Jehova a Sanka a Lebala Josefa

Mo Josefa a sa le jele, Faro kgoši ya Egepita, yi yye ya lora meloro ya gore a go na motho wa go kgona go yi hlatolla. Ye mongwana wa malata yage o yye a botsa Faro gore Josefa a ka kgona go hlatolla meloro yone. Ka go yakgoswa Faro a ba roma gore ba late Josefa.

Faro o yye a mmutsisa gore: ‘Ayitsano o ka kgona go hlatolla meloro yaka?’ Josefa o butsiye Faro gore: ‘Egepita go nyoko ba le kašupa ya mengwaga ya gore go tlele tsa go ja, ke mokane ya latela ke kašupa ya mengwaga ya tlala. Kgeta motho wa gore o hlalefiye wa gore o nyoko kgoboketsa tsa go ja gore batho bago ba sa bolaye ke tlala.’ Faro o yitseri: ‘Ke kgeta wene! O ko ba motho wa bobedi wa go ba le matšhika mo Egepita!’ Josefa o di kgonne byang tsa go hlatolla meloro ya Faro? Jehova o gelepiye Josefa.

Ga kašupa ya mengwaga ya go latela, Josefa o yye a hlekeletsa tsa go ja. Ke mokane go yye gwa ba le tlala lefaseng ka moka, go fo ya ka mokgo Josefa a hlayyeng. Batho ba go tšwa ga dipoleke ka moka ne ba tla go tl’le reka tsa go ja ga Josefa. Papage, Jakobo, o di kwelele gore go na le tsa go ja Egepita, byalo a roma 10 ya barwayi bage gore ba ye ba reke tsa go ja.

Barwayi ba Jakobo ba yye ga Josefa, fote Josefa o yakgoswiye a ba tšiba gore bowa ke bobhuti bage. Mara bona ne ba sa di tšibi gore ke Josefa. Ba yye ba mo kgotamela, go fo ya ka mokgo Josefa a yyeng a lora mo a sa le ye monyana. Josefa ne a nyaka go tšiba gore ayitsano bobhuti bage ba sa na le mona. Ke mokane a re ga bona: ‘Le dimpimpi. Le tlile go tl’le boneng gore ke kaye ga gore poleke ya rune a ya pasopega.’ Ba yitseri: ‘Awwa! Ke rune 12 ya bobhuti ba go tšwa Kanana. Ye monwana wa bobhuti ba rune o hlokofele, fote ye monyana wa gona o šele le papa.’ Josefa a re: ‘Tlanneng le ye monyana wa gona, ke mokane nko le tshepa.’ Byalo ba boyela gaye ga papa bona.

Mo ba felela ke tsa go ja fote, Jakobo a roma barwayi bage gore ba boyele Egepita. Gana byalo ba boyele le Bhenjamini, go leng bhuti wa bona ye monyana. Gore a liketse bobhuti bage, Josefa o yye a tšhela komitši yage ya silva teng ga sekhwama sa Bhenjamini ke mokane a re bobhuti bage ba yi wutswiye. Mo malata ya Josefa ma kraya komitši yone teng ga sekhwama sa Bhenjamini, bobhuti bage ba yye ba tšhoga. Ba yye ba kgopela Josefa gore a wolole bona, a sa wolole Bhenjamini.

Byalo Josefa o yye a di bona gore bobhuti bage ba tšhentšhiye. Josefa o yye a šitega go ya mahlong a ba kwatele. O yye a se kgihla ke mokane a re: ‘Ke nna bhuti wa lune Josefa. Ayitsano papa o sa phela?’ Bobhuti bage ne ba makele ka matla. O ba butsiye gore: ‘Le sa kwe go baba ka taba la tso le yyeng la mmaka tsona. Modimo o nromele howa gore ke thogo phonisa maphelo ya lune. Gana byalo yakgoswaneng le tleneng le papa howa.’

Byalo ba segela ba botsa papa bona ditaba tsone tsa go jabodisa ke mokane ba boyela naye Egepita. Ka nthago ga mengwaga ya go tlala, Josefa le papage ba yye ba ba ggoši fote.