga yone a baa yi tseya ka go berekisa sabola ya bona beng,+

Fote a baa hlula ka matšhika ya bona beng.+

Mara ba hludiye ka letsogo lago la go ja, ka matšhika yago+ le ka taba la gore ne o ba kwela* go baba,

Ka taba la gore ne ba go jabodisa.+

 4 Ke wene kgoši yaka, wene Modimo;+

Maka gore Jakobo a hlule.

 5 Re nyoko raka manaba ya rune re berekisa matšhika yago;+

Re nyoko berekisa lebitso lago gore re gatelanye bo ba gore ba nyaka go re hlasela.+

 6 Ka gore a ke ya tshepela ga mosefo waka,

Fote sabola yaka yi ka sa mphonisi.+

 7 Ke wene wa gore o re phonisiye ga manaba ya rune,+

Wene wa gore o poyidiye bo ba gore ba re hloyye.

 8 Re nyoko thanaka Modimo letšatši ka moka,

Fote re nyoko leboga lebitso lago go ya go yye. (Selah)

 9 Mara gana byalo o re rakiye fote o re poyidiye,

Fote a o yetetsi masole ya rune.

10 O fo ya mahlong o maka gore re tšhabe manaba ya rune;+

Bo ba gore ba re hloyye ba tseya tso ba di nyakang.

11 O lisetsiye manaba ya rune ma re bolaya go tshwana le dinku;

O re tlalagannye gare ga ditšhaba.+

12 O rekisa batho bago ka tšheleta ye nyana ka matla;+

Fote a o boyele ke selo ga tšheleta yo o ba rekisiyeng ka yona.

13 O maka gore bayagelane ba rune ba re poyile,

Bo ba re dukulugeleng baa re kwera.

14 O maka gore ditšhaba di re kwere,+

Di šikinya dihlogo mo di re lebelela.

15 Ke fo kwa ke poyilegiye letšatši ka mokana ga lona,

Fote ke tšebiye ka matla,

16 Ka taba la tso re di kwang mo ba re šuhlašuhla fote ba re rogelela,

Ka taba la manaba ya rune ya gore maa patedisa.

17 Re makegele ke dilo tsowa ka mokana ga tsona, mara a re ya go libala,

Fote a re ya lisetsa kwano yo o yi makiyeng le rune.+

18 Dipelo tsa rune a di ya keketlela;

Mawoto ya rune a ma tloge pateng yago.

19 Mara o re psyitlannye hala go dulang dijakalase;

Wa re kogetsa ka letshwifi la gore le tlemme.

20 Mo nkare re libele lebitso la Modimo wa rune

Kela ra yemisa matsogo ya rune gore re rapele modimo ye mongwana,

21 Ayitsano Modimo a ka sa di boni?

22 Letšatši ka moka, re dula re libanne le likgu ka taba la gore ke rune batho bago;

Batho ba re tseya re tshwana le dinku tsa gore di tshwanele di bolayiwe.+

25 Ka gore ba makiye gore re wele fase;

Re patlamme fase fote a re kgone go maka selo.+

 3 Tlemelela sabola yago+ ho masekeng, wene wa go ba le matšhika,+

O na le serithi fote wa gadima.+

 4 Šupetsa gore wa gadima fote o ye o hlule;*+

Kalama pera yago o lwele bo ba go tinyanafatsa fote o lwele nnete le go loka,+

Letsogo lago la go ja le nyoko segelela dilo tsa go makatsa.

 5 Manopa ya mosefo wago maa galefa, ma maka gore batho ba we mahlong gago;+

Ma hlaba dipelo tsa manaba ya kgoši.+

 6 Modimo ke setulo sago sa go lawola sa go ya go yye;+

Thoka ya mmušo wago ke thoka ya go loka.+

 8 Dikobo tsa lune ka mokana ga tsona ba di tšhediye sa go nkgela sa mira le sa kgopa* le sa khešiya;

Dilo tsa go kgana dikoša tsa go ba le motato di go jabodisa o le ntlong ye kgolo ya bogoši ya gore ba yi kgabisiye ka manaka ya diphoolwane.

10 Morwediya waka, theetsela, fote o sa di phagele ku thoko tso ke di hlayang;

Libala ka batho ba genu le ka mutši wa papago.

11 Kgoši yi nyoko go hlologela ka taba la gore o bafele,

Byalo, mo thinyele letolo

Ka gore ke morena wago.

12 Morwediya wa Tira o nyoko tla a go tshwarele se sengwana;

Batho ba go ghanya ka matla ba nyoko nyaka gore o ba yamogele.

13 Ka ntlong ya kgoši go na le morwediya wa kgoši wa gore o bafele ka matla;

Dikobo tsage di kgabisiwwe ka gholdi.

15 Ba nyoko ba leya ba jabodiye;

Fote ba nyoko kena ntlong ya kgoši.

46 Modimo ke yene a re pasopang fote ke yene a re neyang matšhika,+

O dula a re gelepa ka dinako tsa go sasamela.+

 2 Nka taba lo re ka sa tšhabeng selo, le mo lefase le ka tekateka,

Le mo dithaba di ka wa dya sobela tlase ga lewatle,+

 3 Le mo meetši ya lona ma ka kwata ma ya tlase le kgakala,+

Fote tsotsone dya maka gore dithaba di šikinyege. (Selah)

 4 Go na le nooka ya gore yi yahluganne ga tlele ya gore yi maka gore mutši wa Modimo wo jabole,+

Tabarenakele ye kgolo ya go hlawolega ya Ye wa ku Malenghelengheng.

