Wa Nyuwane wa go ba Yeta Mahlong le Basadi ka Babedi ba go ba le Lešiši

Jošuwa o yye a kgwa mo a na le 110 ya mengwaga, ka nthago ga go yetetsa batho ba Jehova mengwaga ya go tlala. Mo a sa phela, Maisrayele ma yye ma rapela Jehova. Mara ka nthago ga gore Jošuwa a kgwe, Maisrayele ma yye ma thomisa go rapela medimo ya dithombhe, go tshwana le Makanana. Mara ka taba la gore a ba ya mahlong ba theetsela Jehova, Modimo o dumelele kgoši ya Makanana yo ba reng ke Jabhini gore yi ba thathafisele lephelo. Setšhaba se yye sa kgopela Jehova gore a se gelepe. Byalo Jehova o yye a ba neya Bharake gore a ba yetetse. Ne a nyoko thuša setšhaba gore se boyele ga Jehova.

Debhora, go leng moporofeta wa mosadi, o yye a bitsa Bharake. Ne a nyoko mmotsa molayetsa wa go tšwa ga Jehova wa gore: ‘Tseya 10 000 ya banna, le ye le gahlane le masole ya Jabhini ku moyeding wa Kišoni. Gana mone o nyoko hlula Sisera le ndhuna ya masole ya Jabhini.’ Bharake a botsa Debhora gore: ‘Nko ya mo nkare o nyoko sepela le nna.’ Debhora o yitseri: ‘Nko sepela nago. Mara o tšibe gore a yi wene ye a nyoko bolayang Sisera. Jehova o yitseri ke mosadi ye a nyoko bolayang Sisera.’

Debhora o yye a sepela le Bharake le masole yage ba ya Thabeng ya Tabhore gore ba ye tilukiselela ntwa. Mo Sisera a di kwelela, o yye a lukisa dikotšikara tsage tsa ntwa le masole yage ba ya moyeding. Debhora a botsa Bharake gore: ‘Lekgono Jehova o nyoko maka gore o hlule.’ Bharake le 10 000 ya banna ba tloga mone thabeng gore ba ye ba gahlane le masole ya Sisera ya go ba le matšhika.

Jehova o makiye gore Moyedi wa Kišoni wo be le meetši ya go tlala. Ke mokane sekotšikara sa Sisera sa potlomela marageng. Sisera a šiya sekotšikara sage ke mokane a tšhaba. Bharake le masole yage ma yye ma hlula masole ya Sisera, mara Sisera o yye a tšhaba! A tšhabela letenteng la mosadi ye ba reng ke Jayele, a wutama gona. Jayele o yye a mo neya lebese gore a nwe, a boya a mo kgapega ka lepayi. Lesole lone la gore le tinne le yye la ya ka boroko. Ke mokane Jayele a mo tsatsankela a segela a mo kokotela ka tshipi ya letente hlogong yage. A napa a kgwa.

Bharake o tlile a nyakana le Sisera. Jayele o tšwile letenteng lage ke mokane a re: ‘Kena. Ke nyoko go šupetsa monna ye o nyakanang naye.’ Bharake o yye a kena a bona Sisera a kgwile gana mone. Bharake le Debhora ba yye ba thanaka Jehova ka koša gore o makiye gore Maisrayele ma hlule manaba ya wona. Ga 40 ya mengwaga ya go latela, Israyele ne go bebiye.