DANIYELE

1 Ka mongwaga wa kararo wa mo go lawola Kgoši Jehoyakimi+ wa Juda, Kgoši Nebhukhadhinezara wa Bhabhilona a tla Jerusalema fote a yi dukulugela gore a thogo yi hlasela.+ 2 Mo nako yi kene yi ya, Jehova a maka gore Kgoši Nebhukhadhinezara a hlule Kgoši Jehoyakimi wa Juda,+ a maka le gore a tseye dilo tse dingwana tsa ntlong* ya Modimo wa mannete ke mokane a di yisa nageng ya Šinara*+ ntlong* ya modimo wage. A di beya mo ba beyang dilo tsa go tseyediwa gedimo tsa modimo wage.+

3 Ke mokane kgoši ya botsa Ašipenazi wa gore ke ndhuna ye kgolo gore a leye Maisrayele ya mangwana, a leye le ba bogošing le ba go tseyediwa gedimo.+ 4 Ne di nyaka go be bo ba gore ba sa gola ba gore ba bafele, ba philegiye, ba hlalefiye, ba tšiba dilo fote baa kwisisa,+ ba gore ba ka kgona go bereka ntlong ya kgoši. Ne di nyaka a ba tšhutise go ngwala le go bolabola mmolabolo wa Makhaladiya. 5 Go tokegela gana hone, kgoši yi makiye gore ka moka matšatši ba neyiwe tsa go ja tsa go tšwa ga mahinyahinya ya kgoši le wayini yo ne yi yi nwa. Ke mo ba nyoko fetsa kararo ya mengwaga ba kene ba tšhutisiwa, fote mo go fela nako yone ne ba nyoko berekela kgoši.

6 Byalo, mone ga bona ke mo go na le ba bangwana ba go tšwa ga leloko la Juda, ke mo go le: Daniyele,*+ Hananiya,* Mišayele* le Azariya.*+ 7 Fote ndhuna yone ye kgolo yi yye ya ba neya mabitso;* ya re Daniyele ke Bheltešazara,+ Hananiya ke Šadreke, Mišayele ke Mmišaka, Azariya ke Abhedniko.+

8 Mara Daniyele o yye a tipotsa gore a ka sa tithilafatse ka mahinyahinya ya kgoši kela ka wayini yo yi yi nwang. Byalo, a kgopela ndhuna yone gore yi mo dumelele a sa ji dilo tsone tsa gore di ka mo thilafatsa. 9 Ke mokane Modimo wa mannete a maka gore ndhuna yone yi šupetse Daniyele gore yi mo kwela go baba fote yi mo tshware gabutši.+ 10 Mara ndhuna yone ya re ga Daniyele: “Ke tšhaba kgoši morenaka, wa gore o hlayye gore le je ying fote le nwe ying. Ke nyoko re king mo a ka le bona le kwaritšele le sa tshwane le dithaka tsa lune? O nyoko maka gore ke be le molato mahlong ga kgoši.” 11 Mara Daniyele a botsa lelata lela la gore ndhuna ye kgolo yi le makiye gore le wokamele Daniyele, Hananiya, Mišayele le Azariya gore: 12 “Ke kgopela o liketse malata yago, fetsa lesome la matšatši o re neya merogo gore re je le meetši gore re nwe; 13 ke mokane o re lebelele, o lebelele le bo ba gore ba sa gola ba gore ba ja mahinyahinya ya kgoši, fote o segelele sepheto sa gore o maka ying ka rune go ya ka mokgo o re bonang ka gona.”

14 Ke mokane a theetsela tso ba di kgopelang, a fetsa lesome la matšatši a ba liketsa. 15 Mo go fela lesome la matšatši, ke mo ba phala bala ba bangwana ka mokana ga bona ba gore ke mo ba ja mahinyahinya ya kgoši, fote ke mo ba philegiye go ba phala. 16 Byalo, lelata lela ke mo le tlosa mahinyahinya ya bona le wayini ya bona, le ba neya merogo. 17 Modimo wa mannete a maka gore masogana yawa kanne ya wona ma hlalefe, ma tšibe dilo fote ma kwisise mohlobo wo mongwana le wo mongwana wa dilo tsa gore di ngwadiwwe, fote a maka gore Daniyele a kwisise mehlobo ka mokana ga yona ya memmono le meloro.+

18 Mo go šele go segele nako yela ya gore kgoši yi yitseri ba ba leye ka yona,+ ndhuna yela ye kgolo ya ba leya mahlong ga Nebhukhadhinezara. 19 Mo kgoši yi bolabola nabo, hala ga mogoba wela ke mo go se na le wa go tshwana le Daniyele, Hananiya, Mišayele le Azariya;+ byalo ba šala gana hone gore ba thogo berekela kgoši. 20 Kgoši ke mo yi ba butsisa dilo ka mokana ga tsona tsa gore di nyaka motho a hlalefiye fote a kwisisa, ya kraya gore ba ma phala kgole maprista ka mokana ga wona ya go maka tsa masalamose le bo ba go pombhola tsa ku mahlong+ ga mmušo wa yona ka mokana ga wona. 21 Fote Daniyele o duli gana hone go segela ka mongwaga wa mathomo wa mo go lawola Kgoši Sayirase.+

2 Ka mongwaga wa mabedi wa mo go lawola Nebhukhadhinezara, Nebhukhadhinezara o loriye dilo tsa go tlala, ke mo di mo hlupa+ la gore a šinye a šitega le go yetsela. 2 Byalo kgoši ya re ba bitse maprista ya go maka masalamose, bo ba go pombhola tsa ku mahlong, baloyi le Makhaladiya* gore ba botse kgoši tso yi di loriyeng. Byalo ba tla ba yema mahlong ga kgoši.+ 3 Ke mokane kgoši ya re ga bona: “Ke loriye, ke hlakahlakanne ka taba la gore ke nyaka go tšiba tso ke di loriyeng.” 4 Makhaladiya ma fetola kgoši ka Searamo*+ ma re: “Wene kgoši, nkare o ka phela go ya go yye. Botsa malata yago tso o di loriyeng ke mokane re nyoko go hlatollela tsona.”

5 Kgoši ya fetola Makhaladiya ya re: “Ke bolabola la mafelelo: Mo le sa mpotse tso ke di loriyeng le gore di ra gore king, le nyoko kupelediwa fote dintlo tsa lune go nyoko ba dithoyilete* tsa batho ka mokana ga bona. 6 Mara mo le ka mpotsa tso ke di loriyeng le gore di ra gore king, ke nyoko le neya dilo le patela, ka maka gore le hlompege.+ Byalo mpotseneng gore ke loriye ying le gore di ra gore king.”

7 Ba fetola la mabedi ba re: “Kgoši yi botse malata ya yona tso yi di loriyeng ke mokane re nyoko yi botsa gore di ra gore king.”

8 Kgoši ya re ga bona: “Ke di tšiba gabutši gore le liketsa go kraya nako, ka gore le ya tšiba gore ke yitseri king. 9 Mo le sa mpotse tso ke di loriyeng, ka mokana ga lune le nyoko makegela ke selo ka ssoši. Mara le kwanne go mpotsa matsaka go segela seyemo se tšhentšha. Mpotseneng tso ke di loriyeng, nko thogo tšiba gore le ka kgona go hlatolla gore di ra gore king.”

10 Makhaladiya ma fetola kgoši ma re: “Mo lefaseng a go na motho wa gore a ka kgona go maka tso kgoši yi di nyakang, ka gore a go na kgoši ye kgolo kela wa go lawola wa gore o yye a kgopela maprista ya go maka masalamose kela bo ba go pombhola tsa ku mahlong kela Makhaladiya gore ba make selo sa mošaga wone. 11 Tso kgoši yi di kgopelang di ya thathafa, fote a go na motho wa gore a ka kgona go botsa kgoši dilo tsowa, di ka kgona ke medimo ya gore a yi duli le batho.”

12 Mo ba reyane, kgoši ya kwata ka matla ya re go bolayiwe banna ba go hlalefa ka mokana ga bona ba Bhabhilona.+ 13 Mo molawo wowa wo ntshiwa, fote banna ba go hlalefa ba le thina le go bolayiwa, ba nyakele Daniyele le banghana bage gore le bona ba ba bolaye.

14 Ka nako yonone, Daniyele ke mo a šupetsa gore o hlalefiye fote a gata gabutši mo a bolabola le Ariyoko wa gore ke mo go le ndhuna ya bo ba go pasopa kgoši, wa gore ke mo a tšwile a ye bolaya banna ba go hlalefa ba Bhabhilona. 15 A butsisa Ariyoko wa go berekela kgoši gore: “Ke ntaba kgoši yi ntshiye molawo wa go baba ka mokgo?” Ke mokane Ariyoko a botsa Daniyele ka taba yone.+ 16 Byalo Daniyele a ya ga kgoši, a kgopela gore yi mo neye nako gore a thogo yi hlatollela gore tso yi di loriyeng di ra gore king.

17 Ke mokane Daniyele a ya ntlong yage, a botsa banghana bage Hananiya, Mišayele le Azariya ka taba yowa. 18 A ba kgopela gore ba rapele gore Modimo wa legedimong a ba kwele go baba, a ba wunyullele sephiri sowa gore Daniyele le banghana bage ba sa bolayiwi le banna ba go hlalefa ka mokana ga bona ba Bhabhilona.

19 Ke mokane Modimo a wunyullela Daniyele sephiri sone ka mmono bošego.+ Byalo Daniyele a thanaka Modimo wa legedimong. 20 Daniyele a re:

24 Ke mokane Daniyele a ya ga Ariyoko, wa gore kgoši yi mo romme gore a bolaye banna ba go hlalefa ba Bhabhilona,+ a re gage: “O sa bolaye banna ba go hlalefa ba Bhabhilona. N’yise mahlong ga kgoši, ke nyoko botsa kgoši gore tso yi di loriyeng di ra gore king.”

25 Ariyoko a yisa Daniyele ka go yakgoswa mahlong ga kgoši, a yi botsa gore: “Ke krayye motho gare ga mabhantiti ya Juda+ wa gore a ka botsa kgoši gore tso yi di loriyeng di ra gore king.” 26 Kgoši ya re ga Daniyele wa gore lebitso lage ke mo go le Bheltešazara:+ “Ayitsano o ka di kgona go mpotsa gore ke loriye ying le gore di ra gore king?”+ 27 Daniyele a re ga kgoši: “Ga banna ba go hlalefa, bo ba go pombhola tsa ku mahlong, maprista ya go maka masalamose kela ba go pombhola ba berekisa dinanedi, a go na ye a kgonang go botsa kgoši sephiri so yi nyakang go se tšiba.+ 28 Mara go na le Modimo ku magedimong wa gore o Wunyulla diphiri,+ fote o makiye gore Kgoši Nebhukhadhinezara a tšibe tso di nyoko makegang ka sekopa sa mafelelo sa matšatši ya mafelelo. Tsowa ke tso o di loriyeng, fote wowa ke mmono wo o wo bonneng nakwela o yetsele mpetong wago:

29 “Mara wene kgoši o loriye dilo tsa gore di nyoko makega ku mahlong, fote Ye wa go Wunyulla diphiri o makiye gore o tšibe tso di nyoko makegang. 30 Sephiri sowa a baa n’wunyullela sona ka taba la gore ke hlalefiye go phala ye mongwana le ye mongwana wa gore wa phela; mara ba n’wunyullele sona gore ke thogo botsa kgoši gore se ra gore king gore kgoši yi thogo tšiba tso ne yi di nagana mo yi kene yi lora.+

31 “Wene kgoši, ke mo o lebelele, wa bona sethombhe se segolo ka matla. Sethombhe sone sa gore ke mo go le se segolo ka matla fote se gadimela ka matla, ke mo se le mahlong gago fote ke mo se tshosa. 32 Hlogo ya sethombhe sone ke mo go le ya gholdi ya gore ke mong yona,+ sekguba sa sona le matsogo ya sona ke mo go le tsa silva,+ mpa le dirope tsa sona ke mo go le tsa koporo,+ 33 Mawoto ya sona ke mo go le ya tshipi,+ fote mo digatong tsa sona ke mo go gahlanne tshipi le botsopa.+ 34 Wene ke mo o kene o lebelele go segela go ngathega letlapa, ke mo le sa ngathe ke matsogo ya motho, letlapa lone la teya sethombhe sone ho digatong tsa tshipi ya gore yi gahlanne le botsopa ke mokane la di šilanya.+ 35 Ka nako yonone, tshipi, botsopa, koporo, silva le gholdi, ka mokana ga tsona dya šilegana fote dya ba nkare ke morooko wa hala ba tulelang gona ka selemo, dya rwala ke moya gwa šala go sa sa bonala le gore ne di le gona. Mara letlapa lela le teyyeng sethombhe sela gwa ba thaba ye kgolo, fote ya tlala lefase ka mokana ga lona.

