Masole ya Jehova ya go Dura Mollo

Kgoši ya Siriya, Bhene-hadadi, o yye mahlong a kene a hlasela Israyele. Mara moporofeta Eliša ne a dula a pasopisa kgoši ya Israyele, byalo o yye a kgona go tšhaba. Bhene-hadadi o yye a nyaka go tshwara Eliša. O yye a di kwelela gore Eliša o mutšing wa Dothane, ke mokane a romela masole ya Siriya gore ba mo tshware.

Masiriya ma segele Dothane bošego. Ka motshwana wa gona ka bošego, lelata la Eliša le yye la tšwela ka tawong la bona mutši wo dukulugiye ke masole ya go tlala. Ne a tšhugiye ke mokane a yahlamela a re: ‘Eliša, re nyoko maka byang?’ Eliša o mmutsiye gore: ‘Bo ba nang le rune ba tlele go feta bo ba nang nabo.’ Ka nako yonone, Jehova o yye a maka gore lelata la Eliša le di bone tsa gore dithaba tsa go dukuluga mutši wone di tlele ka dipera le dikotšikara tsa go dura mollo.

Mo masole ya Masiriya ma liketsa go tshwara Eliša, o yye a rapela a re: ‘Jehova ke kgopela o ba make gore ba popele mahlo.’ Ka nako yonone, le mo nkare masole yane ne ma kgona go bona, mara ne ma sa di tšibi gore ma kaye. Eliša o yye a botsa masole yane gore: ‘Le ga mutši wa gore a yi wona. Nšaleneng nthago, nko le šupetsa motho ye le nyakanang naye.’ Ba yye ba šala Eliša nthago go segela ba kena Samariya, mo go dulang kgoši ya Israyele.

Mo ba re phaphara, Masiriya ma yye ma di bona gore ma kaye. Kgoši ya Israyele yi yye ya butsisa Eliša gore: ‘Ke ba bolaye?’ Ayitsano Eliša o yye a berekisa lešuba lowa gore a kwaletse batho bo ba gore ba liketsiye go mo kwaletsa? Awwa. Eliša o yitseri: ‘O sa ba bolaye. Ba neye tsa go ja, ke mokane o ba lisetse ba sepele.’ Byalo kgoši yi yye ya ba makela monyanya wo mogolo, ke mokane ya ba lisetsa ba ya gaye.