 6 Ditšhaba ke mo di kwatiye, memmušo ke mo yi hludiwwe;

Yene a yahlamela ke mokane lefase la tologa.+

 7 Jehova wa masole o na le rune;+

Modimo wa Jakobo ke poleke ya rune ya go tšhabela ga yona ya gore yi pasopegiye. (Selah)

 8 Tlanneng le bone dilo tso Jehova a di makang,

Ka mokgo a makiyeng dilo tsa go makatsa lefaseng.

O robanya mesefo fote o pshyayanya marumo;

O tšhubanya dikotšikara* tsa ntwa ka mollo.

Ke nyoko gadimisiwa gare ga ditšhaba;+

Ke nyoko gadimisiwa lefaseng.”+

11 Jehova wa masole o na le rune;+

Modimo wa Jakobo ke poleke ya rune ya go tšhabela ga yona ya gore yi pasopegiye.+ (Selah)

 2 Ka gore Jehova Wa ku Malenghelengheng wa makatsa;+

Ke yene Kgoši ye kgolo lefaseng ka mokana ga lona.+

 3 Yene o maka gore batho ba lawole ke rune;

O maka gore re hlule ditšhaba.+

 4 Ke yene a re kgetelang lefa la rune,+

La gore Jakobo wa gore yene o mo nyaka ka matla, o titeya sekguba ka lona.+ (Selah)

 5 Modimo o yinugiye batho ba kene ba hlakela;

Jehova o yinugiye batho ba kene ba teya phalafala.*

 7 Ka gore Modimo ke Kgoši ya lefase ka mokana ga lona;+

Yepelelaneng dikoša tsa go thanaka, fote le šupetse gore le ya kwisisa.

 9 Bo ba go yeta batho mahlong ba kgobakanne

Le batho ba Modimo wa Abhrahama.

48 Jehova ke ye mogolo fote di mo tshwanele ka matla gore a thanakiwe

Nkare a ka thanakiwa mutšing wa Modimo wa rune, thabeng yage ya go hlawolega.

 2 Thaba ya Siyoni ya gore yi lebowa la kgole,

Yi bafele fote yi gedimo, fote yi maka gore lefase ka mokana ga lona le jabole,+

Mutši wa Kgoši ye Kgolo.+

 3 Ga diwokamelo tsa yona tsa gore di pasopegiye,

Modimo o makiye gore di tšibege gore ke yene poleke ya go tšhabela ga yona ya gore yi pasopegiye.+

 4 Ka gore magoši ma kgobakanne;

Ma kgobakanne gore ma ye mone mutšing.

 6 Ma thomisa go hlagasela gana hone,

Ma yahlamela go tshwana le mosadi wa gore o tshwere ke lešoko.

 8 Tso re di kweleleng re šele re di bonne

Mutšing wa Jehova wa masole, mutšing wa Modimo wa rune.

 9 Re ghayela ka go nyakanana gago, wene Modimo,+

Re le tempeleng yago.

10 Go thanakiwa gago go segela mafelelong ya lefase

Go fo tshwana le lebitso lago, wene Modimo.+

11 Nkare Thaba ya Siyoni+ yi ka jabola,

Nkare mitši* ya Juda yi ka jabola ka taba la gore o yahlula ka go loka.+

12 Sepelaneng le dukulugele Siyoni; le yi dukulugele ka mokana ga yona;

Le balele diwokamelo tsa yona.+

Pombholaneng diwokamelo tsa yona tsa gore di pasopegiye,

Gore maloko ya ma sa nyoko tlang le thogo ma botsa ka yona.

 2 Ba gore a ba tseyediwi gedimo le ba go tseyediwa gedimo,

Ba go ghanya le ba go tihlupegela.

 3 Molomo waka wo nyoko bolabola mantsu ya go hlalefa,

Fote tso ke ghayelang ka tsona+ di nyoko šupetsa gore ke ya kwisisa.

 4 Ke nyoko theetsela seyema;

Ke nyoko hlatolla dithayi tsaka nkene ke kgana harepa.

 5 Ke ntaba ke tshwanele ke tšhoge ka dinako tsa mo go ba le mathatha,+

Mo ba dipelo tse diphifadu ba ndukulugela fote ba liketsa go nkwaletsa?

 6 Bo ba gore ba tshepiye gore ba ghannye+

Le bo ba go kganya ka dilo tso ba ghannyeng ka tsona tsa go tlala,+

 7 A go na le ka wwoši wa bona wa gore a ka lepolla ye mongwana

Kela a neya Modimo se sengwana gore a lepolle motho yene,+

 8 (So ba nyoko se patelang gore ba lepolle maphelo ya bona ke se segolo ka matla

Ba nyoko dula ba sa kgone go se patela);

 9 Gore a thogo phela go ya go yye le gore a sa yi lebitleng.+

10 Yene wa di bona gore le batho ba go hlalefa baa kgwa;

Diphokophoko le bo ba go tshwata go nagana ba kgwa go tshwana,+

Fote di nyaka ba šiyele ba bangwana tso ba ghannyeng ka tsona.+

11 Ba nabela gore dintlo tsa bona di be gona go ya go yye,

Le gore matente ya bona ma be gona go tlugisela ka leloko le lengwana go ya ga le lengwana.

12 Mara motho le mo a ka hlompiwa a ka sa duli a le gona;+

Aa phale diphoolwane tsa hlaga tsa gore di ya kgwa.+

13 Yowa ke pata ya diphokophoko+

Le bo ba gore baa di latelela, ba gore ba jabodisa ke mantsu ya tsona ya go sa re selo. (Selah)

Ba nyoko disa ke likgu;

Bo ba go loka ba nyoko ba lawola+ ka bošego.