36 “Tsowa ke tso o di loriyeng, fote gana byalo re nyoko botsa kgoši gore di ra gore king. 37 Wene kgoši⁠—kgoši ya magoši, wene wa gore Modimo wa ku legedimong o go neyye mmušo,+ matšhika le serithi, 38 wene wa gore o go neyye batho go gongwana le go gongwana mo ba dulang gona, a go neya le diphoolwane tsa hlaga le dinonyane tsa magedimong fote a maka gore o di lawole ka mokana ga tsona+⁠—ke wene hlogo ya gholdi.+

39 “Mara ka nthago gago go nyoko ba le mmušo wo mongwana,+ wa ka tlase ga wo wago; ke mokane ka nthago go nyoko ba le mmušo wo mongwana fote wa kararo, wa koporo wa gore wo nyoko lawola lefase ka mokana ga lona.+

40 “Mara mmušo wa kanne wo nyoko tiya go tshwana le tshipi.+ Akere tshipi ya pshyayanya ya boya ya šilanya dilo tse dingwana ka mokana ga tsona, go fo tshwana le tshipi ya gore ya pshyayanya, mmušo wowa wo nyoko pshyayanya wa šilanya yowa ye mengwana ka mokana ga yona.+

41 “Ka mokgo o bonneng digato le dinwana go le tsa tshipi ya gore yi gahlanne le botsopa, mmušo wone wo ka sa mamarelane, mara sekopa se sengwana sa mmušo wone se nyoko tiya nkare ke tshipi, ka mokgo o bonneng tshipi ya gore yi gahlanne le botsopa bya go tematema. 42 Akere digato ke mo go le tsa tshipi ya gore yi gahlanne le botsopa, le mmušo wone wo nyoko tiya ka nthoko ye nngwana, mara ka nthoko ye nngwana wo ka sa tiyi. 43 Ka mokgonola o bonneng tshipi ya go gahlana le botsopa bya go tematema, le dikopa tsa wona di nyoko gahlana le batho; mara ba ka sa mamarelane, ba ka sa nape ba ba selo ka ssoši, ka mokgonola tshipi yi ka sa kgoneng go ba selo ka ssoši le botsopa.

44 “Ka dinako tsa magoši yanane, Modimo wa ku legedimong o nyoko maka gore go be le mmušo+ wa gore go ka sa tsoge go fediye ka wona.+ Fote mmušo wowa wo ka sa neyiwi batho ba bangwana.+ Wo nyoko pshyayanya memmušo yowa ka mokana ga yona wa fetsa ka yona,+ fote wona wo nyoko ba gona go ya go yye,+ 45 go fo ya ka mokgo o bonneng letlapa le ngathega thabeng le sa ngathe ke matsogo ya motho, fote le šilanya tshipi, koporo, botsopa, silva le gholdi.+ Modimo ye mogolo o makiye gore kgoši yi tšibe tso di nyoko makegang ku mahlong.+ Tso o di loriyeng ke nnete, fote hlatollo ya tsona ya tshepega.”

46 Ke mokane Kgoši Nebhukhadhinezara a wela fase ka sefahlego mahlong ga Daniyele fote a šupetsa gore wa mo hlompa. A re ba mo neye sa go mo neya fote ba mo tšhubele tsa go nkgela. 47 Kgoši ya re ga Daniyele: “Ka nnete Modimo wago ke Modimo wa medimo le Morena wa magoši fote ke yene Wa go Wunyulla diphiri, ka taba la gore wene o kgonne go wunyulla sephiri sowa.+ 48 Ke mokane kgoši ya beya Daniyele ga mayemo ya gedimo, ya mo neya dilo tsa go tlala tsa go tseyediwa gedimo, ya maka gore a lawole ga poleke ya Bhabhilona ka mokana ga yona,+ fote ya maka gore go be ndhuna ye kgolo ya banna ba go hlalefa ka mokana ga bona ba Bhabhilona. 49 Daniyele o kgopele kgoši gore yi make gore Šadreke, Mmišaka le Abhedniko+ go be ba go gelepa bo ba go lawola ba gore ba yetetsa poleke ya Bhabhilona, kgoši ya maka ka mokgonone, mara Daniyele ke mo a bereka ntlong ya kgoši.

3 Kgoši Nebhukhadhinezara a maka sethombhe sa gholdi sa gore ke mo go le 60 ya dikhyubhiti* go ya gedimo fote go le kobodi ya dikhyubhiti* ka go psyaralala. A se beya ga gore go fo ba lekgwayi ku Dura polekeng ya Bhabhilona. 2 Ke mokane Kgoši Nebhukhadhinezara a roma ba bangwana gore ba kgobaketse dindhuna, ba go gelepa dindhuna, ba go lawola, ba go yeletsa, ba go tshwara tšheleta, ba go yahlula, dimejistreyiti le ka mokana ga bona ba go wokamela hone nageng gore ba tle ba di bone mo ba bula sethombhe sa gore se hlomme ke Kgoši Nebhukadnezara.

3 Byalo dindhuna, ba go gelepa dindhuna, ba go lawola, ba go yeletsa, ba go tshwara tšheleta, ba go yahlula, dimejistreyiti le ka mokana ga bona ba go wokamela hone nageng ba kgobakana gore ba tle ba di bone mo ba bula sethombhe sa gore se hlomme ke Kgoši Nebhukadnezara. Fote ba yema mahlong ga sethombhe so Nebhukhadhinezara a se beyyeng. 4 Ye wa gore kgoši yi roma yene a yahlamela a re: “Lune batho, ditšhaba le lune ba go bolabola mebolabolo ya mehlobohlobo le butsiwa gore, 5 mo le kwa modumo wa lenaka, flutu, harepa, harepa ye nyana, sa go kgana dikoša sa go ba le motato, flutu ye kgolo le dilo ka mokana ga tsona tsa go kgana dikoša, di nyaka le wele fase le rapele sethombhe sa gholdi sa gore se beyye ke Kgoši Nebhukhadhinezara. 6 Ye mongwana le ye mongwana wa gore aa wele fase a rapela sethombhe sone o nyoko napa a bošediwa mollong wa gore wo fisa ka matla.”+ 7 Byalo mo batho ka mokana ga bona ba kwa modumo wa lenaka, flutu, harepa, harepa ye nyana, sa go kgana dikoša sa go ba le motato le dilo ka mokana ga tsona tsa go kgana dikoša, batho ka mokana ga bona, ditšhaba le batho ba go bolabola mebolabolo ya mehlobohlobo ba wela fase ba rapela sethombhe sa gholdi sa gore se beyye ke Kgoši Nebhukhadhinezara.

8 Byalo ka nako yonone, Makhaladiya ya mangwana ma ya ga kgoši ma sola* Majuda. 9 Ma botsa Kgoši Nebhukhadhinezara gore: “Wene kgoši, nkare o ka phela go ya go yye. 10 Wene kgoši, o hlayye gore motho ye mongwana le ye mongwana ye a kwang modumo wa lenaka, flutu, harepa, harepa ye nyana, sa go kgana dikoša sa go ba le motato, flutu ye kgolo le dilo ka mokana ga tsona tsa go kgana dikoša a wele fase a rapele sethombhe sa gholdi; 11 le gore ye mongwana le ye mongwana wa gore aa wele fase a rapela sethombhe sone di nyaka a bošediwe mollong wa go fisa ka matla.+ 12 Mara go na le Majuda ya mangwana ya gore o ma hlawodiye gore ma wokamele poleke ya Bhabhilona: Šadreke, Mmišaka le Abhedniko.+ Banna bowa a ba go hlompe wene kgoši. A ba berekele medimo yago, fote ba gana go rapela sethombhe so o se beyyeng sa gholdi.”

13 Ke mokane Nebhukhadhinezara wa gore ne a fufulele a re ba leye Šadreke, Mmišaka le Abhedniko. Byalo, ba leya banna bone mahlong ga kgoši. 14 Nebhukhadhinezara a re ga bona: “Šadreke, Mmišaka le Abhedniko, ayitsano ke nnete gore a le berekele medimo yaka+ le gore le gana go rapela sethombhe so ke se beyyeng sa gholdi? 15 Byalo mo nkare mo le kwa modumo wa lenaka, flutu, harepa, harepa ye nyana, sa go kgana dikoša sa go ba le motato, flutu ye kgolo le dilo ka mokana ga tsona tsa go kgana dikoša, le tikemisele go wela fase le rapela sethombhe so ke se makiyeng, go lukiye. Mara mo nkare le gana go se rapela le nyoko napa le bošediwa mollong wa go fisa ka matla. Ke mang modimo wa gore a ka le phonisa matsogong yaka?”+

16 Šadreke, Mmišaka le Abhedniko ba fetola kgoši ba re: “Kgoši Nebhukhadhinezara, a di nyake re šinya re ro go fetola ga taba yowa. 17 Mo nkare di nyoko makega ka mokgonone, Modimo wa rune ye re mmerekelang o nyoko kgona go re phonisa mollong wa go fisa ka matla a boya a re phonisa letsogong lago wene kgoši.+ 18 Mara le mo a ka sa re phonisi, o di tšibe wene kgoši gore re ka sa berekele medimo yago kela ra rapela sethombhe so o se beyyeng sa gholdi.”+

19 Ke mokane Nebhukhadhinezara a kwatela Šadreke, Mmišaka le Abhedniko ka matla la gore a šinye a tšhentšha mo sefahlegong, a re ba rotetse mollo wone wo fise ga kašupa go phala matšatši. 20 A roma banna ba bangwana ba go ba le matšhika ba go tšwa ga masole yage gore ba tleme Šadreke, Mmišaka le Abhedniko fote ba ba bošele mollong wa go fisa ka matla.

21 Byalo, banna bowa ba ba tlema ba kene ba sa yapere dikobo tsa bona tsa ka tawong, dikobo, dikefa le dikobo tse dingwana ka mokana ga tsona, ba ba bošela mollong wa gore wo fisa ka matla. 22 Ka taba la gore molawo wa kgoši ke mo wo thathafa fote mollo wone wo fisa ka matla-matla, banna bo ba tsereng Šadreke, Mmišaka le Abhedniko ba ba yisa mollong ba bolayye ke kgafo ya mollo wone. 23 Mara banna bowa kararo ya bona, Šadreke, Mmišaka le Abhedniko ba wela mollong wone wa go fisa ka matla ba kene ba ba tlemme.

24 Ke mokane Kgoši Nebhukhadhinezara a thomisa go tšhoga, a tlogamela ka go yakgoswa a butsisa bo ba go mo yeletsa a re: “Anthe a re ya tlema kararo ya banna ra ba bošela hala mollong?” Ba fetola kgoši ba re: “Eya kgoši.” 25 A re: “Ye lune! Ke bona kanne ya banna ba sepela-sepela hala gare ga mollo, a baa kwalela fote yewa wa kanne o tshwana le morwayi wa medimo.”

26 Nebhukhadhinezara a šutela monyako wa hala go nang le mollo a re: “Šadreke, Mešake, Abhedniko, lune malata ya Modimo wa ku Malenghelengheng,+ tšwanneng le tle howa!” Šadreke, Mmišaka le Abhedniko ba tšwa hala mollong. 27 Ke mokane dindhuna, bo ba go gelepa dindhuna, ba go lawola le bo ba go yeletsa kgoši, ba gore ke mo ba kgobakanne hone+ ba di bona gore mollo wela a wa ba maka selo ga banna bowa;+ le mong moriri wa dihlogo tsa bona a wa swa, dikobo tsa bona tsa ka tawong ke mo di sa fo ba ka mokgonola fote ke mo ba sa nkge muši le ka gonyana.

