DILLO TSA JEREMIYA
א [Aleph]
1 Jerusalema ne go tlele ka batho, mara gana byalo a go sa na motho!+
Yi tshwana le mosadi wa go kgwela ke monna wa gore ke mo a tšibega ka matla ditšhabeng!+
Mosadi wa gore ditšhaba ne di mo tseyela gedimo, ba mmerekisa ka tšhinghi!+
ב [Beth]
2 O lla a rasa bošego,+ fote dinepedi tsage di fogafoga ho dikaneng.
A go na le ka wwoši ga batho ka mokana ga bona ba gore ne ba kwana naye wa gore a ka mo kgomoletsa.+
Banghana bage ka mokana ga bona ba mo jikele,+ go šele go le manaba yage.
ג [Gimel]
3 Juda yi yye bobhantiting,+ ya hlupegisiwa fote ba yi maka lešidi.+
Yi tshwanele yi dule gare ga ditšhaba,+ a yi kraye go khutsa.
Bowa ba go yi hlorisa ba yi kutulugele yi sa kgahleletsegiye.
ד [Daleth]
4 Dipata tsa Siyoni di ya lla ka taba la gore a go na motho wa go tla monyanyeng.+
Digheyiti tsage ka mokana ga tsona ke mašupi,+ maprista yage maa lla.
Makgareba yage maa lla, Siyoni yi kwa go baba.
ה [He]
5 Bo ne go le manaba yage go šele go le beng bage, manaba yage a ma hlupi ke selo.+
Jehova o mo leyele tsa go baba ka taba la dilo tsa go tlala tso a di sinnyeng.+
Bana bage ba yye bobhantiting ga lenaba lage.+
ו [Waw]
6 Morwediya wa Siyoni aa sa gadimela.+
Fote dindhuna tsage di tshwana le diphala tsa gore a dya kraya ga go kgula,
Fote di sepela di tinnwe mahlong ga ye wa go di lelekisa.
ז [Zayin]
7 Ka matšatši ya mo Jerusalema yi hlupegisiwa fote yi se na ga go dula,
Ya gopola dilo tsa go tseyediwa gedimo tso ne yi le natso ka dinako tsa ku botala.+
Mo batho ba yona ba hlasela ke lenaba la yona fote go se na wa go gelepa,+
Manaba ya yona ma yi bona fote ma yi tshega mo yi wa.+
ח [Heth]
8 Jerusalema yi sinnye ka matla.+
Nka taba lo yi silikisang.
Batho ka mokana ga bona ba gore ke mo ba yi hlompa, gana byalo ba yi nyenya ka taba la gore ba yi bonele.+
Le yona mong ya gotla+ fote yi sologa yi tšebiye.
ט [Teth]
9 Dikobo tsa yona a dya yela.
Fote ne yi sa nagane ka tso di nyoko go yi makegela ku mahlong.+
Ka mokgo yi wileng, ne di tshosa fote ne go se na motho wa go yi kgomoletsa.
Barena Jehova, nkwele go baba ka taba la dilo tsa go sasamela tso di n’weleng ka taba la gore lenaba laka le titeya sekguba ka taba la tsona.+
י [Yod]
10 Lenaba le tsere dilo ka mokana ga tsona tso Jerusalema ne yi di tseyela gedimo.+
Ka gore yi bonne ditšhaba di kena tempeleng.+
Le mo o di butsiye gore di sa kene.
כ [Kaph]
11 Batho ba yona ka mokana ga bona baa lla fote ba nyakelana le sekgwa.+
Ba tsere dilo tsa bona tsa gore ba di tseyela gedimo ba neyana ka tsona gore ba thogo kraya tsa go ja, gore ba thogo phela.
Barena wene Jehova, lebelela o bone ka mokgo ke šeleng ke le mosadi wa go sa re selo.
ל [Lamed]
12 Lune ka mokana ga lune bo le fetang ka tsela, ayitsano a le bone selo?
Bulaneng maahlo le bone!