Ba nyoko nyamalala;+

Gaye ga bona go nyoko ba Lebitleng,*+ go ka sa be ntlong ya kgoši.+

15 Mara Modimo o nyoko mphonisa Lebitleng,*+

Ka gore o nyoko mpasopa.

16 O sa tšhoge mo o bona motho ye mongwana a ghanya,

Mo o bona dilo tso a nang natso ka ntlong yage di yeketsega,

17 Ka gore mo a kgwa a go na selo so a nyoko sepelang naso;+

Dilo tso a nang natso a ka sa yi natso lebitleng.+

18 Ka gore mo a sa phela wa tithanaka+

(Batho baa go thanaka mo dilo di go sepelela gabutši.)+

20 Motho wa gore aa kwisisi dilo tsowa, le mo a kene a hlompiwa,+

Aa phale diphoolwane tsa hlaga tsa gore di ya kgwa.

50 Jehova wa gore ke Modimo wa medimo,+ o bolabodiye;

O bitsa batho ka mokana ga bona ba lefaseng

Go tlugisela ka bohlabela go segela ka bodikela.*

Ho mahlong gage go na le mollo wa go tlabolela,+

Fote o dukulugele ke sedingwane se segolo sa gore se kwatiye.+

 4 Yene o bitsa batho ba go dula legedimong le ba go dula lefaseng gore ba tle,+

Gore a thogo yahlula batho bage:+

 5 “Nkgobaketseleneng batho baka ba gore baa tshepega,

Ba gore ba maka kwano le nna ba berekisa sehlabelo.”+

 6 Magedimo ma bolabola ka go loka gage,

Ka gore Modimo ke yene Wa go Yahlula.+ (Selah)

 7 “Theetselaneng lune batho baka, ke nyoko bolabola;

Wene Israyele, ke nyoko bolabola ka tso o kekemisiyeng ga tsona.+

 8 A ke go wolole ka taba la dihlabelo tsago,

Kela ka taba la dihlabelo tsa go tšhubiwa tsa gore di fo dula di le mahlong gaka.+

 9 A di nyake ke šinya ke tseya kgomu ya phoolo ntlong yago,

Kela dipudi* mašakeng yago.+

10 Ka gore phoolwane ye nngwana le ye nngwana ya hlaga ya ku mašahleng ke ya gaka,+

Le mong diphoolwane tsa hlaga tsa go tshosa tsa gore di dithabeng ka mokana ga tsona.

11 Ke tšiba nonyane ye nngwana le ye nngwana ya dithabeng;+

Diphoolwane tsa nageng tsa gore o ka sa di balele ke tsa gaka.

12 Hala ke kwa tlala ne nka sa go botse,

Ka gore lefase le dilo ka mokana ga tsona tso di leng ga lona ke tsa gaka.+

13 Ayitsano ke nyoko ja nama ya dikgomu tsa phoolo

Fote ka nwa madi ya dipudi?+

14 Leboganeng Modimo di tšwa pelong, go be sona sehlabelo sa lune,+

Fote le makeleneng Ye wa ku Malenghelengheng tso le mo tshepisiyeng tsona;+

15 Mpitseneng mo le wela ke tsa go sasamela.+

“Le dumelele ke mang gore le bolabole ka melawo yaka+

Kela gore le bolabole ka kwano yaka?+

17 Ka gore a le kwane le go wolodiwa,*

Fote le fo dula le sa yisi felo ka mantsu yaka.+

18 Mo le bona tsotsi, le ya yi yamogela,+

Fote le nghanelana le ba go maka bonghwahla.

19 Le sabalatsa tsa go sa loka ka melomo ya lune,

Fote maleme ya lune ma tlele matsaka.+

20 O dula le batho ba bangwana wa sa bolabole tsa gabutši ka bhuti wago;+

O wunyulla tso di kekemisiyeng ke morwayi wa mmane wago.

21 A ke ya hlaya selo mo o maka dilo tsowa,

Byalo ke mo o nagana gore ke nyoko fo tshwana nago.

Mara gana byalo ke nyoko go wolola,

Fote ke nyoko go šupetsa tso o di sinnyeng.+

22 Ke kgopela o nagane ka dilo tsowa, wene wa go libala Modimo,+

Gore ke sa go tlopolanye wa kraya go se na wa go go phonisa.

23 Ye wa gore o leboga Modimo di tšwa pelong gore go be sona sehlabelo sage wa n’gadimisa,+

Fote ye wa gore o maka tsa gabutši,

Ke nyoko maka gore a bone mo Modimo a mo phonisa.”+

 2 Ntshwarele ga tso ke kekemisiyeng ga tsona,+

Fote o n’yedise ga tso ke di sinnyeng.+

 3 Ka gore tso ke sa di makang gabutši ke di tšiba gabutši,

Fote ke fo dula ke naganne ka tso ke di sinnyeng.+

 4 Gabutšibutši ke go sinyele;+

Ke makiye dilo tsa gore a di ya loka mahlong gago.+

O maka gabutši mo o n’wolola,

Fote o yahlula gabutši.+

 5 Ke belegiwwe ke na le molato,

Fote go tlugisela ke sa le ka mpeng ya mmane ke na ke le motho wa go sinya.+

 6 Gabutšibutši, wene o jabodisa ke pelo ya go se na bošakašakane;+

Ntšhutise gore tso ke di naganang di šupetse gore ke hlalefiye.

