ZEFANIYA
1 Lentsu la Jehova la gore le tlele Zefaniya* morwayi wa Khuši, morwayi wa Ghedalaya, morwayi wa Amariya, morwayi wa Hezekiya ka dinako tsa Josiya+ morwayi wa Amoni+ kgoši ya Juda:
2 Jehova o re: “Ke nyoko suwelanya selo se sengwana le se sengwana sa gore se gedimo ga lefase.+
3 Ke nyoko fetsa ka motho le ka phoolwane ya go tshosa.
Ke nyoko suwelanya dinonyane tsa magedimong le dihlapi tsa lewatleng,+
Fote ka tlosa dilo tsa go phika batho,+ ka tlosa le bo ba dipelo tse diphifadu;
Ke nyoko tlosa batho gedimo ga lefase,” go hlaya Jehova.
4 “Ke nyoko wolola letsogo laka ka lwa le Juda
Ka lwa le batho ka mokana ga bona ba go dula Jerusalema,
Ga poleke yowa ke nyoko suwelanya selo se sengwana le se sengwana sa go sipidisana le Bhaali,+
Lebitso la maprista ya modimo wa matsaka le maprista ya mangwana,+
5 Le batho ka mokana ga bona ba gore ba kgotamela masole ya ku magedimong ba le ka kgakala ga dintlo,+
Le bo ba gore ba thinyela Jehova letolo ba tshepisa gore ba nyoko tshepega gage+
Mara ka nthoko ye nngwana ba tshepegela Malekhamo;+
6 Le bo ba gore ba jikela Jehova+
Le ba gore a ba nyake go yetetsa ke Jehova kela go butsisa gage.”+
7 Kgomolelaneng mahlong ga Jehova Morena wa ku Malenghelengheng, ka gore letšatši la Jehova le thina.+
Jehova o makiye sehlabelo; o yedisiye bo ba gore o ba memme.
8 “Ka letšatši la sehlabelo sa Jehova ke nyoko wolola dindhuna,
Barwayi ba kgoši+ le batho ka mokana ga bona ba gore ba yapere dikobo tsa dinageng tse dingwana.
9 Ke nyoko wolola ye mongwana le ye mongwana ye a kalamang seralo ka letšatši lone,
Bo ba gore ba makiye gore ntlong ya mong wa bona go tlale bokgohlane le bošakašakane.
10 Jehova o re: “Ka letšatši lone,
Ku Gheyiting ya Dihlaping+ go nyoko kwagala modumo wa mo batho ba lla,
Le go gotla hala ga Sekopa sa Nyuwane sa mutši,+
Fote go nyoko kwagala modumo wo mogolo ku memmotong.
11 Gotlaneng, lune ba go dula Maketeše,*
Ka gore go fediye ka bo ba go rekisa ka mokana ga bona;
Batho ka mokana ga bona ba gore ba kala silva.
12 Ka nako yonone ke nyoko nyakolla Jerusalema gabutši ka malampa,
Fote ke nyoko wolola ba gore ba tiketliye, ba gore ka ho dipelong tsa bona ba re,
‘Jehova a ka sa make sa go loka, fote a ka sa make sa go sa loka.’+
13 Ba nyoko ba tseyela dilo tso ba ghannyeng ka tsona fote dintlo tsa bona go nyoko šala go le mašupi.+
Ba nyoko yaga dintlo, mara ba ka sa duli ga tsona;
Fote ba nyoko gaša mehlare ya didhriva, mara ba ka sa nwe wayini ya go tšwa ga wona.+
14 Letšatši le legolo la Jehova le thina!+
Le thina fote le tla ka go yakgoswa!+
Letšatši la Jehova le nyoko tshosa ka matla.+
Ka letšatši lone, le lesole le nyoko lla.+
15 Letšatši lone ke letšatši la go kwata,+
Letšatši la motšhatšhamelo,+
Letšatši la go kwisa go baba le la go gotla,
Letšatši la letshwifi la gore le tlemme ka matla,+
Letšatši la gore go tlemme maru ka matla,+
16 Letšatši la phalafala le modumo wa ntwa,+
Letšatši la mo go hlasediwa mitši ya gore yi pasopegiye le diwokamelo tsa go lefa tsa gore di dikhoneng.+
17 Ke nyoko maka gore batho ba tlele ke tsa go sasamela,
Fote ba nyoko sepela go tshwana le batho ba gore ba popele maahlo,+
Ka taba la gore ba sinyele Jehova.+
Madi ya bona ma nyoko ba ka tlase ga mawoto go tshwana le lerole,
Ke mokane mala ya bona ma tshwana le boraga.+
18 Silva ya bona le gholdi ya bona di ka sa kgone go ba phonisa ka letšatši la mo Jehova a fufulele;+
Ka gore go kwata gage go tshwana le mollo wa gore wo nyoko tšhubanya lefase ka mokana ga lona,+
Ka gore batho ba hone nageng o nyoko ba bolaya go baba.”+
2 Molawo wo soko thomisa go bereka,
Letšatši le soko feta tsa nkare ke morooko,
Jehova a soko le kwatela ka matla,+
Le soko bane le tlela ke letšatši la mo Jehova a kwatiye,
3 Nyakaneng Jehova,+ lune ka mokana ga lune ba go loka* ba ho lefaseng,
Lune ba gore le latelela melawo yage ya go loka.