Ayitsano go gona go baba ga go tshwana le ga gore go kwa ke nna,
Ga gore ke ro go leyela ke Jehova ka taba la gore o kwatiye ka matla?+
מ [Mem]
13 O romele mollo wa go tšwa legedimong gore wo tšhube mašapo yaka+ ka moka.
O makiye gore mawoto yaka ma jike ke mokane ke boyele nthago.
O makiye gore ke tshwane le mosadi wa gore o fo ba a ntoši.
Ke lwala bošego le motshegare.
נ [Nun]
14 Tso ke di sinnyeng o di tlemelele ho molaleng waka go tshwana le lejoko, o di swinelele ka letsogo lage.
Ba di beyye ho molaleng waka, fote a ke sa na matšhika.
Jehova o makiye gore ke hlule ke batho ba gore a ke kgone go lwa nabo.+
ס [Samekh]
15 Jehova o tlusiye banna ka moka ba gore ba na le matšhika ba gore ne ba le gare gaka.+
O makiye gore ke kutulugele ke mogoba wa batho gore a psyitlanye masogana yaka.+
Jehova o gatelannye kgareba ya Juda ku ba makelang gona wayini.+
ע [Ayin]
16 Dilo tsowa di maka gore ke lle,+ maahlo yaka ma yela dinepedi.
Ka gore ye mongwana le ye mongwana ye a ka kgonang go nkgomoletsa kela go ntiyisa o kgole le nna.
Barwayi baka a ba sa na tshepo ka gore lenaba le re hludiye.
פ [Pe]
17 Siyoni o phurulliye matsogo yage+ fote a go na wa go mo kgomoletsa.
Jehova o butsiye batho ka mokana ga bona bo ba dukulugeleng Jakobo gore ba mo hlorise.+
Jerusalema go šele go le poleke ya gore ya ba silikisa.+
צ [Tsade]
18 Jehova o lukiye+ mo a n’wolola ka taba la gore a ke ya theetsela tso a mputsiyeng tsona.+
Theetselaneng lune batho ka mokana ga lune le boye le bone ka mokgo ke kwang go baba ka gona.
Makgareba yaka le masogana yaka ba yye bobhantiting.+
ק [Qoph]
19 Ke bitsiye bo ne ke kwana nabo mara ba njikele.+
Ku mutšing maprista yaka le bagolo baka a ba sa le šiyo.
Ka gore sale ba ye nyakela tsa go ja gore ba thogo ya mahlong ba phela.+
ר [Resh]
20 Barena Jehova, bona ka mokgo di nkgahleletsiyeng ka gona.
Teng gaka gwa dubegana.
Teng yaka a ya dulisega ka taba la gore ke tšwile pateng.+
Ku tawong go na le sabola ya go bolaya+ fote le ka ho ntlong batho baa kgwa.
ש [Shin]
21 Batho ba di kwile mo ke lla mara a go na wa go nkgomoletsa.
Manaba yaka ma di kwelele dilo tsa go sasamela tso di mmakegeleng.
Ma jabodiye ka matla ka taba la gore ke wene ye o nleyeleng tsona.+
Mara wene o nyoko ba leyela letšatši lo o bolabodiyeng ka lona,+ la gore le bona ba tshwane le nna.+
ת [Taw]
22 Nkare dilo ka mokana ga tsona tsa go befa di ka fo šala di yitsa mahlong gago gore o thogo ba wolola go baba.+
Go tshwana le ka mokgo o n’wolodiyeng ka gona o sa nkwele go baba ka taba la dilo ka mokana ga tsona tso ke di sinnyeng.
Ke kgongwele ka matla fote pelo yaka ya baba.
א [Aleph]
2 Jehova o kugetsiye morwediya wa Siyoni ka go kwata gage go fo tshwana le liru!
O lahlele go bafala ga Israyele ho lefaseng go tšwa legedimong.+
Aa gopole le mo a beyang mawoto gona+ ka letšatši la mo a kwatiye.
ב [Beth]
2 Jehova o fetsiye ka dipoleke ka mokana ga tsona tsa gore go dula batho tsa gore ke tsa Jakobo, a sa di kwele go baba.
O wisannye dipoleke tsa gore di pasopegiye tsa morwediya wa Juda a kwatiye.+
Mmušo wage+ le dindhuna tsage+ o di wisiye a boya a di thilafatsa.
