ZAKARIYA

1 Ka kgwedi ya mabala, ka mongwaga wa mabedi wa Dariyase,+ lentsu la Jehova le tlile ga Zakariya*+ wa go porofeta wa gore ke morwayi wa Bherekhaya, morwayi wa Idho, la re: 2 “Jehova o ba kwatele ka matla bopapago.+

3 “Ba botse gore, ‘Tsowa ke tso Jehova wa masole a di hlayang: “‘Boyaneng gaka,’ go hlaya Jehova wa masole, ‘le nna ke nyoko boyela ga lune,’+ go hlaya Jehova wa masole.’”’

4 “‘Le sa tshwane le bopapa ba lune, ba gore baporofeta ba ba butsiye gore: “Tsowa ke tso Jehova wa masole a di hlayang, ‘Ke kgopela le lisetseneng go maka dilo tsa go befa.’”+

“‘Mara a baa theetsela, fote a baa ntseyela hlogong,+ go hlaya Jehova.

5 “‘Ba kaye bopapa ba lune gana byalo? Ayitsano baporofeta ba phidiye go ya go yye? 6 Mara mantsu yaka le melawo yaka tsa gore ke butsiye malata yaka ya gore ke baporofeta di makegele bopapa ba lune ka mokgo ke hlayyeng, a yi tsona?+ Byalo, ba buyye gaka ba re: ‘Jehova wa masole o re makiye tso ne di re tshwanele go ya ka mekgwa ya rune le tso re di makiyeng, go fo ya ka mokgo ne a tikemisele ka gona.’”+

7 Ka letšatši la bo 24 la kgwedi ya bo 11, la kgwedi ya Šebhate,* ka mongwaga wa mabedi wa Dariyase,+ lentsu la Jehova la tla ga Zakariya wa gore ke moporofeta morwayi wa Bherekhaya, morwayi wa Idho, la re: 8 “Ke bonne mmono bošego. Ke mo go na le monna a kalamme pera ye khubedu, a fo yema tsii gare ga mehlare ya hlakwane* hala moyeding; ka ho nthago gage ke mo go na le dipera tse dikhubedu, tse dibhraweni le tse ditšhwewu.”

9 Byalo ka re: “Bowa ke bomang morenaka?”

Lengeloyi lo ne le bolabola le nna la re: “Ke nyoko go šupetsa gore bowa ke bomang.”

10 Ke mokane monna yela ne a yemme tsii gare ga mehlare ya hlakwane a re: “Bowa ke bo Jehova a ba rommeng gore ba sepela-sepele lefaseng.” 11 Ba botsa lengeloyi la Jehova la gore ne le yemme gare ga mehlare ya hlakwane gore: “Re sepela-sipidiye lefaseng, lefase ka mokana ga lona le kgomolele fote le kgibiye.”+

12 Byalo, lengeloyi la Jehova la re: “Barena Jehova wa masole, o nyoko tseya nako ye kaye o sa kwele Jerusalema le mitši ya Juda+ go baba, bona ba gore o tsere 70 ya mengwaga o ba kwatele?”+

13 Jehova a fetola lengeloyi lo ne le bolabola le nna ka mantsu ya gabutši, ya gore fote maa kgomoletsa. 14 Ke mokane lengeloyi lo ne le bolabola le nna la mpotsa gore: “Yahlamela o re, ‘Tsowa ke tso Jehova wa masole a di hlayang: “Ke tikemisele go yemelela Jerusalema le Siyoni.+ 15 Ditšhaba tsa gore di tiketliye ke di kwatele ka matla,+ ka gore ke mo ke kwatiye ka gonyana+ mara tsona dya maka gore tso tsa go sasamela di nape di yeketsega ka matla.”’+

16 “Byalo, tsowa ke tso Jehova a di hlayang: ‘“Ke nyoko boyela Jerusalema ka ba kwela go baba,+ fote ntlo yaka yi nyoko yagiwa gona,”+ go hlaya Jehova wa masole, “fote Jerusalema yi nyoko metiwa ka thapo ya go meta ka yona.”’+

17 “Yahlamela fote, o re, ‘Tsowa ke tso Jehova wa masole a di hlayang: “Ga mitši yaka go nyoko boyela gwa tlala dilo tsa gabutši; Jehova o nyoko kgomoletsa Siyoni+ fote, o nyoko kgeta Jerusalema fote.”’”+

18 Ke mokane ka lebelela gedimo ka bona manaka kanne ya wona.+ 19 Byalo ka butsisa lengeloyi lo ne le bolabola le nna ka re: “Dilo tsowa king?” Lona la re: “Yawa ke manaka ya gore ma tlalagannye Juda,+ Israyele+ le Jerusalema.”+

20 Ke mokane Jehova a nšupetsa kanne ya banna ba go tšiba mmereko wa matsogo. 21 Ka butsisa gore: “Bowa ba tl’le maka ying?”

Ka butsiwa gore: “Yawa ke manaka ya gore ma tlalagannye Juda la gore ne go se na motho wa go kgona go yemisa hlogo. Bowa ba nyoko tla ba ma tshosanya, gore ba wisanye manaka ya ditšhaba tsa gore di yemisele manaka ya tsona nageng ya Juda gore di yi tlalaganye.”

