NAHUME
1 Molayetsa wa mo Ninive yi yahludiwa:+ Puku ya go bolabola ka mmono wa Nahume* wa Leelikoše:
2 Jehova ke Modimo wa gore o nyaka gore motho a felegelele mo a tineyela gage;+
Jehova o wolola manaba yage,+ aa libale dilo tsa go befa tso ba di makiyeng.
Wa ba šupetsa gore o kwatiye,
Jehova wa patedisa ga manaba yage.
3 Jehova aa yakgoswe a kwata,+ fote o na le matšhika ya magolo,+
Mara ba gore ba na le molato, Jehova a ka sa ba lisetsi a sa ba wolole.+
Mo a sepela go tšutla moya wa gore wa sinyanya fote go ba le sedingwane,
Lerole la ho mawotong yage le yinuga go tshwana le maru.+
Bhašane le Kharamele dya puna,+
Fote mabhlomu ya Lebhanoni maa puna.
5 Dithaba di ya tekateka ka taba lage,
Fote memmoto ya tologa.+
Lefase le nyoko tekateka ka taba la sefahlego sage,
Go nyoko tekateka le naga le batho ka mokana ga bona ba gore ba dula ga yona.+
6 Ke mang wa gore a ka yema mo Modimo a kwatiye?+
Fote ke mang wa gore a ka yema mo a fufulele?+
Go kwata gage go nyoko dura go tshwana le mollo,
Fote matlapa ma nyoko pshyayega ka taba lage.
7 Jehova o lukiye,+ ke yene poleke ya go tšhabela ga yona ka dinako tsa mo go na le tsa go sasamela.+
O ba tseyela hlogong* bo ba gore ba tšhabela gage.+
8 O nyoko napa a fetsa ka poleke yage* a berekisa mogogola
Fote manaba yage ma nyoko ba letshwifing.
9 Ayitsano o ka polanela Jehova dilo tsa go sa loka?
Yene o nyoko napa a ro fetsa ka wene.
Di ka sa sa nyaka gore a leye tsa go sasamela fote.+
10 Ka gore ba rokananne go tshwana le metlwa,
Fote ba tshwana le bo ba gore ba tlayila ke mokgete;*
Mara ba nyoko tšhubiwa go tshwana le mahlaka ya gore ma womme.
11 Ho gago go nyoko tšwa wa gore o polanela Jehova dilo tsa go sa loka,
Wa gore o yeletsana ka dilo tsa go sa re selo.
12 Tsowa ke tso di hlayang ke Jehova:
“Ke mo ba na le matšhika ka matla fote ba tlele,
Mara ba nyoko pomega fote go nyoko fela ka bona.
Ke go* leyele tsa go sasamela, mara nka sa sa di leya.
13 Fote gana byalo ke nyoko tlosa lejoko lage ho gago,+
Fote ke nyoko robanya diketane tsago gwa ba ditlopo ka dipedi.
14 Jehova o hlayye dilo tsowa ka wene,*
‘Lebitso lago le ka sa sa ba gona go ya go yye.
Ke nyoko fetsa ka dithombhe tsa go betliwa le dithombhe tsa go makiwa ka tshipi tsa go tšwa ntlong* ya medimo yago.
Ke nyoko go makela lebitla ka taba la gore wa tšebisa.’
15 Bona! Hala dithabeng go na le mawoto ya ye wa go leya ditaba tsa go bafala,
Wa gore o sabalatsa gore go nyoko beba.+
Maka menyanya yago+ wene Juda, maka tso o di tshepisiyeng,
Ka gore ye wa go sa re selo a ka sa sa tsoga a fitiye ho gago.
Go nyoko ro napa go fela ka yene.”
2 Ye wa gore wa tlalaganya o tlile gore a lwe nago.*+
Pasopa mapharo.
Pasopa pata.
Tilukiseleleneng go lwa fote le make so le ka se kgonang gore le be le matšhika.
2 Ka gore Jehova o nyoko gadimisa Jakobo fote,
A boya a gadimisa Israyele,
Manaba ma ba hlasele;+
Fote ma sinyannye medhriva ya bona.
