MALAKI

1 Molayetsa wa go tšwa ga Modimo:

Jehova o botsa Maisrayele molayetsa wowa a berekisa Malaki:*

2 Jehova o re: “Ke le šupetsiye gore ke ya le nyaka.”+

Mara lune le re: “O re šupetsiye byang gore wa re nyaka?”

Jehova o re: “Anthe Esewu ke mo go se bhuti wa Jakobo?+ Jakobo ne ke mo nyaka ka matla, 3 mara Esewu yene ke mo hloyye;+ ka maka gore dithaba tsage di šale di se na selo+ fote ka maka gore lefa lage go be poleke ya kgwaakgwa ga gore go dula dijakalase.”+

4 “Le mo Edomo a re, ‘Ba re pshyayannye, mara re nyoko boyela re di yage ka bonyuwane tso di sinyegiyeng,’ tsowa ke tso Jehova wa masole a di hlayang, ‘Ba nyoko yaga, mara ke nyoko wisanya, ba nyoko bitsiwa “poleke ya gore yi tlele ka batho ba go maka tsa go sa loka” le “batho ba gore Jehova o ba hlapa matsogo go ya go yye.”+ 5 Le nyoko di bona ka maahlo ya lune beng, fote le nyoko re: “Nkare go ka gadimisiwa Jehova nageng ya Israyele.”’”

6 “Nna Jehova wa masole ke re ga lune maprista ya gore a ma hlompe lebitso laka:+ ‘Akere morwayi o hlompa papage,+ fote lelata le hlompa mong wa lona. Byalo, mo nkare ke nna papa wa lune,+ ke ntaba le sa nhlompe ka mokgo go tshwaneleng?+ Fote mo nkare ke nna mong wa lune, ke ntaba le sa nhlompe ka mokgo go tshwaneleng?’

“‘Mara lune le re: “Re makiye ying sa go šupetsa gore a re hlompe lebitso lago?”’

7 “‘Le leya tsa go ja* tsa go sa yela aletareng yaka.’

“‘Fote le re: “Re go thilafatsiye ka ying?”’

“‘Le yitseri: “Tafola ya Jehova+ a yi re selo.” 8 Mo le tla le phoolwane ya go popela maahlo gore le make sehlabelo, le re: “A yi selo sa go hlupa.” Fote mo le tla le phoolwane ya go golofala kela ya go lwala, le re: “A yi selo sa go hlupa.”’”+

“Le fo liketsa le re le di neya ye wa go le lawola ša. Le bona nkare le nyoko mo jabodisa? Nje o nyoko le yamogela?” go hlaya Jehova wa masole.

9 Jehova wa masole o re: “Byalo, kgopelaneng Modimo gore a re yamogele. Ayitsano o nyoko le yamogela le kene le tshwere dihlabelo tsa mošaga wonone?”

10 Jehova wa masole o re: “Ke mang ho ga lune wa gore o tikemisele go kwala dikwalo?*+ Ka gore le šitega le go gotsa le mong mollo aletareng yaka mahala.+ A le njabodisi wa tšiba, fote dihlabelo tso le mmakelang tsona a di njabodisi.”+

11 Jehova wa masole o re: “Ka gore lebitso laka le nyoko ba le legolo gare ga ditšhaba go tlugisela mo letšatši le hlaba go segela le dikela.*+ Go nyoko tupa muši wa dihlabelo ga poleke ye nngwana le ye nngwana, fote ba nyoko maka dihlabelo go šupetsa gore ba hlompa lebitso laka, go nyoko ba selo sa gore ke ya se yamogela; ka taba la gore lebitso laka go nyoko ba le legolo gare ga ditšhaba.”+

12 “Mara lune le thilafatsa lebitso laka*+ mo le re, ‘Tafola ya Jehova yi thilafele, fote dihlabelo tso di leng gedimo ga yona a di re selo.’+ 13 Fote le re, ‘Yii! Di ya tinwisa!’ la boya la di nyemula,” go hlaya Jehova wa masole. “Fote le leya diphoolwane tsa gore le di yetswiye, tsa go golofala le tsa gore di ya lwala. Eya, le tla le nneya dilo tsa mošaga wonone! Ayitsano le nyaka ke di yamogela?”+ go hlaya Jehova.