2 Ka lebelela gedimo ka bona motho a tshwere thapo ya go meta+ ka yona. 2 Byalo ka butsisa ka re: “O ya kaye?”

Yene a re: “Ke ye meta Jerusalema, go bona gore ke ye kaye ka bokoto le gore yi lefiye go segela kaye.”+

3 Lengeloyi lo ne le bolabola le nna la tloga, fote gwa tla lengeloyi le lengwana la gahlana nalo. 4 Ke mokane la re ga lona: “Taboga o ye botsa mosogana yela gore, ‘“Jerusalema go nyoko duliwa+ ga yona go kene go le mutši wa go sa yagelediwa, ka taba la gore Jerusalema go nyoko ba go tlele batho le merape.+ 5 Fote mo gage ke nyoko tshwana le lepharo la mollo la gore le mo dukulugele,+ fote ke nyoko maka gore go gadima gaka go tlale Jerusalema,”’”+ go hlaya Jehova.

6 “Tlanneng! Tlanneng! Tšhabaneng nageng ya ka lebowa,”+ go hlaya Jehova.

“Ka gore ke le tlalagannye ga kanne ya mahlaya ya magedimo,”+ go hlaya Jehova.

7 “Tlang wene Siyoni! Tšhaba, wene wa gore o dula le morwediya wa Bhabhilona.+ 8 Ka gore tsowa ke tso Jehova wa masole a di hlayang, yene wa gore ka nthago ga gore a gadimisiwe o nromele ga ditšhaba tsa gore ne di tseya dilo tsago:+ ‘Ye a go tikisang o tikisa lihlo laka.+ 9 Gana byalo ke nyoko wolola letsogo laka gore ke lwe nabo, batho bo ne go le dibereki tsa bona ba nyoko tseya dilo tsa bona.’+ Ka nnete le nyoko di tšiba gore ke romme ke Jehova wa masole.

10 “Hlakela, wene morwediya wa Siyoni;+ ka gore ke ya tla+ fote ke nyoko dula ho gago,”+ go hlaya Jehova. 11 “Ditšhaba tsa go tlala di nyoko yema le Jehova ka letšatši lone,+ ba nyoko ba batho baka; fote ke nyoko dula gare ga lune.” Fote le nyoko di tšiba gore Jehova wa masole o nromme ga lune. 12 Jehova o nyoko tseya Juda gore go be lefa lage la naga ya go hlawolega, a boya a hlawola Jerusalema fote.+ 13 Kgomolelaneng mahlong ga Jehova lune batho ka mokana ga lune, ka gore o maka se sengwana a le polekeng yage ya go hlawolega.

3 Fote a nšupetsa Jošuwa+ wa gore ke moprista ye mogolo a yemme mahlong ga lengeloyi la Jehova, Sathane+ ke mo a yemme ka letsogong lage la go ja gore a mo phigise. 2 Ke mokane lengeloyi la Jehova la botsa Sathane gore: “Nkare Jehova a ka go wolola wene Sathane,+ eya, nkare Jehova wa gore o hlawodiye Jerusalema+ a ka go wolola! Gale yewa a yi sisa sa gore se ntshiwwe mollong?”

3 Byalo, Jošuwa ne a yapere dikobo tsa dithila fote a yemme mahlong ga lengeloyi. 4 Lengeloyi la re ga bo ba yemmeng mahlong gage, “Mo yapoleneng dikobo tsone tsa dithila.” Ke mokane la re gage, “Bona, ke sudiye tso o di sinnyeng, fote ba nyoko go yapesa dikobo tsa go bafala.”+

5 Byalo ka re: “Mo tlemeneng tuku ya go yela ho hlogong.”+ Ba mo tlema tuku ya go yela fote ba mo yapesa dikobo; lengeloyi la Jehova ke mo le yemme ho thina. 6 Lengeloyi la Jehova la botsa Jošuwa gore: 7 “Tsowa ke tso Jehova wa masole a di hlayang, ‘Mo o ka sepela ditseleng tsaka fote wa maka tso ke reng o di make, o nyoko yahlula ntlong+ yaka fote o nyoko pasopa malapa ya ntlo yaka; ke nyoko go dumelela gore o tle ho gaka go fo tshwana le bo ba yemmeng howa.’

8 “‘Ke kgopela o theetsele, wene Jošuwa Moprista ye Mogolo, wene le bo o nang nabo ba gore ba dula mahlong gago, ka gore banna bowa ke mošupetso; bona! ke leya lelata laka+ la gore ke Go Hluga!+ 9 Bonaneng letlapa lo ke le beyyeng mahlong ga Jošuwa! Ga letlapa lone ka lloši go na le kašupa ya maahlo; fote ke ngwala mo ga lona,’ go hlaya Jehova wa masole, ‘di nyoko tseya letšatši ka lloši gore ke sule molato wa batho ba hone nageng.’+

10 “‘Ka letšatši lone,’ go hlaya Jehova wa masole, ‘ye mongwana le ye mongwana wa lune o nyoko mema moyagelane wage gore a tle a dule ka tlase ga mohlare wage wa didhriva le wa mago.’”+

4 Lengeloyi lo ne le bolabola le nna la boya, fote la ntsosa go tshwana le mo o tsosa motho a yetsele. 2 Ke mokane la re gaka: “O bona ying?”

Nna ka re: “Ke bona setšhubampara sa gholdi,+ sa gore mo gedimo ga sona go na le sitša sa motšiti. Mo ga sona go na le kašupa ya malampa,+ eya, kašupa ya wona, malampa ya ma leng gedimo ga sona ma na le kašupa ya diphayiphi. 3 Fote mo thoko ga sona go na le mehlare ka mmedi ya diolivi,+ ka wwoši ke mo wo le ka letsogong la go ja la sitša sa motšiti, wo mongwana wo le ka letsogong la sepata.”

