Tso ba Tshepisiyeng Jehova

Ka nthago ga dikgwedi ka dipedi ba tlugiye Egepita, Maisrayele ma segele Thabeng ya Sinayi ke mokane ma kampa gana hone. Jehova o yye a bitsa Moše gore a rotoge thaba ke mokane a mmotsa gore: ‘Ke phonisiye Maisrayele. Mo ba ka ntheetsela fote ba latelela melawo yaka, ba nyoko ba batho baka ba go hlawolega.’ Moše o yye a boyela nthago ke mokane a botsa Maisrayele tso Jehova a di hlayyeng. Ba yye ba fetola ba re king? Ba fetodiye ka gore: ‘Re nyoko maka se sengwana le se sengwana so Jehova a reng re se make.’

Moše o yye a rotogela thabeng fote. Ke mokane Jehova a re: ‘Nko bolabola nago ka nthago ga kararo ya matšatši. Botsa batho gore ba sa liketse go tla Thabeng ya Sinayi.’ Moše o yye a boyela nthago ke mokane a botsa Maisrayele gore ma tilukiselele ka gore Jehova o nyoko tla a bolabola nabo.

Ka nthago ga kararo ya matšatši, Maisrayele ma bonne legadima le liru le le phifadu ku thabeng. Fote ba kwile leduma le rasa le modumo wa phalafala. Ke mokane Jehova a tla ga thaba yone ka mollo. Maisrayele ne ma tšhugiye ka matla ma šinya ma hlagasela. Thaba yone yi yye ya tekateka ka matla fote ne yi tlele mmuši. Modumo wa phalafala wo yye mahlong wo kene wo rasa ka matla. Ke mokane Modimo a re: ‘Ke nna Jehova. O sa rapele medimo ye mengwana.’

Moše a boyela thabeng ke mokane Jehova a mo neya melawo ya gore batho di nyaka ba Mo rapele byang le gore ba titshware byang. Moše o ngwadiye melawo yone ke mokane a yi balela Maisrayele. Ba mo tshepisiye gore: ‘Re nyoko maka se sengwana le se sengwana so Jehova a reng re se make.’ Eya, ba tshepisiye Modimo. Mara ayitsano ba yye ba maka tso ba di tshepisiyeng?