Dafita le Sawulo

Ka nthago ga gore Dafita a bolaye Gholiyate, Kgoši Sawulo o yye a maka gore a wokamele masole yage. Dafita o yye a hlula dintwa tsa go tlala, fote o yye a tuma ka matla. Nako le nako mo Dafita a boya gaye a tšwa ntweng, basadi ke mo ba tšwa ba bina fote ba yepelela ba re: ‘Sawulo o bolayye dikiti ke mokane Dafita o bolayye dikitikiti!’ Sawulo o yye thomisa go jelasela Dafita fote ne a nyaka go mmolaya.

Dafita ne a kgona go kgana harepa gabutši. Tšatše’nngwana mo Dafita a kganela Sawulo harepa, kgoši yi yye ya mmoša ka lerumo. Dafita o yye a phema ke mokane lerumo lela la hlaba lepharo. Ka nthago ga hone, Sawulo o yye a liketsa ga tleletlele gore a bolaye Dafita. Dafita o yye a feleletsa a tšhabiye ke mokane a wutama mašahleng.

Sawulo o tsere 3 000 ya masole gore ba ye nyakela Dafita. Di f’lo makega gore a kene ga lekori lo Dafita le banna bo ne a sepela nabo ne ba wutamme ga lona. Banna bone ba yye ba bolabola le Dafita ba sebaseba ba re: ‘Lowa ke lešuba lago la gore o bolaye Sawulo.’ Dafita o yye a tsatsankela a kopa mo mafelelong ga kobo ya Sawulo ya go se na matsogo. Sawulo a sanka a di bona tsone. Ka nthago, Dafita o yye a tisola gore aa hlompa kgoši yo yi kgetiyeng ke Jehova. A sanka a dumelela banna bo ne a sepela nabo ba hlasele Sawulo. O yye a yahlamela Sawulo a mmotsa gore ne a krayye lešuba la go mmolaya. Ayitsano Sawulo o yye a tšhentšha ka mokgo a tikwang ka Dafita?

Awwa. O yye mahlong a nyakela Dafita. Bošego byo bongwana Dafita le motlogolo wage Abhišayi ba yye ba kena kampeng ya Sawulo ba sa bone ke motho. Le mong Abhonere, wa go pasopa Sawulo ne a yetsele. Abhišayi o yitseri: ‘Lowa ke lešuba la rune! Yema ke mmolaye.’ Dafita a fetola a re: ‘Jehova o ko bonana le Sawulo. Tla re fo tseya lerumo le pitsa yage ya meetši ke mokane re sepele.’

Dafita o yye a kalama thaba ya thina le mo Sawulo ne a kampiye gona. O yye a yahlamela a re: ‘Abhorene, ke ntaba o sa tšhireletsa kgoši yago? Yi kaye pitsa ya Sawulo ya go nwa meetši le lerumo lage?’ Sawulo o yye a kwa gore ke lentsu la Dafita ke mokane a re: ‘Nke o kgetiye go mpolaya mara a wa mpolaya. Ke ya di tšiba tsa gore ke wene kgoši ya go latela ya Israyele.’ Sawulo a boyela gaye gage. Mara a yi batho ka moka ba mutši wa Sawulo ba gore ne ba hloyye Dafita.