ג [Gimel]
3 O pomme matšhika ka moka ya Israyele a fufulele.
Aa gelepa mo lenaba le šutela,+
Fote o ya mahlong a kwatele Jakobo go tshwana le mollo wa go gagara dilo ka moka tsa thina nawo.+
ד [Daleth]
4 O goga mosefo wage go tshwana le lenaba, letsogo lage la go ja le wolologiye nkare ke la lenaba;+
O f’lo ya mahlong a bolaya ka moka bo ne a nabela go ba bolaya.+
O fetsiye ka letente la morwediya wa Siyoni+ a kwatiye go tshwana le mollo.+
ה [He]
5 Jehova ke setšha go le lenaba laka;+
O fetsiye ka Israyele.
O fetsiye ka diwokamelo tsage ka moka;
O fetsiye ka dipoleke tsage tsa go tiyisiwa ka moka.
O maka gore morwediya wa Juda a gotle fote a lle ka matla.
ו [Waw]
6 O wisanya ntlo yage ya mašayi+ go tshwana le morithi wa nghadeng.
O makiye gore monyanya wage wo fele.+
Jehova o makiye gore monyanya le sabatha di libadiwe ku Siyoni,
Ka mokgo a fufuleleng ka gona, kgoši le moprista aa ba kwele go baba.+
ז [Zayin]
7 Jehova o lahliye aletare yage;
O jikele tempele yage.+
O lisetsiye lenaba gore le wisanye mapharo yage ya gore ma tiyisiwwe.+
Ba rasa ka matla ntlong ya Jehova,+ go fo tshwana le ka letšatši la monyanya.
ח [Heth]
8 Jehova o fetsiye ka gore o nyoko senyanya lepharo la morwediya wa Siyoni.+
O ntshiye thapo ya go meta ka yona.+
Taba ya gore o nyoko sinyanya o sa na a yi tshwere.
O maka gore mapharo ya yona le dilo tsa yona tsa go yi pasopa di lle.
Ka mokana ga tsona o makiye gore di lelemele.
ט [Teth]
9 Digheyiti tsage di sobelele ho lefaseng.+
O sinyannye mabalelo yage a boya a ma robanya.
Kgoši yage le dindhuna tsage di gare ga ditšhaba.+
A go na molawo, le baporofeta bage a ba sa kraya mmono ga Jehova.+
י [Yod]
10 Bo ba bagolo ba morwediya wa Siyoni ba duli ho fase ba tikgomolelele.+
Ba tšhela santa ho dihlogong tsa bona fote ba yapere masaka.+
Makgareba ya Jerusalema ma yinamisele difahlego mo fase.
כ [Kaph]
11 Maahlo yaka ma tinnwe ka taba la go ntsha dinepedi.+
Ka ho teng gaka gwa dubegana.
Sebete saka se kgotogele ho fase, ka taba la gore morwediya wa batho baka o wile;+
Le ka taba la bana le maseya ya gore maa yidibala ku dipolekeng tsa batho ka moka tsa mutši wowa.+
ל [Lamed]
12 Ba ya mahlong ba butsisa bommane ba bona gore, “Mabele le wayini di kaye?”+
Mo ba kene ba yidibala go tshwana le motho wa gore o kwalele ga dipoleke tsa gore di ku mutšing.
Mo lephelo la bona le kene le felegelela matsogong ya bommane ba bona.
מ [Mem]
13 Nka berekisa ying gore go be hlatse,
Kela nka go tshwanisa le ying wene morwediya wa Jerusalema?
Nka go tshwanisa le ying wene kgareba ya Siyoni gore ke thogo go kgomoletsa?