Karakaraneng gore le make tsa gabutši go šupetsa gore le lukiye.*
Nakwenngwana le ka kraya ga go tšhabela gona ka letšatši la mo Jehova a kwatiye.+
4 Ka gore Ghaza go nyoko ba mutši wa gore a go duli motho;
Fote Ašikelone go nyoko ba lešupi.+
Lenaba le nyoko raka bo ba go dula Ašidodo letšatši le kene le fisa,
Fote Ekrone yi nyoko tomudiwa.+
5 “Bo ba go dula lerophong ba ko tikweleng, setšhaba sa Makherete!+
Jehova o le wolodiye.
Wene Kanana, naga ya Mafilisita, ke nyoko fetsa ka wene,
Gore go šale go sa duli motho.
6 Leropho lone go nyoko ba poleke ya go disela ga yona,
Go nyoko ba le didiba tsa bo ba go disa le mašaka ya dinku ya go makiwa ka matlapa.
7 Go nyoko ba poleke ya bo ba šeleng ba ntlo ya Juda;+
Ba nyoko jela gana hone.
Ka malobana ba nyoko yetsela dintlong tsa Ašikelone.
Ka gore Jehova Modimo wa bona o nyoko ba pasopa,
Fote o nyoko maka gore mabhantiti ya bona ma sologe.”+
8 “Ke di kwile mo Mamowaba+ ma poyilanya fote Maamoni+ ma rogelelanya,
Bona ba gore ba hlupegisiye batho baka fote ba ba tshosetsa ba kene ba kakodiye magetla gore ba nyoko tseya poleke ya bona.+
9 Byalo, solanka ke sa phela,” go hlaya Jehova wa masole, yene Modimo wa Israyele,
“Mowaba yi nyoko fo tshwana le Sodoma,+
Maamoni ma tshwana le Ghomora,+
Poleke ya gore go mila ngwere, mokoti wa letswayi fote go nyoko dula go le lešupi.+
Bo ba šeleng ga batho baka ba nyoko ba tseyela dilo tsa bona,
Bo ba šeleng ga setšhaba saka ba nyoko ba tseyela dilo tsa bona.
10 Tsowa ke tso ba nyoko di krayang ka taba la gore ba na le magetla,+
Ka gore ba hlupegisiye batho ba Jehova wa masole ba boya ba tigudisa.
11 Jehova o nyoko ba makatsa;*
Ka gore o nyoko fetsa ka medimo ka mokana ga yona ya lefaseng,
Fote ditšhaba ka mokana ga tsona tsa gore di dula dipolekeng tsa go dukulugela ke meetši di nyoko mo thinyela letolo,*+
Ye mongwana le ye mongwana a le ga poleke yage.
12 Lune Maitopiya, le lune le nyoko bolayiwa ka sabola yaka.+
13 O nyoko wololela letsogo lage ka lebowa, a fetsa ka Asiriya,
Fote o nyoko maka gore Ninive go be lešupi,+ yi wome tsa nkare ke poleke ya kgwaakgwa.
14 Merape yi nyoko patlama ho gage, mehlobo ka mokana ga yona ya diphoolwane tsa hlaga.
Leyakaboswane le nooko di nyoko fetsa bošego ka moka di le ga dikholomo tsage tsa gore di wile.
Lentsu le nyoko yepelela lefastereng.
Go nyoko ba le dithila hala go keniwang gona;
Ka gore mapolanka ya mosidara ma nyoko šala tawong.
15 Wowa ke mutši wa go ba le magetla wa gore ke mo wo dula wo pasopegiye,
Wa gore ke mo wo hlaya ka pelong wo re, ‘Nna ke nna, fote a go na ye mongwana wa go mphala.’
Gana byalo ye mongwana le ye mongwana ye a bonang mutši wone o nyoko tšhoga,
Go šele go le poleke ya gore diphoolwane tsa hlaga di yetsela ga yona!
Ye mongwana le ye mongwana ye a fetang o nyoko teya moludi fote a šikinya hlogo.”+
3 Mutši wa gore wo na le tšhinghi, wa gore wo thilafele, wa gore fote wo kgahleletsa ba bangwana, wo ko tikweleng!+
2 A go na lentsu lo a le theetseleng,+ aa yamogela mo ba mo wolola.+
Aa tshepela ga Jehova;+ fote aa šutela thina le Modimo wage.+
3 Dindhuna tsage di tshwana le ditawu tsa go bopa.+
Batho bage ba go yahlula ba tshwana le dihawane bošego;
A ba šiyi le lešapo la gore ba ka le kukuna go segela bo sa.