14 “Motho wa gore o maka bošakašakane ka go tshepisa a boya a makela Jehova sehlabelo ka phoolwane ya gore a ya philega a kene a na le phoolwane ya phoolo ya go philega morapeng wage, o nyoko tlela ke senyama. Ka gore ke nna Kgoši ye kgolo,”+ go hlaya Jehova wa masole, “fote ditšhaba di nyoko tšhaba dya boya dya hlompa lebitso laka.”+

2 “Lune maprista, ke botsa lune dilo tsowa.+ 2 Mo nkare a le nyake go theetsela, fote go gadimisa lebitso laka a le go tseyele hlogong,” go hlaya Jehova wa masole, “ke nyoko le leyela senyama fote ka maka gore tso le tshwaneleng le rufiwe ka tsona go be senyama.+ Eya, ke makiye gore tso le tshwaneleng go rufiwa ka tsona go be senyama,+ ka taba la gore a le yisi felo ka go gadimisa lebitso laka.”

3 “Ke nyoko sinyanya pewu yo le yi gašiyeng ka taba la tso le di makang,+ ke nyoko le gaša ka boraga ho mahlong, boraga bya diphoolwane tso le makang dihlabelo ka tsona menyanyeng ya lune; fote le nyoko yisiwa mo ba lahlang boraga. 4 Ke mokane le nyoko di tšiba gore ke le neyye molawo wowa gore kwano yaka le Llifi yi thogo ya mahlong,”+ go hlaya Jehova wa masole.

5 “Kwano yo ke yi makiyeng naye yi berekiye gore yi phonise lephelo lage fote yi makiye gore a phele lephelo la go beba. O napiye a nhlompa ka matla ka taba la dilo tso a rufiwweng ka tsona. Ke mo a hloyye selo se sengwana le se sengwana sa gore se ya nsilikisa ka taba la gore ke mo a hlompa lebitso laka. 6 O tšhutisa+ molawo wa nnete fote aa soko bolabola dilo tsa go befa. Ke mo a sepela le nna a bebiye fote a lukiye,+ o makiye gore batho ba go tlala ba sokologe ba sa sa maka tsa go befa. 7 Ka gore molomo wa moprista wo tshwanele wo tšhutise+ batho ka Modimo, fote batho ba ya gage mo ba nyaka go tšiba ka molawo, ka taba la gore ke yene wa gore o romme ke Jehova wa masole.

8 “Mara lune le tšwile pateng. Le makiye gore batho ba go tlala ba sa latelele molawo.+ Le sinnye kwano yo ke yi makiyeng le Llifi,”+ go hlaya Jehova wa masole. 9 “Byalo, ke nyoko maka gore batho ka mokana ga bona ba le nyenye fote ba le tseyele fase, ka taba la gore a le ya latelela tso ke di hlayang mara batho ka mokana ga bona a le ya ba tshwara go tshwana mo le berekisa molawo.”+

10 “Anthe ka mokana ga rune a re na papa ka wwoši?+ Anthe a re ya maka ke Modimo ka wwoši? Byalo ke ntaba re tshokanana fote re makana lešidi,+ re thilafatsa kwano yo Modimo a yi makiyeng le bokokwane ba rune? 11 Juda a ya tshepega, fote go makegiye selo sa go silikisa ku Israyele le Jerusalema; ka gore Juda a ya hlompa Jehova,+ yene wa gore o kwana le tsa go hlawolega. Yi šadhiye le morwediya wa modimo wa matsaka.+ 12 Jehova o nyoko fetsa ka ye mongwana le ye mongwana ye a makang dilo tsowa matenteng ya Jakobo, ye mongwana le ye mongwana le mo nkare o leyela Jehova wa masole sehlabelo.”+