3 Magawu ya banna ba gana hone ba go ba le matšhika ke ya makhubedu,
Masole yage ma yapere tse dikhubedu.
Ditshipi tso di leng ga dikotšikara tsage tsa ntwa di gadima nkare ke mollo
Ka letšatši lo a tilukiselelang ntwa,
Fote ba yemisa marumo ya bona ya go makiwa ka diphate tsa mojunipha* ba tshosetsa.
4 Dikotšikara tsa ntwa di taboga mo dipateng.
Di ya tlase le kgakala dipolekeng tso batho ba gahlanelang ga tsona.
Di gadima nkare ke malampa, nkare go ro ba mong legadima.
5 O nyoko bitsa dindhuna tsage.
Ba nyoko tsama ba phikega mo ba kene ba ya.
Ba taboga ba ya lepharong lage;
Ba tiyisa lepharo.
6 Digheyiti tsa dinooka di nyoko bulega,
Fote go nyoko fela ka ntlo ya bogošing.
7 Go hlayiwwe gore: Aa tšwara,
Ba mo tsere, fote malata yage ya bannyana
Ma lla nkare ke maliba mo ma kene ma titeya dikguba.
8 Go tlugisela botala, Ninive+ ke mo yi tshwana le sediba sa meetši,
Mara gana byalo baa tšhaba.
“Yemaneng! Yemaneng!”
Mara a go na ye a sologang.+
9 Tseyaneng silva, tseyaneng gholdi!
Makolwane yawa ma tlele.
Go tlele dilo tsa mehlobohlobo tsa gore di tseyediwa gedimo.
10 Mutši wo f’lo re nghwee, a go sa dula motho, wo sinyegiye!+
Ba tšhugiye, matolo ya bona maa kgwelakgwetla, maseka ya bona maa tekateka;
Difahlego tsa bona ka mokana ga tsona di pawogiye.
11 Wo kaye mokoti wa ditawu,+ ga gore ditawu tse dinyana di jela gona,
Ga gore tawu yi tšwa gona yi yetetsa bana ba yona,
Ga gore a go na motho ye a ka di tshosanyang?
12 Tawu yi bolayele bana ba yona diphoolwane tsa go yenela
Yi kgamme diphoolwane ya di neya ditawu tsa tshadi.
Yi makiye gore mekoti ya yona yi dule yi tlele ka tsa go ja,
Mekoti ya yona yi tlele ka diphoolwane tsa gore di kgwile.
13 Jehova wa masole o re: “Bona! Ke ya go hlasela,+
Ke nyoko tšhubanya dikotšikara tsage tsa ntwa go segela go fela ka tsona,+
Fote ditawu tse dinyana di nyoko bolayiwa ka sabola.
Ke nyoko maka gore o sa sa kraya selo mo lefaseng,
Fote lentsu la bo o ba romang gore ba yise molayetsa le ka sa sa kwagala.”+
3 Mutši wa go falatsa madi wo ko tikweleng!
Ho ga wona go tlele bošakašakane le go yetswa.
A wo lisetsi go tseyela batho dilo!
2 Go kwagala sebepu le modumo wa mabilo,
Pera yi kene yi re keketle-keketle fote go kwagala dikotšikara.
3 Go na le batho ba gore ba kalamme dipera, go gadima sabola le lerumo,
Ba go tlala ba kgwile fote ditopo tsa bona di makiye dindhundhuma
—Ditopo di go gongwana le go gongwana.
Batho ba phika ke ditopo tsone.
4 Tsowa di makega ka taba la bonghwahla byo bo makang ke ye wa go rekisa mmele,
Yene wa gore o bafele fote wa wokana, yene wa gore o tšibega ka go loya,
Wa gore o berekisa bonghwahla byage gore a tanye ditšhaba fote o tanya ditšhaba ka boloyi byage.
5 Jehova wa masole o re: “Bona! Ke lwa nago,*+
Ke nyoko goga sekheti sago ka go kwala maahlo ya ka sona;
Ke nyoko maka gore ditšhaba di go bone o sa tšwara
Le memmušo yi nyoko go bonela.