4 Ke mokane ka butsisa lengeloyi lo ne le bolabola le nna ka re: “Dilo tsowa di ra gore king morenaka?” 5 Byalo lengeloyi lo ne le bolabola le nna la mputsisa gore: “A o di tšibi gore dilo tsowa di ra gore king?”

Nna ka re: “Awwa morenaka.”

6 Ke mokane la re gaka: “Tsowa ke tso Jehova a di botsang Zerubhabhele: ‘“Dilo tsowa di ka sa make ke masole ya ntwa fote di ka sa makege ka matšhika ya motho,+ mara di nyoko maka ke moya waka,”+ go hlaya Jehova wa masole. 7 Wene thaba ye kgolo, o bona nkare ke wene ying mara? Mo mahlong ga Zerubhabhele+ o nyoko fo tshwana le molala.+ Ke mokane yene o nyoko tseya letlapa la ka kgakala mo ba kene ba yahlamela ba re: “A yi go bafala ga tsona! A yi go bafala ga tsona!”’”

8 Lentsu la Jehova la tla gaka fote la re: 9 “Difandhiši tsa ntlo yowa di yagiye ke matsogo ya Zerubhabhele,+ fote matsogo yage ma nyoko yi fetsa.+ Wene o nyoko di tšiba gore ke romme ke Jehova wa masole ho gago. 10 Ke mang mara wa gore o tseyele dilo fase nakwela di sa thomisa go le tse dinyana?+ Phela ba nyoko jabola mo ba bona Zerubhabele a tshwere thapo ya go meta lepharo gore le wolologiye. Maahlo yawa kašupa ya wona ke ya Jehova, fote ma lebelele lefaseng ka mokana ga lona.”+

11 Ke mokane ka mmutsisa gore: “Mehlare yowa ya diolivi ya gore yi ka letsogong la go ja le ka letsogong la sepata la setšhubampara yi ra gore king?”+ 12 Ka mmutsisa la mabedi gore: “Dingata ka dipedi tsa mašiga ya mehlare ya diolivi tsa gore di tšhela makgura ya ma gholdi ka mathumbhu ka mabedi ya gholdi di ra gore king?”

13 Byalo a mputsisa gore: “A o di tšibi gore dilo tsowa di ra gore king?”

Nna ka re: “Awwa morenaka.”

14 A re: “Bowa ke ba gore ba tlotsiwwe ka babedi ba gore ba yemme thina le Morena wa lefase ka mokana ga lona.”+

5 Ka lebelela gedimo fote, ka bona lengwalo la go phutiwa le phurrwa. 2 A mputsisa gore: “O bona ying?”

Nna ka re: “Ke bona go phurrwa lengwalo la go phutiwa la gore ke 20 ya dikhyubhiti* ka go lefa fote ke 10 ya dikhyubhiti ka go psyaralala.”

3 Ke mokane a re gaka: “Sowa ke senyama sa gore se nyoko makegela batho ba lefaseng ka mokana ga lona, ka gore bo ba go yetswa ka mokana ga bona+ a baa wolodiwa, go fo ya ka mokgo go ngwadiwweng ka nthoko ye nngwana ya lona; fote bo ba go tshepisa ka mokana ga bona+ a baa wolodiwa, go fo ya ka mokgo go ngwadiwweng ka gona ka nthoko ye nngwana ya lona. 4 ‘Ke le romme,’ go hlaya Jehova wa masole, ‘fote le nyoko kena ntlong ya ye wa go yetswa le ntlong ya ye wa go tshepisa matsaka ka lebitso laka; le nyoko dula ka hone ntlong, le nyoko yi ja, la ja le diphate tsa yona le matlapa ya yona.’”

5 Ke mokane lengeloyi lo ne le bolabola le nna la šutela la re gaka: “Ke kgopela o lebelele ku gedimo o bone gore go tšwa ying.”

6 Byalo ka butsisa gore: “Dilo tsowa king?”

Mo le mfetola la re: “Selo so sa gore se ya tšwa ke mmantši* wa go kala ifa.” La boya la hlaya gore: “Batho lefaseng ka mokana ga lona ba fo ba ka mokgonone.” 7 Fote ka bona go budiwa sekogelo sa kgokolo sa go makiwa ka tshipi, ke mo go na le mosadi a duli ka mone teng. 8 La boya la re: “Yewa ke Wa go ba le Pelo ye Phifadu.” Ke mokane la mo bošela ka ku teng ga mmantši wa go kala ifa, la wo kogetsa ka sekogelo sa go roba.

9 Byalo ka lebelela ku gedimo ke mokane ka bona go tla basadi ka babedi, ke mo ba pherera hala moyeng. Ke mo ba na le mafafela ya go tshwana le ya kenudi.* Ke mokane ba rwala mmantši wela ba ya nawo ku sebakabakeng. 10 Ke mokane ka butsisa lengeloyi lo la gore ke mo le bolabola le nna ka re: “Mmantši wowa wa go kala ifa ba wo yisa kaye?”

11 La re: “Ba wo yisa nageng ya Šinara*+ gore ba mo yagele ntlo; mo yi šele yi lukiye ba nyoko mmeya ga yona a dulisega.”