28 Ke mokane Nebhukhadhinezara a re: “Go thanakiwe Modimo wa Šadreke, Mmišaka le Abhedniko+ wa gore o romme lengeloyi lage a phonisa malata yage. Ba tshepele gage, ba sa theetsele tso kgoši yi reng ba di make fote ke mo ba tikemisele go kgwa, ke mo ba sa nyake go berekela kela go rapela modimo ye mongwana, ke mo ba nyaka go rapela Modimo wa bona a ntoši.+ 29 Byalo, ke beya molawo wa gore motho ye mongwana le ye mongwana, setšhaba kela batho ba go bolabola mebolabolo ya mehlobohlobo ba gore ba hlaya dilo tsa gore a yi tsona ka Modimo wa Šadreke, Mmišaka le Abhedniko ba kupelediwe fote dintlo tsa bona go be dithoyilete* tsa batho ka mokana ga bona; ka gore a go na modimo wa go kgona go phonisa go tshwana le yewa.”+

30 Ke mokane kgoši ya maka gore Šadreke, Mmišaka le Abhedniko ba phomelele hone polekeng ya Bhabhilona.+

4 “Kgoši Nebhukhadhinezara a botsa batho ka mokana ga bona, ditšhaba le batho ba mebolabolo ya mehlobohlobo bo ba dulang lefaseng ka mokana ga lona gore: Nkare le ka beba ka matla! 2 Di njabodisa ka matla gore ke bolabole ka mešupetso le dilo tsa go makatsa tsa gore Modimo wa ku Malenghelengheng o mmakele tsona. 3 Mešupetso yage ke ye megolo ka matla, fote o maka dilo tse dikgolo tsa go makatsa! Mmušo wage wo nyoko dula wo le gona, fote o nyoko lawola go tlugisela ga leloko le lengwana go segela ga le lengwana.+

4 “Nna Nebhukhadhinezara, ke mo ke tiketliye ntlong yaka fote dilo di nsepelela gabutši. 5 Ke loriye dilo tsa gore di ya ntshosa. Mo nkene ke yetsele mpetong waka ke bonne dithombhe le mmono tsa gore di ya ntshosa.+ 6 Byalo ke ntshiye molawo wa gore ba leye banna ba go hlalefa ka mokana ga bona ba Bhabhilona mahlong gaka gore ba nhlatollele gore tso ke di loriyeng di ra gore king.+

7 “Ka nako yonone, gwa kena maprista ya go maka tsa masalamose, ba go maka dilo tsa go makatsa, Makhaladiya le ba go berekisa dinanedi mo ba pombhola tsa ku mahlong.+ Mo ke ba botsa tso ke di loriyeng, ba šitegiye go mpotsa gore di ra gore king.+ 8 Gwa fetsa go tlile Daniyele mahlong gaka, wa gore lebitso lage ke Bheltešazara+ la gore ke lebitso la modimo waka,+ wa gore o na le moya wa medimo ya go hlawolega,+ ke mokane ka mmotsa tso ke di loriyeng ka re:

9 “‘Wene Bheltešazara ndhuna ya maprista ya go maka tsa masalamose,+ ke di tšiba gabutši gore moya wa medimo ya go hlawolega wo ho gago+ fote a go na sephiri sa gore se ka go šita.+ Byalo, nhlatollele mmono wo ke wo bonneng mo ke lora le gore wo ra gore king.

10 “‘Ga mmono wo ke wo bonneng mo ke le mpetong waka, ke bonne mohlare+ wa gore ke mo wo le gare ga lefase, fote ke mo wo lefiye ka matla.+ 11 Mohlare wone wa gola, wa tiya, wa segela magedimong fote ke mo wo bonala le ku mafelelong ya lefase. 12 Matlakala ya wona ke mo ma bafele, wo na le diyengwa tsa go tlala, fote ho ga wona ke mo go na le tsa go ja tsa dilo tsa go phela ka mokana ga tsona. Diphoolwane tsa hlaga ke mo di kraya morithi ka tlase ga wona, dinonyane tsa magedimong ke mo di dula makaleng ya wona fote dilo ka mokana ga tsona tsa gore di ya phela ke mo di kraya tsa go ja hone ga wona.

13 “‘Mo nkene ke bona mmono ke le mpetong waka, ke bonne wa go pasopa, wa go hlawolega, a thewoga a tšwa magedimong.+ 14 A yahlamela a re: “Kupaneng mohlare wone,+ kupaneng makala ya wona, wisaneng matlakala ya wona fote le tlalaganye diyengwa tsa wona! Diphoolwane tso di leng ka tlase ga wona le dinonyane tso di leng makaleng ya wona di tšhabe. 15 Mara le lisetse tšhiko le ditšhika tsa yona ho fase, yi tlemiwe ka tshipi le koporo hala gare ga mabyang ya mašahleng. Yi kolobise ke phooka ya magedimong, yi be gare ga diphoolwane tsa hlaga gare ga mabyang.+ 16 Pelo ya yona yi tšhentšhiwe go sa sa ba ya motho, yi neyiwe pelo ya phoolwane ya hlaga fote go fete+ kašupa ya dinako.+ 17 Tsowa di hlaya ke bo ba go pasopa,+ ke tso di kgopelang ke bo ba go hlawolega gore batho bo ba phelang ba di tšibe gore Ye wa ku Malenghelengheng o Lawola memmušo ya batho,+ o wo neya ye mongwana le ye mongwana ye a nyakang go mo neya wona fote a ka maka gore go lawole le mong motho wa go sa re selo.”

18 “‘Tsowa ke tso nna Kgoši Nebhukhadhinezara ke di loriyeng; byalo, wene Bheltešazara mpotse gore di ra gore king, ka gore banna ba go hlalefa ka mokana ga bona ba mmušong waka ba šitega go mpotsa gore di ra gore king.+ Mara wene wa di kgona, ka taba la gore o na le moya wa medimo ya go hlawolega.’

19 “Ka nako yonone, Daniyele wa gore lebitso lage ke mo go le Bheltešazara,+ ke mo a makele ka senakonyana ke mokane tso ne a di nagana dya thomisa go mo tshosa.

“Kgoši ya re, ‘Wene Bheltešazara, tso ke di loriyeng le tso di relang tsona di sa go tshose.’

“Bheltešazara a re, ‘Barena morenaka, nkare tso o di loriyeng di ka makegela bo ba go hloyyeng, tso di relang tsona dya makegela manaba yago.

20 “‘Mohlare wo o wo bonneng wa gore wo gudiye wa ba wo mogolo fote wa tiya, wa gore ke mo wo segela magedimong fote wo bonala lefaseng ka mokana ga lona,+ 21 wa gore ke mo wo na le matlakala ya go bafala, diyengwa tsa go tlala, dilo tsa go phela ka mokana ga tsona di kraya tsa go ja ga wona, wa gore diphoolwane tsa hlaga ke mo di dula ka tlase ga wona, wa gore fote dinonyane tsa magedimong ke mo di dula gedimo ga makala ya wona,+ 22 ke wene, wene kgoši, ka gore o gudiye wa ba ye mogolo fote wa ba le matšhika, bogolo byago bya segela magedimong+ fote mmušo wago wa segela mafelelong ya lefase.+

23 “‘Fote kgoši yi bonne wa go pasopa, wa go hlawolega,+ a thewoga a tšwa magedimong, wa gore ke mo a re: “Kupaneng mohlare wone, mara le šiye tšhiko ya wona le ditšhika tsa wona ho fase, yi tlemiwe ka tshipi le koporo gare ga mabyang ya mašahleng. Yi kolobise ke phooka ya magedimong, yi be gare ga diphoolwane tsa hlaga go segela go fela kašupa ya dinako.”+ 24 Yowa ke hlatollo ya gona, wene kgoši; ke tso Ye wa ku Malenghelengheng a hlayyeng gore di tshwanele di makegele kgoši morenaka. 25 O nyoko rakiwa bathong, wa dula le diphoolwane tsa hlaga, o nyoko ja mabyang go tshwana le dikgomu; o nyoko kolobisa ke phooka ya magedimong,+ fote go nyoko feta+ kašupa ya dinako+ go segela wene o di tšiba gore Ye wa ku Malenghelengheng o lawola memmušo ya batho fote o wo neya ye mongwana le ye mongwana ye a nyakang go mo neya wona.+

26 “‘Mara ka gore ba yitseri ba šiye tšhiko ya mohlare wone le ditšhika tsa yona,+ mmušo wago go nyoko ba wago fote, mara tsotsone di nyoko makega mo o šele o di tšiba gore magedimo maa lawola. 27 Byalo, wene kgoši, nkare o ka yamogela tso ke go yetetsang ka tsona. Lisetsa go sinya o make tsa gabutši, fote o lisetse go maka tsa go sa loka, o kwele bo ba go tihlupegela. Nakwenngwana o ka fo ya mahlong o phomelela.’”+

28 Dilo tsowa ka mokana ga tsona di makegele Kgoši Nebhukhadhinezara.

29 Ka nthago ga 12 ya dikgwedi ke mo a sepela gedimo ga ntlo ya bogošing ya Bhabhilona. 30 Kgoši ke mo yi re: “Anthe yowa a yi Bhabhilona ye kgolo ya gore nna ke yi yagiye ka matšhika yaka gore go be ntlo ya bogošing gore yi gadimise bogolo byaka?”

31 Mo kgoši yi kene yi sa bolabola, gwa kwagala lentsu le tšwa magedimong le re: “Wene Kgoši Nebhukhadhinezara, o butsiwa gore, ‘Mmušo wo tlugiye ho gago,+ 32 fote wene o rakiwa bathong. O nyoko dula le diphoolwane tsa hlaga, wa ja mabyang go tshwana le dikgomu, fote go nyoko fela kašupa ya dinako go segela wene o di tšiba gore Ye wa ku Malenghelengheng o Lawola memmušo ya batho fote o wo neya ye mongwana le ye mongwana ye a nyakang go mo neya wona.’”+

33 Ka nako yonone, mantsu yane ma makegela Nebhukhadhinezara. Yene o rakiwwe bathong, a thomisa go ja mabyang go tshwana le dikgomu, fote mmele wage wa kolobisa ke phooka ya magedimong go segela moriri wage wo gola go tshwana le mafofa ya kgwenyepi* fote manala yage ma tshwana le ya nonyane.+

34 “Mo nako yone yi fela,+ nna Nebhukhadhinezara ka lebelela magedimong fote monagano waka wa thomisa go boya; ka thanaka Ye wa ku Malenghelengheng, ka thanaka ye wa gore o phela go ya go yye ka boya ka mo gadimisa, ka gore mmušo wage ke wa go ya go yye fote wo tloga ga leloko le lengwana go segela ga le lengwana.+ 35 Batho ka mokana ga bona ba go dula lefaseng ba tseyiwa go se selo, o maka so a se nyakang ka masole ya legedimong le ka batho ba lefaseng. Fote a go na ye a ka mo thibelelang+ kela a mmutsisa gore, ‘O makiye ying?’+

36 “Ka nako yonone monagano waka wa boya, mmušo waka le bogolo bya wona gwa ba tsa gaka fote, ka hlompiwa, ka boyela ka gadimisiwa.+ Dindhuna tsaka le banna ba go tseyediwa gedimo ba boyela ba butsisa nna, ka thomisa go lawola fote, ka gadimisiwa go phala mathomisong.

37 “Byalo nna Nebhukhadhinezara, ke thanaka Kgoši ya ku magedimong+ fote ke ya yi gadimisa, ka taba la gore dilo ka mokana ga tsona tso yi di makang ke tsa nnete fote mokgwa wa yona wa go maka dilo wo lukiye+ le ka taba la gore yi poyila bo ba gore ba na le magetla.”+

5 Ka nako ya mo Bhelšazara+ go le kgoši, o makiye monyanya wo mogolo a makela sekiti sa banna bage ba go tseyediwa gedimo fote ke mo a nwa wayini mahlong ga bona.+ 2 Mo Bhelšazara a šele a kwa wayini, a re ba leye dikomitši tsa gholdi le tsa silva tsa gore papage Nebhukhadhinezara o di tsere tempeleng ku Jerusalema,+ gore kgoši, banna ba go berekela kgoši ba gore ba tseyediwa gedimo, batlabo ba yona le basadi ba yona ba bangwana ba nwe ka tsona. 3 Ke mokane ba leya dikomitši tsa gholdi tsa gore ba di tsere tempeleng ya ntlo ya Modimo ku Jerusalema, fote kgoši, banna ba go berekela kgoši ba gore ba tseyediwa gedimo, batlabo ba yona le basadi ba yona ba bangwana ba nwa ka tsona. 4 Ba nwile wayini ke mokane ba thanaka medimo ya gholdi, silva, koporo, tshipi, kwata le letlapa.