 7 N’yedise ga tso ke di sinnyeng o berekisa hisopo gore ke yele;+

Nhlatswe gore ke be ye motšhwewu go phala kapoko.+

 8 Maka gore ke boye ke jabole,

Gore ke thogo jabola le mo o pshyayannye mašapo yaka.+

 9 Ntshwarele ga tso ke di sinnyeng,+

Fote o sule tso ke kekemisiyeng ga tsona ka mokana ga tsona.+

10 Maka gore ke be le pelo ya go yela, barena Modimo,+

Fote o make gore ke dule ke nabela+ go maka tsa gabutši.

11 O sa nrake mahlong gago;

Fote o sa tlose moya wago wa go hlawolega ho gaka.

12 Maka gore ke jabole go tshwana le nakwela o mphonisa;+

Maka gore ke nabele go go theetsela.

13 Bo ba go sa make dilo gabutši ke nyoko ba tšhutisa ditsela tsago,+

Gore bo ba go sinya ba boye gago.

14 Mphonise ga molato wa madi+ barena Modimo, wene Modimo wa go mphonisa,+

Gore ke thogo bolabola ka go loka gago ke jabodiye.+

15 Barena Jehova, n’gelepe ke bolabole,

Gore ke thogo go thanaka.+

16 Ka taba la gore a o nyake sehlabelo⁠—mola o se nyaka, ne ke nyoko go neya sona;+

Wene a o jabodisi ke sehlabelo sa go tšhubiwa.+

17 Dihlabelo tsa gore di jabodisa Modimo ke tsa gore di maka ke motho wa gore o kwile go baba;

Pelo ya gore yi robegiye fote yi šileganne o nyoko yi yamogela wene Modimo.+

18 Makela Siyoni tsa gabutši;

Yaga mapharo ya Jerusalema.

19 Ke mokane o nyoko jabodisa ke dihlabelo tsa bo ba go maka tsa go loka,

Dihlabelo tsa go tšhubiwa le dihlabelo tsa gore ba di neyela di felele;

Ke mokane go nyoko neyediwa dikgomu tsa phoolo gedimo ga aletare yago.+

 2 Lleme lago la gore le galefa go tshwana le legare,+

Le polana tsa go kwaletsa la boya la bolabola matsaka.+

 3 Tsa go befa o kwana natso go phala tsa gabutši,

Wene o kwana le go bolabola matsaka go phala go bolabola tsa gabutši. (Selah)

 4 O kwana le lentsu le lengwana le le lengwana la go kwaletsana,

Wene wa gore lleme lago le bolabola matsaka!

 5 Nka taba lo Modimo a nyoko fetsang ka wene go ya go yye;+

O nyoko go ntsha ka go yakgoswa, a go raka letenteng lago;+

O nyoko fetsa ka wene fote o ka sa sa ba gona ga batho ba gore baa phela.+ (Selah)

 6 Bo ba go loka ba nyoko di bona fote ba šala ba makele,+

Ke mokane ba nyoko mo tshega.+ Ba nyoko re:

 7 “Yewa ke motho wa gore aa tšhabela ga Modimo,+

Mara ke mo a tshepele ga dilo tsa go tlala tso a ghannyeng ka tsona+

Fote a tshepele ga tso a di polanneng tsa go sa loka.”

 8 Mara nna ke nyoko tshwana le mohlare wa diolivi wa gore wo gola wo yengwa gabutši ka ntlong ya Modimo;

Ke ya di tshepa gore Modimo o nyoko nšupetsa gore wa nyakanana+ go ya go yye.

 9 Ke nyoko go thanaka go ya go yye ka taba la tso o di makiyeng;+

Ke nyoko šupetsa gore ke tshepele ga lebitso lago ke le mahlong ga bo ba gore baa tshepega,

Ka taba la gore lebitso lago+ le gabutši.

Ba maka tsa bošakašakane, fote tso ba di makang di ya silikisa;

A go na wa go maka tsa gabutši.+

 2 Mara Modimo o lebelela barwayi ba batho a le legedimong+

A nyaka go bona gore ayitsano go na le wa go kwisisa, wa gore o nyaka go yetetsa ke Jehova.+

 3 Ka mokana ga bona ba tšwile pateng;

Ka mokana ga bona baa tshwana, ba maka tsa bošakašakane.

A go na wa go maka tsa gabutši,

Go hloka le mong ka wwoši.+

 5 Ba nyoko tšhoga ka matla,

Go nyoko ba go le la mathomo ba tšhoga ka mokgonone,

Ka taba la gore Modimo o nyoko tlalaganya mašapo ya bo ba gore baa go hlasela.

Mo Jehova a maka gore batho bage bo ba leng bobhantiting ba boye,

Nkare Jakobo a ka jabola, nkare Israyele a ka jabola.

54 Barena Modimo, mphonise ka lebitso lago,+

Fote o n’yemelele+ o berekisa matšhika yago.

 2 Barena Modimo, theetsela thapelo yaka;+

O theetsele mantsu ya ma tšwang molomong waka.

 3 Ka gore manaba maa nhlasela,

Fote batho ba go ba le lešidi ba nyaka lephelo laka.+

 4 Ke gelepa ke Modimo;+

Jehova o na le bo ba nthegang.

 5 Dilo tsa go befa tso manaba yaka+ ma di makang batho ba bangwana di nyoko tlela bona beng;

Modimo waka, fetsa* ka bona ka gore wa tshepega.+

 7 Ka gore yene o mphonisa ga dilo tsa go sasamela ka mokana ga tsona,+

Fote ke nyoko bona mo go hludiwa manaba yaka.+

55 Barena Modimo, theetsela thapelo yaka,+

Fote o sa nteyisi ka moya mo ke kgopela gore o nkwele go baba.*+

Tso di nhlupang di maka gore ke sa yetsele,+

Fote ke kgongwele ka matla

 3 Ka taba la tso di hlayang ke lenaba laka

Le ka taba la tso bo ba dipelo tse diphifadu ba nkgahleletsang ka tsona.