13 “Fote go na le se sengwana so le se makang sa gore se maka gore aletare ya Jehova yi tlale ka dinepedi, go lla le go gotla, tsotsone dya maka gore a sa sa yamogela dihlabelo tsa lune kela selo se sengwana le se sengwana so le mo neyang sona.+ 14 Mara lune le re, ‘Ke ntaba?’ Nka taba la gore Jehova ke hlatse gare gago le mosadi ye o mo tsereng nakwela o sa le mosogana, wa gore a wa tshepega gage le mo go kene go le motho wago fote go le mosadi wago wa gore o mo makele kano.*+ 15 Mara ke mo go na le ka wwoši wa gore aa di maka tsotsone, ka gore moya wa go hlawolega wa Modimo ke mo wo sa šele nyana ho gage. King so ne a se nyaka? Ke mo a nyaka ditlogolwane* tsa Modimo. Byalo, tipasopeneng ga mokgwa wone wa lune, fote le tshepege ga basadi bo le ba tsereng mo le sa le masogana. 16 Ka gore ke di hloyye mo batho ba hlalana,”+ go hlaya Jehova Modimo wa Israyele, “fote ke hloyye motho wa go maka tsa bokgohlane,” go hlaya Jehova wa masole. “Tipasopeneng ga mokgwa wone wa lune, fote le tshepege.+

17 “Le tinwisiye Jehova ka mantsu ya lune.+ Mara le re, ‘Re mo tinwisiye byang?’ Ka go hlaya gore, ‘Ye mongwana le ye mongwana wa go maka tsa go befa o lukiye mahlong ga Jehova, fote motho yene wa mo jabodisa,’+ kela ka go hlaya gore, ‘O kaye Modimo wa go yahlula ka go loka?’”

3 “Bonaneng! Ke roma motho fote o nyoko n’yeta mahlong gore a nkgorele tsela.+ Morena wa mannete wa gore le kene le nyakana naye, o nyoko tla tempeleng yage le sa nagana;+ ke mokane ye ke mo rommeng gore a yise molayetsa wa kwano o nyoko tla, yene wa gore wa le jabodisa. Ka nnete o nyoko tla,” go hlaya Jehova wa masole.

2 “Mara ke mang a ka tiyiselang ka letšatši la mo a tla, fote ke mang a ka yemang mo a nyarela? Ka gore o nyoko tshwana le mollo wa gore ba wo berekisa mo ba tulusa dilo le ssipi+ sa go hlatswa dikobo. 3 Fote o nyoko dula nkare ke wa go tulusa silva+ a boya a yi yedisa fote o nyoko yedisa barwayi ba Llifi; o nyoko ba yedisa go tshwana le gholdi le silva, fote go nyoko ba batho ba go loka ba gore ba leya sehlabelo ga Jehova. 4 Fote Jehova o nyoko jabodisa ke dihlabelo tso di makang ke Juda le Jerusalema go tshwana le ka dinako tsa ku botala, ka dinako tsa botalatala.+

5 Jehova wa masole o re: “Ke nyoko tla ke tl’le le yahluleng, ke nyoko napa ke yahlula baloyi,+ ba go maka bonghwahla, ba go tshepisana matsaka,+ ba go tsotsa motho wa gore o hiriwwe,+ mosadi wa gore o kgwele ke monna le ngwana wa gore aa na papa,+ le ba go gana go gelepa motho wa go fo tšwa a sepela.+ Bowa a baa šupetsa gore baa nhlompa.”

6 “Ka gore ke nna Jehova; a ke tšhentšhi.*+ Fote lune ke lune barwayi ba Jakobo; a go soko fela ka lune. 7 Go tlugisela ka dinako tsa bokokwane ba lune le keketlele ga melawo yaka fote a le ya yi theetsela.+ Boyaneng gaka, le nna ke nyoko boya ga lune,”+ go hlaya Jehova wa masole.

Mara lune le re: “Re ko di makisa go reng?”

8 “Ayitsano motho a ka ropa Modimo? Mara lune le ya nropa.”

Fote le re: “Re go ropiye ka ying?”

“Le šitegiye go leya sa lesome le meneyelo. 9 Le nyoko makegela ke tsa go sasamela, ka taba la gore le ya nropa⁠—eya, setšhaba ka mokana ga sona se maka ka mokgonone. 10 Leyaneng tsa lesome ka mokana ga tsona tempeleng,*+ gore go be le tsa go ja ntlong yaka;+ ke kgopela le nliketseneng ga taba yowa, le bone gore ayitsano nka sa le bulele digheyiti tsa magedimong+ ka le rufa la go sa hlayisegi go segela le sa sa gayela selo,”+ go hlaya Jehova wa masole.