6 Ke mokane ka lebelela gedimo fote, ka bona kanne ya dikotšikara di tšwa gare ga dithaba ka dipedi, dithaba tsone ke mo go le tsa koporo. 2 Sekotšikara sa mathomo ke mo se goga ke dipera tse dikhubedu, sekotšikara sa mabedi se goga ke dipera tse diphifadu.+ 3 Sekotšikara sa kararo ke mo se goga ke dipera tse ditšhwewu, sekotšikara sa kanne se goga ke dipera tsa ditwabatwaba le tsa dikhala tsa mohlobohlobo.+

4 Ka butsisa lengeloyi lo ne le bolabola le nna ka re: “Dilo tsowa king morenaka?”

5 Lengeloyi lela la mfetola la re: “Yowa ke kanne ya memoya+ ya magedimo ya gore ya tloga ka nthago ga go yema mahlong ga Morena wa lefase ka mokana ga lona.+ 6 Sekotšikara sa gore ke mo se goga ke dipera tse diphifadu se ya nageng ya ka lebowa;+ dipera tse ditšhwewu di ya ka mosekola wela wa lewatle; fote dipera tsa ditwabatwaba di ya nageng ya borwa. 7 Tsa dikhala tsa mohlobohlobo ke mo di jagele go tšwa di sepela-sepela lefaseng.” Ke mokane la re: “Ariyeneng le ye sepela-sepela lefaseng.” Dya thomisa go sepela-sepela lefaseng.

8 Ke mokane la yahlamela la re gaka: “Bona, tso di yyeng nageng ya lebowa di makiye gore moya wa Jehova wo dule nageng ya lebowa.”

7 Fote ka mongwaga wa kanne wa Kgoši Dariyase, lentsu la Jehova le tlile ga Zakariya+ ka letšatši la kanne la kgwedi ya nkokwane, kgwedi ya Tšhisilefo.* 2 Batho ba Bhethele ba roma Šarezere le Regheme-meleke le batho bage gore ba kgopele Jehova gore a ba yamogele, 3 ba butsisa maprista ya ntlo ya Jehova wa masole le baporofeta gore: “Ayitsano di nyaka ke lle ka kgwedi ya kapheta+ fote ke tikone tsa go ja, go tshwana le ka mokgo ke makiyeng ka gona ka mengwaga ya go tlala?”

4 Lentsu la Jehova wa masole la tla gaka fote la re: 5 “Botsa batho ka mokana ga bona ba mone nageng le maprista gore, ‘Nakwela le fetsa 70 ya mengwaga+ le tikona tsa go ja fote le lla ka kgwedi ya kapheta le ka kgwedi ya kašupa,+ ayitsano ne le makela nna? 6 Fote nakwela le ja le boya le nwa, ayitsano ne le sa makele lune beng? 7 Ayitsano a di nyake le theetsela mantsu ya Jehova a ma hlayyeng a berekisa baporofeta ba botala,+ nakwela go sa dula batho Jerusalema le mitšing yo yi yi dukulugeleng fote go bebiye, nakwela go sa dula batho Neghebe le Šefela?’”

8 Lentsu la Jehova la tla ga Zakariya fote, la re: 9 “Tsowa ke tso Jehova wa masole a di hlayang, ‘Yahlulaneng gabutši,+ fote le tshwarane ka mokgwa wa go šupetsa gore le ya nyakanana+ fote le kwelana go baba. 10 Le sa tsotse mosadi wa go kgwela ke monna kela ngwana wa gore aa na papa,+ motho wa go fo tšwa a sepela+ kela motho wa go tihlupegela;+ le sa polanelane dilo tsa go sa loka ka ho dipelong tsa lune.’+ 11 Mara ba f’lo ya mahlong ba gana go theetsela,+ ba f’lo tšhingha ba njikela,+ fote ba thiba ditsebe tsa bona gore ba sa kwe.+ 12 Ba makiye gore dipelo tsa bona di thathafe go tshwana le letlapa,*+ ke mo ba sa theetsele molawo le mantsu ya Jehova wa masole a ma romeleng ka moya wage wa go hlawolega a berekisa baporofeta ba botala.+ Byalo Jehova wa masole a kwata ka matla.”+

13 “‘Go fo tshwana le ka mokgo ba yyeng ba sa theetsele mo ke bitsa,+ le nna ne ke sa ba theetsele mo ba bitsa,’+ go hlaya Jehova wa masole. 14 Ke ba tlalagannye ka sedingwane ba ya ga ditšhaba ka mokana ga tsona tsa gore ke mo ba sa di tšibi,+ naga yo ba tlugiyeng ga yona gwa šala go le lešupi, go se na ye a fetang ga yona kela ye a boyelang ga yona;+ ka gore ba makiye gore naga yela ya go bafala go be lešupi la go tshosa.’”

8 Lentsu la Jehova wa masole la tla gaka fote la re: 2 “Tsowa ke tso Jehova wa masole a di hlayang, ‘Ke nyoko lwela Siyoni, eya, ke nyoko yi lwela ka pelo yaka ka mokana ga yona,+ ke nyoko mo lwela ke kwatiye ka matla fote ke nyoko mo pasopa.’”