Ka gore ba mpakela mathatha,

Fote ba fo ya mahlong ba nhloyye ba kene ba kwatiye.+

 4 Pelo yaka yi kwa go baba,+

Fote ke tšhaba likgu.+

 5 Ke kwa ke tšhoga ka matla fote ke ro hlagasela,

Wa tšiba ke kwa nkare ke ro kgwelakgwehla.

 8 Ne ke nyoko yakgoswa ke ya ga poleke ya gore yi pasopegiye

Ne ke nyoko tšhabelela mathatha yaka ya gore nkare ke moya le sedingwane.”

 9 Maka gore ba hlakahlakane, barena Jehova, fote o šašise dipolane tsa bona,+

Ka taba la gore ke bonne batho ba lwa fote ba maka tsa bokgohlane mo mutšing.

10 Ba sepela gedimo ga mapharo ya wona bošego le motshegare;

Ho ga wona go tlele dilo tsa go befa fote bo ba dulang ga wona ba na le dipelo tse diphifadu.+

11 Ho ga wona go tlele dilo tsa go sasamela;

Mo batho ba gahlanelang gona, batho ba fo dula ba kgahleletsiwa ba boya ba ba tshokanya.+

12 Ka taba la gore a ke šuhlašuhli ke lenaba laka;+

Hala go le lenaba, ne nka tiyisela.

A ke hlasele ke lenaba laka;

Hala go le lenaba, ne ke nyoko le wutamela.

13 Mara ke wene ye a makiyeng dilo tsowa, motho wa go fo tshwana le nna,+

Monghana waka wa gore ke mo tšiba gabutši.+

14 Ke mo re na le senghananghana;

Ke mo re ya ggoši ntlong ya Modimo re na le batho ba go tlala.

Nkare ba ka ya Lebitleng* ba kene ba phela;

Ka gore dilo tsa go befa di ho ba dulang gona fote di dipelong tsa bona.

16 Mara nna ke nyoko bitsa Modimo,

Fote Jehova o nyoko mphonisa.+

17 Ke ya šekela fote ke ya tsitla, ka malobana, ka bošego le ka sethewo,+

Fote yene o kwa lentsu laka.+

18 O nyoko mphonisa ga bo ba gore ba lwa le nna a boya a maka gore ke bebe,

Ka gore batho ba go tlala baa nhlasela.+

19 Modimo o nyoko ba kwa fote a maka se sengwana,+

Yene wa gore go tlugisela botala a duli setulong sa go lawola.+ (Selah)

Bo ba gore a ba hlompe Modimo,

Ba nyoko gana go sokologa.+

20 O* hlasele bo ba gore ke mo ba sa lwe naye;+

Aa maka tso a di tshepisiyeng.+

21 Mantsu yage ma thelela go phala le makgura ya go tlotsela,+

Mara ka ho pelong yage o nabela ntwa.

Mantsu yage ma tematema go phala le makgura,

Mara gabutšibutši ma tshwana le disabola.+

22 Bošela tso di go robang ga Jehova,+

Fote yene o nyoko go thega.+

 2 Manaba yaka ma ya mahlong ma nhlasela letšatši ka mokana ga lona;

Ba go tlala ba kakola magetla, ba lwa le nna.

 5 Ba mpakela mathatha letšatši ka mokana ga lona;

Ba fo nagana go nkwaletsa.+

 6 Baa wutama gore ba thogo hlasela;

Ba lebelela dilo ka mokana ga tsona tso ke di makang,+

Ba tipotsa gore ba nyoko mpolaya.+

12 Modimo waka, tso ke go tshepisiyeng tsona ke tshwanele ke di make;+

Ke nyoko go makela dihlabelo tsa go leboga.+

13 Ka gore o mphonisiye likgung+

Wa boya wa maka gore mawoto yaka ma sa phikege,+

Gore ke ye mahlong ke phela fote ke sepele mahlong ga Modimo.+

57 Nkwele go baba barena Modimo, nkwele go baba,+

Ka taba la gore ke tšhabela gago,

Fote ke tšhabela ka tlase ga morithi wa mafafela yago go segela mathatha ma feta.+

 2 Ke bitsa Modimo wa gore o ku Malenghelengheng,

Modimo wa mannete, wa gore o nyoko fetsa ka bona ka taba laka.

 4 Ke dukulugele ke ditawu;+

Le mo ke yetsela, ho thina gaka go na le batho ba gore ba nyaka go nkgwisa,

Ba gore meno ya bona ma tshwana le marumo le manopa ya mosefo

Fote maleme ya bona ma tshwana le sabola ya go galefa.+

 5 Nkare o ka gadimisiwa gedimo ga magedimo, wene Modimo;

Nkare go gadima gago go ka tlala lefaseng ka mokana ga lona.+

 6 Ba lukisiye letabane gore ba tanye mawoto yaka;+

Ke kgahleletsegiye ka matla.+

Ba yepiye mokoti mahlong gaka,

Mara go wele bona beng ga mokoti wone.+ (Selah)

 7 Pelo yaka ya tshepega, wene Modimo,+

Pelo yaka ya tshepega.

