Tso di Ngwadiwweng Lepharong

Mo nako yi kene yi ya, Bhelšazara o yye a ba kgoši ya Bhabhilona. Bošego byo bongwana, o yye a maka monyanya ke mokane a mema sekiti sa banna ba go tseyediwa gedimo. O butsiye dibereki tsage gore di ntshe dikomitši tsa gholdi tsa gore Nebhukhadhinezara o di tsere tempeleng ya Jehova. Bhelšazara le divakaši tsage ba nwele ga dikomitši tsone fote ba thanaka medimo ya bona. Ka nako yonone, go yye gwa nyarela letsogo la motho la thomisa go ngwala mantsu ya gore ne ba sa kgone go ma bala lepharong la kamara ya go jela.

Bhelšazara o yye a tšhoga. A bitsa batho bage ba go maka tsa masalamose fote a ba tshepisa gore: ‘Ye a ka nhlatollelang mantsu yawa, o nyoko ba wa boraro wa go lawola ga mmušo wa Bhabhilona.’ Ba liketsiye, mara a go na ye a kgonneng go ma hlatolla. Mmane wa kgoši a kena a segela a re: ‘Go na le monna ye mongwana ye ba reng ke Daniyele wa gore ne a fela a hlatollela Nebhukhadhinezara meloro yage. A ka kgona go go hlatollela mantsu yawa.’

Daniyele o tlile ga kgoši. Bhelšazara o yitseri gage: ‘Mo o ka bala mantsu yawa wa boya wa nhlatollela wona, ke nyoko go neya nekleyisi fote ke ya go maka wa boraro ga bo ba go lawola Bhabhilona.’ Daniyele a re: ‘O sa nneye selo, mara nko go botsa gore mantsu yawa ma ra gore king. Papago Nebhukhadhinezara ne a na le magetla, mara Jehova o mo nyanafatsiye. O tšiba dilo ka moka tso di mo makegeleng, mara o dhelela Jehova ka go nwa wayini o berekisa dikomitši tsa gholdi tsa gore le di tsere tempeleng Yage. Byalo Modimo o ngwadiye mantsu yawa: Mene, Mene, Tekele le Parasini. Mantsu yawa ma ra gore Mamede le Maperesiya ma nyoko hlula Bhabhilona, fote o ka sa sa ba kgoši.’

Ne di bonala nkare a go na motho wa gore a ka kgona go hlula Bhabhilona. Mutši wowa ne wo tšhireletsiye ke mapharo ya magolo le noka ya go yisa. Mara byona bošego byobyone, Mamede le Maperesiya ma yye ma hlasela. Kgoši Sayirase wa Peresiya o yye a maka gore noka yone yi psye gore masole yage ma segele digheyiting tsa mutši. Mo ma segela, digheyiti ne di bulegiye! Masole yane ma kena, ma hlula mutši wone ma boya ma bolaya le kgoši. Ke mokane Sayirase go biye kgoši ya Bhabhilona.

Go soko fela mongwaga, Sayirase o hlayye gore: ‘Jehova o mputsiye gore ke tsosetsele tempele ku Jerusalema. Bo ba nyakang go ye gelepeng ba ka ya.’ Byalo go ya ka mokgo Jehova a tshepisiyeng, Majuda ya go tlala ma yye ma boyela gaye ka nthago ga 70 ya mengwaga Jerusalema yi psyitlanyiwwe. Sayirase o busetsiye dikomitši tsa gholdi le tsa silva le ditša tso Nebhukhadhinezara a di tseyyeng tempeleng. Ayitsano o kgona go bona ka mokgo Jehova a berekisiyeng Sayirase go gelepa batho Bage?