6 Fote ke nyoko go tšhela ka dithila
Ke nyoko maka gore o šale o tšebiye;
Ke nyoko go tšhelela maahlo ya batho.+
7 Ye mongwana le ye mongwana mo a go bona o nyoko tšhaba+ a re,
‘Ninive yi sinyeganne!
Ke mang ye a nyoko mo kwelang go baba?’
Ke nyoko ba kraya kaye ba go go kgomoletsa?
8 Ayitsano o phala No-amoni,*+ ya gore ke mo yi le thina le mesela ya Nayile?+
Ke mo yi dukulugele ke meetši;
Ke mo yi ghanya ka taba la lewatle, fote lewatle lone ke mo go le lepharo la yona.
9 Matšhika ya yona ke mo yi ma kraya ga Itopiya le Egepita.
Ke mo yi gelepa ke Puti+ le Malibhiya.+
10 Mara le yona yi fetsiye yi le lebhantiti;
Yi yye bobhantiting.+
Bana ba yona ba bolayiwwe go baba ga khona ya pata ye nngwana le ye nngwana.
Ba lahla dikgakgare gore ba tikgetele banna ba go tseyediwa gedimo,
Fote banna ba go tšibega ka mokana ga bona ba tlemiwwe ka diketane.
11 Le wene o nyoko tlayila;+
O nyoko wutama.
O nyoko nyaka mo o ka tšhabelang gona ka taba la lenaba lago.
12 Dipoleke tsago tsa gore di pasopegiye ka mokana ga tsona di tshwana le mehlare ya mago ya gore yi na le diyengwa tsa gore di butšwa mathomisong;
Mo yi tekatekisiwa, mago ma wela ka ganong ga bo ba ma jang.
13 Masole yago ma nyoko lelemela go tshwana le basadi.
Digheyiti tsa naga yago di nyoko dula di yahlamme gore go kene manaba yago.
Diparako tsa digheyiti tsago di nyoko ja ke mollo.
14 Gelelaneng meetši ya gore le ko ma berekisa ka nako ya mo ba le dukulugele gore ba le hlasele!+
Tiyisaneng dipoleke tsa lune tsa gore di pasopegiye.
Kenaneng lerageng le le gatele;
Tshwaraneng foromo ya ditina.
15 Mara le mo le ka maka ka mokgonone mollo wo nyoko le tšhuba.
Le nyoko bolayiwa ka sabola.+
Yi nyoko fetsa ka lune go tshwana le mo ditšiya tse dinyana di ja dimilane.+
Makaneng gore le tlale go tshwana le ditšiya tse dinyana!
Eya, makaneng gore le tlale go tshwana le ditšiya!
16 O makiye gore batho bago ba go rekisa ba tlale go phala dinanedi tsa ku magedimong.
Tšiya ye nyana ya tlobola ke mokane ya phurrwa ya tloga.
17 Bomatšinghelane bago ba tshwana le ditšiya,
Fote dindhuna tsago di tshwana le moririmane wa ditšiya.
Di pategela mapharong ya matlapa mo go bata,
Mara mo go na le letšatši dya phurrwa, dya tloga;
Fote a go na ye a tšibang gore di kaye.
18 Wene kgoši ya Asiriya, batho bago ba go disa baa kobola;
Batho bago ba go tseyediwa gedimo a ba tloge mo ba dulang gona.
Batho bago ba tlalaganne dithabeng,
Fote a go na ye a ba kgobaketsang.+
19 A go na ye a ka go gelepang ga dilo tso di go kwisang go baba.
O ka sa fole mo o kwaleleng gona.
Batho ka mokana ga bona bo ba kwelelang ka wene ba nyoko teya matsogo;+
Ke mang wa gore a wa mo maka lešidi?”+
Yi rela gore “Wa go Kgomoletsa.”
Kela “o pasopa.” Gabutšibutši ke “o tšiba.”
Ke Ninive.
Kela “mokgete wa go makiwa ka korong.”
Ke Juda.
Ke Asiriya.
Kela “tempeleng.”
Ke Ninive.
Wo tshwana le mophayi, wo nkgela ka matla fote wo tiyye.
Ke Ninive.
Ke Thebese.