 9 Ke nyoko go thanaka ke le gare ga batho, wene Jehova;+

Ke nyoko go yepelelela dikoša tsa go thanaka ke le gare ga ditšhaba.+

10 Ka gore o nyakanana ka matla, tsa gore di šinya di segela ku magedimong,+

Fote go tshepega gago go segela sebakabakeng.

11 Nkare o ka gadimisiwa gedimo ga magedimo, wene Modimo;

Nkare go gadima gago go ka tlala lefaseng ka mokana ga lona.+

 2 Mara a le ya loka ka ho dipelong tsa lune,+

Fote le baka mathatha mo nageng.+

 3 Bo ba dipelo tse diphifadu ba keketlela ba sa tšwa go belegiwa;

A ba lawolege, fote ba bolabola matsaka go tlugisela ka nako yo ba belegiwang ka yona.

 4 Tšhefu ya bona yi tshwana le tšhefu ya dinoga;+

A ba kwe, ba tshwana le noga ya mokopa ya gore yi thiba ditsebe tsa yona.

 5 Yi ka sa theetsele tso di hlayang ke motho wa go kgona go lawola dinoga,

Le mo go ka fo ba go le segele sa go lawola dinoga.

 8 Nkare ba ka tshwana le kgupa ya gore yi fo wokologa mo yi kene yi sepela;

Go tshwana le ngwana wa gore o sinyegele ka mpeng ya mosadi, wa gore aa soko bona letšatši.

 9 Mo dipoto tsago tsa go yapega ka tsona di soko kwa go fisa ga mohlare wa mutlwa,

Modimo o nyoko maka gore sedingwane se tlosanye mašayi ya matala le ya gore ma šele maa dura.+

10 Ye wa go loka o nyoko jabola ka taba la gore o ko ba a bonne mo Modimo a patedisa;+

O nyoko sepela mading ya bo ba dipelo tse diphifadu.+

59 Mphonise ga manaba yaka, wene Modimo waka;+

Mpasope ga bo ba gore ba nhlasela.+

 2 Mphonise ga bo ba go maka tsa go sa loka,

O boye o mphonise ga batho ba go maka tsa bokgohlane.

 3 Bona ba yemele go nhlasela;+

Ke hlasela ke banna ba go ba le matšhika

Mara a yi ka taba la gore go na le tso ke sa di makang gabutši kela tso ke di sinnyeng,+ barena Jehova.

 6 Ba boya ka malobana ya mangwana le ya mangwana;+

Ba howula go tshwana le dimpsya+ fote ba sepela-sepela mo mutšing ka mokana ga wona.+

 7 Bona gore go tšwa ying melomong ya bona;

Melomo ya bona yi tshwana le disabola,+

Ka gore ba re: “Ke mang ye a theetseleng?”+

 8 Mara wene Jehova, o nyoko ba tshega;+

O nyoko poyilanya ditšhaba ka mokana ga tsona.+

 9 Wene matšhika yaka, ke nyoko ya mahlong ke yemele wene;+

Ka gore Modimo ke poleke yaka yo ke tšhabelang ga yona ya gore yi pasopegiye.+

10 Modimo wa gore o nšupetsa gore o nnyaka ka matla o nyoko n’gelepa;+

Modimo o nyoko maka gore ke bone mo go hludiwa manaba yaka.+

Berekisa matšhika yago o make gore ba yinghayinghe;

Barena Jehova, wene legawu la rune, maka gore ba tapege matšhika.+

12 Nkare ba ka tanyega ka taba la gore ba na le magetla,

Ka taba la tso ba di sinnyeng ka melomo ya bona le mantsu ya ba ma hlayang,+

Ka gore ba rogelela batho ba boya ba hlaya matsaka.

13 Fetsa ka bona mo o kwatiye ka matla;+

Fetsa ka bona gore ba sa sa ba gona;

Maka gore ba di tšibe gore Modimo o lawola Jakobo le go segela mafelelong ya lefase.+ (Selah)

14 Nkare ba ka boya ka malobana;

Nkare ba ka howula go tshwana le dimpsya fote ba sepela-sepela mo mutšing ka mokana ga wona.+

15 Nkare ba ka yinghayingha ba nyakana le so ba ka se jang;+

Maka gore ba sa kgotsofale fote ba sa kraye poleke yo ba ka yetselang ga yona.

16 Mara nna yene, ke nyoko yepelela ka matšhika yago;+

Ka bošego ke nyoko bolabola ka go nyakanana gago nkene ke jabodiye.

Ka taba la gore ke wene poleke yaka ya go tšhabela ga yona ya gore yi pasopegiye+

Fote ke wene poleke yo ke tšhabelang ga yona mo ke na le tsa go nkgahleletsa.+

17 Wene matšhika yaka, ke nyoko go yepelelela dikoša tsa go go thanaka,+

Ka gore Modimo ke poleke yaka yo ke tšhabelang ga yona ya gore yi pasopegiye, Modimo wa gore o nšupetsa gore o nnyaka ka matla.+

 4 Bo ba gore baa go hlompa o ba neye mošupetso

Gore ba tšhabe fote ba pheme mosefo. (Selah)

 5 Gore bo o ba nyakang ka matla ba thogo phonisiwa,

Re phonise ka letsogo lago la go ja fote o re fetole.+

“Ke nyoko hlakela mo ke maka gore Šikeme go be lefa,+

Fote ke nyoko ba metela Moyedi wa Sukhothe.+

 7 Ghiliyade ke ya gaka, le Manase ke ya gaka,+

Fote Eforayimi ke lekarapo la hlogo yaka;