5 Ka nako yonone gwa nyarela menwana ya letsogo la motho, ya thomisa go ngwala lepharong la ntlo ya kgoši la gore le libanne le setšhubampara, fote kgoši ke mo yi bona ka nthago ga letsogo lone mo le kene le ngwala. 6 Ke mokane kgoši ya šala yi pawogiye, ya tshosa ke tso yi di naganang, maseka ya yona ma tekateka+ fote matolo ya yona ma thomisa go kgwelakgwetla.

7 Kgoši ya yahlamela ya re ba bitse ba go maka dilo tsa go makatsa, Makhaladiya le bo ba go pombhola ba berekisa dinanedi.+ Kgoši ya botsa banna ba go hlalefa ba Bhabhilona gore: “Ye a ka balang tso di ngwadiwweng a boya a mpotsa gore di ra gore king o nyoko yapesiwa kobo ye phepholo, ba nyoko mo tšhela nekleyisi ya gholdi+ fote o nyoko ba wa kararo ga bo ba go lawola ho mmušong.”+

8 Ke mokane banna ba go hlalefa ba go berekela kgoši ka mokana ga bona ba tla, mara ba šitega go bala tso di ngwadiwweng kela go hlatollela kgoši gore di ra gore king.+ 9 Kgoši Bhelšazara ke mo a tšhugiye ka matla fote sefahlego sage sa šala se pawogiye; banna bo ne a le nabo ba go tseyediwa gedimo ke mo ba makele.+

10 Mmane* wa kgoši a kena ka ku ba makeleng monyanya, ka taba la gore o kwile mantsu ya kgoši le banna bo ne yi le nabo ba gore ba tseyediwa gedimo. A re: “Wene kgoši, nkare o ka phela go ya go yye. O sa tshose ke tso o di naganang, fote o sa lisetsi sefahlego sago se pawoga. 11 Go na le monna ye mongwana ho ga mmušo wago wa gore o na le moya wa medimo ya go hlawolega. Ka nakwela go sa phela papago, go yye gwa krayega gore monna yewa wa tšiba, wa kwisisa fote o hlalefiye go tshwana le ka mokgo medimo yi hlalefiyeng ka gona.+ Papago Nebhukhadhinezara a mo hlawola gore go be ndhuna ya maprista ya go maka tsa masalamose, ba go maka dilo tsa go makatsa, Makhaladiya le bo ba go pombhola ba berekisa dinanedi;+ papago o makiye ka mokgonone, wene kgoši. 12 Ka taba la gore Daniyele, yela wa gore kgoši yi mo reyye lebitso ya re ke Bheltešazara+ o na le moya wo mongwana wa go sa tlwayelega, o tšiba dilo fote o kwisisa gabutši gore a thogo hlatolla meloro le mong go hlatolla dithayila fote le taba ya gore yi faseganne o kgona go yi fasolla.+ Byalo, hlaya gore ba bitse Daniyele, yene o nyoko go hlatollela gore dilo tsowa di ra gore king.”

13 Byalo ba leya Daniyele mahlong ga kgoši. Kgoši ya butsisa Daniyele gore: “Ayitsano ke wene Daniyele, ye mongwana wa mabhantiti ya go tšwa Juda,+ wa gore papaka wa gore ne go le kgoši o mo tsere Juda?+ 14 Ke kwile ka wene gore o na le moya wa medimo+ le gore wa tšiba, wa kwisisa fote o hlalefiye ka mokgwa wa go makatsa.+ 15 Byalo, ba nleyele banna ba go hlalefa le ba go maka dilo tsa go makatsa gore ba bale tso di ngwadiwweng le go mpotsa gore di ra gore king, mara baa šitega go mpotsa gore molayetsa wowa wo ra gore king.+ 16 Mara ke di kwile gore wene o kgona go hlatolla dilo+ fote le taba ya gore yi faseganne o kgona go yi tlemolla. Byalo mo o ka di kgona go bala tso di ngwadiwweng wa boya wa mpotsa gore di ra gore king, o nyoko yapesiwa kobo ye phepholo, ba nyoko go tšhela nekleyisi ya gholdi fote o nyoko ba wa kararo ga bo ba go lawola ho mmušong.”+

17 Daniyele a fetola kgoši a re: “O sa nneyi selo, di neye ba bangwana. Mara ke nyoko balela kgoši tso di ngwadiwweng ka boya ka yi hlatollela gore di ra gore king. 18 Wene kgoši, Modimo wa ku Malenghelengheng o neyye papago Nebhukhadhinezara mmušo a boya a maka gore a be ye mogolo, a hlompege fote a be le serithi.+ 19 Ka taba la gore Modimo o makiye gore go be ye mogolo, batho ka mokana ga bona, ditšhaba le batho ba mebolabolo ya mehlobohlobo ke mo ba hlagasela mahlong gage.+ Ke mo a bolaya ye mongwana le ye mongwana ye ne a nyaka go mmolaya fote ye mongwana le ye mongwana ye a nyakang a phela ke mo a mo lisetsa a phela, ke mo a maka gore ye mongwana le ye mongwana ye a mo nyakang a hlompiwe fote a poyila ye mongwana le ye mongwana ye a nyakang go mo poyila.+ 20 Mara mo a thomisa go ba le magetla fote a ba le tšhinghi la gore a šinye a titshepa ka matla,+ a thewosiwa setulong sage sa bogoši fote a sa sa ba le serithi. 21 A rakiwa bathong, pelo yage ya ba nkare ke ya phoolwane ya go tshosa ya hlaga fote ke mo a dula le dipitsi.* Ba mo neyye mabyang gore a je go tshwana le dikgomu, fote mmele wage wo yye wa kolobisa ke phooka ya magedimong go segela a di tšiba gore Modimo wa ku Malenghelengheng o Lawola memmušo ya batho fote o wo neya ye mongwana le ye mongwana ye a nyakang go mo neya wona.+

22 “Mara wene Bhelšazara morwayi wage, a wa tinyanafatsa le mo o kene o tšiba dilo tsowa ka mokana ga tsona. 23 Mara o timakiye ye mogolo ga Morena wa magedimong,+ o yitseri ba go leyele dikomitši tsa ntlong yage.+ Ke mokane wene, banna bo ne o le nabo ba go tseyediwa gedimo, batlabo bago le basadi bago ba bangwana le nwile wayini ka tsona, la thanaka medimo ya silva, gholdi, koporo, tshipi, kwata le letlapa, medimo ya gore a yi boni, a yi kwi fote a yi tšibi selo.+ Mara a wa gadimisa Modimo wa gore ke yene a lawolang lephelo lago+ le dilo ka mokana ga tsona tso o di makang. 24 Byalo, letsogo lowa le tšwa gage fote ke yene a makiyeng gore le ngwale dilo tsowa.+ 25 Tsowa ke tso le di ngwadiyeng: MENE, MENE, TEKELE le PARASINI.

26 “Hlatollo ya mantsu yawa ke yowa: MENE, Modimo o balele matšatši ya mmušo wago fote a fetsa ka wona.+

27 “TEKELE, ba go beyye sekaleng ba kraya gore wa fefoga.

28 “PERESE, mmušo wago ba wo yahlugannye ba wo neya Mamede le Maperesiya.”+

29 Ke mokane Bhelšazara a ba roma gore ba yapese Daniyele kobo ye phepholo, ba mo tšhele nekleyisi ya gholdi; fote ba sabalatse gore Daniyele go nyoko ba yene wa kararo ga bo ba go lawola ho mmušong.+

30 Bošego byobyone, Bhelšazara kgoši ya Makhaladiya a bolayiwa.+ 31 Mmušo wone gwa ba wa Dariyase+ wa Lemede; ke mo a na le gana hala ga 62 ya mengwaga.

6 Dariyase o bonne di le gabutši gore a hlawole 120 ya dindhuna gore di wokamele mmušong ka mokana ga wona.+ 2 Ke mo di wokamela ke kararo ya dindhuna, Daniyele+ ke mo go le ye mongwana wa tsona, fote dindhuna+ tsone ke mo di botsa bona gore dilo di sepela byang gore dilo tsa kgoši di dule di pasopegiye. 3 Byalo Daniyele ke mo a phala ba bagolo ba mmušo le dindhuna, ka gore ke mo a na le moya wa go sa tlwayelega+ fote kgoši ke mo yi tikemisele go mo neya mayemo ya gedimo ga mmušo wone ka mokana ga wona.

4 Ka nako yonone, bo ba bagolo ba mmušo le dindhuna ke mo ba nyakana le so ba ka solang Daniyele ka sona mo di tla ga ditaba tsa mmušo, mara ke mo ba sa se kraye, ke mo go se na so a sa se makeng gabutši, ka gore ke mo a tshepega, a maka mmereko wage gabutši fote a sa make bošakašakane. 5 Ke mokane banna bowa ba re: “A go na le ka ssoši sa gore re ka sola Daniyele ka sona, di ro nyaka re kraya selo so a sa se makeng gabutši sa go sipidisana le molawo wa Modimo wage.”+

6 Byalo, bo ba bagolo ba mmušo le dindhuna ba rwalagana ba ya ga kgoši, ke mokane ba re ga yona: “Wene Kgoši Dariyase, nkare o ka phela go ya go yye. 7 Malata ya bogošing ka mokana ga wona, bo ba go gelepa dindhuna, dindhuna, bo ba go yeletsa le bo ba go lawola ba bolabodisanne gore go be le molawo wa ka bogošing, ke mo ba nyaka molawo wa gore go fele 30 ya matšatši go se na motho wa gore o kgopela selo ga modimo ye mongwana kela ga motho ye mongwana mara a kgopele ga kgoši, mo a ka sa make ka mokgonone a bošediwe mokoting wa ditawu.+ 8 Byalo kgoši, re kgopela o make molawo wone fote o wo tšekete+ gore wo sa tšhentšhiwi, go ya ka molawo wa Mamede le Maperesiya wa gore mo wo ntshiwwe wo tshwanele go fo makiwa.”+

9 Byalo Kgoši Dariyase a tšeketa molawo wone.

10 Mara mo Daniyele a di kwelela gore molawo wone wo tšeketiwwe, a ya ntlong yage ya gore mafastere ya kamara ya yona ya ka kgakala ya gore ma libiye Jerusalema ke mo ma bulegiye.+ Fote ke mo a kgotama a rapela a thanaka Modimo wage ga kararo ka letšatši ka mokgo ne a tlwayele go maka ka gona mo go soko ba le molawo wowa. 11 Ka nako yonone, banna bone ba tilahlela ntlong ya Daniyele ba mo kraya a llela Modimo wage a mo kgopela gore a mo kwele go baba.

12 Byalo ba ya ga kgoši ba mo gopotsa ka molawo wela wa bogošing ba re: “Anthe a wa tšeketa molawo wa gore go fele 30 ya matšatši go se na ye a kgopelang selo ga modimo ye mongwana kela ga motho ye mongwana mara a kgopele gago o ntoši, wene kgoši, le gore motho wa go sa wo theetsele di nyaka a bošediwe mokoting wa ditawu?” Kgoši ya fetola ya re: “Go ka mokgonone, go ya ka molawo wa Mamede le Maperesiya wa gore wo ka sa tšhentšhiwi.”+ 13 Ba napa ba botsa kgoši gore: “Daniyele, wa gore ke ye mongwana wa mabhantiti ya go tšwa Juda+ aa go theetsela wene kgoši, fote aa theetsela molawo wo o wo tšeketiyeng, mara o rapela ga kararo ka letšatši.”+ 14 Mo kgoši yi fetsa go kwa dilo tsowa, ke mo yi kgongwele ka matla, ya liketsa go kraya polane ya go phonisa Daniyele; letšatši le šinnye le kgwalala yi kene yi karakara gore yi mo phonise. 15 Banna bone ba fetsa ba rwalaganne ba yye ga kgoši, ba botsa kgoši gore: “Wene kgoši, o sa libale gore molawo wa Mamede le Maperesiya wo re molawo wo mongwana le wo mongwana wa gore wo ntshiye ke kgoši a wo tšhentšhiwi.”+

16 Byalo kgoši ya re ba late Daniyele, ke mokane ba mo leya, ba mmošela mokoting wa ditawu.+ Kgoši ya re ga Daniyele: “Modimo wago wa gore o dula o mmerekela o nyoko go phonisa.” 17 Ke mokane ba leya letlapa ba kwala mokoti wone ka lona, kgoši ya mereka letlapa lone ka ringi ya yona le ka diringi tsa banna ba go tseyediwa gedimo gore go sa tšhentšhiwi selo ka sepheto so ba se segeleleng ka Daniyele.