3 “Tsowa ke tso Jehova a di hlayang, ‘Ke nyoko boyela Siyoni+ fote ka dula Jerusalema;+ Jerusalema ba nyoko re ke mutši wa nnete,+ le thaba ya Jehova wa masole, thaba ya go hlawolega.’”+

4 “Tsowa ke tso Jehova wa masole a di hlayang, ‘Bo ba gore ba šele ba gudiye ba nyoko boya ba dula mo batho ba gahlanelang gona ku Jerusalema, ye mongwana le ye mongwana a tshwere thoka ka taba la gore o tsofele.+ 5 Fote mo batho ba gahlanelang gona hala mutšing go nyoko tlala bašomanyana le bannyana ba kgana.’”+

6 “Tsowa ke tso Jehova wa masole a di hlayang, ‘Le mo di ka šupa nkare di ya thathafa ga bo ba šeleng ga batho baka ka dinako tsone, ayitsano di nyaka di šupetse di thathafa le ho gaka?’ go hlaya Jehova wa masole.”

7 “Tsowa ke tso Jehova wa masole a di hlayang, ‘Ke nna yewa ke phonisa batho baka ba go tšwa dinageng tsa ka bohlabela le tsa ka bodikela.+ 8 Ke nyoko ba leya Jerusalema+ ba dula gona; ba nyoko ba batho baka fote nna ke nyoko ba Modimo+ wa bona wa gore wa tshepega, wa gore fote o lukiye.’”

9 “Tsowa ke tso Jehova wa masole a di hlayang, ‘Šišimalaneng,+ lune ba gore le kwa mantsu ya go tšwa molomong wa baporofeta,+ mantsu ya go tshwana le ya ba ma bolabodiyeng ka letšatši la mo ba maka difandhiši tsa ntlo ya Jehova wa masole gore ba yage tempele. 10 Ka gore mo nako yone yi soko segela, ke mo ba sa patele motho kela phoolwane ya go tshosa;+ fote ke mo go sa pasopega go ya gona ka taba la lenaba, ka gore ke makiye gore batho ka mokana ga bona ba lwe ka bo bona beng.’

11 “‘Mara gana byalo, bo ba šeleng ga batho baka nka sa ba tshware go tshwana le ku botala,’+ go hlaya Jehova wa masole. 12 ‘Ka taba la gore ba nyoko gaša pewu ya gore yi nyoko maka gore go bebe; modhriva wo nyoko ntsha diyengwa tsa wona le lefase le nyoko ntsha tso ba nyoko di bunang,+ fote magedimo ma nyoko nisa phooka ya wona; ke nyoko maka gore bo ba šeleng ga batho bowa ba tseye dilo tsowa ka mokana ga tsona go be lefa la bona.+ 13 Ka mokgo le yyeng la ba selo sa go kweriwa gare ga ditšhaba,+ lune ba ntlo ya Juda le ba ntlo ya Israyele, ke nyoko le phonisa fote ba nyoko rufega ka taba lago.+ Le sa tšhabeneng!+ Šišimalaneng.’+

14 “Ka gore tsowa ke tso Jehova wa masole a di hlayang, ‘“Go fo tshwana le ka mokgo ne ke tikemisele go le leyela tsa go sasamela ka taba la gore bokokwane ba lune ba nkwatisiye,” go hlaya Jehova wa masole, “fote ka sa tisole,+ 15 byalo gana byalo ke tikemisele go makela Jerusalema le ba ntlo ya Juda+ dilo tsa gabutši. Le sa tšhabeneng!”’+

16 “‘Tsowa ke dilo tso le tshwaneleng le di make: Botsananeng nnete,+ mo le yahlula digheyiting tsa lune le bolabole nnete fote le make gore go šale go bebiye.+ 17 Le sa polanelane dilo tsa go befa ka dipelong tsa lune,+ le sa kwane le go tshepisa dilo tsa matsaka;+ ka gore dilo tsowa ka mokana ga tsona ke di hloyye,’+ go hlaya Jehova.”

18 Lentsu la Jehova wa masole la tla gaka fote, la re: 19 “Tsowa ke tso Jehova wa masole a di hlayang, ‘Mo le tikona tsa go ja ka kgwedi ya kanne,+ le tikona tsa go ja ka kgwedi ya kapheta,+ le tikona tsa go ja ka kgwedi ya kašupa+ le mo le tikona tsa go ja ka kgwedi ya lesome+ go nyoko ba nako ya gore ba ntlo ya Juda ba hlakele fote ba jabole⁠—menyanya ya go jabola.+ Byalo, kwananeng le nnete le go beba.’

20 “Tsowa ke tso Jehova wa masole a di hlayang, ‘Batho le bo ba gore ba dula mitšing ya go tlala ba nyoko tla; 21 batho ba go dula hone mutšing ba nyoko ya ga ba bangwana ba re: “Koriyeneng re ye kgopela di re baba gore Jehova a re yamogele, re ye nyakana le Jehova wa masole. Le nna ke ya ya.”+ 22 Fote batho ba go tlala le ditšhaba tsa go ba le matšhika di nyoko tla Jerusalema+ gore di berekele Jehova wa masole le go kgopela Jehova gore a di yamogele.’

23 “Tsowa ke tso Jehova wa masole a di hlayang, ‘Ka dinako tsone, lesome la banna ba go tšwa ga mebolabolo ka mokana ga yona ya ditšhaba+ ba nyoko tshwara kobo ya Lejuda, eya, ba nyoko ro yi ngangarela, ba re: “Re nyaka go sepela nago+ ka gore re di kwelele gore Modimo o na le batho ba genu.”’”+

9 Wowa ke molayetsa wa go tšwa ga Modimo:

 3 Tira yi yagiye mapharo* gore yi pasopege.

 9 Jabola ka matla, wene morwediya wa Siyoni.

Hlakela ka taba la gore o hludiye, wene morwediya wa Jerusalema.