Juda ke thoka yaka ya go lawola.+

10 Anthe a yi wene barena Modimo, wa gore a o sa re yamogela,

Modimo wa rune, wa gore aa sa ya le masole ya rune ntweng?+

11 Re gelepe mo re tlela ke tsa go re kgahleletsa,

Ka gore go phonisa ke batho a di gelepe ka selo.+

12 Modimo o nyoko re neya matšhika,+

Fote o nyoko gatelanya manaba ya rune.+

 2 Ke nyoko go llela ke le mafelelong ya lefase

Mo pelo yaka yi kgahleletsegiye.+

 3 Ka gore ke wene poleke yaka ya gore ke tšhabela ga yona,

Sewokamelo sa go tiya sa gore se mpasopa ga manaba yaka.+

 4 Ke nyoko ba sevakaši letenteng lago go ya go yye;+

Ke nyoko tšhabela ka tlase ga mafafela yago gore ke pasopege.+ (Selah)

 6 O nyoko yeketsa matšatši ya lephelo la kgoši,+

Fote mengwaga yage yi nyoko tlugisela ga leloko le lengwana go ya ga le lengwana.

 7 Yene o nyoko dula setulong sage sa go lawola go ya go yye mahlong ga Modimo;+

Nkare a ka pasopa ke go nyakanana gago le go tshepega gago.+

 8 Ke nyoko yepelelela lebitso lago dikoša tsa go thanaka go ya go yye+

Mo nkene ke maka tso ke di tshepisiyeng ka moka matšatši.+

 2 Ka nnete ke yene letlapa laka le wa go mphonisa, poleke yaka ya go tšhabela ga yona ya gore yi pasopegiye;+

Le mo nka tekateka nka sa ro wa.+

 4 Ba polana go mo tlosa mayemong yage ya gedimo;

Ba jabodisa ke go bolabola matsaka.

 5 Ka nnete, ke yemela Modimo nkene ke kgomolele+

Ka taba la gore ke yene a makang gore ke be le tshepo.+

 6 Ka nnete ke yene letlapa laka le wa go mphonisa, poleke yaka ya go tšhabela ga yona ya gore yi pasopegiye;

Nka sa ro tekateka le ka gonyana.+

 9 Barwayi ba batho go fo ba mowono,

Barwayi ba batho a yi poleke ya gore o ka napa o yi tshepa gore o ka tšhabela ga yona.+

10 O sa nagane gore o nyoko phomelela ka go maka bošakašakane

Fote o sa tshepele ga go fo maka dilo ka botsotsi.

12 Le go nyakanana tsa mannete go tšwa gago, wene Jehova,+

Ka gore o patela ye mongwana le ye mongwana go ya ka tso a di makiyeng.+

Ke ya lelemela ka taba la gore ke go hlologele

Ke le ga poleke ya kgwaakgwa ya gore a yi na meetši.+

 2 Ke go bonne ga poleke ya go hlawolega

Nakwela ke bona matšhika yago le go gadima gago.+

 3 Ke nyoko go thanaka+

Ka taba la gore motho o nyoko ba a phelela ying mara mo a sa nyake ke wene?+

 4 Byalo, ke nyoko go thanaka lephelo laka ka mokana ga lona,

Ke nyoko go rapela ke berekisa lebitso lago.

 5 Ke kgotsofele ka taba la gore tso o nneyang tsona ke tsa mayemo ya gedimo,

Ke nyoko go thanaka ka molomo waka ke jabodiye.+

 6 Ke nagana ka wene mo ke yetsele,

Ke ghayela ka wene bošego ka mokana ga byona.+

 7 Ka taba la gore ke gelepa ke wene,+

Fote ke yahlamela nkene ke jabodiye ke le ka tlase ga mafafela yago.+

 8 Ke dula ke le thina nago,

O dula o nngangarele ka letsogo lago la go ja.+

 9 Mara bo ba gore ba nyaka go mpolaya

Ba nyoko wela mokoting wa likgu.

10 Ba nyoko bolayiwa ka sabola,

Ba nyoko ja ke dijakalase.*

Ye mongwana le ye mongwana ye a tshepisang ka Modimo o nyoko ba a mo thanaka,

Ka taba la gore o nyoko kwala melomo ya bo ba go bolabola matsaka.

 2 Mpasope ga mathayithayi ya gore bo ba dipelo tse diphifadu ba ma maka ka makhukhung,+

Maka gore ke kganele kgole le ba go sa loka.

 3 Ba lokotša maleme ya bona go tshwana le sabola,

Mantsu ya bona ma hlaba nkare ke manopa ya mosefo,

 4 Ba thunyetsela wa gore aa na molato ba le ga dipoleke tso ba wutammeng ga tsona,

Ba mo thunya a sa tilibele fote a ba tšhabe.

 5 A ba nyake go lisetsa go nagana tsa go befa,*

Ba ro di kwanela tsa gore mo ba reyyeng gona ba nyoko phiphetsa byang.

 6 Ba nyakana le mekgwa ya nyuwane ya go maka dilo tsa go befa,

Ba polana dilo tsa bona ka makhukhung,+

Tso ba di naganang a di kwisisege.

 7 Modimo o nyoko ba thunya ka manopa ya mosefo+

Ba šala ba kwalele.

 8 Ba nyoko rapogana ka taba la tso ba di hlayang+

Bo ba ba lebeleleng ba nyoko šala ba šikinya dihlogo.

 9 Batho ka mokana ga bona ba nyoko šala ba tšhugiye

Fote ba nyoko bolabola ka tso Modimo a di makiyeng,

Ba nyoko kwisisa tso a di makiyeng.+

10 Wa go loka o nyoko jabola ka taba la Jehova fote o nyoko tšhabela gage,+

Ba dipelo tsa go loka ka mokana ga bona ba nyoko titeya sekguba ka taba lage.

