Tabarenakele ya go Rapela ga Yona

Nakwela Moše a le Thabeng ya Sinayi, Jehova o yye a mmotsa gore a yage letente la go hlawolega, lo ba reng ke tabarenakele, la gore Maisrayele ma nyoko mo rapela ga lona. Ne ba nyoko kgona go rwala tabarenakele yone mo ba kene ba sepela.

Jehova o yitseri: ‘Botsa batho gore ba neyele ka tso ba nang natso gore ba gelepe go yaga tabarenakele.’ Maisrayele ma neyele ka gholdi, silva, koporo, matlapa ya go hlawolega le tsa go tikgabisa. Ba boya ba neyela ka gare, llapi la linene, mokgopa wa diphoolwane le dilo tse dingwana tsa go tlala. Ba yye ba neyele ka dilo tsa go tlala, Moše a šinya a hlaya gore: ‘Di yenele! Le sa sa neyela ka tse dingwana.’

Banna ba go tlala ba digele le basadi ba yye ba gelepa go yaga tabarenakele. Jehova o makiye gore ba hlalefe gore ba thogo maka mmereko wone. Ba bangwana ne ba maka gare le go roka malapi. Ba bangwana ne ba bereka ka matlapa, gholdi le go betla mapolanka.

Batho ba yagiye tabarenakele ka mokgo Jehova a ba butsiyeng ka gona. Ba makiye legaredheni la go bafala la go kgera tabarenakele gore yi be le dikopa ka dipedi, ga go Hlawolega le ga go Hlawolega ka Matla. Ga go Hlawolega ka Matla ne go na le areka ya go kwanisanya ya go makiwa ka mohlare wa moreke. Ga go Hlawolega ne go na le setšhubampara sa gholdi, tafola le aletare ya go tšhubela tsa go nkgela. Ka lapeng ne go na le lepolete la koporo le aletare ye kgolo. Areka ya go kwanisanya ne yi gopotsa Maisrayele gore ma tshepisiye gore ma nyoko theetsela Jehova. Ayitsano wa di tšiba gore kwano king? Ke tso o di tshepisang Jehova tsa go hlawolega.

Jehova o hlawodiye Aroni le barwayi bage gore ba bereke tabarenakeleng go le maprista. Ne ba tshwanele ba yi pasope ba boye ba makele Jehova dihlabelo ga yona. Ne go le moprista ye mogolo Aroni fela, wa gore ne ba mo dumelele gore a kene ga go Hlawolega ka Matla. Ne a kena ga teya ka mongwaga gore a make sehlabelo ga tso a di sinnyeng, tso di sinnyeng ke ba mutši wage le tso di sinnyeng ke setšhaba ka moka sa Israyele.

Maisrayele ma fetsiye go yaga tabarenakele ka nthago ga mongwaga ma tlugiye Egepita. Gana byalo ba na le poleke ya go rapela Jehova ga yona.

Jehova o makiye gore go gadima gage go be ka tabarenakeleng fote liru le be ka kgakala ga yona. Mo liru le le gedimo ga tabarenakele, Maisrayele ne ma dula ma sa yi felo. Mara mo liru lone le tloga, ne ma di tšiba gore di nyaka ma sepele. Ne ma hlomolla tabarenakele ke mokane ma šala liru nthago.