4 Baporofeta bage ba kakodiye magetla, ba na le bošakašakane.+
5 Jehova o gona mo gage;+ fote aa make tsa go sa loka.
Mo bo na bo sile o maka gore mekgwa yage ya go yahlula yi tšibege,+
Go fo tshwana le mo letšatši le hlaba letšatši le lengwana le le lengwana.
Mara ye wa go sa loka aa tšebi.+
6 Ke fetsiye ka ditšhaba; dikholomo tsa bona tsa ho dikhoneng di sinyegiye.
Ke sinyannye dipata tsa bona gore go sa be le ye a kgonang go feta.
Mitši ya bona yi sinyeganne, a go sa na motho, a go sa na bo ba dulang ga yona.+
7 Ke yitseri, ‘Ka nnete le nyoko ntšhaba, fote le nyoko yamogela mo ke le wolola,’+
Gore go sa fele ka poleke yo a dulang ga yona+
—Di nyaka ke mo wolole ka taba la dilo tsowa ka mokana ga tsona.
Mara ka mokana ga bona ke mo ba tikemisele go fo ya mahlong ba maka dilo tsa go sa loka.+
8 Jehova o re, ‘Byalo, dulaneng le n’yemele,+
Go segela ka letšatši lo ke hlaselang batho fote ke tseya dilo tsa bona,
Ke tikemisele go kgobaketsa ditšhaba le memmušo,
Gore ke ntshele go kwata gaka mo ga bona, go fufulela gaka ka mokana ga gona;+
Ka gore go kwata gaka go tshwana le mollo wa gore wo nyoko tšhubanya lefase ka mokana ga lona.+
9 Ka gore ka nako yone ke nyoko tšhentšha mmolabolo wa batho gore go be mmolabolo wa go yela,
Gore ka mokana ga bona ba bitse lebitso la Jehova,
Fote ba mmerekele ba le ggoši.’+
10 Go tlugisela nageng ya dinooka tsa Itopiya,
Batho baka ba gore ba tlalaganne, ba gore baa nrapela, ba nyoko nleyela dilo.+
11 Ka letšatši lone o nyoko šala o tšebiye
Ka taba la dilo ka mokana ga tsona tso o di makiyeng mo o njikela,+
Ka gore ka nako yone ke nyoko tlosa bo ba go ba le magetla ho gago;
Fote o ka sa sa tsoga o kakodiye magetla thabeng yaka ya go hlawolega.+
12 Ke nyoko lisetsa batho ba gore ba tinyanafatsiye le ba gore ba tseyediwa fase gore ba šale ba duli ho gago,+
Fote ba nyoko tšhabela ga Jehova.
13 Bo ba gore ba ko ba ba šele Israyele+ ba ka sa sa maka tsa go sa loka;+
Ba ka sa bolabole matsaka, fote ba ka sa tshokanye batho;
Ba nyoko ja, ba patlama, fote ba ka sa tshosanye ke motho.”+
14 Hlakela wene morwediya wa Siyoni!
Yahlamela wene Israyele ka taba la gore o hludiye!+
Jabola ka pelo yago ka mokana ga yona, wene morwediya wa Jerusalema!+
15 Jehova o tlusiye tso o yahludiwweng ka tsona.+
O makiye gore lenaba lago le sologe.+
Jehova Kgoši ya Israyele o nago.+
O ka sa sa tšhaba tsa go sasamela.+
16 Ka letšatši lone Jerusalema yi nyoko butsiwa gore:
“O sa tšhabe, wene Siyoni.+
O sa lisetsi matsogo yago ma lelemela.
17 Jehova Modimo wago o nago.+
O na le matšhika, fote o nyoko go phonisa.
O nyoko jabola ka matla ka taba lago.+
O nyoko kgotsofatsa ke go šupetsa gore wa go nyaka.
O nyoko hlakela ka taba la gore wa mo jabodisa.
18 Ke nyoko kgobaketsa bo ba gore baa lla ka taba la gore a baa tla menyanyeng yago;+
A baa tla ka taba la gore batho ke mo ba ba kwera.+
19 Ka nako yonone ke nyoko lwa le ka mokana ga bona bo ba gore baa go kgahleletsa;+
Ke nyoko phonisa ye wa gore wa hlotsa,+
Fote ke nyoko kgobaketsa bo ba gore ba tlalaganne.+
Ke nyoko maka gore ba thanakiwe fote ba tume
Ga poleke ka mokana ga yona ya gore ke mo ba ba poyila.
20 Ka nako yone ke nyoko le buyisa,
Eya, ka nako yone ke nyoko le kgobaketsa.
Ka gore ke nyoko maka gore le thanakiwe+ fote le tume gare ga batho ka mokana ga bona ba lefaseng,
Mo ke kgobaketsa mabhantiti ya lune le kene le lebelele,” go hlaya Jehova.+
Yi rela gore “Ye wa Gore Jehova o mo Wutetsiye.”
Di šupetsa go le sekopa sa Jerusalema sa gore se thina le Gheyiti ya Dihlapi.
Kela “ba gore ba tinyanafatsiye.”
Kela “tinyanafatsiye.”
Kela “tshosa.”
Kela “rapela.”