65 O nyoko thanakiwa Thabeng ya Siyoni,+ wene Modimo;

Re nyoko maka tso re go tshepisiyeng tsona.+

 3 Tso ke kekemisiyeng ga tsona di tlele ka matla, di ya n’yimela,+

Mara wene o kogetsa tso re sa di makang gabutši.+

 4 Go jabola ye wa gore wene o mo hlawodiye, wa mo šutetsa thina

Gore a dule lapeng lago.+

Re nyoko kgotsofatsa ke dilo tsa gabutši tsa ntlong yago,+

Tempele yago ya go hlawolega.+

 5 O nyoko re fetola ka go maka dilo tsa go loka tsa gore fote di ya makatsa,+

Wene Modimo wa go re phonisa;

Batho ba lefaseng ka mokana ga lona ba tshepa wene+

Le ba gore ba dipolekeng tsa go ba le mawatle.

 6 O berekisiye matšhika yago go beya dithaba dipolekeng tsa tsona;

O na le matšhika ya magolo.+

 7 O maka gore mawatle ya gore ma kwatiye ma bebe,+

Wa boya wa maka le gore maphoto ya wona le go hlakahlakana ga ditšhaba go bebe.+

 8 Bo ba gore ba dula dipolekeng tsa kgole ba nyoko šala ba makele ka taba la dilo tso o di makang;+

Bo ba go dula go tlugisela ka bohlabela go segela ka bodikela o nyoko maka gore ba hlakele.

 9 Wene o pasopa lefase,

Wa maka gore le yengwe ka matla, wa maka le gore mobu wa lona wo tsife ka matla.+

O makiye gore dinooka di tlale ka meetši;

O ba neya mabele,+

Ka gore nka mokgo o lukiseleleng lefase.

10 O kolobisa mašomo ya lona fote wa maka gore mobu wa lona wa gore ba wo limme wo lekanane;

O nisa mosarasarane go maka gore mobu wa lona wo temateme; o rufa mobu gore tso ba di gašiyeng di mile di boye di gole.+

11 O rufiye mongwaga wowa ka dilo tsa gabutši tsa nkare ke mo o beya fapo mo ga wona;

Mo o sepelang gona go tlele dilo tsa gabutši.+

12 Mo ba diselang gona ga gore go ku mašahleng go tlele ka mabyang ya gore ma kolobiye,+

Fote memmoto yi jabodiye.+

13 Mo ba diselang gona go tlele merape,

Fote meyedi ya gona yi tlele ka mabele.+

Manaba yago ma nyoko tla gago ma hlagasela,+

Ka taba la gore o na le matšhika ya magolo.

 4 Batho ba lefaseng ka mokana ga lona ba nyoko go thinyela letolo;+

Ba nyoko go yepelelela dikoša tsa go thanaka;

Ba nyoko yepelelela lebitso lago dikoša tsa go thanaka.”+ (Selah)

 6 Yene o tšhentšhiye lewatle gwa ba naga ya gore yi womme;+

Ba tshidiye nooka ba sepela ka mawoto.+

 8 Thanakaneng Modimo wa rune, lune batho,+

Nkare batho ka mokana ga bona ba ka kwa gore wa thanakiwa.

 9 O maka gore re ye mahlong re phela;+

Aa lisetsi mawoto ya rune ma phikega.+

10 Ka gore o re nyakolliye, wene Modimo,+

O re yedisiye, go fo tshwana le mo ba yedisa silva ka mollo.

11 Wene o re tannye ka letabane lago;

O re rwesiye dilo tsa go re yimela.

12 O dumelele batho gore ba re gatelanye;

Re fitiye mollong le meetšing;

Ke mokane wene wa re yisa ga poleke ya gore re šale re yimulugiye.

13 Ke nyoko tla le dihlabelo tsa go tšhubiwa ntlong yago;+

Ke nyoko maka tso ke go tshepisiyeng+

14 Dilo tsa gore ke go tshepisiye ka molomo waka+

Fote ke di hlayye nakwela di nkgahleletsiye.

15 Ke nyoko go makela dihlabelo tsa go tšhubiwa ka diphoolwane tsa gore ba ro di neya tsa go ja gore di tsife

Ke nyoko go makela sehlabelo ka dinku tsa phoolo.

16 Tlanneng le theetsele, lune ka mokana ga lune ba gore le tšhaba Modimo,

Ke nyoko le botsa tso a mmakeleng tsona.+

17 Ke mmitsiye ka molomo waka

Fote ka mo gadimisa ka lleme laka.

18 Mo nkare ne ke dula ke nagana ka selo sa go sa loka ka mo pelong yaka,

Jehova nke a sa nkwa.+

19 Mara o nkwile;+

O theetsele thapelo yaka.+

20 Go thanakiwe Modimo, wa gore o yamogele thapelo yaka

Wa gore fote o nšupetsiye gore o nnyaka ka matla.

67 Modimo o nyoko re kwela go baba fote o nyoko re rufa;

O nyoko re šupetsa gore o lukiye+ (Selah)

 2 Gore ditsela tsago di tšibege lefaseng ka mokana ga lona,+

Gore ditšhaba ka mokana ga tsona di tšibe gore ke wene wa go phonisa.+

 3 Nkare batho ba ka go thanaka, wene Modimo;

Nkare batho ka mokana ga bona ba ka go thanaka.

 4 Nkare ditšhaba di ka jabola fote dya hlakela,+

Ka gore wene o nyoko yahlula batho gabutši.+