Bona! Kgoši yago ya tla.+

Go nyoko tseyiwa mosefo wa gore ba wo berekisa ntweng.

12 Boyelaneng ga poleke ya gore yi pasopegiye, lune mabhantiti ya gore ma na le tshepo.+

13 Ka gore ke nyoko ghoba Juda go tshwana le mosefo waka.

10 “Kgopelaneng Jehova gore a le niseleneng pula ka nako ya mo mehlare yi bhloma.

Ba nyoko yinghayingha go tshwana le dinku ka taba la tsotsone.

Ba nyoko hlupega ka gore a go na wa go disa.

4 “Tsowa ke tso Jehova Modimo waka a di hlayang, ‘Disa morape wa gore wo nyoko bolayiwa,+ 5 wa gore bo ba wo rekiyeng baa wo bolaya+ fote a ba be le molato. Bo ba wo rekisang+ ba re, “Nkare go ka thanakiwa Jehova, ka gore re nyoko ghanya.” Fote bo ba wo disang a ba wo kwele go baba.’+

6 “‘Ka gore bo ba dulang hone nageng nka sa sa ba kwela go baba,’ go hlaya Jehova. ‘Byalo, ke nyoko maka gore ye mongwana le ye mongwana a kgahleletse ke moyagelane wage le kgoši yage; ba nyoko sinya naga yone fote nka sa ba phonisi matsogong ya bona.’”

7 Ka thomisa go disa morape wa gore wo nyoko bolayiwa+ ke makela gore di berekele lune, lune ba gore le ya hlupegisiwa mo morapeng. Byalo ke tsere dithoka ka dipedi, ka yyoši ka re ke Go Loka, ye nngwana ka re ke Go ba Selo ka Ssoši,+ ka thomisa go disa morape. 8 Fote ke rakiye ba go disa kararo ya bona ka kgwedi ka yyoši, ka gore ke mo ke sa kgone go ba lefisela pelo fote le bona ne ba nhloyye. 9 Fote ka re: “Nka sa yi mahlong ke le disa. Ye a kgwang a kgwe, ye a bolayiwang a bolayiwe. Ga bo ba šeleng, ye mongwana a je nama ya ye mongwana.” 10 Byalo, ka tseya thoka yaka ya Go Loka+ ka yi robanya, ka robanya kwano yo ke yi makiyeng le batho ka mokana ga bona. 11 Byalo, yi robegiye ka letšatši lone, fote bo ba gore ba kgahleletsegiye ba hala morapeng ba gore ke mo ba ntibelele ba napiye ba di tšiba gore ke mo go le lentsu la Jehova.

12 Ke mokane ka re ga bona: “Mo nkare le bona di le gabutši, nneyeneng mogolo waka; mara mo di se gabutši le sa nneyeneng.” Ba nneya mogolo waka, 30 ya ditšheleta tsa silva.+

13 Ke mokane Jehova a re gaka: “Wo bošele mo ba beyang gona tšheleta⁠—ke mo go le tšheleta ye nyana yo ba bonneng yi nllikanne.”+ Byalo ka tseya 30 ya ditšheleta tsa silva ka di bošela mo ba beyang gona tšheleta ka ntlong ya Jehova.+

14 Ke mokane ka robanya thoka yaka ya mabedi, Go ba Selo ka Ssoši,+ ka sinyanya bošaga gare ga Juda le Israyele.+

15 Jehova a re gaka: “Byalo, tseya dilo tso di berekisang ke ye wa go disa wa go sa re selo.+ 16 Ka gore ke nyoko maka gore go be le wa go disa ho nageng. A ka sa pasope dinku tsa gore di ya kgwa;+ a ka sa nyakele dinkunyana, a ka sa yalafe tsa gore di kwalele+ kela go fepa tsa gore di kgona go yema. Mara o ja nama ya tso tsa gore di tsifiye+ fote o tlopolanya dikoto tsa dinku.+

17 Ye wa go disa wa go sa re selo o ko tikweleng,+ ye wa gore aa yisi felo ka morape!+

Sabola yi nyoko hlaba letsogo lage le lihlo lage la ka letsogong la go ja.

12 Molayetsa wa go tšwa ga Modimo:

2 Ke nna yewa ke maka gore Jerusalema go be komitši* ya go maka gore batho ka mokana ga bona ba gore ba yi dukulugele ba tshetshe; fote Juda le Jerusalema ba nyoko di dukulugela gore ba thogo di hlasela.+ 3 Ka letšatši lone, ke nyoko maka gore Jerusalema go be letlapa la go roba ga batho ka mokana ga bona. Bo ba le kakolang ka mokana ga bona ba nyoko kwalela ka matla;+ fote ditšhaba ka mokana ga tsona tsa lefaseng di nyoko kgobakana gore di lwe nayo.+ 4 Ka letšatši lone,” go hlaya Jehova, “ke nyoko maka gore pera ye nngwana le ye nngwana yi hlakahlakane, ka maka le gore bo ba di kalammeng ba hlanye. Ke nyoko ya mahlong ke lebelele ntlo ya Juda, mara ke nyoko maka gore dipera tsa ditšhaba dipopele maahlo. 5 Fote dindhuna tsa Juda di nyoko hlaya ka dipelong tsa tsona gore, ‘Bo ba go dula Jerusalema ke matšhika ya rune ka taba la Jehova wa masole Modimo wa bona.’+ 6 Ka letšatši lone, ke nyoko maka gore dindhuna tsa Juda di tshwane le magala ya go dura gare ga mahlare fote di tshwane le setšhubampara sa go dura gare ga dingata tsa mabele ya gore ma sa tšo kupiwa,+ fote di nyoko tšhuba batho ka mokana ga bona ba gore ba ka nthoko ya letsogo la go ja le ka nthoko ya letsogo la sepata;+ batho ba Jerusalema ba nyoko ya mahlong ba dula ga dipoleke tsa bona tsa gore di Jerusalema.+