18 Ke mokane kgoši ya ya ntlong ya yona. Ya fetsa bošego ka moka yi tikona tsa go ja fote ya sa nyake le go theetsela dikoša, ke mo yi sa kgone le go yetsela. 19 Mo go thomisa go khanya ka bošego, kgoši ya tsoga ya tabogela ku mokoting wa ditawu. 20 Mo yi kene yi šutela hala mokoting, ya yahlamela Daniyele yi kene yi kgongwele. Kgoši ya butsisa Daniyele gore: “Daniyele barena, wene lelata la Modimo wa go phela, ayitsano Modimo wago wa gore o dula o mmerekela o di kgonne go go phonisa ga ditawu tsowa?” 21 Daniyele a napa a re ga kgoši: “Wene kgoši, nkare o ka phela go ya go yye. 22 Modimo waka o romele lengeloyi lage la kwala melomo ya ditawu tsowa,+ a di ya nkwaletsa+ ka taba la gore o mponne ke se na molato; fote a ke ya go sinyela selo wene kgoši.”

23 Kgoši ke mo yi jabodiye ka matla, fote ya hlaya gore ba ntshe Daniyele hala mokoting. Mo ba mo ntsha ke mo a sa kwalela le ka gonyana, ka taba la gore ke mo a tshepele ga Modimo wage.+

24 Kgoši ya re ba leye banna bala ba go sola Daniyele, ba ba leya, ba ba bošela mokoting wa ditawu, ba bošela le barwayi le basadi ba bona. A baa segela le ku tlase, ditawu tsela dya ba di šele di ba kabiye fote dya pshyayanya mašapo ya bona ka mokana ga wona.+

25 Ke mokane Kgoši Dariyase a ngwalela batho ka mokana ga bona, ditšhaba le batho ba mebolabolo ya mehlobohlobo ba ho lefaseng ka mokana ga lona+ gore: “Nkare le ka beba ka matla! 26 Ke ntsha molawo wa gore ga poleke ye nngwana le ye nngwana ya mmušo waka, di nyaka batho ba tšhabe Modimo wa Daniyele+ fote ba mo hlompe. Ka gore ke Modimo wa go phela fote o nyoko ba gona go ya go yye. Go ka sa fele ka mmušo wage, fote o nyoko lawola go ya go yye.+ 27 Wa pasopa,+ wa phonisa fote o maka mešupetso le dilo tsa go makatsa legedimong le lefaseng,+ ka gore o phonisiye Daniyele gore ditawu di sa mmolaye.”

28 Byalo Daniyele dya mo sepelela gabutši mmušong wa Dariyase+ le mmušong wa Sayirase wa Leperesiya.+

7 Ka mongwaga wa mathomo wa mo go lawola kgoši Bhelšazara+ wa Bhabhilona, Daniyele a lora, fote a ba le memmono mo a kene a yetsele mpetong wage.+ Ke mokane a ngwala tso a di loriyeng;+ o ngwadiye ditaba ka mokana ga tsona. 2 Daniyele o hlayye gore:

“Ke mo nkene ke lebelele memmono yo ne ke le nayo bošego, ye lune! ka bona go tšutla kanne ya mehlobo ya moya ya magedimong yi boya yi ro dunghanya lewatle le legolo.+ 3 Ka bona le kanne ya diphoolwane tse dikgolo tsa go tshosa+ di tšwa mone lewatleng, ke mo di sa tshwane.

4 “Phoolwane ya mathomo ke mo yi tshwana le tawu,+ fote yi na le mafafela ya kgwenyepi.*+ Ke yi lebelele go segela mafafela ya yona ma hlubega, ya yinusiwa lefaseng ya makiwa gore yi yeme ka mawoto ka mabedi go tshwana le motho, ya neyiwa pelo ya motho.

5 “Gwa nyarela phoolwane ye nngwana ya mabedi ya go tshwana le bhere.+ Ke mo yi yemisiye loto, ke mo yi tshwere kararo ya dihlokoro ka meno; ke mokane ya butsiwa gore, ‘Tlogamela, o je nama ya go tlala.’+

6 “Ka nthago ka ya mahlong ke lebelele, gwa nyarela phoolwane ye nngwana ya go tshwana le lepogo,+ mara ke mo yi na le kanne ya mafafela ya go tshwana le ya nonyane ka ho mokolong. Fote phoolwane yone ke mo yi na le kanne ya dihlogo,+ ya neyiwa matšhika ya gore yi lawole.

7 “Ka nthago ga hone ka ya mahlong ke lebelele memmono ya bošego, ka bona phoolwane ya kanne, ke mo yi tshosa, yi na le matšhika ya go sa tlwayelega fote yi na le meno ya magolo ya tshipi. Ke mo yi kgwisa fote yi pshyayanya se sengwana le se sengwana so ne yi gahlana naso, tso ne di šala ke mo yi di gatelanya ka mawoto ya yona.+ Ke mo yi sa tshwane le diphoolwane tsela tsa mathomo ka mokana ga tsona fote ke mo yi na le lesome la manaka. 8 Mo nkene ke sa lebelele manaka yane, gwa nyarela le lengwana le lenyana+ ho gare ga wona, kararo ya manaka ga yala ya mathomo ma ntshiwa mahlong ga lona. Ye lune! ke mo go na le maahlo ya go tshwana le ya motho ga lenaka lowa, fote ke mo go na le molomo wa gore ke mo wo bolabola wo kene wo kganya.+

9 “Ke yye mahlong nkene ke lebelele go segela go beyiwa ditulo tsa go lawola, fote Ye ne a le Gona go Tlugisela ku Botala+ a dula fase.+ Dikobo tsage ke mo go le tse ditšhwewu go tshwana le kapoko,+ fote moriri wage wo tshwana le wulu ya gore yi yediye. Setulo sage sa go lawola ke mo go le kgafo ya mollo; mabilo ya sona ke mo go le mollo wa go dura.+ 10 Ke mo go na le senookane sa mollo se yela se tšwa mo gage.+ Dikitikiti tsa mangeloyi ke mo di ya mahlong di mmerekela, mahlong gage ke mo go na le dimiliyoni tsa go tlala tsa mangeloyi.+ Khota+ ya thomisa go yahlula, ke mokane gwa budiwa dipuku.

11 “Ka ya mahlong ke lebelele ka taba la mantsu ya go kganya ya ne ma bolabola ke lenaka lela;+ ka lebelela go segela phoolwane yela yi bolayiwa fote yi lahlediwa mollong gore go fele ka yona. 12 Mara diphoolwane tsela tse dingwana ka mokana ga tsona tsa go tshosa tsa hlaga,+ ba di yamoga matšhika ya go lawola, ke mokane ba maka gore tse dingwana di phele nako ye kopana, tse dingwana di phele nako ya go lefa.

13 “Ka ya mahlong ke lebelele memmono ya bošego, ka bona ye mongwana wa go tshwana le morwayi wa motho+ a tla ka maru ya magedimong; ba mo dumelela gore a kene hala ga gore mo go na le Ye wa Gore ke mo a le Gona go Tlugisela Botala,+ fote ba mo yisa mahlong Gage. 14 Ba mo neya matšhika ya go lawola,+ ba maka gore a hlompiwe+ fote ba mo neya le mmušo gore batho, ditšhaba le batho ba mebolabolo ya mehlobohlobo ba berekele yene.+ Mmušo wage ke wa go ya go yye, fote go ka sa tsoge go fediye ka wona.+

15 “Mara nna Daniyele, ke mo ke kgahleletsegiye ka taba la gore memmono yo ke yi bonneng ke mo yi ntshosa.+ 16 Ke šutele ga ye mongwana wa bo ne ba yemme hone ka mmutsisa gore gabutšibutši dilo tsowa di ra gore king. Byalo a mfetola, a mpotsa gore dilo tsowa di ra gore king.

17 “‘Kanne ya diphoolwane tsowa tse dikgolo tsa go tshosa,+ ke kanne ya magoši ya gore ma nyoko lawola lefaseng.+ 18 Mara bo ba go hlawolega ba Ye wa ku Malenghelengheng+ ba nyoko kraya mmušo,+ fote mmušo wone+ go nyoko ba wa bona go ya go yye, eya, go ya go yye.’

19 “Byalo, ke mo ke nyaka go tšiba tsa go feta hone ka phoolwane yowa ya kanne ya go tshosa, ya gore ke mo yi sa tshwane le diphoolwane tsela tse dingwana ka mokana ga tsona; ke mo yi tshosa ka mokgwa wa go sa tlwayelega, yi na le meno ya tshipi le manala ya koporo, ke mo yi kgwisa fote yi pshyayanya se sengwana le se sengwana so ne yi gahlana naso, tso ne di šala ke mo yi di gatelanya ka mawoto ya yona;+ 20 ne ke nyaka go tšiba le ka lesome la manaka+ ya ne ma le hlogong ya yona, le ka lenaka le lengwana lo le nyareleng la gore kararo ya manaka yala ma wile mahlong ga lona,+ lenaka la gore ke mo le na le maahlo le molomo wa gore ke mo wo bolabola wo kene wo kganya, la gore mo o le lebelele ke mo go le le legolo ga yala ya mangwana.

21 “Ke f’lo ya mahlong nkene ke lebelele mo lenaka lone le lwa le bo ba go hlawolega, fote ke mo le ba hlula,+ 22 go segela mo Ye wa Gore ke mo a le Gona go Tlugisela Botala+ a tla a yahlula, gwa hlula bo ba go hlawolega ba Ye wa ku Malenghelengheng+ go segela go tla nako yo yi beyiwweng ya gore bo ba go hlawolega ba tseye mmušo go be wa bona.+

23 “Tsowa ke tso a di hlayyeng: ‘Phoolwane ya kanne ke mmušo wa kanne wa gore wo nyoko lawola lefaseng. Wo ka sa tshwane le memmušo ye mengwana, wo nyoko hlasela wa fetsa ka se sengwana le se sengwana so wo se krayang lefaseng.+ 24 Fote lesome la manaka yala ke lesome la magoši ya gore ma nyoko tšwa ga mmušo wone; go sa nyoko ba le kgoši ye nngwana ka nthago ga wona, yi ka sa tshwane le magoši yala ya mathomo, fote yi nyoko poyilanya magoši kararo ya wona.+ 25 Yi ka sa bolabole gabutši ka Ye wa ku Malenghelengheng,+ yi nyoko fo ya mahlong yi hlupegisa bo ba go hlawolega ba Ye wa ku Malenghelengheng. Yi nyoko tikemisela go tšhentšha dinako le molawo, fote go nyoko fela nako, dinako le sekopa sa nako* bo ba go hlawolega ba neyiwwe kgoši yone.+ 26 Mara Khota ya thomisa go yahlula, fote kgoši yone ba yi tseyela mmušo gore go nape go ro fela ka yona.+

27 “‘Fote mmušo, matšhika ya go lawola le bogolo bya memmušo ka tlase ga magedimo dya neyiwa batho ba go hlawolega ba Ye wa ku Malenghelengheng.+ Mmušo wa bona ke wa go ya go yye,+ fote memmušo ka mokana ga yona yi nyoko ba berekela ya boya ya ba theetsela.’

28 “Taba yowa yi felela howa. Mara nna Daniyele, tso ne ke di nagana di ntshusiye ka matla, ka šala ke pawogiye; mara ke f’lo kgomolela ka taba yone.”

