Mohlare wa go Dura Mollo

Moše o fetsiye 40 ya mengwaga a dula Midiyane. O yye a šadha a boya a ba le bana. Tšatše’nngwana mo a kene a disa dinku Thabeng ya Sinayi, o yye a bona selo sa go makatsa. Mohlare wa mmutlwa ne wo dura mollo mara ne wo sa swi! Mo Moše a šutela thina nawo a nyoko bona gore go makega ying, o yye a kwa lentsu le tšwa ga mohlare wone le re: ‘Moše! O sa šutele ho thina. Rola dimphašane tsago, ka taba la gore poleke yo o yemmeng ga yona yi hlawolegiye.’ Ne go le Jehova a bolabola a berekisa lengeloyi.

Moše ne a tšhugiye ke mokane a tithiba sefahlego. Lentsu lone la re: ‘Ke di bonne gore Maisrayele maa hlupega. Ke nyoko ma phonisa ga Maegepita fote ke nyoko ma yisa ga naga ya gabutši. Ke wene o nyoko yetetsang batho baka o ba ntsha Egepita.’ O nagana gore Moše ne a tikwa byang mo a kwa mantsu yane?

Moše o butsisiye gore: ‘Ke hlaye gore king mo ba mputsisa gore ke romme ke mang?’ Modimo a re: ‘O ba botse gore Jehova Modimo wa Abhrahama, Modimo wa Isaka le Modimo wa Jakobo o nromme ga lune.’ Ke mokane Moše a re: ‘Ke make byang mo nkare a ba ntheetsele?’ Jehova o yye a mo šupetsa gore O nyoko mo gelepa. O butsiye Moše gore a lahlele thoka yage fase. Ke mokane thoka yela ya tšhentšha ya ba noga! Mo Moše a tshwara mosela wa noga yone, ya tšhentšha ya ba thoka fote. Jehova a re: ‘Mo o maka dilo tsowa ba nyoko go tshepa gore o romme ke nna.’

Moše a re: ‘A ke kgone go bolabola gabutši.’ Jehova a mo tshepisa gore: ‘Ke nyoko go botsa gore o segele o re king, fote ke nyoko romela bhuti wago Aroni gore a go gelepe.’ Mo a di tšiba gore Jehova o naye, Moše o tsere mosadi wage le barwayi bage a boyela Egepita.