Ba Yye ba Jikela Jehova

Mo se go fitiye nakonyana, Maisrayele ma sa le gana mone mašahleng, Kora, Dathani, Abhiramo le 250 ya banna ba bangwana ba yye ba jikela Moše. Ba yitseri gage: ‘Se re kwile ka wene! Ke ntaba go le wene o re yetetsang fote Aroni go le moprista ye mogolo? Jehova o na le rune ka moka, go seng wene le Aroni fela.’ Tsone a dya mo jabodisa ga Jehova. Ne a bona ba mo jikela!

Moše a botsa Kora le banna bo ba yemang naye gore: ‘Ka motshwana tlanneng tabarenakeleng, le tleneng le tsa go rwala magala le tsa go tšhubiwa tsa go nkgela. Jehova o nyoko re šupetsa ye a mo hlawodiyeng.’

Ka motshwana wa gona, Kora le 250 ya banna ba yye ba gahlana le Moše tabarenakeleng. Ba segela ba tšhuba tsa go nkgela, ba timaka nkare ke bona maprista. Jehova o butsiye Moše le Aroni gore: ‘Tloganeng thina le Kora le banna bage.’

Le mo nkare Kora o yye le Moše tabarenakeleng, Dathani, Abhiramo, le ba mitši ya bona ba ganne go ya. Jehova o butsiye Maisrayele gore ma tloge ga matente ya Kora, Dathani le Abhiramo. Ka go yakgoswa Maisrayele ma yye ma tloga. Dathani, Abhiramo le ba mitši ya bona ba yye ba yema ka tawong ga matente ya bona. Ka nako yonone lefase la bulega ke mokane la ba kgwisa! Ku tabarenakeleng, go yye gwa ba le mollo fote wa tšhuba Kora le 250 ya banna bone.

Ke mokane Jehova a botsa Moše gore: ‘Tseya dithoka tsa banna bo ba yetang meloko mahlong, o boye o ngwale mabitso ya bona ga tsona. Mara ga thoka ya moloko wa Llifi o ngwale lebitso la Aroni. Di beye ka teng ga tabarenakele, thoka ya monna ye ke mo hlawodiyeng yi nyoko mila mabhlomu.’

Ka motshwana wa gona, Moše a ntsha dithoka tsela a ba šupetsa tsona. Thoka ya Aroni ne yi midiye mabhlomu fote yi na le dimaka tsa dialimonde. Jehova o šupetsiye ka mokgonone gore o kgeta Aroni gore go be moprista ye mogolo.