8 Ka mongwaga wa kararo wa mo go lawola Kgoši Bhelšazara,+ nna Daniyele ke bonne mmono ka nthago ga wela ke wo bonneng.+ 2 Ke bonne mmono, fote mo nkene ke lebelele ke mo ke le ntlong ya bogoši hala Šušani*+ ya gore yi Elama;+ ga mmono wone ke tiponne ke le thina le nooka ya Ulayi. 3 Mo ke lebelela, ka bona nku ya phoolo+ yi yemme mahlong ga nooka yone, fote ke mo yi na le manaka ka mabedi.+ Manaka yane ka mabedi ke mo ma lefiye, mara le lengwana ke mo le feta le lengwana, lo la gore ne le feta le lengwana le nyarele ka nthago.+ 4 Ka bona nku yela yi taboga yi ya ka bodikela, ka lebowa le ka borwa gore yi thogo hlasela, fote ke mo go se na phoolwane ya go tshosa ya gore yi ka yema mahlong ga yona, fote ke mo go se na ye a ka kgonang go phonisa ba bangwana ga yona.+ Ke mo yi maka so yi se nyakang fote yi na le magetla.

5 Mo nkene ke lebelele, ka bona sephongho+ se tšwa ka bodikela se feta lefaseng ka mokana ga lona se sa tikisi fase. Fote sephongho sone ke mo se na le lenaka le legolo mo gare ga maahlo ya sona.+ 6 Ke mo se bakiye ga nku yela ya phoolo ya go ba le manaka ka mabedi, ya gore ke yi bonne yi yemme mahlong ga nooka yela; ne se tabogela ga yona se kwatiye ka matla.

7 Ke se bonne se šutela thina ka matla le nku yela, fote ke mo se yi kwatele ka matla. Sa hlasela nku yela, sa roba manaka ya yona ka mabedi, nku yela ke mo yi se na matšhika ya go lwa naso. Sa wisela nku yela fase, sa yi gatelanya fote ke mo go se na ye a ka yi phonisang ga matšhika ya sona.

8 Ke mokane sephongho sela sa tigudisa ka matla, mara mo se thomisa se ba le matšhika, lenaka lela le legolo la robiwa; gwa mila kanne ya manaka ya magolo mo ne lele gona ya gore ma libiye ga kanne ya dikhona tsa lefase.+

9 Ga le lengwana la wona gwa nyarela lenaka le lengwana le lenyana, matšhika ya lona ke mo ma segela ka nthoko ya ka borwa, ka nthoko ya ka bohlabela le ka nthoko ya Naga ya go Bafala.+ 10 La gola ka matla la gore le šinye le segela ga masole ya magedimong, fote la maka gore masole ya mangwana le dinanedi tse dingwana di wele lefaseng, ke mokane la di gatelanya. 11 Ke mo le titseya le phala Ndhuna ya masole, ya* sa sa makediwa dihlabelo letšatši le lengwana le le lengwana, fote poleke ya yona ya go rapela ga yona yo yi yi makiyeng yi wisiwwe.+ 12 La kraya mogoba le sehlabelo so ne se dula se makiwa, ka taba la gore lenaka lone ke mo le sinya; ka gonyana ka gonyana la lahlela nnete lefaseng, fote mo le maka dilo ke mo le phomelela.

13 Ka kwa ye wa go hlawolega a bolabola, fote ye mongwana wa go hlawolega a butsisa ye ne a bolabola gore: “Mmono wa sehlabelo so ne se dula se makiwa le lenaka la go dulela go sinya wo nyoko tseya nako ya go lefa go segela kaye,+ ka nthoko go kene go gatediwa poleke ya go hlawolega le mogoba?” 14 Byalo a re gaka: “Go nyoko fela 2 300 ya matšatši;* fote ka nnete poleke ya go hlawolega yi nyoko boyela ga seyemo sa yona sa gabutši.”

15 Mo nna Daniyele nkene ke sa lebelele mmono wone fote ke nyaka go wo kwisisa, mo ke re phaphara, ka bona ye mongwana wa nkare ke motho a yemme mahlong gaka. 16 Ke mokane ka kwa lentsu la motho hala Ulayi,+ a yahlamela a re: “Ghabhriyele,+ maka gore motho yene a kwisise tso a di bonneng.”+ 17 Byalo a tla thina le mo ne ke yemme gona, mara mo a tla ke mo ke tšhugiye ka matla la gore ke šinye ke wela fase ka sefahlego. A re gaka: “Morwayi wa motho, o kwisise gore mmono wowa wo nyoko makega ka dinako tsa mafelelo.”+ 18 Mara mo a kene a sa bolabola le nna, ka ya ka boroko sefahlego saka se kene se tikisiye ho fase. Byalo a ntikisa, a maka gore ke tlogamele ke yeme mo ne ke yemme gona.+ 19 Ke mokane a re: “Ke nna yewa ke maka gore o tšibe tso di nyoko makegang ka sekopa sa mafelelo sa mo go yahludiwa, ka taba la gore di nyoko makega ka nako yo yi beyiwweng ka nako ya mafelelo.+

20 “Nku ya phoolo ya go ba le manaka ka mabedi yo o yi bonneng yi yemela magoši ya Mede le Peresiya.+ 21 Sephongho sa go ba le maboya ya go tlala se yemela kgoši ya Gerika;+ fote lenaka le legolo la gore ne le le gare ga maahlo ya sona le yemela kgoši ya mathomo.+ 22 Lenaka lela la gore le robiwwe gore go thogo tšwa kanne ya manaka mo ne le le gona,+ go nyoko ba le kanne ya memmušo ya go tšwa ga setšhaba sage, mara yi ka sa be gona ka matšhika yage.

23 “Fote ka dinako tsa mafelelo tsa memmušo ya bona, mo bo ba go sinya ba šele ba ya ka matla, go nyoko ba le kgoši ya go tshosa ya gore yi kwisisa dilo tsa go thathafa. 24 Yi nyoko ba le matšhika ya magolo, mara matšhika yane ma ka sa tšwe ga yona beng. Yi nyoko sinya ka mokgwa wa go sa tlwayelega, fote yi nyoko phomelela ga se sengwana le se sengwana so yi se makang. Yi nyoko fetsa ka bo ba go ba le matšhika, ya fetsa le ka batho ba gore ba hlawolegiye.+ 25 Ka taba la gore ke sešakašakane, yi nyoko phomelela mo yi tshokanya ba go tlala; yi nyoko kakola magetla; yi nyoko fetsa ka ba go tlala ka nako ya mo go pasopegiye. Fote yi nyoko lwa le Ndhuna ya dindhuna, mara yi nyoko robiwa yi sa robe ke matsogo ya motho.

26 “Tso ba di hlayyeng ga mmono ka dihlabelo tsa gore di makiwa letšatši le lengwana le le lengwana, ka malobana le ka bošego ke nnete, mara o make gore mmono wone go be sephiri, ka gore wo bolabola ka dilo tso di nyoko makegang ku mahlong.”+

27 Mara nna Daniyele ke mo ke tinnwe, fote ke fetsiye matšatšinyana ke lwala.+ Ke mokane ka tsoga ka maka mmereko wa kgoši;+ mara ke mo ke kgwile bogašu ka taba la tso ke di bonneng fote ne go se na ye ne a ka di kwisisa.+

9 Ka mongwaga wa mathomo wa mo go lawola Dariyase+ morwayi wa Ahasuwerosi⁠—motlogolo wa Mamede wa gore ke mo ba mmeyye gore go be kgoši ya mmušo wa Makhaladiya+⁠— 2 ka mongwaga wa mathomo wa mo a lawola, nna Daniyele ke berekisiye dipuku* gore ke thogo kwisisa gore go ya ka mantsu ya Jehova a ma butsiyeng Jeremiya wa gore ke moporofeta, go nyoko fela 70 ya mengwaga Jerusalema+ go le lešupi.+ 3 Byalo ka liba ga Jehova Modimo wa mannete, ka rapela di mpaba, ka tikona tsa go ja,+ ka yapara masaka fote ka titšhela ka luta. 4 Ka rapela Jehova Modimo waka, ka hlaya tso re di sinnyeng ka re:

“Barena Jehova Modimo wa mannete, Wene ye mogolo wa gore fote wa makatsa, wene wa gore bo ba gore ba go nyaka ka matla ba boya ba theetsela melawo yago o ba kwela go baba+ fote o maka tso le kwanneng ka tsona,+ 5 re sinnye, ra kekemisa, ra maka dilo tsa go sa loka fote re go dhelele;+ re keketlele ga melawo yago le ga mekgwa yago ya go yahlula. 6 A re ya theetsela malata yago ya gore ke baporofeta,+ ya gore ma bolabodiye ka lebitso lago ga magoši ya rune, dindhuna tsa rune, bokokwane ba rune le ga batho ka mokana ga bona ba mo nageng. 7 Wene Jehova, ke wene Modimo wa go loka, mara lekgono rune re tšebiye, ka mokana ga rune, batho ba Juda, batho ba go dula Jerusalema le Israyele ka mokana ga yona, ba gore ba thina le ba gore ba kgole, dinageng ka mokana ga tsona tsa gore o ba tlalagannye ga tsona ka taba la gore a baa tshepega gago.+

8 “Barena Jehova, rune le magoši ya rune, dindhuna tsa rune le bokokwane ba rune re tšebiye ka taba la gore re go sinyele. 9 Jehova Modimo wa rune, wene wa tshwarelana+ fote o kwelana go baba, mara rune re go dhelele.+ 10 A re ya theetsela lentsu la Jehova Modimo wa rune, ka gore a re ya latelela melawo yo a re neyyeng yona a berekisa malata yage ya gore ke baporofeta.+ 11 Israyele ka mokana ga yona yi tshidiye Molawo wago fote ya go jikela ka go sa theetsele lentsu lago, byalo, o re leyele senyama le tso di tshepisiwweng tsa gore di ngwadiwwe ga Molawo wa Moše lelata la Modimo wa mannete,+ ka gore re go sinyele. 12 Wene o makiye tso o hlayyeng gore di nyoko re makegela+ le tso di nyoko makegelang bo ba go lawola ba gore ne ba re lawola,* wa re leyela dilo tsa go sasamela ka matla; dilo tso di makegiyeng Jerusalema a di soko makega lefaseng ka mokana ga lona.+ 13 Dilo tsowa ka mokana ga tsona tsa go sasamela di re makegele+ go fo ya ka mokgo go ngwadiwweng ga Molawo wa Moše, mara a re ya kgopela Jehova Modimo wa rune gore a re kwele go baba, ra lisetsa go sinya+ ra boya ra yi tseyela hlogong taba ya gore wene o maka so o se hlayyeng.

14 “Byalo, Jehova o yye mahlong a lebelele fote a re leyela tsa go sasamela, ka gore Jehova Modimo wa rune o lukiye ga dilo ka mokana ga tsona tso a di makiyeng; mara rune a re ya theetsela lentsu lage.+

15 “Byalo, wene Jehova Modimo wa rune, Wene wa gore o ntshiye batho bago nageng ya Egepita ka letsogo+ lago la go ba le matšhika wa boya wa timakela lebitso go segela lekgono lo,+ re sinnye fote re makiye dilo tsa go befa. 16 Barena Jehova, re kgopela o sa kwatele mutši wago wa Jerusalema, thaba yago ya go hlawolega ka gore o dula o maka dilo tsa gabutši;+ batho ka mokana ga bona ba gore ba re dukulugele ba poyila Jerusalema le batho bago ka taba la tso re di sinnyeng le ka taba la tso bokokwane ba rune ba sa di makang gabutši.+ 17 Barena Modimo wa rune, theetsela mo lelata lago le rapela fote o theetsele tso le di kgopelang, makela poleke yago ya go hlawolega+ ya gore ke lešupi+ dilo tsa gabutši gore o thogo gadimisiwa wene Jehova. 18 Barena Modimo waka, ntheetsele! Bula maahlo yago o bone mutši wago wa gore go šele go le lešupi, mutši wa gore ke mo wo bitsiwa ka lebitso lago; ka gore a re go kgopele ka taba la gore re maka dilo tsa gabutši mara re go kgopela ka taba la gore o kwelana go baba ka matla.+ 19 Barena Jehova, re theetsele. Barena Jehova, re tshwarele.+ Barena Jehova, o sa re takisi maahlo fote o make se sengwana! O sa diyege, gore o thogo gadimisiwa wene Modimo waka, ka gore lebitso lago ne le bitsiwa mutšing wago le bathong bago.”+

20 Mo nkene ke sa bolabola, ke rapela, ke hlaya tso ke di sinnyeng le tso di sinnyeng ke batho baka ba Israyele fote ke kgopela Jehova Modimo waka gore a yi kwele go baba thaba ya go hlawolega ya Modimo waka,+ 21 eya, mo nkene ke sa rapela, Ghabhriyele+ wa gore ke thomisiye ke mmona mmonong+ a tla gaka nakwela ke tinnwe ka matla, mo go šele go nyoko makiwa sehlabelo sa ka malobana. 22 A maka gore ke kwisise, a re:

“Daniyele, gana byalo ke tlile gore ke make gore o bone dilo gabutši fote o kwisise. 23 Nakwela o thomisa go kgopela go tšwile lentsu, fote ke tl’le go botsa lona ka taba la gore wene o tseyediwa gedimo.+ Byalo, ghayela ka taba yowa fote o kwisise mmono wowa.