Ka taba la gore dilo tso di go kgahleletsiyeng ke tse dikgolo go tshwana le lewatle.+ Ke mang a ka go yalafang?+
נ [Nun]
14 Tso baporofeta bago ba di bonneng ka mmono ke matsaka fote a di re selo,+
Fote a baa maka gore tso o di sinnyeng di tšibege gore o sa yi bobhantiting,+
Mara ba f’lo ya mahlong ba go botsa mmono wa matsaka ba maka gore o keketlele.+
ס [Samekh]
15 Batho ka mokana ga bona bo ba fetang pateng ba go poyila ke mokane ba teya matsogo.+
Ba ro teya le meludi ka go makala+ fote ba šikinya le dihlogo mo ba bona morwediya wa Jerusalema, ba re:
“Ayitsano ke mutši wo ne ba bolabola ka wona ba re, ‘Wo bafele la go sa hlayisege, wa gore ne wo jabodisa batho ka mokana ga bona ba lefaseng’?”+
פ [Pe]
16 Manaba yago ka mokana ga wona maa go kweranya.
Ba teya moludi ba boya ba loma meno ba re: “Re fetsiye ka yene.+
Lowa ke letšatši lo ne re le yemele!+ Le segele fote re le bonne!”+
ע [Ayin]
17 Jehova o makiye tso ne a tikemisele go di maka,+ o makiye tso a di hlayyeng,+
Tso a di bolabodiyeng ku botala.+
O yye a wo wisanya a boya a sa wo kwele go baba.+
O lisetsiye lenaba lago gore le go hlule le kene le jabodiye, o makiye gore manaba yago ma be le matšhika ya magolo.
צ [Tsade]
18 Wene morwediya wa Siyoni,* batho bago ba llela Jehova.
Maka gore dinepedi di yele bošego le motshegare go tshwana le nooka.
O sa tikwele go baba fote o sa lisetsi go lla.
ק [Qoph]
19 Tsoga! O lle o rasa bošego byo bongwana le byo bongwana, mo go thomisa go ba ka phu.
Tshollela pelo yago mahlong ga Jehova go tshwana le meetši.
Yemisela matsogo yago gage gore o phonise maphelo ya bana bago,
Ba gore ba yidibala ga khona ye nngwana le ye nngwana ya ku dipateng ka taba la tlala.+
ר [Resh]
20 Lebelela wene Jehova, o bone ye wa gore o mo wolodiye go baba.
Ayitsano basadi ba tshwanele gore ba je bana ba bona, bana ba bona ba gore ba ba gudisiye,+
Kela ayitsano maprista le baporofeta ba tshwanele ba ba bolayele tempeleng ya Jehova?+
ש [Shin]
21 Mošomanyana le mokgalabye ba yetsele ku fase ku dipateng ba kgwile.+
Makgareba yaka le masogana yaka ba ma bolayye ka sabola.+
Wene o bolayye batho ka letšatši lo ne o kwatiye ka lona; fote o ba bolayye o sa ba kwele go baba.+
ת [Taw]
22 Wene o maka gore go tle tsa go tshosa di tšwa mathoko ka moka nkare ke mo o ro bitsa batho ka letšatši la monyanya.+
Ka letšatši la mo Jehova a kwatiye a go na motho wa gore o yye a tšhaba kela a phona;+
Ga batho bo ke ba belegiyeng* ke boya ke ba godisa, lenaba laka le fetsiye ka bona.+
א [Aleph]
3 Ke nna monna ye a bonneng batho ba kwa go baba ka matla ka taba la gore Modimo ke mo a fufulele ke mokane a re wolola.
2 O nrakiye ke mokane a maka gore ke sepele letshwifing, ke sa sepele ga go khanya.+
3 Ka nnete o fo dulela go n’wolola letšatši ka moka.+
ב [Beth]
4 O makiye gore mmele waka le letlalo laka di hlagale;
O robannye mašapo yaka.