11 “Nka sa sa lisetsa ditšiya di sinyanya dimilane tsa lune, ke nyoko thibelela ditšiya gore di sa sinyi diyengwa tsa nageng ya lune fote medhriva ya mašomong ya lune yi ka sa duli yi sa yengwe,”+ go hlaya Jehova wa masole.

12 “Ditšhaba ka mokana ga tsona di nyoko hlaya gore le jabodiye,+ ka gore le nyoko ba naga ya gore yi jabodiye,” go hlaya Jehova wa masole.

13 Jehova o re: ‘Tso le di hlayyeng ka nna di ya hlaba.”

Le re: “Re hlayye ying ka wene?”+

14 “Lune le re, ‘Go berekela Modimo a di gelepe ka selo.+ Go maka tso ne re tshwanele re mo makele tsona go re gelepiye ka ying? Go sepela re kgongwele mahlong ga Jehova wa masole go re gelepiye ka ying? 15 Gana byalo, bo ba go ba le magetla re ba tseya go le batho ba gore ba jabodiye. Bo ba go maka tsa go befa re bona ba phomelela.+ A ba tšebi go liketsa Modimo, fote a go na so se ba makegelang.’”

16 Ka nako yonone, bo ba gore ba tšhaba Jehova ke mo ba bolabodisana, ye mongwana le ye mongwana a bolabola le monghanage, Jehova o f’lo ya mahlong a ba theetsele gabutši. Fote puku ya segopotso ya thomisa go ngwadiwa mahlong gage+ ka bo ba tšhabang Jehova le bo ba ghayelang ka lebitso lage.+

17 Jehova wa masole o re: “Fote go nyoko ba ba gaka+ ka letšatši la mo ke maka gore go be batho baka ba go hlawolega.*+ Ke nyoko ba kwela go baba go tshwana le mo monna a mo kwela go baba morwayi wage wa gore wa mmerekela.+ 18 Le nyoko di bona fote gore motho wa go loka le wa go sa loka ba fapana ka ying,+ le gore motho wa go berekela Modimo le wa gore aa mmerekele ba fapana ka ying.”

4 Jehova wa masole o re: “Bonaneng! Letšatši le ye tla go tshwana le mollo wo mogolo,+ la gore ka mokana ga bona ba go ba le magetla le ka mokana ga bona ba go maka tsa go sa loka go nyoko ba nkare ke mahlaka. Go nyoko fela ka bona ka letšatši lone, fote go ka sa šale mudu kela lekala. 2 Mara lune ba gore le hlompa* lebitso laka, mo ga lune go nyoko hlaba letšatši la go maka gore go loke, fote go khanya le go belabela ga lona go nyoko le yalafa; le nyoko tshilatshila go tshwana le dinamane tsa gore ba di neyye tsa go ja gore di tsife.”

3 “Fote le nyoko gatelanya bo ba dipelo tse diphifadu, ka gore ba nyoko tshwana le lerole ka tlase ga mawoto ya lune ka letšatši la mo ke maka se sengwana,” go hlaya Jehova wa masole.

4 “Le sa libale Molawo wa lelata laka Moše, le sa libale tsa go le yetetsa gabutši le mokgwa waka wa go yahlula tso ke le butsiyeng tsona ku Horebe tsa gore di nyaka gore Israyele ka mokana ga yona yi di latelele.+

5 “Bonaneng! Ke roma moporofeta+ Eliya ga lune go soko segela letšatši le legolo la Jehova la gore fote le ya makatsa.+ 6 Yene o nyoko maka gore dipelo tsa bopapa di tshwane le tsa barwayi le gore dipelo tsa barwayi+ di tshwane le tsa bopapa, gore ke sa tle ke sinya lefase ka napa ke fetsa ka lona.”

(Hlatollo ya Mangwalo ya Seheberu-Searamo yi felela howa, go latela Mangwalo ya Sekreste ya Segerika)