24 “Go na le 70 ya mabeke* ya ba ma beyeleng batho ba genu le mutši wa genu wa go hlawolega+ gore go sudiwe molato, go fele ka tso ba di sinnyeng+ le gore tso ne di kekemme di lebalege,+ ke mokane go kene tsa go loka tsa go ya go yye,+ mmono le seporofeto+ ba di teyele stempe, ke mokane go tlotsiwe Poleke ya Go Hlawolega ka Matla. 25 O di tšibe fote o kwisise gore go tlugisela ka nako ya mo go tšwa lentsu la gore Jerusalema+ yi yagiwe ka bonyuwane go segela go tla Mesiya*+ wa go Yeta Mahlong,+ go nyoko ba le kašupa ya mabeke le 62 ya mabeke.+ Jerusalema yi nyoko tsusiwa ya boya ya yagiwa ka bonyuwane, ba yi yagela mmakete poleke ya batho ka moka ba boya ba yepa le mosela wa meetši, mara tsone ba nyoko di maka ka dinako tsa go sasamela.

26 “Ka nthago ga 62 ya mabeke, Mesiya o nyoko bolayiwa,+ a šala a se na selo.+

“Go nyoko tla masole le ye a ma yetang mahlong fote ma nyoko fetsa ka mutši wone le ka poleke ya go hlawolega.+ Mogogola wo nyoko fetsa ka wona. Go nyoko ba le ntwa go segela mafelelong; Modimo o segelele sepheto sa gore go nyoko ba mašupi.+

27 “O nyoko maka gore go fele beke ka yyoši kwano yone yi bereka ga ba go tlala; mo beke yone yi tla gare, o nyoko maka gore go sa sa ba le dihlabelo tsa diphoolwane le dihlabelo tse dingwana.+

“Ke mokane ye wa gore wa sinyanya o nyoko ba a le ga lefafela la dilo tsa go silikisa;+ Modimo o nyoko tshollela sepheto so a se segeleleng ga ye wa go sinyanya go šinya go segela nako ya gore go fele ka yene.”

10 Ka mongwaga wa kararo wa mo go lawola Kgoši Sayirase+ wa Peresiya, Modimo o wunyullele Daniyele taba ye nngwana, Daniyele wa gore ke mo ba re ke Bheltešazara;+ molayetsa wa gona ke mo go le wa nnete, ke mo wo bolabola ka ntwa ye kgolo. Ke mo a kwisisa molayetsa wone fote a kwisisa tso a di bonneng.

2 Ka nako yonone, nna Daniyele ke mo ke fetsiye kararo ya mabeke ke lla.+ 3 Ke mo ke sa ji mahinyahinya, a ke ya ja nama kela ka nwa wayini, fote go fediye kararo ya mabeke ke sa tlole makgura. 4 Ka letšatši la bo 24 la kgwedi ya mathomo, mo ke le thina le nooka ye kgolo ya Tighrisi,*+ 5 ke tsusiye hlogo ka bona monna a yapere kobo ya linene,+ fote mo masekeng yage ke mo a tlemme lepanta la gholdi ya go tšwa Ufazi. 6 Mmele wage ke mo wo tshwana le khrisolayiti,+ sefahlego sage mo o se lebelele ke mo se tshwana le legadima, maahlo yage ke mo ma tshwana le malampa ya go dura, matsogo yage le mawoto yage ke mo ma tshwana le koporo ya gore yi gadimisiwwe,+ fote modumo wa mantsu yage ke mo wo tshwana le modumo wa batho ba go tlala. 7 Mmono wone wo bonne ke nna ke ntoši, nna Daniyele; banna bo ne ke le nabo a baa wo bona.+ Mara ba tšhugiye ka matla, ba tšhaba, ba wutama.

8 Ke mokane ka šala ke ntoši, fote mo ke bona mmono wo wa go makatsa, ke šele ke sa sa na matšhika, sefahlego saka sa pawoga ka matla, matšhika yaka ka mokana ga wona ma fela.+ 9 Ke mokane ka mo kwa a bolabola; mara mo ke mo kwa a bolabola, ka ya ka boroko sefahlego saka se kene se tikisiye ho fase.+ 10 Mara ka kwa letsogo le ntikisa,+ la nšiginya gore ke tsoge ke kgotame ka matolo nkene ke tshwarelele ho fase. 11 Ke mokane a re gaka:

“Wene Daniyele, wene wa gore o tseyediwa gedimo ka matla,+ theetsela mantsu ya ke nyoko go botsang wona. Byalo, yema polekeng yago, ka gore ba nromme ho gago.”

Mo a reyane, ka tlogamela nkene ke hlagasela.

12 Ke mokane a mpotsa gore: “O sa tšhoge+ wene Daniyele. Mantsu yago ma kwagele go tlugisela ka letšatši la mathomo la mo o tikemisela go kwisisa fote o tinyanafatsa mahlong ga Modimo wago, ke tlile ka taba la mantsu yago.+ 13 Mara ndhuna+ ya mmušo wa Peresiya yi fetsiye 21 ya matšatši yi kene yi phigisana le nna. Mara Mayikhele*+ wa gore ke ye mongwana wa dindhuna tse dikgolo, a tla a n’gelepa; fote nna ne ke šele gana hone ke le ka nthoko ga magoši ya Peresiya. 14 Ke tlile go tl’le maka gore o kwisise tso di nyoko makegelang batho ba genu ka sekopa sa mafelelo sa matšatši ya mafelelo,+ ka gore mmono wowa wo bolabola ka dilo tso di nyoko makegang ku mahlong.”+

15 Byalo, mo a mpotsa mantsu yawa ka lebelela fase, ka hloka molomo. 16 Ke mokane yela wa go tshwana le motho a tikisa molomo waka,+ ka bula molomo ka botsa yela wa gore ke mo a yemme mahlong gaka gore: “Morenaka, mmono wowa wa ntshosa fote a ke na matšhika.+ 17 Byalo, nka kgona byang go bolabola le morenaka?+ Ka gore gana byalo a ke na matšhika fote a ke kgone le go wona.”+

18 Yela wa go tshwana le motho a ntikisa fote, a ntiyisa.+ 19 Ke mokane a re gaka: “O sa tšhoge,+ wene wa gore o tseyediwa gedimo ka matla.+ Nkare o ka beba.+ Tiyelela, eya, tiyelela.” Mo a kene a bolabola le nna, ka tiyelela, ka re: “Bolabola morenaka, ka gore o ntiyisiye.”

20 Ke mokane a re: “Wa di tšiba gore ke ntaba ke tlile gago? Gana byalo ke nyoko boyela ke ye lwa le ndhuna ya Peresiya.+ Mo ke tloga, ndhuna ya Gerika yi nyoko tla. 21 Mara ke nyoko go botsa dilo tsa gore di ngwadiwwe pukung ya nnete. A go na ye a yemang le nna ga dilo tsowa, go fo ba Mayikhele+ a ntoši, yene wa gore ke ndhuna yago.+

11 “Ka mongwaga wa mathomo wa mo go lawola Dariyase+ wa Lemede, nna ke tlogamele gore ke mo tiyise le gore ke mo pasope. 2 Tso ke nyoko go botsang tsona gana byalo ke nnete:

“Bona! Go sa nyoko ba le kararo ya magoši ya mangwana nageng ya Peresiya, ya kanne yi nyoko ghanya ka matla go phala ya mangwana ka mokana ga wona. Mo yi šele yi tiyelele ka taba la gore yi ghannye, yi nyoko berekisa selo se sengwana le se sengwana gore yi thogo lwa le mmušo wa Gerika.+

3 “Go nyoko ba le kgoši ya go ba le matšhika,+ fote yi nyoko lawola ka matšhika ya magolo, ya maka so yi se nyakang. 4 Mara mo yi thomisa go lawola, mmušo wa yona wo nyoko robiwa, ba wo yahluganya wa ya ga kanne ya memoya ya magedimo,+ mara wo ka sa yi ga ditlogolwane tsa yona fote wo ka sa be le matšhika ya ne a lawola ka wona; ka gore mmušo wa yona wo nyoko tomudiwa wa ya ga ba bangwana.

5 “Ke mokane kgoši ya borwa yi nyoko tiyelela, gabutšibutši ke ye nngwana ya dindhuna tsa yona; mara ye mongwana o nyoko yi hlula ke mokane gwa thomisa go lawola yene ka matšhika ya magolo, matšhika ya go phala ya gore kgoši yone ke mo yi le nawo nakwela yi sa lawola.

6 “Mo go šele go fitiye mengwaga, ba nyoko maka kwano fote morwediya wa kgoši ya ka borwa o nyoko tla ga kgoši ya ka lebowa gore ba make kwano. Mara morwediya yene a ka sa sa ba le matšhika; le kgoši yone yi ka sa sa ba le matšhika; o nyoko lawola ke ba bangwana, yene le bo ba mo leyyeng, ye a mmelegiyeng le ye a makang gore a tiyelele ka dinako tsone. 7 Ye mongwana wa gabo o nyoko tseya sekgala sage, o nyoko tla ga masole fote o nyoko hlasela poleke ya gore yi pasopegiye ya kgoši ya lebowa, o nyoko lwa nabo a hlula. 8 O nyoko boyela Egepita le medimo ya bona, dithombhe tsa bona tsa tshipi, dilo tsa bona tsa gore ba di tseyela gedimo tsa go makiwa ka silva le gholdi, le mabhantiti ya bona. Go nyoko fela mengwaga a le kgole le kgoši ya lebowa, 9 ya gore yi nyoko hlasela mmušo wa kgoši ya borwa, mara yi nyoko boyela nageng ya yona.

10 “Mara barwayi bage ba nyoko tilukiselela ntwa, ba kgobaketsa masole ya go tlala. O nyoko tla a suwelanya naga tsa nkare ke mogogola. Mara o nyoko sologa, fote o nyoko tsama a lwa go šinya a segela polekeng yage ya gore yi pasopegiye.

11 “Fote kgoši ya borwa yi nyoko kwata, yi nyoko ya ya lwa naye, yi nyoko lwa le kgoši ya ka lebowa; yi nyoko kgobaketsa mogoba wo mogolo, mara mogoba wone wo nyoko hlula ke kgoši yone. 12 Mogoba wone wo nyoko tseyiwa. Yi nyoko ba le magetla, fote yi nyoko wisa dikitikiti tsa batho; yi nyoko ba le matšhika mara yi ka sa ma berekisi.

13 “Kgoši ya lebowa yi nyoko boya, ya kgobaketsa mogoba wo mogolo wa go phala wela wa mathomo; fote ka nthago ga nako, ka nthago ga mengwaga, yi nyoko tla le masole ya go tlala le dilo tsa go tlala. 14 Ka dinako tsotsone, ba go tlala ba nyoko lwa le kgoši ya borwa.

