Mafelelong ba Krayye Morwayi!

Abhrahama le Sara ne ba fetsiye mengwaga ya go tlala ba šadhiye. Ba yye ba šiya lephelo la bona la majabajaba ku Uri gore ba ye ba dule matenteng. Mara Sara a sanka a kokola ka taba la gore ne a tshepele ga Jehova.

Sara ne a nyaka go ba le ngwana ka matla, a šinya a botsa Abhrahama gore: ‘Mo Haghara lelata laka le ka ba le ngwana, go nyoko tshwana le mo go le waka.’ Mo nako yi kene yi ya, Haghara o yye a ba le morwayi. Lebitso lage ne go le Išimayele.

Ka nthago ga mengwaga, mo Abhrahama a na le 99 ya mengwaga fote Sara a na le 89 ya mengwaga, ba yye ba ba le kararo ya divakaši. Abhrahama o yye a ba mema gore ba dule fase ga mohlare fote a ba neya tsa go ja. Ayitsano wa tšiba gore divakaši tsone ne go le bomang? Ke mo go le mangeloyi! Ma butsiye Abhrahama gore: ‘Ka nako yonowa mongwaga wo tlang, wene le mosadi wago le ko ba le na le morwayi.’ Sara ne a theetsele a le letenteng lage. O yye a tshega a le ntoši ke mokane a re: ‘Ayitsano nka kgona go ba le bana ke tsofele ka mokgo?’

Mongwaga wa go latela, Sara o yye a belega morwayi, go ya ka mokgo lengeloyi la Jehova le tshepisiyeng. Abhrahama o mo reyye gore ke Isaka, ya gore yi rela gore “go tshega.”

Mo Isaka a na le kapheta ya mengwaga, Sara o bonne Išimayele a kwera Isaka. Ne a nyaka go tšhireletsa morwayi wage, ke mokane a ya ga Abhrahama a mo kgopela gore a rake Haghara le Išimayele. Mathomisong, Abhrahama ne a sa nyake go maka tsotsone. Mara Jehova a re ga Abhrahama: ‘Theetsela Sara. Ga Išimayele ke nyoko mo pasopa. Mara tso ke go tshepisiyeng tsona di nyoko tla ka Isaka.’