7 “Fote Jehova o nyoko thomisa ka go phonisa matente ya Juda, gore go bafala ga ntlo ya Dafita le go bafala ga bo ba dulang Jerusalema di sa phale Juda ka matla. 8 Ka letšatši lone, Jehova o nyoko tšhireletsa bo ba dulang Jerusalema+ go tshwana le legawu; ka letšatši lone, ye a phiriketsegang gare ga bona o nyoko tshwana le Dafita, fote ntlo ya Dafita yi nyoko ba yeta mahlong go tshwana le Modimo, go tshwana le lengeloyi la Jehova.+ 9 Fote ka letšatši lone, ke nyoko ba ke tikemisele gore ke fetse ka ditšhaba ka mokana ga tsona tsa gore di lwa le Jerusalema.+

10 “Ke nyoko šupetsa ba ntlo ya Dafita le ba go dula Jerusalema gore ke ya ba yamogela fote ke nyoko ba theetsela mo ba rapela, ba nyoko lebelela ye wa gore ba mo hlabiye+ fote ba nyoko mo llela go tshwana le mo ba llela morwayi wa gore o fo ba a ntoši; ba nyoko mo llela ka matla go tshwana le mo ba llela morwayi wa letšibula. 11 Ka letšatši lone, Jerusalema go nyoko lliwa ka matla, go tshwana le mo go lliwa ku Hadadrimone Moyeding wa Meghido.+ 12 Naga yi nyoko lla, mutši wo mongwana le wo mongwana wo nyoko lla wo le ntoši; mutši wa ntlo ya Dafita wo nyoko lla wo le ntoši, fote basadi ba bona ba nyoko lla ba le ntoši; mutši wa ntlo ya Nathane+ wo nyoko lla wo le ntoši, basadi ba bona ba nyoko lla ba le ntoši; 13 mutši wa ntlo ya Llifi+ wo nyoko lla wo le ntoši, le basadi ba bona ba nyoko lla ba le ntoši; mutši wa Mašimeyi+ wo nyoko lla wo le ntoši, le basadi ba bona ba nyoko lla ba le ntoši; 14 le mitši ka mokana ga yona ya gore yi šele, mutši wo mongwana le wo mongwana wo nyoko lla wo le ntoši, le basadi ba gona ba nyoko lla ba le ntoši.

13 “Ka letšatši lone, ba nyoko bula sediba ba se bulela ba ntlo ya Dafita le ba go dula Jerusalema gore ba thogo yedisiwa ga tso ba di sinnyeng le tsa go befa tso ba di makiyeng.+

2 “Ka letšatši lone,” go hlaya Jehova wa masole, “ke nyoko sula mabitso ya medimo ya dithombhe mone nageng,+ fote yi ka sa sa gupudiwa; fote hone nageng ke nyoko tlosa baporofeta+ le bo ba gore ba hlohletsela gore go makiwe dilo tsa gore Modimo aa di nyake. 3 Mo motho a ka porofeta fote, papage le mmane wage ba gore ba mmelegiye ba nyoko re gage, ‘O ka sa phele ka taba la gore o hlayye matsaka ka lebitso la Jehova.’ Papage le mmane wage ba gore ba mmelegiye ba nyoko mo hlaba ka sabola ka taba la gore o porofitiye.+

4 “Ka letšatši lone, moporofeta ye mongwana le ye mongwana o nyoko tšebisa ke mmono wage mo a porofeta; fote ba ka sa yapare dikobo+ tsa baporofeta gore ba tshokanye batho. 5 Fote o nyoko re, ‘A yi nna moporofeta. Go fo ba nna motho wa go lima, ka taba la gore motho ye mongwana o nrekiye ke sa le ye monyana.’ 6 Fote mo ye mongwana a ka mmutsisa gore, ‘Mabadi yawa mo gare ga magetla yago* ke ya ying?’ Yene o nyoko re, ‘Ke mabadi ya gore ke ma krayye ntlong ya banghana baka.’”*

14 “Bona! Letšatši le ya tla, letšatši la Jehova, mo batho ba ngathelana dilo tsago* mahlong gago. 2 Ke nyoko kgobaketsa ditšhaba ka mokana ga tsona gore di lwe le Jerusalema; ba nyoko hlula mutši, ba tseya dintlo tsa bona fote ba reyipa basadi ba bona. Sekopa sa mutši wone se nyoko ya bobhantiting, mara bo ba šeleng ga batho bone ba ka sa tlusiwi mone mutšing.