“Fote batho ba genu ba gore ba kwana le bokgohlane ba nyoko tseyiwa gore ba liketse go maka gore seporofeto se makege; mara ba nyoko šitega.*

15 “Fote kgoši ya ka lebowa yi nyoko tla ya dukulugela mutši gore yi thogo wo hlasela ke mokane yi nyoko hlula mutši wa gore wo pasopegiye. Masole ya ka borwa le banna bo ba ba kgetiyeng ba gore ke digele ba ka sa kgone go ya mahlong ba lwa; ba ka sa be le matšhika ya go lwa le lenaba. 16 Ye a tlang gore a lwe le kgoši ya borwa o nyoko maka tso a di nyakang, fote a go na ye a nyoko yemang mahlong gage. O nyoko yema ga Naga ya go Bafala,+ fote o nyoko ba le matšhika ya gore a fetse ka manaba yage. 17 O nyoko tikemisela go tla le masole ka mokana ga wona ya mmušo wage, o nyoko maka kwano nayo; o nyoko maka se sengwana fote a phomelela. Ba nyoko mo dumelela gore a fetse ka morwediya wa mosadi. Morwediya yene a ka sa phomelele, fote a ka sa duli go le wa gage. 18 O nyoko tikemisela go hlasela dipoleke tsa thina le leropho fote o nyoko hlula tsa go tlala. Ke mokane ye wa go yeta mahlong o nyoko tlosa tso ne ba mo poyilanya ka tsona gore go sa sa ba le tso ba mo poyilanyang ka tsona. O nyoko maka gore di boyele ga yenela. 19 Ke mokane o nyoko boyela dipolekeng tsa gabo tsa gore di pasopegiye, o nyoko phikega, a wa fote a ka sa sa ba gona.

20 “Sekgala sage se nyoko tseya ke ye a makang gore ye wa go patedisa mothelo a fete ga mmušo wo mogolo, mara ka nthago ga matšatši o nyoko kgwa, a ka sa kgwe ka taba la bokgohlane fote a ka sa kgwe ntweng.

21 “Sekgala sage se nyoko tseya ke ye wa gore baa mo nyenya, fote a ka sa hlompiwi mmušong; o nyoko tla ka nako ya mo go pasopegiye* fote o nyoko ba tshokanya gore a tseye mmušo. 22 O nyoko hlula masole ya go tshwana le mogogola, fote go nyoko fela ka wona; go nyoko fela le ka ye wa go Yeta+ kwano mahlong.+ 23 Fote ka taba la gore ba makiye kwano naye, o nyoko ya mahlong a maka bošakašakane, o nyoko ba le matšhika a gelepa ke setšhaba se senyana. 24 Ka nako ya mo go pasopegiye* o nyoko ya dipolekeng tsa go ba le dilo tsa go tlala tsa mone nageng, a maka tso di sa makang ke bopapage le bokokwane bage. O nyoko ba neya dilo tsa gore di tseyiwwe ka tšhinghi; o nyoko polanela dipoleke tsa gore di pasopegiye, mara tsotsone o nyoko di maka ka senakonyana.

25 “O nyoko šišimala, a berekisa matšhika yage gore a lwe le kgoši ya borwa a na le masole ya go tlala, fote kgoši ya borwa yi nyoko tilukiselela go lwa yi na le masole ya go tlala ka matla ya go ba le matšhika. Mara yi ka sa phomelele, ka taba la gore ba nyoko yi polanela. 26 Fote bo ba jang mahinyahinya ya yona ke bona ba nyoko makang gore yi we.

“Mara masole ya yona ma nyoko hludiwa, fote ya go tlala ma nyoko bolayiwa.

27 “Mara magoši yawa ka mabedi ma nyoko tlalela ka matla ga dilo tsa go sa loka, fote ma nyoko dula tafoleng ka yyoši ma botsana matsaka. Mara a go na so se nyoko phomelelang, ka taba la gore go na le nako yo ba yi beyyeng ya gore go segele mafelelong.+

28 “O nyoko boyela ga naga yage a na le dilo tsa go tlala ka matla, fote o nyoko ba a tikemisele go lwisana le kwano ya go hlawolega. O nyoko phomelela, fote o nyoko boyela nageng yage.

29 “Ka nako ya gona, o nyoko boyela a lwa le kgoši ya borwa. Mara go ka sa sa tshwana le mathomisong, 30 Ka gore dikepe tsa Kitimo+ di nyoko lwa naye, fote o nyoko nyanafatsiwa.

“O nyoko sologa fote o nyoko šupetsa gore aa kwane le kwano ya go hlawolega,+ fote o nyoko phomelela; o nyoko sologa, o nyoko kwana le bo ba lisetsang kwano yone ya go hlawolega. 31 O nyoko romela masole yage; fote ma nyoko thilafatsa poleke ya go hlawolega,+ poleke ya gore yi pasopegiye, ma boya ma maka gore ba sa sa maka dihlabelo tsa gore di makiwa letšatši le lengwana le le lengwana.+

“Fote ba nyoko beya selo sa go silikisa sa gore se ya sinyanya.+

32 “Fote bo ba gore ba maka dilo tsa go befa tsa go sa yelane le kwano yone, o nyoko maka gore ba kgeloge a berekisa mantsu ya go natefela. Mara batho ba gore ba tšiba Modimo wa bona ba nyoko tiyelela fote ba nyoko phomelela. 33 Fote bo ba gore ba hlalefiye+ ba nyoko maka gore ba go tlala ba kwisise. Go nyoko ba le nako ya gore ba hlupegisiwa ka sabola, ka mollo, ka go yisiwa bobhantiting le ka go tseyediwa dilo tsa bona. 34 Mara mo ba kene ba hlupegisiwa ba nyoko gelepiwa ka gonyana; fote batho ba go tlala ba nyoko tigahlanisa nabo ba berekisa mantsu ya go natefela. 35 Ba bangwana ba go hlalefa ba nyoko hlupegisiwa, fote ka taba la bona batho ba nyoko liketsiwa, ba yedisiwa fote ba šala ba se na selabi+ go segela ka nako ya mafelelo; ka gore di nyoko makega ka nako ya gona.

36 “Kgoši yi nyoko maka tso yi di nyakang, yi nyoko kakola magetla fote yi nyoko tigudisa ya titseya yi phala modimo ye mongwana le ye mongwana;+ yi nyoko bolabola dilo tsa go tshosa ka Modimo wa go phala medimo ye mengwana. Yi nyoko phomelela go šinya go segela nako ya gore Modimo a yi wolole; ka taba la gore di nyaka go makege tso Modimo a di nyakang. 37 Yi ka sa hlompe Modimo wa bokokwane ba yona; fote yi ka sa yisi felo ka basadi kela medimo ye mengwana, mara yi nyoko tigudisa ya titseya yi phala ba bangwana. 38 Mara yi nyoko gadimisa modimo wa gore o hlompiwa ga dipoleke tsa gore di pasopegiye; yi nyoko gadimisa modimo wa gore bopapa ba yona ke mo ba sa mo tšibi yi berekisa gholdi, silva, matlapa ya go tseyediwa gedimo le dilo tse dingwana tsa go tseyediwa gedimo. 39 Yi nyoko hlasela dipoleke tsa go tlala tsa gore di pasopegiye yi gelepa ke modimo wa gore a yi mo tšibi. Bo ba gore baa yi hlompa yi nyoko ba gadimisa ka matla, fote yi nyoko maka gore ba lawole batho ba go tlala; yi ko nyaka patela gore yi ngathele batho naga.

40 “Ka dinako tsa mafelelo, kgoši ya borwa yi nyoko tšhofana nayo, kgoši ya lebowa yi nyoko yi hlasela ka dikotšikara, ka banna ba go kalama dipera le ka dikepe tsa go tlala; yi nyoko kena le ga dinaga tse dingwana, ya suwelanya tsa nkare ke mogogola. 41 Yi nyoko kena le ga Naga ya go Bafala,+ fote dinaga tsa go tlala di nyoko hludiwa. Mara tsa gore di nyoko phona letsogong la yona ke tsowa: Edomo, Mowaba le sekopa se segolo sa Maamoni. 42 Fote yi nyoko ya mahlong yi berekisa matšhika ya yona go lwa le dinaga; mara naga ya Egepita yi ka sa phone. 43 Yi nyoko lawola dilo tsa go tseyediwa gedimo tsa gore di wutetsiwwe, ya lawola gholdi le silva le dilo tse dingwana ka mokana ga tsona tsa go tseyediwa gedimo tsa Egepita. Fote Malibhiya le Maitopiya ma nyoko yi šala nthago.

44 “Mara go nyoko ba le dipego tsa go tšwa ka bohlabela le tsa go tšwa ka lebowa tsa gore di nyoko yi hlupa monagano, fote yi nyoko tšwa yi kwatiye ka matla gore yi fetse ka ba go tlala. 45 Yi nyoko hloma matente ya yona ya bogošing gare ga lewatle le legolo le thaba ya go hlawolega ya gore yi Nageng ya go Bafala;+ go nyoko fela ka yona, fote go ka sa be le wa go yi gelepa.

12 “Ka nako yonone, Mayikhele*+ o nyoko tlogamela, yene ndhuna ye kgolo+ ya gore yi yemela batho bago. Go nyoko tla nako ya gore go nyoko makega dilo tsa go sasamela ka matla tsa gore a di soko makega go tlugisela go ba le setšhaba go segela ka nako yonone. Fote ka nako yonone batho bago ba nyoko phona,+ ka mokana ga bona ba gore ba ngwadiwwe pukung.+ 2 Fote ba go tlala ga bo ba yetseleng leroleng la lefase ba nyoko tsoga, ba bangwana ba nyoko tsoga ba phela go ya go yye, ba bangwana ba nyoko poyidiwa go ya go yye.

3 “Bo ba go hlalefa ba nyoko gadima go tshwana le sebakabaka, fote bo ba gore ba gelepa ba go tlala gore ba make tsa gabutši ba nyoko gadima go ya go yye go tshwana le dinanedi.

4 “Mara wene Daniyele, mantsu yawa o sa ma botse motho, kwala puku yowa go segela ka dinako tsa mafelelo.+ Ba go tlala ba nyoko nyakolla puku yowa gabutši, fote go tšiba nnete go nyoko yeketsega.”+

5 Ke mokane nna Daniyele, ka bona ba bangwana ka babedi ba yemme gana hone, ye mongwana a yemme ka nthoko yowa ya nooka, ye mongwana a yemme ka nthoko ye nngwana.+ 6 Ke mokane ye mongwana a re ga monna yela wa gore o yapere dikobo tsa linene,+ wa gore ke mo a le ka kgakala ga meetši ya nooka yone: “Dilo tsowa tsa go makatsa di nyoko tseya nako ye kaye?” 7 Ke mokane ka kwa monna yela wa go yapara dikobo tsa linene wa gore ke mo a le ka kgakala ga meetši ya nooka a fetola, mo a kene a fetola a yemisela letsogo lage la go ja le letsogo lage la sepata magedimong, a tshepisa ka ye wa gore o phela go ya go yye+ a re: “Go nyoko feta nako yo yi beyiwweng, le dinako tso di beyiwweng le sekopa sa nako.* Mo ba fetsa go robanya matšhika ya bo ba go hlawolega,+ dilo tsowa ka mokana ga tsona di nyoko fela.”

8 Nna ke kwile, mara ke mo ke sa kwisisi;+ byalo ka re: “Barena morenaka, dilo tsowa di nyoko felela kaye?”

9 Ke mokane a re: “Ariye Daniyele, ka taba la gore mantsu yawa ke sephiri fote di nyaka ma kwadiwe go segela ka dinako tsa mafelelo.+ 10 Ba go tlala ba nyoko tiyedisa, ba maka dilo tsa gabutši ba boya ba phela maphelo ya gore ma yediye.+ Bo ba dipelo tse diphifadu ba nyoko maka dilo tsa go sa loka, fote ga bo ba dipelo tse diphifadu aa šiyo le ka wwoši wa gore o nyoko kwisisa; mara bo ba gore ba hlalefiye ba nyoko kwisisa.+

11 “Go tlugisela ka nako ya mo go sa sa makiwa sehlabelo sa letšatši le lengwana le le lengwana+ le mo go beyiwa selo sa go silikisa sa gore se ya sinyanya,+ go nyoko ba le 1 290 ya matšatši.

12 “Go jabola ye wa gore o yema a lefisiye pelo go segela go fela 1 335 ya matšatši!

13 “Mara wene, tiyisela go segela mafelelong. O nyoko khutsa, mara mo matšatši ma fela o nyoko tsoga gore o kraye lefa lago.”+