5 O yagiye lepharo la go ndukulugela; o makiye gore ke dukulugele ke tšhefu+ le dilo tsa go sasamela.
6 O makiye gore ke dule dipolekeng tsa letshwifi ka tšhinghi go tshwana le banna ba gore ba kgwile botala.
ג [Gimel]
7 O yagelele lepharo gore ke sa kgone go tšhaba;
Fote o ntlemme ka diketane tsa go roba tsa koporo.+
8 Fote mo ke lla ke mo rapela gore a n’gelepe, aa ntheetsele.+
9 O kwadiye ditsela tsaka ka matlapa ya gore ba ma fefiye;
O makiye gore di nthathafele gore ke sepele dipateng tsaka.+
ד [Daleth]
10 O yemele go nhlasela nkare ke bhere, nkare tawu ya gore yi ramele.+
11 O makiye gore ke tšwe dipateng tsaka ka tšhinghi ke mokane a ntlopolanya ka ba ditlopotlopo;
O makiye gore ke šale ke sa sa kgona go maka selo.+
12 O tikemisele go goga mosefo wage, fote o nyaka go thunya nna ka lenopa la gona.
ה [He]
13 O thudiye dipshyiyo tsaka ka manopa ya go tšwa sekhwameng sa mosefo wage.
14 Ba mmakiye selo sa gore batho ka mokana ga bona ba fo tshega sona, fote ba ro yepelela ka nna letšatši ka moka.
15 O makiye gore ke je tsa go ja tsa go galaka, a boya a maka le gore ke nwe le meetši ya semilane sa go galaka.+
ו [Waw]
16 O maka gore ke je matlapa go segela meno yaka ma robega;
O maka gore ke phukuluge luteng.+
17 Wene o makiye gore ke sa bebe; ke libele le dilo tsa gabutši.
18 Byalo ke re: “Go gadimela gaka go fediye, gana byalo a ke sa yemela gore Jehova a mmakele se sengwana.”
ז [Zayin]
19 Gopola dilo tsaka tsa go sasamela le taba ya gore a ke na ga go dula,+ semilane sa go galaka le tšhefu ya go galaka.+
20 Ka nnete wene o nyoko n’gopola wa boya wa n’gelepa.+
21 Ke nagana ka tsowa; nka taba lo ke nyoko lefisang pelo.+
ח [Heth]
22 Re sa na re phela ka taba la gore Jehova o šupetsana gore wa nyakanana,+
Aa lisetsi go kwelana go baba.+
23 Wene o re kwela go baba letšatši le lengwana le le lengwana;+ o dula o tshepega.+
24 Ke yitseri, “Dilo ka mokana ga tsona ke di kraya ga Jehova,+ nka taba lo ke nyoko mo yemelang nkene ke lefisiye pelo.”+
ט [Teth]
25 Jehova o mo tshwara gabutši motho wa gore o tshepela gage,+ wa gore o dula a nyaka gore Modimo a mo yetetse.+
26 Di gabutši gore o yemele Jehova gore a go phonise+ o kene o lefisiye pelo.+
27 Di gabutši gore motho a rwale lejoko lage go sa le ye monyana.+
י [Yod]
28 A dule a le ntoši fote a lefisiye pelo mo Modimo a mo rwesa lona.+
29 A yinamisele sefahlego sage fase;+ nakwenngwana a ka phonisiwa.+
30 A fo beyelela sekana ga ye a mo teyang; a mo lisetse a tikwise ka go mo rogelela.
כ [Kaph]
31 Ka taba la gore Jehova a ka sa re lahle go ya go yye.+
32 Le mo a yye a re kwisa go baba, o nyoko re kwela go baba ka gore o dula a šupetsa gore yene wa nyakanana.+
33 Ka gore a di šiyo ka pelong yage tsa go nyaka go kwisa barwayi ba batho go baba.+
ל [Lamed]
34 Modimo aa kwane le batho ba go gatelela mabhantiti ka moka ya ho lefaseng,+
35 Wa go gana go tshwara motho gabutši mahlong ga wa ku Malenghelengheng,+
36 Wa gore aa yahlule ba bangwana gabutši
—Jehova aa kwane le dilo tsa mošaga wonone.
מ [Mem]
37 Ke mang wa gore a ka bolabola selo sa makega go kene go se so Jehova a se nyakang?
38 Ka gore ye wa ku Malenghelengheng,
Aa bolabole dilo tsa go befa le tsa go bafala ka nako ka yyoši.