3 “Jehova o nyoko ya a lwa le ditšhaba+ tsone go fo tshwana le mo a lwa ka letšatši la ntwa.+ 4 Ka letšatši lone, mawoto yage ma nyoko yema Thabeng ya Diolivi+ ya gore yi libiye Jerusalema ka nthoko ya bohlabela; fote Thaba ya Diolivi yi nyoko ngathiwa ka bogare go tlugisela ka bohlabela go segela ka bodikela,* gwa ba le moyedi wo mogolo ka matla; sekopa sa thaba yone se nyoko ya ka lebowa, sekopa se sengwana sa ya ka borwa. 5 Le nyoko tšhabela moyeding wa dithaba tsaka, ka gore moyedi wa dithaba tsone wo nyoko segela le Azele. Di nyoko nyaka gore le tšhabe, go fo tshwana le mo le tšhabiye ka taba la go tekateka ga lefase ka dinako tsa Kgoši Uziya wa Juda.+ Jehova Modimo waka o nyoko tla, fote bo ba go hlawolega ka mokana ga bona ba nyoko ba ba le naye.+

6 “Ka letšatši lone go ka sa khanye+⁠—dilo di ka sa sa bereka. 7 Letšatši lone go nyoko tšibega go le letšatši la Jehova.+ Go ka sa be motshegare, fote go ka sa be bošego; go nyoko khanya ka malobana. 8 Ka letšatši lone, meetši ya go phidisa+ ma nyoko yela ma tšwa Jerusalema,+ ya mangwana ma nyoko yela ma ya ka nthoko ya bohlabela ya lewatle*+ fote ya mangwana ma nyoko yela ma ya ka nthoko ya bodikela bya lewatle.+ Di nyoko makega mo go le selemo le mo go le marega. 9 Fote Jehova go nyoko ba kgoši ya lefase ka mokana ga lona.+ Ka letšatši lone, Jehova go nyoko ba yene Modimo a ntoši+ ye a rapediwang, fote go nyoko thanakiwa lebitso lage le ntoši.+

10 “Naga ka mokana ga yona yi nyoko tshwana le Arabha+ go tlugisela Ghebha+ go segela Rimoni+ ka nthoko ya ka borwa ya Jerusalema; Jerusalema yi nyoko gudisiwa mo yi leng gona fote batho ba nyoko dula ga yona,+ go tlugisela Gheyiting ya Bhenjamini+ go segela le ka nthoko ya Gheyiti ya Mathomo, go šinya go segela Gheyiting ya Khoneng, le go tlugisela Sewokamelong sa Hananele+ go segela le mo ba makelang gona wayini ya kgoši. 11 Batho ba nyoko dula ga yona; go ka sa sa fela ka mutši wone+ fote batho ba nyoko dula Jerusalema ba pasopegiye.+

12 “Yawa ke malwele ya gore Jehova o nyoko ma leyela batho ka mokana ga bona ba gore ba lwa le Jerusalema:+ Nama ya mo mmeleng wa bona yi nyoko bola ba kene ba sa phela, maahlo ya bona ma nyoko bola mo ma leng gona, fote maleme ya bona ma nyoko bola ka ganong ga bona.

13 “Ka letšatši lone, Jehova o nyoko maka gore ba hlakahlakane ka matla; ye mongwana le ye mongwana o nyoko tshwara letsogo la monghanage,+ fote ba nyoko lwa. 14 Juda le yona yi nyoko ya ntweng Jerusalema; fote dilo tso ditšhaba ka mokana ga tsona di di dukulugeleng di ghannyeng ka tsona di nyoko kgobaketsiwa, gholdi, silva le dikobo tsa go tlala ka matla.+

15 “Fote malwele ya go tshwana le yala ma nyoko kena dipera, dimeyila, dikamela, dibhongholo le merape ka mokana ga yona ya gore yi ga dikampa tsone.

16 “Ye mongwana le ye mongwana wa gore o ko ba a šele ga ditšhaba ka mokana ga tsona tsa gore di lwa le Jerusalema o nyoko ya mongwaga wo mongwana le wo mongwana+ gore a ye thinyela Kgoši letolo, Jehova wa masole,+ le gore a ye Monyanyeng wa Mašayi.+ 17 Mara mo go ka sa be le motho ga mitši ya mo lefaseng wa gore o ya Jerusalema gore a ye thinyela Kgoši letolo, Jehova wa masole, le mo ga bona pula yi ka sa ne.+ 18 Mo nkare mutši wa Egepita a wo yi mone mutšing, pula yi ka sa ne mone ga wona. Mara Jehova o nyoko maka gore Egepita go be le malwele ya gore o nyoko ma leyela ditšhaba tsa gore a di yi Monyanyeng wa Mašayi. 19 Egepita le ditšhaba ka mokana ga tsona tsa gore a di yi Monyanyeng wa Mašayi di nyoko wolodiwa ka mokgo.

20 “Ka letšatši lone, mantsu ya gore ‘Jehova o hlawolegiye!’+ ma nyoko ngwadiwa ga dinghelenghele tsa dipera. Fote dipoto tsa go yapega+ ntlong ya Jehova di nyoko tshwana le ditša tsa motšiti+ mahlong ga aletare. 21 Poto ye nngwana le ye nngwana ya go yapega ya ku Jerusalema le ya ku Juda di nyoko hlawolega fote go nyoko ba tsa Jehova wa masole, batho ka mokana ga bona ba gore ba maka dihlabelo ba nyoko tla ba berekisa tse dingwana gore ba bidise nama. Ka letšatši lone, go ka sa sa ba le Lekanana* ntlong ya Jehova wa masole.”+