39 Ke ntaba motho a tshwanele a lle ka taba la maphomela ya dilo tso a di sinnyeng?+
נ [Nun]
40 Tla re nyakolleneng re boye re pombholeneng ditsela tsa rune+ ke mokane re boyele ga Jehova.+
41 Tla re kgopeleneng Modimo wa rune wa ku magedimong ka dipelo tsa rune ka moka fote re yemiseneng matsogo ya rune re hlaye gore:+
42 “Re sinnye ra boya ra go jikela,+ fote wene a wa re tshwarela.+
ס [Samekh]
43 A wa re theetsela mo re tla gago ka taba la gore ne o kwatiye;+
O yye wa re lelekisa wa re bolaya o sa re kwele go baba.+
44 O thibiye merapelo ya rune ka liru gore yi sa segele gago.+
45 O maka gore batho ba re nyenye fote ba re tseye re le dithila.”
פ [Pe]
46 Manaba ya rune ka mokana ga wona ma bolabola dilo tsa go befa ka rune.+
47 Re dula re tšhugiye, fote re tlela ke tsa go sasamela,+ ra kgongwela fote ra kgahleletsega.+
48 Dinepedi di yela go tshwana le meetši mo sefahlegong saka ka gore morwediya wa batho baka o kgahleletsegiye.+
ע [Ayin]
51 Maahlo yaka ma makiye gore ke kgongwele ka taba la barwediya baka ka mokana ga bona ba mutši waka.+
צ [Tsade]
52 Manaba yaka ma ntsoma go tshwana le nonyane ke sa maka selo.
53 Ba sinnye lephelo laka ka go nlahlela mokoting; ba fo ya mahlong ba mpoša ka matlapa.
54 Meetši ne ma nkugetsiye, ke mokane ka re: “Go fediye ka nna!”
ק [Qoph]
55 Ke bitsiye lebitso lago wene Jehova ke le ka gana ku teng ga mokoti.+
56 Ntheetsele, o sa kwale ditsebe mo ke go llela gore o n’gelepe, gore o n’yimulle.
57 O yye wa šutela thina gaka ka letšatši lo ke go bitsiyeng. Wa re: “O sa tšhoge.”
ר [Resh]
58 O n’yemelele wene Jehova, o phonisiye lephelo laka.+
59 O di bonne wene Jehova dilo tsa go befa tso ba mmakiyeng tsona, ke kgopela o n’yahlule gabutši.+
60 O di bonne dilo ka mokana ga tsona tso ba mmakiyeng tsona mo ba patedisa, o bonne le dilo ka mokana ga tsona tso ba mpolaneleng tsa go sa loka.
ש [Sin] or [Shin]
61 O kwile le mo ba nkwera wene Jehova, o bonne le dilo ka mokana ga tsona tso ba mpolaneleng tsa go sa loka,+
62 Tso bo ba nhlupegisang ba di hlayang le tso ba di bolabolang mo ba nseba letšatši ka moka.
63 Ba lebelele; ba nkwera ka dikoša tsa bona mo ba duli le mo ba yemelele!
ת [Taw]
64 Wene Jehova, o nyoko ba patedisa go ya ka tso ba di makiyeng.
65 Wene o nyoko ba wolola ka go maka gore ba tiwomise dihlogo.
66 Wene o nyoko ba lelekisa o kwatiye ke mokane wa fetsa ka bona ka tlase ga magedimo ya Jehova.
א [Aleph]
4 Gholdi ya go gadimela a yi sa gadimela, gholdi ya gore ke mong yona!+
Matlapa ya go hlawolega+ ma tlalaganne khoneng ya pata ye nngwana le ye nngwana!+
ב [Beth]
2 Barwayi ba Siyoni ba gore ne ba ba tseyela gedimo, ba gore ba ba tseya go tshwana le gholdi ya gore ba yi tulusiye,
Ba šele ba tseyiwa go tshwana le dipitsa tsa go makiwa ka botsopa,
Tsa gore di makiye ke motho wa go bereka ka botsopa!
ג [Gimel]
3 Le mong dijakalase di yangwisa bana ba tsona,
Mara morwediya wa batho baka o na le lešidi+ go tshwana le dimphu* tsa mašahleng.+
ד [Daleth]
4 Lleme la ngwananyana wa gore wa yangwa le napa le mamarela mo a yangwa ka taba la gore o wonngwe.
Bana ba kgopela sekgwa+ mara a go na ye a ba neyang.+
ה [He]
5 Bo ba tlwayeleng go ja mahinyahinya ba duli dipateng ba pawogiye.+
Bo ba gore ba gudisiwwe ba yapara llapi le lekhubedu+ la go tura ba nyoko yetsela gedimo ga ndhundhuma ya luta.
ו [Waw]
6 Tso morwediya wa batho baka a wolodiwweng ka tsona di phala tso Sodoma yi wolodiwweng ka tsona ka taba la tso yi di sinnyeng,+
Fote ba f’lo yi hlula ka go yakgoswa go se na le wa go yi gelepa.+
ז [Zayin]
7 Manazari+ yage ke mo ma yediye go phala kapoko, go le ya matšhwewu go phala lebese.
Ne ba kgubele go phala matlapa ya go tseyediwa gedimo ya lewatleng; ke mo ma tshwana le disafaya tsa go gadimela.
ח [Heth]
8 Go šele go le ba bantsho go phala magala;
Le batho a ba ba tšibi dipateng.
Letlalo la bona le mamarele ho mašapong ya bona;+ nkare ke lehlare la go woma.
ט [Teth]
9 Bo ba gore ba ba bolayye ka sabola ba phala bo ba gore ba bolayye ke tlala,+
Ba gore baa kgwa ka taba la go gayela tsa go ja tsa go tšwa mašomong nkare ba ba hlabiye ka sabola.
י [Yod]
10 Basadi ba go kwelana go baba ba yapegiye bana ba bona.+
Ba makiye gore go be tsa go ja tsa bona tsa mo ba lla ka nako ya mo morwediya wa batho baka a kgahleletsegiye.+
כ [Kaph]
11 Jehova o šupetsa gore o kwatiye;
O šupetsa gore o fufulele ka matla.+
Fote o maka gore go be le mollo ku Siyoni wa gore wo gagara difandhiši tsa yona.+
ל [Lamed]
12 Magoši ya lefase le batho ka mokana ga bona ba go dula nageng ne ba sa tshepe
Gore lenaba le ka feleletsa le kenne digheyiting tsa Jerusalema.+
מ [Mem]
13 Tsotsone di makegiye ka taba la tso di sinnyeng ke baporofeta bage, le melato ya maprista yage,+
Ba gore ba falatsiye madi ya batho ba go loka gare gage.+
נ [Nun]
14 Ke mo ba fo ya tlase le kgakala ku dipateng nkare a ba boni.+
Ba thilafele ka madi,+
La gore a go na le motho wa go kgona go tikisa dikobo tsa bona.
ס [Samekh]
15 Ba yitseri ga bona: “Ariyeneng ku, lune ba gore a le ya yela! Tloganeng! Tloganeng! Le sa re tikisi!”
Ka taba la gore a ba na ga go dula fote ba fo yinghayingha.
Batho ba hlayye ba le gare ga ditšhaba ba re: “Batho bowa ba ka sa duli howa le rune.+
פ [Pe]
16 Jehova o ba palakannye;+
Fote a ka sa sa tihlupa ka bona.
Batho ba ka sa sa hlompa maprista,+ ba ka sa kwele banna ba bagolo ba mutši wone go baba.”+
ע [Ayin]
17 Le maahlo ya rune ma tinnwe ka taba la go nyakela wa go re gelepa mara re sa mo kraye.+
Re yye ra nyaka gore setšhaba se re gelepe gatleletlele mara a se ya re phonisa.+
צ [Tsade]
18 Ba re nyakele tlase le kgakala+ la gore ne re sa sa kgona le go sepela mo go tleleng batho.
Go thina le go fela ka rune; matšatši ya rune ma fediye, ka gore nako ya gore go fele ka rune yi segele.
ק [Qoph]
19 Bo ne ba re lelekisa ba na le lebelo go phala kgwenyepi* ya ku sebakabakeng.+
Ba re lelekisiye ku dithabeng; ba re hlasela ku mašahleng.
ר [Resh]
20 Moya wa go phidisa, yene ye wa go hlawolega wa Jehova,+ ba mo krayye ga molete wa bona wo mogolo,+
Ye wa gore re yitseri ka yene: “Re nyoko dula re pasopegiye gare ga ditšhaba.”
ש [Sin]
21 Wene morwediya wa Edomo,+ jabola o boye o hlakele, o phele ka mokgo o phelang ka gona mone nageng ya Uzi.
Mara le wene ba nyoko go fitisela komitši ya tsa go sasamela,+ ke mokane wa tlayila wa boya wa yapola wa šala o yitsa.+
ת [Taw]
22 Wene morwediya wa Siyoni, ke šele ke fetsiye go go wolola ka taba la dilo tso o di sinnyeng.
Yene a ka sa sa go yisa bobhantiting.+
Mara yene o nyoko lebelela tso o di sinnyeng, wene morwediya wa Edomo.
A fo di šiya di yitsa.+
5 Barena Wene Jehova, gopola tso di re weleng.
Lebelela o bone dilo tsa go re poyila.+
2 Lefa la rune le krayye ke batho ba gore a re ba tšibi, dintlo tsa rune di krayye ke batho ba go tšwa ba sepela.+
3 Ke rune ditšhuwana tsa go se na bopapa; bommane ba rune ba tshwana le basadi ba go kgwela ke banna.+
4 Mo re nyaka go nwa meetši ya rune re ya patela,+ le mahlare ya rune re ya ma patelela.
5 Bo ba go re lelekisa ba thina le go re kraya;
Re tinnwe mara a re khutsi.+
6 Re tshepele ga Egepita+ le Asiriya+ gore re thogo kraya sekgwa sa go ja.
7 Bokokwane ba rune ba gore ba sinnye ba kgwile, mara rune re tshwanele re patele tso ba di sinnyeng.
8 Bo ba go sa re selo baa re lawola fote a go na motho wa go re lokolla ga bona.
9 Re beya lephelo la rune kotsing+ gore re thogo kraya tsa go ja ka taba la batho ba go tshwara disabola ku mašahleng.
10 Letlalo la rune le fisa nkare ke mollo ka taba la tlala yo yi re weleng.+
11 Ba poyidiye* basadi ba rune ku Siyoni le makgareba ya rune ku mitšing ya Juda.+
12 Dindhuna ba di fegiye ka letsogo ka lloši+ fote banna ba bagolo ba mutši ne ba sa sa ba hlompa.+
13 Masogana ma rwele tšhilo, fote dišomanyana di phika ke ngata ya mahlare.
14 Banna ba bagolo ba tlugiye digheyiting tsa mutši,+ masogana a ma sa kgana dikoša.+
15 A re sa jabodiye, a re sa bina re fo dulela go lla.+
16 Fapo ya rune ya ho hlogong yi wile. Re ko tikweleng ka taba la gore re sinnye!
17 Dipelo tsa rune di kwa go baba ka taba la tsotsone,+
Fote maahlo ya rune a ma sa bona gabutši ka taba la tsona,+
18 Ka taba la gore Thaba ya Siyoni ke lešupi,+ diphukubye di sepelanya ga yona.
19 Mara wene Jehova o dula setulong sago sa go lawola go ya go yye.
Setulo sago sa go lawola se nyoko ba gona go ya go yye.+
20 Ke ntaba o re libala le go re lahla nako ya go lefa?+
21 Maka gore re boye gago wene Jehova ke mokane re nyoko boya re sa jikajiki.+
Maka gore dinako tsowa tsa rune di tshwane le tsa ku botala.+
22 Mara wene o napiye o re lahla.
O re kwatele mong go re kwatela.+
Gabutšibutši ke “Wene lepharo la morwediya wa Siyoni.”
Kela “ke ba leyyeng ba philegiye.”
Kela “dimpshye.”
Ba bangwana ba re ke ntšhi, ke mohlobo wo mongwana wa segotšane.
Kela “ba reyipiye.”